( ၂၀၁၅ သြဂုတ်လထုတ် ဂမ္ဘီရမဂ္ဂဇင်းတွင် ဖော်ပြခြင်းခံရသော ဝတ္ထုတိုတစ်ပုဒ်ဖြစ်ပါသည် )
ခြံရှေ့မှာ လူစိမ်းတစ်ယောက် ။
ဟိုကြည့်ဒီချောင်းနဲ့
ရစ်သီရစ်သီလုပ်နေလေရဲ့။ မိညိုတို့ခြံဝန်းကြီးအကြောင်း ရွာထဲမှာ
ဒီလောက်သတင်းကြီးတဲ့ဟာကို
သူ မသိဘူးလား မပြောတတ်ပေါင် ။
အင်း…
မိန်းကလေးတစ်ယောက်
ဖြစ်နေလို့လည်း မိန်းမချင်းမို့ ချောင်းရုံချောင်းတာလောက်ကို
ခွင့်လွှတ်လိုက်ပါမယ်လေ
။ သူက ခြံထဲကို ကျူးကျော်ဝင်လာတာမှ မဟုတ်ဘဲ ။
အဲ…
ဒါပေမဲ့
…ဒါကလည်း မိညိုမို့လို့ပါနော် ။ မိညိုရဲ့အစ်မတွေဖြစ်တဲ့ မိဝါနဲ့မိစိမ်းတို့သာဆိုရင်
ဘယ်အချောင်းခံလိမ့်မလဲ ။ လာ ချောင်းတာနဲ့ တစ်ခုခုလုပ်ထည့်လိုက်ပြီ ။ သူတို့က
သိပ်စိတ်ဆတ်တာ
။ နည်းနည်းမှ အလွဲခံတာ မဟုတ်ဘူး ။
မိညိုလား…
မိညိုကတော့လေ
စိတ်နုတယ် ။ ကံအကြောင်းတရား မလှလို့သာ ဒီဘဝကြီးမှာ နေနေရတာ။
ဖြစ်နိုင်မယ်ဆိုရင် မိညိုက…
အို… စိတ်ကူးယဉ်စကားတွေ မဆိုတော့ပါဘူး ။ duty is duty .
တာဝန်က တာဝန်ပဲလေ ။ မိညိုမှာ
တာဝန်ရှိတယ် ။ ဒီခြံ ကြီးထဲကို လူစိမ်းတွေ လာမရှုပ်စေဖို့
မိညို ထိန်းသိမ်းစောင့်ရှောက်ရမယ်
။ ဒီတော့…ဒီအမျိုးသမီး ဘာလာချောင်းသလဲ သိရအောင်
သွားစောင့်ကြည့်ဦးမှ ။
ဒီအတွေးနဲ့ အိမ်ပေါ်က ဆင်းလာတုန်း အဲဒီအမျိုးသမီးရဲ့အပြုအမူကြောင့်
မိညို အံ့သြသွား
ရတယ် ။ အလို…သူက ခြံ စည်းရိုးတိုင်ပေါ်ကို စံပယ်ပန်းကုံးလေး တင်ပြီး
နှုတ်ကလည်း…
“ ခြံရှင်တို့…ခြံရှင်တို့နဲ့ မိတ်ဆွေဖြစ်ပါရစေ
။ ခြံရှင်တို့အတွက် ကျွန်မကိုယ်တိုင် ခူးပြီးသီလာတဲ့
စံပယ်ပန်းကုံးလေးကို လက်ဆောင်ပေးပါတယ် ။ ပန်းလိုမွှေး ၊ စမ်းလိုအေးပါစေ
။
စိတ်ချမ်းသာ ၊ ကိုယ်ကျန်းမာပါစေ ။ ကျွန်မကို တစ်ခုပဲ အခွင့်ပြုပါ ။ ကျွန်မ ဒီခြံစည်းရိုး
တလျှောက်မှာရှိနေတဲ့
သပြေညွန့်တွေကို ခူးချင်ပါတယ် ။ ကျွန်မက ရွာထဲမှာနေတဲ့
ဆင်းရဲသူတစ်ယောက်ပါ ။ စီးပွားမရှာတတ်လို့ ဒီသပြေညွန့်တွေကို
ခူးပြီး မြို့မှာ
သွားရောင်းချင်ပါတယ် ။ ဒါပေမဲ့…ကိုယ့်သဘောနဲ့ကိုယ် မလုပ်ဝံ့ပါဘူး ။ ခြံရှင်တို့ ခွင့်ပြုမှပဲ
ခူးပါ့မယ် ။ အကယ်လို့ ခြံရှင်တို့ ခွင့်ပြုတယ်ဆိုရင် ဒီစံပယ်ကုံးလေးကို ခြံရှင်တို့ လက်ခံပေးပါ ။”
ဒီလိုမျိုး
တတွတ်တွတ်ရွတ်နေတယ် ။
မိညိုရဲ့တစ်သက် ဒီအပြုအမူမျိုးကို မမြင်ခဲ့ဖူးလို့
တော်တော်အံ့သြသွားမိတယ် ။
ဘယ်လိုလူပါလိမ့် ။ ငေးကြည့်နေမိ တုန်းမှာပဲ သူက ပြုံးရွှင်တဲ့အမူအရာနဲ့
မိညိုရှိရာကို
လှမ်းကြည့်ပြီး လှည့်ထွက်သွားတယ် ။ သူ့မျက်ဝန်းတွေက ပြုံးပြုံးရီရီနဲ့
ခင်မင်စရာကြီး ။
သူ ထွက်သွားမှ ခြံစည်းရိုးတိုင်နားကို မိညို လျှောက်လာလိုက်တယ် ။
အယ်…စည်းရိုးပေါ်မှာ
သူ ထားခဲ့တဲ့ စံပယ်ပန်းကုံးလေးက ဖြူဖြူဖွေးဖွေး မွှေးမွှေးကြိုင်ကြိုင်နဲ့ ။
သူက မိညိုတို့ဖို့
အမှန်ပဲ တကူးတကခူးသီလာပုံရရဲ့ ။ စံပယ်ပန်း ကုံးလေးကို လှမ်းယူရင်း
မိညို သူ့ကို ခင်သွားမိပြီ
။
“ အောင်သပြေရိပ် ” မဟာစံအိမ်တော် ။"
နာမည်က
ခန့်ထည်သလောက် ရာဇဝင်ကလည်း ဆန်းကြယ်လှသည် ။ လွန်ခဲ့သောနှစ်(၁၀၀)ကျော်က ထိုအောင်သပြေရိပ်
မဟာစံအိမ်တော်ကြီးတွင် မင်းမျိုးမင်းနွယ်တစ်စု ပုန်းအောင်းကာ လျှို့ဝှက်စွာနေထိုင်ခဲ့ကြသည်
။ အင်္ဂလိပ် အုပ်စိုးသော ကာလဖြစ်သည်မို့ မဟာမျိုးမဟာနွယ်တို့အဖို့ အန္တရာယ်က လက်တစ်ကမ်းရယ်
မဟုတ်ပါလား ။ သို့ဖြစ်၍ အိမ်စေတချို့နှင့် အိမ်တော်ထိန်းကြီးမှလွဲ၍ မဟာနွယ်ဝင်တို့သည်
ရွာထဲသို့ မဆိုထားနှင့် ။ အိမ်ထဲကအိမ်ပြင်တောင် မထွက်ဝံ့ကြဘဲ သူတို့ရှိ ၍ရှိမှန်းမသိအောင်
ပိရိစွာနေထိုင်ခဲ့ကြ၏ ။ သို့သော်လည်း…
ဝိသမလောဘသားတို့၏သဘောကိုက ဆိုးလှပါသည် ။ ရွာထဲမှအင်္ဂလိပ်အလိုတော်ရိတစ်စုက
မြို့အုပ်မင်းထံ မျက်နှာ လိုမျက်ရလုပ်ကာ ထိုသတင်းကို သွားပို့ခဲ့သည်
။ ပို့တော့လည်း ရိုးရိုးမပြောဘဲ
ပုန်ကန်ရန် လူစုနေသယောင် “ကား”သည် ။ မင်းမျိုးမင်းနွယ်ဆိုကတည်းက ရွံ့ကြောက်လန့်ထိတ်
နေကြသော-နယ်ချဲ့တို့ကလည်း ထိုခြံဝန်းကို သိမ်းပိုက်ကာ သူပုန်များ
ကို ဖမ်းဆီးမည်ဟု အမိန့်ထုတ်
ခဲ့သည် ။ ခြံသို့ အားချင်းချီတက်လာကြသည် ။
ထိုသတင်းကို “အောင်သပြေရိပ်”မဟာစံအိမ်တော်က မည်သို့မည်ပုံ
ကြိုတင်ကြားသိသလဲ
မပြောတတ် ။ ပိုင်ဆိုင်သော ပစ္စည်းဥစ္စာများကို သင့်တော်ရာတွင် သိုဝှက်သိမ်းဆည်းပြီး
သန့်စင်သောအဝတ်အစား ၊ မွှေးကြိုင်သောနံ့သာရည်တို့ဖြင့် ကိုယ့်ကိုယ်ကို အလှဆုံးတန်ဆာ
ဆင်ပြီးသကာလ
မြတ်ဘုရားရှင်ထံတွင် သစ္စာပြုတိုင်တည်ကြသည် ။
“ အောင်သပြေရိပ်မိသားစုသည် ဘုရား ၊ တရား ၊ သံဃာရတနာသုံးပါးကို
အသက်ထက်ဆုံး
ကြည်ညိုကိုးကွယ်သူများ ဖြစ်ပါသည် ။ ဤမှန်သောသစ္စာစကားကြောင့် နောင်ပွင့်တော်မူမည့်
အရိမေတ္တေယျမြတ်စွာဘုရားရှင်အား ဖူးမြော်ခွင့်ရပါစေ ။ တရားထူးတရားမြတ်ကို နာကြားကာ
ကျွတ်တန်းဝင်ရပါစေသား
။”
ထိုသို့
သစ္စာပြုဆုတောင်းပြီးနောက်တွင် တပါးသူ၏အနိုင်ကျင့်သတ်ဖြတ်မှုကို မခံလိုသော
မာန်ထက်သူများပီပီ
အင်္ဂလိပ်တို့ လာရောက်မသိမ်းပိုက်မီ သူတို့ကိုယ်သူတို့ အဆုံးစီရင်
လိုက်ကြတော့သည် ။
ဤရာဇဝင်သည် အဖြစ်မှန် ဟုတ်လေသလား / မဟုတ်လေသလားကို
မာလာ မသိပါ ။ သို့သော်…သိတတ်စအရွယ်ကတည်းက ထိုခြံဝန်းနှင့်ပတ်သက်သည့်-ရာဇဝင်ကို အိပ်ရာဝင်ပုံပြင်ပမာ
မကြာခဏနားဆင်နေရ၍ အလွတ်ရခဲ့ပြီ။ နောက်ဆက်တွဲအနေဖြင့် သတ်သေသောလူစုသည် မြှုပ်နှံ
လျှို့ဝှက်ထားသော-ပစ္စည်းဥစ္စာတို့ကို
စွဲလန်းကာ ထိုခြံထဲတွင် မကျွတ် လွတ်ဘဲ ရှိနေကြသည် ။
အင်္ဂလိပ်တို့ လာရောက်သည့်အခါ၌ ခြံဝန်းကို
မတွေ့ရဘဲ မြေကွက်လပ်ကြီးကိုသာ တွေ့မြင်ကြ၍
မျက်နှာလုပ်သူတစ်စုမှာ မျက်နှာမရ၊ ခြေထောက်ရကြသည်
။ ထိုစဉ်ကတည်းက ဝုန်းခနဲပျောက်
ကွယ်သွားသော-အောင် သပြေရိပ်စံအိမ်တော်ကြီးသည် နိုင်ငံ
သာယာအေးချမ်းသည့်အခါမှ နေရာ၌
ဘွားခနဲပြန်ပေါ်လာသည်ဟု ဆို၏ ။
ခြံအနီးအပါးသို့ ချည်းကပ်လာသူများကို ချောက်လှန့်ထုတ်သည်
။ လူ့ဘဝတုန်းက ကုသိုလ်ကံ
ကြီးမားပြီး အကျင့်သီလ စင်ကြယ်ခဲ့သူများဖြစ်၍ တန်ခိုးဣိတ္ထိပတ်မြင့်မားသည်
။ ခြံထဲသို့ စော်ကား
နှောင့်ယှက်ရန် ကျူးကျော်ဝင်လာသူများကို အသက်သေလုသည်အထိ ပြုစားပစ်နိုင်စွမ်းရှိသည်ဟု
ရွာလူကြီးများက အဆင့်ဆင့် လက်ဆင့်ကမ်းပြောဆိုခဲ့ကြသဖြင့် မာလာတို့လက်ထက်၌ ထိုခြံဝင်း
နားသို့
ကပ်ဝံ့သူဟူ၍ မရှိတော့ချေ ။
r r r
မာလာတစ်ယောက် မနက်ဖြန်ဆိုလျှင် အသက်(၁၆)နှစ်
ပြည့်တော့မည် ။ အမေက
စီးပွားရှာလျှင်ရှာ ၊ မရှာလျှင် အိမ် ထောင်ချပေးမည်ဟု တိုက်တွန်းနေသည်
။ မာလာတို့ရွာမှာ
သည်လိုပါပဲ ။ အသက်(၁၆)နှစ်ပြည့်၍ အပျိုဖော်ဝင်ကာ အလှ ပြည့်စုံပြီဆိုလျှင်
အစွမ်းကုန်
ဖူးပွင့်နေသော-ပန်းကံ့ကော်လို ရောင်းတန်းဝင်သည့်သဘော ရှိသည် ။ ထိုအချိန်တွင်
လာ ရောက်စပ်ဟပ်သူ အများဆုံးကာလဖြစ်သည် ။ သို့ကြောင့်…မိန်းမသားပီပီ စီးပွားမရှာချင်
၊
အလုပ်ကြမ်းကို ပင်ပင်ပန်းပန်း မလုပ်ချင်သူအများစုသည် အသက်(၁၆)နှစ်ကျော်သည်နှင့်
အိမ်ထောင်ပြုလိုက်ကြတော့သည်
။
မာလာကတော့ အိမ်ထောင်မပြုချင်ပါ ။ ဤအရွယ်ဟာ အိမ်ထောင်ပြုရန်
ငယ်လွန်းပါ
သေးသည် ။ ဘဝမှာ လေ့လာမှတ်သားစရာတို့ အများကြီးကျန်ရှိနေသေးရာ အိမ်ထောင်ပြုခြင်းဖြင့်
ထိုလေ့လာမှတ်သားစရာဗဟုသုတများ၏အဝေးသို့ မာလာ ပြေးမထွက်ချင် ။ သို့ဖြစ်၍…
အမေ့စကားအတိုင်း
စီးပွားရှာရတော့မည် ။ စီးပွားရေးတစ်ခုခုလုပ်ကာ ဝင်ငွေရှိနေပါမှ
အမေကလည်း မာလာ့ကို ကြည်ဖြူမှာ
မဟုတ်လား ။
ဟင်…မိဘဖြစ်ပြီး သားသမီးကို မသထာဘူးလားဟူ၍ အပြစ်တင်မစောပါနှင့်ဦး
။
မာလာတို့ဘဝအခြေအနေကလည်း ဆိုးလွန်းသည် ။ မာလာတို့ နေထိုင်သည့်အိမ်က
အိမ်ဟုသာခေါ်ရ၏
။ တဲသာသာ ။ ဆင်းရဲလှပါသည် ။ သည်တော့…သား သမီးများ၏
တာဝန်ကို မိဘများက ကြာရှည်စွာ မထမ်းရွက်ထားနိုင်
။ သို့ကြောင့်လည်း အရွယ်
ရောက်သည်နှင့် သင့်တော် မည့်သူ ရှာကာ အိမ်ထောင်ချပေးလိုက်ကြသည်
။
မာလာတို့တွင် မွေးချင်း(၅)ယောက် ရှိသည် ။ အထက်မှာ
အစ်ကို(၂)ယောက် ၊ အစ်မ
(၂)ယောက်ဖြစ်ပြီး မာလာက အငယ် ဆုံးဖြစ်၏ ။ ယခုတော့ နေအိမ်တွင်
မာလာနှင့်
မိခင်ကြီးသာ ကျန်ရစ်တော့သည် ။ အဖေက မာလာငယ်ငယ်ကတည်းက ပိုး ထိကာ
ဆုံးလေပြီ
။ အစ်ကိုနှင့်အစ်မအားလုံးကလည်း အိမ်ထောင်ကျကာ အိမ်ခွဲသွားကြပြီ ။
မာလာတို့ရွာကလေးက တောစပ်မှာ ရှိနေသော-ဇနပုဒ်ရွာလေးဖြစ်သော်လည်း
မြို့နှင့်အလှမ်းမဝေးပါ ။ ကားနှင့်သာဆို နာရီဝက်စီးရုံမျှဖြင့် ရောက်နိုင်ပါသည် ။
သို့သော်လည်း…တတ်နိုင်သူမရှိသဖြင့်
ကားလမ်း မပေါက် ။ သည်တော့ မြို့နှင့် ရွာက
နီးလျက်ဝေးကာ သွားစရာရှိပါက ခြေကျင်ခရီးနှင်ရသည်
။ တောစပ်မှာရှိနေသော
ရွာကလေးပီပီ စီးပွားရေးကလည်း တောကို မှီသည် ။ သစ်ခုတ်၊ဝါးခုတ်ကြသည်
။
မျှစ်ချိုး၊မှိုချိုး၊အသီးအရွက်ခူးကြသည် ။ မုဆိုးများကလည်း သားကောင်ပစ် ခြင်းအမှုကို
ပြုသည် ။ ရရှိသောကုန်ကြမ်းများကို မြို့သို့သွားကာ ရောင်းချလေ့ရှိသည် ။
မာလာ စီးပွားရေးလုပ်မှဖြစ်တော့မည် ။ မဟုတ်လျှင်
အမေက မုဆိုးဦးဖိုးတုတ်၏
သားနှင့် အိမ်ထောင်ပြုရန် နားချတော့ မည် ။ အိမ်ထောင်မပြုလိုသေး၍
မာလာလည်း
ကြံရာမရသည့်အဆုံး လူတကာ မကြံစည်ဝံ့သော-အကြံတစ်ခုကို မျက်ကန်း
တစ္ဆေမကြောက်သလို
အရဲစွန့်ကာ လုပ်တော့သည် ။
r r r
“ ဘာ…ဘာရယ်…အမလေး…အမလေး…! မိမာလာ…ညည်း ရူးများနေသလား
။
ဘယ့်နှယ့်အေ… ။ အဲဒီခြံကြီးဆီကို ညည်းမို့လို့ သွားဝံ့တယ် ။ ဘာအရူးထရတာလဲ ။
ဘာသွားလုပ်တုံး
။”
ဘယ်ကဘယ်သူ
ချွန်တွန်းလုပ်လိုက်သည်မသိ ၊ အောင်သပြေရိပ်စံအိမ်တော်က
ပြန်လာပြီး၍မှမကြာ အမေ၏ခုနစ်သံချီ
သော ဟစ်အော်သံကိုကြားရသည် ။
ဘယ်တတ်နိုင်ပါ့မလဲ ။ မာလာလည်း ရှင်းပြရန်အတွက် စိတ်ကို
အသင့်ပြင်ဆင်ထား
လိုက်သည် ။
“ မိတ်သွားဖွဲ့တာပါ အမေရာ ။”
“ အောင်မလေးဟဲ့…ကြီးကြီးကျယ်ကျယ် ။ ဘာကိစ္စရှိလို့
သွားပတ်သက်နေရတာလဲ ။
နင့်ကို ဟိုက ဝိညာဉ်နှုတ်လိုက်လိမ့်မယ် ။ နင်…ဒီအိမ်ကြီးရဲ့ရာဇဝင်ကို မသိတာလည်း
မဟုတ်ဘဲနဲ့ဟယ် ။”
“ အမေကလဲ
။ သိလို့သွားရဲတာပေါ့ ။ အိမ်ပိုင်ရှင်တွေက သူတို့ကို နှောင့်ယှက်မှ ပြုစား
တာလေ ။ သူတို့ကို
မိတ်လာဖွဲ့တဲ့သူကိုတော့ အဲဒီလိုလုပ်မယ်မထင်ပါဘူး ။ နောက်ပြီး…
သမီးက
သူတို့ခြံထဲလည်း အတင်းမဝင်ဘူး ။ အခုလည်း ခြံထဲတောင် မရောက်ခဲ့ဘူး ။”
“ တော်ပါတော့ မိမာလာရယ် ။ ခြံထဲကိုဝင်ဖို့ စိတ်တောင်မကူးပါနဲ့
။ နောက်ပြီး ခြံနားကိုလည်း
မသွားပါနဲ့အေ ။ ညည်း ဘာတွေ လျှောက်လုပ်နေရတာလဲ ။”
“ အမေပဲ စီးပွားရှာဆို ။ သမီးလည်း ကိုယ့်နည်းကိုယ့်ဟန်နဲ့
စီးပွားရှာမလို့လေ ။”
“ ဟင်…နင်…နင်…သိုက်တူးမလို့လား ။ ဟဲ့…မလုပ်ကောင်းဘူးနော်
။ အဲဒါတွေက
ဘုရားရှင်ထံ ရည်စူးပြီး လှူဒါန်းထားတဲ့ပစ္စည်းတွေဟဲ့ ။ ဒါ့ကြောင့် သူတို့တွေက
အဲဒါတွေကို
စောင့်ရှောက်နေကြတာ ။ သိုက်တူးရင် တစ်ဘဝပဲ စံမှာဟဲ့ ။”
“ အာ…အမေကလဲ ဘာတွေလျှောက်ပြောနေတာလဲ ။ သိုက်တူးစရာလား
။ အခုက…
သပြေခူးမလို့ ။ အောင်သပြေရိပ်က နာမည်နဲ့လိုက်အောင် သပြေတွေပေါတယ်လေ ။
သမီးတို့ရွာမှာ
သပြေရှားတယ်မဟုတ်လား ။ ဒီတော့…အဲဒီခြံမှာသာ သပြေခူးလို့ရရင်
သမီး မြို့မှာ ဈေးကောင်းရမှာတော့
။”
“ ဟယ်…ဒီကောင်မလေး ။ မကြံကောင်းမစည်ရာတွေ ။ သပြေ
မရောင်းရလည်း
နေပါစေအေ ။ သွားပါ…တောထဲမှာသူများတွေလိုပဲ မှိုချိုး၊မျှစ်ချိုးစမ်းပါ
။ မငတ်ပါဘူး ။
ဒီ…အသက်ဘေးနဲ့နီးတဲ့အလုပ်ကိုတော့ မလုပ်စမ်းပါနဲ့ ။ အေး…နောက်တစ်ခါ အဲဒီခြံဘက်
သွားတယ်ကြားလို့ကတော့
ဟွန်း…အတွေ့ပဲနော် မိမာလာ ။”
မာလာလည်း
ရှင်းပြမနေတော့ပေ ။ ရှင်းပြလည်း အမေက လက်ခံမည်မှ မဟုတ်ဘဲလေ ။
အမေ့စကားကို နာခံသယောင်
ဟန်ဆောင်ကာ ခေါင်းကို ခပ်မြန်မြန်ညိတ်လိုက်သည် ။
အတွေးထဲမှာတော့ မနက်ဖြန် “အောင်သပြေရိပ်”ခြံသို့
သွားရောက်ရန် စိတ်ကူးနေမိ၏ ။
လူမမြင်သူမမြင်အောင် အစော ကြီးသွားမှဖြစ်မည် ။ စံပယ်ပန်းတွေကို
ညကတည်းက
ခူးပြီး ရေတောက်ထားရမည် ။ မာလာ ထားရစ်ခဲ့သည့် ခြံစည်းရိုးတိုင် ပေါ်က စံပယ်ကုံးလေး
ပျောက်ဆုံးနေပါစေဟူ၍လည်း ဆုတောင်းနေမိ၏ ။
“ ဟယ်…”
မာလာ
ဝမ်းသာသွားသည် ။ ခြံစည်းရိုးတိုင်ပေါ်တွင် စံပယ်ပန်းကုံး မရှိတော့ ။ မျက်စိများ
မှားသလားအထင်နှင့်
မျက်လုံး များကို ပွတ်သပ်ကာ သေချာပြန်ကြည့်သည် ။ မရှိ ။ ဟုတ်ပါပြီ ။
ခြံရှင်တွေက မာလာ့မေတ္တာကို
ချက်ချင်းတုံ့ပြန်နေပါပြီ ။
သို့သော်…အတင့်မရဲသေး ။ တွက်ထားသည့်အတိုင်း
(၃)ရက်တိတိ ခွင့်တောင်းမည် ။
(၃)ရက်လုံးလုံး ခွင့်ပြုမှပဲ သပြေ ညွန့် စ,ခူးမည်ဟု မာလာ
ဆုံးဖြတ်ထား၍ ယနေ့လည်း
စံပယ်ပန်းကုံးလေးကို ခြံစည်းရိုးတိုင်ပေါ်တွင် ချိတ်ပြီး မနေ့ကလိုပဲ
ရေရွတ်သည် ။ အသံက
ဝမ်းသာလွန်း၍ တုန်ရီနေပြီ ။
ရွတ်ဆိုသံဆုံးတော့ ခြံထဲမှ အသံတစ်ခု ကြားရသည်
။ အချိန်က မနက်(၄)နာရီခွဲခန့်
ဖြစ်ရာ ပတ်ဝန်းကျင်ကို ရှင်းလင်း စွာ မမြင်တွေ့ရသေး ။
သို့ပေမဲ့…မာလာတို့ရွာမှာလည်း
လက်နှိပ်ဓါတ်မီးတော့ ရှိနေပါပြီ ။ အသံကြားရာဆီသို့ လက်နှိပ်ဓါတ်မီးနှင့် ထိုးကြည့်လိုက်၏ ။
“ အမလေး…”
ပါးစပ်က
လန့်အော်ပြီး လူကလည်း နောက်ကြောင်းသို့ တချိုးတည်းလှည့်ပြေးမိ၏ ။ တွေ့မြင်
လိုက်ရသည်က
ဘာကြီးမှန်း မာလာ မဆိုတတ် ။ လူဝံကြီးနှင့်တော့ တူသည် ။ အိမ်ပေါက်ဝမှာ
မဲမဲလုံးလုံးအကောင်ကြီးတစ်ကောင်က
မာလာ့ဘက် ကျောပေးလျက်ထိုင်နေသည် ။ ဒါကြီးကို
မြင်ရမှတော့ မာလာလည်း ဘယ်ဆက်နေဝံ့တော့မလဲ
။ တချိုးတည်း လစ်ပြေးခဲ့ပြီ ပေါ့ ။
G
မနေ့က ကြောက်မက်ဖွယ်မြင်ကွင်းကို မြင်တွေ့ခဲ့စေကာမူ
ဇွဲသန်သောကလေးမ-မာလာက
လွယ်လွယ်နှင့် အားမလျော့ ချေ ။ နောက်တစ်နေ့မနက်လည်း ထိုခြံဘက်သို့
အမေ မသိအောင်
တိတ်တိတ်ထွက်ခဲ့ပြန်သည် ။ လက်ထဲမှာလည်း စံပယ် ပန်းကုံးလေးက မပါမဖြစ် ။
သူက ငြိမ်းချမ်းရေးပဏ္ဍာပဲကိုး ။
“ ဟင်…”
ရောက်ရောက်ချင်း
ရင်ဝကို ပြေးကန်ကြိုလိုက်သလို မာလာ ခံစားလိုက်ရသည် ။
စံပယ်ပန်းကုံးလေးက ခြံဝမှာ သည်အတိုင်း ။ မနေ့က
မာလာ ထားခဲ့သည့်အတိုင်း
ပုံစံမပျက် ။ မာလာ သက်ပြင်းရှိုက်မိ သည် ။ ကြည့်ရတာ ခြံရှင်တို့က
တစိမ်းတရံနှင့်
ဆက်ဆံရန် စိတ်ဆန္ဒ ရှိပုံမရ ။ မာလာ့ကို မေတ္တာစိတ်နှင့်လာသူမှန်းသိ၍သာ
ယခုကဲ့သို့
စိတ်ပျက်ပြားသည်အထိ ချောက်လှန့်ခြင်းမရှိဘဲ သည်းခံနေကြပုံရသည် ။
တစ်ဖက်လူ မခင်ချင်ဘဲ ဇွတ်အတင်းမိတ်ဆက်နေမိသည့်
ကိုယ့်အဖြစ်ကိုယ်လည်း
ရှက်ရွံ့မိပါသည် ။ သို့သော်လည်း…မတတ်နိုင်
။ ဆင်းရဲသားတို့၏ဘဝကို ဆင်းရဲဖူးသူသာ
သိမည် ။ ခြံရှင်တို့ထံမှ ခွင့်ပြုချက်ရသည်အထိ
အသနားခံရုံသာရှိ တော့သည် ။ နောက်ပြီး
“တစ်ဦးမေတ္တာ တစ်ဦးမှာ”ဆိုသည့်စကားကို မာလာ ယုံကြည်သည်
။ တစ်လနှင့်မရသော်
နှစ်လ တောင်းဆိုမည် ။ သုံး/လေးလ တောင်းဆိုပါမူ သေချာပေါက် လက်ခံလိမ့်မည်ဟု
မာလာ ယုံကြည်သည်မို့ ယနေ့လည်း ယခင်နေ့များကကဲ့သို့ တောင်းပန်တိုးလျှိုးပြီး
အိမ်ပြန်ခဲ့သည်
။ မဲမဲလုံးလုံးသတ္တဝါကြီးကို အိမ်ပေါက်ဝနံဘေး၌ ယခင်နေ့က အတိုင်း
ထပ်မံတွေ့မြင်ခဲ့ရသော်လည်း
ကြောက်ရွံ့စိတ် မရှိတော့ ။
r r r
(၇)ရက်မြောက်ခဲ့ပြီ ။ မနက်တိုင်း အမေ မသိအောင်
ခိုးကြောင်ခိုးဝှက်ထွက်လာရသည့်
ဒုက္ခမှလွဲ၍ အရာအားလုံး အဆင်ပြေနေသည် ။ မိတ်ဖွဲ့ရသည့်အလုပ်က
မာလာအတွက်လည်း
နိစ္စဒူဝအလုပ်တစ်ခုလိုဖြစ်နေပြီမို့ မသွားဘဲနေလျှင် တောင် ရင်ထဲမှာ ဟာတာတာကြီး
ဖြစ်နေဦးမည်ထင်သည် ။ နေ့စဉ် သီထားသောစံပယ်ကုံးများကို ခြံစည်းရိုးအုတ်တိုင်တွင်
တင်ကာ
မေတ္တာပို့/တောင်းပန်သည် ။ ပထမဆုံးရက်မှတပါး အခြား(၆)ရက်လုံးလုံး
စံပယ်ကုံးများ ပျောက်ဆုံးသွားခြင်းမရှိ
။ ပထမဆုံးရက်ကိုပင် သံသယဝင်ရမလို ဖြစ်နေပြီ ။
“ နွားကျောင်းသားတစ်ယောက်ယောက်များ…ခြေဆော့လက်ဆော့နဲ့
လာယူသွားတာလား
မသိဘူး ။”
စိတ်ပျက်အားလျော့မိသော်လည်း လုပ်နေကျအလုပ်ကိုမူ အပျက်မခံ
။ မနက်(၄)နာရီ
တွင် အောင်သပြေရိပ်စံအိမ်ရှေ့သို့ မာလာ ရောက်ခဲ့ပြန်ပြီ ။
သည်တစ်ခါ
မာလာ တော်တော်အံ့သြသွားရသည် ။ မြင်နေရသည့်မြင်ကွင်းကလည်း
အံ့အားသင့်စရာပဲကိုး ။ အောင်
သပြေရိပ်ခြံဝန်းထဲမှာ မိန်းကလေးတစ်ယောက် လမ်းလျှောက်
နေသည် ။ မိန်းကလေးက တော်တော်လှ၏
။ အသားအရည် က အလင်းရောင်မှုန်ပြပြ
အောက်မှာပင် ထင်းနေအောင် ဝင်းပဖွေးဖြူလှသည် ။ မျက်လုံးလေးများကလည်း
လေးနှစ်သား
ကလေးပမာ တောက်ပရွှန်းစိုနေသည် ။ အသက်ကတော့ မာလာနှင့် မတိမ်းမယိမ်းပဲ ။
ဘယ်က
သူငယ်မပါလိမ့် ။ သူမက မာလာ ရောက်လာသည်ကိုမြင်တော့ ပြုံးပြ၏ ။
မာလာကတော့ မပြုံးနိုင်
။
“ ဟဲ့… ဒီခြံကြီးထဲမှာ
နင် ဘာလုပ်နေတာလဲ ။ ထွက်ခဲ့…မြန်မြန် ။ ဒီခြံကြီးအကြောင်း
နင် မသိဘူးလား ။”
“ ဟမ်…ဘာ…ဘာကိုဆိုလိုတာလဲ
။ ဒီခြံကြီးက ဘာဖြစ်နေလို့လဲ ။”
“ ရော်…ဒီခြံကြီးက
ရွာထဲမှာ ဒီလောက်သတင်းကြီးနေတာကို ။ နင် မသိတာအံ့ပါ့ ။
ဒီခြံကြီးက မြေကြမ်းတယ်ဟဲ့ ။
ခြံထဲကို တစိမ်းဝင်ရင်
အားကြီးစိတ်ဆိုးတာ ။ နင်
ဒုက္ခရောက်သွားလိမ့်မယ် ။”
မာလာက ပြောလည်းပြော ၊ ခြံထဲကကောင်မလေးကိုလည်း အပြင်သို့
အတင်းထွက်ခိုင်းသည် ။
မဆွဲရုံတမယ်အမူအရာနှင့် စိုးရိမ်ပူပန်နေသော-မာလာ့ကိုကြည့်ကာ ထိုကောင်မလေးက
အူလှိုက်သည်းလှိုက်ထရယ်သည် ။ လက်ခုပ်လက်ဝါးတီးကာ ခန္ဓာကိုယ်လေး လှုပ်ရမ်းသည်အထိ
ရယ်မောလျက်ရှိသော-ထိုသူငယ်မ၏အမူအရာကြောင့်
မာလာ အူကြောင်ကြောင်ဖြစ် သွားရပြီ ။
ဘယ်လိုဟာလေးပါလိမ့် ။
ကောင်မလေးက ရှိလှမှ(၁၅)/(၁၆)အရွယ်
။ ဤကဲ့သို့ဆယ်ကျော်သက်အရွယ်က ထင်ရာ
စိုင်းတတ်ကြသည် ။ လူကြီးသူမ တို့၏စည်းကမ်းဘောင်ကို
ချိုးဖောက်ကာ စိတ်အလိုကို
လိုက်တတ်ကြသည်ဟု မာလာ့အမေက ဆုံးမဖူးသည် ။ ကြည့်ရတာ ဒီကောင်မလေး…
မိသားစုနဲ့ရန်ဖြစ်ပြီး
ဒီခြံထဲမှာ သတ်သေဖုိ့ စဉ်းစားနေတာများလားဟု မာလာ တွေးလိုက်မိ
သည် ။
“ နင်…နင် ဘာဖြစ်လို့ရယ်နေတာလဲ
။ ငါက အကောင်းပြောနေတာကို ။ ဘာလဲ…။
နင့်မိဘတွေနဲ့ ရန်ဖြစ်လာလို့လား ။ မဟုတ်တာတွေ
မလုပ်နဲ့နော် ။ အဖန်ငါးရာငါးကမ္ဘာတဲ့ဟဲ့ ။
စိတ်ညစ်စရာရှိရင် ငါ့ကို ရင်ဖွင့်ပါဟယ် ။”
မာလာက သတိလှမ်းပေးသည် ။ ထိုအခါ၌ ကောင်မလေး၏မျက်နှာ တစ်မျိုးတစ်မည်ပြောင်း
သွားသည်
။ ရယ်နေသည့် မျက်နှာလေး ညှိုးသွားသည် ။ သည်လိုကျပြန်တော့လည်း မာလာ့
စိတ်ထဲ မကောင်း ။
“ ဟုတ်တယ် ။
အဲဒီစကားက အမှန်ပဲ ။ ဒါနဲ့…ဒီကနာမည်က…”
“ ငါ့နာမည်လား
။ ငါ့နာမည်က မာလာ ။ နင်ကရော…”
“ မိညိုလို့ခေါ်ပါတယ်
။ မိညိုအတွက် စိုးရိမ်ပေးလို့ ကျေးဇူးတင်ပါတယ် ။ ဒါနဲ့ မာလာ…ယူ
လာပေးတဲ့စံပယ်ပန်းလေးတွေက သိပ်မွှေးတာပဲနော်
။ ဒီခြံထဲမှာ စံပယ်ပင်တော့ မရှိဘူး ။
တစ်ခြံလုံး သပြေချည်းပဲ ။ ကျန်တာက သီးပင်စားပင်ပဲရှိတယ်
။ မိညိုလေ…မွှေးကြိုင်တဲ့
ပန်းကလေးတွေကိုဆို သိပ်သဘောကျတာ ။ ဘုရားကိုလည်း သပြေချည်းပဲကပ်ရတာ
အားနာလှပြီ
။”
“ နေ…နေပါဦး
။ နင် ဘာတွေပြောနေတာလဲ ။ ငါတော့ နားမလည်တော့ဘူး ။ ဒီခြံထဲမှာ
သပြေတွေချည်းရှိတာနဲ့ နင်နဲ့ ဘာဆိုင်လို့လဲ
။”
“ ဟောတော်…!
မိညိုက ဒီခြံထဲမှာပဲ နေရတာလေ ။ ဒီသပြေတွေနဲ့မှမဆိုင်ရင် ဘာနဲ့
ဆိုင်ရဦးမှာလဲ ။”
“ ဘာ…!”
မိညိုဆိုသောမိန်းကလေး၏စကားကြောင့် မာလာ လန့်သွားသည် ။ လက်ထဲမှ
စံပယ်ပန်းကုံးကို
တလှည့် ၊ မိညို၏မျက်နှာကို တလှည့် အပြန်ပြန်အလှန်လှန်ကြည့်ရင်း ကြောက်ရွံ့သွားမိသည်
။
“ အို… မကြောက်ပါနဲ့
။ မိညိုက တစ်ဖက်သားကို ဒုက္ခမပေးတတ်ပါဘူး ။ နောက်ပြီး…မိညိုက
မာလာ့ကိုခင်လို့ မမကြီးတို့ကိုတောင်
မနည်းခွင့်တောင်းပြီး လာတွေ့ရတာ ။”
“ ဒါ…ဒါဆို…နင်…နင်က
ဒီအိမ်ကပေါ့ ။ ဥ…ဥစ္စာစောင့်ပေါ့လေ ဟုတ်...လား ။”
“ ဟင်းဟင်း…ဟုတ်ပါတယ်ဆို
။ ကဲ…ပေး…လက်ထဲက စံပယ်ကုံး ။ နောက်ပြီး…
ဒီခြံရှေ့ကသပြေတွေကို စိတ်ကြိုက် ခူးပေတော့
။”
မိညိုက မာလာ့လက်ထဲမှ စံပယ်ကုံးကို လှမ်းတောင်းသည် ။ မာလာလည်း
တုန်ရီသောလက်ဖြင့်
မိညိုထံသို့ ကမ်းပေးလိုက် သည် ။ နောက်…မိညိုက အပြုံးမျက်နှာဖြင့်
နှုတ်ဆက်ကာ အိမ်ပေါ်သို့
တက်သွားလေ၏ ။
မာလာခမျာ အတန်ကြာသည်အထိ
အိပ်မက်မက်နေသူတစ်ယောက်လို နေရာ၌
မလှုပ်မယှက်ရပ်ရင်း ဇောချွေးပျံလျက် ရှိသည် ။ လာရောက်မိတ်ဆက်စဉ်ကတည်းက
တစ်ခုခုတွေ့ကြုံရလိမ့်မည်ဟု ကြိုတင်မှန်းဆထားပြီးသားဖြစ်သော်လည်း ယခုကဲ့သို့
ချစ်စဖွယ်မိန်းမပျိုလေးကိုယ်တိုင်
လာရောက်နှုတ်ဆက်လိမ့်မည် ၊ စကားပြောလိမ့်မည်ဟု
လုံးဝတွေးမထားမိ ။ အိပ်မက်များ မက်နေလေသလား
။
နောက်မှ…ကိုယ့်ကိုယ်ကို
သတိပေးကာ မိညို ခွင့်ပြုခဲ့သည့်အတိုင်း ခြံစည်းရိုးတလျှောက်ရှိ-
သပြေပန်းများကို ပါလာ
သောတောင်းနှင့် နိုင်သလောက် ခူးတော့သည် ။ ယနေ့ပဲ မြို့တက်ကာ
ရောင်းတော့မည် ။ အမြတ်ငွေထဲမှနေ
မိညို နှစ် သက်မည့်ပန်းတစ်ခုခု ဝယ်ခဲ့ဦးမှဟု တွေး
လိုက်မိသည် ။ ဖော်ရွေသောဥစ္စာစောင့်မလေး-မိညိုကို
မြင်မြင်ချင်း ခင်သွားမိပြီ ။ မိညိုက
မာလာ့လိုပဲ … ပန်းချစ်သူ မဟုတ်ပါလား ။
r r r
“ ဒီမှာ…နင့်အတွက်
လက်ဆောင်ထပ်ဝယ်လာတယ် ။”
နှစ်လကျော်ခဲ့ပြီ ။ မိညိုနှင့်မာလာတို့လည်း နေ့စဉ် တွေ့ဆုံကြရင်း
အလွန်ခင်မင်ရင်းနှီးသော-
သူငယ်ချင်းများ ဖြစ်နေကြပြီ ။ သူတို့နှစ်ဦး ချစ်ကျွမ်းဝင်နေကြသည်ကို
ရွာသူရွာသားများ
မရိပ်မိအောင် မာလာကလည်း ပိပိရိရိနေထိုင်သည် ။ ယုတ်စွ အဆုံး မိခင်ဖြစ်သူကိုပင်
အသိမပေးချေ ။
နေ့စဉ် မနက်စောစောလာသည်
။ လာတိုင်းလည်း…မိညို နှစ်သက်မည့် ပန်းတစ်မျိုးမဟုတ်
တစ်မျိုး ပါစမြဲ ။ ယနေ့လည်း စောနိုင်သမျှစောအောင်
ထွက်ခဲ့သည် ။ အမေ မနိုးခင်
အိမ်ပြန်ရောက်နိုင်ရန် ခပ်စောစောထွက်မှ တော်ကာကျမည်လေ ။
အောင်သပြေရိပ်ရှေ့သို
့ရောက်တော့ မိညိုက စောင့်တောင်နေပြီ ။ မာလာလည်း ဈေးမှ ရှားရှားပါးပါးရလာသော-
ယိုးဒယား
နှင်းဆီခေါ် လိမ္မော်နီမှာ အဖြူဖောက်ထားသည့်-နှင်းဆီပန်းတစ်စည်းကို မိညိုထံသို့
ကမ်းပေးလိုက်သည်
။
ထိုနှင်းဆီမျိုးက
မာလာတို့အရပ်မှာ တွေ့ရခဲသည် ။ ယခုတောင် စိုက်ခင်းတစ်ခုက
စမ်းသပ်စိုက်ရင်း မတော်တဆပွင့်လာ
ခြင်းဖြစ်၏ ။ နှင်းဆီပန်းကိုမြင်တော့ မိညို၏မျက်နှာ၌
အံ့သြသောအရိပ်အယောင်တို့ ဖြတ်သန်းပြေးသွားသည်
။
“ ဟယ်…လှလိုက်တာ
။ နှင်းဆီပန်းနဲ့တော့ တူတယ်နော် ။ ဒါပေမဲ့…အရောင်က
နှစ်ရောင်စပ်ဆိုတော့ နှင်းဆီ ဟုတ်ပုံ မရဘူး ။ ဘာပန်းမန်လဲ
မာလာ ။”
“ အဟဲ…အဲဒါ နှင်းဆီပဲ
မိညိုရဲ့ ။ ဒါပေမဲ့…ဒီခေတ်မှာကျ အရောင်တွေ စပ်ကုန်ကြပြီ ။
နိုင်ငံခြားမှာဆို ရောင်စုံနှင်းဆီ တောင် ရှိသေးဆိုပဲ
။”
“ ဟင်…ရောင်စုံကြီးကတော့
လှမယ်မထင်ပေါင် ။ ဒီနှင်းဆီလေးကတော့ သိပ်လှတာပဲ ။
ကျေးဇူးတင်ပါတယ် မာလာ ။ ဒီပန်းတွေက
လောကီ/လောကုတ္တရာ နှစ်ဖြာလုံး
စင်ကြယ်တယ်မဟုတ်လား ။”
“ ဘာ…ဘာကိုမေးတာလဲ
မိညိုရဲ့ ။”
“ သြော်…ဘုရားပန်းတင်ချင်လို့ပါ
။ လောကီအရ ညစ်ညစ်ညမ်းညမ်းပစ္စည်းနဲ့ ထုပ်ပိုးလာရင်
လည်း ယုတ်ညံ့သလို လောကုတ္တရာအရ
ခိုးဝှက်လာတဲ့အရာဆိုရင်လည်း ယုတ်ညံ့တယ်လေ ။
ဒါ့ကြောင့် ဒီနှစ်ဖြာလုံး သန့်စင်မှ ဘုရားပန်း တင်ချင်လို့
မေးကြည့်တာပါ မာလာ ။”
“ သြ…ဒီလိုလား
။ သန့်တယ်…မိညို ။ သန့်တယ် ။ စိုက်ခင်းက ချက်ချင်းခူးလာတဲ့ပန်းတဲ့ ။
ငါကိုယ်တိုင် ဝယ်လာတာ
။”
“ ဒီလိုဆိုရင်
ကျေးဇူးတင်ပါတယ် မာလာရယ် ။ မိညို ပြောဖူးသလိုပေါ့ ။ မိညိုတို့လည်း
မာလာနဲ့ခင်မှပဲ ဘုရားဆောင် တစ်ခုလုံး
မွှေးကြိုင်သင်းထုံနေတော့တာပဲ ။ ဟော…
စံပယ်ပန်းတွေလည်း ပါလာတုန်းပဲလား ။”
“ သြော်…ဒါကတော့
ဝတ္တရားလေ မိညိုရယ် ။ နောက်ပြီး…ငါကိုယ်တိုင်က မိညိုအတွက်
ခူးပေး/သီပေးချင်လို့ပါနော်
။”
“ ကျေးဇူးတင်လိုက်တာ
သူငယ်ချင်းရယ် ။ အဲ…ဟုတ်ပြီ ။ နေဦး…။ မာလာ…
သပြေခူးပြီးရင် မိညိုကို လှမ်းအော်ခေါ်လိုက်ဦးနော်
။ မာလာ့ကို မိညို အကူအညီတောင်းစရာ
ရှိလို့ ။”
“ သြော်…အင်း…အင်း…ခေါ်လိုက်မယ်
။”
မိညိုက ထုံးစံအတိုင်း အပြုံးနှင့်နှုတ်ဆက်ကာ အိမ်ပေါ်တက်သွားသည်
။ ခြံတံခါးကိုတော့
သည်အတိုင်းဖွင့်ထားခဲ့၏ ။ မာလာလည်း ခြံထဲသို့ ဝင်လာလိုက်သည် ။
လွန်ခဲ့သည့်(၄)ရက်ကစပြီး
မိညိုကိုယ်တိုင် သူ့ခြံထဲသို့အလည်လာရန် မာလာ့ကို
ဖိတ်ခေါ်ခဲ့ခြင်းဖြစ်သည် ။ အစတွင် ရွံ့
သလိုရှိ၍ မဝင်ဝံ့ပေမဲ့ မိညိုက လာပါ တကဲကဲဖြစ်နေ
သောကြောင့် မာလာလည်း မျက်စိမှိတ်ကာ ဝင်ခဲ့သည်
။ အတော် လည်း ရင်းနှီးနေပြီမို့
မိညိုကတော့ မိမိကို ဒုက္ခပေးမည်မဟုတ်မှန်း မာလာ ယုံသည်
။ အမှန်တော့ မိညိုက
စေတနာရှေ့ ထားကာ ဖိတ်ခေါ်ခဲ့ခြင်းပါ ။
နေ့စဉ်မပြတ်
နှစ်လကျော်ကျော် ခူးဆွတ်ခဲ့သောအရှိန်ကြောင့် ခြံစည်းရိုးတလျှောက်ရှိ
သပြေပင်အားလုံးလည်း
အညွန့် တုံးလုနီးပြီ ။ ရှေ့လျှောက်…မာလာ့အဖို့ ခူးစရာသပြေညွှန့်
နည်းပါးသွားတော့မည်ကို
မိညို မြင်၍ ယခုကဲ့သို့ ခြံထဲသို့ ဖိတ် ခေါ်ခဲ့ခြင်းပါပေ ။
“ ဟယ်…ဘုရား…ဘုရား…သပြေတန်းကြီးပါလား
။”
ဟုတ်၏ ။
ခြံစည်းရိုးပတ်ပတ်လည်တွင်
သပြေရုံများဖြင့် ပြည့်နှက်နေ၍ အပြင်မှ လှမ်းကြည့်သော်
ခြံဝင်းတွင်းသို့ မတွေ့မြင်နိုင်
သဖြင့် အထဲ၌ မည်သို့အခြေအနေရှိမှန်း မာလာ မသိရှိခဲ့ရ။
ယခုမှသာ ခြံထဲ၌ သပြေတောကြီး ဟီးဟီးထနေမှန်း
သိရတော့ သည် ။ မာလာတစ်ယောက်
ငွေထုပ်ကောက်ရသည့်အလား အပျော်ကြီးပျော်သွားခဲ့ပြီ ။
မိညိုက ခြံထဲမှသပြေများကို
စိတ်ကြိုက်ခူးခွင့်ပြုသည် ။ အခြားပစ္စည်းများကို မထိတွေ့
ရန်နှင့်အိမ်နားသို့ ကပ်မလာရန်
လည်း အသေအချာမှာသည် ။
“ မာလာ့ကို ခင်လွန်းလို့သာ
ကူညီရတာ ။ မမကြီးတို့က ခြံထဲကို လူစိမ်း ပေးဝင်ချင်တာ
မဟုတ်ဘူး ။ ဟိုဟိုဒီဒီ မစပ်စုနဲ့ နော် ။ မာလာရော
မိညိုပါ ဒုက္ခများသွားလိမ့်မယ် ။”
ထိုသို့ မိညို ပြောသည် ။
ရေအောက်က
ပုလဲကဲ့သို့ တဝင်းဝင်းတောက်ပသည့် အသားအရည်ရှိပြီး နေအောက်က
ပတ္တမြားပမာ ပြုံးလိုက်တိုင်း
အနီရောင်ယှက်ပြေးသွားတတ်သော နှုတ်ခမ်းပိုင်ရှင်-မိညိုသည်
ခန္ဓာလှသလောက် စိတ်လှသူလေးပါပေ
။ ကံအကြောင်း မလှသဖြင့် ထိုဘဝသို့ရောက်နေ
သည့်တိုင် ကြင်နာကူညီတတ်သည့်-သူ့နှလုံးသားလေးက
ပကတိဖြူစင်လွန်းသည် ။ သူ့ကို
သနားလည်းသနား ၊ ချစ်လည်းချစ် ၊ ခင်လည်းခင်၍ သူ့စကားကို
မာလာ သေချာနားထောင်
သည် ။ သတိထားလိုက်နာ သည် ။ သို့ကြောင့်လည်း ယခုထက်တိုင် ဘာပြဿနာမှမရှိဘဲ
သူငယ်ချင်းနှစ်ယောက် ပျော်ပျော်ရွှင်ရွှင်တွေ့ဆုံနေကြရခြင်း ဖြစ်သည် ။
စိတ်က အတိတ်သို့
ရောက်ရှိနေပေမဲ့ လူကတော့ အကျင့်ပါနေပြီမို့ အလုပ်ကို ဇယ်ဆက်
သလို လုပ်နေလိုက်တာဖြင့်
ပွေ့ထားသည့်တောင်းကြီး လေးလာမှပဲ သတိဝင်လာသည် ။
ခူးရင်း,ခူးရင်း တောင်းပြည့်သွားလေပြီ
။ အချိန်ကလည်း ရောင်နီသမ်းလုပြီမို့ မာလာ ပြန်
ရတော့မည် ။
“ မိညိုရေ…မိညို…ငါ
ပြန်တော့မယ် ။”
မိညိုတစ်ယောက် မည်သည့်နေရာသို့ ရောက်ရှိနေသလဲ မသိ ။ တော်တော်နှင့်
ပေါ်မလာ ။
မာလာလည်း အခါခါ အော်ခေါ် နေလိုက်ရာ နောက်ဆုံးတစ်ခေါက်တွင် မိညို၏ပုံလွှာသည်
မာလာ၏အနားတွင် ဘွားခနဲလာပေါ်သည် ။ ရုတ်တရက်မို့ မာလာလည်း လန့်ဖြန့်ကာ
ထ,အော်မိမတတ်ဖြစ်သွားခဲ့သည်
။
“ အမလေး…မိညိုရယ်
။ အဲဒီလိုချည်း မလုပ်စမ်းပါနဲ့ ။ ငါ့နှယ်…လန့်လိုက်တာ ။”
“ အေးနော်…တောင်း…တောင်းပန်ပါတယ်
။ ခွင့်လွှတ်ပါ ။ မိညိုက ချောက်လှန့်ဖို့
မရည်ရွယ်ပါဘူး ။ မာလာ့အသံကြား တော့ ရောက်ချင်ဇောနဲ့
စိတ်အစွမ်း သုံးလိုက်မိတယ် ။
တောင်းပန်ပါတယ်နော် ။ နောက်တစ်ခါဆို မိညို သတိထားပါ့ မယ် ။”
“ ရ…ရပါတယ် မိညိုရယ်
။ ဒါနဲ့…နင် အကူအညီတောင်းမယ်ဆိုတာ ဘာလဲ ။ ငါ
အတတ်နိုင်ဆုံး အစွမ်းကုန်ကူညီ မယ် ။ ပြော…”
“ ဒီလိုပါ မာလာ
။ ဟိုးနားက တောင်ကမူလေးကို မာလာ တွေ့တယ် မဟုတ်လား ။”
“ အင်း ။ တွေ့တယ်လေ
။”
“ အဲဒီတောင်ကမူပေါ်မှာ
စေတီတစ်ဆူ တည်ချင်တယ် မာလာရယ် ။ ဥာဏ်တော်က
(၉)တောင်ပြည့်လောက်ဆို တော်ပါပြီ ။ အဲဒါ…မာလာ
ကူညီနိုင်မလားဟင် ။”
မိညိုက သနားစဖွယ်မျက်နှာငယ်လေးနှင့် တောင်းဆိုနေချေပြီ
။ မိညို၏စကားကြောင့်
မာလာမှာ ထိုင်ငိုချင်လောက်အောင် စိတ်မကောင်းဖြစ်သွားရသည်။ တောင်းပန်သလို
ငေးကြည့်နေသော-မိညို၏မျက်ဝန်းဝိုင်းကြီးများကို ရင်မဆိုင်ဝံ့တော့သဖြင့် မာလာ
အကြည့်လွှဲလိုက်၏
။
“ မိညို…ငါ့ဘဝမှာ
အချစ်ဆုံးသူနှစ်ယောက်ကို ပြောပါဆိုရင် အမေနဲ့နင်ပဲ ။ နင့်ကို ငါ
မတရားခင်တယ် ။ နင့်အတွက် ဘာမဆို လုပ်ပေးချင်တာပါ
။ ဒါပေမဲ့…ခက်တာက ငါ့မှာ
ပိုက်ဆံ အဲဒီလောက်မရှိဘူး ။ သပြေရောင်းရတဲ့ငွေကလည်း ချောင်ချောင်လည်လည်
ရှိရုံပါဟယ်
။ တကယ်ပါ ။”
“ သြော်…ဟုတ်သားပဲ
။ မိညိုကလည်း စကားကို လိုရင်းရောက်အောင် မဆိုတတ်ဘူး ။
ဒီလို…မာလာရဲ့ ။ မာလာက စေတီတည်ဖို့အတွက် စီမံရုံတင်ပါပဲ ။ မိညိုက အစအဆုံး
လှူဒါန်းမှာပါ ။”
မိညိုက ထိုသို့ဆိုမှပဲ မာလာ ပြုံးနိုင်တော့သည် ။ ထိုအခါမှ
ရင်ထဲကအလုံးကြီး ကျသွားသည် ။
“ မသိပါဘူး မိညိုရယ်
။ ငါကတော့ စိတ်မကောင်းဖြစ်လိုက်ရတာ ။ ဒီလိုဆိုရင်တော့
ငါ ကူညီနိုင်တာပေါ့ ။ ဒါ…ဒါပေမဲ့ ဒီကိစ္စက ငါတစ်ယောက်တည်း
လုပ်လို့ရတဲ့ကိစ္စ
မဟုတ်ဘူး မိညို ။ ရွာလူကြီးဆီမှာ ခွင့်ပြုချက် တောင်းရဦးမှာ ။”
“ အဆင်ပြေအောင်
လုပ်ပေးပါ မာလာရယ် ။ အရေးကြီးတာတစ်ခုကတော့ အလှူငွေကို
မိညိုတို့ဆီကရမှန်း ဘယ်သူမှ မသိပါစေနဲ့
။ အဲဒါကိုတော့ မာလာ ကတိပေးရမယ် ။”
“ ခက်တော့ခက်တယ်
မိညို ။ အင်း…ဘယ်လိုပဲဖြစ်ဖြစ်…ငါ ကတိပေးတယ် ။ သူတို့ ငါ့ကို
ရိုက်စစ်စေဦးတော့…ငါ ဘယ်တော့မှ
မပြောဘူး သူငယ်ချင်း ။ မိညို…နင် ငါ့ကို ယုံတယ်
မဟုတ်လား ။”
“ အို့…မာလာ့ကို
ယုံလို့ အကူအညီတောင်းနေတာပေါ့ ။ ရော့… ။”
မိညိုက မာလာ့လက်ကို ဆွဲယူကာ ပစ္စည်းတစ်ခုကို ထည့်လိုက်သည်
။ ဘာပစ္စည်းလဲ သိချင်၍
ငုံ့ကြည့်မည်လုပ်တော့ မိညို က တားသည် ။
“ မကြည့်နဲ့ဦး
။ အိမ်ရောက်မှကြည့်ပါ ။ ကဲ…သွားတော့ မာလာ ။ ကောင်းသောမနက်ခင်းပါ
သူငယ်ချင်း ။”
ကျိုက်ထိုမြို့နယ်
“ညောင်ကိုင်းရွာ”လေး၌ အံ့ဖွယ်ဘနန်းသတင်းတစ်ခု ပျံ့နှံ့သင်းလျက်ရှိ
သည် ။ ကြားသည့်လူတိုင်း
ပါး စပ်အဟောင်းသားဖြစ်ကာ အားကျသူက ပြုံးကြသည် ။
မနာလိုသူက မဲ့ကြသည် ။
- သပြေသည်မလေး-မာလာတစ်ယောက် မြဘယက်တစ်ကုံး ကောက်ရလို့တဲ့
။
မာလာက ကောက်ရလျှင်ရချင်း သူကြီးထံသို့ သွားအပ်ရာ တရားနှင့်အညီ
အုပ်ချုပ်နေသော-
သူကြီးက အပိုင်စီးခြင်းမရှိဘဲ မာလာ့ကို ပြန်ပေးသည် ။ မာလာက ကောက်ရပစ္စည်းဖြစ်နေ၍
လိုချင်တပ်မက်မှုမရှိဘဲ ဘုရားတည်ရန်ဆန္ဒရှိကြောင်း ပြော သဖြင့် တစ်ရွာလုံး ပို၍အံ့သြသွား
ကြသည်
။
(၁၇)နှစ်ပင်
မပြည့်သေးသော-မြီးကောင်ပေါက်မလေးမာလာထံမှ ထိုစကားကြားရ
သည့်အတွက် မအံ့သြဘဲ ဘယ်နေ မလဲ
။ အများစုက ဝမ်းသာအားရရှိကြပေမဲ့ တချို့
တလေကတော့ မဆီမဆိုင် သာသနာဖျက်လုပ်ချင်ကြသည်
။ မာလာ့ အမေဆီ သွားကာ…
ကလေးကို နားချပါဟု ဆိုသူက ဆိုသည် ။ လောဘနည်းသူ-မိခင်ကြီးက မာလာ့သဘောနှင့်
တထပ် တည်း တူနေ၍ စိတ်ချမ်းသာစရာ ကောင်းလိုက်ပါဘိ ။
ကိစ္စအဝဝကို
ရွာလူကြီးများကသာ စီမံပေးခဲ့ကြသည် ။ ငွေခင်းတော့ လမ်းဖြစ်ဆိုသည့်
အတိုင်း မြဘယက် ရောင်းရငွေ
ကြောင့် အစစအရာရာ အဆင်ပြေခဲ့သည် ။ မြဘယက်ကလည်း
နယ်နယ်ရရမဟုတ်ဘဲ ရှေးဟောင်းပစ္စည်းဖြစ်သောကြောင့်
ဈေးမနည်းမနှောရလိုက်သည်။
(၉)တောင်ပြည့်စေတီတော်ကို မိညို ညွှန်ရာနေရာမှာပဲ တည်ဖြစ်ခဲ့သည် ။ ငွေအား၊လူအား
ရှိသော်ငြား လမ်းပန်းဆက်သွယ်ရေးအခက်အခဲကြောင့်
ဘုရားတည်ခြင်းသည် တစ်နှစ်တာမျှ
ကြာခဲ့၏ ။ ထိုတစ်နှစ်ထဲ၌ မာလာက လူရိပ်မိမည်စိုး၍ မိညိုထံသို့
တစ်လတစ်ခေါက်သာ
ရောက်ဖြစ်သည် ။ ကဒီးကဒီးသွားလိုပေမဲ့ ထိုသို့သွားမိပါက သိုက်ဆရာများ၏မသင်္ကာမှုကို
ခံရနိုင်သည်မဟုတ်ပါလား ။
ငွေအားကလည်း
ကောင်း ၊ လုပ်အားပေးသည့်ရွာသားများကလည်း စေတနာကောင်း
သဖြင့် စေတီတည်ခြင်းအမှုသည် တစ်နှစ်အတွင်း
လျင်မြန်စွာ ပြီးမြောက်ခဲ့ပြီ ။ ဘုရားအနေက
ဇာတင်ပွဲ(ဘုရားပွဲ) ပြုလုပ်သည့်အခါ မာလာလည်း
မိညို မှာ ကြားထားသည့်အတိုင်း…
“ ကွယ်လွန်သူ…မိဝါ
၊ မိစိမ်းနှင့်မိညိုတို့ညီအစ်မတစ်စုနှင့်တကွ အောင်သပြေရိပ်မိသားစုဝင်
အားလုံး ကြားကြားသမျှ အမျှ…အမျှ…အမျှ ယူတော်မူကြပါကုန်လော ။ သာဓု…သာဓု…သာဓု ”
အားလုံး ကြားကြားသမျှ အမျှ…အမျှ…အမျှ ယူတော်မူကြပါကုန်လော ။ သာဓု…သာဓု…သာဓု ”
အောင်သပြေရိပ်စံအိမ်တော်မှ ညီအစ်မတစ်စု၏အမည်နာမများကို
ခေါ်ယူကာ အမျှအတန်း
ပေးဝေခဲ့သည် ။ သုံးကြိမ်သုံးခါ မြောက် သာဓုခေါ်ဆိုပြီးသည့်နောက်တွင်
မည်သည့်အရပ်က
ပျံ့လွင့်လာမှန်းမသိသော စံပယ်ပန်းရနံ့ကို အလှူလာသူ အားလုံး သင်းထုံစွာ
ရှူရှိုက်မိခဲ့ကြသည် ။
r r r
ဘုရားအနေကဇာတင်ပွဲအပြီး
ထိုနေ့ည၌ မိညိုကို မာလာ အိပ်မက်မက်၏ ။ အိပ်မက်ထဲ၌
မိညိုက ဝတ်နေကျအညို ရောင်ဝမ်းဆက်ကို
ဝတ်ဆင်ထားခြင်းမဟုတ်ဘဲ ရွှေရောင်တလက်လက်
တောက်ပနေသော ပိုးသားအညိုဝမ်းဆက်ကို ချပ် ရပ်စွာ
ဝတ်ဆင်ကာ ပြုံးရွှင်သောအမူအရာဖြင့်
မာလာ့ကို ငေးကြည့်နေသည် ။
“ ကျေးဇူးတင်လိုက်တာ
မာလာရယ် ။ မာလာ့ကျေးဇူးကြောင့် မိညိုတို့ညီအစ်မတတွေ
ဒီထက်အဆင့်မြင့်တဲ့နေရာကို သွားကြရတော့မယ်
။ မာလာ့ကို ကျေးဇူးဆပ်တဲ့အနေနဲ့ မိညိုတို့
ပိုင်ဆိုင်ခဲ့တဲ့ခြံကျယ်ကြီးကို မာလာ့အတွက်
ချန်ထား ပေးခဲ့တယ်
။ မာလာ မငြင်းပါနဲ့ကွယ် ။”
“ ဟင်…နေပါဦး
။ ဒါဆို…ဒါဆို…နင်နဲ့ငါ မတွေ့ရတော့ဘူးပေါ့ ။ မတွေ့ရတော့ဘူးပေါ့နော်…
ဟုတ်လား မိညို
။”
မာလာက မေးတော့ မိညို၏ရယ်နေသည့်မျက်နှာလေး ညှိုးကျသွားသည်
။ ဝိုင်းစက်ရွှန်းလဲ့သော
မျက်လုံးရွဲကြီး၌ မျက်ရည် ကြည်လေးများ ရီလေးခိုလာ၏ ။
“ ဟုတ်…ဟုတ်တယ်
မာလာ ။ မိညိုတို့နှစ်ယောက် နောက်ထပ် တွေ့ခွင့်မရတော့ဘူး ။
မိညိုတို့သိုက်က အဝေးကြီးကို ပြောင်းသွားရတော့မှာ
။”
“ ဟင့်အင်း ။
မိညို…နင် မသွားရဘူး ။ နင်ပေးတဲ့ခြံကိုလည်း ငါ မလိုချင်ဘူး ။ ငါတို့နှစ်ယောက်
အခုလိုပဲ
တစ်သက်လုံး နေကြမယ်လေ
။ ငါ သပြေလာခူးတိုင်း နင့်အတွက် ပန်းတွေ ဝယ်လာ
ခဲ့မယ် ။ တစ်နေ့ကျ နင့်အစ်မတွေကို ခွင့်တောင်းပြီး နင် တည်ခိုင်းတဲ့ဘုရားဆီကို
တို့နှစ်ယောက်
အတူတူသွားဖူးကြတာပေါ့ ။ မကောင်းဘူးလားဟာ မိညို ။ ဟင့်…နင်…နင် မသွားပါနဲ့ဟယ်
။”
မာလာက ပြောပြောဆိုဆိုနှင့်ငိုလေပြီ ။ မျက်ရည်များက ပိုးပိုးပေါက်ပေါက်
။ မာလာငိုတော့
နဂိုကတည်းက မျက်ရည်ဝဲနေ သည့်-မိညိုလည်း ငိုတော့သည် ။
တစ်နှစ်တာကာလအတွင်း
သိကျွမ်းခဲ့ကြခြင်းဖြစ်ပေမဲ့ ရှေးရေစက်ကြောင့် နှစ်ပေါင်းများစွာ
ခင်မင်ရင်းနှီးခဲ့သည့်အလား
တစ်ယောက်အပေါ်တစ်ယောက် သံယောဇဉ်ကြီးစွာဖြစ်နေကြသော-
သူတို့နှစ်ယောက်၏အဖြစ်က ကရုဏာသက်ဖွယ်ရာ
၊ အားကျဖွယ်ရာ၊ စိတ်မကောင်းဖြစ်ဖွယ်ရာ၊
သံဝေဂရဖွယ်ရာပင်
။ အတော်ကြာသည်အထိ နှစ်ယောက်သား ငိုနေကြသည် ။
တစ်ယောက်ကိုတစ်ယောက် ခင်မင်တွယ်တာစိတ်တို့ဖြင့်
ဖက်တွယ်ထားချင်နေကြသည် ။
ခွဲခွာဝေးကွာရမည်ကို ကြောက် ရွံ့စိုးရိမ်နေကြသည် ။ သို့သော်လည်း…ကံကုန်၍
ခွဲခွာရသည်မှာ လောကဓမ္မတာပဲ မဟုတ်ပါလား ။
အတန်ကြာငိုကြွေးပြီးနောက်
မာလာကပဲ အခြေအနေအပေါ် ဆင်ခြင်မိသည် ။ မိညိုဟာ
လူသားတစ်ယောက် မဟုတ် သဖြင့် မိမိဖြစ်ချင်သလို
တောင်းဆိုရန် မသင့် ။ သူ့ခမျာ
တာဝန်များရှိသည့်အထဲ မိမိကြောင့် နောက်ဆံတင်းနေရလိမ့်မည်
။ သူငယ်ချင်းကောင်းဆိုတာ
ကိုယ့်အတွက်ထက် သူ့အတွက်ကို ပိုတွေးပေးသင့်သည်ဟု မာလာ စဉ်းစားမိ၍
မျက်ရည်တို့ကို
သုတ်လိုက်သည် ။
“ မိညို…နင်လည်း မငိုနဲ့တော့ ။ ငါလည်း မငိုတော့ဘူး
။ ငါတို့တွေက ဗုဒ္ဓဘာသာဝင်တွေပဲ
ဟယ် ။ ကံကံရဲ့အကျိုးကို ယုံကြည်ရမှာပေါ့
။ နင်နဲ့ငါ ဒီလောက်ပဲ ကံပါလို့ပေါ့ဟာ ။ နောက်ဆံ
မတင်းဘဲ စိတ်ချလက်ချ ခရီးဆက်ပါ သူငယ်ချင်းရယ် ။ သံသရာတစ်ကွေ့မှာ
ငါတို့နှစ်ယောက်
ပြန်ဆုံကြဦးမှာပါ ။”
မာလာ့စကားကြောင့် မိညို အငိုတိတ်သွားပြီ ။ ကျေးဇူးတင်သောအကြည့်တို့ဖြင့်
မာလာ့မျက်နှာကို စိုက်ကြည့်နေရာမှ မိညို ၏ပုံရိပ်ကလေးသည် တဖြည်းဖြည်း
မှေးမှိန်ကွယ်ပျောက်သွားတော့၏
။
r r r r r r r
ယခုအခါတွင်တော့
မာလာဟာ သပြေသည်မလေး-မာလာ မဟုတ်တော့ ။ အောင်သပြေ
ရိပ်စံအိမ်တော်၏အရှင်သခင် ဒေါ်မာလာဖြစ်နေပါပြီ။
ကျေးရွာလူကြီးကိုယ်တိုင် မိညို ပေးသည့်
အိပ်မက်ကို မလွန်ဆန်ဝံ့၍ မာလာ့လက်သို့ အိမ်ကြီးကို
လွှဲ ပြောင်းအပ်နှံခဲ့ခြင်းဖြစ်သည် ။
အစပိုင်းတွင် မာလာတစ်ယောက် မည်သို့များ ဒုက္ခရောက်လိမ့်မလဲဟူသောအတွေးဖြင့်
ရွာသူရွာသားများက စောင့်ကြည့်နေခဲ့ကြသော်လည်း ဘာတစ်ခုမျှ မဖြစ်သည့်အပြင်
စိုက်ပျိုးထားသော-အသီးအနှံများ၊
သပြေ စည်းများကို ရောင်းချရင်း မာလာတစ်ယောက်
စီးပွားတက်သထက် တက်လာခဲ့သည် ။
ယခုဆို နှစ်တွေလည်း
ကြာခဲ့ပြီ ။ မမာလာဘဝမှ ဒေါ်မာလာဘဝသို့ ပြောင်းရွေ့ခဲ့ပြီ
။ ညောင်ကိုင်းရွာကလေးလည်း ဒေါ်မာလာ၏ကျေးဇူးဖြင့်
ကားလမ်းပေါက်ကာ လိုင်းကား
(၃)/(၄)စီး ဝင်ရောက်ပြေးဆွဲနေပြီ ။ အောင်သပြေရိပ်စံအိမ်သည်
လည်း သီးပင်စားပင်
အလှပင်များဖြင့် ဝေဆာသည်ထက် ဝေဆာနေ၏ ။ သပြေပန်းတို့မှာလည်း နတ်သြဇာ
စားမိသည့်
အလား ၊ မသေဆေး ကျွေးမိသည့်အလား ခြောက်သွေ့ညှိုးရော်ခြင်း မရှိ ၊
ဆယ့်နှစ်ရာသီလုံး အုန်းအုန်းထကာ
လန်းချင် တိုင်း လန်းနေကြသည် ။ နောက်ပြီး…
ယခုထက်တိုင်
မပြောင်းလဲသေးသည်က သပြေတန်းများကြား လမ်းဆင်းလျှောက်
သည့်အခါတိုင်း မမာလာတစ်ဖြစ်လဲ ဒေါ်မာလာတစ်ယောက်
ရေရွတ်ညည်းတွားတတ်
သည့်စကားတစ်ခွန်း ။
“ လွမ်းလိုက်တာ
မိညိုရယ်…”
စေတနာရှေ့ထားလျက်…
ဂါဦးနွန်းကို
https://www.facebook.com/writer.GONKတွင် ဝင်ရောက်လေ့လာနိုင်ပါသည် ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
https://www.facebook.com/writer.GONKတွင် ဝင်ရောက်လေ့လာနိုင်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
