ရုက္ခစိုးကိုတောင် လန့်ဖျပ်စေတဲ့ မျက်လုံးဝင်းဝင်းကောင်
( ၂၀၁၅ ဇွန်လထုတ် ဂမ္ဘီရဆန်းကြယ်မဂ္ဂဇင်းတွင် ဖော်ပြခံခဲ့ရသော ဝတ္ထုတိုတစ်ပုဒ် ဖြစ်သည် )
ရေးသူ - ဂါဦးနွန်းကို
------------------------------------------------------------------------------------------------------
ယခုရက်ပိုင်း စာရေးသူ၏အစ်မထံမှ ဖြစ်ရပ်မှန်ဇာတ်လမ်းများကို အစဉ်မပြတ်ကြားသိနေရသည် ။ ဇာတ်လမ်းများက ဆန်းပြားသည်လည်း ရှိသလို တချို့တလေမှာလည်း ဖန်တရာတေနေသောအကြောင်းအရာများဖြစ်နေ၍ ရေးသင့်သည် ကို ရေးသားပြီး မရေးသင့်သည်ကိုလည်း ပယ်ချခဲ့ရသည် ။ သို့သော်…အကြောင်းကိစ္စအားလုံးမှာမူ လျှို့ဝှက်နက်နဲပြီး လူ တစ်ထောင်လျှင် တစ်ယောက်ကြုံတွေ့ရန် မလွယ်ကူနိုင်သော ဂမ္ဘီရဆန်ဆန် သိပ်သည်းနက်ရှိုင်းသည့်ဖြစ်ရပ်ဆန်းများ သာဖြစ်၏ ။
စာရေးသူ၏အစ်မက အပေါင်းအသင်းဝင်ဆန့်သူဖြစ်ပြီး
အေးအေးဆေးဆေးနှင့် ပြုံးပြုံးရယ်ရယ်နေထိုင်တတ်သော ကြောင့် ရွယ်တူသာမက လူကြီးများကပါ
ချစ်ခင်ကြသည် ။ သူမတွင် ဂမ္ဘီရမဂ္ဂဇင်းများ၌ စာရေးသားနေသောညီမငယ် တစ်ယောက် ရှိသည်ဟု
ကြားသိကြသည့်အခါတွင် အထူးစိတ်ဝင်စားကာ ကုန်ကြမ်းပေးကြသူအများစုက အတွေ့အကြုံ ရင့်ကျက်ပြီး
နေရာစုံသို့ သွားလာနေထိုင်ဖူးသော လူကြီးဝါကြီးများပင် ။
လူငယ်အများစုက အတွေ့အကြုံမရင့်စုံကြသေး၍ ဤကဲ့သို့
ခက်ခဲသိပ်သည်းသော တစ်ဖက်နယ်ပယ်သားများနှင့် ပတ်သက်ဆက်နွယ်သည့်အကြောင်းကိစ္စများကို ကိုယ်တိုင်ကိုယ်ကျ
တွေ့မြင်ကြုံကြိုက်ရန် မလွယ်ကူနိုင်သော်လည်း လူ ကြီးများတွင်ကား လုပ်ငန်းတာဝန်အရသော်လည်းကောင်း
၊ စီးပွားရေးလုပ်ဆောင်ရန်အတွက်သော်လည်းကောင်း ၊ လူမှု ရေးဝတ္တရားများကြောင့်သော်လည်းကောင်း
နေရာစုံဒေသစုံသို့ သွားရောက်ကာ လူပေါင်းစုံနှင့်တွေ့ကြုံဖူးကြသည်သာ များသဖြင့် ဤသို့သောဖြစ်ရပ်ဆန်းများကို
တစ်ကွေ့မဟုတ် တစ်ကွေ့၌ တွေ့ဆုံကြုံကြိုက်ကြသည်ပဲဖြစ်ရာ ပြောစရာ အကြောင်းအရာတို့ ပြည့်နှက်နေသည်မှာ
အဆန်းမဟုတ်ပါချေ ။ ဆန်းပြားထွေလီနေသည်က သူတုိ့ ကြုံဆုံရင်ဆိုင်ခဲ့ရ သော ဖြစ်ရပ်မှန်အကြောင်းအရာများသာ
ဖြစ်ပါတော့၏ ။
JJJJJJJJJJ
“ ဒီလိုကွ ။ ငါတို့…ရေနံရှာဖွေဖို့အတွက် ချောက်မြို့နယ်ဘက်ကို
သွားခဲ့တုန်းကပေါ့ ။ နင်တို့တွေ…ချောက်မြို့နယ်ကို
ရောက်ဖူးတယ်မဟုတ်လား ။”
ဦးလွင်မင်းက
ထူထဲသောမျက်မှန်ကြီးကို ကျော်လွန်ကာ အားလုံး၏မျက်နှာများကို ဝေ့ဝဲလှမ်းကြည့်ရင်း မေးလိုက်သည်
။
“ ဟုတ်ကဲ့ ဆရာ ။ သမီးတို့ Hons:တန်းတုန်းက
fieldဆင်းခဲ့ရပါတယ် ။”
တပည့်မလေးတစ်ယောက်က
ဝင်ဖြေလေသည် ။
လက်နှစ်ဖက်က စားပွဲပေါ်သို့ ယှက်လျက်တင်ထားပြီး
ခြေထောက်များကိုမူ ချဲလျက်အနေအထားဖြင့် သက်တောင့် သက်သာထိုင်နေသည် ။ အသက်(၇၀)နားနီးပြီဖြစ်သော်လည်း
နားလေးခြင်း ၊ ခါးကိုင်းခြင်း ၊ အသားအရည် ပျော့တွဲခြင်း တို့ မရှိသေးပေ ။ လုပ်ငန်းခွင်တွင်
ပျော်ဝင်နေပြီး အစဉ်သွက်လက်တက်ကြွနေသောဦးလွင်မင်းက ကုမ္ပဏီတွင်လည်း အရေးပါလှသော အကြံပေးပုဂ္ဂိုလ်တစ်ဦး
။
ဦးလွင်မင်း လက်တင်ထားသောစားပွဲရှေ့တွင်ကား ဦးလွင်မင်း
ပြောမည့်စကားကို စိတ်ဝင်တစားနားဆင်လျက်ရှိသော ကုမ္ပဏီတူ တပည့်ငါးဦး ။ အားလုံး၏မျက်နှာများ၌
စိတ်ဝင်စားမှုအရိပ်အယောင်များ ထင်ဟပ်လျက်ရှိပြီး အထူးသဖြင့် မိမိ ကို ဦးတည်ပြောကြားခြင်းခံနေရသော
မစုမွန်ကမူ တည်ငြိမ်လေးနက်သောမျက်ဝန်းများဖြင့် ဆရာဖြစ်သူပြောပြမည့်ဇာတ် ကြောင်းကို
သေသေချာချာမှတ်သားနားဆင်လျက်ရှိ၏ ။
“ အေး…ချောက်မြို့နယ်အကြောင်း
နင်တို့လည်း နည်းနည်းပါးပါး သိမှာပေါ့ ။ ပူတယ် မဟုတ်လား ။ ထားပါတော့ကွာ ။
ငါတို့က မြို့နယ်ထဲမှာ မဟုတ်ဘူး ။ ဟိုး…ရွာစွန်ရွာဖျားတစ်ခုဆီကို
သွားရတာ ။ လုပ်ငန်းကိစ္စနဲ့ပဲပေါ့ ။ သွားတာက
ငါရယ် ၊ ငါ့တပည့်(၆)ယောက်ရယ် စုစုပေါင်း(၇)ယောက်တိတိ
။ အင်း…ရွာနာမည်တောင် မေ့တေ့တေ့ဖြစ်နေပြီ ။
နာမည်က ခပ်ဆန်းဆန်းရယ်…သြော်…ဆွေမိတ်ရွာတဲ့
။ ရွာက နည်းနည်းခေါင်ကျတယ် ။ လယ်သမားယာသမား
တွေရဲ့ရွာဆိုတော့ ချမ်းချမ်းသာသာ ရှားပါတယ်ကွာ
။ အားလုံးက မရှိမရှားနဲ့ ဆင်းရဲသားပဲ များတယ် ။ ဒါပေမဲ့ သိပ်
သဘောဖြူကြတယ် ။ စိတ်ကောင်းလည်း ရှိ ၊ ရိုးလည်းရိုးသားကြတယ်
။ စေတနာလည်း သိပ်ကောင်း ။ အဲ…ငါပြော
တာတွေ ဘေးချော်ကုန်ပြီ ။ ထားတော့ ။ အဲဒီရွာကို
ငါတို့အုပ်စုက ည(၈)နာရီခွဲလောက်ကြီးမှာ ရောက်သွားကြတာ ။
အဲဒီအချိန်မှာ အသက်ဝင်လှုပ်ရှားနေတာဆိုလို့
ညနက်ချိန်မှာ အော်မြည်တတ်တဲ့ ပုဇဉ်းရင်ကွဲတွေပဲ ရှိတော့တယ် ။
လျှပ်စစ်မီး မရှိတဲ့ရွာငယ်လေးကတော့ ညအမှောင်ထဲမှာ
မှေးအိပ်နေတာကြာပေါ့ ။ ငါလည်း ရွာကို သဲသဲကွဲကွဲလှမ်း
မြင်ရလောက်တဲ့နေရာမှာ မောင်းလာတဲ့ကားကို ရပ်လိုက်ပြီး
ရှေ့ခရီးစဉ်အတွက် planချပေးရတာပေါ့ ။ အဲဒီတုန်းက
ငါ့အရွယ်က (၅၀)ကျော်ပဲ ရှိသေးတယ် ။ ဒီထက်ပိုပြီး
သွက်သွက်လက်လက် မြန်မြန်ဆန်ဆန်ပေါ့ကွာ ။”
အဲသည့်နေရာရောက်တော့
နားဆင်နေသူ တပည့်မသုံးယောက်နှင့်တပည့်နှစ်ယောက်က မသိမသာပြုံးသွားကြပြီး နှုတ် သွက်လျှာသွက်သောတပည့်တစ်ဦးက…
“ ဆရာက မသွက်မလက်တဲ့အချိန် ဘယ်တုန်းကများ ရှိလို့လဲဗျ
။”
ဟု
ရယ်ရွှန်းပက်ရွှန်းသဘောဖြင့် ကျီစယ်ပြော,ပြောလိုက်သည် ။ ဦးလွင်မင်းလည်း ထိုစကားကြောင့်
ပြုံးရယ်သွားပြီး…
“ အဟေးဟေး…မင်းတို့ကတော့ လုပ်ပြီ ။ သြော်…မင်းတို့က
လူဖြစ် နောက်ကျလို့ပါကွာ ။ မင်းတို့ရှေ့က ငါ့တပည့်တွေ
မေးကြည့် ။ ငါ အခု စိတ်မြန်တယ်ဆိုတာ ငယ်ငယ်ကနဲ့စာရင် တစ်ဝက်တောင်
မရှိသေးဘူး ။ ဒါတောင် ငါ ခိုင်းရင်
မင်းတို့က ကြောက်လန့်နေကြပြီ ။ လူဆိုတာ တက်တက်ကြွကြွနဲ့
အမြဲသွက်လက်နေမှ တိုးတက်တာကွ ။ ကဲ…
ပြောတဲ့အကြောင်းတောင် ဘယ်ရောက်ကုန်ပလဲ မသိ ။
သြော်…မြန်မြန်ဆန်ဆန် အေးအေး…အဲဒီအရွယ်တုန်းက
အသက်လည်း ငယ်တော့ တွေးတာခေါ်တာတွေက ပိုပြီး ရဲဝံ့တာပေါ့ကွာ
။ ဆွေမိတ်-ရွာလေးကို သေချာလှမ်းမြင်နေ
ရတဲ့နေရာလည်း ရောက်ရော ငါက ကားရပ်လိုက်တယ် ။
ငါ ရပ်လိုက်တဲ့နေရာက ရွာပြင်မှာရှိတဲ့ ညောင်ပင်ကြီးတစ်
ပင်အောက်မှာ ။ ကားရပ်ပြီးတဲ့နောက် တပည့်တွေကို
ဆင်းခိုင်းပြီး အဲဒီနေရာမှာပဲ campတဲထိုးတယ် ။ စခန်းချတယ်
ဆိုပါတော့ ။”
“ ဟင်…ဆရာကလည်း ရွာပဲ ရောက်တော့မယ် ။ ဘာဖြစ်လို့
ရွာပြင်က ညောင်ပင်ကြီးအောက်မှာ စခန်းချတာလဲ ။”
သိလိုစိတ်ပြင်းပြသူ
တပည့်မလေးတစ်ဦးက အလျှင်အမြန်ထမေးသည် ။ ဦးလွင်မင်းက ပြုံးသွားပြီး ခေါင်းကို ဆတ်ခနဲ
တစ်ချက်ညိတ်လိုက်ကာ…
“ ပြောမှာပါ မိသိမ့်ရယ် ။ စောစောက ဆရာ ဆိုခဲ့သားပဲ
။ ရွာက အမှောင်ထဲမှာ အိပ်မောကျနေပြီလို့လေ ။ အေး…ရိုးရိုး
ပြောရရင် တစ်ရွာလုံး အိပ်ပျော်နေကြပြီ ။ သူတို့က
မနက်ဆို (၃)နာရီ/(၄)နာရီလောက် ထကြရတာ ။ ပင်ပင်ပန်းပန်း
အလုပ်တွေ လုပ်ကြရတာ ။ ဆရာတို့က ကိုယ့်အကျိုးစီးပွားအတွက်
ရွာကို ရောက်လာတာ ။ ဘာလုပ်ဖို့ သူများကို
သွားနှောင့်ယှက်မှာလဲ ။ ဒီတော့ ရွာအနားက ရွာပြင်တစ်နေရာမှာပဲ
စခန်းချလိုက်တာပေါ့ ။ မနက်မှပဲ ရွာထဲဝင်ပြီး လူ
ကြီးဖြစ်ဖြစ် သူကြီးဖြစ်ဖြစ် အကြောင်းကြားပြီး
လုပ်ငန်းကိစ္စကို စ,လုပ်ကြမယ်လို့ တွေးထားတာပေါ့ကွာ ။ စခန်းချတဲ့
ပုံစံကိုတော့ မင်းတို့ သိပြီးသားမို့ မပြောပြတော့ဘူး
။”
ဦးလွင်မင်း၏စကားကို
အားလုံးက ခေါင်းညိတ်ထောက်ခံလိုက်ကြသည် ။ သဘောမှာ စခန်းချသည့်ပုံစံကို သိကြသည်ဟူ သောအဓိပ္ပါယ်
။ သွားကတည်းက ကားပေါ်တွင် သယ်ဆောင်ယူသွားသော ရွက်ဖျင်တဲများ ၊ စောင် ခြင်ထောင် ခေါင်းအုံး
များဖြင့် နေရာတစ်ခုတွင် ခဏအထိုင်ချခြင်းဟူသောသဘောကို လုပ်ငန်းတာဝန်ဖြင့် လေ့လာရေးခရီး
မကြာခဏထွက်နေ ရသောသူတို့အားလုံး သိရှိထားပြီးသားဖြစ်သည် ။ ဦးလွင်မင်းက စကားဆက်လေ၏
။
“ ငါက အသက်(၅၀)ကျော်အရွယ်ဆိုတော့ ငယ်တော့တဲ့အရွယ်လည်း
မဟုတ်တော့ မြင်အပ်မမြင်အပ်ပုဂ္ဂိုလ်တွေနဲ့
ပတ်သက်ပြီး အတော်အတန်လည်း အတွေ့အကြုံရှိနေပြီမို့
ညောင်ပင်ကြီးကိုလည်း မြင်ရော ငါ တစ်ခု တွေးလိုက်မိ
တယ် ။ ညောင်ပင်ကြီးက သိပ်တော့အကြီးကြီး မဟုတ်ဘူး
။ ယောက်ျားကြီးတစ်ဖက်စာလောက် ရှိမယ် ။ ဗောဓိ
ညောင်ပင်လိုပုံစံမျိုး ။ အောက်ခြေမှာ အကိုင်းအခတ်
အဆွယ်အပွားရှင်းလင်းနေပြီး အရွက်ဖားဖားနဲ့ အုပ်အုပ်စိုင်းစိုင်း
ရှိတယ် ။ ရွာဘက်မှာရှိတဲ့ အပင်ရဲ့တစ်ဖက်ခြမ်းမှာ
နတ်ကွန်းငယ်တစ်ခုကို တွေ့ရတယ် ။ ရွာသားတွေက ကိုးကွယ်
ပသကြပုံပဲ ။ ရေချမ်းတစ်ခွက်နဲ့ ပန်းထိမ်ငိုပန်းလိုပန်းတစ်မျိုးတင်ထားတဲ့
ပန်းအိုးတစ်လုံး တွေ့ရတယ် ။ ငါတို့က
ညောင်ပင်အောက်မှာ စခန်းချရတာဆိုတော့ သူ့အရိပ်ကို
ခိုနေရတာဖြစ်တဲ့အတွက် အမှားအယွင်းမရှိရအောင် ငါက…
အရှင်ရုက္ခစိုးနတ်မင်းကြီး…ကျွန်တော်တို့က လခစားဝန်ထမ်းတွေပါ
။ လုပ်ငန်းတာဝန်နဲ့ ဤဒေသကို ရောက်ရှိလာခဲ့
သူတွေ ဖြစ်ပါတယ် ။ အရှင့်ရဲ့အရိပ်အာဝါသအောက်မှာ
ခံလှုံခွင့်ပြုပါ ။ အမှားအယွင်းရှိခဲ့ရင်လည်း သည်းခံခွင့်လွှတ်
ပေးပါလို့ တောင်းဆိုရတာပေါ့ ။”
ဦးလွင်မင်း၏စကားဆုံးတော့
မျက်မှန်တပ်ထားသောတပည့်တစ်ဦးက ပြုံးစိစိအမူအရာဖြင့် ခေါင်းငုံ့သွားသည်ကို တွေ့ရ ၍…
“ ဘာလဲ မောင်ကျော် ။ မင်းက ငါ့စကားကို လှောင်သလားကွ
။”
ဟု
လှမ်းဟောက်လိုက်၏ ။ ထိုအခါတွင် ဆရာကို ကြောက်ရသူမောင်ကျော်က ပြာပြာသလဲအမူအရာဖြင့်…
“ အာ…မဟုတ်ပါဘူး ဆရာရ ။ ဆရာ ပြောတာကို သဘောကျလို့
ပြုံးမိတာပါ ။”
“ အမယ်…မင်းက ငါ ခုလို ရုက္ခစိုးကို တိုင်တည်ဆိုပြောနေတာကို
မယုံလို့ ပြုံးစိစိဖြစ်သွားတာ မဟုတ်လား ။ မင်းတို့
အဲဒါ ခက်တာ ။ ကိုယ် မကြုံဖူးတာနဲ့ မဖြစ်နိုင်တာလို့
မတွေးရဘူးကွ ။ ငါတို့က မင်းတို့နဲ့စာရင် အသက်အရွယ်ရော
အတွေ့အကြုံပါ အများကြီး သာတဲ့လူတွေ ။ ဒါမျိုးတွေကို
အများကြီးကြုံခဲ့ဖူးပြီးပြီ ။ ဒီလိုကိစ္စတွေဆိုတာ လောကမှာ
တကယ်ရှိနိုင်လို့ တကယ်ရှိနေလို့လည်း ငါက ခုလို
ရုက္ခစိုးကို တောင်းဆိုပြောကြားရတာပဲ ။”
“ ဟုတ်ကဲ့ပါ ဆရာ ။”
“ အေးပါကွာ…ထားတော့ ။ ငါက အဲဒီလို ရုက္ခစိုးကို
တိုင်တည်ပြောပြီး စိတ်ထဲမှာ စိတ်မချသေးလို့ ဟိုအကောင်တွေ
မဟုတ်တာ မလုပ်မိအောင် အပင်ရဲ့အောက်ခြေပတ်လည်မှာ
တတောင်သာသာအမြင့်ရှိတဲ့ဝါးချောင်းလေးတွေနဲ့
ဝိုင်းကာခိုင်းထားလိုက်တယ် ။ ငါ့တပည့်တွေကတော့
နားမလည်ပါဘူး ။ ငါ ခိုင်းတဲ့အတိုင်း လုပ်ပေးကြတာပါပဲ ။ ပြီး
တော့…ငါက သူတို့ကို ဟိတ်ကောင်တွေ…မင်းတို့ အပေါ့အလေး
စွန့်မယ် ၊ ထမင်းကျန်ဟင်းကျန်တွေကို ပစ်မယ်
ဆိုရင် ဒီဝါးချောင်းကာထားတဲ့အနားမှာ လာမပစ်မိမစွန့်မိစေနဲ့
။ ဒါနဲ့ ခပ်ဝေးဝေးကို သွားပစ်လို့ မှာထားရတာပေါ့ ။
နောက်တော့ ငါတို့ အိပ်ကြတယ် ။ အချိန်က (၁၁)နာရီဝန်းကျင်လောက်ရှိပြီ
။ ခဏအကြာလောက်လို့ ထင်တယ် ။
မှေးခနဲအိပ်ပျော်သွားတုန်း အသံတွေ တဝုန်းဝုန်းကြားရတယ်
။ လူတစ်အုပ်ကြီး လမ်းလျှောက်လာသလိုမျိုးပေါ့ ။
တရှပ်ရှပ်တအုန်းအုန်းနဲ့ ။ အိပ်ပျော်မလိုဖြစ်နေရာကနေ
လန့်နိုးလာပြီး ရွက်ဖျင်တဲထဲကထွက်လာတော့ လက တော်
တော်သာနေတယ် ။ အသံလာရာဆီကို လှမ်းကြည့်လိုက်တော့
လရောင်အောက်မှာ တွေ့လိုက်ရတာက ရွာပြင်လမ်း
မှာ ဖုန်တထောင်းထောင်းနဲ့ကွာ ။ လူတစ်အုပ်ကြီး
ပြေးလာတာ ။ လက်ထဲမှာလည်း တုတ်တွေဓါးတွေနဲ့ ။ ငါလည်း
တော်တော်လန့်သွားပြီး တပည့်တွေကို အော်နှိုးရတာပေါ့
။”
“ ကျတ်…ကျတ်တွေလားဟင်…”
ထူးရတီဆိုသောမျက်မှန်အကြည်လေးတပ်ထားသည့်
တပည့်မလေးတစ်ဦးက ကြောက်ကြောက်လန့်လန့်ပုံစံဖြင့် မေးလေ သည် ။ သူမ၏အတွေးကလည်း ဖြစ်နိုင်ချေရှိနေ၍
မစုမွန်ပင် စိတ်ထဲက ထောက်ခံမိသည် ။ အချိန်က (၁၁)နာရီဝန်းကျင် ခန့်ရှိပြီဖြစ်ပြီး တစ်ရွာလုံးလည်း
မှောင်မည်းလျက်ရှိပြီဟု ဆရာဦးလွင်မင်းက ပြောကြားထားခဲ့ရာ ယခုကဲ့သို့ တုတ်ဓါးဆွဲ၍ ပြေးထွက်လာကြခြင်းမှာ
ရိုးမှရိုးပါ့မလား ။ ဆွေမိတ်ဟူသောရွာကလေးမှာ လူစင်စစ်တို့ နေထိုင်ကျက်စားသော ရွာလေးမှ
ဟုတ်ရဲ့လား ။ ထူးရတီ၏အမေးစကားကိုကြားသည့်အခါ ဦးလွင်မင်းက ဟက်ဟက်ပက်ပက်ထရယ်ပြီး…
“ အဟတ်ဟတ်…မဟုတ်ပါဘူး သမီးရယ် ။ ဆွေမိတ်ရွာက သူကြီးနဲ့ကာလသားတွေပါ
။”
“ ဟင်…ဒါဆို သူတို့က ဘာဖြစ်လို့ တုတ်တွေဓါးတွေနဲ့
ပြေးထွက်လာရတာလဲ ။ ပုဏ္ဏကတိုက်တာလား ။”
“ ဟဲ့…ထူးရတီ…နင့်ဦးနှောက်ထဲမှာ ဒီကိစ္စတွေပဲ တွေးတတ်သလား
။ သူခိုးဝင်လို့ လိုက်ကြတာရော မဖြစ်နိုင်ဘူး
လား ။”
ထူးရတီ၏အမေးကို
ဦးလွင်မင်းက မပြောခင်တွင် နားကြားပြင်းကပ်လာဟန်ရှိသောမောင်ကျော်က ထူးရတီကို လှမ်းအော်
ငေါက်လိုက်သည် ။ အချင်းချင်းဖြစ်နေ၍ ထူးရတီကလည်း မခံချင် ။ ပုံမှန်ဆိုလျှင် တစ်ယောက်တစ်ခွန်း
ပြန်ပြောနေကျ ဖြစ်သော်လည်း ယခုမူ ဆရာသမား၏ရှေ့တွင်ဖြစ်၍ ထူးရတီက မောင်ကျော့်စကားကို
ခွန်းတုံ့မပြန်တော့ဘဲ မျက်စောင်း သာ လှမ်းထိုးလိုက်သည် ။
“ မဟုတ်ဘူး မောင်ကျော်ရ ။ သူခိုးဝင်လို့လည်း မဟုတ်ဘူး
။ ဓါးပြတိုက်လို့ လိုက်ကြတာလည်း မဟုတ်ဘူး ။ သူတို့က
ဆရာတို့ဆီကို ပြေးလာကြတာကွ ။”
“ ဟမ်…”
“ အမလေး…ကြောက်စရာပါလား ဆရာရဲ့ ။”
“ ဆရာတို့ကို သူတို့က ဓါးပြလို့ ထင်နေလို့လား ။”
ခန့်ညီက
ဆရာဖြစ်သူဦးလွင်မင်း၏စကားကို နားဆင်ရင်း တွေးတွေးဆဆဖြင့် မေးလိုက်ရာ ဦးလွင်မင်းက
ခေါင်းညိတ် လိုက်ပြီး…
“ ဟုတ်တယ် ။ အဲဒီသဘောမျိုးပဲ ။ ရွာပြင်မှာ တစိမ်းတွေ
စခန်းချနေတယ်လို့သိရတော့ စိုးရိမ်သွားကြတယ်နဲ့ တူပါရဲ့
ကွယ် ။ ဆရာလည်း လုပ်ငန်းကိစ္စနဲ့ ရောက်လာတဲ့လူကောင်းတွေဖြစ်ကြောင်းရှင်းပြလိုက်တော့မှ
သူတို့လည်း တော်
တော်အားနာသွားကြတယ် ။ ဆရာတို့ကို ဒီမှာ မနေဘဲ
ရွာထဲလိုက်ခဲ့ဖို့လည်း ခေါ်တယ် ။ နောက်ပြီး…ကာလသား
တချို့ကလည်း ညောင်ပင်ကြီးပတ်လည်မှာရှိတဲ့ ဝါးချောင်းတွေကို
ဝိုင်းနှုတ်ပေးကြတယ် ။”
“ ဟင်…သူတို့က ဘာဖြစ်လို့ ဆရာတို့စိုက်ထားတဲ့ဝါးချောင်းတွေကို
နှုတ်ပစ်နေရတာလဲ ။”
“ အေး…အဓိကကတော့ အဲဒါပြောချင်တာ ။ ဆရာတို့ ရောက်နေမှန်း
သူတို့ ဘယ်လိုလုပ်သိတယ်ထင်လဲ ။”
“ ဆရာတို့ဆီက မီးရောင်တွေဘာတွေ လှမ်းမြင်လို့နေမှာပေါ့
။”
အားလုံးထဲတွင်
စပ်အစုဆုံးမိသိမ့်မော်က ဆရာ မေးသမျှကို ဒိုင်ခံကာ ထင်ကြေးပေးလျက်ရှိသည် ။ နောက်ပြီး
သူမကိုယ် တိုင်ကလည်း အမေးအမြန်းသန်သည်ပဲကိုး ။
“ မဟုတ်ဘူးကွယ့် ။ သူတို့ရွာမှာ ကင်းစောင့်တွေဘာတွေ
မရှိဘူး ။ အားလုံးက အိပ်အိပ်နေနေပဲ ။ စံပြရွာတွေလို စည်း
စနစ် သိပ်မရှိကြဘူး ။ နောက်ပြီး ရွာကလည်း သူဌေးရွာမဟုတ်တော့
တော်တန်ရုံ ဘယ်ဓါးပြ၊ဘယ်သူခိုးမှ မလာဘူး
လေ ။ ဆရာတို့ရောက်တဲ့အချိန်မှာ တစ်ရွာလုံး အိပ်နေကြပြီ
။ နောက်တစ်ချက်က ဆရာတို့ စခန်းချတဲ့နေရာက ရွာ
က လှမ်းမြင်ဖို့မလွယ်ဘူး ။ နည်းနည်းချောက်ထဲရောက်နေတယ်
။”
“ ဟာ…ဒါဆို သူတို့က ဘယ်လိုလုပ်သိတာလဲ ။”
“ သူတို့ရွာက အသက်အကြီးဆုံးအဘွားကြီးကို ရုက္ခစိုးက
အိပ်မက်ပေးလို့တဲ့ ။ အဲဒီအကြောင်းကို ဆရာက သိချင်စိတ်
နဲ့ အဘွားအိုကို တိုက်ရိုက်သွားမေးတော့ အဘွားအိုကလည်း
သူ မက်ခဲ့တဲ့အတိုင်း သေသေချာချာပြောပြခဲ့တယ် ။
တော်တော်လည်း စိတ်ဝင်စားဖို့ ကောင်းသလို အံ့သြစရာလည်း
ကောင်းတယ် ။ ဒီလိုကွယ့်…ညည့်ကြက်နှစ်ခါတွန်
ချိန်လောက်အရောက်မှာ (၁၂နာရီလောက်မှာ) အဲဒီအိပ်မက်ကို
မက်ခဲ့တာ ။ အိပ်မက်ထဲမှာ ရွှေဝါရောင်အဆင်းရှိတဲ့
အချွန်အတက်တွေပါတဲ့ဝတ်စုံကို ဝတ်ဆင်ထားတဲ့ ရုပ်ရည်သားသားနားနားနဲ့လူတစ်ယောက်က
အဘွား…အဘွား…
ရွာသားတွေကို ပြောပေးပါဦး ။ ကျုပ်ဗိမာန်ကို
လာပြီး ခြံခတ်ထားတဲ့တစိမ်းတွေ ရောက်နေတယ်လို့ ။ အခု…သူတို့
တတွေ ညောင်ပင်ကြီးအောက်မှာ စခန်းလာချနေကြတယ်
။ ဘာမှန်းညာမှန်း မသိ…သွားကြည့်ကြည့်လိုက်ဦး ။
နောက်ပြီး ကျုပ်ဗိမာန်ဘေးက ခြံစည်းရိုးကိုလည်း
ဖြုတ်သိမ်းပေးစမ်းပါ ။ ဒီမှာ…သွားရလာရအဆင်မပြေလှဘူးတဲ့ ။
အဘွားအိုရဲ့အိပ်မက်ကိုလည်း ကြားရော ငါလည်း ပြုံးမိတော့တာပဲ
။”
“ ဟားဟား…ဟိဟိ…”
“ ခစ်ခစ်…ခစ်ခစ်…”
“ ရုက္ခစိုးကလည်း ဒီဝါးချောင်းလေးတွေတောင် မကျော်နိုင်ဘူးလား
ဟားဟား…”
“ ဟဲ့…မလှောင်ကြနဲ့လေ ။ နင်တို့ကို နတ်ကိုင်လိမ့်မယ်
။”
ဆရာဦးလွင်မင်း၏ဇာတ်လမ်းအဆုံးတွင်
တပည့်(၄)ယောက်သား တဝေါဝေါထရယ်ကြသည် ။ ထူးရတီတစ်ယောက်သာ ဟိုလူ့လိုက်အော် သည်လူ့လိုက်တားနှင့်
မအားနိုင်ရှိတော့၏ ။ ဦးလွင်မင်းက တပည့်များကို အပြစ်မဆိုပါ ။ သူကိုယ်တိုင် ပင် ထိုစဉ်က
အတွင်းကြိတ်ရယ်မိခဲ့သည်မဟုတ်လား ။ တပည့်များက မိမိကို မလေးစား၍ လှောင်ပြောင်သောသဘော
မဟုတ်ဘဲ ရုက္ခစိုးဖြစ်ပြီး တတောင်သာသာရှိသည့်ဝါးချောင်းလေးများကြောင့် သွားလာရခက်နေသည်ဟု
ကြားသိရ၍ အံ့ လည်းအံ့သြ ၊ စိတ်လည်းစိတ်ပျက်ကာ သဘောကျသွားကြသဖြင့် ယခုလည်း ရယ်မောနေကြခြင်းဖြစ်မှန်း
ဦးလွင်မင်း သိ နားလည်၏ ။ နောက်ပြီး တချို့အကြောင်းအရာများက သူတို့လို လူငယ်အသိမျှဖြင့်
မှန်းဆတွေးမြင်ရန် မဖြစ်နိုင်ဘူးလေ ။ သည်တော့ ဦးလွင်မင်း ရှင်းပြရဦးမည် ။ အားလုံး
ရယ်၍ဝမှ ဦးလွင်မင်းက စကားဆက်သည် ။
“ အေး…အေး…ငါ့တုန်းက ပြုံးရုံပြုံးတာ ။ မင်းတို့ကျမှပဲ
မပြုံးဘဲ ဝါးလုံးကွဲဆိုတာမျိုး ဖြစ်နေပြီ ။”
“ မနေနိုင်တော့လို့ပါ ဆရာရယ် ။ ဘယ့်နှယ့်…ရုက္ခစိုးက
တန်ခိုးဣိတ္ထိပတ်ရှိတယ်ဆို ။ ဒီဝါးချောင်းလေးတောင် မကျော်
နိုင်ဘူးလား ။”
“ ငါလည်း အဲဒါပဲ မင်းတို့ကို ရှင်းပြချင်နေတာ ။
မင်းတို့က ခုလိုကြားလိုက်တော့ ရုက္ခစိုးဆိုတာ အလကားပဲ ။ မူလတန်း
ကျောင်းသား ခွကျော်နိုင်တဲ့အရာကိုတောင် သူက
မဖယ်ရှားမကျော်လွှားနိုင်ဘဲကိုး ။ ဘယ်လိုလုပ် လူတွေကို ဒုက္ခ
ပေးနိုင်မှာလဲ ၊ ဘယ်လိုလုပ် တန်ခိုးရှိမှာလဲလို့
မင်းတို့ တွေးသွားမိတယ် မဟုတ်လား ။”
အားလုံးက
စကားတစ်ခွန်းမျှမဆိုကြဘဲ တည်ငြိမ်လေးနက်သောမျက်ဝန်းများဖြင့် ဦးလွင်မင်းကို စိုက်ကြည့်နေကြသည်
။
“ တကယ်တော့ အဲဒီလို မဟုတ်ဘူး ။ ငါလည်း အခုအရွယ်မှပဲ သေချာတွေးမိလာတာ
။ တကယ်တမ်းကျ ဘီလူးစည်း
လူ့စည်းဆိုတာမျိုးပေါ့ ။ သူ့မှာ တန်ခိုးအစွမ်းတော့
ရှိတာအမှန်ပဲ ။ ဒါပေမဲ့ ငါက သူ့ကို တောင်းပန်ပြီး စည်းတားထား
တာဖြစ်တဲ့အတွက် အဲဒီစည်းက သူ့အတွက် အနှောင့်အယှက်ဖြစ်သွားစေတယ်
။ အဟန့်အတားသဘောမျိုး သက်
ရောက်သွားတယ်ပေါ့ ။ အကယ်လို့ သူသာ မကျေနပ်ရင်
၊ နောက်ပြီး ငါကိုယ်တိုင်လည်း ကံနိမ့်နေရင် လူတွေခေါ်ကြ
တဲ့“နတ်ကိုင်တယ်”ဆိုတာမျိုးလည်း ဖြစ်လာနိုင်တာပေါ့
။ ဒီတော့ မယုံမရှိကြနဲ့ မောင်တို့ ။ ဒါ ငါ့ကိုယ်တွေ့ပဲ ။ အဲ…
ဒီဖြစ်ရပ်ထက် ပိုရယ်ရတဲ့ဖြစ်ရပ်တစ်ခုလည်း ရှိသေးတယ်
။ မင်းတို့အရွယ်တွေအတွက်တော့ ရယ်စရာဖြစ်ချင်ဖြစ်မှာ
ပေါ့ကွာ ။ ဒါပေမဲ့ ငါတို့အရွယ်ကျတော့ သံဝေဂယူချင်စရာပေါ့
။”
“ ပြောပြပါဦး ဆရာ ။ စိတ်ဝင်စားစရာ ကောင်းလို့ပါ
။”
ယခုချိန်ထိ
စကားတစ်ခွန်းမျှမဆိုသေးသောမစုမွန်က စကားထောက်ပေးလိုက်၍ နံဘေးမှမောင်ကျော်က…
“ သူ့ညီမအတွက် ကုန်ကြမ်းရှာနေပြီဟေ့ ။”
ဟု
ခပ်တိုးတိုးနောက်လိုက်သည် ။ ဆရာက စကားဆက်ပြန်သည် ။
“ အဲဒီအကြောင်းကတော့ … ခုလောက် ရှည်ရှည်ဝေးဝေးမပြောတော့ဘူး
။ အချိန်လည်း သိပ်မရတော့ဘူးလေ ။ ဒီလို…
အဲဒါက ယောနယ်ဘက်ကို သွားတုန်းကထင်တယ် ။ သိပ်တော့မမှတ်မိတော့ဘူး
။ ဒါပေမဲ့ အဲဒီဒေသက တော်တော်
ခေါင်တာကွ ။ ခေါင်တာမှ ကားတောင် မမြင်ဖူးကြဘူး
။ ငါတို့က ဒိုင်နာကားကြီးနဲ့သွားကြတာ ။ ငါရယ် တပည့်(၇)
ယောက်လောက်ရယ်နဲ့ ။ ထုံးစံအတိုင်း ကုမ္ပဏီက လွှတ်တဲ့ကိစ္စပဲ
ဆိုပါတော့ကွာ ။ ခုနကဖြစ်ရပ်နဲ့ သိပ်မကွာဘူး ။
နှစ်နှစ်/သုံးနှစ်ပဲ ခြားဦးမယ် ။ ရွာသားတွေက
တော်တော်ရိုးကြတာ ။ ကလေးတွေဆို ကားကြီးကို ပတ်ပြီး ဝိုင်းကြည့်
နေကြပါတယ် ။ သူတို့မှ မမြင်ဖူးဘဲကိုး ။ မြို့နဲ့လည်း
အလှမ်းဝေးပြီး ကားလမ်းလည်း မပေါက်တော့ ရွာကို ကား
မလာဖူးဘူးတဲ့ ။ မြို့ရောက်ဖူးသူလောက်ပဲ ကားကို
မြင်ဖူးကြတာတဲ့လေ ။ ထားတော့…ပြောချင်တာက ရွာသားတွေ
အကြောင်း မဟုတ်ဘူး ။ ငါတို့က ရွာမှာတည်းပြီး
ရွာနဲ့ငါးမိုင်လောက်ကွာတဲ့ကွင်းတွေဘက်မှာ အလုပ်ကိစ္စနဲ့ နေ့တိုင်း
သွားရတာ ။ မနက်ဆို (၅)နာရီလောက် ထွက်ပြီး ညဆို(၁၀)နာရီလောက်မှ
ရွာကို ပြန်ရောက်ကြတယ် ။ တစ်နေကုန်
လုပ်ငန်းထဲမှာချည်းပဲ ။ အဲ…သုံးရက်လောက်လည်းနေရော
ရွာကအဘိုးကြီးတစ်ယောက်ကို ရွာထိပ်ကညောင်ပင်မှာ
နေတဲ့ရုက္ခစိုးက အိပ်မက်ပေးပါရောလား ။ ဟားဟား…သူ့အိပ်မက်က
ဘာတဲ့…
- ဟို…မီးဝင်းဝင်းတောက်နေတဲ့မျက်လုံးနှစ်လုံးနဲ့အကောင်ကြီးကို
ငါ ကိုင်လိုက်ရမလား…တဲ့ ။
ကြည့်ရတာ ရုက္ခစိုးကိုယ်တိုင်လည်း ကားဆိုတဲ့အရာကို
မြင်ဖူးပုံမရဘူးကွ ။ အကယ်လို့ သူသာ ကားကိုမြင်ဖူးတယ်
ဆိုရင်…
ငါ့ဗိမာန်ဘေးက ဖြတ်ဖြတ်မောင်းနေတဲ့ကားပေါ်က လူတွေကို
ပြောလိုက်စမ်းပါ ။ နားညည်းတယ် ။ သည်းမခံနိုင်ရင်
ငါ ကိုင်ရလိမ့်မယ်လို့ အိပ်မက်ပေးမှာပေါ့ ။ ခုတော့…အဲဒီလို
မဟုတ်ဘူး ။ အဘိုးကြီး အိပ်မက်မက်ပုံက ဒီလို ။ အိပ်
မက်ထဲမှာ ရုပ်တော့မမြင်ရဘူး ။ အသံပဲကြားရတယ်
။ ရုက္ခစိုးက ပြောတယ် ။ ငါ့ဗိမာန်ဘေးမှာ ခုရက်ပိုင်း မည်းမည်း
အကောင်ကြီးတစ်ကောင် ဖြတ်ဖြတ်ပြေးနေတယ် ။ အသံကလည်း
တဝူးဝူးနဲ့အကျယ်ကြီးပဲ ။ ငါဖြင့် သူ ဖြတ်ပြေးတိုင်း
လန့်လန့်သွားရတယ် ။ မျက်လုံးကြီးတွေကလည်း မီးဝင်းဝင်းတောက်နေတာပဲ
။ ငါတော့ တော်တော်စိတ်အနှောင့်
အယှက်ဖြစ်နေပြီ ။ သည်းမခံနိုင်တော့ဘူးဟေ့ ။ ရွာသားတွေကို
ပြောလိုက်စမ်းပါ ။ ငါ … အဲဒီ မီးဝင်းဝင်းတောက်နေ
တဲ့မျက်လုံးနှစ်လုံးနဲ့အကောင်ကြီးကို ကိုင်လိုက်ရမလား…တဲ့
။ အဘိုးကြီးရဲ့အိပ်မက်လည်း ကြားရော ငါတို့လည်း
မရယ်ဘဲ မနေနိုင်အောင်ပဲ ။ ဘယ့်နှယ့်…ရုက္ခစိုးက
ကားကိုခေါ်ပုံက မီးဝင်းဝင်းတောက်နေတဲ့မျက်လုံးနှစ်လုံး
နဲ့အကောင်ကြီး…တဲ့ ။”
ဦးလွင်မင်း
စကားခဏရပ်တော့ နားဆင်နေသောတပည့်ငါးဦးက ခပ်တိုးတိုးရယ်ပွဲဖွဲ့ကြသည် ။ ဦးလွင်မင်းကိုယ်တိုင်
လည်း ပြုံးလျက်ရှိသည် ။
“ အဲဒါနဲ့ ငါကပဲ ဦးစီးပြီး ညောင်ပင်ကြီးက ရုက္ခစိုးကို
သွားတောင်းပန်ရတယ် ။ အရှင်ရုက္ခစိုးမင်းကြီးခင်ဗျား…သည်းခံ
တော်မူပါ ။ ဒါက အကောင်ကြီး မဟုတ်ပါဘူး ။ ကားလို့
ခေါ်ပါတယ် ။ စီးတော်ယာဉ်ပါ ။ ဒါကြီးနဲ့ပဲ ဟိုဟိုဒီဒီကို ခရီး
ပေါက်အောင် သွားလာနေရလို့ မကိုင်လိုက်ပါနဲ့ခင်ဗျာ့
။ အမွှေးနံ့သာတွေနဲ့ ပသပါတယ် ။ အမျှအတန်းလည်း ပေး
ဝေပါတယ် အရှင်ရုက္ခစိုးနတ်မင်းကြီးခင်ဗျား …ဆိုပြီး
အမွှေးတိုင်တွေနဲ့ သွားတောင်းပန်လိုက်ရတယ် ။ အဲဒီနောက်
ပိုင်းတော့ အိပ်မက်ပေးတယ်လည်း မကြားတော့သလို
လုပ်ငန်းကိစ္စလည်း အဆင်ပြေပြေနဲ့ ချောချောမွေ့မွေ့ပြီးစီး
သွားလို့ ရန်ကုန်ကို စောစောပြန်လာခဲ့ရတယ်ဆိုပါတော့ကွာ
။ အင်း…ဒါကို ကြည့်ခြင်းအားဖြင့် ရုက္ခစိုးဆိုတာဟာ
လည်း နတ်သာဖြစ်ပေမဲ့ အဆင်ပြေလှပုံမရဘူး ။ ဒါ့ကြောင့်
နောင်ဘဝတွေအတွက် ဆုတောင်းတတ်တဲ့လူတွေကို
နတ်ဖြစ်ပါစေလို့ သာမန်ကာလျံကာဆုမတောင်းဘဲ တန်ခိုးကြီးမားတဲ့နတ်ဖြစ်ပါစေ
၊ အဆင့်မြင့်နတ်ဖြစ်ပါစေလို့
ဆုတောင်းကြဖို့တောင် တိုက်တွန်းရမလိုပဲကွာ ။
နောက်ပြီး မင်းတို့လူငယ်တွေနဲ့ပတ်သက်ပြီး ပြောချင်တာကတော့
ရုက္ခစိုးတို့ ဘမ္မစိုးတို့ဆိုတာ တကယ်ရှိတယ်ကွ
။ မရိုမသေ မလုပ်အပ်ဘူး ။ ရှေ့လျှောက် မင်းတို့တွေက ငါတို့တာဝန်
တွေကို အမွေဆက်ခံရတော့မှာ ။ ငါတို့တုန်းကလိုပဲ
နေရာစုံဒေသစုံကို လျှောက်သွားရတဲ့အခါ ဒီလိုပြဿနာမျိုးတွေ
ကို တစ်ကွေ့မဟုတ်တစ်ကွေ့ ကြုံလာရနိုင်လို့ ဒီအကြောင်းတွေကို
သိနားလည်ထားရအောင် ပြောပြတာ ။ ကဲ…
ကော်ဖီသောက်ချိန်လည်း ကုန်ပြီ ။ လုပ်စရာရှိတာ
လုပ်ကြတော့ ။”
ဆရာဦးလွင်မင်းက
ကော်ဖီခွက်လေးကို စားပွဲပေါ်သို့ ချကာ ထွက်ခွာသွားသည် ။ အားလုံးလည်း စောစောကအကြောင်း
အရာများကို စမြုံ့ပြန်ဆွေးနွေးလိုပေမဲ့ ဆရာကိုယ်တိုင် ထွက်သွားပြီဖြစ်၍ ဆက်မနေသင့်တော့သဖြင့်
ကိုယ်စီကိုယ်ငှ လုပ်ငန်းဌာနအသီးသီးသို့ ထွက်ခွာသွားကြလေပြီ ။
ရုံးတိုင်း,ရုံးတိုင်းတွင် ဤကဲ့သို့ ကော်ဖီသောက်ချိန်လေး
ထားရှိနိုင်ပါက ယခုကဲ့သို့ တစ်ဦးနှင့်တစ်ဦး ဗဟုသုတ အကြောင်းအရာများ ဆွေးနွေးပြောဆိုရင်း
တစ်ဦးနှင့်တစ်ဦး ပို၍ခင်မင်ရင်းနှီးနိုင်မည်ဖြစ်၍ ဌာနတိုင်း ၊ ဒေသတိုင်း၌ ကော်ဖီချိန်(၁၅)မိနစ်ခန့်ဖြစ်ဖြစ်
သတ်သတ်မှတ်မှတ်ထားရှိသင့်ပေသည် ။
ယခုလို ITခေတ်ကြီး၌ ကွန်ပျူတာနှင့်မျက်နှာ
၊ ဟန်းဖုန်းနှင့်မျက်နှာ မခွာဖြစ်ကြသည်သာများ၍ နှလုံးသားအာဟာရ အတွက် လူကြီးသူမများ၏ပြောစကားများ
၊ ရှေးဟောင်းနှောင်းဖြစ်ကိစ္စများကို နားထောင်ဆွေးနွေးရန် ၊ တစ်ဦးနှင့်တစ်ဦး မျက်နှာချင်းဆိုင်
စကားပြောတိုင်ပင်ရန် ရုံးတိုင်း ၊ ဌာနတိုင်း၌ နေရာဒေသနှင့်အချိန်သတ်မှတ်ပေးထားနိုင်ပါက
သာ၍ ကောင်းပေလိမ့်မည်ဟု မစုမွန် တွေးတောရင်း တရွေ့ရွေ့ထွက်ခွာသွားသော ယုံကြည်မှု ၊
သွက်လက်တက်ကြွမှုတို့ဖြင့် ပြည့်နှက်နေဆဲဖြစ်သည့် လက်ပြင်ကုန်းစပြုနေပြီဖြစ်သော ဆံဖြူအဘိုးအိုတစ်ဦး၏ကျောပြင်ကို
လေးစားအားကျစွာ ငေး ကြည့်နေမိပါတော့သည် ။
စေတနာရှေ့ထားလျက်…
ဂါဦးနွန်းကို
https://www.facebook.com/writer.GONKတွင် ဝင်ရောက်လေ့လာနိုင်ပါသည် ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
https://www.facebook.com/writer.GONKတွင် ဝင်ရောက်လေ့လာနိုင်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
