အသက်ဝင်နေသော အရိပ်များ…
( ၂၀၁၃ စက်တင်ဘာလထုတ် ဂမ္ဘီရဆန်းကြယ်မဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ် ဖြစ်သည် )
ရေးသူ - ဂါဦးနွန်းကို
-------------------------------------------------------------------------------------------
တစ်စက်ပြီးတစ်စက်စီးကျနေသောမျက်ရည်စက်များကို ဇင်ငြိမ်းဝေ
လက်ခုံဖြင့် သုတ်လိုက်ရင်း သက်ပြင်းရှည်ကြီးတစ်ခုကို ရှိုက်သွင်းချလိုက်သည် ။ ရင်ထဲမှ
မွန်းသိပ်ပြည့်ကျပ်နေသောဝေဒနာများက အနည်းငယ်မျှလျော့ကျမသွား ။ ငိုရလွန်း၍ မို့ အစ်နီမြန်းနေသောမျက်လုံးအစုံကို
လက်နှစ်ဖက်နှင့် ခပ်ကြမ်းကြမ်းပွတ်သပ်ပစ်လိုက်ကာ စိတ်မာစမ်း…စိတ်ခိုင်စမ်းဟု ကိုယ့်
ကိုယ်ကို အားပေးနေမိသည် ။ မည်မျှပင် အားပေးခိုင်းစေနေပါစေ…ဇင်ငြိမ်းဝေ၏နှလုံးသားက ထိုအမိန့်သံတွေကို
အပြင်း အထန်ငြင်းဆန်ရုန်းကန်နေသဖြင့် မျက်ဝန်းတွင် မျက်ရည်စတွေ ပြည့်လျံလာပြန်သည် ။
မငိုနဲ့…မငိုရဘူးဟု တားမြစ်နေသော် လည်း မျက်ရည်တွေက ပါးပေါ်ကို စီးကျလာပြန်သည် ။ ဝမ်းနည်းစိတ်
တမ်းတစိတ်တွေကြောင့် မျက်ဝန်းတွေက တသိမ့်သိမ့် ငိုရှိုက်နေမိပေမဲ့ နာကျည်းစိတ် ခံပြင်းစိတ်တွေကြောင့်
နှုတ်ခမ်းတွေကတော့ တဆတ်ဆတ်တုန်ရီနေ၏ ။
“ မောင့်ကို သတိရလိုက်တာ ။”
ထိုအတွေးနှင့်အတူ နှလုံးအိမ်တစ်ခုလုံး
စူးအောင့်နာကျင်သွားရပေမဲ့ တစ်ဖက်ကလည်း…
“ အို…သူ မရှိလည်း ငါ နေနိုင်တယ် ။ ”
ဟူသောအတွေးက ခေါင်းထဲသို့
ဝင်လာပြန်၍ နာကျင်နေတဲ့နှလုံးသားကို ဥပေက္ခာပြုကာ စိတ်ကို တင်းထားလိုက်သည် ။ ဘယ်လိုပဲဖြစ်ဖြစ်
ဘဝဆိုတာ ကံဆုံစား ကံကုန်သွားပါပဲ ။ ငါနဲ့သူရဲ့ဆုံဆည်းကံက ဒီလောက်ပဲပါလို့နေမှာပါလေဟု
ကိုယ့် ကိုယ်ကို နှစ်သိမ့်ရသည် ။
ဇွန်းနှင့် ထမင်းတစ်လုပ်ကို ခပ်ယူကာ ပါးစပ်တွင်းသို့
စိတ်မပါလက်မပါသွင်းလိုက်သည် ။ လျှာပေါ်သို့ရောက်သွားသော ထမင်းလုတ်သည် အေးစက်စက်နှင့်
အရသာကင်းမဲ့နေသလို ခံစားရ၏ ။ ထမင်းလုတ်ကို ကြိတ်ကာဝါးမျိုရင်း မောင့်ကို သတိ ရသွားပြန်သည်
။ မောင်က ထမင်းဟင်းချက်ရာ၌ အလွန်လက်ရာကောင်းသူတစ်ယောက်…။ ဤဆိုင်ထမင်း ဆိုင်ဟင်းများမှာ
မောင့်လက်ရာကို နည်းနည်းမျှပင် မမီ ။ လွန်ခဲ့သောတနင်္ဂနွေရုံးပိတ်ရက်က မောင် ချက်ကျွေးသော
မာလာငါးဟင်းကို ပြန် တမ်းတမိသည် ။ မွှေးပျံသော စပါးလင်နံ့နှင့်အတူ စားကောင်းရုံတုံးတစ်ထားသော
အရသာရှိလှသည့်ငါးတုံးလေးများ ၊ မောင် ချက်သောမာလာငါးဟင်းတွင် ဇင်ငြိမ်းဝေအကြိုက်ဆုံးက
စိမ်းစိုနုညံ့လှသည့် ကန်စွန်းရိုးလေးတွေ ၊ ထိုကန်စွန်းရိုးလေးများမှာ ကြော်စားလျှင်
သိပ်မကြိုက်လှသော်လည်း မောင် ချက်သောမာလာငါးဟင်းထဲ၌တော့ ကန်စွန်းရိုး၏ချိုတိုတိုအရသာသာမက
ငါးဟင်း၏ စပ်တပ်တပ်အရသာ မွှေးပျံသင်းထုံတဲ့အငွေ့အသက်တွေပါ ရောယှက်ပေါင်းစုံနေသဖြင့်
စားလို့အလွန်ကောင်းလှ သည် ။
“ ဟူး…အတိတ်ကို အတိတ်မှာ ထားခဲ့တာပဲ ကောင်းပါတယ်
။”
အတွေးတွေကို ခေါင်းထဲက
ခါထုတ်ပစ်လိုက်ပြီး အေးစက်စက်နှင့် အရသာကင်းမဲ့လှတဲ့ထမင်းနှင့်ဆိတ်သားဟင်းကိုသာ အာ
ဟာရဖြစ်စေရန်အတွက် ကြိတ်မှိတ်မျိုချလိုက်တော့သည် ။
စားသောက်ပြီးသွားပြီဖြစ်၍ တစ်ခုခုအချိုပွဲတည်းရန်
အံဆွဲကို ဆွဲဖွင့်ကြည့်လိုက်တော့ ဇင်ငြိမ်းဝေ၏ဖေဖေ သိမ်းဆည်း ထားခဲ့သော ဝိုင်အရက်ပုလင်းများတွေ့လိုက်ရသဖြင့်
ဇင်ငြိမ်းဝေ ဆွဲထုတ်ယူလိုက်သည် ။ အမှန်တော့ ဇင်ငြိမ်းဝေသည် အ ရက်မသောက်တတ်ပါ ။ သို့သော်လည်း
တစ်အိမ်လုံးတွင် တစ်ယောက်တည်းဖြစ်နေသည်က တစ်ကြောင်း ၊ စိတ်အလွန်ညစ် နေသည်က တစ်ကြောင်းကြောင့်
ရုပ်ရှင်ကားတွေထဲကမင်းသမီးတွေလို အရက်ကို တမြေ့မြေ့သောက်ရင်း အလွမ်းဝေဒနာကို ဖြေသိမ့်ကြည့်ရကောင်းမယ်ဟူသောအတွေးနှင့်
အရက်ပုလင်းကို ဆွဲထုတ်လိုက်ခြင်းဖြစ်သည် ။ ရေခဲသေတ္တာတွင်း၌လည်း အသင့်စားကြက်အူချောင်းများရှိသဖြင့်
ဝိုင်တစ်ခွက်နှင့် ကြက်အူချောင်းတစ်ပန်းကန်ကိုသယ်ကာ အိမ်ရှေ့ကော်ရစ်တာဆီသို့ ထွက်လာခဲ့လိုက်သည်
။
အိမ်ရှေ့ကော်ရစ်တာတွင် ဖေဖေ့လက်ထက်က ထိုင်ခဲ့သော
ပက်လက်ကုလားထိုင်တစ်လုံး ရှိ၏ ။ ထိုပက်လက်ကုလား ထိုင်တွင်ပင် ဇင်ငြိမ်းဝေ ထိုင်လိုက်ပြီး
ဝိုင်ကို ဇိမ်ခံသောက်ရင်း ခြံဝန်းထဲက ပန်းပင်တွေကို ငေးကြည့်နေမိသည် ။ ပန်းပင် လေးတွေကို
ငေးကြည့်ရင်း အနည်းငယ်စိတ်သက်သာသလို ရှိသွားသဖြင့် ပန်းပင်တွေကိုသာ တခုတ်တရငေးကြည့်နေမိ၏
။ ဇင်ငြိမ်းဝေ၏အိမ်က ရပ်ကွက်ထိပ်တွင် တစ်လုံးတည်း တည်ရှိနေသဖြင့် ပတ်ဝန်းကျင်၏အနှောင့်အယှက်ကင်းကာ
ဆိတ်ငြိမ် တိတ်ဆိတ်နေ၏ ။ သို့ကြောင့်လည်း ဇင်ငြိမ်းဝေသည် ညနေခင်းဆည်းဆာ၏အလှကို ပြည့်ဝစွာခံစားခွင့်ရ၏
။ ထိုစဉ် ဇင်ငြိမ်း ဝေ၏မြင်ကွင်းထဲသို့ ဝဝဖြိုးဖြိုးနှင့်ချစ်စရာခွေးပေါက်လေးတစ်ကောင်
ဝင်လာသည် ။ ခွေးလေးသည် ဖြူဆွတ်ဆွတ်အရောင်ရှိ ပြီး ချစ်စဖွယ်ကောင်းသော်လည်း တစ်ကောင်တည်းဖြစ်နေ၍
ကြောက်ရွံ့စိုးထိတ်နေပုံပေါက်သည် ။
တအီအီနှင့်အော်ကာ
မျက်လုံးတွေကလည်း ဟိုဟိုသည်သည်ငေးမော့ကြည့်ရင်း တစ်စုံတစ်ရာကို ရှာဖွေနေ၏ ။ ညနေ စောင်းလေညင်းတစ်ချက်က
ခပ်ပြင်းပြင်းတိုက်ခတ်လိုက်စဉ် သူ့ကိုယ်လေး တဆတ်ဆတ်တုန်သွားသည်ကို ဇင်ငြိမ်းဝေ ကရုဏာသက်စွာ
တွေ့မြင်လိုက်ရသည် ။ ဇင်ငြိမ်းဝေ လှမ်းကြည့်နေစဉ်မှာပဲ ခွေးကြီးနှစ်ကောင်က ခွေးပေါက်လေးအနားသို့
ရောက်လာကာ ထိပ်ပုတ်ခေါင်းပုတ်နှင့် နှိပ်စက်ကျီစားကြ၏ ။ ခွေးကလေးခမျာ ကြောက်လွန်းလို့
အမြီးလေးကုတ်ကာ တုန်ရီ နေရှာသည် ။ ခွေးကြီးတစ်ကောင်က ထိုမျှနှင့် အားမရသေးဘဲ လည်ဂုတ်ကို
ခဲလိုက်ရာ ခွေးကလေးမှာ နာကျင်လွန်း၍ တဂိန် ဂိန်အော်ညည်းရသဖြင့် ဇင်ငြိမ်းဝေလည်း မနေသာတော့ဘဲ
ခြံထောင့်ရှိရေပိုက်ကို ဆွဲကာ ရေနှင့် လှမ်းပက်လိုက်သည် ။ ထို အခါမှ ခွေးကြီးနှစ်ကောင်
အထိတ်တလန့်နှင့် ထွက်ပြေးသွားတော့သည် ။
“ ကျွတ်…ကျွတ်…မကြောက်ပါနဲ့ ကလေးရယ် ။ လာ…မေမေ့ဆီကို
လာ ။”
ရေစိုရွှဲလျက် တုန်ယင်နေရှာတဲ့ခွေးငယ်လေးကို
ဇင်ငြိမ်းဝေ ထွေးပွေ့ပိုက်ရင်း တစ်စုံတစ်ယောက်ကို သတိရကာ ရင်ခွင်တစ် ခုလုံး ဆတ်ဆတ်ခါအောင်
နာကျင်သွားရသည် ။ မျက်ရည်တွေက တမဟုတ်ချင်း မျက်လုံးအိမ်ထဲတွင် ပြည့်လျံသွားကာ ပါး ပြင်ထက်သို့
တလိမ့်လိမ့်စီးကျလာ၏ ။
“ အို…ငိုနေလို့ မဖြစ်သေးပါဘူး ။ ခွေးလေးကို ရေသုတ်ပေးပြီး
အစာကျွေးဦးမှ ။”
H H H H H H H H H H H H H H H H
တစ်နေ့လုံး စိတ်ပင်ပန်းလူပင်ပန်းသဖြင့် ဇင်ငြိမ်းဝေ
ကုတင်ပေါ်သို့ ခြေပစ်လက်ပစ်လှဲချလိုက်သည် ။ တစ်ကိုယ်လုံး ကိုင်ရိုက်ထားသလို နာကျင်ကိုက်ခဲနေသလို
မျက်ခွံတွေကလည်း သယ်မ,ချင်စိတ် မရှိလောက်အောင် လေးလံပူစပ်နေ၏ ။
“ စိတ်ထောင်းကိုယ်ကျေဆိုတာ ဒါမျိုး ထင်ပါရဲ့ ။”
ဟု ခပ်ချဉ်ချဉ်တွေးလိုက်မိသည်
။ ပင်ပန်းလွန်းလို့ ဇင်ငြိမ်းဝေ မှေးခနဲဖြစ်သွားသည့်အခိုက်…
“ ဝုန်း…”
ကျယ်လောင်လှသည့်အသံတစ်သံကြောင့်
အိပ်ရာပေါ်မှ ဆတ်ခနဲထထိုင်လိုက်မိသည် ။ ပစ္စည်းတစ်ခုခု ပြုတ်ကျသွားသည့် အသံမျိုး…။ ဘာများဖြစ်ပါလိမ့်ဟူသောအတွေးနှင့်
အိပ်ခန်းအပြင်ဘက်ဆီသို့ နားစွင့်ကြည့်လိုက်၏ ။
“ တောက်…”
ကျယ်လောင်လှသည့်တောက်ခေါက်သံ…။
ဇင်ငြိမ်းဝေ၏မျက်လုံး ပြူးကျယ်သွားကာ အိပ်ရာပေါ်မှ ညင်သာစွာ ထလာလိုက် ပြီး အခန်းတံခါးကို
ဆွဲဖွင့်လိုက်သည် ။ အခန်းပြင်သည် မိနစ်ပိုင်းအတွင်း လုံးဝပြောင်းလဲခြားနားသွားပြီ…။
နဂိုက ဇင်ငြိမ်းဝေကိုယ်တိုင် စိတ်ကြိုက်ပြင်ဆင်ထားသော
ဘိုဆန်ဆန်အညိုရင့်ရောင်နံရံကပ်ပိုစတာများနေရာတွင် စိမ်း နုရောင်နံရံကပ်စက္ကူများ ။ ထိုစိမ်းနုရောင်စက္ကူများ၏အပေါ်တွင်တော့
ချိတ်ဆွဲထားသောဓါတ်ပုံများ၊ လှေကားလက်ရမ်းဘေး တွင် မိန်းမတစ်ယောက် ကိုယ်ဟန်ပြနေတဲ့ပန်းချီကားတစ်ချပ်
။ ပွတ်လုံးတိုင်လှေကားများကို ငေးကြည့်ရင်း ဇင်ငြိမ်းဝေ အံ့ အားသင့်ရုံမက ဒီမြင်ကွင်းမျိုးကို
ငါ မြင်ဖူးသလိုပါပဲဟူသောအသိက အာရုံတွင် လာကပ်ငြိပြီး မူးနောက်နောက်ဖြစ်သွား၏ ။ ထိုစဉ်
ကျယ်လောင်လောင်အော်ဟစ်သံများကို အောက်ထပ်က ကြားရသဖြင့် သတိကြီးစွာထားကာ အောက်ထပ်သို့
ဆင်း လာလိုက်သည် ။
“ မင်းက ဘာသိလို့လဲ ။ ဘာသောက်သုံးကျလို့ ငါ့အလုပ်တွေကို
ဝင်ပါနေရတာလဲ ။”
“ ကျွန်မက ရှင့်အလုပ်တွေကို ဝင်ပါနေတာ မဟုတ်ဘူး
။ မိသားစုကို ဂရုမစိုက်တဲ့ရှင့်ကို အသိတရားလေး ဝင်မလားလို့
ပြောကြည့်မိတာ ။”
“ ငါက ဒီမိသားစုကို ဂရုမစိုက်ဘဲ မယားငယ်ထားနေလို့လား
။”
“ အမလေးရှင်…။ ရှင် ပိုက်ဆံရှာနိုင်လို့ မယားငယ်ထားရင်တောင်
ကျွန်မက ဝမ်းသာနေဦးမယ် ။ ခုတော့ ပိုက်ဆံမရတဲ့
အလုပ်ကို လုပ်နေရုံတင် မကဘူး ။ ကောင်မတွေနဲ့လည်း
ပရောပရိလုပ်လို့ ။”
“ မင်း ငါ့အနုပညာကို မစော်ကားနဲ့ ။ ဒါ လုပ်ငန်းသဘောကွ
။”
“ ဘာအနုပညာလဲ ။ ဘာလုပ်ငန်းလဲ ။ ဟိုဟာမတွေက ပြီးရင်
ပိုက်ဆံလေးနှစ်ပဲတစ်ပြားပေးပြီး ရှင့်ရှေ့မှာ ကော့ကန်ပြနေ
ကြတာကို ရှင်က သာယာနေတာ မဟုတ်လား ။”
“ မင်း…မင်း အရမ်းလွန်နေပြီနော် ။ တယ်…ငါ လုပ်လိုက်ရ
။”
“ အောင်မာ…လုပ်ရဲလုပ်ကြည့်ပါလား ။ ကျွန်မက ငြိမ်ခံနေမယ်များမှတ်နေလား
။ ရှင့်လို အသုံးမကျတဲ့လူကို ယူခဲ့မိတာကို
က ကျွန်မ မှားတာပါ ။ ခုတော့ ကြည့်ဦး ။ ရှင်က
ကျွန်မ့လုပ်စာကို ထိုင်စားနေတယ် ။”
“ တောက်…”
အမျိုးသားက လဲပြိုနေသောစားပွဲကို
ခြေထောက်နှင့်ကန်ကာ အမျိုးသမီးကို စူးစူးရဲရဲစိုက်ကြည့်ပြီးနောက် အိမ်အပေါ်ထပ်သို့ ဝုန်းဒိုင်းကျဲတက်သွားသည်
။ အမျိုးသမီးက အိမ်အောက်ထပ်တွင် အံ့ကြိတ်ငိုလျက်ကျန်ရစ်ခဲ့၏ ။ ခပ်လှမ်းလှမ်းအခန်းထောင့်
တစ်နေရာတွင်တော့ အားငယ်ဖျော့တော့သောမျက်ဝန်းတွေနှင့် ကြောက်ရွံ့စိုးထိတ်နေရှာတဲ့ကလေးမလေးတစ်ယောက်
။ ဘာတွေလဲ…။ ဒါက ဘာတွေဖြစ်ကုန်တာလဲ ။
“ မေမေတို့ရယ်…ရန်မဖြစ်ကြပါနဲ့တော့နော် ။”
ကလေးမလေးက တိုးတိုးလေးရွတ်ဆိုလိုက်သည်
။ အသံက တိုးညင်လှသဖြင့် ကလေးမ၏အနားသို့ ရောက်နေသော ဇင် ငြိမ်းဝေပင် သဲ့သဲ့သာကြားရသည်
။ ကလေးမလေးကို ဇင်ငြိမ်းဝေ သနားကြင်နာစွာ ငေးကြည့်နေမိ၏ ။
နောက်တစ်နေ့ကူးသွားသော်လည်း အကြောင်းအရာတွေက
အပ်ကြောင်းထပ်လျက်…။ အမျိုးသားနှင့်အမျိုးသမီး နံနက် စာထမင်းဝိုင်းတွင် ရန်အကြီးအကျယ်ဖြစ်ကြသည်
။ အမျိုးသားက မစားရသေးတဲ့ထမင်းပန်းကန်ကြီးကို ကြမ်းပြင်ပေါ်သို့ ပစ် ခွဲပစ်လိုက်သည်
။ အမျိုးသမီးက အော်ဟစ်ကာ အမျိုးသားကိုတစ်လှည့် ကွဲကြေနေသော ကြမ်းပြင်ကပန်းကန်ကိုတစ်လှည့်
လက်ညှိုးငေါက်ငေါက်ထိုးပြီး…
“ ဒီပစ္စည်းတွေက ကျွန်မ ရှာထားတဲ့ပိုက်ဆံနဲ့ ဝယ်ထားတဲ့ဈေးကြီးပစ္စည်းတွေ
။ ရှင် မဝယ်ရတိုင်း ခွဲမနေနဲ့ ။”
“ မင်း ငွေဂုဏ် သိပ်မောက်မနေနဲ့ ။ မင်း တစ်နေ့
နောင်တရစေရမယ် ။”
“ ရှင်က ဘာဖြစ်ချင်လို့လဲ ။ အိမ်ပေါ်က ဆင်းချင်ဆင်းသွား
။”
အမျိုးသမီး၏စကား မဆုံးခင်ပင်
အမျိုးသား ထမင်းဝိုင်းက ထသွားသည် ။ ကလေးမလေးကတော့ မိဘနှစ်ပါးကို မကြည့်ဘဲ ကြမ်းပြင်ကထမင်းလုံးလေးတွေကိုသာ
မျက်လုံးအဝိုင်းသားနှင့် ငေးကြည့်နေသည် ။
ဇင်ငြိမ်းဝေ၏ခေါင်းထဲ မူးနောက်ရှုပ်ထွေးနေဆဲ
။ ဒီမိသားစုဆီကို ငါ ဘယ်လိုလုပ်ပြီး ရောက်လာပါလိမ့်ဟူသော မေး ခွန်းကိုသာ ကိုယ့်ကိုယ်ကို
အကြိမ်ကြိမ်ပြန်မေးနေမိသည် ။ နောက်ပြီး ဤအဖြစ်အပျက်တွေနှင့်လည်း ရင်းနှီးကျွမ်းဝင်နေသ
လို…။
“ သမီး…ကျောင်းသွားတော့လေ ။ ဘာလာကြည့်နေတာလဲ ။
သွား…အခု ။”
အော်ဟစ်သံတွေကြောင့်
ဇင်ငြိမ်းဝေ ဧည့်ခန်းဆီသို့ လှမ်းကြည့်လိုက်မိတော့ မိခင်ဖြစ်သူကိုငေးကြည့်ရင်း တစ်ခုခုကိုမျှော်
လင့်နေရှာတဲ့ ကျောပိုးအိတ်နှင့်ကလေးမလေး ။ ချက်ချင်းပင် ဇင်ငြိမ်းဝေ၏ရင်ထဲက စာနာလိုက်မိသည်
။ ကျောင်းသွားခါနီး မိခင်ဖြစ်သူက ထမင်းဘူးလေးကိုကိုင်ကာ ခြံဝသို့လိုက်ပို့ပြီး နဖူးပြင်ကို
နမ်းရှုံ့လျက်…
“ သမီး ကျောင်းကိုကောင်းကောင်းသွားနော် ။ မတည့်တာတွေလည်း
ဝယ်မစားနဲ့ ။ မေမေ ထည့်ပေးလိုက်တဲ့ထမင်းဟင်း
တွေကို ကုန်အောင်စား ။ နေပူထဲလည်း မထွက်နဲ့ဦး
။ စာလည်း သေချာလိုက်ရေးနော် ။”
ဟူသော တယုတယမှာတမ်းခြွေစကားများကို
တမ်းတနေမည်မှန်း ဇင်ငြိမ်းဝေ နားလည်လိုက်မိသည် ။ ခေါင်းငိုက်စိုက်နှင့် တ ရွေ့ရွေ့ထွက်ခွာသွားသော
ကလေးမလေး၏ကျောပြင်ကို ငေးကြည့်ရင်း ဇင်ငြိမ်းဝေ ရင်နာလွန်းလို့ မငိုမိစေရန် အောက်နှုတ်
ခမ်းတွေကို သွားနှင့် ဖိကိုက်ထားလိုက်ရ၏ ။
ညနေရောက်ခဲ့ပြီ…။ အိမ်ထဲသို့ ကလေးမလေး ဝမ်းသာအားရပြေးဝင်လာပြီး…
“ မေမေ ရီပို့ကတ်ထွက်ပြီ ။ ကြည့်ပါဦး…။”
ကလေးမလေးက မိခင်လက်ထဲသို့
အမှတ်စာရင်းစာရွက်ကို ထိုးပေးရင်း ခုန်ဆွခုန်ဆွဖြစ်နေ၏ ။ သူကလေး၏ပုံစံကိုကြည့်ရုံမျှ
နှင့် ကျောင်း၌ အဆင့်တစ်ရလာပုံပဲဟု ဇင်ငြိမ်းဝေ ရိပ်မိလိုက်သည် ။ ကလေးတိုင်း ကျောင်း၌
ထူးချွန်လျှင် မိဘတွေ၏ ချီး ကျူးစကားကို ခံယူချင်ကြစမြဲ ။ ဤကဲ့သို့ အမြဲစိတ်အားငယ်နေရသောကလေးမလေးအတွက်
ထိုချီးကျူးစကားသည် ပို၍ လိုအပ်ပေလိမ့်မည် ။ ပို၍လည်း တောင်းတပေလိမ့်မည် ။ သို့သော်လည်း…
“ အေးပါ…အေးပါ သမီးရယ် ။ မေမေ အလုပ်ရှုပ်နေတယ်
။ စာရင်းတွေက ဒီနေ့ပြီးအောင် တွက်ရမှာ ။ သွား…သွား …”
ထိုအမျိုးသမီး၏စကားကြောင့်
ဇင်ငြိမ်းဝေ အံ့သြလွန်းလို့ ပါးစပ်အဟောင်းသားဖြစ်သွားရသလို ဒေါသထွက်လွန်း၍လည်း လက်သီးကို
ကျစ်ကျစ်ပါအောင် ဆုပ်လိုက်မိသည် ။ ဘုရား…ဘုရား…လုပ်ရက်လိုက်ကြတာ ။ တစ်ချက်ကလေးကြည့်ပြီး
တော်လိုက်တဲ့ငါ့သမီးလေးလို့ ချီးကျူးလိုက်ရင် ဘယ်လောက်အလုပ်ပျက်သွားမှာမို့လို့လဲဟု
ရင်ထဲ၌ အော်ဟစ်ပေါက်ကွဲနေမိ ၏ ။ ကလေးမလေးကတော့ သူ့ကိုယ်ပိုင်အမူအရာအတိုင်း အားဖျော့တဲ့မျက်ဝန်းတွေနှင့်
ခေါင်းငိုက်စိုက်ကျကာ မိခင်၏အနား ကနေ တရွေ့ရွေ့ထွက်ခွာသွားသည် ။
“ ကလေး မင်း အားမငယ်နဲ့ ။ မင်းက သိပ်တော်တဲ့ကလေးမလေးပါ
။”
ကလေးမလေး ဇင်ငြိမ်းဝေ၏နဘေးသို့
ရောက်ရှိလာသည့်အခိုက် ရင်ထဲမှသနားကြင်နာသည့်စကားများက အပြင်သို့ ပွင့်အန် ထွက်လာသည်
။ အမြဲလိုလိုငုံ့နေတတ်တဲ့ကလေးမလေးရဲ့ခေါင်းက ဖြည်းဖြည်းချင်းမော့လာကာ ဇင်ငြိမ်းဝေကို
မော့ကြည့် လိုက်ပြီး အားမာန်တင်းဟန်ဖြင့် ဖျော့တော့တော့အပြုံးတစ်ပွင့်ကို ပြုံးလိုက်၏
။
“ အို…ဘုရားရေ…ဘုရား…ဘုရား…”
ညနေစောင်းတော့ အမျိုးသား
ပြန်လာပြီး စကားတစ်ခွန်းမျှ မဆိုဘဲ သူ့ကင်းဘတ်စတွေ စုတ်တံတွေ ဆေးဘူးတွေကို တစ်ခု ချင်းလိုက်ကောက်ကာ
ငှားလာတဲ့လိုက်ထရပ်ပေါ်သို့ တင်သည် ။ အမျိုးသမီးက တရွရွလှုပ်နေတဲ့နှုတ်ခမ်းတွေကို အံကြိတ်
ထိန်းလျက် အမျိုးသားလုပ်သမျှကိုသာ ငေးကြည့်နေသည် ။ ကလေးမလေးကတော့ ဖခင်ပြန်လာပြီဟူသောအသိနှင့်
အိပ် ခန်းတွင်းမှ ပြေးထွက်လာပြီး…
“ ဖေဖေ ပြန်လာပြီ ။ ဖေဖေ ဒီနေ့ ရီပို့ကတ်ထွက်တယ်
သိလား ။”
ကလေးပီပီ အခြေအနေကို
နားမလည်ဘဲ သူပြောလိုရာကိုသာပြောပြီး ရီပို့ကတ်လေးကို ထုတ်ပြသည် ။ ဖခင်ဖြစ်သူက သမီး
ငယ်ပြသော ရီပို့ကတ်ကို မကြည့်ဘဲ…
“ သမီးလေး မေမေနဲ့ ပျော်အောင်နေနော် ။ ဖေဖေ သွားတော့မယ်
။”
“ ဟင်…ဖေဖေ ဘယ်ကို သွားမလို့လဲဟင် ။”
“ နောက်တော့ သိရမှာပေါ့ သမီးလေးရယ် ။ ကဲ…ဖေဖေ သွားတော့မယ်နော်
။”
ဖခင်ဖြစ်သူက ကလေးမလေး၏ပုခုံးနှစ်ဖက်ကို
အားပါးတရဖျစ်ညှစ်လိုက်ပြီး အိမ်ထဲမှ ပြေးထွက်သွားသည် ။ ကလေးမလေး ခမျာ အံ့သြဝမ်းနည်းတဲ့မျက်ဝန်းအစုံနှင့်
ဖခင်ကို ငေးကြည့်ရင်း လက်ထဲမှရီပို့ကတ်လေးကို တင်းတင်းကြပ်ကြပ်ဆုပ်ကိုင်ထား လိုက်တော့သည်
။
H H H H H H H H H H H H H H H H
လက်ခုံဆီမှစိုစိစိအထိအတွေ့ကြောင့် ဇင်ငြိမ်းဝေ
လန့်နိုးလာ၏ ။ ကုတင်ဘေးသို့ ငုံ့ကြည့်လိုက်မိတော့ မနေ့ညနေက ဖြူလုံးဟုအမည်မှည့်ကာ အိမ်ပေါ်ခေါ်တင်မွေးထားသော
ခွေးပေါက်လေး…။ ပြတင်းပေါက်မှဖြာကျနေတဲ့အလင်းရောင်ကို သတိပြုမိ၍ အိပ်ရာမှလူးလဲထလိုက်ပြီး
ပတ်ဝန်းကျင်သို့ ဝေ့ဝဲကြည့်မိတော့ မိုးလင်းနေပါပကော ။
ဇင်ငြိမ်းဝေ သွားတိုက်နေရင်း အိပ်မက်ကို ပြန်တွေးသည်
။ အိပ်မက်က မေ့လျော့နေပြီဖြစ်သောမိမိ၏ငယ်ဘဝကို ပြန် လည်မြင်မက်သောအိပ်မက် ။ မိဘနှစ်ပါး၏အဆင်မပြေမှုများကြောင့်
ရင်နာစရာတွေနှင့်ကြီးပြီးလာရသည့် ကလေးမလေး တစ်ယောက်၏ဘဝ ။ တစ်ယောက်နှင့်တစ်ယောက်၏ နားမလည်မှုတွေကို
ညှိုနှိုင်းမယူကြဘဲ မာနတွေကို ရှေ့တန်းတင်ကာ ပြိုကွဲခဲ့ရသည့် ဇင်ငြိမ်းဝေ၏ငယ်ဘဝက သီရိဂေဟာလေး
။ မာနတွေနှင့် လမ်းခွဲခဲ့ကြသော်လည်း တစ်ယောက်နှင့်တစ် ယောက် တကယ်ချစ်ကြတာကြောင့် ဖေဖေ့စိတ်နှင့်ပင်
မေမေ နှလုံးရောဂါဖြစ်ကာ လူ့ဘဝကို စောစီးစွာ စွန့်ခွာသွားရသလို ဖေဖေလည်း မေမေ့ကြောင့်
အရက်သမားလုံးလုံးဖြစ်ပြီး နောက်ဆုံး အသည်းပျက်စီးကာ သေဆုံးရပြန်သည် ။ မိဘနှစ်ပါး ကွဲ
ကွာစဉ်က ဇင်ငြိမ်းဝေ၏အသက်မှာ ရှစ်နှစ်သာ ရှိသေးသည် ။ အရွယ်နှင့်မမျှသောစိတ်ဆင်းရဲမှုတွေကို
ကြိတ်မှိတ်မျိုသိပ် ကာ ခံစားခဲ့ရသည် ။ ထိုသို့သောဝေဒနာမျိုးကို မိမိ၏မာနကြောင့် တစ်စုံတစ်ယောက်ကို
ထပ်ပြီးခံစားစေရဦးမှာလား…။
“ အို…မဖြစ်ဘူး ။ မဖြစ်ဘူး ။”
မျက်နှာပင် မသုတ်နိုင်တော့ဘဲ
ဇင်ငြိမ်းဝေ အိမ်ထဲမှပြေးထွက်လာလိုက်သည် ။
ကားကို ခပ်မြန်မြန်မောင်းနှင်လာခဲ့၍ အိမ်ကို
ဘယ်လိုကဘယ်လို ရောက်သွားသည်ပင် မသိလိုက်…။ အိမ်ထဲသို့ ပြေးဝင် သွားလိုက်ပြီး…
“ မောင်…မောင်ရေ…အို…မောင်ရယ် ။”
ဆိုဖာပေါ်တွင် ဇင်ငြိမ်းဝေ၏ဓါတ်ပုံကိုပိုက်လျက်
ခွေခွေလေးအိပ်ပျော်နေရှာသောမောင့်ကို တွေ့လိုက်ရသဖြင့် ဇင်ငြိမ်းဝေ၏ အသည်းစိုင်တွေ
နာကျင်သွားရသည် ။ ဘာမဟုတ်တာလေးတစ်ခုအတွက် မောင်နှင့်ရန်ဖြစ်ကာ အိမ်ပေါ်မှ ရူးရူးမိုက်မိုက်
ဆင်းသွားမိသော မိမိကိုယ်ကို အပြစ်တင်မဆုံး…။
“ မောင်…”
မောင့်လက်ကလေးတစ်ဖက်ကို
ဖွဖွဆုပ်ကိုင်ရင်း ခပ်တိုးတိုးခေါ်လိုက်မိတော့ မောင့်မျက်ခွံတွေ လှုပ်ရှားလာပြီး မျက်လုံးပွင့်
လာသည် ။
“ ဟင်…ဇင်…ဇင်လေး ပြန်လာတယ် ။ ဝမ်းသာလိုက်တာ ။
မောင် ဝမ်းသာလိုက်တာ ဇင်ရယ် ။ မောင် တောင်းပန်ပါတယ်
နော် ။ မောင် အရမ်းမှားသွားတယ် ။ ဇင်လေးကို မောင်
ရင့်ရင့်သီးသီးမပြောလိုက်သင့်ဘူး ။”
“ မဟုတ်ပါဘူး မောင်ရယ် ။ ဇင် မှားတာပါ ။ ဇင်ကိုက
မိုက်တာ ။ နောင်ဆို ဇင် မောင့်အနားကနေ ဘယ်ကိုမှထွက်မသွား
တော့ဘူး ။ သမီးလေးရဲ့အနားကရောပေါ့ ။ သမီးလေးရောဟင်
။ ညက သမီးလေး ငိုသေးလား ။ ဇင့်ကို ရှာသေးလား
ဟင် ။”
“ သမီးလေးက လိမ္မာပါတယ် ဇင်ရယ် ။ ဇင့်ကို ရှာနေပေမဲ့
မောင် ချော့သိပ်လိုက်တော့ အိပ်ပျော်သွားတာပါပဲ ။ မငိုနဲ့တော့
နော် ။ တိတ်…”
မောင်က ဇင်ငြိမ်းဝေ၏ပါးပြင်မှမျက်ရည်စက်များကို
သူ့လက်ချောင်းတွေနှင့် ပွတ်သုတ်ပေးသည် ။ ဇင်ငြိမ်းဝေက မောင့်လက် ချောင်းတွေကို ဆုပ်ကိုင်ကာ
ပါးပြင်နှင့်ဖိကပ်ရင်း…
“ ဒီလက်ချောင်းနုနုတွေနဲ့ရေးတဲ့စာပေတွေကို ဇင်
မြတ်နိုးတန်ဖိုးထားပါတော့မယ် မောင် ။ အနုပညာဆိုတာလည်း အလုပ်
ပါပဲ မောင်ရယ် ။ လောကမှာ အရာရာတိုင်းကို ငွေကြေးနဲ့
တိုင်းတာလို့မရဘူးဆိုတာ ဇင် နားလည်သွားပါပြီ ။”
“ ဝမ်းသာလိုက်တာ ဇင်ရယ် ။ မောင် အောင်မြင်အောင်
ကြိုးစားမှာပါ ။”
ဇင်ငြိမ်းဝေ၏စကားများအဆုံးမှာတော့
မောင် ဝမ်းသာလွန်း၍ မျက်ရည်များပင် ရစ်ဝဲသွားသည် ။ မောင်တစ်ယောက် သူ့ အလုပ်အပေါ် မည်မျှလေးစားမြတ်နိုးသလဲဆိုတာ
ဇင်ငြိမ်းဝေ ယခင်ကတည်းက မသိမဟုတ် သိသည် ။ သို့သော်လည်း မိမိ ကိုယ်မိမိ မိန်းမတန်မဲ့
ငွေရှာနိုင်သည်ဟူ၍ မာနဂုဏ်မောက်ခဲ့မိသဖြင့် အဆင်မပြေဖြစ်ခဲ့ရ၏ ။ ယခုတော့ မောင့်အပေါ်မှာ
နား လည်သွားပါပြီ ။ ပါရမီဖြည့်ဘက်ပီပီ မောင် မြတ်နိုးသည့်အရာကို မိမိပါ မြတ်နိုးတော့မည်ဟု
ဆုံးဖြတ်လိုက်သည် ။ ချစ်သူ နှစ် ဦး တစ်ယောက်ကိုတစ်ယောက် နားလည်မှုရှိစွာနှင့် တင်းတင်းကြပ်ကြပ်ထွေးပွေ့လိုက်ကြ၏
။
“ အယ်…မေဂျီး ပြန်ရာပီ ။ ဟေး…”
အိပ်ခန်းထဲမှထွက်လာသောသမီးငယ်လေးက
ဇင်ငြိမ်းဝေကို တွေ့လိုက်ရသဖြင့် ဝမ်းသာသွားကာ သူမထံသို့ ခုန်ပေါက်ပြေး ဝင်လာသည် ။
ဇင်ငြိမ်းဝေလည်း မောင့်ရင်ခွင်မှထွက်ခွာကာ သမီးလေးကို ထွေးပိုက်လိုက်ပြီး ပါးပြင်ကို
အားပါးတရနမ်းရှိုက် လိုက်သည် ။ ပျော်ရွှင်မှုကြောင့် ရွှန်းစိုတောက်ပနေသော သမီးလေး၏မျက်လုံးဝိုင်းလေးများကို
ဘယ်တော့မှ မညှိုးဖျော့စေ လိုပါ ။ သမီးလေး၏ ရွှေရောင်နေ့ရက်များ လှပသာယာစေရန် မိဘဖြစ်သူကျွန်မတို့တွင်
တာဝန်ရှိသည် မဟုတ်ပါလား…။
စေတနာရှေ့ထားလျက်…
ဂါဦးနွန်းကို
https://www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
