ဂမုန်းကျိန်စာ
( ၂၀၁၄ ဧပြီလထုတ် ဂမ္ဘီရမဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ် ဖြစ်သည် )
ဂါဦးနွန်းကို .... ရေးသည် ။
--------------------------------------------------------------------
ဟုတ်ကဲ့…ကျွန်တော့်နာမည် သိန်းအောင်ပါ ။ မောင်ဘုန်းနဲ့ကျွန်တော်က
သူငယ်ချင်းတွေပါ ။ အကြီးမြတို့အိမ်ကို မောင်ဘုန်းရောက် တာ သုံးလေးနှစ်ရှိပြီထင်တယ်
။ ရောက်လို့မှမကြာ ကျွန်တော်နဲ့သူက ဘဝချင်းကလည်း တူ ၊ ခြံချင်းကလည်း ကပ်လျက်ဆိုတော့
တစ် ယောက်နဲ့တစ်ယောက် မြင်ဖန်များပြီး ခင်သွားကြတာပါ ။ သူက လူရိုးလူကောင်းပါ ။ သဘောလည်း
ကောင်းပါတယ် ။ အကြီးမြဆီက မုန့်ဖိုးရတိုင်း လက်ဖက်ရည်ဆိုင်ခေါ်သွားပြီး ကျွန်တော့်ကို
လက်ဖက်ရည်တိုက် ၊ မုန့်ကျွေးပါတယ် ။ သူက ဘာပဲလုပ်လုပ် တောသားပီပီ ဖင်ပေါ့တော့ အကြီးမြက
သဘောကျပြီး သူ့ကို မကြာမကြာ မုန့်ဖိုးပေးပါတယ် ။ သူကတော့ မုန့်ဖိုးရတာနဲ့ စုမယ်ဆောင်းမယ်တွေးပုံ
မရပါ ဘူး ။ အားတာနဲ့ ကျွန်တော့်ကိုလှမ်းခေါ်ပြီး လက်ဖက်ရည်ဆိုင် ပြေးတော့တာပဲ ။ ဟုတ်တယ်…သူက
လက်ဖက်ရည် ကြိုက်တယ် ။ ဒါ ပေမဲ့ ကျွန်တော့်အထင်ပြောရရင် သူက လက်ဖက်ရည်ထက် လက်ဖက်ရည်ဆိုင်က
ဈေးကြီးကြီးနဲ့ဝယ်စားရတဲ့ ကိတ်မုန့်ပေါင်မုန့်တွေကို ပိုကြိုက်ပုံ ရတယ် ။ မုန့်ဖိုးများများစားစားရတဲ့နေ့ဆို
ကျွန်တော်တို့စားရခဲတဲ့ ဘာတာကိတ်(better cake)ဆိုလား…အဲ့ဒါကို ဝယ်စားတတ် ပါတယ် ။ ခင်ဗျာ ! သြော်…ဆရာက သူ့မှာ ရည်းစားသနာ ရှိမရှိ
သိချင်လို့လား ။ အာ…မရှိပေါင် ဆရာရယ် ။ သူက ရိုးရုံမကဘူး… အ,လည်းအ,တယ် ။ ချစ်တာတွေဘာတွေ
သိပ်နားလည်ပုံ မရဘူး ။ ကျွန်တော့်မှာတောင် ကြိတ်ကြိုက်နေရတဲ့ကောင်မလေးတစ်ယောက် ရှိသေးတယ်
။ ရပ်ကွက်ထိပ် ကွမ်းယာဆိုင်က ဖြူပြာဆိုတဲ့တစ်ယောက်လေ ။ ဟုတ်… ဟုတ်ကဲ့…အမှုနဲ့မဆိုင်တာတွေ
မပြောတော့ပါဘူး ဆရာ ။ မောင်ဘုန်းက ဘယ်အရာကိုမှ စွဲစွဲလန်းလန်းထားတတ်ပုံ မရဘူး ။ အဲ…
သူ စွဲစွဲလန်းလန်းဖြစ်နေတာ တစ်ခုတော့ ရှိတယ် ။ အဲ့ဒါက နည်းနည်းတော့ အူကြောင်ကြောင်ဆန်မလားပဲ
။ အမှုနဲ့ ဆိုင်မဆိုင်တော့ ကျွန်တော်လည်း မပြောတတ်ပါဘူး ။ ဒါပေမဲ့ ကျွန် တော် သိသလောက်
အကုန်ပြောပြရရင် မောင်ဘုန်းက အလှသစ်ပင်တွေကို မုန်းတယ် ဆရာ ။ သူက ဆင်းရဲတဲ့ဘဝမှာ ကြီးပြင်းလာခဲ့ရ
တဲ့သူဆိုတော့ သူဌေးတွေရဲ့ ဇိမ်ခံပစ္စည်းတွေ ၊ အလုပ်မရှိအလုပ်ရှာကိစ္စတွေကို စိတ္တဇလိုကို
မုန်းတီးနေတာ ။ ဒီအထဲမှာ အလှပန်းပင် တွေလည်း ပါတယ် ။ သူ့က စားမရသောက်မရတဲ့အပင်တွေကို
မျက်စိပသာဒဖြစ်ဖို့အတွက် အပင်ပန်းခံပြီး စိုက်ပျိုးစရာ မလိုဘူးလို့ တွေး ထားပုံရတယ်
။ ကျွန်တော်နဲ့ဆုံတိုင်း သူ ပြောတတ်တာက ‘ ကြီးမြတို့များ
သိပ်ခက် ။ အလုပ်မရှိ အလုပ်ရှာပြီး ဒီဂမုန်းတွေကိုပဲ တစ်နေ့ တစ်နေ့ ဂရုစိုက်နေတယ် ။
ငါတော့ အကုန်ခုတ်သတ်ပစ်ချင်တော့တာပဲ…’တဲ့ ။ သူ ပြောတာ ဂမုန်းပင်တွေကိုနော် ဆရာ
။ အကြီးမြကို တော့ ကျေးဇူးရှင်တစ်ယောက်မို့ အမေလိုအဘွားလို သိပ်ချစ်ရှာပါတယ် ။ နောက်ပြီး
သူနဲ့ကလည်း ဆွေမကင်းမျိုးမကင်းရယ်ပါ ။ အယ်… ကျွန်တော့်စကားတွေက ဟိုရောက်လိုက်ဒီရောက်လိုက်နဲ့
…တောင်းပန်ပါတယ် ဆရာ ။ ဗျာ ! အာ…ဒါတော့
မဖြစ်နိုင်ဘူး ဆရာ ။ သူ့ကို လုပ်ကြံချင်တဲ့လူရှိလိမ့်မယ်လို့ ကျွန်တော်တော့ မထင်ဘူး
။ သူက စကားတောင် ဟဟပြောတဲ့ကောင် မဟုတ်ဘူးခင်ဗျာ့ ။ ရန်လည်း တစ် ခါမှ မဖြစ်ဖူးဘူး ။
ဒီတော့ သူ့ကို မုန်းတဲ့လူကြည့်မရတဲ့လူ ရှိမယ်မထင်တာ အမှန်ပါ ။ ဟာ…ဟုတ်ပြီ ။ ကျွန်တော်
တစ်ခုသတိရလိုက်ပြီ ။ လွန်ခဲ့တဲ့နှစ်ရက်သုံးရက်က သူ ကျွန်တော့်ကို စကားတစ်ခွန်းပြောဖူးရဲ့
။ ဘာတဲ့… ‘ ငါတော့ ဂမုန်းကျိန်စာသင့်နေပြီလား
မပြောတတ်ဘူး ။ ခုရက်ပိုင်း အိပ်မက်တွေ မကောင်းဘူး…’တဲ့ ။ သူ့စကားက ဘာအဓိပ္ပါယ်လဲဆိုတာ
ကျွန်တော် မသိပေမဲ့ သူ့ပုံစံက တော်တော်ထိတ်လန့် နေပုံပဲ ။ သြော်…နောက်ပြီး သူ နောက်ဆုံးပြောသွားတဲ့စကားကလည်း
ဂမုန်းကျိန်စာ…တဲ့
။ ဘာကိုဆိုလိုမှန်း ကျွန်တော်တော့ နားမလည် နိုင်ပါဘူးဗျာ ။ ဟုတ်ကဲ့… ကျွန်တော်သိတာ
ဒါအကုန်ပါပဲ ဆရာ ။
{{{{{{{{{{{{{{{{{{{{{{{{{{{{{{{{{{{{{{{{{{{{{{{{
ဇာတ်လမ်းအစ
ပန်းပင်တွေကို ရေလောင်းရင်း ရေပိုက်တွင်းမှ တဖွားဖွားဖြာထွက်ကျဆင်းသွားသောရေစက်ရေပေါက်များကို
ငေးကြည့်လျက် မောင် ဘုန်း လူတွေ၏အကြောင်း စဉ်းစားခန်း ဝင်နေမိသည် ။
‘သြော်…လူတွေ လူတွေ…ကောင်းတာလည်း သူတို့ပဲ ။ ဆိုးတာလည်း
သူတို့ပဲ ။ ကမ္ဘာကြီးကို ထိန်းသိမ်းတာလည်း သူတို့ပဲ ။ ကမ္ဘာကြီး
ကို ဖျက်ဆီးတာလည်း သူတို့ပါပဲလား ။ တစ်လုပ်စားဖူး
သူ့ကျေးဇူး အထူးသိတတ်တဲ့လူတွေ ရှိသလို ၊ ဘယ်သူသေသေ ငတေမာပြီး
ရောအတွေးနဲ့ ကျေးဇူးကန်းတဲ့လူတွေလည်း အများသား
။ တခြားမကြည့်နဲ့…ငါ့သူငယ်ချင်းအောင်တိုးကိုပဲကြည့်…။ မိဘတွေက ဖူးဖူး
မှုတ် အလိုလိုက်ထားတာကို ကျေးဇူးမတင်တဲ့အပြင် သူ
သုံးလို့ဖြုန်းလို့ စီးပွားပျက်သွားတာတောင် အားနာရကောင်းမှန်း မသိဘဲ ဆဲ
ဆိုကြိမ်းမောင်းနေလိုက်တာများ ငရဲပြည်မှာ မြေယာအပိုင်ဝယ်ဖို့
အကြံအစည်ရှိသလား အောက်မေ့ရတယ် ။ အင်း…လူတွေ …လူ
တွေ…။ လူအမျိုးမျိုး စိတ်အထွေထွေပေါ့လေ ။ ဝေးဝေးမကြည့်ရဘူး
။ ငါ့ရွာကလူတွေ…သူတို့တွေများကျ စီးပွားဖြစ်ခရမ်းချဉ်သီး ဘူး
သီးစိုက်ဖို့ ပိုက်ဆံမရှိလို့ ထမင်းငတ်နေတဲ့အချိန်
ငါ့ကြီးကြီးမြကတော့ ပိုက်ဆံသုံးလေးသိန်းအကုန်ခံပြီး ဒီသုံးစားမရတဲ့ ဂမုန်းပေါင်းစုံ
ကို တစ်ခြံလုံးအပြည့်စိုက်ထားရုံမကသေးဘူး ။ ငါကလည်း
ရေလောင်းပေါင်းသင်ပေးရသေးတယ် ။ ဆန်းလည်းဆန်းကြပါပေ့…’
စသဖြင့်
လူတွေနှင့်ပတ်သက်၍ ဟိုဟိုသည်သည်လျှောက်တွေးနေလေသည် ။ ပန်းပင်များကြားသို့ ရေများ အဆက်မပြတ်ကျဆင်းလျက်
ရှိသလို မောင်ဘုန်း၏အတွေးစတွေကလည်း အမျှင်မပြတ်နိုင်…။ အမှန်တော့ မောင်ဘုန်းသည် အတွေးသန်သူတစ်ယောက်ဖြစ်၏
။ ခန္ဓာ ကိုယ်က အလုပ်တစ်ခုခုကို လုပ်ဆောင်နေရလျှင် စိတ်ကလည်း တစ်ခုခုကို တွေးတောနေတတ်သည်
။ သို့သော်လည်း မောင်ဘုန်း၏ အတွေးအများစုက တိုးတက်ရေး အောင်မြင်ရေး ကြီးပွားချမ်းသာရေး
ဘာသာသာသနာရေးအတွေးမျိုးတွေ မဟုတ် ။ သူ တွေးလိုက်လျှင် လူတွေ၏အကြောင်း…။ အထူးသဖြင့်
ချမ်းသာသူတို့နှင့်ဆင်းရဲသူတို့၏ အခြေအနေကွာခြားပုံတွေ ၊ ကောင်းသူနှင့်ဆိုးသူတို့၏
စိတ်နေသ ဘောထား ကွဲပြားပုံတွေ ။ တစ်ခါတစ်ရံဆို အတွေးကြောထဲ လွင့်မြောပါသွားကာ အပြင်လောက၌
ဒေါသထွက် စိတ်တိုနေတတ်သည် ။ စိတ်သဘောထားဖြူစင်ရိုးသားပြီး ကိုယ်ကျင့်တရားကောင်းသောမောင်ဘုန်းတွင်
အပြစ်ပြောစရာဆို၍ ထိုအချက်လေးတစ်ချက်ကိုသာ ယိုးမယ်ဖွဲ့ရမည်ထင်၏ ။ ထိုထက်ပို၍ သူ့အကြောင်းကို
နီးနီးစပ်စပ်ရေးဖွဲ့ရသော် မောင်ဘုန်းက တောသားပီပီ စိတ်နေစိတ်ထား ကြမ်း ကြမ်းတမ်းတမ်းတော့
ရှိသည် ။ ရုပ်ရည်ကလည်း ပုပုဝဝ ဂင်တိုတိုနှင့် ကြည့်ပျော်ရှုပျော်ဆိုတာမျိုးထက် ရုပ်ဆိုးသည်ဟုပင်
ဆိုရပေလိမ့် မည် ။ အသက်ကတော့ ဆယ့်ခြောက်နှစ်ကျော်ကျော်သာ ရှိသေး၏ ။
“ မောင်ဘုန်းရေ…ဒီဘက်ခြမ်းကို သေချာလောင်းပါဦး
။ ဒီကဂမုန်းပင်တွေ နည်းနည်းညှိုးနေပြီ ။ ဂမုန်းက ရေကြိုက်တယ်ကွယ့် ။ ပိန်းနဲ့
ဂမုန်းကို ရေများများလောင်းပြီး ဂရုစိုက်ပေးပါ
ငါ့တူရယ် ။ ကစ်စမီနဲ့စံပန်ကိုကျ ရေအရမ်းလောင်းမနေနဲ့ ။”
“ ဟုတ်ကဲ့…စိတ်ချပါ ကြီးကြီးမြ ။”
ခြံဝန်းထဲကပန်းပင်တွေကို
လှည့်ပတ်ကြည့်ရှုနေသောကြီးကြီးမြက မောင်ဘုန်းကို မှာတမ်းခြွေလိုက်သည် ။ ကြီးကြီးမြက
မောင်ဘုန်း၏ ကျေးဇူးရှင်ကြီးဒေါ်ကြီးဖြစ်တာကြောင့် မောင်ဘုန်း ချစ်ခင်လေးစားရသူဖြစ်၏
။ မောင်ဘုန်းက တောသားဆိုတဲ့အတိုင်း ကိုယ့်ထက် အသက်ဝါကြီးရင့်သူအပေါ် ချစ်ကြောက်ရိုသေရကောင်းမှန်းသိ၍
လေးလေးစားစားပြန်ဖြေလိုက်သည် ။ သို့သော် ကြီးကြီးမြ ထိုသို့မှာ တိုင်း မောင်ဘုန်း အလိုလိုဒေါသထွက်မိ၏
။ ထိုဒေါသက ကြီးကြီးမြပေါ်တော့ မဟုတ် ။ ထိုဂမုန်းပင်တွေအပေါ်သာ ဖြစ်သည် ။ ဘယ့် နှယ့်…
သုံးမရစားမရတဲ့ ဒီမလှမပအပင်ငုတ်စတွေကို တသသပြုစုယုယနေရတာလောက် မောင်ဘုန်း စိတ်ကုန်ဒေါသထွက်မိတာမရှိ
။ ကြီးကြီးမြ၏ဝါသနာပေမို့ မောင်ဘုန်း အပြစ်တင်စကား တစ်ခွန်းတစ်လေပင် ထုတ်ဖော်မပြောဝံ့သော်လည်း
စိတ်ထဲတွင်တော့ ထိုပန်းပင် တွေကို တစ်စစီဆွဲနှုတ်ခုတ်ထစ်ပစ်ချင်စိတ်တွေ ပေါက်မိသည်မှာ
မကြာမကြာ ။ သို့ပေမဲ့ ထိုသို့လုပ်လျှင် မောင်ဘုန်း အိမ်ပေါ်က ခေါင်း နှင့်ဆင်းရမှာသေချာ၍
ထိုသို့မလုပ်ဝံ့ ။ ကြီးကြီးမြမှာခဲ့သည့်အတိုင်း ဂမုန်းပင်တွေကို ရေနိုင်နိုင်လောင်းရင်း
အောက်သက်သက်ခံစားချက် ကို မြိုသိပ် ထားလိုက်ရ၏ ။
ကြီးကြီးမြက
ပန်းပင်စိုက်ပျိုးရခြင်းကို တမ်းတမ်းစွဲနှစ်ခြိုက်သူ ။ တစ်ကိုယ်တည်းအပျိုကြီးဖြစ်သည့်အပြင်
အသက်ကလည်း ခြောက်
ဆယ်ကျော်ဖြစ်ပြီး
ပင်စင်စားအလုပ်လက်မဲ့ ။ ငွေရေးကြေးရေးကလည်း တစ်သက်လုံး ရှာဖွေစုဆောင်းလာခဲ့သူမို့ ရန်ကုန်မြို့သူဌေးရပ်
ကွက်တစ်ခုတွင် ခြံကျယ်ဝန်းကျယ် အယ်စတုံတိုက်ကြီးတစ်လုံးနှင့် အပူအပင်ကင်းကင်းနေနိုင်သည့်အခြေအနေ
။ ဒီတော့ သူ့ဝါသနာ အတိုင်း သစ်ပင်ပန်းမန်မျိုးစုံကို ခြံဝန်းထဲတွင် ဥယျာဉ်ငယ်လေးသဖွယ်
လှလှပပကြွားကြွားရွရွစိုက်ပျိုးထား၏ ။ ခြံကား ပေတစ်ရာပတ် လည်ခန့်ရှိပြီး မြေဆီသြဇာကိုလည်း
နိုင်နိုင်နင်းနင်းထည့်ထားတာကြောင့် သူ စိုက်ပျိုးထားတဲ့ပန်းဥယျာဉ်လေးဟာ အလွန်မျက်စိပသာဒ
ဖြစ်စရာကောင်းလွန်းလှသည် ။ ပန်းပင်တွေကို မြေတွင် တစ်မျိုး ၊ စင်တွင် တစ်ဖုံ ၊ သစ်ပင်ကြီးများပေါ်တွင်
တစ်နည်း ၊ အုတ်ခဲတောထဲ တွင် တစ်သွယ်… ရသမျှနည်းပေါင်းစုံနှင့် လှသထက်လှအောင် စိုက်ပျိုးထားပြီး
ပင်စင်စားအပေါင်းအဖော်များကို ခေါ်ကာ သူ့အနုပညာကို ကြွားဝါတတ်၏ ။
ပန်းပင်တွေကလည်း
အတော်စုံလှသည် ။ ပိန်းပန်း ၊ စံပယ် ၊ နှင်းဆီ ၊ ကစ်စမီ ၊ လီလီ ၊ ဂမုန်း ၊ ကျောက်ခက်
၊ တရုတ်မီးပုံး ၊ စံပန် ၊ သဇင်…စသည်စသည် ပန်းအမည်အမျိုးမျိုးသာမက အရောင်ကလည်း ဖြူ နီ
ပြာ ဝါ စိမ်း ပန်း ခရမ်း...။ တချို့ပန်းအရောင်ဆိုလျှင် ဘာ အရောင်လို့ ခေါ်ရမှန်းတောင်
မသိ ။ ထိုပန်းမျိုးများစွာထဲတွင်မှ ကြီးကြီးမြ အနှစ်ခြိုက်ဆုံးက ဂမုန်းမျိုးဖြစ်၏ ။
ကြီးကြီးမြ၏ခြံထဲတွင် ဂမုန်း မျိုးပေါင်းစုံ ရှိသည် ။ မယ်တော်ကြီးဂမုန်း၊ ရှင်သီဝလိဂမုန်း၊
နဂါးဂမုန်း၊ ပတ္တမြားဂမုန်း၊ စီးပွားတက်ဂမုန်း၊ လဝန်းဂမုန်း၊ ဧည့်လာဂမုန်း၊ အင်းဂမုန်း၊
ဒေါင်းဂမုန်း၊ ကွင်းထိုးဂမုန်း၊ လသာဂမုန်း၊ မီးကွင်းဂမုန်း၊ ငှက်ပျောဂမုန်း၊ ရွှေလာ၊ငွေလာဂမုန်း…စသဖြင့်
အမျိုးပေါင်းစုံလင်လှ ၏ ။ မိုးလင်းမိုးချုပ် ထိုဂမုန်းပေါင်းစုံကို ထွက်ထွက်ကြည့်ရတဲ့အလုပ်သည်
ကြီးကြီးမြ၏ နစ္စဒူဝအလုပ်တစ်ခုလိုဖြစ်နေပြီ ။
“ တော်တော့လေ မောင်ဘုန်းရယ် ။ ပန်းပင်တွေ ရေနစ်သေကုန်ဦးမယ်
။ သွား…သွား…ရေချိုးချေတော့ ။”
ဟိုတွေးသည်တွေးနှင့်
ပန်းပင်ရေလောင်းနေလိုက်တာ အချိန်မည်မျှ ကုန်သွားသည် မသိ ။ ရပ်ကွက်တစ်ပတ် လမ်းလျှောက်ထွက်သွား
သည့်ကြီးကြီးမြပင် ပြန်ရောက်လာပြီး မောင်ဘုန်းကို လှမ်းအော်ပြောလိုက်တော့မှ မောင်ဘုန်း
အတွေးယဉ်ကြောထဲက လွတ်ထွက်လာ သည် ။
“ ဟုတ်ကဲ့ ကြီးကြီးမြ ။”
ရေပိုက်ခေါင်းကိုပိတ်
ရေပိုက်ကို ခွေလိပ်သိမ်းလိုက်ပြီးနောက် မောင်ဘုန်း နောက်ဖေးရေချိုးခန်းဆီသို့ ထွက်လာခဲ့၏
။ ရေကို ခပ်သွက် သွက်လောင်းချိုးရင်း ဟိုဟိုဒီဒီတွေးမိပြန်သည် ။
ကြီးကြီးမြက ဂမုန်းတွေကို ချစ်သလောက် မောင်ဘုန်းကတော့
ဂမုန်းတွေကို ရွံ့မုန်းသည် ။ ပွင့်ပွင့်လင်းလင်းဆိုရလျှင် မောင်ဘုန်းက ဂမုန်းသာ မဟုတ်…ပန်းအလှပင်အားလုံးကို
မုန်း၏ ။ မုန်းမှာပေါ့…သူတို့တွေကိုကြည့်ရတာ လူ့ဘော်ကြော့သူဌေးသားတွေကို ကြည့်မြင်
နေရသလို မောင်ဘုန်း ခံစားမိသည် ။ အပေါ်ယံဘဝကို ပန်းပွင့်ပန်းခက်လေးများဖြင့် အလှဆင်ထားသော်လည်း
တကယ့်တကယ်တမ်း ကျ အနှစ်သာရ မရှိ ။ သရက်ပင် ငှက်ပျောပင် မန်ကျည်းပင်တွေလို အသီးစားမရ
အူတိုင်စားမရ အရွက်စားမရ…အရှင်းဆုံးပြောရလျှင် ဘာတစ်ခုမျှ သုံးမရ ။ သို့ကြောင့် မောင်ဘုန်း
ပန်းအလှပင်တွေကို မုန်းသည် ။ ထိုအထဲကမှ မယ်တော်ကြီးဟူသောဂမုန်းကို မောင်ဘုန်း အမုန်းဆုံး
။
မောင်ဘုန်းက တောသား ။ မောင်ဘုန်းတို့ရွာက ဟိုးဝေးလံခေါင်ဖျားတောအုပ်စပ်နားကရွာ
။ စီးပွားရေးအမြင် မရှိ ၊ လုပ်နည်းကိုင်နည်း တွေ မသိကြ၍ တစ်ရွာလုံး ဆင်းရဲတွင်းနစ်နေတဲ့ရွာငယ်လေး
။ အားလုံးက တောထဲဝင် မှိုချိုးမျှစ်ချိုး ကိုင်းထောင် ယုန်ဖမ်းလောက်သာ တတ်ပြီး လယ်ယာစိုက်ပျိုးခြင်းအမှုဖြင့်
အသက်မွေးဝမ်းကျောင်းပြုနေတဲ့ရွာသိမ်ငယ်လေး။ မြို့ကြီးပြကြီးများတွင် မော်တော်ကားစီးနေကြ
သည့်အချိန် မောင်ဘုန်းတို့ရွာ၌ လှည်းပိုင်သူဟူ၍ တစ်ဦးစနှစ်ဦးစသာ ရှိ၏ ။ မောင်ဘုန်းတို့ကိုယ်တိုင်ကလည်း
အတန်းပညာကို လေး တန်းအထိသာ တက်ခွင့်ရပြီး အသက်ငယ်ငယ်ရွယ်ရွယ်နှင့် လုပ်ငန်းခွင်ဝင်ခဲ့ရသည်
။ စာပေဖတ်ရှုခွင့်မရသဖြင့် ဗဟုသုတ အသိပညာ လည်း သိပ်မကြွယ်ဝခဲ့ ။ ကြီးကြီးမြတို့အိမ်ရောက်မှ
ပန်းပင်တွေ၏အမည်နာမတွေကို သိခဲ့ရခြင်းဖြစ်၏ ။ ရောက်ခါစက ပန်းပင်တွေ၏ အမည်နှင့် ပန်းပင်တွေ၏ပုံသဏ္ဍာန်ကို
ယှဉ်တွဲမမှတ်မိသေး ။ သုံးလေးလကြာပါမှ ခြံထဲကပန်းပင်ပေါင်းများစွာ၏အမည်နှင့်ပုံသဏ္ဍာန်ကို
ယှဉ်တွဲမှတ်မိသွားခဲ့သည် ။ ထိုသို့ပုံသဏ္ဍာန်ကို သတိပြုမိသွား၍လည်း မယ်တော်ကြီးဂမုန်းကို
မောင်ဘုန်း အမုန်းတီးဆုံးဖြစ်ခဲ့ရလေ၏ ။
အရွက်ဖားဖား စိမ်းကားကားနှင့် ထိုဂမုန်းပင်၏ပုံသဏ္ဍာန်က
ငွေဂုဏ်မောက်နေတဲ့သူဌေးမကြီးတစ်ယောက်လို ဝင့်ထည်ဦးမော့နေ သည် ။ မယ်တော်ကြီးဂမုန်းက
သူဌေးအကြိုက် သူဌေးအိမ်တိုင်းစိုက်တတ်သည့်ဂမုန်းမျိုးဖြစ်တာကြောင့် ကြီးကြီးမြကလည်း
မယ်တော် ကြီးဂမုန်းပင်တွေထဲကမှ အလှဆုံး အထွားဆုံး လည်တိုင်အရှည်ဆုံးအပင်ကြီးတစ်ပင်ကို
ကျောက်စိမ်းအိုးကြီးနှင့်ထည့်စိုက်ကာ အိမ်ရှေ့ ဆင်ဝင်အောက်တွင် ခန့်ခန့်ကြီးချထားလျက်ရှိသည်
။ အဲ့သဟာကို မောင်ဘုန်း အမုန်းတကာ့အမုန်းဆုံး…။ အောက်ကကျောက်စိမ်းအိုး အားကိုးနှင့်
မာန်တက်နေပုံပေါက်သည့်ထိုဂမုန်းပင်ကြီးကို မောင်ဘုန်း ဝုန်းခနဲဝုန်းခနဲအစတုံးပစ်လိုက်ချင်သည်
။ နောက်ပြီး သည်ဂမုန်း ပင်တွေက တစ်ပင်စနှစ်စ မဟုတ်ဘဲ ခြံထဲရှိမြေကွက်လပ်တိုင်းလိုလိုတွင်
စိုက်ပျိုးထားလိုက်သည်မှာ အနှံ့အပြား ။
ပင်စည်တွင် အရစ်အရစ်တွေပါ၍ မြွေတစ်ကောင်နှင့်
တူရသည့်အထဲ ပုံစံကလည်း မြွေဟောက်တစ်ကောင် ပဗျင်းထောင်နေသလို မျိုး ။ အို…ထိုပန်းပင်နှင့်ပတ်သက်သမျှ
အရာရာမုန်းဖို့ကောင်းနေ၏ ။ ထိုသို့မုန်းစရာကောင်းသောကြောင့်လည်း ကြီးကြီးမြ လစ်ရင်လစ်
သလို မောင်ဘုန်း ထိုဂမုန်းပင်များကို အမှိုက်သရိုက်အညစ်အကြေးရည်တွေ သားငါးရည်တွေနှင့်
ပက်ဖြန်းပစ်သည် ။ ကြီးကြီးမြက ဂမုန်း ပင်တွေကို သန့်သန့်ပြန့်ပြန့်ထားရန် ၊ ဂမုန်းပင်တွေက
ဂမ္ဘီရဆန်တဲ့မျိုးနွယ်ပင်တွေဖြစ်၍ အသန့်အပြန့်ကြိုက်ကြောင်း ပြောပြမှာကြားထား ဖူး၍
ဂမုန်းပင်တွေဟာ အညစ်အကြေးရည်တွေ အမှိုက်သရိုက်ရည်တွေကို ရွံ့မုန်းကြောက်ရွံ့လိမ့်မည်ဟု
မောင်ဘုန်း တွေးတောမိသော ကြောင့် ထိုသို့ပြုမူခြင်းဖြစ်သည် ။ ဂမုန်းပင်တွေကို ထိုသို့ညှင်းဆဲအနိုင်ကျင့်ရလျှင်
မောင်ဘုန်း ပျော်ရွှင်ဝမ်းသာ၏ ။
“ မောင်ဘုန်း…နင် မအိပ်သေးဘူးလား ။ ရေချိုးပြီး
ထွက်လာတော့လည်း ငိုင်တိုင်တိုင် ။ ထမင်းစားတော့လည်း ငိုင်တိငိုင်တိုင် ။ အခု
လည်း ဒီနားမှာ ဘာထိုင်ငိုင်နေတာလဲ ။ ဘာလဲ ။ ရွာမှာ
ကောင်မလေး ကျန်ခဲ့လို့လား ။”
မောင်ဘုန်းတစ်ယောက်
ထမင်းစားသောက်ပြီးနောက် ခြံရှေ့တွင်ထိုင်ကာ မိမိနှင့်ဂမုန်းတွေ၏အကြောင်းကို ဆက်လက်တွေးတောနေ
သည့်အခိုက် ကြီးကြီးမြက လှမ်းမေးလိုက်ခြင်းဖြစ်သည် ။
“ အာ…မဟုတ်ပါဘူး ကြီးကြီးမြရာ ။ ကျွန်တော်က ဟိုလျှောက်တွေးဒီလျှောက်တွေးရယ်ပါ
။”
“ အေး…မိန်းမ ယူဖို့ မစဉ်းစားနဲ့ဦး ။ ကိုယ်က ငယ်သေးတယ်
။ ကြီးကြီးမြ ခိုင်းတာတွေကိုသာ ဂရုတစိုက်လုပ် ။ အိမ်ကို စောင့်ရှောက် ။
တစ်ရွာလုံးမှာမှ နင်က လုပ်တတ်ကိုင်တတ်ပြီး စိတ်သဘောထားလည်းကောင်းလို့သာ
ကြီးကြီးမြက ခေါ်လာခဲ့တာ ။ ကြီးကြီးမြလည်း
အသက်ကြီးပါပြီကွယ် ။ ကြီးကြီးမြ မရှိတော့တဲ့နောက်
ပစ္စည်းဥစ္စာတွေအကုန်လုံး ငါ့တူအတွက်ပါပဲ ။”
“ မဟုတ်တာပဲ ကြီးကြီးမြရယ် ။ ကျွန်တော်က ကြီးကြီးမြရဲ့ပစ္စည်းတွေကို
မလိုချင်ပါဘူး ။ အခုလို မြို့မှာ မျက်စိပွင့်နားပွင့် ခေါ်ထားတာ
ကိုပဲ ကျေးဇူးတင်လှပါပြီ ။”
“ ငါ့တူလေး ရိုးမှန်း သိပါတယ်ကွယ် ။ ရော့…မုန့်ဖိုး
။ မနက်ကျ နင့်သူငယ်ချင်းနဲ့ လက်ဖက်ရည် သွားသောက်ချေ ။ ကဲ…သွားအိပ်ချေ
တော့ ။”
“ ဟုတ်ကဲ့…ကျေးဇူးတင်ပါတယ် ကြီးကြီးမြ ။”
ကြီးကြီးမြက
သွားအိပ်တော့ဟုဆို၍ မောင်ဘုန်း ထိုင်နေရာလှေကားထစ်မှနေ ထလာလိုက်ပြီး မီးဖိုချောင်ဘေးမှ
မိမိအိပ်ခန်းလေးဆီသို့ ဝင်လာခဲ့သည် ။ အိပ်ခန်းက အခန်းကျယ်ကြီးမဟုတ်သော်လည်း ရွာကအိမ်နှင့်နှိုင်းစာလျှင်
နတ်ဘုံနတ်နန်းတမျှ ခမ်းနားနေသည် ။ အခန်းထဲတွင် တစ်ခန်းလုံးကို အလင်းဖြာထွန်းတောက်စေသောလေးပေမီးချောင်းတစ်ချောင်းရှိပြီး
မောင်ဘုန်း အိပ်စက်ဖို့အတွက် ကုတင် ငယ်လေးတစ်လုံးနှင့် အဝတ်အစားများထည့်သိမ်းရန် ဘီဒိုတစ်လုံးရှိသည်
။ မောင်ဘုန်းတွင် အဝတ်အစားများများ မရှိသဖြင့် ဘီဒိုလေး ခမျာ ဟာလာဟင်းလင်းရယ် ။ ကုတင်ငယ်လေး၏ဘေးတွင်တော့
ပစ္စည်းပစ္စယများ တင်ထား၍ရသော စားပွဲငယ်လေးတစ်လုံးလည်း ရှိ သေးသည် ။ မောင်ဘုန်း ဤအခန်းတွင်
နေထိုင်ရခြင်းကို အလွန်တရာနှစ်ခြိုက်သည် ။ ကြီးကြီးမြက အလုပ်မခိုင်းလှသော်လည်း မိမိ
ကိုယ်တိုင်က အငြိမ်မနေတတ်၍ အလုပ်တွေရှာကြံလုပ်ရင်း တစ်နေကုန်ပင်ပန်းခဲ့ပြီမို့ ခေါင်းအုံးပေါ်
ခေါင်းချလိုက်ပြီးမကြာ နှစ်နှစ်ခြိုက် ခြိုက်အိပ်ပျော်သွားခဲ့တော့သည် ။
{{{{{{{{{{{{{{{{{{{{{{
ဇာတ်လမ်းအလယ်
ရုတ်တရက် ချိုးချိုးချွတ်ချွတ်အသံတွေကြောင့်
မောင်ဘုန်း လန့်နိုးလာ၏ ။ ပတ်ဝန်းကျင်တစ်ခွင်လုံး မှောင်နှင့်မည်းမည်းမို့ မောင်ဘုန်း
လက်နှိပ်ဓါတ်မီးကို လိုက်စမ်းလိုက်သည် ။ အိပ်ခါနီးက လက်နှိပ်ဓါတ်မီးကို ကုတင်ဘေးမှစားပွဲပေါ်တွင်
သေချာတင်ထားခဲ့ခြင်းဖြစ်သည် ။ အသံတွေက တဖြည်းဖြည်းနီးကပ်လာသဖြင့် အလင်းရောင်မြန်မြန်ရစေရန်
လက်နှိပ်ဓါတ်မီးကို အသည်းအသန်လိုက်စမ်းရာ ရှည်မြော မြောအရာတစ်ခု ကို ထိတွေ့မိ၏ ။
‘ ဟင်…ပျော့စိစိနဲ့ ဘာကြီးပါလိမ့် ။’
ထိမိလိုက်သည်နှင့်
တွန့်ခနဲဖြစ်သွားသော ထိုပျော့အိအိအရာကြီးတစ်ခုကြောင့် မောင်ဘုန်း ရင်ထိတ်သွားရသည်။
လက်ကို အလျင်အမြန် ပြန်ရုတ်လိုက်ပြီး ကုတင်ခြေရင်းသို့လည်း ဖင်တရွေ့ရွေ့တိုးလိုက်မိသည်
။ ကံကောင်းစွာပင် ထိုအချိန်၌ မီးပြန်လာလေ၏ ။
‘ အမလေး…’
ဟူ၍
မောင်ဘုန်းပါးစပ်က အော်လိုက်မိတော့မတတ်ဖြစ်သွားသည် ။ ယောက်ျားအရင့်အမာကြီးဖြစ်သောမောင်ဘုန်းကိုယ်တိုင်ပင်
မြင် လိုက်ရတဲ့မြင်ကွင်းကြောင့် သွေးပျက်သွားရ၏ ။ များပြားလိုက်တဲ့ မြွေတွေမြွေတွေဆိုတာ
တစ်ခန်းလုံးအပြည့် ။ စောစောက မောင်ဘုန်း ထိစမ်းမိသည်မှာ လက်ကောက်ဝတ်ခန်ရှိသော စိမ်းတုတ်တုတ်မြွေကြီးတစ်ကောင်ဖြစ်သည်
။ ဘယ်ကဘယ်လို မြွေတွေ ရောက်လာတာ လဲ ။ မောင်ဘုန်း ခပ်တွေတွေစဉ်းစားနေစဉ် အခန်းအလယ်၌
ဝိုးတဝါးအရိပ်တစ်ခုပေါ်လာ၍ အသေအချာကြည့်လိုက်မိရာ ပုံသဏ္ဍာန်က ဖြည်းဖြည်းချင်းထင်ရှားလာ၏
။
ရုပ်ရည်ချောမောလှပသလောက်
ခက်ထန်သောမျက်နှာအမူအရာနှင့် ဝင့်ဝင့်ထည်ထည်ရပ်နေတဲ့အမျိုးသမီးကြီးတစ်ဦး…။
ကျောက်စိမ်းရောင်ဝတ်စုံကို
လွှမ်းခြုံပတ်လျက် မြွေများ၏အလယ်တွင် မားမားကြီးရပ်ကာ မောင်ဘုန်း၏မျက်နှာကို စားမတတ်ဝါးမတတ်
စိမ်းစိမ်းကြီးစိုက်ကြည့်လျက်ရှိသည် ။ သူမ၏အကြည့်တွေကြောင့် မောင်ဘုန်း ကြက်သီးမွေးညင်းများ
ထောင်ထသွားရ၏ ။ ခဏကြာ တော့ သူမ၏လက်တစ်ဖက်က လေထဲသို့မြောက်တက်လာပြီး မောင်ဘုန်းကို လက်ညှိုးညွှန်လိုက်ကာ
ပါးစပ်ကလည်း တစ်စုံတစ်ရာကို ခပ်တိုးတိုးရေရွတ်လိုက်ရာ စောစောက တုတ်တုတ်မျှမလှုပ်ရှားသော
မြွေစိမ်းကောင်အားလုံးသည် သူတို့၏ရှည်မြောမြောအတ္တဘောကြီး ကို တွန့်ကာလိမ်ကာ ရွေ့လျားရင်း
မောင်ဘုန်းဆီသို့ ပြေးလာကြသဖြင့် မောင်ဘုန်းလည်း နေရာကနေ ထထွက်ပြေးရတော့သည် ။
“ ဒုန်း…”
မြည်သံနှင့်အတူ
နဖူးနေရာမှ ပူခနဲရှိန်းခနဲခံစားလိုက်ရပြီး မောင်ဘုန်း မျက်လုံးတွေကို ဖွင့်ကြည့်လိုက်တော့
အခန်းကြမ်းပြင်တွင် မြွေတွေ မရှိတော့ချေ ။ ပူရှိန်းနေတဲ့ချိုစောင်းကို လက်တစ်ဖက်နှင့်ပွတ်သပ်ရင်း
စောစောကအဖြစ်အပျက်ကို သေချာပြန်စဉ်းစားကြည့်၏ ။ မောင် ဘုန်း အိပ်မက်မက်ခဲ့ခြင်းပဲလား
။ ပြန်တွေးလိုက်တော့ အာရုံထဲတွင် စောစောကပုံရိပ်တွေ ပြန်ပေါ်လာသည် ။ စိမ်းရှည်ရှည်ကိုယ်လုံးကြီး
တွေကို တွန့်ကာလိမ်ကာ ပဗျင်းတထောင်ထောင်နှင့် မောင်ဘုန်း၏အနားသို့ ပြေးကပ်လာကြသော မြွေကြီးများ
။ ဂမုန်းပင်တွေနှင့်ပင် ဆင်တူနေသေးတော့သည် ။ ကြည့်ရတာ ညနေကအတွေးတွေကြောင့် ဂမုန်းပင်တွေကို
စိတ်စွဲလျက် အိပ်မက်မြင်မက်ခြင်းပဲလား…။ အဖြေမှန်ကို သေချာမတွေးဖြစ်တော့ဘဲ မောင်ဘုန်း
အိပ်ရာထက်သို့ ပြန်တက်လာကာ အိပ်ပျော်အောင်သာ ကြိုးစားလိုက်ရတော့သည် ။
{{{{{{{{{{{{{{{{{{{{{{
“ အမလေး…မင်း အိပ်မက်ကြီးက ကြောက်စရာကြီးပါလားကွ
။”
မနက်
လက်ဖက်ရည်ဆိုင်ထိုင်တော့ ညကအိပ်မက်အကြောင်း သိန်းအောင်ကို ပြောပြမိရာ သူတောင် ခုန်ဆွခုန်ဆွဖြစ်သွားရသည်
။ မောင်ဘုန်း၏အိပ်မက်ဆန်းက ကြားနာရသူကိုပင် ခံစားမှုတွေ ကူးစက်စေပါလား ။ မောင်ဘုန်းကိုယ်တိုင်ကတော့
ထိုအဖြစ်အပျက်ကို အိပ်မက်ဆိုတာထက် အမှန်တကယ်ဖြစ်ပွားခဲ့ခြင်းဟူ၍တောင် ယူဆနေမိသေးသည်
။ အိပ်မက်ကဲ့သို့ မှုန်ဝါးဝါးဖြစ်ပျက်ခဲ့သော သတိပေး ချက်တစ်ခုဟု ထင်၏ ။ သို့ကြောင့်လည်း…
“ငါတော့ ဂမုန်းကျိန်စာသင့်နေပြီလား မပြောတတ်ဘူး
။ ခုရက်ပိုင်း အိပ်မက်တွေ မကောင်းဘူး…မနေ့ကလည်း ဒီပုံစံမျိုး ခပ်ဆင်ဆင်
မက်သေးတယ် ။”
ဟူ၍
ညည်းတွားမိတော့ သိန်းအောင်က …
“ ဘာတုံးကွ ဂမုန်းကျိန်စာဆိုတာက ။”
ဟု
စမူဆာတစ်ခုကို ပလုပ်ပလောင်းစားနေတဲ့ပါးစပ်နှင့် တအံ့တသြလှမ်းမေးလိုက်သည် ။
“ ဂမုန်းကျိန်စာဆိုတာ ဂမုန်းကြောင့် ဒုက္ခရောက်တော့မှာကို
ပြောတာကွ ။ မင်း နားလည်အောင်ပြောရရင် ဂမုန်းဆိုတာ ဂမ္ဘီရအပင် ။
သူတို့မှာ အစောင့်အရှောက်တွေ ရှိတယ်…တဲ့ ။ ကြီးကြီးမြ
ပြောပြဖူးတာပဲ ။ ပြောရရင် ငါလည်း မယုံပါဘူးကွာ ။ ဒီလိုသက်မဲ့အပင်
ငုတ်စိလေးမှာ ဘယ်လိုလုပ်အစောင့်အရှောက်ရှိမှာလဲ
။ ဟုတ်တယ် မဟုတ်လား ။ ကုက္ကိုပင် ညောင်ပင်လိုမျိုးအပင်ကြီးတွေမှာ
ရုက္ခစိုးရှိတယ်ဆိုတာကိုတောင် ငါ လက်ခံနိုင်သေးတယ်
။ အဲ့ဒီ့လို မယုံလို့ ကြီးကြီးမြ လစ်ရင်လစ်သလို ငါ ဂမုန်းပင်တွေကို နေ့တိုင်း
နှိပ်စက်နေတာ ။”
“ မင်းက အပင်ကို ဘယ်လိုနှိပ်စက်တာလဲ ။ အပင်က နာတတ်ကျင်တတ်တာကျလို့
။”
“ မနာတတ်မကျင်တတ်ပေမဲ့ ငါ စိတ်ချမ်းသာရင် ပြီးတာပဲပေါ့ကွာ
။ ဘယ်လိုနှိပ်စက်သလဲဆိုတော့ ဂမုန်းပင်အများစုက သန့်သန့်ပြန့်
ပြန့်ထားတာ ကြိုက်ကြတယ်လေ ။ အဲ့ဒီ့တော့ ငါက ကြီးကြီးမြ
မတွေ့နိုင်တဲ့အချိန်ဆို ကြက်သားဆေးတဲ့အရည်တွေနဲ့ ပက်လိုပက် ၊
ငါးဆေးရည်းတွေနဲ့ ဖြန်းလိုဖြန်း … သူတို့မကြိုက်တာမှန်သမျှ
တမင်တကာ လုပ်နေတာကွ ။”
“ ဟေ…မင်းက ဘာလို့ အပင်တွေကို နှိပ်စက်နေရတာလဲ
။”
သိန်းအောင်က
မျက်လုံးအဝိုင်းသားနှင့် မေးလိုက်မိသည် ။ ဘယ်လိုကောင်ပါလိမ့်…လူတွေနဲ့တည့်ပြီး အပင်နဲ့တော့
ရန်ဖြစ်နေတယ်ဟူ၍ စိတ်ထဲက တွေးလိုက်မိသေးသည် ။
“ ကြည့်မရလို့ကွာ ။ ဘယ့်နှယ့်…ဘာတစ်ခုမှ အသုံးမကျဘဲ
ခြံထဲမှာ ဇိမ်ခံနေတဲ့အပင်စုတ်တွေ ။”
ဗုဒ္ဓေါဟု
သိန်းအောင်၏နှုတ်က ထွက်ကျလုမတတ်ဖြစ်သွားသည် ။ မောင်ဘုန်း၏မျက်နှာကိုကြည့်လိုက်တော့
ခပ်တည်တည်မို့ နောက် ပြောင်နေပုံလည်း မရ ။ သစ်ပင်တွေနှင့် ရန်ဖြစ်နေတဲ့သူ့ကို ဘယ်လို
နားလည်ရပါ့မလဲ ။ တစ်ခုခုပြောရန် ပါးစပ်ဟလိုက်ပြီးကာမှ စမူဆာ တစ်ခုကိုသာ ထိုးသွင်းလိုက်မိသည်
။ မပြောတော့…တော်ကြာ သူ မကြိုက်တဲ့စကား ပါသွား၍ နောက်နောင် မုန့်လိုက်ဝယ်မကျွေးလျှင်
ငတ်နေရဦးမည်ကို စိုးရိမ်မိသောကြောင့်ဖြစ်၏ ။
{{{{{{{{{{{{{{{{{{{{{{
“ မောင်ဘုန်း ပန်းပင်တွေ စိတ်ချမယ်နော် ။ ငါမှာလည်း
သူငယ်ချင်းနာရေးဆိုတော့ မသွားလို့က မရ ။ အေးပါလေ ။ နင်က အစစအရာ
ရာ မျက်နှာလွှဲရတဲ့လူဆိုတော့ စိတ်ချလိုက်ပါ့မယ်
။ ငါ့ဂမုန်းတွေကို သေချာဂရုစိုက်ဦးနော် ။”
“ စိတ်ချသွားပါ ကြီးကြီးမြရယ် ။ ကျွန်တော် နေ့တိုင်းလုပ်နေကျအလုပ်တွေပဲ
။ ဘာမှပူစရာ မရှိပါဘူးဗျာ ။”
“ အေးကွယ် ။ ငါ နင့်အတွက် ကိတ်မုန့်တွေ ဝယ်ထားခဲ့တယ်
။ အိမ်ကိုလည်း စောင့်ရှောက်…ကြားလား ။ လျှောက်လျှောက်သွားမနေ
နဲ့ ။”
“ ဟုတ်ကဲ့ပါ ကြီးကြီးမြ ။”
အတန်တန်မှာတမ်းခြွေပြီးမှ
စလွန်းကားလေးပေါ်သို့ ကြီးကြီးမြ တက်သွား၏ ။ ကားပေါ်သို့ ကြီးကြီးမြ ရောက်သည်နှင့် ကားလေးက
မောင်ဘုန်း၏ရှေ့မှ လှစ်ခနဲမောင်းထွက်ပျောက်ကွယ်သွားတော့သည် ။
သူငယ်ချင်းတစ်ယောက်၏နာရေးကိစ္စဖြင့် ကြီးကြီးမြ
မန္တလေးသို့ နှစ်ညအိပ်သုံးရက်တိတိ ခရီးထွက်သွားရခြင်းဖြစ်သည် ။ စောစော ကတည်းက တစ်အိမ်လုံးတွင်
ကြီးကြီးမြ ၊ ဒေါ်အုန်းနှင့် မောင်ဘုန်းတို့သုံးယောက်သာ ရှိရသည့်အထဲ မနေ့ကတင် ဒေါ်အုန်းက
ရွာခဏ ပြန်သွားသည် ။ ယနေ့ကျ ကြီးကြီးမြက မန္တလေးသို့ ဆင်းသွားရသည် ။ နာရေးဖြစ်သောကြောင့်
ကြီးကြီးမြခမျာ မသွားလျှင် မကောင်း ။ နာရေးကလည်း ကျောင်းကတည်းက အတော်ခင်ခဲ့ရသည့် ငယ်ပေါင်းကြီးဖော်သူငယ်ချင်းတစ်ယောက်၏နာရေးဖြစ်နေသည်
။ ကြီးကြီးမြ ၏ကားငယ်လေး မျက်စိအတွင်းကပျောက်ကွယ်သွားတော့မှ မောင်ဘုန်း ခြံတံခါးကို
သော့ခတ်လိုက်သည် ။ ယခုတော့ တစ်ခြံလုံးတွင် မောင်ဘုန်းနှင့်ဂမုန်းတွေသာ ကျန်ရှိလေပြီ…။
“ အေး…နင်တို့တော့ အသေပဲမှတ် ။ စိတ်ချပါ ။ နင်တို့ကို
ရေအငတ်မထားပါဘူး ။ ဝဝလင်လင်ကြီး တိုက်မယ် ။”
ဂမုန်းပင်တွေဘက်လှည့်ကြည့်ပြီး
မောင်ဘုန်း အော်ပြောလိုက်သည် ။ ထို့နောက် အိမ်ထဲသို့ ပြေးဝင်သွားသည် ။ ဆယ်မိနစ်ခန့်အကြာ
တွင် မောင်ဘုန်း ဇလုံကြီးတစ်လုံးကိုကိုင်မ,ကာ ပြန်ပြေးထွက်လာသည် ။ ဂမုန်းပင်တွေဆီသို့
တည့်တည့်မတ်မတ်သွားပြီး ဇလုံကြီးထဲက ရေတွေကို အပင်တွေပေါ်သို့ လောင်းချလိုက်၏ ။
“ အမလေး…နံချက်ကွာ ။ အဲ့ဒါ ပုစွန်ပုပ်ရည်တွေလေ
။ ကဲ…မှတ်ပါလား ။ မောက်မာချင်ဦး ။ ခုတော့ ဘယ်လိုလဲ ။ ဟွန်း…”
အရူးတစ်ယောက်လို
ပန်းပင်တွေကို စကားပြောပြီး တဟားဟားရယ်နေသောမောင်ဘုန်း၏ပုံကိုသာ တစ်ယောက်ယောက်တွေ့မြင်သွား
လျှင် သေချာပေါက် ဦးနှောက်ပျက်နေသူဟူ၍သာ ထင်မှတ်ပေလိမ့်မည် ။ သို့သော်လည်း မောင်ဘုန်းက
ကျပ်မပြည့်သူတစ်ယောက်တော့ မဟုတ် ။ ဘဝ၏နာကျင်မှုများကြောင့် လောကကြီးပေါ်က တချို့အရာတွေကို
မုန်းတီးသွားရသူတစ်ယောက် ။ ထိုအရာများထဲတွင် ဂမုန်း ပင်တွေက ထိပ်တန်းစာရင်းဝင်တွေ မဟုတ်ပါလား
။
မောင်ဘုန်း ဂမုန်းပင်တွေကို အညစ်အကြေးရည်တွေနှင့်
လောင်းပြန်သည် ။ အထူးသဖြင့် ကျောက်စိမ်းအိုးထဲက မယ်တော်ကြီး ဂမုန်းပင်ကို ပုစွန်ပုပ်ရည်တွေနှင့်
နှစ်ခေါက်သုံးခေါက်လောင်းသည် ။ လောင်းနေရင်းနှင့် ပင်စည်ကြီးကို ကြည့်လိုက်မိရာ မြွေဟောက်တစ်
ကောင် ပဗျင်းထထောင်ပြီး ပေါက်တော့ဟန်ပြင်နေသလိုမျိုး မောင်ဘုန်း၏စိတ်ထဲ၌ ခံစားလာရသဖြင့်
နားသယ်စပ်များမှ ဆံပင်မွေးတွေ ပင် ထောင်တက်သွားရသည် ။ သို့ကြောင့် ခြံဝန်းတံခါးသော့ကို
သေချာအောင်စစ်ဆေးပြီး အိမ်ထဲသို့ ပြေးဝင်လာလိုက်တော့၏ ။
{{{{{{{{{{{{{{{{{{{{{{
မှောင်လိုက်မည်းလိုက်သည့်ည…။ ကောင်းကင်ယံတွင်
ကြယ်မှုန်ကြယ်ပြလေးများကိုပင် မျှော်လင့်တောင့်တ၍မရ ။ အုပ်ဆိုင်းဆိုင်း မည်းညို့ညို့တိမ်လွှာတိမ်ခဲတွေက
မဟာကောင်းကင်ပြင်ကို ကြီးစိုးအုပ်မိုးထား၏ ။ မိုးတွေလေတွေက တဝုန်းဝုန်းတဒုန်းဒုန်းရွာသွန်း
တိုက်ခတ်နေကြသလို လျှပ်စီးပန်းခက်တွေကလည်း တပြိုးပြိုးတလက်လက် တဂျိန်းဂျိန်းတဂျက်ဂျက်
။ သည်လို မိုးရွာပုံမျိုးနှင့် ရွာက ခနော်ခနဲတဲအိမ်လေးတွေသာဆို ဝုန်းခနဲပြိုလဲကုန်မည်မှာ
အသေအချာ…။ ဤတိုက်အိမ်ကျယ်ကြီးပေါ်တွင်မို့ တော်သေးတော့သည်ဟု မောင်ဘုန်း စိတ်သက်သာစွာတွေးလိုက်မိ၏
။
တစ်အိမ်လုံး၏တံခါးတွေကို ကျကျနနပိတ်ဆို့ထားပြီးပြီဖြစ်သဖြင့်
မောင်ဘုန်း အိပ်ရာထက်တွင် စောင်ခြုံလျက် ကောင်းကောင်းကြီး ကွေးနေရသော်လည်း အိပ်၍မပျော်
။ အဘယ့်ကြောင့်ဆိုသော် မောင်ဘုန်း အိပ်ပျော်သွားမည်ကိုပင် ကြောက်ရွံ့လန့်ထိတ်နေမိသော
ကြောင့်ဖြစ်သည် ။ အဘယ့်ကြောင့်နည်း ။ မောင်ဘုန်း အိပ်ပျော်သွားလျှင် အိပ်မက်မက်လိမ့်မည်
။ ထိုအိပ်မက်သည် မောင်ဘုန်း အလွန် အသည်းယားသော မြွေဟောက်မြွေပွေးမြွေရစ်ထွေးကောင်ကြီးတွေ
မောင်ဘုန်း၏အနီးသို့ ပြေးဝင်လာသဖြင့် မောင်ဘုန်း ထွက်ပြေးရ သော မက်နေကျအိပ်မက်ဖြစ်နေမည်ကို
စိုးရိမ်မိသောကြောင့်ဖြစ်၏ ။ ဟုတ်သည်…။ မောင်ဘုန်း ထိုအိပ်မက်လိုမျိုးကို နေ့စဉ်မြင်မက်ခဲ့
သည်မှာ ယမန်နေ့ညအပါအဝင်ဆို ဘယ်နှကြိမ်မြောက်ခဲ့ပြီလဲ မသိတော့ ။ နေ့စဉ် ပုံစံဆင်တူ အဓိပ္ပါယ်ဆင်တူ
။ သို့ကြောင့် မောင်ဘုန်း အိပ်ပျော်မည်ကိုပင် စိုးရွံ့လန့်ထိတ်နေရတော့သည် ။
‘ အို…အိပ်မက်လေးပဲဥစ္စာ ။ အိပ်မက်ထဲကမြွေတွေက ငါ့ကို
ဘာလုပ်နိုင်မှာလဲ ။ တောက်…ဒါ…ဒါ ဟိုဂမုန်းစုတ်ရဲ့လက်ချက်ဖြစ်ရမယ် ။
တွေ့ကြသေးတာပေါ့ ။ အခွင့်အရေးရလို့ကတော့ နင်တို့အကုန်လုံးကို
ကိစ္စတုံးပစ်မယ် ။ မောင်ဘုန်းတဲ့ကွ…’
အိပ်မက်အကြောင်းတွေးနေရာမှ
ခြံထဲကဂမုန်းပင်တွေကို မဆီမဆိုင် ဒေါသသွားပေါက်ကွဲမိ၏ ။ ဟုတ်လိမ့်မည်…ထိုဂမ္ဘီရဂမုန်းပင်တွေ၏
လက်ချက်သာဖြစ်မည် ။ နေ့စဉ်နေ့တိုင်း အညစ်အကြေးရည်တွေနှင့် ပက်ဖြန်းခံရသည့်အပေါ် မကျေမနပ်ဖြစ်ကာ
သူတို့၏ဂမ္ဘီရအစွမ်းနှင့် မိမိကို လာရောက်နှောင့်ယှက်ခြင်းဖြစ်မည်ဟူ၍ မောင်ဘုန်း တွေးမိလေသည်
။ ထိုသို့ တောင်တောင်အီအီတွေးတောရင်း တစ်နေကုန်ပင် ပန်းထားသည့်ဒဏ်ဖြင့် မောင်ဘုန်း
မှေးခနဲအိပ်ပျော်သွားတော့၏ ။
မြင်မက်လေပြီ…အိပ်မက်
။ တဂျိုးဂျိုးတဂျွတ်ဂျွတ်မြည်သံတွေနှင့်အတူ ခြံဝန်းအတွင်းမှမြွေပေါင်းများစွာတို့သည်
မောင်ဘုန်း၏အိပ် ခန်းတွင်းသို့ ပြတင်းပေါက်မှသော်လည်းကောင်း တံခါးမကြီးမှသော်လည်းကောင်း
မျက်နှာကျက်အပေါက်ငယ်များမှသော်လည်းကောင်း တိုးဝှေ့ဝင်ရောက်လာကြသည် ။ အားလုံး ပဗျင်းတထောင်ထောင်နှင့်
ကိုယ်ထည်စိမ်းစိမ်းကြီးတွေ ။ ဘယ်လိုမြွေ ဘယ်လိုအမျိုးအစားဆို တာကိုတော့ မောင်ဘုန်း
ဝေဖန်ခွဲခြားဖို့ မစဉ်းစားအား ။ အသည်းတယားယားနှင့် အိပ်ရာထောင့်တစ်နေရာသို့တိုးရင်း
အိပ်မက်မှ မြန်မြန် နိုးဖို့ရန်သာ တောင်းဆုခြွေနေမိသည် ။ အို…အိပ်မက်မှ အမြန်ဆုံးနိုးထပါတော့…။
“ ရွှီး…”
ရွှီးခနဲမြည်သံကျယ်ကြီးနှင့်အတူ
မောင်ဘုန်း၏ မှုန်ကုတ်ကုတ်အခန်းငယ်လေးအတွင်းသို့ ပဗျင်းတထောင်ထောင်နှင့် မြွေအကြီးကြီးတစ်
ကောင် ဝင်ရောက်လာသည့်အခါ ကျန်မြွေအားလုံးက နဘေးသို့ တိုးရင်း လမ်းဖယ်ပေးကြသည် ။ ထိုမြွေကြီးက
ယမန်နေ့များတွင် မိမိကို လက်ညှိုးညွှန်ကာ မြွေအပေါင်းအား တစ်စုံတစ်ရာရေရွတ်ခိုင်းစေလိုက်သော
ခန့်ထည်ထည်အမျိုးသမီးကြီးမှန်း မောင်ဘုန်း သိလိုက်ပြီ ။ မောင်ဘုန်း တွေးလိုက်မိသည့်အတိုင်းပင်
မြွေစိမ်းကြီးသည် မြွေအပေါင်း၏အလယ်သို့ရောက်သည့်အခါ တဖြည်းဖြည်းချင်းမြင့်တက်လာ ပြီး
မိန်းမကြီးတစ်ဦး၏ပုံသဏ္ဍာန်သို့ ကူးပြောင်းသွား၏ ။ အမျိုးသမီးကြီးသည် ယမန်နေ့များအတိုင်း
မောင်ဘုန်း၏မျက်နှာသို့ စားမြို မတတ် စိမ်းလက်လက်ကြီး ရှုစိုက်ကြည့်လိုက်ပြီး…
“ ငမိုက်သားမောင်ဘုန်း သင်ဟာ အကျွန်ုပ်ကဲ့သို့
မြင့်မြတ်တော်ဝင်သောဂမုန်းမျိုးနွယ်အား နှုတ်ဖြင့် လှောင်ပြောင်သရော်စော်ကားရုံ
သာမက
အညစ်အကြေးရည်တို့နှင့် ပက်ဖြန်း၍လည်း ကိုယ်ထိလက်ရောက်ကျူးလွန်ခဲ့သူဖြစ်တယ် ။ သည့်အတွက်
သင့်မိုက်ပြစ်ကို
သင် ပြန်လည်ခံစားရပါစေသား…။”
ဟူ၍
တိုးညှင်ညှင်ပြောဆိုလိုက်သည် ။ သူမ၏အသံသည် တိုးတိုးညှင်ညှင်ထွက်ပေါ်လာခြင်းဖြစ်သော်လည်း
မောင်ဘုန်း၏စိတ်ထဲ၌တော့ အပြင်လောကတွင် ပစ်ခတ်လိုက်သည့်မိုးကြိုးသံအလား ကြောက်လန့်တုန်ဖျားသွားရသည်
။ မိမိထင်မြင်နေသည့်အတိုင်း ဂမုန်းပင်တွေ က မိမိအား ဂမုန်းကျိန်စာတိုက်လိုက်လေပြီ ။
တောင်းပန်လိုက်လျှင် ကောင်းမလားဟု တွေးလိုက်မိသော်လည်း ချက်ချင်းပင် ထိုအတွေး ကို ခေါင်းထဲက
မောင်းထုတ်ပစ်လိုက်သည် ။
‘ ဒါ အိပ်မက်တစ်ပုဒ်ပဲလေ ။ ဒီမြွေအယုတ်ကောင်တွေက
ငါ့ကို ဘာလုပ်နိုင်မှာလဲ ။ ’
ထိုသို့ ဇွတ်တရွတ်ကြံတွေးလိုက်မိစဉ် မိမိအခန်းပတ်လည်ရှိ
မြွေပေါင်းများစွာတို့သည် ယမန်နေ့ညအိပ်မက်များအတိုင်း မိမိ့အနားသို့ အသည်းယားစဖွယ်
ပြေးဝင်လာကြတော့၏ ။
“ အား……”
{{{{{{{{{{{{{{{{{{{{{{
မောင်ဘုန်းတို့ခြံဘက်မှ တဒုတ်ဒုတ်တရွှပ်ရွှပ်နှင့်
ဓါးခုတ်သံများကိုကြားရသဖြင့် သိန်းအောင် နားစွင့်လိုက်မိသည် ။ ကြည့်ရတာ မောင်ဘုန်းတစ်ယောက်
မိမိကဲ့သို့ပင် ခြံထဲကသစ်ပင်တွေကို ခုတ်ထွင်ရှင်းလင်းနေရခြင်းဖြစ်မည် ။ အကြီးမြရဲ့ခြံက
မိမိ့ဆရာ၏ခြံထက် ပို ၍ကျယ်ဝန်းကြီးမားသလို ခြံထဲ၌လည်း သီးပင်စားပင်ကြီးများနှင့် ပန်းအလှပင်တွေကလည်း
မနည်းမနောဖြစ်၍ ညက မုန်တိုင်းဒဏ်ဖြင့် အပင်အတော်များများ လဲပြိုကျိုးကျလောက်သည် ။ ထိုအပြိုအလဲပန်းပင်သီးပင်များကို
မောင်ဘုန်း တစ်နေကုန် ရှင်းနေရလောက်ပြီဟု သိန်းအောင် ကရုဏာသက်စွာတွေးတောလိုက်မိ၏ ။
မိမိတို့ခြံထဲတွင်တော့ သီးပင်စားပင် သည်လောက်မရှိ
။ ပန်းအလှပင်ကလည်း တစ်ပင်နှစ်ပင်မျှရယ် ။ သို့ကြောင့်လည်း မုန်တိုင်း ကြောင့် လဲပြိုကျိုးသွားသည့်
သရက်ပင်ပျိုတစ်ပင်နှစ်ပင်မှလွဲ၍ သိန်းအောင် ခုတ်ရှင်းစရာ အပင်များများစားစားမရှိလှ
။ ယခုခုတ်နေသော အပင်မှာ နောက်ဆုံးလက်ကျန်ပင်ဖြစ်တာကြောင့် ဤအပင် ခုတ်ပြီးလျှင် မောင်ဘုန်းအား
သွားရောက်ကူညီဦးမည်ဟု သိန်းအောင် တွေး ထားလိုက်သည် ။
သိန်းအောင် တွေးသကဲ့သို့ အမှန်ပင် မောင်ဘုန်းတစ်ယောက်
သစ်ပင်တွေခုတ်နေရခြင်းဖြစ်သည် ။ သစ်ပင်ဟုဆို၍ မုန်တိုင်းဒဏ် ကြောင့် လဲပြိုကျိုးကျနေသော
သရက်ပင် ပိန္နဲပင် မာလကာပင်…စသောအရင်းတုတ်တုတ်အရွက်အုပ်အုပ်အပင်ကြီးများဟု မယူဆလိုက်
နှင့် ။ မောင်ဘုန်း ခုတ်လဲနေသည့်အပင်တွေက ဂမုန်းပင်တွေ…။ များပြားလှတဲ့ ဂမုန်းပင်တွေကို
မောင်အုန်း တရွှပ်ရွှပ်ခုတ်ပစ်ရုံသာမက နုနုငယ်ငယ်အပင်လေးတွေကို မောင်ဘုန်းကိုယ်တိုင်
လက်နှင့်စုံကိုင်ပြီး ချိုးဖဲ့ပစ်သည် ။ ခြေမွှပစ်သေးသည် ။ တစ်နည်းဆိုရလျှင် ညက ဝင်ရောက်တိုက်ခတ်လိုက်သောမုန်တိုင်းကို
အကာအကွယ်ယူကာ တစ်ချိန်ကကြံစည်ခဲ့သည့် မောင်ဘုန်း၏စိတ်ကူးတွေကို လက်တွေ့ အကောင်အထည်ဖော်ပစ်လိုက်ခြင်း
ဖြစ်သည် ။
“ မှတ်ထား…မောင်ဘုန်းတဲ့ကွ ။ ဂမုန်းစုတ် ဂမုန်းနာတွေ
။ မောင်ဘုန်းကိုများ လာယှဉ်ချင်သေးတယ် ။ အသုံးမကျသုံးမရတဲ့ဂမုန်းတွေ
ကများ ။ မင်းတို့က အိပ်မက်ထဲမှာပဲ ကြီးကျယ်လို့ရတာကွ
။ ငါက သက်ရှိလူသားစင်စစ် ။ အပြင်လောကမှာ ငါက အရှင်သခင်ပဲ ။
မင်းတို့လို မလောက်လေးမလောက်စားတွေကို လုံးဝ
မမှုဘူး ။ ငါ့ကို လာနှောင့်ယှက်လို့ကတော့ ဒီလို ဘဝဆုံးရမှာပဲ ။ ကဲကွာ…”
နှုတ်ကလည်း
သူရူးတစ်ယောက်လို တတွတ်တွတ်အော်ရင်း ဓါးနှင့် ခုတ်သည့်အခါ ခုတ် ၊ လက်နှင့် နှုတ်သည့်အခါ
နှုတ်ပြီး တစစီခြွေမွ ပစ်သည် ။ အထူးသဖြင့် သူ အမုန်းဆုံး ၊ သူ အရွံဆုံးဖြစ်တဲ့မယ်တော်ကြီးဂမုန်းပင်ငယ်တွေကို
လက်နှင့် ဆွဲနှုတ်ရုံသာမက အစေးတွေ စီး ကျလာတဲ့အထိ ချိုးဖဲ့ပစ်၏ ။
“ ကဲ…နင်က ခေါင်ချုပ် မဟုတ်လား ။ နင်က ဘုရင်မ မဟုတ်လား
။ နင်က ငါ့ကို ကျိန်စာတွေဘာတွေတောင် တိုက်လိုက်သေးတယ်
ပေါ့ ။ မောင်ဘုန်းကို ဘာကောင်များ မှတ်နေတုံး
။ တစ်ရွာလုံးထက်မိုက်လို့ မြို့တက်လာရဲတဲ့ကောင်ကွ ။ အေး…နင့်ကိုလည်း တစစီ
သုတ်သင်ပစ်မယ် ။”
ပြောပြောဆိုဆိုနှင့်
ကျောက်စိမ်းအိုးထဲမှဂမုန်းပင်ကြီးကို ဓါးမနှင့် ခုတ်ချလိုက်သည် ။ ဓါးက ပန်းပင်အစေးတွေကပ်ကာ
မထက်တော့သ ဖြင့် ပင်စည်က ဟက်ရုံသာဟက်သွားပြီး ဒုတ်ဒုတ်ထိလဲကျမသွား ။ မောင်ဘုန်း စိတ်မရှည်တော့
။ ဓါးကို အဝေးသို့ လွှင့်ပစ်ကာ မိန်းမ လက်မောင်းခန့်သာရှိသောပင်စည်ကို လက်နှစ်ဖက်နှင့်
အတင်းလိမ်ချိုးပစ်လိုက်သည် ။ ဂမုန်းပင်၏သွေးစက် ကြည်လဲ့လဲ့အရည်တွေက မောင်ဘုန်း၏လက်တွင်
ပေရေသွားပြီး ရင်ဘတ်သို့ပင် စင်လာသည် ။ မောင်ဘုန်း မမှု…လက်ထဲသို့ ကျိုးပါလာသည့်ပင်စည်ကိုင်းကို
နောက်တစ်ချက်ထပ်ချိုးပစ်လိုက်ပြီး အရွက်တွေကိုလည်း ဆွဲဆုတ်ပစ်ကာ ခြံထောင့်ရှိဂမုန်းသိင်္ချိုင်းဆီသို့
လှမ်းပစ်လိုက်၏ ။ ဂမုန်းသိင်္ချိုင်း ဆို ည်မှာ မောင်ဘုန်း ခုတ်လှဲခြွေမွထားသောဂမုန်းပင်များအား
စုဝေးပစ်ပုံထားသောနေရာကို ပြောလိုခြင်းဖြစ်သည် ။
“ အင်း…အားလုံးတော့ ကိစ္စတုံးသွားပြီ ။ ကြီးကြီးမြ
လာကာမှ မုန်တိုင်းဝင်လို့ အပင်တွေ ကျိုးကုန်တာနဲ့ ခုတ်ပစ်လိုက်ရတယ်လို့ ပြောရ
မယ် ။ အေးပါ…သရက်ပင်နဲ့ပိန္နဲပင်ကြီးတောင် လဲသွားသေးတာပဲ
။ ဒီဂမုန်းပင်တွေ လဲတာလောက်ကိုတော့ ကြီးကြီးမြ သံသယဝင်
မယ် မထင်ပေါင် ။ ကောင်းတယ် ။ ဒါ ငါ့အတွက် ကံကောင်းခြင်းပဲ
။”
မောင်ဘုန်းတစ်ကိုယ်တည်း
ရေရွတ်ပြောဆိုရင်း ဂမုန်းသိင်္ချိုင်းဆီသို့ စွေစောင်းစောင်းငေးကြည့်လိုက်သည် ။ လဲပြိုကြေမွပျက်စီးနေသော
ဂမုန်းအသေပင်တွေကိုကြည့်ကာ တဟားဟားနှင့် မောင်ဘုန်း သဘောကျစွာရယ်မိသည် ။ ထိုအခါမှ တစ်မနက်ခင်းလုံး
ဘာအစာမှမစား ရသေးတဲ့အစာအိမ်က တဂွီဂွီအသံပြုသဖြင့် အစာစားရန် သတိရသွားပြီး မောင်ဘုန်း
မြက်ခုတ်ဓါးကိုကောက်ကာ အိမ်ထဲသို့ ပြန်ပြေးဝင် လာလိုက်၏ ။
မောင်ဘုန်းတစ်ကိုယ်လုံး ချွေးတွေသံတွေ စိုရွှဲနေသလို
တစ်ကိုယ်လုံးလည်း ဂမုန်းအစေးတွေ ဖုန်တွေသဲတွေ ပေရေနေသော်လည်း မောင်ဘုန်း ဆေးကြောဖို့ရေချိုးဖို့
မစဉ်းစား ။ မောင်ဘုန်းက တောတောင်အနီးတွင် ဆင်းဆင်းရဲရဲကြီးပြင်းလာရသူပီပီ ညစ်ညစ်ပတ်ပတ်
နေတတ်သည် ။ အပြင်ကအလုပ်လုပ်ပြီး ဝင်လာလျှင်ဖြစ်စေ ၊ အစားစားခါနီးတွင်ဖြစ်စေ ၊ အိမ်သာမှထွက်လာလျှင်ဖြစ်စေ
လက်ကို ပြောင်စင်အောင် ဆေးကြောရမည်ဟု ကြီးကြီးမြက အခါခါသင်ကြားသော်လည်း မောင်ဘုန်း
မလိုက်နာ ။ အကျင့်ပါနေပြီကိုး ။ ယခုလည်း တစ်ကိုယ်လုံး ပေရေညစ်ပတ်နေသည်ကိုမမှုဘဲ မောင်ဘုန်း
ထမင်းစားခန်းထဲသို့ ပြေးဝင်လာသည် ။ အိမ်၌ မည်သူမျှမရှိ၍ မောင်ဘုန်း ဘာကိုမျှ ဂရုစိုက်စရာ
မလို ။ ရေခဲသေတ္တာကို ဟန်ပါပါဖွင့်လိုက်ပြီး အတွင်းက ကြီးကြီးမြ ဝယ်ထားရစ်ခဲ့သည့် မောင်ဘုန်းအကြိုက်
ဘတ် တာကိတ်ကို အလျင်စလိုဆွဲထုတ်လိုက်သည် ။ ဘတ်တာကိတ်အခွံ(အပြင်မှပလပ်စတစ်အကာ)ကို ဓါးတွေကတ်ကျေးတွေနှင့်
ဖောက် ရန် မတွေးမိ ။ ပါးစပ်ဖြင့်သာ ကိုက်ဆွဲဖောက်လိုက်သည် ။ အတွင်းမှကိတ်ကို နှိုက်ယူရန်
လက်ကိုပြင်လိုက်ခါမှ မောင်ဘုန်း၏လက်တွင် အစေးတွေကပ်နေသည်ကို သတိပြုလိုက်မိ၏ ။
“ တောက်…ဒီဂမုန်းတွေကတော့ အခုချိန်ထိ နှောင့်ယှက်နေတုံးပဲ…”
မောင်ဘုန်း
ရေရွတ်လိုက်ရင်း လက်ကို ပုဆိုးနှင့် ခပ်သွက်သွက်သုတ်လိုက်ပြီး ကိတ်မုန့်ကို ဆွဲထုတ်လိုက်သည်
။ အားပါး…နုညံ့မွှေးပျံ လိုက်ပါဘိ ။ ပါးစပ်တွင်းသို့ နည်းနည်းချင်းဖဲ့ထည့်ပြီး ကိတ်မုန့်၏ချိုစိမ့်စိမ့်အရသာကို
ဖြည်းဖြည်းချင်းခံစားကြည့်သည် ။ ကောင်းလှချည် ရဲ့…။ အချိန်အတော်ကြာသည့်အခါ မောင်ဘုန်း၏ပါးစပ်အတွင်းသို့
ကိတ်မုန့်တစ်ခုလုံး ဝင်သွားခဲ့လေပြီ ။
စားသောက်ပြီးသည့်အခါ မောမောရှိသည်နှင့် မောင်ဘုန်း
ထိုင်ခုံတွင် ဆက်ထိုင်နေရင်း ရောက်တတ်ရာရာတွေးတောမိပြန်သည် ။ မောင်ဘုန်း ဂမုန်းပင်တွေကို
မျိုးဖြုတ်ပစ်လိုက်ပြီ ။ မောင်ဘုန်းလုပ်ရပ်သည် မောင်ဘုန်းအတွက် မှန်ကန်သည်ဟု တစ်ဖက်သတ်ယူဆနေ
မိသော်လည်း တကယ့်တကယ်တမ်းကျ ဂမုန်းပင်တွေက မောင်ဘုန်းကို အလွတ်ပေးပါ့မလား ။ ဂမုန်းပင်တွေ၏ဝိညာဉ်က
မောင်ဘုန်း၏ ထံပါးသို့ ရောက်ရှိလာကာ မောင်ဘုန်း၏အသက်ကို ခြွေလွင့်ယူဆောင်တော့မည်လား
။ ထိုအတွေးကို ချက်ချင်းပင် ခေါင်းထဲက ထုတ်ပစ် လိုက်သည် ။ အို…ဂမုန်းပင်ဆိုတာ အပင်ငယ်လေးတွေပါ
။ ဒီအပင်ငယ်လေးတွေက လူကို အန္တရာယ်ပြုနိုင်ပါ့မလား ။ ငါ အတွေးလွန်နေ တာပါလေဟု ကိုယ့်ကိုယ်ကို
နှစ်သိမ့်ရသည် ။ သို့သော် ညကမြင်မက်ခဲ့သည့်အိပ်မက်ထဲက အမျိုးသမီးကြီး၏စကားသံတွေက မောင်
ဘုန်း၏နားထဲတွင် ပဲ့တင်ကြားယောင်နေ၏ ။
“
ငမိုက်သားမောင်ဘုန်း သင်ဟာ အကျွန်ုပ်ကဲ့သို့ မြင့်မြတ်တော်ဝင်သောဂမုန်းမျိုးနွယ်အား
နှုတ်ဖြင့် လှောင်ပြောင်သရော်စော်ကားရုံ
သာမက အညစ်အကြေးရည်တို့နှင့် ပက်ဖြန်း၍လည်း ကိုယ်ထိလက်ရောက်ကျူးလွန်ခဲ့သူဖြစ်တယ်
။ သည့်အတွက် သင့်မိုက်ပြစ်ကို
သင် ပြန်လည်ခံစားရပါစေသား… ။”
ပြန်လည်ကြားယောင်နေမိသောစကားသံကို
နားထဲက လွင့်စင်သွားစေရန်အတွက် မောင်ဘုန်း ဦးခေါင်းကို သွက်သွက်ခါရမ်းပစ်လိုက် သည်
။ အသံတွေ ပျောက်ကွယ်သွားပါစေတော့ ။
“ ငမိုက်သားမောင်ဘုန်း သင်ဟာ……”
မောင်ဘုန်း
ထိုင်နေရာမှ ဝုန်းခနဲထရပ်လိုက်သည် ။ အသံတွေက အပြင်မှာ အမှန်ပင် ကြားယောင်လာသလို ခံစားလာရ၏
။ မောင်ဘုန်း တုန်တုန်ရီရီနှင့် ပတ်ဝန်းကျင်ကို ဝေ့ဝဲကြည့်လိုက်မိသည် ။ မောင်ဘုန်း၏အနီးအနားတွင်
ဘာတစ်ခုမျှ ထူးခြားတာ မရှိ ။ တစ်အိမ်လုံး အပ်ကျသံကြားလုမတတ် တိတ်ဆိတ်ငြိမ်သက်နေ၏ ။
‘ ဟာ…ငါ ဘာတွေဖြစ်နေတာလဲ ။ အပင်တွေလည်း သေကုန်ပြီပဲ
။ အခုအချိန်မှာ ဒီဂမုန်းစုတ်တွေကို ကြောက်ရွံ့နေစရာ မလိုတော့ဘူး
လေ ။ အခုချိန် ငါ ကြောက်ရမှာက ကြီးကြီးမြကိုပဲ
။ ကြီးကြီးမြ ပြန်လာလို့ကတော့ သူ့အပင်တွေ သေကုန်တဲ့အတွက် ငါ့ကို အတော်
စိတ်တိုမှာ သေချာတယ် ။ ဒါပေမဲ့ ရာသီဥတုက ငါ့ကို
ကာကွယ်ပေးထားတော့ တော်သေးရဲ့ ။ မုန်တိုင်းတိုက်လို့ ဖြစ်ရတာဆိုတော့
သူလည်း
ငါ့ကို အပြစ်တင်သာမှာ မဟုတ်ပါဘူး ။’
မောင်ဘုန်း၏အာရုံထဲတွင်
ခြံထဲသို့ခြေချချချင်း မျက်လုံးပြူးမျက်ဆံပြူးနှင့် ပန်းဥယျာဉ်ကို လှည့်ပတ်ကြည့်ရှုရင်း
ယောက်ယက်ခတ်နေတဲ့ ကြီးကြီးမြ၏ပုံသဏ္ဍာန်ကို မြင်ယောင်ကြည့်ကာ စိတ်မကောင်းဖြစ်သွားမိသည်
။ မိမိကြောင့် ကြီးကြီးမြတစ်ယောက် စိတ်ထိခိုက်ကြေကွဲရ တော့မည် ။ သို့သော်…မတတ်နိုင်
။ ဂမုန်းပင်တွေက သူတို့ဘာသာသူတို့ ငြိမ်ငြိမ်မနေဘဲ မောင်ဘုန်းကို လာရောက်နှောင့်ယှက်သဖြင့်
မောင်ဘုန်းက ထိုသို့သတ်ပစ်ခုတ်ထစ်လိုက်ရခြင်းဖြစ်သည် မဟုတ်လား ။
‘ ရွှီ…ရွှီ…’
ရုတ်တရက်
နားထဲသို့ မြွေတွန်သံသဲ့သဲ့ကြားလိုက်ရသဖြင့် မောင်ဘုန်းခေါင်း ဆတ်ခနဲထောင်မတ်သွားကာ
နားကို စွင့်လိုက်သည် ။ စိတ် ထင်ခြင်းပဲလား…တကယ်ကြားလိုက်ရတာလား…ကိုယ့်ဘာသာကိုယ် မသေချာ
။ သို့ကြောင့် ထပ်ကြားရဦးလေမလားဟူသောအတွေးနှင့် နားစွင့်ထားမိလိုက်ခြင်းဖြစ်သည် ။
“ ရွှီ…ရွှီ…”
မြတ်စွာဘုရား…စိတ်ထင်ခြင်း
မဟုတ်…မြွေတွန်သံက အမှန်ပင်ကြားရခြင်းဖြစ်၏ ။ ကြားရတာ ခပ်ဝေးဝေးကနေ တရွေ့ရွေ့လာနေသော
မြွေတွန်သံ…။ မောင်ဘုန်း တုန်လှုပ်ချောက်ချားသွားသည် ။ သူတို့ လာနေကြပြီ ။ မောင်ဘုန်း၏အသံဇီဝိန်ကို
ခြွေလွင့်ဖျက်ဆီးဖို့ သူတို့ လာကြပြီ ။ သူတို့ကို အသက်နှင့်ခန္ဓာ အိုးစားကွဲအောင် ပြုခဲ့မိတဲ့မောင်ဘုန်းကို
သူတို့ လက်စားချေကြတော့မည် ။
မောင်ဘုန်း၏အတွေး မဆုံးခင်ပင် အိမ်ပေါ်သို့ မြွေစိမ်းစိမ်းတွေ
တရွေ့ရွေ့တက်လာကြသည် ။ တစ်ကောင်နှစ်ကောင် မဟုတ် …အုပ် လိုက်ချီပြီး စိမ်းရှည်ရှည်အတ္တဘောကြီးတွေကို
တွန့်လိမ်ရွေ့လျားလျက် တရွေ့ရွေ့တိုးကပ်လာကြသည် ။
“ သွား…မလာကြနဲ့ ။ သွားကြစမ်း…ငါ အကုန်သတ်ပစ်မှာနော်
။ သွားကြစမ်း…”
မောင်ဘုန်း
ခပ်လှမ်းလှမ်းရှိ မြက်ခုတ်ဓါးကို ကောက်ယူလိုက်ပြီး ဓါးတရမ်းရမ်းနှင့်ခြိမ်းခြောက်မောင်းထုတ်သော်လည်း
မြွေတွေက နောက် မဆုတ်ကြ ။ တရွေ့ရွေ့လာမြဲလာနေကြသည် ။ အနားသို့နီးကပ်လာသောမြွေတွေကို
မောင်ဘုန်းက ဓါးနှင့် ခုတ်ပစ်လိုက်သော်လည်း ကျန်မြွေများက နောက်မတွန့်ကြ ။ တဖြည်းဖြည်းနှင့်
မြွေတွေအားလုံး မောင်ဘုန်း၏အနားသို့ ရောက်ရှိလာကြပြီ ။ မောင်ဘုန်းမှာ ပြေး စရာမြေ မရှိတော့
။ တစ်ခြံလုံး တစ်အိမ်လုံး မြွေစိမ်းကြီးများဖြင့် ပြည့်နှက်ဖုံးအုပ်သွားတော့သည် ။
“ မလာကြနဲ့…ငါ့ကို မကိုက်နဲ့…သွား…သွား…”
မောင်ဘုန်း
သွေးပျက်နေလေပြီ ။ မြွေတွေက မောင်ဘုန်း၏ပတ်ပတ်လည်တွင် ဝိုင်းရံကာဆီးလျက် အဆိပ်ပြင်းပြင်း
ပဗျင်းတွေကို ထောင်ကာ မောင်ဘုန်းရဲ့အလစ်ကို စောင့်ကြည့်နေကြပြီ ။ မောင်ဘုန်း နေရာ၌
ဆက်နေ၍မဖြစ်တော့ချေ ။ ကြောက်အားလန့်အားနှင့် ခြံ နောက်ဖေးသို့ပြေးအထွက် မောင်ဘုန်း၏နောက်တွင်
ပပျင်းတထောင်ထောင်နှင့် စောင့်နေသောမြွေတစ်ကောင်၏ကိုယ်ကို တက်နင်းမိရာ ထိုမြွေ၏ဦးခေါင်းက
ရှေ့သို့ ဆတ်ခနဲငိုက်ကျလာပြီး မြွေ၏အစွယ်ဖွေးဖွေးတွေသည် မောင်အုန်း၏ခြွေသလုံးတစ်ဖက်ဆီသို့
မြားတစ်စင်း လို အရှိန်ပြင်းပြင်းစိုက်ဝင်သွားလေတော့၏ ။
“ အား…”
အဖြစ်အပျက်တွေက တစ်ခုချင်းပင် ဆက်တိုက်ဆက်တိုက်ဖြစ်ပွားခဲ့သည်
။ မောင်ဘုန်းက ဂမုန်းတွေကို အသားလွတ်မုန်းတီးနေ၍ ဂမုန်းပင်တွေ၏ပင်ခြေကို အညစ်အကြေးရည်တို့ဖြင့်လောင်းပက်ကာ
နေ့စဉ်ရက်ဆက် ညှင်းပန်းခဲ့၏ ။ ဂမုန်းဟူသည် ဂမ္ဘီရမျိုးနွယ်ဝင် သစ်ပင် ။ ရွှေလာငွေလာဂမုန်းဆိုလျှင်
ရွှေရည်ငွေရည်မှန်မှန်လောင်းပေးပါက တကယ်ပင် ရွှေငွေဝင်သည်ဟု ရှေးလူကြီးများ ပြောခဲ့ကြသ
လို ဘီလူးဂမုန်း ၊ သူယောင်ဂမုန်းတို့ဟူသည် တောတောင်အတွင်း၌ သဘာဝအလျောက် ပေါက်ရောက်ရှင်သန်နေထိုင်ကျက်စားကြသော
နေအိမ်၌ စိုက်ပျိုးရန်မသင့်သော ဆန်းဆန်းကြယ်ကြယ်ဂမုန်းပင်တွေဖြစ်သည်ဟု အထောက်အထားများဖြင့်
ရေးသားခဲ့ကြသည် ။ ဂမ္ဘီရ ဟူသည် ဆန်းကြယ်ခြင်းဟူသောအဓိပ္ပါယ်သက်ရောက်သည့်အတိုင်း ဂမ္ဘီရနွယ်ဖွား
ဂမုန်းပင်တိုင်းတွင် ဆန်းကြယ်မှုကိုယ်စီ ပိုင်ဆိုင်ကြ လေသည် ။ ဤသို့သော အပင်မျိုးနွယ်ကိုမှ
မောင်ဘုန်းက မုန်းတီးရွံ့ရှာက မသင့်တော်တာတွေကို ပြုလုပ်သည့်အခါ မောင်ဘုန်းကို ဂမုန်း
ပင်တွေက အမှန်တကယ်ဒဏ်ခတ်ခဲ့ခြင်းပဲလား ။ သို့မဟုတ် မောင်ဘုန်းဘာသာ ဂမုန်းအစေးဆိပ်သင့်ကာ
သေခါနီးအသိစိတ်ကင်းလွတ် ပြီး ကယောင်ကတမ်းမြင်ယောင်ကြားယောင်ခဲ့ခြင်းပဲလား…။ ထိုအဖြစ်မှန်ကိုတော့
ကံဇာတ်ဆရာသာလျှင် သိပါပေလိမ့်မည် ။
{{{{{{{{{{{{{{{{{{{{{{
ဇာတ်လမ်းအဆုံး
သိန်းအောင် မောင်ဘုန်းတို့ခြံရှေ့သို့ ရောက်လာချိန်တွင်
ခြံထဲ၌ သစ်ပင်ခုတ်သံကို မကြားရတော့ ။ ခြံကိုကျော်၍ကြည့်မိသည့်အခါ သရက်ပင်တစ်ပင် ပိန္နဲပင်တစ်ပင်
လဲပြိုလျက်သားရှိသေးသည်ကိုတွေ့ရ၍ မောင်ဘုန်း သစ်ခုတ်တာ ပြီးဆုံးသေးပုံ မရ ။ မော၍ ခဏနား
နေခြင်းသာဖြစ်မည်ဟု သိန်းအောင် တွေးလိုက်မိသည် ။
“ မောင်ဘုန်းရေ…မောင်ဘုန်း…”
သိန်းအောင်
လှမ်းခေါ်သော်လည်း ပြန်ထူးသံ မရှိ ။ ခြံတံခါးကလည်း အတွင်းကပိတ်ထားခြင်းဖြစ်တာကြောင့်
မောင်ဘုန်း အိမ်ထဲ၌သာ ရှိ နေမည်မှာ သေချာနေ၍ ဆင့်ကာဆင့်ကာအော်ခေါ်သော်လည်း မထူးခြား
။ သိန်းအောင် အနည်းငယ် စိုးရိမ်သလိုဖြစ်သွားသည် ။ မောင် ဘုန်း ဘာဖြစ်နေပါလိမ့် ။ သစ်ပင်တွေဘာတွေ
ပိပြီး သတိလစ်နေတာများလား ။ ဒါမှမဟုတ်…
စိုးရိမ်ပူပန်စိတ်နှင့်အတူ မိမိအိမ်သို့ပြန်ပြေးကာ
မိမိ့ဆရာကို ပြောပြသည် ။ ဆရာကလည်း မောင်ဘုန်းကို ခင်မင်နေသူဖြစ်တာမို့ ခြံ ရှေ့သို့သွားကာ
လှမ်းအော်ခေါ်ကြည့်သေးသည် ။ မည်သို့မျှ ခေါ်မရတော့မှ ရပ်ကွက်လူကြီးကိုအကြောင်းကြားကာ
ခြံထဲသို့ တံခါးဖျက်ပြီး ဝင်ခဲ့ကြသည် ။
“ ဟာ…မောင်ဘုန်း …”
မြင်လိုက်ရသည့်မြင်ကွင်းက
ရင်နင့်စရာ ။ စားပွဲဝိုင်းနဘေးတွင် ခွေလဲကျနေပြီး ပါးစပ်တွင် အမြှပ်တစီစီထွက်နေသောမောင်ဘုန်း
။ အသက်က ယဲ့ယဲ့သာ ကျန်တော့သည် ။
“ မောင်ဘုန်း…မောင်ဘုန်း…မင်း ဘယ်လိုဖြစ်တာလဲကွာ
။”
သိန်းအောင်က
မောင်ဘုန်းကို ပြေးပွေ့ကာ စိုးရိမ်တကြီးမေးလိုက်သည်။ မောင်ဘုန်း ဖြစ်ကြောင်းကုန်စင်ကို
ကောင်းစွာရှင်းမပြနိုင်တော့ ။ အသက်ကို ပြင်းစွာရှူရှိုက်နေသည့်ကြားက စကားတစ်ခွန်းကိုသာ
နောက်ဆုံးဆိုလိုက်ရသည် ။
“ ဂမုန်း…ကျိန်…စာ…”
မောင်ဘုန်း
ဇက်ကျိုးကျသွားသည် ။ သိန်းအောင် အော်ခေါ်သော်လည်း ပြန်မထူးနိုင်တော့ချေ ။ ရဲဝန်ထမ်းတွေကတော့
မောင်ဘုန်း သေ ဆုံးမှုအပေါ် လူသတ်မှုလော…လူသေမှုလောဟူ၍ ဒွိဟဖြစ်ကြမည်မှာ မလွဲ ။ သို့ပေမဲ့
ဆေးစစ်ချက်ထွက်လာလျှင်တော့ အဖြေမှန် ပေါ် သွားလိမ့်မည် ။ ဆေးစစ်ချက်၌ ဂမုန်းတစ်ပင်ပင်၏အစေးမှအဆိပ်ကို
အလွန်အကျွံစားသုံးမိ၍…ဟု ရေးသားထားလိမ့်မည်ဖြစ်ရာ ထိုအခါ သူတို့အားလုံး ခြံထောင့်ကဂမုန်းသင်္ချ
ိုင်းကို မှတ်တမ်းတင်ဓါတ်ပုံရိုက်ရင်း သဘောပေါက်သွားကြလိမ့်မည် ။ သို့သော် မောင်ဘုန်းသေဆုံး
မှုသည် အမှန်ပင် ဂမုန်းပင်၏အဆိပ်ကြောင့်လား ၊ ဂမ္ဘီရဆန်သောဂမုန်းပင်တွေကို နိုင့်ထက်စီးနင်းပြုလုပ်ခဲ့သည့်မောင်ဘုန်းအား
ဂမုန်း ပင်တွေက ကလဲ့စားချေကာ တန်ပြန်သတ်ဖြတ်ခဲ့ခြင်းပဲလားဆိုတာကတော့ ဖြေရှင်းမရနိုင်သောပဟေဋ္ဌိပုဒ်စာတစ်ပုဒ်သာဖြစ်ပါလိမ့်မည်
။ မည်သို့ပင်ဖြစ်စေမူ…မောင်ဘုန်း၏သေဆုံးမှုသည် ဂမုန်းကျိန်စာသင့်ခဲ့ရခြင်းပင် မဟုတ်ပါလား…။
( သေစေလောက်သော အဆိပ်အတောက်ရှိသည့်အစေးပိုင်ရှင်ဂမုန်းပင်ဟူသည်မှာ
မယ်တော်ကြီးဂမုန်းပင်ကိုဆိုလိုခြင်းဖြစ်လိမ့်မည်ဟု ယူဆမိပါ၏…
စာရေးသူ )
စေတနာရှေ့ထားလျက်
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
