မာယာကြွယ်ဝ ပရလောက
( ၂၀၁၃_ဒီဇင်ဘာလထုတ် ၊ ၂၀၁၄_ဇန်နဝါရီလထုတ် ဂမ္ဘီရမဂ္ဂဇင်းတွင် နှစ်လဆက်တိုက် ဖော်ပြခံရသော ဝတ္ထုရှည်တစ်ပုဒ် ဖြစ်သည် )
ရေးသူ - ဂါဦးနွန်းကို
------------------------------------------------------------------------------------------------------------------
ပြောပြရမှာပေါ့ဗျာ ။ ခင်ဗျားနဲ့ကျုပ်နဲ့က
တစိမ်းတွေမှ မဟုတ်တာ ။ ဒီအကြောင်းတွေကို ကျုပ် ပြောချင်လွန်းလို့လည်း ကျုပ် ခင်ဗျား
ဆီကို ရောက်လာတယ်ဆိုပါတော့ ။ နေပါစေ…နေပါစေ ။ ကျုပ်အတွက် ဘာမှ မှာမနေနဲ့ ။ ဘာမှလည်း
စားချင်စိတ် မရှိပါဘူး ။ အင်း…ဒီ အကြောင်းတွေကို ပြန်တွေးမိတော့မှ ကျုပ် ဘိုတဲကြီးပေါ်က
ပြေးဆင်းလာခဲ့တဲ့အဖြစ်ကို မျက်လုံးထဲမှာ ကွက်ကွက်ကွင်းကွင်း ပြန်မြင် ယောင်နေမိတယ်
။ တဆက်တည်းဆက်တွေးမိတာက ကျုပ် အဲဒီတစ်ညနေလုံး ဘာမှမစားနိုင်ဘဲ အရက်ချည်းစွတ်သောက်နေခဲ့မိတာ
ဗျာ့ ။ ဟားဟား…ခင်ဗျား ဇာတ်လမ်းအမြည်းလေး ကြားရုံနဲ့တင် သဘောကျသွားပြီ မဟုတ်လား ။ ကိုယ်တွေ့ကြုံခဲ့တဲ့အဖြစ်မို့
ညွှန်းတာ မဟုတ်ဘူးနော် ။ ကျုပ်နေရာမှာ ခင်ဗျားသာဆိုရင် သွေးပျက်ချောက်ချားပြီး မလုပ်သင့်တာတွေကိုတောင်
သတိလက်လွတ်လုပ်မိမလား မပြောတတ်ဘူး ။
ခင်ဗျားလည်း သိသားနဲ့…ကျုပ်က သတ္တိခေတဲ့ကောင်မှမဟုတ်တာ
။ အထက်ကျောင်းတုန်းကဆို အရက်စမ်းသောက်တဲ့နေ့က သရဲ ခြောက်တဲ့အိမ်ကြီးမှာ ကျုပ်တစ်ယောက်တည်း
သွားအိပ်ခဲ့တာ ခင်ဗျားလည်း အသိပဲ မဟုတ်လား ။ ဒီလိုကောင်မျိုးက ဒီလိုပုံစံမျိုး ထွက်
ပြေးရပါတယ်ဆိုမှတော့ တော်ရုံတန်ရုံအဖြစ်အပျက်မျိုး မဟုတ်လို့ပေါ့ ။ အင်း…ခင်ဗျားလည်း
ဒီအကြောင်းတွေနဲ့ စာအတော်ရေးနေတဲ့လူ တစ်ယောက်ဆိုတော့ ကျုပ်ပြောပြမယ့်ဇာတ်လမ်းကို ဖန်တရာတေနေတဲ့
လန်ကြုပ်ဇာတ်လမ်းမျိုးပဲ ဖြစ်လိမ့်မယ်လို့ တွေးကောင်းတွေးနေ လိမ့်မယ် ။ တကယ့်ဖြစ်ရပ်မှန်True
Storyတွေက လုပ်ကြံပြောလို့ဖြစ်လာတာတွေနဲ့ နည်းနည်းလောက်ဆင်ရင်တောင်မှ ခံစားရမှု ဖီလင်
ချင်းတော့ သိသိသာသာကွာတယ်ဗျာ့ ။ ကဲပါလေ စကားတန်ဆာတွေ ဆင်မနေတော့ဘဲ ကျုပ် ခင်ဗျားကို
အစအဆုံးပြောပြပါတော့မယ် ။
တဒုန်းဒုန်းပြေးတက်လာသောခြေသံများကြောင့် ကျော်ထက်
ဖျာပေါ်တွင် ကျောဆန့်နေရာမှ တံခါးဝဆီသို့ ခေါင်းထောင်ကြည့်လိုက် သည် ။ အခန်းထဲသို့ ဝရုန်းသုန်းကားပြေးဝင်လာကြသူများက
ငအောင်တို့တစ်သိုက်အပါအဝင် ကျောင်းသားနောက်တစ်သုတ် ။ ထိုအုပ်စု က အခန်းတွင်းသို့ရောက်သည်နှင့်
ဟိုဟိုသည်သည်သို့ ကျီးကန်းတောင်းမှောက် ဝေ့ဝဲကြည့်လိုက်ကြပြီး ကျော်ထက်တို့ပထမအသုတ်
ကျောင်းသားများကို မျက်စောင်းကြီးကိုယ်စီထိုးကာ ကျန်ရှိနေသောနေရာလွတ်များတွင် အထုပ်တွေကို
နေရာချ၍ အသီးသီးဝင်ထိုင်ကြ သည် ။ သူတို့ မျက်စောင်းထိုး ၊ လက်သီးထောင်ပြချင်မည်ဆိုလျှင်လည်း
လုပ်ပြချင်စရာပါပဲ ။ အပေါ်ထပ်ကို အရင်တက်ခွင့်ရသော ကျော် ထက်တို့ပထမအသုတ်ကျောင်းသားများက
ဟောခန်းထဲမှ လေဝင်လေထွက်ဖြောင့်ပြီး ကြမ်းခင်းပြေပြစ်သည့်နေရာကောင်းများကို ဦးဦး
ဖျားဖျားပိုင်စိုးထားကြပြီ မဟုတ်လား ။ နောက်မှတက်ခွင့်ရသော-ဒုတိယအသုတ်ခမျာမှာတော့ ကြမ်းပေါက်ရှိသည့်နေရာများ
၊ နင်းလိုက် တိုင်း အသံမြည်သည့်ပျဉ်ချပ်များနား၌သာ
နေရာရကြရှာသည် ။ မဖြစ်မနေမို့ ဝင်ထိုင်လိုက်ရသော်လည်း ဤသို့အဆင်မပြေသည့်နေရာ မျိုးတွင်
မည်သူကများ နေချင်ပါ့မလဲ ။
ကျော်ထက်တို့သူငယ်ချင်းတစ်စုကတော့
ကောင်းပေ့လန်းပေ့ဆိုသည့်ပြတင်းပေါက်တည့်တည့်တွင် တန်းစီလျက် နေရာယူထားကြ၏ ။ ပြတင်းပေါက်နှင့်တည့်တည့်တွင်
ကျော်ထက် ၊ သူ့နံဘေးတွင် ခိုင်တိုး ၊ ဂျွန်ဒို ၊ ငွေနိုင် ၊ စိုးပိုင် ၊ ဆန်းမင်းတို့တတွေက
ဆက်ကာဆက်ကာ နေရာယူထားကြသည် ။ သူတို့အဖွဲ့က ဟောခန်းထဲသို့ ပထမဦးဆုံး ရောက်လာကြသည်မို့လည်း
ထိုသို့နေရာကောင်းကို ရရှိထားကြခြင်း ဖြစ်သည် ။
ခေါင်းထောင်ကြည့်နေရာမှ ကျောင်းသားများ သူ့နေရာနှင့်သူ
အဆင်ပြေသလို နေရာချသွားကြသည်ကို တွေ့မြင်ရသဖြင့် ကျော် ထက် ဖျာပေါ်သို့ ခေါင်းပြန်ချလိုက်သည်
။ ယခုမှသာ နေသာထိုင်သာရှိ၍ သက်ပြင်းငွေ့ငွေ့ကို ခိုးချလိုက်မိ၏ ။
-
ကိုယ့်အဖြစ်ကိုယ် နားမလည်နိုင်သေး ။ စောစောက တကယ်ဖြစ်ခဲ့တာမှ ဟုတ်ရဲ့လား…
ဟု
ကိုယ့်ကိုယ်ကို သံသယဝင်နေမိသဖြင့် သေချာစေရန် ပြန်စဉ်းစားကြည့်သည် ။ ပြန်စဉ်းစားရုံနှင့်ပင်
စောစောကအတိုင်း ခံစားလာရ၍ ခန္ဓာကိုယ်အနှံ့မှမွေးညင်းများ ထောင်ထသွားရသည် ။ ဟုတ်ပါပြီ…ထိုခံစားမှုသည်
ကျော်ထက်၏အသည်းနှလုံးအိမ်တွင် အမှန်တကယ် တွေ့ထိခံစားမိခဲ့သည်မှာ သေချာပါပြီ ။ သို့ပေမဲ့
ဘာကြောင့် ထိုသို့ ခံစားရသလဲဆိုတာကို အကြောင်းပြချက် ရေရေရာရာရှာမတွေ့သဖြင့် ကျော်ထက်
ခရီးစဉ်အစအဆုံးကို ပြန်တွေးလိုက်မိ၏ ။
{{{
ဘူမိဗေဒ တက်ရောက်သင်ကြားနေသော ကျော်ထက်တို့ကျောင်းသူကျောင်းသားတစ်ရာကျော်သည်
တာဝန်ရှိဆရာ/ဆရာမများနှင့် အတူ ကချင်ပြည်နယ် မြစ်ကြီးနားဒေသသို့ (fieldဆင်း)လေ့လာရေးခရီးထွက်ခဲ့ကြသည်
။ နှစ်စဉ်နှစ်တိုင်း ကျောင်းသား ကျောင်းသူပေါင်း များစွာနှင့် လေ့လာရေးခရီးထွက်နေကျဖြစ်၍
ကျော်ထက်တို့လူစုကတော့ ထုံးစံအတိုင်း လူငယ်ဘာဝ နောက်ကြပြောင်ကြ၊ ပျော်ကြပါးကြ နှင့်
ကျောင်းသားဘဝ၏အရသာကို အစွမ်းကုန်ခံစားနေကြချိန် ။ ဘူမိဗေဒမေဂျာ၏အကောင်းမွန်ဆုံးအားသာချက်အတိုင်း
ကျောင်းသား ကျောင်းသူအားလုံး စည်းစည်းရုံးရုံး မခိုမကပ်ရှိကြသဖြင့် ခရီးလမ်းနှောင့်နှေးကြန့်ကြာမှုနည်းပြီး
သွားရလာရအဆင်ပြေလှသည် ။ သို့နှင့် မြစ်ကြီးနားသို့ ရောက်လာခဲ့၏ ။ မြစ်ကြီးနားသို့ရောက်တော့
တည်းခိုဖို့နေရာကို ရှာဖွေကြရာ အဆင်သင့်စွာပင် ကျယ်ဝန်းကြီးမားလှသည့် စာသင်ကျောင်းတစ်ကျောင်းရှိနေ၍
ထိုကျောင်းတွင် သွားရောက်တည်းခိုရန် ဆုံးဖြတ်ခဲ့ကြသည် ။
စာသင်ကျောင်းကြီးမှ တာဝန်ရှိဆရာဆရာမများက ကျော်ထက်တို့တက္ကသိုလ်ကျောင်းသားကျောင်းသူများကို
ဝမ်းသာအယ်လဲကြိုဆို လက်ခံကြသည် ။ အများစုမှာ ကချင်လူမျိုးများဖြစ်ကြသဖြင့် စကားနည်းနည်း
အပြုံးချိုချိုမျက်နှာများကို တွေ့မြင်ရ၏ ။ သူတို့ကို ဖော်ရွေ စွာ ကြိုဆိုဧည့်ခံကြ၍
ကျော်ထက်တို့လူစုတွေ ပျော်တပြုံးပြုံး တအုန်းအုန်းပေါ့ ။ ကျောင်းပိတ်နေချိန်ဖြစ်တာကြောင့်
ဆိတ်ငြိမ်အေးချမ်းစွာ တည်းခိုနိုင်သည်မို့ ကျော်ထက်တို့တက္ကသိုလ်ကျောင်းသားအုပ်စုအတွက်
ပိုလို့ပင် အဆင်ပြေသွားသည် ။ ကျော်ထက်တို့ကျောင်းသား အားလုံး အပေါ်ထပ်က ဟောခန်းကြီးလေးခန်းတွင်
သင့်လျော်သလိုနေထိုင်ပါရစေဟု ကျော်ထက်တို့ဆရာတွေက ကျောင်းအုပ်ဆရာမ ကြီးထံ ခွင့်တောင်းသည်
။ သဘောကောင်းလှသောဆရာမကြီးက အပြုံးမျက်နှာနှင့် ခွင့်ပြုခဲ့၏ ။ ကျော်ထက်တို့ အပေါ်ထပ်သို့
မတက်ရ သေးခင်မှာ ကျောင်းအုပ်ဆရာမကြီး အသေအချာမှာသွားသည်က…
“ ကလေးတို့တွေ အပြင်တွေ ဟိုဟိုဒီဒီလျှောက်သွားရင်
တစ်ယောက်တည်း မသွားနဲ့နော် ။ အဖွဲ့လိုက် သွားကြ ။”
ဟူ၍ဖြစ်သည်
။ ထိုစကားသည် ယခုကာလ၌ တအံ့တသြဖြစ်ဖွယ်ရာရှိပေမဲ့ လွန်ခဲ့သောဆယ့်ငါးနှစ်ခန့်ကဖြစ်သော
ထိုအချိန်ကတော့ မအေးချမ်းသေးသည့် ကချင်ပြည်နယ်၌ အသေအချာလိုက်နာသင့်သောစကားတစ်ခွန်းဖြစ်တာကြောင့်
ထိုသို့အလေးအနက်ထားကာ မှာ ကြားခဲ့ခြင်းဖြစ်သည် ။ ကျော်ထက်တို့ကျောင်းသားအားလုံးလည်း
ဟုတ်ကဲ့ဟူသောစကားသံကို မညီမညာဖြေကြားခဲ့ကြ၏ ။
စာသင်ကျောင်းကြီးမှာ အမှန်တော့ ဘိုတဲအိမ်ကြီးတစ်လုံးသာ
ဖြစ်သည် ။ အင်္ဂလိပ်မင်းလက်ထက်ကတည်းက ဆောက်လုပ်ထား ခဲ့သော ဘိုတဲကြီးလော … နှစ်ပေါင်းများစွာ
ကြာမြင့်နေပြီလော…ကျော်ထက်တို့ မတွေးအား ။ ဘယ်အဖွဲ့ အပေါ်တက်ဟူသော ဆရာကြီး ထံမှထွက်ပေါ်လာမည့်
ခွင့်ပြုချက်စကားသံကိုသာ နားတစွင့်စွင့်ဖြစ်နေကြသည် ။ ကျော်ထက်တို့မျှော်လင့်ထားသည့်အတိုင်း
ဆရာကြီးက ကျော်ထက်တို့အဖွဲ့အပါအဝင် ကျောင်းသား၃၅ယောက်ခန့်ကို ပထမအသုတ်အနေဖြင့် ဘိုတဲကြီး၏အပေါ်ထပ်သို့
အရင်တက်ခွင့်ပြုလိုက် သည်နှင့် ကျော်ထက်တို့ဦးစွာ ချီတက်သွားကြသည် ။
‘ ဟင်…ဘာဖြစ်တာပါလိမ့်…’
မည်သို့ဖြစ်သည်
မသိ…။ အေးခနဲ…စိမ့်ခနဲ…။ အခြားသူတွေကို စောင်းငဲ့အကဲခတ်ရင်း ကျော်ထက် ဟန်မပျက်ဆက်လျှောက်လာခဲ့ပေမဲ့
ခံစားစိတ်က လျော့နည်းမသွားသည့်အပြင် ပို၍ပင် ဆိုးရွားလာသလို…။ ကျော်ထက်တစ်ယောက် ဆင်ဝင်အောက်သို့
ရောက်သည့်အခါ တစ်စုံတစ်ယောက်က ရေခဲရေနှင့် ဆီးပက်လိုက်သလို အေးခနဲစိမ့်ခနဲခံစားလိုက်ရ၍ဖြစ်၏
။ ကြက်သီးမွေးညင်းတွေ ထောင်ထကာ ဆံပင် တွေပင် နာနတ်ပင်လို ထောင်ချင်သွားသည် ။
‘ ငါ…အအေးများ မိနေတာလား…။’
ကျော်ထက်
ထိုသို့တွေးလိုက်မိရင်း ကြောင်လိမ်လှေကားကြီးဆီသို့ ဆက်လျှောက်လာသည် ။ အခြေအနေက ပို၍ပို၍ဆိုးရွားလာ၏
။ ကျော်ထက်ကို တစ်ယောက်ယောက်က အုပ်မိုးထားသလိုမျိုး ချုပ်ကိုင်ထားသလိုမျိုး မွန်းကျပ်လာကာ
ဇောချွေးတွေပင် ပြန်လာသည် ။ ဂုတ်ပိုးပေါ်သို့ တစ်ယောက်ယောက်ကပဲ တက်ထိုင်နေသလိုလို…လေးလံလာသည်
။
‘ ဟုတ်ပါပြီ…ငါ အအေးမိနေပါပြီ…’
ထိုသို့တွေးကာ
ကျော်ထက် ဟန်မပျက်ထိန်းရင်း ဆက်လျှောက်လာခဲ့သည် ။ အပေါ်ထပ်ရောက်လို့ နေရာချပြီးမှ ဆေးသောက်ရမယ်ဟု
ကိုယ့်ကိုယ်ကို သတိပေးလိုက်သည် ။
ကျော်ထက်ဘဝတွင် ပထမဦးဆုံး ခံစားလိုက်ရသော တအံ့တသြခံစားမှုဖြစ်တာကြောင့်
ဘယ်လိုမှ မေ့မရ…။ စောစောက အေးလိုက် မွန်းကျပ်လိုက်ဖြစ်နေသော်လည်း အခန်းထဲသို့ ဝင်လာလိုက်သည်နှင့်တပြိုင်နက်
ဝါဂွမ်းစလေးကို လေမှုတ်ထုတ်လိုက်သလိုမျိုး စောစော က ခံစားနေရသမျှ ရုတ်ချည်းပျောက်ကင်းသွားသည်
။ နားလည်ရခက်ပါဘိ…။ သို့ကြောင့်လည်း လှဲလျောင်းနားနေနေရင်း ထိုအဖြစ် အပျက်ကို ပြန်လည်တွေးတောနေမိခြင်းဖြစ်၏
။
“ ငါးကြော်…ငြိမ်လှချည်လား ။ ဒီနားမှာ ကြောင်လည်း
မရှိဘဲနဲ့ မင်းက ဘာတွေအမြီးကုပ်နေတာလဲ ။”
ကျော်ထက်
အတွေးနှင့်ငြိမ်နေတော့ နံဘေးမှခိုင်တိုးက စကားစ၏ ။ စ,လိုက်သည့်စကားကလည်း အပြောင်အပျက်ရယ်…။
ကျော်ထက် က စကားမပြန်ခင် နှစ်ယောက်ကျော်မှ စိုးပိုင်က လှမ်းအော်နောက်သည် ။
“ မင်းက ဘာတွေခိုးတိုင်မရလို့လဲ ခိုးတိုင်ရ ။ နာမည်နဲ့လူနဲ့လည်း
လိုက်ပါ့ ။ ငါးကြော်က သူ့ကောင်မလေးကြောင့် ဆွေးနေတာကွ ။ ငါး
စိမ်းမြင်လို့ ငါးကင်ပစ်သွားတဲ့တစ်ယောက်လေ ။”
“ ဟင်…မင်းစကားက မှားနေတယ်ကွ စောပေါက်ရ ။ ငါးစိမ်းမြင်လို့
ငါးကင်ပစ်သွားတာ မဟုတ်ဘူး ။ ငါးကြော်ပစ်သွားတာ ။”
ငွေနိုင်က
ကြားဝင်ကာ ဆရာလုပ်တော့ စိုးပိုင်က ငြိမ်မခံဘဲ ပြန်နှက်သည် ။
“ အမယ်…မင်း ဘာသိလို့လဲ ငွေနဲ ။ ငါးစိမ်းမြင် ငါးကင်ပစ်ဆိုတာ
စကားပုံကွ ။ သူကြိုက်နေတဲ့ကောင်မလေးသူဇာက သူ့ကို ပစ်ပြီး သူ့
ထက်သာတဲ့အကောင်နောက် ပါသွားလို့ တင်စားပြီး ပြောတာ
။ မင်းဟာလေ ငွေနည်းရုံတင်မကဘူး ။ ဗဟုသုတလည်း နည်းပါ့ ။”
“ အာ…တော်ကြပါတော့ကွာ ။ ငါ ပင်ပန်းလို့ ငြိမ်နေတာပါ
။”
ထိုသို့
နာမည်ပြောင်တွေကို ခေါ်ကာ အားမနာပါးမနာပြောနေကြတာကို နားပူလာ၍ ကျော်ထက် အကြောင်းပြချက်တစ်ခုကို
ခပ်ကျယ် ကျယ်အော်ပြောလိုက်မှပဲ အားလုံး အသံတိတ်သွားသည် ။ ဒါတောင် ဂျွန်ဒိုက ငြိမ်မနေသေးဘဲ
သူ့တိုင်းရင်းသားသံဝဲဝဲနှင့် …
“ အဲ့ဒါပြောတာပေါ့ ။ မင်းသာ ဆက်မိုက်လို အဝတ်အစားနည်းနည်းပဲ
သယ်လာရင် ခုလောက် ပင်ပန်းမှာ မဟုတ်ဘူး ။ ဆက်မိုက်ဆို
တစ်နေ့လုံးနေမှ အဝတ်တစ်ထည်တောင် လဲစရာ မရှိဘူး
ခီးခီး…။”
“ တော်ပြီ … ချောက်တွန်းနဲ့ စကားပြိုင်မပြောဘူး
။ မောတယ် ။”
မောတယ်ဟူသောဆန်းမင်းက
စကားတစ်ခွန်းကို အနိုင်နှင့်ပိုင်းပြောပြီးမှ တစ်ဖက်သို့လှည့်သွားသဖြင့် ဂျွန်ဒိုလည်း
အောက်သက်သက်နှင့် ကျန်ရစ်ခဲ့၏ ။
ပြောရရင် ကျော်ထက်တို့အဖွဲ့က တကယ့်ကိုပျော်စရာ…။
တစ်ယောက်နှင့်တစ်ယောက် ဘာရယ်မဟုတ် စကားနိုင်လုကြ အပျော် တမ်းလောင်းကြစားကြနှင့်…။ သို့ပေမဲ့
တစ်ယောက်ကိုတစ်ယောက် တကယ်ချစ်ကြခင်ကြသော သူငယ်ချင်းများဖြစ်ကြသည်က အသေ အချာ ။ ပေါင်းလာကြတာလည်း
သုံးနှစ်ကျော်ပြီမို့ တစ်ယောက်အကြောင်းတစ်ယောက် အတွင်းသိအစင်းသိဖြစ်နေသောကြောင့် စိတ်ဆိုး
မုန်းတီးခြင်းလည်း မရှိ ။ ပကတိကလေးများကဲ့သို့ ပျော်ရွှင်စရာကောင်းသော ကျောင်းသားဘဝနေ့ရက်များဖြစ်နေတော့၏
။
{{{{{{{{{{{{{{{{{
သူရိန်နေမင်းက သူ၏တစ်နေ့တာပြေးလွှားမှုကို အဆုံးသတ်ရင်း
ကမ္ဘာတစ်ဖက်ခြမ်းသို့ ထွက်ခွာသွားချိန်တွင် ဘူမိဗေဒကျောင်းသား
များ
စိတ်ပါဝင်စားလျက်ရှိသော ကျောက်တောင်ပေါ်မှကျောက်သားတချို့ နေပူရှိန်သင့်ကာ ပူခြစ်လျက်
ကျန်ရစ်ခဲ့ကြစဉ် ကျော်ထက်တို့ လူတစ်စုကတော့ အိပ်စက်ရန်ပြင်ဆင်နေကြပြီ ။ ဤနေရာ၌ သူတို့အုပ်စု
နေထိုင်ရသောနေရာကို အနည်းငယ်ရှင်းပြရသော်…ဘိုတဲကြီး၏ အပေါ်ထပ်တွင် ဟောခန်းကျယ်ကြီး(၄)ခန်းရှိပြီး
လှေကားမှတက်တက်ချင်း တွေ့မြင်ရမည့်-ဟောခန်းကျယ်ကြီးမှာ အနည်းငယ်ယိုယွင်း နေသဖြင့် ထိုအခန်းကို
ကျော်လွန်ပြီးနောက် တွေ့မြင်ရမည့်-ဒုတိယမြောက်အခန်းတွင် ဘူမိဗေဒကျောင်းသားတစ်စု နေရာယူထားကြ၏
။ ထိုအခန်းနှင့်မျက်စောင်းထိုး၌လည်း အခန်း(၂)ခန်းရှိရာ ထိုဟောခန်းကျယ်ကြီးတို့အနက်
တစ်ခန်းတွင် ဆရာမနှင့်ကျောင်းသူများက တစ်ဖွဲ့ နေထိုင်ပြီး ရှားရှားပါးပါးလိုက်ပါလာသောဆရာနှစ်ယောက်ကတော့
ကျန်ရစ်သောအခန်းတစ်ခန်းတွင် သီးသန့်နေကြ၏ ။
အောင်ဖြိုး ခေါ် ငအောင်တို့အဖွဲ့က ကျော်ထက်တို့အဖွဲ့နှင့်
ခြေချင်းဆိုင်လျက် အိပ်စက်ကြရသည် ။ ယင်းအဖွဲ့က ကျော်ထက်တို့နှင့် ရန်ဖက် ။ ငအောင်က
ဗလတောင့်တောင့်နှင့် နေရာတကာ ဆရာကြီးလုပ်တတ်သဖြင့် ကျော်ထက်တို့က သိပ်ကြည့်လို့မရ ။
ငအောင်က လည်း ဤတစ်ခေါက် ကျော်ထက်တို့အဖွဲ့ကို သိပ်အမြင်မကြည်…။ နေရာတကာ ပေါတောတောနိုင်ပြီး
စကားများလွန်းသော-သူတို့လို ငပေါအဖွဲ့က ယခုလို နေရာကောင်းကောင်းတွေကို ပိုင်စိုးထားသဖြင့်
ထိုသို့ အမြင်မကြည်ဖြစ်နေခြင်းဖြစ်၏ ။ ဤသို့ တဇောင်းစေးနှင့် မျက်ချေး-အဖွဲ့နှစ်ဖွဲ့ကျခါမှ
တိုက်တိုက်ဆိုင်ဆိုင် ခြေချင်းဆိုင်အိပ်နေကြရသည် ။
{{{
ကျော်ထက်က ပြတင်းပေါက်ဘက်တွင် လရောင်လေး မျက်နှာပေါ်ဆမ်း
၊ လေညှင်း တသမ်းသမ်းနှင့် ဇိမ်ရှိရှိအိပ်စက်နေရချိန်၌ မိမိမှာတော့ လမ်းလျှောက်လျှင်
တကျွီကျွီမြည်နေသောပျဉ်ချပ်ကြီးပေါ်တွင် အိပ်စက်ရရုံသာမက ခေါင်းရင်းတွင်လည်း ပျဉ်ပေါက်ကြီးနှင့်…
ဟုတွေးကာ အောင်ဖြိုး မချင့်မရဲဖြစ်နေရ၏ ။ အောင်ဖြိုးက နောက်ဆုံးမှ ဝင်လာမိသဖြင့် မည်သူမျှ
မနေလိုသောဤနေရာကို ယူလိုက်ရ ခြင်းဖြစ်သည် ။ မနေချင်ကြသည်မှာလည်း မဆန်း ။ ခေါင်းရင်းတွင်
ပျဉ်ပေါက်ကြီးရှိပြီး ထိုပျဉ်ပေါက်ကြီးမှနေ တစ်ဖက်ခြမ်းရှိ အခန်းလွတ် ဟောခန်းကြီးကို
ဒိုးယိုပေါက်လှမ်းမြင်နေရ၍ အသည်းငယ်ကြောက်ရွံ့ကြတာကြောင့် ဤနေရာကို ကွက်လပ်ချန်ထားခဲ့ကြခြင်း
မဟုတ်ပါ လား ။
“ အမလေး…ကျွတ်…”
“ ကျွီ..ဂျွတ်…ဂလွတ်…”
နံဘေးမှ
ခေါင်းကိုက်သဖြင့် ညည်းညူသည့်အသံ ၊ အပြင်မှပြန်လာသူများ၏ ခြေရင်းလျှောက်လမ်း(ဟိုဘက်ခြမ်းနံရံသို့
ခေါင်းပြု၍အိပ်သူ နှင့် သည်ဘက်ခြမ်းနံရံသို့ ခေါင်းပြု၍အိပ်သူတို့နှစ်ယောက်တို့၏ ခြေထောက်ချင်းဆိုင်ထားသည့်ကြားမှ
လျှောက်လမ်း)ပေါ်သို့ ဖိနင်းလိုက် သည့်အသံများကြောင့် အောင်ဖြိုး တော်တော်နှင့် အိပ်မရ…။
အတန်ကြာ၍ အသံများ တိတ်ဆိတ်ငြိမ်သက်သွားတော့မှ အောင်ဖြိုး အိပ် ပျော်မလို မှေးခနဲဖြစ်သွားသည်
။
“ ဟင်…”
မျက်လုံးကို
စုံမှိတ်ထားသော်လည်း အသိအာရုံတွေက လုံးဝအိပ်မောကျသေးသည်မဟုတ်၍ မျက်နှာပေါ်မှ ဖြတ်သန်းသွားသောအရိပ်
တစ်ခုကို ချက်ချင်းသတိထားလိုက်မိသည် ။ အိပ်ချင်မူးတူးအသိနှင့် မှုန်ဝါးဝါးတွေ့မြင်လိုက်မိသည်က
ဖြူဖျော့ဖျော့လက်တစ်ဖက်လိုလို..။ အောင်ဖြိုး၏အာရုံများ လန်းဆန်းနိုးကြားသွားကာ နံဘေးကတစ်ယောက်ကို
ဖျတ်ခနဲလှည့်ကြည့်ပစ်လိုက်သည် ။ အောင်ဖြိုး၏အတွေးက တော့ နဘေးကကောင် နောက်ပြောင်ခြင်းဖြစ်မည်ဟူ၍…။
သို့ပေမဲ့ လက်တွေ့အမြင်၌ တခူးခူးတခေါခေါအိပ်မောကျနေသော-မျက်နှာ တစ်ခုကို တွေ့မြင်လိုက်ရသဖြင့်
အောင်ဖြိုး နားမလည်နိုင်အောင်ဖြစ်သွားမိသည် ။
‘ အင်း…ဒီအကောင် ငါ အိပ်ချင်မူးတူးဖြစ်နေတာကို
အခွင့်ကောင်းယူပြီး လာနောက်တာဖြစ်ရမယ် ။ ပြီးလည်းပြီးရော သူမှန်းမသိအောင်
ပြန်အိပ်ချင်ယောင်ဆောင်နေတာပဲဖြစ်မှာပေါ့ ။’
ကိုယ့်အတွေးနှင့်ကိုယ်
အောင်ဖြိုး စိတ်ကျေနပ်သွားကာ ဖျာပေါ်သို့ ပြန်လှဲချလိုက်သည် ။ ထိုသူငယ်ချင်း နောက်ပြောင်၍
မရအောင် အောက်သို့ နည်းနည်းလျှောအိပ်လိုက်၏ ။
“ တောက်…”
ရိပ်ခနဲဖြတ်သွားပြန်ပြီ
ဒီလက်…။ လျှပ်စစ်မီးအလင်းရောင် မရှိသော်လည်း တစ်ဖက်ပြတင်းပေါက်များစွာမှ ဝင်ရောက်လာသောလရောင်
ကြောင့် အခန်းတွင်းသို့ ရှင်းလင်းစွာတွေ့မြင်နေနိုင်သည်မို့ မျက်နှာပေါ်မှ လက်တစ်ဖက်
ဖြတ်သန်းသွားသည်ကို ရိပ်ခနဲခံစားမိလိုက်သည် နှင့် အောင်ဖြိုး မျက်စိနှစ်လုံးကို ဖျတ်ခနဲဖွင့်ကာ
အသေအချာမော့ကြည့်လိုက်သော်လည်း မတွေ့လိုက်ရ…။ ဘယ်လိုပါလိမ့်…။ လျင်မြန် လွန်းလိုက်သည့်လက်…။
နံဘေးကကောင်ကတော့ သူ့ကို သံသယဝင်မည်စိုး၍ထင်၏ ။ တခေါခေါပင် ဟောက်သံပြုနေသေးသည် ။
အောင်ဖြိုး စိတ်တိုတိုနှင့် အောက်သို့ မတရားလျှောချပစ်လိုက်ရာ
ခြင်ထောင်အပြင်ကိုပင် ခြေထောက်ထွက်နေပြီ ။ (ခြင်ထောင်တစ် လုံးလျှင် ကျောင်းသား(၅)ယောက်ခန့်
စု၍အိပ်ကြသည်) ကျောင်းအိုကြီးပေါ်တွင်ဖြစ်၍ ညစာငတ်နေသောခြင်တစ်စုက အောင်ဖြိုး၏ခြေ ထောက်အစုံကို
ဝိုင်းအုံခဲနေကြသော်လည်း အောင်ဖြိုး ဂရုမစိုက်တော့ ။ နံဘေးကကောင်ကိုသာ ထရိုက်ချင်နေပြီ
။ သို့သော် သက်သေ က မရှိ ။ ဘယ့်နှယ့်…သူ့ဘာသာသူ ခေါင်းကိုက်ရင် ဆေးသောက်ပြီး မှိန်းနေပေါ့
။ သူများတကာ အိပ်မရအောင် လုပ်နေရလား ။ လက် ဆုပ်လက်ကိုင်မိလို့ကတော့ အသေပဲ…ဟု တွေးကာ
မျက်စိကို ဖွဖွမှိတ်ရင်း ဆင်ကြံကြံနေလိုက်၏ ။
“ ဟာ…”
အောင်ဖြိုး၏တစ်ကိုယ်လုံး
ကြက်သီးတဖြန်းဖြန်းထကာ ခြေဖျားလက်ဖျားတွေ အေးစက်သွားရသည် ။ အံ့သြထိတ်လန့်စိတ်နှင့်
လှဲနေရာမှ ဝုန်းခနဲထထိုင်လိုက်မိ၏ ။
- ငါ…ငါ…အိပ်မက်မက်နေတာလား
။
ကြောက်စိတ်ကို
ပြေပျောက်စေရန် ကြိုးစားဖြေသိမ့်ကြည့်သော်လည်း မရ ။ အာရုံထဲတွင် ထင်ရှားစွာမြင်လိုက်ရသဖြင့်
အိပ်မက်မဟုတ် မှန်း သိနေသည် ။ အောင်ဖြိုး မျက်လုံးဖွဖွမှိတ်ကာ သူခိုးဖမ်းနေစဉ် ခေါင်းရင်းရှိပျဉ်ပေါက်ကြီးထဲမှ
လက်မည်းမည်းတစ်ဖက်သည် ရုတ် တရက်ထွက်လာပြီး ထိုအပေါက်နှင့် တစ်ထောင်လောက်ဝေးသည့် အောင်ဖြိုး၏မျက်နှာပေါ်မှ
ရိပ်ခနဲဖြတ်သန်းသွားသည်ကို ဆဋ္ဌမအာရုံ (စိတ်အာရုံ)ထဲ၌ ထင်ထင်ရှားရှားကြီးတွေ့မြင်လိုက်ရသဖြင့်
အောင်ဖြိုး ထိတ်လန့်သွားမိလေပြီ ။ ထထိုင်နေမိသော်လည်း နောက်ကျော တွင် ပျဉ်ပေါက်ကြီးရှိနေ၍
အောင်ဖြိုး ကျောမလုံတော့ ။ တော်နေကြာ လက်ကြီး ထပ်ထွက်လာပြီး မိမိကို ကုတ်ခြစ်လျှင်
မခက်လား…။ ကြောက်လန့်နေပြီဖြစ်သော်လည်း နံဘေးကသူငယ်ချင်းတွေကို မနှိုးချင်…။ တစ္ဆေကိုများ
ကြောက်စရာလား…ငကြောက်…စသည်ဖြင့် ဝိုင်းလှောင်ပြောင်မည်ကို စိုးရိမ်တာကြောင့် အတတ်နိုင်ဆုံးစိတ်ကိုထိန်းကာ
စိတ်ပြောင်းသွားစေရန် အခန်းတွင်းသို့ ဟိုဟိုသည်သည် လျှောက်ကြည့်လိုက်သည် ။
“ ဟင်…လူတစ်ယောက်…”
အကြောက်ပြေစေရန်
အခန်းတွင်းသို့ ဝေ့ဝဲကြည့်လိုက်မိသည်မှာ အောင်ဖြိုး၏မဟာအမှားကြီးဖြစ်၏ ။ ဟောခန်းကျယ်ကြီး၏ထောင့်
၊ မှောင်ရိပ်ကျနေသောလျှောက်လမ်းပေါ်တွင် လူတစ်ယောက်
ရပ်နေသည် ။ မည်သူပါလိမ့်…ဘယ်သူ နိုးနေတာလဲ … အောင်ဖြိုး၏ရင်ထဲ တွင် မေးခွန်းတွေကို
အထပ်ထပ်မေးရင်း ထိုသူကို ငေးကြည့်နေမိသည် ။ ထိုသူကလည်း အောင်ဖြိုး ငေးကြည့်နေတာကို
သိလို့ထင်၏ ။ လရောင်အောက်သို့ ဖြည်းဖြည်းချင်း လျှောက်ဝင်လာသည် ။
“ အမလေး…သရဲ…သရဲ…အား…”
ဆယ့်နှစ်နာရီကျော်ကျော်ညည့်နက်သန်းခေါင်ယံတွင်
အောင်ဖြိုး၏ ကြောက်လန့်တကြားဟစ်အော်သံကြီးက ကျောင်းသူကျောင်းသား ဆရာသမားအားလုံးကို
လန့်နိုးသွားစေခဲ့ပါတော့သည် ။
{{{{{{{{{{{{{{{{{
“ ညက ငအောင် သရဲခြောက်ခံရတာတဲ့ကွ ။”
“ အလကားပါ ငါးကြော်ရာ ။ ပေါက်တီးပေါက်ရှာ…သရဲ ရှိမလားကွ
။ ဒီအကောင် သက်သက်လူလည်ကျတာပဲနေမှာ ။ သူ့နေရာက
ကောင်းမှမကောင်းတာ ။ ဒီတော့ နေရာကောင်းရအောင်
မူယာမာယာသုံးလိုက်တာပေ့ါ ။ ဟော…အခုတော့ သူ့စိတ်ကြိုက် ဆရာတွေ
နဲ့ တစ်ခန်းတည်း သွားနေရပြီ မဟုတ်လား ။”
စိုးပိုင်၏စကားကို
ကျော်ထက် လက်မခံ ။ အောင်ဖြိုးက ဆရာကြီးစတိုင်နှင့် မလိုင်ပြည့်(အိုင်တင်ကောင်း)တတ်သော်လည်း
အခန်းပြောင်း ရဖို့အတွက် ထိုသို့ ညနက်သန်းခေါင် ထအော်ဟစ်ပြီး အရှက်အကွဲခံကာ ကြိုးစားလိမ့်မည်
မဟုတ် ။ သို့ပေမဲ့ ကျန်သူငယ်ချင်းအားလုံးက အောင်ဖြိုးကို အမြင်ကတ်သည့်စိတ်နှင့် သူ့စကားကို
မယုံမကြည်ဖြစ်နေတာကြောင့် ကျော်ထက်လည်း စကားမဆက်တော့ ။ သို့ပေမဲ့ သရဲ…သရဲ…အား…ခနဲအော်ကာ
သတိလစ်မလိုဖြစ်သွား၍ ပရိတ်ရေတိုက် ၊ နှာနှပ်ယူခဲ့ရသော အောင်ဖြိုး၏အဖြစ်ကို ပြန်တွေးရင်း
ကျော် ထက် ချောက်ချားသွားမိတာကိုတော့ ငြင်းမရ ။ ဒါပေမဲ့ လူငယ်ပီပီ စိတ်ညစ်မခံဘဲ ခေါင်းထဲက
ထုတ်ပစ်လိုက်သည် ။
“ ကောင်မလေးတွေတော့ ကြောက်နေကြမလား မသိဘူး ။ ငါတို့
သွားအားပေးရအောင် ဟီဟီ…”
အားလုံးထဲတွင်
ဖွန်အကြောင်ဆုံးဖြစ်သူ-ငွေနိုင်က စပ်ဖြီးဖြီးမျက်နှာကြီးကို ဆီသုတ်ပြီးပြောလိုက်တာကြောင့်
ဆန်းမင်းက ကြည့်မရဖြစ် သွားပုံ ရသည် ။
“ ဒီလောက် ကောင်မလေးတွေကို သနားနေရင်လည်း ညကအဒေါ်ကြီးကို
မင်းအိမ် ခေါ်ထားလိုက်ပေါ့ ။ ဒါမှ သူ ဒီမှာ မရှိတော့ရင်
ကောင်မလေးတွေလည်း မကြောက်ရတော့ဘူးပေါ့ ။”
“ သေလိုက်ပါလား မင်းကြီးဒေါ် ။ မင်းဘာသာ ခေါ်ထားလိုက်
။ ဘယ့်နှယ့်ကွာ…ငအောင်တို့များ…အမူအရာသာ ကောင်းတယ် ။ အိုင်
ဒီယာတော့ မလန်းလိုက်တာ ။ ချောက်မယ့်ချောက် တစေ
္ဆမချောချောလေးက သူ့ကို ဗလက္ကာရပြုမယ်လုပ်လို့ အော်လိုက်မိတာပါ
လို့ မပြောဘူး ။ တောက်…ရုပ်ဆိုးဆိုးအဒေါ်ကြီးတစ်ယောက်
အခန်းထဲမှာ လမ်းလျှောက်နေလို့…တဲ့ ။ ရုပ်ဆိုးတာနဲ့ပဲ သရဲဖြစ်ရော
လား ။ ဒါဆို ခိုးတိုင်ကိုလည်း တစ္ဆေလို့ ပြောရတော့မှာလား
။”
ငွေနိုင်က
ဆန်းမင်းနှင့် စကားနိုင်လုရင်း ခိုင်တိုးကိုပါ လှမ်းနောက်လိုက်၏ ။ ငွေနိုင်၏စကားကြောင့်
ခိုင်တိုးတစ်ယောက် ရှူးရှူးရှဲရှဲဖြစ် သွားပြီး…
“ အောင်မာ…မင်းက ငါ့ကို သရဲရုပ်ပေါက်နေတယ်လို့
ပြောတာပေါ့ ဟုတ်လား ။ အေး…ငါက ရုပ်ဆိုးပေမဲ့ ငွေမနည်းဘူးကွ ။ မင်းသာ
ရှိသမျှငွေတွေအကုန်လုံး လောင်းလိုက်စားလိုက်နဲ့
ပြောင်နေတဲ့အကောင်…”
“ အာ…မင်းတို့ကလည်း တော်ကြပါတော့ ။ ဒီကိစ္စက နောက်စရာ
မဟုတ်ဘူးကွ ။ ညက မင်းတို့မှ ငအောင့်ကို ထမကြည့်ကြတာ ။ ငါ
က သွားကူညီလိုက်တော့ သူ့ပုံစံကို သေချာမြင်ခဲ့ရတယ်ကွ
။ သူ့ပုံစံက ဟန်လုပ်နေတာ မဟုတ်ဘူး ။ တကယ်ကို ကြောက်ရွံ့ထိတ်
လန့်နေတဲ့ပုံ ။ သတိပြန်လည်လာတော့ သူ့သူငယ်ချင်းကို
ဖက်ပြီး ငိုတောင်ငိုသေးတယ် ။ ငါ့အထင်တော့ သရဲတကယ်ချောက်တာ
ထင်တယ် ။”
ဂျွန်ဒို၏စကားကြောင့်
ကျော်ထက် အားတက်သွားမိသည် ။ ဟုတ်မည်…ညက အောင်ဖြိုး၏အော်သံကြောင့် ဂျွန်ဒို အောင်ဖြိုးဆီသို့
ပြေး ဝင်သွားကာ ဝိုင်းကူညီပေးခဲ့သေးသည် ။ အနီးကပ်တွေ့မြင်လာသူမို့ ဟန်လုပ်နေတာ မဟုတ်မှန်း
သတိထားမိလိမ့်မည် ။ နောက်ပြီး ဂျွန် ဒိုက ကယားလူမျိုးဖြစ်၍ တိုင်းရင်းသားပီပီ ရိုးသားပွင့်လင်းသူ…။
အားလုံးထဲတွင် အကူအညီပေးတတ်ဆုံးသူ…။ ဂျွန်ဒို၏စကားကြောင့် အားလုံး လှောင်ပြောင်ရယ်မောနေရာမှ
တွေဝေသွားကြသည် ။
“ အေးကွာ…သရဲက တကယ်ချောက်နေတယ်ဆိုမှတော့ ငါတို့
သတိဝီရိယနဲ့ အိပ်ကြတာပေါ့ ။ အရေးအကြီးဆုံးက ငါတို့ ညဘက်အိပ်
ရင် ဘောင်းဘီဝတ် အိပ်ရမယ် ။ ဘာဖြစ်လို့လဲဆိုတော့…”
အားလုံးထဲတွင်
ဆရာအလုပ်ဆုံးခိုင်တိုးက ပါမောက္ခဆရာကြီး၏လေသံဖြင့် ခပ်လေးလေးပြောရင်း စကားကိုရပ်ကာ အားလုံး၏မျက်နှာ
တွေကို အသေအချာလိုက်ကြည့်လိုက်သည် ။ ကျန်လူအားလုံး သူ့စကားအပေါ်တွင် စိတ်ပါဝင်စားမှု
ရှိနေပြီဟု ယုံကြည်ရမှသာ စကားကို ဆက်၏ ။
“ အင်း…ဘာဖြစ်လို့လဲဆိုတော့ အကယ်လို့ ငါတို့သာ
ပုဆိုးဝတ်ထားပြီး အအိပ်ကြမ်းလို့ ပုဆိုးကျွတ်သွားရင် သရဲက သူ့ကို ဖင်လှန်ဆဲပါ
တယ်ဆိုပြီး မျိုးကန်းအောင်လုပ်သွားရင် မခက်ဘူးလား
ဟီးဟီးဟီးဟီး…”
“ ခွေးကောင်…ငါက အကောင်းမှတ်လို့ နားထောင်နေတာ
။”
“ ချီးကားတိုက်လို့ သေမယ့်ကောင်…”
ခိုင်တိုး၏စကားအဆုံးမှာတော့
တဝေါဝေါရယ်သံများနှင့်အတူ အားလုံး၏ထောပနာပြုချီးကျူးသံများဖြင့် ကြွက်ကြွက်ညံသွားလေ၏
။
{{{{{{{{{{{{{{{{{
ကျော်ထက်တို့သွားသည့်အချိန်က
ဆောင်းအကုန် နွေအကူးကာလဖြစ်၍ ရာသီဥတုက မပူမအေး၊ နေလို့ကောင်းရုံမျှလေးဖြစ်သည် ။ ကျော်ထက်
တွေးထင်ထားသည်က ကချင်ပြည်နယ်၌ အလွန်အမင်းချမ်းစိမ့်လိမ့်မည်ဟု တွက်ထားခဲ့မိသော်လည်း
အမှန်တကယ်ရောက် တော့ ထင်သလောက် မအေးတာကို သိလိုက်ရသည် ။ သို့ပေမဲ့ ရန်ကုန်နှင့်တော့
ဘယ်တူပါ့မလဲ ။ အတော်အတန်တော့ ချမ်းအေးတာ ပေါ့ ။ သို့ကြောင့် မနေ့က အိမ်မှရှိုးထုတ်ရန်သယ်လာသော
ဂျာကင်အင်္ကျီကြီးကို အလေးခံပြီး ထုတ်ဝတ်ခဲ့သည် ။ ကောင်မလေးများနှင့် လေ့လာရေးဆင်းရ၍
ပဲပေးခွင့် ကြုံသော်လည်း ဂျာကင်အင်္ကျီက လေးကလည်း လေး၊ အိုက်ကလည်း အိုက်လာသည်ကြောင့်
ပဲမပေးရ ဘဲ အသည်းဆေး သောက်ရမလိုပင် ဖြစ်သွားခဲ့သည် ။
လေ့လာရေးမှပြန်ရောက်သည့်အခါ စိတ်ညစ်ညစ်နှင့်
ဆရာများအလစ်၌ ကျော်ထက်တို့အဖွဲ့ အရက်ခိုးသောက်ကြ၏ ။ အလွန်အကျွံ သောက်တာမျိုး မဟုတ်ဘဲ
အာစွတ်ရုံ စိတ်ရွှင်ရုံမျှ သောက်ကြခြင်းဖြစ်သည် ။
“ ဟိတ်ကောင်…ဗိုက်နာတယ်ကွာ ။ ငါ အိမ်သာ သွားချင်တယ်
။ မင်းတို့ လိုက်ခဲ့ကြဦး ။”
“ အာ…ခိုးတိုင် … မင်း ကလေးလားကွ ။ အိမ်သာသွားချင်တာပဲ
မင်းဘာသာမင်း သွားပေါ့ ။”
“ ငါ ကလေးမဟုတ်တော့တာ ငါ သိတာပေါ့ စောပေါက်ရ ။
ငါက မင်းတို့ကို ခေါ်ချင်လို့ ခေါ်တာမဟုတ်ဘူး ။ ကျောင်းအုပ်ဆရာမကြီးရဲ့
စကားကို နားထောင်တဲ့အနေနဲ့ ခေါ်တာ ။ ဆရာမကြီးက
အဖွဲ့လိုက်သွားဖို့ မှာထားတယ်လေ ။ မင်းတို့မလိုက်ရင် ငါ တိုင်ပြောမှာ
နော် ။”
“ ကဲပါကွာ…လာကြစမ်းပါ ။ လိုက်သွားရအောင် ။ ငါလည်း
ရှူးရှူးပေါက်ချင်နေတာ ။”
နောက်ဆုံး
ဂျွန်ဒို၏တိုက်တွန်းစကားဖြင့် တစ်ဖွဲ့လုံး အိမ်သာသို့ သွားကြသည် ။
ဤနေ့က ဘိုတဲကြီးတွင် ကျော်ထက်တို့ တည်းခိုနေသည့်
သုံးရက်မြောက်နေ့ ။ ရောက်ရှိသည်မှာ သုံးရက်ပြည့်မြောက်နေပြီဖြစ်သော် လည်း အိမ်သာသို့
တစ်ရက်မျှ မသွားဖြစ်…။ အိမ်သာက ဘိုတဲကြီးနှင့်ခပ်လှမ်းလှမ်း(အတော်ဝေးဝေး)တွင် ဆောက်လုပ်ထားတာကြောင့်
အားလုံးက ဆီးသွားချင်လျှင် အနီးအနားမှာ ကြည့်ကြပ်ရှင်းလိုက်ကြတာများသည် ။ ယခုလို နေ့ဘက်
မြင်မြင်ထင်ထင်သွားမှပဲ အိမ်သာ ငါးလုံး၏အနောက်တွင် ချုံတောကြီးရှိနေသည်ကို သတိပြုမိ၏
။ ထိုအချိန်က သောင်းကျန်းသူများ ထောင်လွှားနေသောကာလဖြစ်၍
ကျော်ထက် စိတ်လှုပ်ရှားသွားရသည် ။ ထိုချုံတောထဲတွင် သောင်းကျန်းသူတွေများ ပုန်းခိုနေလေမလား…။
သောင်းကျန်းသူတွေက ဗမာစကား မတတ်ကြဟု ကြားဖူးသဖြင့်
အကယ်၍ မိမိတို့ကိုသာ ဖမ်းဆီးမိလျှင် တက္ကသိုလ်ကျောင်းသား လောဘာလော ခွဲခြားနားလည်နိုင်မည်မဟုတ်၍
အသတ်ခံရမှာ ကျိန်းသေသလောက်ရှိသည်ဟုတွေးမိကာ ကျော်ထက် ဇောချွေးများ ထွက်လာ၏ ။
“ ဟာ…ဟိုမှာ…ဟိုမှာ…”
ထိုအခိုက်
နောက်ကျောဆီမှ ဆန်းမင်း၏အော်သံကြောင့် ကျော်ထက် ဆတ်ခနဲတုန်သွားသည် ။ စိတ်လှုပ်ရှားစွာနှင့်
သူ ညွှန်ပြရာဆီသို့ အထိတ်တလန့်လှမ်းကြည့်လိုက်မိ၏ ။
“ မင်းဘိုးအေ…ငါက သူပုန်များလားလို့ လန့်သွားတာပဲ
။ အိမ်သာတစ်လုံး တွေ့တာ ဒီလောက်အော်စရာလား ။”
ဆန်းမင်း
လက်ညှိုးထိုးပြသောနေရာတွင် အိမ်သာတစ်လုံးကို တွေ့လိုက်ရသဖြင့် ကျော်ထက် စိတ်ပေါက်ပေါက်နှင့်
အော်လိုက်မိ၏ ။ ခိုင် တိုးကတော့ ဆန်းမင်းစကားကို အလေးအနက်ထားမနေတော့ဘဲ အိမ်သာတစ်လုံးထဲသို့
အပြေးဝင်သွားသည် ။ ဂျွန်ဒိုကလည်း ထိုနည်း အတိုင်း…။ အပြင်တွင် အဖော်လိုက်လာသူ(၄)ယောက်သာ
ငိုင်တိုင်တိုင်ကျန်ရစ်ခဲ့ရသည် ။ ထိုစဉ် ဆန်းမင်းက သူ တွေ့ထားသော အိမ် သာအနားသို့သွားကာ
ကိုစပ်စု လုပ်တော့သည် ။
“ ဟ…အိမ်သာက တံခါးသော့ခတ်ထားတာပဲ ။ ဘာလဲကွ…ဒါက
ကျောင်းသားတွေကို ခွဲခြားခွဲခြား လုပ်တဲ့သဘောလား ။”
“ ဆရာမကြီးရဲ့အိမ်သာဖြစ်လို့ နေမှာပေါ့ ။ ကျောင်းတွေမှာ
ဒီလိုပဲ ဆရာဆရာမတွေကို သီးသန့်ထားတတ်တယ်လေ ။”
ဆန်းမင်း၏စကားကို
စိုးပိုင်က ဝင်ဖြန်ဖြေသည် ။ သို့ပေမဲ့ အရက်ဝင်လျှင် နည်းနည်းပြဿနာရှာတတ်သူ ၊ နာမည်ပြောင်နှင့်လိုက်အောင်
ဆက်မိုက်တတ်သည့်-ကိုဆန်းမင်းက…
“ မဖြစ်နိုင်ဘူး ။ ဘယ်လိုနည်းနဲ့မှ မဖြစ်နိုင်ဘူး
။ ငါ စုံစမ်းထောက်လှမ်းလာခဲ့တဲ့သက်တမ်းတလျှောက်မှာ ဒီလိုကိစ္စမျိုးတွေက ရိုးအီနေ
အောင် ကြုံဖူးတယ် ။ ဒီအိမ်သာဟာ ဘယ်လိုနည်းနဲ့မှ
ဆရာမကြီးတက်တဲ့အိမ်သာ မဖြစ်နိုင်ဘူး ။ ဘာဖြစ်လို့လဲဆိုတော့ ဒီအိမ်သာ
က ဟိုဘက်က အိမ်သာငါးလုံးနဲ့ ဘာမှလည်း မကွာဘူး
။ ဆရာမကြီးရဲ့အိမ်သာဆိုရင် ပိုပြီး သန့်ရှင်းသပ်ရပ်နေရမှာပေါ့ ။ နောက်
ပြီး ဆရာမကြီးရဲ့အိမ်က ကျောင်းနဲ့ကပ်နေတာပဲကို
။ ဘာဖြစ်လို့ သူက တစ်လံလောက်ဝေးတဲ့ ဒီအိမ်သာကို လာတက်မှာလဲ ။”
ရော်…ဒီကောင်
ရစ်နေပြီဟု အားလုံး သိလိုက်ပေမဲ့ သူနှင့်ဆန့်ကျင်၍ သိပ်မပြောရဲကြ ။ တော်ကြာ သူ စိတ်တိုပြီး
အော်ဟယ်ဟစ်ဟယ် လုပ်ပါက ကျော်ထက်တို့အဖွဲ့ အရက်သောက်တာကို ဆရာများ သိသွားကြလိမ့်မည်
။ သို့ကြောင့်လည်း စိုးပိုင်ကပဲ နှစ်သိမ့်ရပြန်သည် ။
“ ဆန်းမင်းကလဲကွာ…လာပါ ။ အိမ်သာက ရွံစရာကောင်းလို့
ပိတ်ထားတာ နေမှာပေါ့ ။”
“ အဲဒီမှာက အိမ်သာ ငါးလုံး ။ မင်းတို့က ငါးယောက်
…ကွက်တိပဲ ။ ငါ့အတွက် အိမ်သာ မရှိဘူး ။ ဒီတော့ ဒီဘက်မှာ သီးသန့်ရှိနေတဲ့
ဒီအိမ်သာကို ငါ အရင်တွေ့တာ ။ ဒါ ငါ့အိမ်သာ ။
ငါ့အိမ်သာကို ငါ့ဘာသာငါ လုပ်ချင်ရာလုပ်မယ် ။ လာမရှည်နဲ့ ။”
“ ငါ့အိမ်သာကို မင်း ယူလိုက်ပါကွာ ။ ငါ မတက်ပါဘူး
။”
ကျော်ထက်ကပါ
လေပြည်ဝင်ထိုးကြည့်သည် ။
“ တိတ်…ငါးကြော်…မင်း မရှည်နဲ့ ။ ဒီမှာ တွေ့လား
အုတ်ခဲ ။ ဒီအုတ်ခဲက Keyပဲ ။ ဒီသော့နဲ့ ငါ ဖွင့်ပြမယ် ။ ကဲ…”
ဆန်းမင်းက
မူးမူးရူးရူးနှင့် အိမ်သာတွင် ခတ်ထားသောသော့ခလောက်ကို အနီးရှိအုတ်ခဲတစ်လုံးနှင့် ထုဖွင့်တော့သည်
။ ကျန်လူအားလုံး က သူတားနိုး ကိုယ်တားနိုးနှင့် ကြောင်ကြည့်နေမိကြ၏ ။ သုံးချက်လောက်
ရိုက်လိုက်သည့်အခါ သော့ခလောက် ပြုတ်ကျသွားသည် ။
“ ဟား…ဟား…မှန်းစမ်း ။ အိမ်သာထဲမှာ ဘာရှိလို့ သော့ခတ်ထားရတာလဲ
။”
ဆန်းမင်းက
အောင်နိုင်သူလေသံနှင့် ခပ်မိန့်မိန့်ကြီးရေရွတ်လိုက်ကာ တံခါးကို ဖြည်းဖြည်းလေးဆွဲဖွင့်လိုက်သည်
။
“ အိမ်သာထဲမှာ ဘာရှိရမှာလဲ ဒီအကောင်စုတ် ။ ငါ ပြောလိုက်ရ
မကောင်းရှိတော့မယ် ။”
ဆန်းမင်း၏အမူအရာကြောင့်
ငွေနိုင်က ကျော်ထက် အနားသို့ကပ်ကာ ခပ်ရွဲ့ရွဲ့ပြောလိုက်သည် ။ ဆန်းမင်းကတော့ ကြားပုံ
မရ ။ မူးမူးနှင့် ထင်တိုင်းကျဲတတ်သည့်သူ့စရိုက်ကို အားလုံးက သိနေကြသဖြင့် ဘာမျှဝင်မပြောတော့
။ ဆရာမကြီးဆူလျှင်လည်း တောင်းပန်လိုက် တော့မည်ဟူ၍သာ တွေးထားလိုက်ကြသည် ။ အိမ်သာတံခါး
တစ်ဝက်လောက်ပွင့်သောအခါ ဆန်းမင်းက အထဲသို့ ခေါင်းပြူကြည့်လိုက် ၏ ။
“ အမလေး…သရဲ ……သရဲမ…”
သူက
အော်လည်းအော်…နောက်သို့လည်း ခုန်ဆုတ်လိုက်သဖြင့် အားလုံးလည်း စိတ်ဝင်တစားနှင့် ဆန်းမင်းအနားသို့
ပြေးဝင်သွားကြကာ အိမ်သာတွင်းသို့ ချောင်းကြည့်လိုက်ကြသည် ။
{{{
“ ဟားဟား…ဟားဟား…ဘာမှမဟုတ်ဘူး ။ မင်းတို့ကို နောက်တာ
။”
အထဲတွင်
ဘာမျှမတွေ့ရ ။ အထိတ်တလန့်နှင့် ပြူးပြဲကြည့်လိုက်ကြသော-ကျော်ထက်တို့သုံးယောက်၏အမူအရာများကို
သဘောကျကာ ဆန်းမင်းက အူလှိုက်သည်းလှိုက်ရယ်သည် ။ ထိုစဉ် ဆီးသွားချင်သည်ဟုဆိုကာ အိမ်သာထဲဝင်သွားသော-ဂျွန်ဒိုတစ်ယောက်
အိမ်သာ တံခါးကို ဝုန်းခနဲဖွင့်ကာ ဘောင်းဘီဇစ်တပ်နေလျက်သားနှင့် အပြင်သို့ ပြေးထွက်လာ၏
။
“ ဘယ်…ဘယ်မှာလဲ
သရဲ ။”
အသံကြီးက
တုန်တုန်ရီရီ ။ သူ့ပုံစံကိုကြည့်လိုက်ရုံနှင့် သွေးပျက်ထိတ်လန့်နေမှန်း သိသာနေ၍ ဆန်းမင်းက
သူ့ပြက်လုံးအပေါ် သဘော ကျစွာဖြင့် တဟားဟားရယ်ပြန်သည် ။ ဂျွန်ဒို၏အမေးကို စိုးပိုင်ကပဲ
စိတ်တိုလက်တိုလှမ်းဖြေလိုက်သည် ။
“ ဘာမှ သရဲမရှိဘူး ။ ဒီကောင် ဆန်းမင်းပေါ့ ။ မူးမူးနဲ့
အရူးထနေတာ ။ အခုတော့ ဆရာမကြီးရဲ့အိမ်သာက သော့ခလောက် ပျက်သွား
ပြီ ။ ဆရာ သိရင် ဆူတော့မှာပဲ ။ အမှုက နှစ်မှုတောင်…ဟူး…”
“ တောက်…ဆန်းမင်း…မင်း လွန်တယ်ကွာ ။ ငါ့မှာ အိမ်သာတက်မယ်ကြံတုန်းရှိသေး…မင်းအော်သံကြီးကြောင့်
ပြေးထွက်လာမိတာ ။”
ဂျွန်ဒိုအပါအဝင်အားလုံးက
ဝိုင်းဆဲကြပေမဲ့ ဆန်းမင်းကတော့ တဟဲဟဲရယ်နေတာပါပဲ ။ တစ်ခုချစ်ဖို့ကောင်းသည်မှာ ဆန်းမင်းက
သူ စပြီး နောက်ပြီးလျှင် သူ့ကို ဘယ်လောက်ပြောပြော အပြုံးမပျက် အရယ်မပျက်ပေ ။ သူတို့အားလုံးထဲတွင်
ဝင်မဆဲသူက ငွေနိုင်…။ ငွေနိုင်က အိမ်သာတွင်းသို့ ချောင်းကြည့်လိုက်စဉ် အိမ်သာထောင့်တစ်နေရာမှ
သွေးအိုင်လိုအနီကွက်ကြီးကို တွေ့မြင်လိုက်ကတည်းက စိတ်ထဲ၌ မသိုးမသန့်ခံစားမိလိုက်၍ဖြစ်၏
။ သို့ပေမဲ့ သူကိုယ်တိုင်က တစ္ဆေသရဲဆိုတာကို လုံးဝမယုံကြည်သူဖြစ်တာကြောင့် ထိုခံစားချက်ကို
သူ့ ဘာသာသူပဲ မေ့ဖျောက်ပစ်လိုက်တော့သည် ။
{{{{{{{{{{{{{{{{{
မိုးက စုန်းစုန်းချုပ်နေပြီဖြစ်သော်လည်း ကျော်ထက်တို့အဖွဲ့
မအိပ်ကြသေး…။ ဂစ်တာလေး တဒေါင်ဒေါင်တဒင်ဒင်တီးခတ်ရင်း တစ် ဖက်ခန်းက ကောင်မလေးတွေ နားစွင့်နေလေမလားဆိုသောစိတ်ကူးယဉ်မှုလေးနှင့်
ကြည်နူးနေကြချိန်…။ ထိုကြည်နူးချမ်းမြေ့မှုလေးကို ဖျက်ဆီးလိုက်သည်က ကျော်ထက်၏အစာအိမ်…။
တဂွီဂွီတဂွမ်ဂွမ်နှင့် အပြင်က တီးခတ်နေသည့်ဂစ်တာထက်ပင် သံစုံတီးဝိုင်းဆန်သေး ၏ ။ နေ့လယ်က
အရက်ခိုးသောက်ကြရုံမက ညနေကလည်း အစားသောင်းကျန်းမိခဲ့သည် မဟုတ်လား ။
ကျော်ထက် အစာအိမ်ကို ပေလေယကံသဘောထားကာ ဂစ်တာကို
သည်းကြီးမည်းကြီးတီးခတ်နေလိုက်သည် ။ လက သာသာ ၊ လေပြည်က ညှင်းညှင်း ၊ ပန်းရနံ့က သင်းသင်းဖြင့်
အစွမ်းကုန်ကြည်နူးစရာကောင်းသောညကလေးကို ကျော်ထက် အိမ်သာတက်ရင်း မကုန်ဆုံးချင် ။ မတက်ဘူးကွာဟုမာန်တင်းထားလိုက်ပြီး
ပျော်ပျော်ကြီး သီချင်းအော်ဆိုလိုက်သည် ။
“ နင် ထားခဲ့အတိုင်း ငါနေ…ချစ်သူ သိပါစေ…အ……ကျွတ်…”
“ အ…အား…မရ…မရတော့ဘူးကွ ။”
“ ဟင်…မင်းရော အိမ်သာတက်ချင်နေတာလား ချောက်တွန်း
။”
“ ဟေ…အေး ။ ငါ တက်ချင်နေတာကွ ။”
တိုက်ဆိုင်စွာပင်
ကျော်ထက်သာမက ဂျွန်ဒို ဆန်းမင်း စိုးပိုင် ငွေနိုင်တို့ပါ အိမ်သာတက်ချင်နေကြ၏ ။ ဗိုက်နာ၍
ရှုံ့ရှုံ့မဲ့မဲ့ဖြစ်နေကြသော တစ်ယောက့်မျက်နှာကို တစ်ယောက်ကြည့်ရင်း ပြုံးလိုက်မိကြသည်
။ ခိုင်တိုးမှလွဲ၍ အားလုံး ဗိုက်နာနေကြသဖြင့် ဂစ်တာကို ပစ်ချခဲ့ပြီး အိမ်သာသို့ မသွားမဖြစ်
သွားကြရတော့၏ ။ ည၏ဆံကေသာလမင်းသည် သာချင်တိုင်းသာ ၊ ထိန်ချင်တိုင်း ထိန်လင်းလျက် တင့်တယ်နေ
ပါဘိနှယ်…။
အစပိုင်းတွင် ဆိုခဲ့သည့်အတိုင်း ကြောင်လှေကားမှဆင်းလာသည်နှင့်
ကျော်ထက် ချွေးစေးတွေ စီးကျလာသလို ဆင်ဝင်အောက် ရောက်သည်နှင့် အေးခနဲစိမ့်ခနဲခံစားမိသည်မှာ
တစ်ကြိမ်တစ်ခါတည်း မဟုတ်ပါဘဲ ထိုနေရာများမှ ဖြတ်သွားသည့်အခါတိုင်း ခံစားနေရ ခြင်းဖြစ်၏
။ ကျော်ထက်သည် အသည်းငယ်တတ်သူ မဟုတ်…ကုန်ကုန်ပြောရရင် တစ္ဆေသရဲကို အယုံအကြည်ရှိလှသူ
မဟုတ် ။ ထိုသို့ ခပ်ရဲရဲလူတစ်ယောက်ဖြစ်လျက်သားနှင့် ထိုနေရာများကို ဖြတ်သွားတိုင်း
ထိုကဲ့သို့ခံစားနေရသည်မှာ တစ်ခုခုတော့ ထူးဆန်းနေသည် ။
‘ ဤဘိုတဲကြီးပေါ်မှာ အမှန်တကယ်ပဲ တစ္ဆေသရဲတွေ ကိန်းအောင်းပုန်းခိုနေသလား
။’
ကျော်ထက်
မယုံမရဲတွေးလိုက်မိ၏ ။ မဖြစ်နိုင်ပါဘူး ။ သရဲဆိုတာ တကယ်မှမရှိတာ ။ စိတ်ရဲ့ချောက်လှန့်မှုပဲဟု
ကိုယ့်ကိုယ်ကို ပြန်သတိ ပေးမိပြန်သည် ။ သို့ပေမဲ့ ဆင်ဝင်အောက်သို့ ရောက်သည်နှင့် အေးခနဲစိမ့်ခနဲ…နဂိုကတည်းက
ချမ်းစီးစီးဆိုပေမဲ့ သာမန်ခံစားမှုမျိုးဆို လျှင် စကားလုပ်ပြောနေမည်မဟုတ်သော်လည်း ယခု
ခံစားလိုက်ရသည့်အေးစိမ့်မှုက တကယ့်ကို သံသယဝင်ချင်စရာ ။ ဟိုတွေးသည် တွေးနှင့် ဆင်ဝင်အောက်မှ
ထွက်လာသည့်အခါ သာမန်အတိုင်း ပြန်ဖြစ်သွားသည့်အတွက် ကျော်ထက်လည်း ထိုအကြောင်းကို ဆက်
မတွေးအားတော့ ။ ဗိုက်က အတော်နာနေပြီ မဟုတ်လား ။
{{{
လရောင်အောက်တွင် လမ်းသွယ်ကလေးကို ရှင်းရှင်းလင်းလင်းတွေ့မြင်နိုင်ပေမဲ့
မြွေပါးကင်းပါးကြောက်၍ လက်နှိပ်ဓါတ်မီးကို ဖွင့် ကာ တစ်ဖွဲ့ကြီး တန်းစီလျှောက်လာကြသည်
။ ခိုင်တိုးက…
“ မှောင်မည်းမည်းနဲ့ ကြောက်စရာကြီးကွာ…”
ဟု
ပြောမိတော့ စိုးပိုင်က…
“ သရဲက မင်းရုပ်ကို ပြန်ကြောက်လိမ့်မယ် ။”
ဟု
ခပ်တိုးတိုးနောက်သည် ။ အသံတော့ သိပ်မကျယ်ရဲကြ…။ သောင်းကျန်းသူများကို ကြောက်ရွံ့မိသောကြောင့်ဖြစ်၏
။ ဗိုက်အရမ်းနာ နေပြီဖြစ်သူ-ကျော်ထက်ကတော့ ခြေလေးနေသောသူတို့တတွေကို နောက်ချန်ရစ်ကာ
ရှေ့မှ တက်သုတ်ရိုက်လျှောက်သွားမိသည် ။ လက ထိန်ထိန်သာနေ၏ ။
ဘိုတဲနှင့်အိမ်သာ အတော်ကွာဝေးမှုသည် ပုံမှန်အခြေအနေတွင်
နစ်နာမှုမရှိသော်လည်း ဗိုက်အလွန်နာနေသူတစ်ယောက်အတွက် တော့ တမင်ဒုက္ခများအောင် ချောက်ချထားသလိုပင်…။
ကျော်ထက်က အပြေးတပိုင်းလျှောက်သွားနေ၍ အိမ်သာနှင့် အတော်နီးလာပြီ ။ ထိုစဉ် …
“ ကျွီ……ဂျိန်း… ကျွီ……ဂျိန်း… ကျွီ……ဂျိန်း…”
မြင်လိုက်ရသည့်မြင်ကွင်းက
ရှေ့ဆုံးမှ ခပ်သွက်သွက်လျှောက်လာသူကျော်ထက်ကို သွေးပျက်သွားစေခဲ့၏ ။ အေးမြသောရာသီဥတုတွင်
ကျော်ထက်တစ်ကိုယ်လုံး ချွေးပြန်သွားခဲ့ရသည် ။ လေက ငြိမ်နေပါ၏ ။ မည်မျှငြိမ်သက်နေသလဲဆိုလျှင်
သစ်ရွက်ကလေးတွေပင် တစ် ချက်မလှုပ်ခတ်…သစ်ကိုင်းလေးများပင် အနည်းငယ်မယိမ်းနွဲ့ ။ ထိုသို့လေငြိမ်နေသောအခြေအနေတွင်
ကျော်ထက်တွေ့မြင်လိုက်ရ သည်က ကျွီခနဲဂျိန်းခနဲဖွင့်လိုက်ပိတ်လိုက်ဖြစ်နေသော-အိမ်သာတံခါး…။
တစ်စုံတစ်ဦးက ဖွင့်လိုက်ပိတ်လိုက်လုပ်နေသကဲ့သို့ပင် ။ ထိုသို့ ပိတ်လိုက်ဖွင့်လိုက်ဖြစ်နေသည့်အိမ်သာကလည်း
နေ့လယ်ခင်းကမှ ဆန်းမင်းတစ်ယောက် မူးမူးရူးရူးနှင့် သော့ခလောက် ထုဖြုတ်လိုက် သည့်အိမ်သာ
။ ကျန်အိမ်သာအားလုံး တုတ်တုတ်မျှမလှုပ်သော်လည်း ထိုအိမ်သာတံခါးကတော့ မှန်မှန်ကြီး ဖွင့်လိုက်ပိတ်လိုက်ဖြစ်နေ
၏ ။
‘ ဒါ…ဒါ သရဲချောက်နေများတာလား ။’
ဤသို့တွေးရင်း
ကျော်ထက် မိနစ်ဝက်(စက္ကန့်ပိုင်း)မျှ ကြောင်ငေးနေမိသည် ။
ထိုသို့ ကြောင်ကြည့်နေမိသည်ကလည်း တစ်ဖက်က ကြောက်လန့်သွေးပျက်မိသလောက်
တစ်ဖက်ကလည်း တစ်စုံတစ်ဦး၏ နောက် ပြောင်မှုများ ဖြစ်နေလေမလားဟူသော သံသယစိတ်နှင့် ထိုသို့စောင့်ကြည့်နေမိခြင်းဖြစ်သည်
။ သို့သော်…ငေးကြည့်နေခိုက်မှာပဲ တံခါးက အဖွင့်အပိတ် ပို၍စိတ်လာကာ တဝုန်းဝုန်းတဒုန်းဒုန်းဖြစ်လာသည်
။ အနီးအနားတွင်လည်း မသင်္ကာစရာဟူ၍ လူတစ်ဦးတစ် ယောက်ပင် မတွေ့မြင်ရ…။ လက်ထဲမှလက်နှိပ်ဓါတ်မီးကလည်း
အလိုက်ကန်းဆိုးမသိစွာ အလင်းဖြာကျနေသဖြင့် အိမ်သာထဲသို့ တွေ့ မြင်နေရ၏ ။ အိမ်သာထဲတွင်လည်း
မည်သူမျှ မရှိ…။ ချောက်ချားမှုက အထွတ်အထိပ်သို့ ရောက်ရှိသွား၍ နောက်ကသူငယ်ချင်းတွေကို
အားကိုးတကြီးလှည့်ကြည့်လိုက်မိရာ……
“ မြတ်စွာဘုရား…! အမေရေ…ကယ်ပါ ။”
ပါးစပ်က
ဘာအော်လိုက်မိမှန်းပင် သတိမရတော့ ။ သတ္တိခဲကိုယ်တော်ချောတစ်သိုက်က ဘယ်အချိန်ကတည်းက ပြေးထွက်သွားကြသလဲ
မသိ ။ နောက်တွင် တစ်ယောက်မျှ မရှိတော့ပေ ။ ကျော်ထက်လည်း နောက်ကျခြေထောက် သစ္စာဖောက်ဟုနှလုံးသွင်းက
ထိုနေရာမှနေ ဘိုတဲကြီးဆီသို့ တက်သုတ်ရိုက်ပြေးချလာလိုက်ပုံများ အမောဆို့လုမတတ် ၊ အသက်ထွက်လုခမန်း
။ ထိုညက ကြောက်လန့်ချောက်ချား နေသဖြင့် ကောင်းကောင်းပင် အိပ်မရခဲ့ ။ နောက်ဆုံး လူငယ်ပီပီမေ့လျော့နေခဲ့မိသည့်-ဘုရားတရားကို
စိတ်ဒုန်းဒုန်းချ အားကိုးလိုက်မှသာ အနည်းငယ်စိတ်သက်သာရာ ရသွား၍ အိပ်မောကျခဲ့ရတော့သည်
။ ကြုံမှကြုံရပါပေ့…။
{{{{{{{{{{{{{{{{{
“ မကျေနပ်ဘူးကွာ…လုံးဝ မကျေနပ်ဘူး ။ ဒီသရဲစုတ်က
ငါ့ကို ခြောက်စရာလားကွ ။ မကြောက်ဘူး…ဘူး…။”
တစ်နေကုန်မွန်းကျပ်နေခဲ့သမျှ
အရက်ကလေး နည်းနည်းဝင်သွားတော့မှ ကျော်ထက် အာကျယ်နိုင်၏ ။ မနေ့ညက ကောင်းကောင်းအိပ် မပျော်သဖြင့်
နောက်တစ်နေ့ လေ့လာရေးဆင်းရချိန်ကျ ခေါင်းက မကြည်…ညည်းစီစီဖြစ်ရသည့်အထဲ သွေးအေးသွားချိန်ဖြစ်၍
ယမန်နေ့ ညကအဖြစ်အပျက်ကို ပြန်တွေးတောကာ ဒေါသက ထွက်မိသည် ။ ဘယ့်နှယ့်…ယောက်ျားကြီးခြောက်ယောက်လုံးက
ဒီတံခါးလေး ဖွင့် လိုက်ပိတ်လိုက်နှင့် ချောက်လှန့်သည့်သရဲကို ကြောက်လန့်တုန်လှုပ်စရာလား
။ အကယ်၍ ကျန်သူငယ်ချင်းများသာ ထွက်မပြေးဘူးဆို လျှင် ကျော်ထက် ထိုသရဲကို ကောင်းကောင်းကြီးဆုံးမဖြစ်လိမ့်မည်ဟု
ကြီးကြီးကျယ်ကျယ်တွေးနေမိသည် ။
“ အေး…အဲ့ဒါအားလုံး မင်းတို့တတွေ မကောင်းလို့…။
မင်းတို့ ထွက်ပြေးလို့ ငါ အဲဒီသရဲရှေ့မှာ အရှက်ကွဲခဲ့တာ ။”
“ အောင်မာ…မင်းဘာသာ သတ္တိကြောင်ပြီး ငါတို့နောက်
ပြေးလိုက်လာတာကိုများ…အေ့…။ အတူတူနဲ့အနူနူကို လာပြီး တမူးရှူချင်
သေးတယ် ။ မရဘူး မောင်…။”
ကျော်ထက်က
မူးမူးနှင့် မနေ့ကကိစ္စကို အပြစ်တင်တော့ ငွေနိုင်က မဟုတ်မခံပြန်အော်သည် ။ ငွေနိုင်၏စကားကြောင့်
ကျော်ထက် ဒေါသ ထွက်သွား၏ ။ ဒီကောင်တွေ ငါ့ သတ္တိကို အထင်သေးရန်ကောဟူသောအကြည့်နှင့် အားလုံးကို
ခပ်စူးစူးစိုက်ကြည့်ပစ်လိုက်၏ ။ သို့ပေမဲ့ အရက်မူးနေသဖြင့် သူ့အကြည့်တွေက ရီဝေဝေရယ်…
“ ဘာလဲ ။ မင်း ပြောပုံက ငါကပဲ မင်းတို့လို သတ္တိကြောင်ပြီး
ထွက်ပြေးသလိုလို ။ မဟုတ်ဘူးကွ ။ နောက်မှာ မင်းတို့ရှိတယ်ထင်ပြီး
လှည့်အကြည့် တစ်ယောက်မှမတွေ့တော့လို့ ရုတ်တရက်
လန့်သွားတာ ။ သတ္တိကတော့ မင်းတို့နဲ့ လားလားမှနှိုင်းမရ..အု…နှိုင်းမရ
ဘူး ။ သရဲတစ္ဆေ လုံးဝမကြောက်ဘူးဟေ့ ။ အမယ်…လှောင်ရယ်ရယ်မနေနဲ့
။ မင်း မယုံရင် ငါ…အခု အဆောင်ပြန်ပြရမလား …။”
သွေးကြွနေချိန်ဖြစ်၍
ကျော်ထက်၏သန္ဓာန်တွင် ကြောက်စိတ် မြူမှုန်မျှပင် မရှိ ။ ခုနေ သရဲမကိုသာ တွေ့ကြည့် ။
နားရင်းပင် ပိတ်အုပ်ပစ် လိုက်ဦးမည် ။ ကျော်ထက်၏ခပ်ကြွားကြွားခပ်နှိမ်နှိမ်စကားများကြောင့်
ငွေနိုင်၏မျက်လုံးတွေ အရောင်တောက်သွားသည် ။ ရီဝေဝေဖြစ် နေသောအာရုံများထဲသို့ အရက်တစ်ခွက်
ထပ်မံလောင်းထည့်လိုက်ပြီး…
“ အဟ…မနေ့ကတော့ ငါးကြော်ခုန် ခုန်ပြေးပြီးတော့များ
။ မင်း ဒီလောက် သတ္တိရှိကြောင်း ပြချင်နေရင် သွား…အခု အဆောင်ပြန်ပြီး ငါ့
ဖျာပေါ်မှာတင်ထားခဲ့တဲ့ ရေဘူးလေး သွားယူခဲ့…။
မင်း ပြန်ယူရဲရင် ဒီဝိုင်းကို ငါ ရှင်းမယ်ကွာ ။”
“ စိမ်လိုက် ။ ဘာသရဲမှ မကြောက်ဘူး ။ အခုပဲ ပြန်ယူမယ်
။ စောင့်နေ ။”
စကားဆုံးသည်နှင့်
ကျော်ထက် ထိုင်ခုံမှ ဝုန်းခနဲထရပ်လိုက်၏ ။ အရက်အရှိန်ကြောင့် လူက နည်းနည်းယိုင်နေသည်
။ သို့သော်လည်း လုံးဝ မထူနိုင်လောက်အောင် မူးဝေနေတာမျိုး မဟုတ်သဖြင့် အဆောင်ပြန်ရာလမ်းဘက်သို့
ခြေဦးလှည့်လိုက်သည် ။
“ မင်းတို့ကလည်းကွာ ။ မလောင်းကြစမ်းပါနဲ့ ။ ပျော်ပျော်ရွှင်ရွှင်
သောက်ကြစမ်းပါ ။ နက်ဖြန်ပဲ ပြန်ရတော့မှာကို ။”
ကျော်ထက်၏အင်္က
ျီစကို လှမ်းဆွဲရင်း ဆန်းမင်းက တားသေးသည် ။ သို့ပေမဲ့ ကျော်ထက်က ဆန်းမင်း၏စကားကို အလေးမထားဘဲ
ဆတ်ခနဲရုန်းထွက်ကာ လမ်းလေးအတိုင်း ဘိုတဲကြီးဆီသို့ ချီတက်လာခဲ့၏ ။
စိတ်ထဲတွင် ငွေနိုင်၏ခနဲ့တဲ့တဲ့စကားများ ၊
စိုးပိုင်နှင့်ခိုင်တိုးတို့၏ခပ်လှောင်လှောင်ရယ်သံများကို ကြားယောင်နေသောကြောင့် ခန္ဓာ
ကိုယ်ကသွေးတို့ ဆူပွက်သွားလုတော့မတတ် ဒေါသထွက်လာမိသည် ။ တွေ့မည်…။ ရေဘူးသာမက သရဲမကိုပါ
ဂုတ်ကဆွဲခေါ်ပြလိုက်ရ မကောင်းရှိတော့မည်ဟု ဒေါသစိတ်နှင့်တွေးရင်း ခြေလှမ်းနှုန်းကို
မြှင့်ပစ်လိုက်သည် ။ ဆရာတွေက ညမနက်စေရန်မှာထားသောကြောင့် မိုးစုန်းစုန်းမချုပ်ခင် အရက်ဆိုင်သို့
ပြန်ရောက်မှဖြစ်မည် ။
{{{
ထိုနေ့က
စတုတ္ထမြောက်နေ့…။ လေ့လာရေးဆင်းပြီး အဆောင်သို့ပြန်ရောက်သည့်အခါ ဆရာကြီးက နောက်ဆုံးနေ့ဖြစ်၍
ကျောင်းသူ ကျောင်းသားအားလုံးကို ဟိုနားဒီနားကို လွတ်လွတ်လပ်လပ်လျှောက်ကြည့်ကြဟု ခွင့်ပြုလိုက်သည်နှင့်
ကျော်ထက်တို့အုပ်စု အရက်ဆိုင် သို့ ပြေးကြသည် ။ ထိုဒေသတွင် ဆတ်သေအရက် ကောင်းသည်…ဟုနာမည်ကြီးသောကြောင့်
ဆတ်သေအရက်ကို အလုအယက်မှာကြ သလို စီပလက်စ်ရမ်ပေါ်ခါစဖြစ်၍ စီပလက်စ်ရမ်လည်း မှာကြသည် ။
အမြည်းကတော့ ဒေသထွက် ဆတ်သားခြောက် ၊ ချေသားခြောက် ကြော်များ…။ ကျော်ထက်တို့လို အရက်ကြိုက်သူတွေအတွက်
ဇရက်မင်းစည်းစိမ် ခံစားရတော့မည့်အချိန်…။ သို့ပေမဲ့ ကျော်ထက် မပျော် ရွှင်… စိတ်မချမ်းသာ
။
မျက်နှာက သုန်မှုန်နေပြီး အရက်လာချသည်နှင့်
နှစ်ခွက်လောက်ကို ဆင့်သောက်ပစ်လိုက်သည် ။ သို့နောက် မနေ့ညကကိစ္စအပေါ် မကျေနပ်ချက်များကို
ဖွင့်ချလိုက်သဖြင့် ငွေနိုင်က အမြင်ကပ်ကာ ထိုသို့ ဘိုတဲသို့ တစ်ယောက်တည်းပြန်ပြီး အခန်းထဲက
ရေဘူးယူလာ ခဲ့ရန် လောင်းကြေးစားကြေး ထပ်လိုက်ခြင်းဖြစ်၏ ။ ယခုတော့ တစ္ဆေအခြောက်ကြမ်းသည်ဟု
နာမည်ကြီးနေရုံသာမက ကိုယ်တွေ့ကြုံခဲ့ ဖူးသော ဘိုတဲကြီးဆီသို့ ကျော်ထက်တစ်ကိုယ်တည်း
စွန့်စွန့်စားစား ရူးရူးမိုက်မိုက် ထွက်လာခဲ့ပြီ ။
{{{
ကျော်ထက်တို့
အရက်သွားသောက်သည့်ဆိုင်က ရွာထဲတွင်ဖြစ်သည် ။ ကျော်ထက်တို့တည်းခိုနေသောဘိုတဲကြီးက ရွာအပြင်
ခပ်လှမ်း လှမ်းတွင် တည်ရှိနေခြင်းဖြစ်၍ ဘိုတဲသို့ရောက်ရန် ဆယ့်ငါးမိနစ်လောက် လျှောက်ရသည်
။ ညနေစောင်းနေပြီဖြစ်သောကြောင့် နေက တဖြည်းဖြည်းနှင့် တောင်တန်းများနောက်သို့ နိမ့်ဆင်းစပြုနေပြီ
။ ပတ်ဝန်းကျင်တွင် နေရောင်ခြည်သမ်းရုံမျှ မှုန်ပြပြအလင်းရောင်သာ ရှိတော့သဖြင့် ကျော်ထက်
အနည်းငယ်တော့ ရင်ထိတ်သလိုရှိမိပေမဲ့ ကိုယ့်ကိုယ်ကို အားပေးကာ ကျောင်းဝန်းထဲသို့ ကွေ့ဝင်လာလိုက်
သည် ။
“ ဟူး…”
အခါခါကြုံတွေ့နေကျဖြစ်၍
စိတ်ထင်ခြင်းဟုယူဆမရနိုင်သော ၊ ဆင်ဝင်အောက်သို့ရောက်သည်နှင့် ခံစားရသော အေးခနဲအငွေ့အသက်
က ယနေ့ညနေကျမှ ပို၍ချမ်းစိမ့်နေသယောင်…။ ဝန်ခံရလျှင် ကျော်ထက် တုန်လှုပ်သွားမိတာတော့
အမှန်…။ တစ်နေကုန် လေ့လာရေး ဆင်းပြီးနောက် ဘိုတဲသို့ပြန်ရောက်သည့်အခါ ဆရာကြီးက…
“ ကဲ…နက်ဖန်ဆို ငါတို့တွေအားလုံး ပြန်ကြရတော့မှာ
။ မပြန်ခင် ဟိုနားဒီနား လျှောက်လည်ချင်ကြမှာပေါ့ ။ အခု လွတ်လွတ်လပ်လပ်
လျှောက်လည်ကြတော့ ။ ဆရာ ခွင့်ပြုတယ် ။ အဲ…ဒါပေမဲ့
အဖွဲ့လိုက်သွားကြနော် ။ ဟိုချောင်ဒီချောင်တွေထဲလည်း လျှောက်မသွား
ကြနဲ့ဦး ။ ဟိုနားမှာမြင်ခဲ့ရတဲ့ဘုရားကို ဖူးချင်တဲ့လူတွေက
ဆရာတို့အဖွဲ့နဲ့ လိုက်ခဲ့ကြ ။”
ဟူ၍
ခွင့်ပြုချက်ပေးလိုက်သည်နှင့်တပြိုင်နက် အော်ဟစ်ပြေးထွက်သွားကြသော ငအောင်တို့အုပ်စု
၊ သန်းမောင်တို့အုပ်စုတွေကို အရက် ဆိုင်၌ ပြန်ဆုံခဲ့ရသလို မိန်းကလေးလေးငါးယောက်ကိုလည်း
ဈေးနားတွင် တွေ့ခဲ့ရသည် ။ ကျန်သူအားလုံးမှာလည်း ဆရာ ၊ ဆရာမအဖွဲ့ နှင့်အတူ ရွာဘေးတွင်
တည်ရှိသော ဗုဒ္ဓဘာသာဘုန်းတော်ကြီးကျောင်းရှိ စေတီတော်ကို သွားရောက်ဖူးမြော်နေကြမည်သာ
။
ဤသို့ဆိုလျှင် ယခုချိန်၌ ဘိုတဲကြီးတစ်ခုလုံး
လူသူကင်းမဲ့နေမည်မှာ အသေအချာပင် ။ ဟိုလျှောက်တွေးသည်လျှောက်တွေးနှင့် ကျော်ထက် လှေကားရင်းဆီသို့ရောက်လာ၏
။ အလင်းရောက်ပျောက်ကွယ်စပြုနေပြီဖြစ်သောကြောင့် လျှပ်စစ်မီးမရှိသော ဘိုတဲကြီးတစ် ခုလုံး
မှောင်မည်းနေသဖြင့် ကျော်ထက် ဆက်မတက်ရဲတော့ ။
“ မဖြစ်ဘူး ။ ဒီအတိုင်း ပြန်သွားရင် ဟိုအကောင်တွေ
အထင်သေးလိမ့်မယ် ။ ငါ့ကို ဝိုင်းလှောင်ကြမှာ သေချာတယ် ။ မဖြစ်ဘူး ။ အပေါ်
ထပ်ကို တက်မှဖြစ်မယ် ။ ဘာမှကြောက်စရာ မလိုဘူး
။”
ကျော်ထက်
ကိုယ့်ကိုယ်ကို အားပေး၊ ကိုယ့်ဘာသာကိုယ် အားမွေးရင်း လှေကားလက်ရမ်းကိုကိုင်ကာ ဖြည်းဖြည်းချင်း
အသံမမြည်အောင် တက်လာခဲ့သည် ။ တစ်ဆောင်လုံး တိတ်ဆိတ်နေခြင်းကြောင့် ကျော်ထက်၏ခြေနင်းသံသဲ့သဲ့ကပင်
အတော်ကျယ်လောင်နေသလို ခံစား ရကာ စိတ်ချောက်ချားမွန်းကျပ်လာသည် ။ လှေကားက ကြောင်လိမ်လှေကားဖြစ်၍
တစ်ကွေ့ပြီးတစ်ကွေ့ ဖြည်းဖြည်းညင်ညင်တက်လာ ခဲ့ရာ ရောက်ခါနီးနှစ်ကွေ့အလိုလောက်တွင် အပေါ်သို့
မဝံ့မရဲမော့ကြည့်လိုက်တော့…
“ ဟင်…”
မြင်လိုက်ရသည့်အရာက
ကျော်ထက်ကို အားတက်သွားစေသည် ။ စိတ်ထဲ၌ ဝမ်းသာလိုက်သည်ဖြစ်ခြင်း…။ ဘိုတဲကြီးတစ်ခုလုံးတွင်
မိမိ တစ်ယောက်တည်း မဟုတ်ပါလားဟူသောအသိက ကျော်ထက်ကို အားဆေးထိုးပေးလိုက်သလို ချက်ချင်း
အားအင်တွေပြည့်သွားသည် ။ လှေကားကို ဖြည်းဖြည်းချင်း နင်းမနေတော့ဘဲ ခပ်သုတ်သုတ်ပြေးတက်လာလိုက်၏
။ အပေါ်ထပ်သို့ လှမ်းကြည့်လိုက်စဉ် ကျော်ထက် မြင်တွေ့လိုက်ရသည်က ဖယောင်းတိုင်အလင်းရောင်
။ ဆရာခန်းနှင့်ဆရာမခန်း-နှစ်ခန်းလုံးတွင်ထွန်းညှိထားသော ဖယောင်းတိုင်အလင်း ရောင်ကြောင့်
ကျော်ထက် အားတက်သွားခဲ့ရခြင်းဖြစ်၏ ။
ကျော်ထက် ဘေးဘီကို ဝေ့ဝဲမကြည့်ဘဲ အခန်းထဲသို့သာ
တည့်တည့်မတ်မတ်ဝင်လာလိုက်ပြီး ငွေနိုင်၏ဖျာပေါ်တွင် ထောင်လျက် သားတည်ရှိနေသောရေဘူးလေးကို
ဆတ်ခနဲလှမ်းယူလိုက်သည် ။ ရေဘူး လာယူခြင်းအမှုတော့ အထမြောက်သွားပြီ ။ နဖူးမှစီးကျလာ
သော ချွေးစေးများကို လက်ခုံနှင့် ခပ်မြန်မြန်သုတ်နေစဉ် ကျောခိုင်းထားသောတံခါးပေါက်တွင်
တစ်စုံတစ်ယောက်ရပ်ကာ မိမိအား စိုက် ကြည့်နေသလို ခံစားလာရသောကြောင့် ကျော်ထက် စိတ်လှုပ်ရှားသွားသည်
။
- နောက်သို့ ဆတ်ခနဲလှည့်ကြည့်လိုက်ရကောင်းမလား
။
ထိုသို့လှည့်ကြည့်လိုက်မှ
အောင်ဖြိုးကို ချောက်လှန့်ခဲ့သော လက်မည်းကြီးပိုင်ရှင်ဖြစ်နေလျှင် မိမိ၏စိတ်လှုပ်ရှားမှုတို့
အထွတ်အထိပ်သို့ ဆောင့်တက်ကာ မလုပ်သင့်တာတွေကို လုပ်မိသွားနိုင်သည် ။ သို့ကြောင့် လှည့်မကြည့်သေးဘဲ
စိတ်တည်ငြိမ်မှုရလိုရငြား မျက်နှာချင်း ဆိုင်တွင် တွေ့မြင့်နေရသော ပြတင်းပေါက်၏အပြင်ဘက်သို့
ငေးကြည့်လိုက်မိသည် ။ လိမ္မော်နုရောင် ညနေဆည်းဆာတိမ်တိုက်နံဘေးမှ အိပ်တန်းပြန်ငှက်ကလေးများ
ဖြတ်သန်းပျံပြေးသွားကြသည်ကို ငေးကြည့်ရင်း ကျော်ထက် စိတ်တည်ငြိမ်မှုရအောင် ကြိုးစားလိုက်သည်
။ နောက်ပြီး အရေးအကြောင်းကြုံလျှင် အကူအညီတောင်းရန် တစ်ဖက်ခန်းများတွင် ဆရာဆရာမများ
ရှိသေးသည်ကို သတိရသွားကာ ကျော်ထက် အားတက်သွားသည် ။ အနောက်သို့ ရဲရဲဝံ့ဝံ့လှည့်ကြည့်ပစ်လိုက်၏
။
“ ဟင်…ဘယ်သူမှ မရှိပါဘူး ။”
နောက်ဘက်တွင်
မည်သူမျှ မရှိ…။ စောစောက တစ်စုံတစ်ယောက် ရပ်ကြည့်နေသည်ဟု အာရုံထဲတွင် နက်နက်ရှိုင်းရှိုင်းခံစားခဲ့ရသော်
လည်း ယခု မည်သူတစ်ဦးတစ်ယောက်မျှ မရှိ၍ စိတ်၏ချောက်လှန့်မှုပါဟု ကိုယ့်ကိုယ်ကို အဖြေပေးကာ
အခန်းအပြင်သို့ ခပ်သွက်သွက် ပြေးထွက်လာလိုက်သည် ။
“ ဟာ…! ဘယ်…ဘယ်ရောက်သွားကြလဲ ။”
အခန်းပြင်သို့ရောက်မှ
စောစောကဖယောင်းတိုင်မီးရောင်ကို မတွေ့မိသဖြင့် ကျော်ထက် ထိတ်လန့်သွားသည် ။
အာရုံထဲသို့
သံသယအငွေ့အသက်များ တိုးဝင်လာ၏ ။ ဒီအချိန်ကြီး ဆရာဆရာမတွေ အိပ်ကြဦးမှာ မဟုတ်ဟု သုံးသပ်မိသလို
အောက်သို့ ဆင်းသွားပါကလည်း ခြေသံတော့ ကြားရမှာအသေအချာ ။ သို့ကြောင့် ဖယောင်းတိုင်မီး
တပြိုင်တည်း ငြိမ်းသွားရခြင်း၏ အကြောင်းရင်းကို သိချင်မိ၍ ခပ်လှမ်းလှမ်းရှိဆရာဆရာမအခန်းဆီသို့
လှမ်းကြည့်လိုက်မိရာ ကျော်ထက်တစ်ကိုယ်လုံး ကြက်သီးဖြန်းဖြန်း ထသွားရုံသာမက ဆံပင်တွေပင်
ထောင်သွားမိသည် ။ ဆရာ ၊ ဆရာမနှစ်ခန်းလုံးတွင် သော့တန်းလန်းနှင့် ။ ကျော်ထက် အခန်းထဲသို့
ဝင်သွားသော အချိန်ခဏအတွင်း ထိုနှစ်ခန်းထဲမှ ဖယောင်းတိုင်မီးထွန်းသူနှစ်ဦးလုံး မီးမှုတ်ကာ
ပြေးဆင်းသွားစရာအကြောင်းမရှိ ။ နောက်ပြီး ပြေးဆင်းသွားဦးတော့…ခြေသံဖြစ်စေ…သော့ခတ်သံဖြစ်စေ…အသံတစ်ခုခုတော့
သဲ့သဲ့ကြားရမည် မဟုတ်လား ။ ယခုများ တော့ ဖယောင်းတိုင်မီးက ရုတ်ချည်းပျောက်ကွယ်သွားခဲ့သဖြင့်
ကျော်ထက် သွေးပျက်သွားရသည် ။
“ ဘိုတဲပေါ်မှာ ငါတစ်ယောက်တည်းပါလား ။ ငါ့ကိုတော့
တစ္ဆေတွေ အကြီးအကျယ်ချောက်နေကြတာပဲ ။”
ထိုအတွေးစိတ်က
ကျော်ထက်ကို ဆင်ခြင်ဥာဏ် မဲ့သွားစေသည် ။ ကျော်ထက်ခမျာ ထိုနေရာတွင်လည်း မနေရဲတော့…ဆက်လျှောက်ဖို့
ကလည်း လှေကားသို့ရောက်ရန်အတွက် ပျဉ်ပေါက်ကြီးရှိရာအခန်းပျက်ကြီးကို ဖြတ်သွားရဦးမည်
။ ကျော်ထက် ဆက်သွားဖို့ ခွန်အား မရှိ လောက်အောင်ကို တစ်ကိုယ်လုံး တုန်ရီလာပြီး တစ်စုံတစ်ယောက်က
လည်ပင်းညှစ်နေသလိုမျိုး အသက်ရှူ၍မရလောက်အောင်ပင် မွန်း ကျပ်လာသည် ။
အမှန်တော့ တစ္ဆေဆိုသောအရာက မိမိကို အသက်ထွက်အောင်
လည်ပင်းညှစ်ခြင်း၊ ဓါးနှင့်ထိုးခြင်းများ ပြုလုပ်နိုင်လိမ့်မည် မထင်ပါ ။ သူတို့ တတ်နိုင်သည်က
မိမိ ချောက်ချားတုန်လှုပ်သွားအောင် ကြောက်မက်ဖွယ်အဆင်း/အသံ/အပြုအမူများနှင့် ချောက်လှန့်ရုံ
ချောက် လှန့်နိုင်မည်သာ ။ ထိုချောက်လှန့်မှုအပေါ်တွင် လူတွေက အလွန်အကျူးကြောက်လန့်ကြပြီး
အသိစိတ်ကင်းလွတ်ကာ မပြုသင့်တာတွေ ကို ပြုမိကြ၍ မဖြစ်သင့်တာတွေ ဖြစ်ကုန်ကြခြင်းသာဖြစ်သည်
။ ယခုလည်း ကျော်ထက်၏စိတ်ထဲ တစ်စုံတစ်ယောက်က သူ့ကို လည်ပင်း ညှစ်နေသဖြင့် အသက်ရှုကျပ်လာရခြင်းဖြစ်သည်ဟုတွေးကာ
သတိလစ်မလိုဖြစ်နေရာမှ အသိစိတ်ပြန်ဝင်သွား၏ ။
“ သရဲက ငါ့ကို ဘာမှမလုပ်နိုင်ဘူး ။ ငါ့ဘာသာငါ ကြောက်လန့်ပြီး
အသက်ရှူကျပ်နေတာ ။”
ထိုအတွေးကြောင့်
လှေကားထိပ်ဆီသို့ ခပ်သွက်သွက်ပြေးသွားလိုက်သည် ။ လှေကားထိပ်သို့ရောက်တော့ ဆိုခဲ့သည့်အတိုင်း
လှေကား အနီးတွင် အခန်းပျက်ကြီးရှိနေတာကြောင့် ကျော်ထက် အခန်းပျက်ကြီးထဲသို့ လှည့်ကြည့်ချင်သလိုဖြစ်လာပြန်သည်
။
‘ အခန်းပျက်ကြီးထဲမှာ ငအောင့်ကိုချောက်တဲ့ လက်မည်းကြီးပိုင်ရှင်
ရှိနေမှာပဲ ။ နောက်ပြီး လမ်းလျှောက်ထွက်တဲ့ ရုပ်ဆိုးဆိုးအဒေါ်
ကြီး…အမလေး … ကြောက်စရာကောင်းလိုက်တာ ။ တွေးတာနဲ့တင်
ဒီလောက်ကြောက်စရာကောင်းနေတဲ့အခန်းထဲကို ငါ ဘာလို့
လှည့်ကြည့်မှာလဲ ။ ငါ လှည့်မကြည့်ဘူး ။’
စိတ်ကပဲ
ချောက်ချားနေတာလား ။ သို့မဟုတ် မိမိ၏စိတ်ကို မမြင်ရသူတစ်ယောက်ယောက်ကပဲ လွှမ်းမိုးချုပ်ကိုင်နေသလား
မပြောတတ်။ အခန်းထဲသို့ အလွန်အမင်းလှည့်ကြည့်ချင်နေမိ၏ ။ လှည့်ကြည့်မိလျှင် ဘယ်လိုဆိုးဆိုးရွားရွားပုံသဏ္ဍာန်တွေက
ဆီးကြိုနေမလဲဆိုတာကို ကျော်ထက် မတွေးရဲ ။ နားထဲတွင်လည်း အခန်းပျက်ကြီးထဲက ခေါ်သံလိုလို
ညည်းသံလိုလိုမျိုးတွေကို ကြားနေရသဖြင့် ကျော်ထက် ဆောက်တည်ရာမရ ဖြစ်လာပြန်သည် ။
“ မထူးတော့ဘူး ။ ငါ လှေကားပေါ်နေ ခုန်ချလိုက်တော့မယ်
။”
ထိုအခန်းရှေ့
လှေကားထိပ်တွင်ရပ်ရင်း ကျော်ထက် ထိုမျှလောက်အထိ တွေးပစ်လိုက်မိသည် ။ အကယ်၍ ထိုအတွေးအတိုင်း
ကျော် ထက်သာ ခုန်ချလိုက်လျှင် အလွန်မြင့်မားသော ဘိုတဲကြီး၏အပေါ်ထပ်မှ ခုန်ချခြင်းဖြစ်တာကြောင့်
အရိုးတခြားအသားတခြား ဖြစ်သွား မည်မှာ အသေအချာ ။
လှေကားထိပ်တွင်ရပ်ရင်း ခုန်ချမလိုလုပ်ပြီးကာမှ
ကျော်ထက် သတိဝင်လာ၏ ။ တဆတ်ဆတ်တုန်ရီနေသောမိမိကိုယ်မိမိ သတိပြု မိကာ စိတ်ကို တည်ငြိမ်အောင်
အတတ်နိုင်ဆုံးထိန်းချုပ်လိုက်ပြီး နေရာတွင် တည်တည်ငြိမ်ငြိမ်ရပ်လိုက်ကာ သယ်လာသောရေဘူးလေး
ကို ဘောင်းဘီရှော့ပန်အိတ်ထဲသို့ ထိုးထည့်လိုက်သည် ။ ထိုရေဘူး မပါ၍မဖြစ်…။ ထိုရေဘူးပါမှသာ
မိမိ ဤဘိုတဲကြီးဆီသို့ တစ်ယောက် တည်း ခက်ခက်ခဲခဲရောက်ခဲ့ရသည့်အဖြစ်ကို သူငယ်ချင်းတွေ
ယုံကြည်ကြလိမ့်မည် ။ ထို့နောက် ဘာကိုမျှ တွေးတောမနေတော့ဘဲ လှေ ကားမှနေ တရကြမ်းပြေးဆင်းသွားလိုက်သည်
။ ဘာကိုမှလည်း မမြင်တော့…။ အသိစိတ်ထဲတွင် ထိုဘိုတဲမှ ဝေးရာနေရာဆီသို့ ပြေးသွား ဖို့ကိုသာ
တွေးထားလိုက်သည် ။
{{{
“ ဒုန်း…!”
“ အမလေး…”
နာနာကျင်ကျင်ရေရွတ်ရင်း
ကျော်ထက် ပစ်လဲကျသွားသည် ။ မျက်လုံးတွေ ပြာဝေသွားပြီး ရင်ဘတ်လည်း နာသွားသည် ။ လဲကျနေရာမှ
လူးလဲထရင်း နံဘေးဝန်းကျင်သို့ကြည့်လိုက်မိတော့ ကျော်ထက် ကွင်းပြင်ထဲသို့ ရောက်နေပြီ
။ နောက်ကျောဆီသို့ လှည့်ကြည့်မိမှ ဘိုတဲ ကြီးက အတော်ဝေးဝေးမှာ ကျန်ရစ်ခဲ့ပြီကို တွေ့မြင်လိုက်ရသဖြင့်
ကျော်ထက် စိတ်နှလုံးဒုန်းဒုန်းချနိုင်ကာ မိမိ ဝင်တိုက်မိသည့်အရာကို လှည့်ကြည့်လိုက်တော့
ကွင်းထဲတွင် မြက်စားရန်လွှတ်ထားသော နွားဖြူကြီးတစ်ကောင်ဖြစ်နေ၏ ။
သူငယ်ချင်းတွေကိုသာ ဒီအကြောင်းပြောပြလျှင် မင်းက
နွားကိုတောင် ဝင်တိုက်တဲ့အကောင်ဟူ၍ ဝိုင်းသရော်ကြဦးမည် ။ နွားနှင့် ဝင်တိုက်မိကာ အရှိန်လွန်ပြီး
ဗွက်အိုင်ထဲသို့ လဲကျသွားခဲ့ခြင်းဖြစ်၍ တစ်ကိုယ်လုံးလည်း ပေရေနံစော်ကုန်ပြီဖြစ်ပေမဲ့
ဘိုတဲသို့ပြန်ကာ ရေ မချိုးရဲတာကြောင့် အရက်ဆိုင်ကိုသာ သုတ်ခြေတင်ခဲ့သည် ။ ဘာပဲပြောပြော
မိမိကို အနိုင်ယူလိုသူ-ငွေနိုင်တစ်ယောက် ငွေမနိုင်ဘဲ ငွေ နည်းတော့မည့်အရေးကို စဉ်းစားမိ၍
စောစောက အချောက်အလှန့်ခံခဲ့ရသမျှ တန်ပါတယ်လေဟုတွေးကာ ကျော်ထက် စိတ်သက်သာရာ ရသွား၏ ။
{{{{{{{{{{{{{{{{{
“ အဲ့ဒါပဲ ဘော်ဒါတို့ရေ ။”
ထိုသို့အနားလုံးကာ
ကျော်ထက်က ဇာတ်ကြောင်းပြောမှုကို အဆုံးသတ်လိုက်၏ ။ ကျော်ထက်၏ဇာတ်လမ်း ပြီးဆုံးသွားချိန်အထိ
ခိုင်တိုး၊ ဂျွန်ဒို၊ ငွေနိုင်၊ စိုးပိုင်နှင့် ဆန်းမင်းတို့(၅)ယောက်လုံး အံ့သြလို့
မဆုံးနိုင်သေး ။ ကျော်ထက်၏ တစ္ဆေအချောက်ခံခဲ့ရသောစွန့်စားခန်းကြီး က အမေရိကန်က ရိုက်ကူးထားသည့်
ပုလဲဆိပ်ကမ်းဇာတ်ကားအလား သူတို့ကို ဖမ်းစားနိုင်ပုံရ၏ ။ ကျော်ထက်က ယခုချိန်ထိ ကြောက်
စိတ် အတော်အတန်ကျန်သေးသည်မို့ အရက်ကိုသာ ဆင့်ကာဆင့်ကာ သောက်နေသည် ။ ဆန်းမင်းကိုတော့
မူးလျှင် ပြဿနာရှာမည် စိုး၍ အရက်သိပ်မတိုက်တာကြောင့် အရက်တစ်ခွက်ပြီးတစ်ခွက် ဆင့်ကာသောက်နေသူ-ကျော်ထက်ကို
ဆန်းမင်းက အားကျသလိုမျိုး ငေးကြည့်ရင်း…
“ တော်သေးတာပေါ့ကွာ ။ မင်းသာ ခုန်ချလိုက်ရင် ခုလောက်ဆို
မင်းလည်း သူတို့တွေနဲ့ ဘဝတူနေလောက်ပြီ ။”
“ အာ…! နိမိတ်မရှိ နမာမရှိ ဖွဟဲ့ … သေစရာလားကွ
။ ငါက မင်းတို့လို သတ္တိငမွဲ မဟုတ်ဘူး ။”
“ အမလေး…! ဟုတ်ပါတယ် ကိုသတ္တိရယ် ။”
ဆန်းမင်းနှင့်ကျော်ထက်တို့
စကားနိုင်လုနေကြစဉ် တစ်ချိန်လုံးနားစွင့်နေပုံရသော နံဘေးဝိုင်းမှ ရွာခံဦးလေးကြီးတစ်ယောက်က
ကျော် ထက်တို့ဝိုင်းဆီသို့ လျှောက်လာပြီး…
“ ငါ့တူတို့ ပြောနေတာ ဘိုတဲကြီးကတစ္ဆေတွေအကြောင်း
မဟုတ်လား ။”
ဟု
မေး၏ ။
“ ခင်ဗျာ…! သြော်…ဟုတ်…ဟုတ်ကဲ့ ။”
“ အမှန်တော့ သူတို့တွေက သနားစရာပါကွယ် ။ သေဆုံးသွားတာတောင်
လွတ်လပ်ခွင့် မရကြသေးတဲ့သူတွေပေါ့ ။”
“ ဟုတ်လား ။ ဦးလေးက ဒီရွာကလား ။ ကျွန်တော်တို့တွေက
ရန်ကုန်ကနေ လေ့လာရေးဆင်းလာတဲ့ ကျောင်းသားတွေပါ ။ ဘိုတဲကြီး
မှာ တည်းကြပါတယ် ။ အခုလည်း ဘိုတဲကြီးကို တစ်ယောက်တည်းပြန်ရင်း
သရဲအချောက်ခံခဲ့ရလို့ သူငယ်ချင်းတွေကို ပြန်ပြောပြနေ
တာပါ ။ ဘိုတဲကြီးက ဘာဖြစ်လို့ သရဲခြောက်ရတာလဲ
။ ဦးလေး သိသလောက် ပြောပြပါလား ။”
“ ဦးလေးနာမည်က ဦးဥာဏ်မိုးပါ ။ မြစ်ကြီးနားကဆေးရုံမှာတာဝန်ကျရာက
ဒီရွာကရွာသူနဲ့ အိမ်ထောင်ကျပြီး ဒီရွာသားဖြစ်လာတယ်
ဆိုပါတော့ကွာ ။ ဦးလေး သိသလောက်ပြောပြရရင် အရင်တုန်းက
အဲဒီဘိုတဲကြီးမှာ ကျောင်းမဖွင့်သေးဘူး ။ ဒီလိုပဲ အဆောက်အအုံ
ဟောင်းတစ်ခုအနေနဲ့ ပစ်ထားတာပေါ့ ။ အဲဒီအချိန်တုန်းက
ခေတ်ကာလကလည်း အခုထက်ပိုပြီး အခြေအနေဆိုးတယ် ။ သောင်း
ကျန်းသူတွေက ခဏနေ ရွာထဲကို တစ်ဖွဲ့ဝင်လာပြီး
ဆက်ကြေးကောက်လိုက် ၊ နောက်တစ်ဖွဲ့က လာပြီး ရွာကို ခြိမ်းခြောက်လိုက်နဲ့
အားလုံးက ကျီးလန့်စာစားဖြစ်နေကြရတဲ့အချိန်ပေါ့
။
- ဒီအဖြစ်အပျက်တွေ
ဖြစ်နေတုန်းက ဒီရွာမှာ ဦးလေး မရှိသေးပါဘူး ။ ဦးလေးရဲ့ယောက္ခမ ပြောပြလို့ သိရတာ ။ တစ်နေ့…ညဘက်
ကြီး ရွာထဲကို သောင်းကျန်းသူတွေတစ်ဖွဲ့ကြီး ဝင်လာပြီး
ဆက်ကြေးတော်တော်များများ လာတောင်းတယ် ။ မပေးနိုင်တော့ ရွာကို
မီးရှို့တယ် ။ အော်ကြဟစ်ကြပြေးကြလွှားကြနဲ့ ကမ္ဘာပျက်နေသလားပဲတဲ့
။ ပြေးလွှားနေတဲ့လူတွေကိုလည်း ဓါးနဲ့ လိုက်ခုတ်သေး
တယ်တဲ့ကွယ် ။ တော်တော်လူစိတ်မရှိကြတဲ့ဟာတွေပေါ့
။ နောက်တော့ ပစ်ဟယ်ခတ်ဟယ်ဖြစ်ကြတယ်ဆိုလားပဲ ။ ဘာတွေနဲ့
ဘယ်လို ပစ်ကြခတ်ကြလဲတော့ မသိပါဘူး ။ မိုးလင်းတော့
လူတွေအများကြီး သေကြတယ် ။ သေတာမှ ရုပ်ပျက်ဆင်းပျက်သေတဲ့
လူတွေ ၊ မီးကျွမ်းပြီး သေတဲ့လူတွေ ၊ လက်ပြတ်ခြေပြတ်နဲ့
သေတဲ့လူတွေ…အို…အစုံပါပဲ ။ အဲ…တချို့တွေကတော့ မသေမရှင်တွေ
ဖြစ်မှာပေါ့ ။ အဲ့ဒါတွေအားလုံးကို ဘိုတဲကြီးရဲ့ဟောခန်းတစ်ခန်းထဲမှာ
စုပုံထားလိုက်ကြတယ် ။ နည်းနည်းအေးချမ်းတော့မှ မီးရှို့
သဂြိုလ်မယ်ဆိုတဲ့ ရည်ရွယ်ချက်နဲ့လားတော့ မပြောတတ်ပါဘူး
။ ဒီတော့ အဲဒီထဲရောက်မှ သေဆုံးသွားတဲ့လူတွေက သေခါနီးမှာ
အဲဒီအခန်းတွေကို စွဲလန်းပြီး မကျွတ်လွတ်တဲ့ပရလောကသားတွေ
ဖြစ်နေကြတယ် ထင်ပါရဲ့ကွယ် ။”
“ သြော်…သနားစရာကောင်းလိုက်တာ ။ စစ်က တော်တော်ကြောက်စရာကောင်းတာပဲနော်
။ အပြစ်မဲ့သူတွေ သေကျေကုန်ရတာ စစ်
ကြောင့်ပေါ့ ။ သေသွားတဲ့လူတွေအတွက် ဆွမ်းကပ်ပြီး
အမျှမဝေကြဘူးလား ။”
“ ဒီလောက် မအေးမချမ်းဖြစ်နေတဲ့အချိန်မှာ ဘယ်သူက
လုပ်ပေးနိုင်မှာလဲကွယ် ။ ဒါ့ကြောင့်လည်း သူတို့တွေ မကျွတ်လွတ်ကြသေး
တာ နေမှာ ။ ကဲ…ဦးလေး ပြန်ဦးမှ ။ မင်းတို့လည်း
အရွယ်ရောက်နေကြပြီပဲ ။ ဘုရားတရားကို ဖိဖိစီးစီးမလုပ်ဖြစ်ရင်တောင် ပေါ့ပေါ့
လျော့လျော့ မနေကြနဲ့ ။”
“ ဟုတ်ကဲ့ပါ ဦးလေး ။”
ဦးဥာဏ်မိုးဆိုသောဦးလေးကြီးက
ကျော်ထက်တို့အဖွဲ့ကို နှုတ်ဆက်ပြီး ခပ်မှန်မှန်ထွက်ခွာသွားသည် ။ ကြည့်ရတာ ရာသီဥတု ချမ်းအေး
သောကြောင့် အရက်ကို ဆေးဖြစ်ဝါးဖြစ်လောက်သာ လာသောက်ပုံရသည် ။ ယိုင်ထိုးမူးဝေနေခြင်းမျိုး
မရှိ ။
ဦးဥာဏ်မိုးပြောပြမှ ဘိုတဲကြီး၏ရာဇဝင်ကို သိရှိလိုက်ရ၍
ကျော်ထက်၏စိတ်ထဲ စိတ်မကောင်းဖြစ်သွားမိ၏ ။ သူပုန်တွေကို ကြောက်ရွံ့ ခဲ့ရသောကြောင့်
တစ္ဆေဘဝတွင်ပင် ဖယောင်းတိုင်လေးထွန်းကာ မိမိ၏ကြောက်လန့်စိတ်ကို ဖြေဖျောက်နေလေသလား ။
စစ်ဘေးကို ကြောက်၍ အိမ်သာထဲတွင် ပုန်းနေရင်း သေဆုံးခဲ့ရသဖြင့် အိမ်သာတံခါးကို ဖွင့်လိုက်ပိတ်လိုက်လုပ်နေရောလား
။ စစ်၏ဆိုးကျိုးကြောင့် ဘဝဆုံးသွားရရှာသူတို့၏ရင်ထဲကစကားသံများကို ကျော်ထက်တို့ကျောင်းသားတွေက
အဓိပ္ပါယ်အကောက်လွဲကာ ကြောက်လန့်နေမိကြ ခြင်းဖြစ်မည် ။
ကျော်ထက် ဆုံးဖြတ်လိုက်သည် ။ အဆောင်သို့ရောက်လျှင်
ဆရာကြီးကို ဤအဖြစ်အပျက်များအား ပြောပြကာ မနက်ဖြန် မပြန်ခင် ဘုန်းကြီးကျောင်းတွင် ဆွမ်းကပ်ပြီး
ဤဘိုတဲကြီးရှိပရလောကသားများအား အမျှပေးဝေမည် ။ အတွေးနှင့်ပင် ကျော်ထက်၏ရင်ထဲ ကြည် နူးပီတိ
ဖြာဝေသွားမိ၏ ။ စိတ်ချောက်ချားစရာ ၊ စိတ်လှုပ်ရှားစရာ၊စိတ်ကြည်နူးစရာ…ခံစားမှုရသအစုံကို
တွေ့ကြုံခဲ့ရပါသော ဤလေ့လာ ရေးခရီးစဉ်လေးကို ကျော်ထက်၏ဘဝတစ်သက်တာတွင် ထာဝရအမှတ်ရနေတော့မည်သာ
ဖြစ်ပါတော့၏ ။
စေတနာရှေ့ထားလျက်…
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
