လာဘ်စားသူ၏လားရာ
( ၂၀၁၆ မေလထုတ် ဓမ္မဒူတဘာသာရေးမဂ္ဂဇင်းတွင် ဖော်ပြခံရသော စာပန်းချီဖြစ်သည် )
ဂါဦးနွန်းကို ......... ရေးသားသီကုံးသည် ။
------------------------------------------------------------------------------------------------------------------
ကျွန်ုပ်၏ပတ်ပတ်လည်၌ ဝိုင်းဝန်းခယနေသည်က နတ်သမီးလေးများ
။ အို…လှလိုက်ချောလိုက်ကြပါဘိနှယ် ။ ထိုနတ်မိမယ် လေးတွေက ကျွန်ုပ်၏ဝန်းကျင်မှာ ရာချီထောင်ချီမက
။ အရွယ်အားဖြင့် လူ့အသက်နှင့် တွက်ချင့်ရသော် နုနယ်ပျိုမျစ် ပန်းဖူးသစ် အသွင် (၁၆)-(၁၈)နှစ်ဝန်းကျင်
။
ရုပ်ရည်အဆင်းရူပကာကလည်း ဘယ်ခေပါ့မတုံး ။ တစ်ပါးလျှင်
အလှတစ်မျိုး ထူးထွေတင့်တယ်လွန်းသူတွေချည်း ။ သူတို့ လေးတွေက ကျွန်ုပ်နံဘေးမှာ ဝန်းကာဝိုင်းကာ
ခစားသူက ခစား ၊ နတ်သုဒ္ဓါ ခွံ့သူက ခွံ့ ၊ အတီးအမှုတ်အခုန်အကတို့ဖြင့် ဖျော် ဖြေသူက ဖျော်ဖြေနှင့်
ပျော်တော်ဆက်နေကြသည် ။
ပုရိသ-ဖိုသတ္တဝါတိုင်း တပ်မက်ရစ်မူးတတ်သည့်-ဤအလှပကေးလေးများကို
ပိုင်ဆိုင်ထားရသဖြင့် အမှန်တကယ်ဆို ကျွန်ုပ် ပျော်နေသင့်သည် ။ ဤမျှလောက် ထူးမြတ်သော-ကုသိုလ်ကံကို
စိုးပိုင်ထားသူ-ကျွန်ုပ်အဖို့ ပျော်မဆုံးမော်မဆုံး တပြုံးပြုံးဖြစ်နေရ မည် ။ ကျွန်ုပ်၏မျက်နှာဟာ
တိမ်ကင်းစင်သောလမင်းပမာ ကြည်လင်သာယာကာ သောက်ရှူးကြယ်လို ထွန်းတောက်နေရမည် ပေါ့ ။ သို့သော်…ကျွန်ုပ်၏မျက်နှာ၌
သောကအရိပ်တို့က တဖြည်းဖြည်း ပြည့်သိပ်ကျပ်လာသည် ။
အာခံတွင်းထဲသို့ ချိုအီမွှေးအေးစွာ သက်ဆင်းလာသော နတ်သုဒ္ဓါသည်လည်းကောင်း ၊ သောတအာရုံကို
ငြိမ့်ညောင်းညင်သာ စွာ လာရောက်ထိခတ်သော ဂီတသံစဉ်တို့သည်လည်းကောင်း ကျွန်ုပ်၏စိတ်နှလုံးကို
ရွှင်ပြုံးကြည်လင်အောင် မစွမ်းဆောင်နိုင် တော့ချေ ။ ကျွန်ုပ်၏စိတ်သည် တစ်စထက်တစ်စ ချောက်ချားမှုတို့
လွှမ်းမိုးစပြုလာလေပြီ ။
တုန်လှုပ်စိုးရွံ့နေသော-စေတသိဏ်ကို ဖြေလျှော့သည့်အနေဖြင့်
ကျွန်ုပ်၏ပုခုံးတစ်ဖက်ပေါ်သို့ မျက်နှာကလေး မှေးတင်ထား သော နတ်မိမယ်အလှပကေး၏ ရှုမဝမျက်နှာလေးကို
တရှိုက်မက်မက်စူးစိုက်ကာ ကြည့်နေလိုက်သည် ။ သူကလေးကို ကျွန်ုပ် အချစ်ဆုံး ။ သူမ ခြုံလွှမ်းထားသည့်-ငွေဖြူရောင်ဝတ်ရုံလွှာက
သူမ၏ရွှေဝါရောင်အဆင်းနှင့် ပနံတင့်လွန်းလှသလို နီမြန်းမြန်းနှုတ် ခမ်းဖူးလေးတွေကလည်း
တီတီတာတာစကားတို့ကို သီကျူးတတ်လွန်းသောကြောင့် ကျွန်ုပ်၏နှလုံးသားကို ပိုင်စိုးသွားနိုင်ခဲ့ခြင်း
ပင် မဟုတ်ပါလား ။
အချစ်ဆုံး၏အပြုံး ၊ အချစ်ဆုံး၏စကားလုံးများကြောင့်
ကျွန်ုပ်၏စိတ်ဝယ် ချောက်ချားခြင်း ကင်းကာ ရွှင်လန်းမည်ကြံရုံရှိသေး အာရုဏ်ဦးအလင်းက
အရှေ့ဘက်ကမ်း၌ မေးတင်လာခဲ့ချေပြီ ။
- အို…ဒုက္ခ…! အကုသိုလ်လှည်းဘီးကြီးက ဆိုက်ရောက်လာတော့မှာပါလား ။
လိမ္မော်သွေးကဲ့သို့ မှိန်ဖျော့ဖျော့ထွန်းလင်းလာသော-အာရုံဦးရောင်ခြည်ကို
မြင်လိုက်ရသည့်အခိုက် ကျွန်ုပ် သွေးပျက်သွားခဲ့ရပြီ ။
အသက်(၁၆)နှစ်အရွယ် ပျိုမျစ်နုနယ် လှသွေးကြွယ်လွန်းသော-ကျွန်ုပ်၏အချစ်ကလေးသည်လည်း
ကျွန်ုပ်၏စိတ်နှလုံးကို မသိမ်းကျုံးမညှို့ယူနိုင်တော့ ။ အနီးအပါးမှ ထောင်သောင်းမကသော
နတ်မိမယ်အပေါင်းတို့၏ အမျိုးမျိုးသော အပန်းတော်ပြေရန် ပျော်တော်ဆက်မှုတို့ဟာလည်း ကျွန်ုပ်၏စိတ်အား
ကြည်လင်ပျော်ရွှင်အောင် မစွမ်းဆောင်နိုင်တော့ ။
“ ရောင်နီသမ်းလုပြီ
နှမငယ်တို့ ။”
တုန်တုန်ယင်ယင်အသံဖြင့် ပြောနေကျစကားသံက
ကျွန်ုပ်၏နှုတ်ဖျားမှ ထွက်ကျလာခဲ့ပြီ ။ ထိုင်ရာမှ ဣနြေ္ဒပင် မဆည်နိုင်အောင် ဖျတ်ခနဲကုန်းထလိုက်ပြီး
ထိုသို့ ဟစ်အော်လိုက်သည့်အခါ …
တူရိယာအမျိုးမျိုးတို့ကို တီးခတ်ဖျော်ဖြေနေသော-နတ်သမီးငယ်များသည်လည်းကောင်း
၊ သီဆိုကခုန်နေသော-ကချေသည် နတ်မိမယ်တို့သည်လည်းကောင်း ၊ အနီးအနား၌ အခစားဝင်နေသော-နတ်လုံမငယ်တို့သည်လည်းကောင်း
ကျွန်ုပ်၏စကားသံကို ကြားလိုက်သည်နှင့် တပြိုင်နက် လှုပ်လှုပ်ရှားရှားဖြစ်သွားကြသည်
။ လုပ်လက်စအလုပ်များကို ရပ်ကာ ကျွန်ုပ်အား လက်စုံမိုး၍ နှုတ်ဆက်လိုက်ကြပြီးနောက် အပါးတော်မှနေ
ဝေးရာဆီသို့ အလုအယက်ပြေးထွက်သွားကြတော့သည် ။
ယုတ်စွအဆုံး ကျွန်ုပ်၏အချစ်ဆုံးသော-အလှပကေးလေးသည်ပင်
နေရစ်ခဲ့ခြင်း မရှိ ။ မေးတင်နေရာမှ ဝမ်းနည်းကြေကွဲဟန် ဖြင့် နှုတ်ဆက်ကာ ထွက်ခွာသွားလေ၏ ။ အားလုံး…အားလုံး…အာရုံကျင်းပြီဟူသောစကားသံ
ကြားသည်နှင့် ကျွန်ုပ်ကို ချန်ထား ရစ်ကာ ဝေးရာသို့ ပြေးခွာသွားကြချေပြီ ။ အတွေ့အကြုံ
နုနယ်စဉ်ကဆိုလျှင်…
“ ဟဲ့…ဟဲ့…ဘယ်သွားကြတာလဲ ။ မသွားကြနဲ့လေ ။ မပြေးကြပါနဲ့…”
ဟူ၍ လိုက်ခေါ်လိုက်ဆွဲမိခဲ့သေးသည် ။
ယခုတော့…သိနှင့်ပြီ ။ သူတို့က ကျွန်ုပ်၏ဝဋ်ဆင်းရဲဒုက္ခကို
သိနေကြသည်ပဲကိုး ။ ထိုဒုက္ခက သူတို့နှင့် မဆိုင် ၊ ကျွန်ုပ် တစ် ယောက်တည်း ပြုခဲ့သည့်ကံဖြစ်၍
ကျွန်ုပ်သာလျှင် တစ်ကိုယ်တည်း ခံရမည် မဟုတ်ပါလား ။ အကုသိုလ်ကံကြွေးကို တုံ့ပြန်ပေး
ဆပ်ရမည်မှာ ဓမ္မတာပင် ။
ရောင်နီကို မျှော်ကြည့်ရင်း ကျွန်ုပ်သည် ချောက်ချားနေသည့်စိတ်ကို
ချုပ်ထိန်းလိုက်သည် ။ နေ့စဉ် ဝတ္တရားမပြတ် တန်ပြန် ပေးဆပ်နေရသည့်-ဤဒုက္ခကို ကျွန်ုပ်
အသားကျနေပါပြီ ။ ယနေ့လည်း ရင်ဆိုင်တွေ့ဆုံရဦးမည်မို့ သတ္တိတို့ကို မွေးလိုက်သည် ။ ကျွန်ုပ်သည် ထွက်ခွာသွားသော-သူငယ်မများကို စိတ်တိုစိတ်ဆိုးရန်
ဆန္ဒမရှိဘဲ ကျွန်ုပ် ပိုင်ဆိုင်သော-သရက်ဥယျာဉ်တောထဲသို့ ဖြည်းညင်းစွာ ဆင်းလာခဲ့၏ ။
တခဏအတွင်းမှာပဲ အရာရာပြောင်းလဲသွားချေပြီ
။ ကျွန်ုပ်ဟာလည်း ကျွန်ုပ် မဟုတ်တော့ ။ ဖြူစင်တင့်တယ်သော-ကျွန်ုပ်၏ ရူပါရုံသည် တမဟုတ်ချင်း
ယိုယွင်းကာ ခြားနားသွားခဲ့ပြီ ။ ကျွန်ုပ်၏နတ်အသွင်ကို သက်သေထူထားနိုင်သော နာရဏီရွှေအဆင်း ရှိ-မကိုဋ်တော်သည်လည်းကောင်း ၊ ကြေးနီရောင်ကဲ့သို့
ထင်းထင်းကြီးတောက်ပနေသော ကျွန်ုပ်၏ရွှေချည်ရွှေပြားခတ်ဝတ်ရုံလွှာ ဝတ်ရုံချပ်တို့သည်လည်းကောင်း
သူရိန်နေမင်း၏ အာရုဏ်ဦးစကြ်ာအလင်း ထိသည်နှင့်တပြိုင်နက် ပျောက်ချင်းမလှ ပျောက်ဆုံး
သွားကြပြီ ။
နတ်အသွင် ကွယ်ပျောက်သည့်အခါ ကျွန်ုပ်၏ခန္ဓာကိုယ်ကြီးဟာ
အဆမတန် ကြီးထွားလာပြီး အတောင်ရှစ်ဆယ်ခန့်ပမာဏ ရှိသော အတ္တဘောကြီးဖြစ်သွား၏ ။ ရုတ်တရက်
အဆမတန် ကြီးမားလာသော-ခန္ဓာကိုယ်ကြီးကို ကြည့်ရင်း အတိတ်ကပြုခဲ့သော အကုသိုလ်ကံအပေါ် ဆင်ခြင်ရင်း
နောင်တရမိပြန်သည် ။
-
အကယ်၍ ကျွန်ုပ်သာ မကောင်းမှုမှာ မပျော်မွေ့ခဲ့လျှင်…အကယ်၍ ကျွန်ုပ်သာ သူတထူးအား မတော်မတရား
မပြုခဲ့လျှင်…
အကယ်၍ ကျွန်ုပ်သာ တံစိုးလာဘ်တို့ကို မစားမြိုခဲ့လျှင်…အကယ်၍
ကျွန်ုပ်သာ ကောင်းမှု မြတ်နိုး၍ ကောင်းကျိုးတွေသာ
ပြုခဲ့ပါလျှင်…
ဤကဲ့သို့ ညစံငရဲမှာ ကျွန်ုပ် ခံစားရမည်
မဟုတ် ။ သို့သော်လည်း…နောင်တဟာ နောင်မှရသည့်တရား ။ ယခုတော့ ကိုယ် ပြုခဲ့ကံ ကိုယ့်ထံ
ပြန်လာပြီမို့ ဝဋ်ရှိသရွေ့ ခံလှည့်ပေတော့…။
ခန္ဓာကိုယ်က အဆများစွာ ကြီးမားလာရုံမျှဖြင့်
မပြီးသေးပါ ။ ပူလိုက်တာ…လောင်လိုက်တာ…ဟု
ကျွတ်ကျွတ်ညံလူးလိမ့်နေရ လောက်အောင် ငရဲမီးများက တစ်ကိုယ်လုံးကို တောက်လောင်နေသည် ။
ဆီပူပူဒယ်အိုးထဲသို့ ပစ်ထည့်ခြင်းခံရသော-ငါးအရှင် တစ်ကောင်ကဲ့သို့ ပူလွန်းနာလွန်းလှသဖြင့်
ဖျတ်ဖျတ်ခါ လူးလွန့်ကာ မီးတောက်များကို ငြိမ်းသက်နေသော်ငြား တစ်ပွားတလေပင် ငြိမ်းအေးသွားခြင်း
မရှိခဲ့ ။ အကုသိုလ်ကံတည်းဟူသော အကျိုးပေးကြောင့် ဖြစ်တည်နေသော-ငရဲမီးများဖြစ်၍ သူ့အချိန်
မကုန် မချင်း တောက်လောင်ခြင်းကို ခံစားရမည်သာ ။
အဆများစွာ တိုးပွားလာသော-အတ္တဘောကြီးတွင် မီးလျံများ
တောက်လောင်နေရသော-ဒုက္ခကို ခံစားနေရ၍ အကုသိုလ်
အကြွေးက ကုန်ခမ်းပြီလားဟုမေးလျှင် မကုန်ခမ်းနိုင်သေးပါ ။ နဂိုမူလ သေးငယ်သွယ်လျသော-လက်ချောင်းကလေးများက
နတ် အသွင်နှင့်အတူ ပျောက်ကွယ်သွားခဲ့ကာ ထိုနေရာ၌ အရုပ်ဆိုးအကျည်းတန်လှသည့်-လက်တစ်ချောင်းစီ
ပေါက်နေလေပြီ ။ မြင်ရ ကြည့်ရတာ ဆိုးရွားလိုက်ပါဘိနှယ် ။
လက်တစ်ဖက်တစ်ချပ်စီတွင် ပေါက်လျက်ရှိသည့် ထိုတစ်ချောင်းတည်းသောလက်၌
ပေါက်တူးနီးပါး ချွန်ထက်ကြီးမားလှ သော-လက်သည်းကြီးတစ်ချောင်းစီလည်း ပါရှိ၏ ။ ထိုလက်သည်းကြီးများက
အခြားအတွက်မဟုတ် ။ ကိုယ့်ကျောကုန်းသား ကိုယ်ခွာ စားရန်အတွက် အကုသိုလ်ကံက တပ်ဆင်ပေးလိုက်သည့်
ထူးထွေထွေလက်နက် ။
မည်သူကများ ကိုယ့်အသားကိုယ် ခွာစားချင်ပါအံ့
။ ကျွန်ုပ်ကိုယ်တိုင်လည်း ဘယ်ခွာစားချင်ပါ့မလဲ ။ တစ်ညတာလုံး ပျော်ကြ ပါးကြစားကြသောက်ကြနှင့်
လိုလေသေးမရှိ အယုအယအပြုအစု ခံခဲ့ရသည့်-နတ်သားတစ်ပါးအဖို့ ကိုယ့်ကျောသားကိုယ် ခွာယူ
စားဖို့ဆိုတာ စိတ်ကူးပင် မယဉ်ဝံ့ဖူးသည့်ဖြစ်ရပ် ။ ယခုများတော့ ဆန်းကြယ်လိုက်ပါဘိ ကံကြမ္မာရယ်…
။
အတိတ်ကံအကုသိုလ်ကြွေးကို ကျေလည်အောင် ဆပ်ရမည်ဖြစ်သောကြောင့်
ထိုပေါက်တူးလက်သည်းကြီးဖြင့် ကျောကုန်း ဆီသို့ ချိန်ရွယ်လိုက်၏ ။ နာကျင်မည်မှန်းသိနေ၍
လက်တို့ကမူ တဆတ်ဆတ်တုန်နေသည် ။ သို့သော်…မလုပ်မဖြစ် လုပ်ရမည့် ကိစ္စ ။ တစ်ရက်လည်းမဟုတ်
၊ နှစ်ရက်လည်းမဟုတ် ၊ နှစ်ပေါင်းများစွာ ပေးဆပ်ရမည့်-အကုသိုလ်ကံကြွေး ။
အချိန်ဆွဲ၍ မရ ၊ အချိန်ဖြုန်း၍ မရ ၊ လုပ်မှ ဖြစ်မည့်ကိစ္စမို့ မျက်စိကို မှိတ်
၊ အံကို ကြိတ်ကာ ထိုပေါက်တူးလက်သည်းကြီးနှင့် ကိုယ့်ကျောသားကိုယ် ထိုးကော်လိုက်တော့သည်
။
“ အား…”
ကျောကုန်းသားကို ထိုးခွာလိုက်စဉ် နာကျင်လွန်းလှသဖြင့်
ဟစ်အော်လိုက်မိသော-ကျွန်ုပ်၏အသံက ဘဝဏ်သို့တိုင် ညံသွားခဲ့ပြီ ။ တစ်ချက်ဆိုတစ်ချက် အသွေးအသားတို့
ဆတ်ဆတ်တုန်အောင် နာကျင်သွားရသည် ။
သေချာဆင်ခြင်ကြည့်လျှင် ဓားရှသည့်ဒဏ်ရာလေးတောင်
ကြီးလျှင်ကြီးသလောက် အသည်းခိုက်အောင် နာကျင်ရသေးတာ ပဲ ။ အလွှာလိုက်အတုံးလိုက် ထိုးခွာတူးဆွခံရသည့်ဝေဒနာက
အဘယ်မျှ ဆိုးရွားလိမ့်မည်နည်း ။ မည်သည့်အရာနှင့်မျှ နှိုင်းဆပြ၍ မရနိုင်လောက်အောင်
နာကျင်လွန်းလှပါသည် ။ အဆိုးရွားဆုံးက ကိုယ့်ကိုယ်ကို တူးဆွကာ ကိုယ့်အသားကိုယ် ဝါးမြိုနေရသည့်
ဒုက္ခ ။
အလွှာလိုက် ကွာသွားသော-အသားစိုင်၏နေရာ၌ အနာဟောက်ပက်ကြီး
ကျန်ရစ်ခဲ့ကာ သွေးသံတို့မှာလည်း တရွှဲရွှဲ ။ ထို အသားခဲကို ဝတ္တရားအရ ကြိတ်မြိုနေရသော-နှုတ်ခမ်းသားတို့မှာလည်း
သွေးတရဲရဲသံတရဲရဲ ။ တစ်ကိုယ်လုံး ပူလောင်သည့်- ခန္ဓာ၏ဆင်းရဲခြင်း ၊ အသားအလွှာလိုက် အခွာခံနေရသဖြင့်
နာကျင်သည့်-ခန္ဓာ၏ဆင်းရဲခြင်း ၊ ကိုယ့်အသားကိုယ် ပြန်လွှာစားနေရ ၍ ခံစားရသည့်-စိတ်၏ဆင်းရဲခြင်းတို့
ပေါင်းချုံလာသည့်အခါတွင် ကျွန်ုပ်၏ဘဝသည် သာယာစရာဟူ၍ အခိုက်အတန့်မျှပင် မရှိ တော့ပြီ
။ ခန္ဓာကိုယ်သာမက စိတ်နှလုံးဟာလည်း နေ့စဉ်နေ့တိုင်း နာကျင်ကြေကွဲနေခဲ့ရပါပြီ ။
ဤဝဋ်ဆင်းရဲများသည်ကား သူတပါးအား မတရားသဖြင့်
လာဘ်စားကာ ဒုက္ခရောက်အောင် ပြုလုပ်ခဲ့မိသည့်-မကောင်းမှု အကုသိုလ်ကံများ၏ အကျိုးဆက်ရလဒ်များပင်
မဟုတ်ပါလား ။
{{{{{
ဗာရာဏသီပြည်ကို ဗြဟ္မဒတ်မင်း အုပ်စိုးစဉ်က ကျွန်ုပ်ဟာ
ထိုတိုင်းပြည်မှာ ပုရောဟိတ်ပုဏ္ဏားအနွယ်ဝင် တရားသူကြီးတစ်ဦး ဖြစ်ခဲ့သည် ။ ပြည့်ရှင်မင်းတရားကြီးသည်
သဒ္ဒါတရား ထက်သန်သူဖြစ်၍ သူတော်ကောင်းများကို ကျေးဇူးပြုခြင်း ၊ မရှိဆင်းရဲသား တို့ကို
ထောက်ပံ့ကျွေးမွေးခြင်း ၊ အနယ်နယ်အရပ်ရပ်မှ ခရီးသွားခရီးသည်များအား ပေးကမ်းလှူဒါန်းခြင်းများကို
ပြုလုပ်လေ့ ရှိ သလို သီလ၊သမ္မာဓိနှင့် ပြည့်စုံသူပီပီ ဥပုသ်သီတင်းကိုလည်း ဝတ္တရားမပြတ်
နေ့စဉ် ဆောက်တည်သူဖြစ်၏ ။
စိတ်ကောင်းနှလုံးမွန် မွေးမြူထိန်းသိမ်းသော-မင်းကြီးဟာ သူတစ်ဦးတည်း ကောင်းမှုကို
မြတ်နိုးစေခြင်း မဟုတ်ဘဲ တပါးသူ များကိုလည်း သီလဆောက်တည်ရန် ၊ ဒါနပြုရန် တိုက်တွန်းနှိုးဆော်လေ့ရှိသည်
။ မှူးကြီးမတ်ရာ သေနာပတိများကိုလည်း သီလ ယူ/မယူ မေးမြန်းစူးစမ်းတတ်သည် ။ သူတော်ကောင်း
အုပ်ချုပ်သောတိုင်းပြည်ဖြစ်၍ မှူးမတ်ပြည်သူအပေါင်းတို့အနေဖြင့် စိတ် အေးချမ်းသာယာရပေမည်သာ
။
သို့ပေမဲ့ ကျွန်ုပ်အဖို့တော့ အဆင်မပြေလှပေ ။
ကျွန်ုပ်က တရားသူကြီးရာထူးကို လက်ခံယူထားရသော်ငြား မတရားမှုကိုမှ ပြု လုပ်ချင်သူ ။
မတရားမှုကိုသာ နှစ်သက်သူ ။ အမျိုးမျိုးသောအမှုကိစ္စတို့ကို ဆောင်ရွက်လုပ်ကိုင်ရာ၌ မတရားသူကြီးပီပီ
ငယ် သည့်အမှု-ကြီးအောင် ၊ ကြီးသည့်အမှု-ထောင်ဒဏ်ကြိုးမိန့်ကျအောင် စီရင်ဆုံးဖြတ်လေ့ရှိသည်
။ ထိုသို့ အမှုကိစ္စတို့ကို ကြီးလေး အောင် ပြုမူတတ်သောကြောင့် ပါးနပ်သော-အပြစ်သားများက
ကျွန်ုပ်အတွက် သိတတ်လိမ္မာစွာ တံစိုးလက်ဆောင်များ ပူဇော်ပသ ကြသည် ။ ထိုကဲ့သို့ စေတနာဖြင့်ပေးသော
ငွေကြေးနှင့်တန်ဖိုးကြီးပစ္စည်းများ၏မျက်နှာကြောင့် လူသတ်မှုအချို့ကိုလည်း ကွင်း လုံးကျွတ်
လွတ်စေအောင် ဆောင်ရွက်ပေးခဲ့သည့်သာဓကများလည်း ကျွန်ုပ်၏သမိုင်း၌ ရှိခဲ့ဖူး၏ ။
အမှန်တရားကို တန်ဖိုးထားရမည်ဟု ကြွေးကြော်နေသော-အူကြောင်ကြောင်မှူးမတ်အချို့က
ကျွန်ုပ်အား စဉ်းလဲကောက် ကျစ်သောစိတ်ရှိသူ-ဟု ကဲ့ရဲ့ဝေဖန်ကြသည် ။ ကျွန်ုပ် စီမံသောအမှုကိစ္စများကို
ပြစ်တင်ရှုံ့ချကြသည် ။ ကျွန်ုပ်ကမူ တုံဏှိဘာဝေ ခပ်ဆိတ်ဆိတ်သာနေ၍ လာဘ်စားမြဲစားဆဲ ၊
စေတနာကြေးသဒ္ဓါကြေးများကို လက်ခံမြဲလက်ခံဆဲ ။ မကောင်းမှုများကို နှစ်ခြိုက် စွာ ပြုမူနေဆဲ
။
မည်သို့ပင်ဖြစ်စေ…တဆင့်စကား တဆင့်နားမှ သယ်ယူသွားကြသောကြောင့်ထင်…တစ်နေ့သ၌
ရှင်ဘုရင်က ညီလာခံတွင် ကျွန်ုပ်ကို “ ဥပုသ် ဆောက်/မဆောက် ” မေးမြန်းလာခဲ့သည် ။ ပြည့်ရှင်မင်း၏အမေးစကားကြောင့်
ကျွန်ုပ်၏ခြေဖျားလက်ဖျားတို့ အေးစက်သွားသည်အထိ တုန်လှုပ်ချောက်ချားသွားခဲ့ရ၏ ။ ပြည့်ရှင်က
မေးလေပြီ ။ ဥပုသ်ဆောက်တည်ပါ၏လော ပရောဟိတ် ကြီး-တဲ့ ။ စိတ်မပါ၍ မဆောက်တည်ဖြစ်ပါဘုရား-ဟု
အမှန်အတိုင်း အဖြေရှိသော် ဘဝင်ကျမည် မထင် ။ လောက၌ မုသားပါမှသာ လင်္ကာချောပေမည်မို့ ကျွန်ုပ်လည်း
…
“ မှန်လှပါ မင်းကြီး ။ နေ့စဉ်မပြတ် ဆောက်တည်ပါသည်ဘုရား…”
ဟု ကျွမ်းကျွမ်းကျင်ကျင်လိမ်ညာခဲ့သည်
။
ရှင်ဘုရင်သည် စိတ်နှလုံးမွန်မြတ်သလောက် ရိုးသားသူဖြစ်သည် ။ တစ်ဖက်သားအား သနားကြင်နာ၍
မေတ္တာရှေ့ထားသူဖြစ် သည် ။ သို့ကြောင့်ပင်…ကျွန်ုပ်၏စကားကို လိမ်ညာလှည့်ဖျားခြင်းဟုမယူဆဘဲ
အမှန်တကယ်ဟု မှတ်ထင်ကာ…
“ အိမ်း…ကောင်းလေစွ ။ နိစ္စဒူဝ သီလရှိအောင် ကျင့်ကြံပါ ပုရောဟိတ်ကြီး ။”
ဟူ၍ ဆိုဆုံးမသည် ။ ကျွန်ုပ်ကလည်း အထက်ကို
ရိုကျိုးရမည်မှန်း ကောင်းစွာနားလည်သိတတ်သူပီပီ “ မှန်ပါ့ဘုရား ”ချည်း လျှောက်တင်ခဲ့၏
။
ပြဿနာက ထိုမျှဖြင့် အနားမသတ်နိုင်သေး ။ နန်းပြသာဒ်ဆောင်မှအဆင်း
ပေရှည်ဝေးသော-မှူးမတ်ကလေးနှင့် ဆုံသည် ။ ထိုမှူးမတ်လေးက အတော်အတန်ပေါက်ရောက်ပြီး သမာသမတ်ကျသူလည်း
ဖြစ်သည် ။ ထိုပုဂ္ဂိုလ်လေးက…
“ ဆရာသခင်… အသင်ဟာ အကျင့်သီလ ပျက်ပြားသူမှန်း မှူးမတ်တိုင်း သိသည် ။ သင့်လျှောက်တင်ချက်ကို
တစ်စုံတစ်
ယောက်က ထောက်ပြခဲ့သော် သင် မင်းပြစ်မင်းဒဏ် သင့်လိမ့်မည် ။ သီလ မဆောက်တည်ပါဘဲ
အဘယ်ကြောင့် သီလ
ဆောက်တည်ပါသည်ဟု မုသားဆိုရပါသနည်း ။”
ဟု မေးမြန်းပြစ်တင်လေရာ ကျွန်ုပ်မှာလည်း
ထိုပုဂ္ဂိုလ်လေး၏ပေါက်ရောက်မှုကို သိနားလည်သူမို့ ကျိုးနွံ့စွာ မျက်နှာချိုသွေးရပြန်
သည် ။
“ အပြစ်တင်မစောပါနှင့် အမတ်ငယ် ။ ကျွန်ုပ်ဟာ ယခုအခါမှာ သူတော်ကောင်းဖြစ်အောင်
ကျင့်ကြံနေပါပြီ ။ ယနေ့ပင် သင်
စောင့်ကြည့်ပါလော့ ။ ကျွန်ုပ် ဥပုသ်သီလဆောက်တည်ပါ့မည် ။”
ကျွန်ုပ်၏ အလျှောက်ကောင်းမှုကြောင့် အမတ်ငယ်မှာ
စိတ်ပြေသွားသည် ။ သို့သော်…လူငယ်ပီပီ သံသယတော့ ကင်းသေးဟန် မတူ ။ ယနေ့တစ်နေ့လုံး ကျွန်ုပ်ကို
စောင့်ကြည့်နေလိမ့်မည်မှန်း ပါးနပ်စွာ ရိပ်မိသည်မို့ ကျွန်ုပ်လည်း ဆိုခဲ့သည့်စကားအတိုင်း
ထိုတစ်နေ့ကို ကြိတ်မှိတ်ကာ ဥပုသ်ဆောက်ဖြစ်ခဲ့၏ ။ ထိုဥပုသ်သည် တစ်သက်မှာ တစ်ခါပြုဖူးသော
ဥပုသ်ဆောက်တည်မှု ကုသိုလ်ပင်တည်း ။
{{{{{
ကျွန်ုပ်၏တစ်သက်တာပတ်လုံး မကောင်းမှု၌သာ မွေ့လျော်ပျော်ခဲ့သည် ။ ရရှိထားသောသြဇာအာဏာပေါ်
မှီကာ သူတပါး အား ဒုက္ခပေးခြင်း ၊ မတော်မရားပြုခြင်း ၊ လာဘ်လာဘ မျှော်ယူခြင်းတို့ဖြင့်သာ
ဘဝ၏အချိန်များကို ကုန်ဆုံးခဲ့သည် ။ တစ်နေ့မှာ တော့ မှတ်မှတ်ရရ စိတ်ကောင်းစိတ်မွန်တစ်ချက်
ကျွန်ုပ်၏သန္ဓာန်မှာ လင်းလက်ခဲ့သည် ။ ပါရမီထိုက်သော သဒ္ဒါအားမျိုး မဟုတ် ပေသိ ကျွန်ုပ်ကဲ့သို့
မကောင်းမှုကိုသာ နှစ်သက်သူအဖို့တော့ ထူးခြားသည့်-စိတ်စေတနာဟုပင် ဆိုရပေမည် ။
ထိုနေ့က ကျွန်ုပ်၏လက်ထဲမှာ သရက်သီးတစ်လုံး ပါလာသည် ။ ချိုအီမှည့်ရွှဲသော သရက်သီးကြီးတစ်လုံး
။ တရားရုံးတော်မှ ဆင်းအလာ ရေကန်အနီးတွင် တွေငေးငေးရပ်နေသော-မိန်းမချောလေးတစ်ဦးကိုမြင်သည်
။ သူမက ရုံးတော်သို့ အမှုကိစ္စဖြင့် ရောက်ရှိလာသော-လုံမပျိုလေးဖြစ်၏ ။
မိန်းကလေးက ကျေးတောသူလေးဖြစ်ဟန်တူသည် ။ ရိုးရိုးယဉ်ယဉ် သိမ်သိမ်မွေ့မွေ့ကလေး
။ ကျွန်ုပ် လှမ်းငေးနေစဉ်မှာပဲ သူမက တစ်စုံတစ်ခုကို စိတ်ဆုံးဖြတ်လိုက်ပုံဖြင့် ရေကန်အနားသို့
ကပ်သည် ။ ရေတစ်ခွက်ဖြင့် ပလုတ်ကျင်းရန် ပြင်နေ၏ ။
“ ဟဲ့…သူငယ်မ…သင် ဘာလုပ်နေတာလဲ ။”
“ မှန်ပါရှင့်…ကျွန်တော်မျိုးမ မွန်းမလွဲခင် ခံတွင်းဆေးဖို့ ပြင်နေတာပါ ပရောဟိတ်ကြီးရှင့်
။”
“ ဟေ…သင်က ဘာမှဖြင့် မစားရဘဲနဲ့ ဘာလုပ်ဖို့ ခံတွင်းဆေးမှာတုံး ။”
“ မှန်ပါတယ် ပရောဟိတ်ကြီးရှင့် ။ ကျွန်တော်မျိုးမ နေ့ဆွမ်းပြန်စားဖို့ မမီတော့လို့ပါ
။ ဒါ့ကြောင့် ဥပုသ်မကျိုးရအောင် မစားဘဲ
ခံတွင်းဆေးပြီး နေလိုက်တော့မလို့ပါရှင့် ။”
မိန်းမပျိုက ရိုရိုသေသေနှင့် ခပ်ရိုးရိုးပြန်ဖြေသည်
။ သူမ၏စကားကြောင့် ကျွန်ုပ်ပင် ကြက်သီးမွေးညင်းထကာ အံ့သြသွားခဲ့ရပြီ ။ အိမ်ပြန်ပြီး
ထမင်းစား၍ မမီမည့်အတူတူ အငတ်ခံပြီး သီလစောင့်ထိန်းမည်-တဲ့ ။ အံ့သြဘနန်းပါတကား ။ အသက်ငယ်ရွယ်ပြီး
တင့်တယ်သော-မိန်းမငယ်လေး၏သဒ္ဒါစိတ်အပေါ် ကြည်ညိုသလိုလိုဖြစ်မိ၍ ကျွန်ုပ်လည်း လက်ထဲက သရက်သီးကို
ထိုလုံမထံ ပေးကမ်းလိုက်ပြီး…
“ ကဲ…ကဲ…ရော့…ဘာမှမစားဘဲ မနေနဲ့ သူငယ်မ ။ ဒီသရက်သီးကို စားလိုက် ။”
ဟုဆိုခဲ့သည် ။
လုံမငယ်က ကျွန်ုပ်၏ရက်ရောမှုအတွက် ကျေးဇူးအထွေထွေတင်ရှိကာ သာဓုခေါ်လေသည် ။ သူမ၏သာဓုခေါ်သံကို
ကြား သည့်အခါ ကျွန်ုပ်မှာ မဖြစ်စဖူး ကြည်နူးပီတိ ဖြစ်ခဲ့မိပါ၏ ။ ထိုကောင်းမှုသည် ကျွန်ုပ်ဘဝတလျှောက်
ရှားတောင့်ရှားပါးပြုခဲ့မိသော ဒုတိယမြောက် ကောင်းမှုဖြစ်သည် ။
{{{{{
ထိုဘဝမှ သေလွန်သော် ကျွန်ုပ်ဟာ ဟိမဝန္တာတောအတွင်းရှိ
ကောသီကီမြစ်အနီး၌ ယူဇနာသုံးဆယ်ပမာဏရှိသော သရက် ဥယျာဉ်ခြံကို အစိုးရသည့် ရွှေဗိမာန်ရှင်-ဝေမာနိက
နတ်ပြိတ္တာဖြစ်ခဲ့သည် ။ ညအခါတွင် နတ်သားတို့ ခံစားအပ်သော ဆန်းကြယ် များပြားလှသည့်-နတ်စည်းစိမ်တို့ကို
နတ်သမီးတစ်သောင်းခြောက်ထောင်နှင့်အတူ ရွှေဗိမာန်ပေါ်ဝယ် ပျော်ပျော်ကြီး စံစားရသော် ငြား
ကျွန်ုပ်မှာမူ ပြည့်ပြည့်ဝဝ ပျော်မွေ့ရခြင်း မရှိခဲ့ ။ ဘယ့်နှယ့်လုပ် ပျော်နိုင်ပါ့မလဲ
။ အကုသိုလ်အတိတ်ကံက ကျွန်ုပ်၏နောက် မှာ လှည်းဘီးနောက်က-ဘီးရာပမာ ထပ်ကြပ်မကွာ လိုက်ပါလာသည်ပဲလေ
။
မနက်မိုးသောက် အာရုံကျင်းသည်နှင့် ကျွန်ုပ်
ပိုင်စိုးသော ရွှေဗိမာန်သည်လည်းကောင်း ၊ ကျွန်ုပ် အစိုးရသော-နတ်မိမယ် လေးများသည်လည်းကောင်း
၊ ကျွန်ုပ်၏ခန္ဓာကိုယ်မှ နတ်ဝတ်တန်ဆာဒွါဒရာများသည်လည်းကောင်း ဝေးလွင့်ကွယ်ပျောက်ကာ ရုတ်ချည်း
ပြိတ္တာဘဝသို့ ရောက်ပြီး ပြုခဲ့ရသည့်အကုသိုလ်ကံကြွေးတို့ကို ပေးဆပ်ရသည် ။ ခန္ဓာကိုယ်အနှံ့
မီးလျံတို့ လောင်မြိုက် ၍ လူးလိမ့်နေရရုံသာမက ကိုယ့်အသားကိုယ် ခွာစားရသည့် ဆိုးရွားလှသောပြိတ္တာဘဝတွင်
တစ်နေ့တာလုံး ဝဋ်ခံရသည် ။
နေ့အလင်းပျောက်ပြီး ညရောက်သည့်အခါမှ ကျွန်ုပ်၏နတ်ခန္ဓာနှင့်
နတ်မြောက်တန်ဆာတို့ တစ်ဖန်ပြန်ရောက်လာကာ ရွှေဗိ မာန်ပေါ်မှာ နတ်သမီးလေးများနှင့် တစ်ညတာကို
ပျော်ပျော်ပါးပါး ဖြတ်သန်းရပြန်သည် ။ သို့သော်…တစ်ညတာလုံး စိတ်လွတ် ကိုယ်လွတ် မပျော်မွေ့နိုင်ပါ
။ မနက်မိုးသောက်လျှင် ငရဲရောက်ရမည့်ကိစ္စကို သတိရကာ ကျီးလန့်စာစားဖြစ်နေခဲ့ရသည်ချည်း
။
ဘုရင်မင်းတရားကို မှီး၍ ရရှိခဲ့သော နေ့တစ်ဝက်သီလနှင့်
သရက်သီးဒါနအကျိုးတို့ကြောင့် ညအခါ၌ နတ်စည်းစိမ်ကို ခံစား ရခြင်းဖြစ်သလို တံစိုးလက်ဆောင်တို့ကို
ယူ၍ လာဘ်စားခဲ့သောအကုသိုလ်ကံကြောင့် ယခုကဲ့သို့ ပြိတ္တာဘဝဖြင့် ကိုယ့်အသား ကိုယ် ခွာယူစားမြိုနေရသော
နေ့ငရဲကို ခံစားရခြင်းပင်ဖြစ်၏ ။
နောင်တတရားဟူသည်မှာ နောင်မှသာ ဖြစ်ပေါ်လေ့ရှိစမြဲ
။ ကျွန်ုပ်သည်လည်း ပြုခဲ့မိသော-မကောင်းမှုတို့အတွက် ယခုအခါ ၌ နောင်တရနေပြီဖြစ်သော်လည်း
အရာရာ အချိန်လွန်ခဲ့ပြီမို့ ကံရှိသရွေ့တော့ အရုဏ်လင်းတိုင်း ပြိတ္တာဘဝဖြင့် ကြီးမားလှသော-ဆင်းရဲဒုက္ခတို့ကို
ခံယူရင်း ပေးဆပ်နေရဦးမည်သာ ။ လောက၌ အကုသိုလ်အကျိုးဆက်သည် ကြောက်မက်ဖွယ် ကောင်းလှပါဘိ
တကား ။ ။
( ၅၅၀နိပါတ်တော် … ကိံဆန္ဒဇာတ် )
စေတနာရှေ့ထားလျက်…
ဂါဦးနွန်းကို
https://www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
