လိမ်လို၍ မဟုတ်ပါ…
( ၂၀၁၂-၂၀၁၃ ရန်ကုန်ကွန်ပျူတာတက္ကသိုလ် နှစ်လည်မဂ္ဂဇင်းတွင် ဖော်ပြခံရသော ဝတ္ထုတစ်ပုဒ်ဖြစ်သည်)
ရေးသူ - မိနွန်းကို(ကွန်ပျူတာတက္ကသိုလ်)
--------------------------------------------------------------------------------------------------------------------
‘ ငါနဲ့
တွေ့ရတော့မှာမို့ သူ ရင်တွေ ခုန်နေမလား ’…
ဖြူစင်ဟိန်း
စိတ်ပူနေမိသည် ။ စားပွဲကို တတောက်တောက်ခေါက်ကာ လက်ဆော့ရင်း စိတ်ပူပန်မှုကို လျော့နည်းသွားစေရန်
ကြိုးစားနေမိသော်လည်း ဖြူစင်ဟိန်းရဲ့စိတ်ပူပန်နေမှုတွေက နည်းနည်းမျှပင် မလျော့ ။ အမှန်တော့
သူဟာ သူတစ်ပါးရဲ့ အချစ်စိတ်ကို သူ့အတွက် ဖျော်ဖြေမှုသက်သက်အဖြစ် အသုံးချခဲ့မိခြင်း
ဖြစ်သည် ။ မိမိလုပ်ရပ် မှားသွားမှန်းကို ဖြူစင်ဟိန်း ရုတ်ချည်း နောင်တရမိပေမဲ့ နောက်ဆုတ်ရန်
သူ့အတွက် အချိန် မမီတော့ ။
“ ဟုတ်တယ်…ယောက်ျားလေးတွေက မိန်းကလေးတွေထက်စာရင်
ပိုပြီး အချစ်ကြီးကြတယ် ။ ဒုက္ခပါပဲ ။”
သူ
အသံထွက်ကာပင် ညည်းတွားလိုက်မိသဖြင့် နဘေးကစုံတွဲခမျာ သူတို့ကို ပြောလေသလားဟူသောသဘောနှင့်
မယုံ သင်္ကာလှည့်ကြည့်ရှာသည် ။ သို့ကြောင့် ဖြူစင်ဟိန်းလည်း သူ မပြောလိုက်သလိုပုံစံနှင့်
အအေးကိုသာ ဇွတ်မဲသောက်နေ လိုက်တော့သည် ။
လိမ်ချင်လို့ မဟုတ်ရပါဘူးကွာ…
“ဟူး…”
ဒီတစ်ခါတော့
စိတ်ထဲကစကားလုံးတွေ အပြင်မထွက်စေရန် လေပူတစ်ချက်ကိုသာ ဟူးခနဲ မှုတ်ထုတ်လိုက်ရသည် ။
ခက် ချေပြီ…။ အခုမှ ထထွက်သွားပြီး တစ်မျိုးလှည့်ပတ်ပြောရင် ကောင်းမလား ။ ဒီလိုကျပြန်တော့လည်း
သူ့ကိုသူ ယောက်ျား မပီသ…ဟု ဖြူစင်ဟိန်း ဝေဖန်မိသည် ။ ထပ်ပြီး မလှည့်စားသင့်တော့ ။ သူ့နေရာမှာ
ငါသာဆိုရင်ဆိုတဲ့ ကိုယ်ချင်းစာစိတ်လေး တော့ရှိမှ ဖြစ်မှာပေါ့ ။ နောက်ပြီး ကျန်ရစ်ခဲ့သူအတွက်လည်း
ငဲ့ရဦးမည် ။ အတွေးပေါင်းစုံကိုလည်း တွေးရင်း တပြိုင်နက်ဆို သလို မျက်စောင်းထိုးစားပွဲဆီက
မိန်းကလေးကိုလည်း မျက်ခြေမပျက် စောင့်ကြည့်နေမိသည် ။ သူ စိတ်မရှည်လို့ ထထွက် သွားလျှင်လည်း
တစ်ဒုက္ခ ။
အပြန်ပြန်အလှန်လှန် လျှောက်တွေးရင်း နာရီကို
ကြည့်လိုက်တော့ ဆယ်နာရီခွဲသွားပြီ ။ သူ ရောက်လာတော့မည် ။ ကဲကွာ…ဖြစ်ချင်ရာဖြစ် ငါလုပ်ခဲ့တဲ့အရှုပ်ထုပ်အတွက်
ငါ ဒီနေရာမှာ ရှိနေမှ ဖြစ်မယ်…ဟူ၍ စိတ်နှလုံးကို ဒုန်းဒုန်းချပစ်လိုက်မှ သာ အနည်းငယ်
နေသာထိုင်သာရှိသွား၏ ။ သို့နှင့် ပြဿနာရဲ့အစကို ပြန်တွေးမိတော့ ဖြူစင်ဟိန်း၏အာရုံတွင်
အတိတ်မှ ပုံရိပ်တွေက တရေးရေးပေါ်လာတော့သည် ။
YYYYYYYYYYYYYYYYYYYYYYYYYYYYYYYYYYYYYYYYYYYYYYY
ဖြစ်ပျက်ခဲ့သမျှ
ပြဿနာတွေအားလုံး ကျွန်တော်ကချည်း စ,ခဲ့တာ မဟုတ် ။ ဇာတ်ကြောင်းကို လှန်ရရင် သမရိုးကျ
အွန်လိုင်း(online)အချစ်ဇာတ်လမ်းတစ်ခုသာ ။
ကျွန်တော်
အွန်လိုင်းသုံးတတ်တာ သိပ်မကြာလှသေးပါ ။ gmail account စဖွင့်တော့ အကောင့်နာမည်ကို ဖြူစင်
(phyu sin)လို့ပဲ အတိုကောက်ပေးလိုက်မိရဲ့ ။ ဟုတ်တယ်လေ…ကျွန်တော့နာမည်က ဖြူစင်ဟိန်း
မဟုတ်လား ။
ဂျီတော့သုံးတတ်တာ တစ်လခွဲနှစ်လကျော်နဲ့တင်
နည်းနည်း ကျွမ်းကျင်စ,ပြုလာပြီ ။ မိတ်ဆက်တတ်ပြီ ။ ကောင်မလေး တွေကို ကြူသလိုမျိုး နောက်သလိုရွှတ်သလို
ပြောတတ်နေပြီ ။ ဒါပေမဲ့ ဘယ်သူ့ကိုမှတော့ အတည်အတန့်ကြီးမဟုတ်ပါဘူး ။ ခပ်ပေါ့ပေါ့ပဲ သဘောထားခဲ့တယ်
။
ကျွန်တော်ကိုယ်တိုင်ကလည်း အချစ်ရေးမှာ ခပ်ညံ့ညံ့ရယ်…ချစ်တယ်
ကြိုက်တယ်ဆိုတာကို ရုပ်မမြင်ရဘဲ ပြောချင်ရာ ပြောနိုင်နေတဲ့ ဒီအွန်လိုင်းပေါ်မှာတောင်
နည်းနည်းမှ မပြောရဲ ။ အပြင်မှာဆို ကောင်မလေးကို မြင်တာနဲ့ ထိတ်လန့်တုန်လှုပ် ပြီး ပါးစပ်အာစေးထည့်ထားသလို
စကားတစ်လုံးတစ်လေမှ ထွက်မလာတာကြောင့်လည်း ခုလို အသက်(၂၀)အရွယ်ထိ ရည်းစား တစ်ယောက်မှ
မရဘဲ တစ်ကိုယ်တည်း ဖြစ်နေရတာဆိုပါတော့ ။
တစ်နေ့ ရှိုင်း(shine)ဆိုတဲ့ အကောင့်(account)တစ်ခုက
လာမိတ်ဆက်တယ် ။ စစချင်း နှုတ်ဆက်ပုံကလည်း…
“ ဟိုင်း…ဟိတ်ကောင်မလေး…” တဲ့…
ကျွန်တော်လည်း
ချော်လဲရောထိုင်လုပ်ပစ်လိုက်ကာ…
“ ဟုတ် မင်္ဂလာပါ အကို ။”
လို့
ခပ်နွဲ့နွဲ့ ပြန်နှုတ်ဆက်လိုက်တာပေါ့ ။ အဲဒီမှာ ဇာတ်လမ်းက စ,တော့တာပဲ ။
“ ကိုယ့်နာမည်က ရှိုင်း ။ မင်းနာမည်ကရော…”
ဆိုတော့
ကျွန်တော်လည်း အမှန်အတိုင်းပဲ …
“ ဖြူစင်လို့ ခေါ်ပါတယ် ။”
လို့
မိတ်ဆက်မိတော့ …
“ ချစ်စရာလေးနော် ။ မင်းက နာမည်လေးနဲ့ လိုက်အောင်
ဖြူဖြူစင်စင်လေး ဖြစ်ရမယ် ”…တဲ့ ။
ဒီတစ်ဗွေက
အတည်ကြီးလာကြွေနေပေမဲ့ ကျွန်တော့်မှာတော့ အူနှိပ်နေရတယ် ။ ဒါနဲ့ ပျော်စရာကောင်းမှန်း
ရယ်စရာကောင်း မှန်း သိတော့ ကိုယ်ကလည်း ပြန်ကြူမိတယ် ။
“ အကိုက ဘယ်လို ထင်လဲ ။ ဖြူစင်ကတော့ ခုချိန်ထိ
ချစ်သူတောင် မရှိသေးဘူး ။” …
လို့
ပလီပလာတွေ ထွေခင်းလိုက်မိတယ် ။ ဟုတ်လည်း ဟုတ်တာပဲလေ ။ ကျွန်တော်မှ ချစ်သူ မရှိသေးတာ
။ လိမ်တာ မဟုတ်ဘူးလေ ။ ဒါပေသိ ဘဲကြီးရဲ့စိတ်ထဲမှာတော့ ဖြူဖြူဥဥနုနုထွတ်ထွတ်လေးလို့
တွေးနေရှာမှာပဲ ။ ကျွန်တော့်မှာ အဲ့ဒီ့လို တွေးမိလေ ရယ်ချင်လေပဲ ။
“ ကိုယ်ကတော့ ရည်းစားတွေ အများကြီးပဲ ။ ဒါပေမဲ့
ချစ်သူ မတွေ့သေးဘူး ။ အခုတော့ နီးစပ်နေပြီထင်တာပဲ ။”
သူ့ပြန်စာလေးဖတ်မိတော့
စားပွဲကို တဒုန်းဒုန်းထုပြီး ရယ်မိတယ် ။ ဘဲကြီးက ရဲတင်းပါ့ ။ တွေ့တာနဲ့ ကြူနေတော့တာပဲ
။ ကောင်မလေးတွေ အတော်မျက်စိနောက်မယ်ဆိုတဲ့အတွေးနဲ့ ကျွန်တော်လည်း အမြင်ကပ်ကပ်နဲ့ ပြန်ကြူမိတယ်
။
“ ဟုတ်လား ။ တွေ့ရင်လည်း ယူလိုက်တော့ပေါ့ ။ ဘာဖြစ်လို့
ဒို့နဲ့ စကားလာပြောနေသေးလဲ ။ အသည်းခွဲချင်လို့လား ။”
“ အို့…တွေ့ပါပြီဆိုမှ စကားမပြောလို့ဖြစ်မလား ။
ဒါနဲ့ ဘယ်မှာနေလဲ ။”
အဲ့ဒီ့နောက်မှာတော့
ကျွန်တော့်အကြောင်းတွေ မေးလိုက်တာ စုံလို့…။ ကျွန်တော်ကလည်း အားကျမခံ သူ့အကြောင်းတွေ
ပြန်မေးရင်း ညနက်လာလို့ အတင်းစကားဖြတ်ပြီး နှုတ်ဆက်လိုက်ရတယ် ။ ဒါတောင်မှ…
“ နက်ဖြန် ဒီအချိန်တော့ တွေ့ခွင့်ပေးပါနော် ။ ကိုယ်
စောင့်နေမယ် ။ good night ဖြူ ။ sleep well sweet dream !
take care your health…”
တဲ့
။ တော်ရုံတန်ရုံကောင်မလေးဆို ကြွေသွားလောက်အောင် ကြူတတ်လိုက်တာ ။ ကျွန်တော်တောင် သူ့ဆီက
အတုယူရ မယ်လို့ တွေးလိုက်မိတယ် ။
YYYYYYYYYYYYYYYYYYYYYYYYYY
နောက်တစ်နေ့ညလည်း တွေ့တာပါပဲ ။ မတွေ့ရှိပါ့မလား
။ ကျွန်တော်ကလည်း အဲ့ဒီ့အချိန်ပဲ ထိုင်ဖို့အားတာလေ ။ တွေ့ တာနဲ့ ပလီပလာစကားတွေနဲ့ ကြူဇယားခင်းတော့တာပဲ
။ ကျွန်တော့်မှာ ရယ်ကလည်း ရယ်ရ ၊ အမြင်ကလည်း ကပ် ၊ ပြန်က လည်း ကြူနဲ့ …အခြားသူတွေနဲ့တောင်
မချက်(chat)ဖြစ်တော့ဘူး ။
သူနဲ့ချက်ရတာ ရယ်လည်း ရယ်ရတယ် ။ ရယ်ရတာက ရယ်စရာပြောတာမဟုတ်ဘဲ
ရယ်နေရတာ ။ တစ်ခါတစ်လေ လည်း ကျွန်တော်က ရယ်စရာတွေ လုပ်ပစ်မိတယ် ။ ဥပမာ သူက အရက်သောက်တတ်တယ်လို့ဆိုလာရင်
ကျွန်တော်က…
“ ကောင်းတာပေါ့ ယောက်ျားလေးပဲ သောက်ပေါ့ ။ ဖြူကတော့
တစ်ခါမှ မသောက်ဖူးဘူး ။ သောက်ကြည့်ချင်လိုက်တာ ။
သောက်ပြီး မူးချင်တယ် ။ မူးပြီးရင် My girlကားထဲက
လီဒါဟေးက မင်းသားကို ရစ်သလိုမျိုး ကိုရှိုင်းကို ရစ်ချင်တယ် ။”
“ ကိုရှိုင်းကလည်း အဲ့ဒီ့မင်းသားက လီဒါဟေးကို ပွေ့သလိုမျိုး
ဖြူလေးကို ပွေ့ချင်တယ် ။” တဲ့လေ ။
အမလေး…ကျွန်တော်တောင်
အသည်းတွေ ယားသွားတယ် ။ အပြောရဲလိုက်တာ လွန်ရော ။ ကောင်မလေးတွေများသာဆို ရင်တွေဘာတွေ
လှိုက်ဖိုသွားမှာ အသေအချာပဲ ။
“ နောက်ပြီးတော့ မူးပြီး ကိုရှိုင်းပေါ် အန်ချချင်တာ
။”
“ ကိုရှိုင်းကလည်း မင်းသမီးကို မင်းသား အကြင်နာပေးသလိုမျိုး…အဲ
ဖြူကို အကြင်နာမေတ္တာတွေထားပြီး ခွင့်လွှတ်မယ်
လို့ ပြောတာ ဟိဟိ ။ ကောင်မလေး အတွေးပေါက်ပြီး
ရင်ခုန်မသွားနဲ့ဦးနော်…” တဲ့ ။
အဟားဟား…ရင်တော့
မခုန်ဘူး ကိုရှိုင်းရေ ။ အူတော့ နာလို့ သေတော့မယ်လို့ ကျွန်တော် အပြင်မှာ အော်ပြောနေမိတယ်
။
ဘာပဲပြောပြော
ကျွန်တော် သူ့ကို အမှန်အတိုင်းမပြောသေးဘဲ တစ်လနီးပါးလောက် ကောင်းကောင်းကြီး နောက်နေမိတယ်
။
တစ်ရက် အိပ်ခါနီးနှုတ်ဆက်တော့ သူက တစ်ခုထပ်တောင်းဆိုပြန်ရော
။ ဓါတ်ပုံပြပါလား…တဲ့ ။ ကျွန်တော်က ပြော လိုက်တယ် ။ အိမ်သာထဲမှာ တပုံကြီးပဲ ။ ကိုယ့်ဘာသာကြည့်လို့
။
“ ကိုယ် အတည်ပြောတာပါ ဖြူရယ် ။ ဖြူ့ပုံလေးကို ကိုယ်
အရမ်းမြင်ဖူးချင်တယ်…။”
“ ကဲ…ဒီလောက်ဖြစ်နေမှတော့ နက်ဖြန် တင်ပေးမယ် ။
ကျေနပ်တော့ ။”
“ ချစ်စရာကောင်းလိုက်တဲ့ဖြူလေး ။ fly kiss…”
“ ဝေါ့…သေလိုက် မယူဘူး ။”
ကျွန်တော်
အလျှင်အမြန်ရေးလိုက်ပေမဲ့ သူကတော့ sign outလုပ်သွားပြီ ။ နောက်တစ်နေ့ ဓါတ်ပုံအတွက်
ကျွန်တော် အကြံ ဥာဏ်ထုတ်ရတော့မယ် ။
YYYYYYYYYYYYYYYYYYYYYYYYYY
“ ဟယ်…ဖြူက ကိုယ်ထင်ထားတာထက်တောင် လှသေးတယ် ။”
“ ကိုရှိုင်းလည်း ချောတာပါပဲ ။ နေတိုးနဲ့တောင်
ဆင်သလိုလို ။”
အမှန်လည်း
ဟုတ်တယ် ။ ကိုရှိုင်းဆိုတဲ့ငနဲရဲ့ပုံ ဟုတ်မဟုတ်တော့ မသိပေမဲ့ အသားဖြူဖြူ အရပ်မြင့်မြင့်နဲ့
လူချောတစ် ယောက်ရဲ့ပုံ ။ နောက်ပြီး မှတ်ပုံတင်ပုံဖြစ်နေတာကြောင့် အမှန်လို့ ယူဆရမလား
မပြောတတ်ပေါင် ။
သြော်…ကျွန်တော်လား ။ သိပ်မခက်ပါဘူး ။ ကျွန်တော့်သူငယ်ချင်းမ
ထားသုဝေရဲ့ပုံကို ယူသုံးထားတာလေ ။ သူ့ကိုတော့
ဒီအကြောင်း ပြောပြလို့ ဘယ်ဖြစ်ပါ့မလဲ ။ ဒါပေသိ သူ့အတွက်ကတော့ စိတ်ပူစရာ မရှိပါဘူး
။ သူက ခပ်ရှုပ်ရှုပ်ငပွေးမဆို တော့ လမ်းမှာဆုံလို့ မှတ်မိပြီး အဲ့ဒီ့ဘဲကြီးနဲ့ငြိသွားရင်လည်း
အေးတာပါပဲ ။
တစ်ခါကလည်း ဒီလိုပဲ အပျော့ဆွဲဆွဲပြီး ကျွန်တော့်ဆီက
ဖုန်းနံပါတ်ကို ခဏခဏတောင်းနေတာကြောင့် ကျွန်တော်လည်း ရှည်ကြောထပြီး ပေးလိုက်မိတယ် ။
သူ ဖုန်းဆက်လာတော့ ကျွန်တော့်မှာ မကိုင်ရဲဘူး ။ ကိုင်ရင်လည်း ကျွန်တော့် ဒီအသံ ကြီးနဲ့
ဘယ်လိုလုပ်ပြောလို့ရမှာလဲ ။ နောက်ပြီးမှ အကြောင်းပြချက်တစ်ခုကို အလျှင်အမြန်ပေးလိုက်ရတယ်
။ မိဘတွေ ဆူ မှာစိုးလို့ပါ ကိုရှိုင်းရယ်လို့…။
ဒီလိုနဲ့
နောက်ပိုင်းမှာ သူက ကျွန်တော့်ကို အတည်ကြီးကို ကြံလာပါရောလား ။ ကျွန်တော့်မှာလည်း ဒုက္ခတွေ
ရောက် ။ အခုချိန်ကျမှ အမှန်အတိုင်း ဖွင့်ပြောလိုက်လို့ သူက အခဲမကျေဘဲ ဓါတ်ပုံအတိုင်း
လိုက်ရှာပြီး ထားသုဝေကို ပြဿနာရှာမှာ လည်း စိုးရိမ်နေရတယ် ။ နောက်ပြီး ထားသုဝေကို ဆစ်ဆစ်ပေါက်ပေါက်မေးပြီး
ကျွန်တော့်ကို လိုက်ရှာသတ်မလား မပြော နိုင်ဘူးလေ ။ အချစ်အတွက် နာကျည်းလာရင် ယောက်ျားဆိုတဲ့အမျိုးက
မိန်းမတွေလို မျက်ရည်ကျပြီး ကြေကွဲတတ်တာ မဟုတ်ဘဲ ဒေါသထွက်ပြီး ပေါက်ကွဲတတ်တာမှန်း ကျွန်တော်ကိုယ်တိုင်
ယောက်ျားတစ်ယောက်မို့ နားလည်သဘောပေါက် ပြီးသား ။
အဲ…သတ်တာက အရေးမကြီးဘူး ။ ယောက်ျားချင်းကြီးလည်း
ဖြူစင်ဟိန်းက ကြူတာပဲ…လို့ မောင်းကွဲမ-ထားသုဝေက ကောင်းကောင်းကြီး သတင်းဖြန့်လိုက်ရင်
အပေါင်းအသင်းတွေကြားထဲမှာ ကျွန်တော် အရှက်ဗြန်းဗြန်းကွဲမှာစိုးတာနဲ့ မျှောနေ လိုက်မိတာ
နောက်ဆုံး အပြင်မှာတွေ့ဖို့ ချိန်းတဲ့အထိဖြစ်တော့တာပဲ ။ ကျွန်တော့်မှာ ငြင်းရအခက် လက်ခံရအခက်နဲ့
ရယ်ခဲ့ ရတာတွေနဲ့မှ မတန်အောင် ဒုက္ခပင်လယ်ဝေပါလေရော ။ အဒေါ်အပျိုကြီးကို အကူအညီတောင်းဖို့ကလည်း
ဓါတ်ပုံပြပြီးသား ဖြစ်နေပြီ မဟုတ်လား ။
“ လုပ်ကြပါဦးဗျာ…ကျွန်တော် ဘာလုပ်ရမလဲ ? ကျွန်တော်
ဘာလုပ်ရမလဲ ?”
YYYYYYYYYYYYYYYYYYYYYYYYYY
“ ကျွီ…ချလွင် ချလွင် …”
အတိတ်ပုံရိပ်တွေထဲ
လွင့်မြောနေတုန်း တံခါးပွင့်လာသံကြားလို့ ကျွန်တော် ရင်ခုန်ခုန်နဲ့ မော့ကြည့်မိတော့
အမျိုးသား တစ်ယောက် ဖြစ်နေတယ် ။ သူ့မျက်လုံးတွေကို အခန်းတစ်ဝိုက် ဝေ့၀ဲလိုက်ရင်းမှ
တစ်ယောက်တည်းဖြစ်နေတဲ့ကျွန်တော့်ကို အသေအချာလှမ်းကြည့်လိုက်ပြီး ဖုန်းနံပါတ်ကို ကောက်နှိပ်နေတာလည်း
တွေ့ရော ကျွန်တော် သွေးပျက်သွားခဲ့ရတယ် ။
‘ ကျွန်တော့်ဖုန်းများ မြည်လာလေမလား…’
ကျွန်တော့်မှာ
ဖုန်းလည်း ပိတ်ချင် ၊ သူ့ရှေ့မှာ ပိတ်ဖို့ကလည်း မရဲနဲ့ ဖြစ်ချင်တာ ဖြစ်ပလေ့စေတော့လို့သာ
အောက်မေ့လိုက် တော့တယ် ။
“ ဟိတ်ကောင်တွေ မင်းတို့ မရောက်ကြသေးဘူးလား ။ ဒီမှာ
ငါ ရောက်နေပြီ ။”
ထိုကောင်လေး
တစ်ဖက်နဲ့အပြန်အလှန်စကားပြောနေမှသာ ကျွန်တော့်မှာ စိတ်သက်သာရာရသွားတယ် ။ သြော်…ဒုက္ခ ဒုက္ခ ။ အဲ့ဒီ့အချိန်မှာ ကောင်မလေးတစ်ယောက် ဆိုင်ထဲကို
ဝင်လာပြန်တယ် ။ ကောင်မလေးရဲ့မျက်လုံးတွေကလည်း ထို နည်းလည်းကောင်း ဆိုင်ထဲက လူပေါင်းစုံကို
ဝေ့၀ဲကြည့်လိုက်ပြီး သူ့အကြည့်တွေက ကျွန်တော်နဲ့မျက်စောင်းထိုးက ကောင်မလေးဆီလည်းရောက်ရော
အနည်းငယ်ပြောင်းလဲသွားသလို ဖြစ်သွားပြီးကာမှ ကျွန်တော်နဲ့မျက်နှာချင်းဆိုင်စားပွဲမှာ
ဝင်ထိုင်လိုက်တယ် ။
ဒီအခါကျမှပဲ ကျွန်တော်လည်း ထိတ်လန့်နေတဲ့စိတ်တွေ
စုစည်းသွားမိသလို ခံစားလိုက်ရတယ် ။ ကောင်မလေးက ခပ်မိုက်မိုက်လေးရယ် …ကောင်းဘွိုင်ဘောင်းဘီအကျပ်နဲ့
အင်္ကျီအကွက်လက်ရှည်ကို ခပ်ရိုးရိုးဝတ်ဆင်ထားပေမဲ့ ဖြူသွယ် သွယ်သူ့ပုံစံလေးနဲ့ အတော့်ကို
လိုက်ဖက်လှတယ် ။ ကောင်မလေးက စားပွဲထိုး(waiter)ကို လိမ္မော်ရည်တစ်ခွက် မှာယူ လိုက်ပြီး
သူ့ကို စူးစူးရှရှကြည့်နေမိတဲ့ မျက်နှာချင်းဆိုင်မှကျွန်တော့်ကို အကဲခတ်သလိုပြန်ကြည့်နေတာကြောင့်
ကျွန်တော် လည်း ရှက်ရှက်နဲ့ ခေါင်းငုံ့လိုက်မိရဲ့ ။
ထိုအခိုက် အခန်းတံခါးထိပ်မှာ ချိတ်ဆွဲထားတဲ့ဆွဲလဲလေး
လှုပ်ခါရမ်းသွားပြန်တယ် ။ မော့ကြည့်လိုက်တော့ တွေ့လိုက် ရတဲ့သူကြောင့် ကျွန်တော် အသက်ရှူသံတွေ
အေးခဲသွားမိတယ် ။ ၀င်လာသူက ရှိုင်း…ဓါတ်ပုံထဲကအတိုင်း အသားဖြူဖြူ အရပ်မြင့်မြင့်ရယ်
။ သူက အခန်းထဲကို ဝေ့၀ဲကြည့်လိုက်ပြီး ကျွန်တော့်ကို ဖုတ်လေတဲ့ငပိ ရှိတယ်လို့ပင် သဘောမထားဘဲ
ကျွန်တော်နဲ့မျက်စောင်းထိုးက ကောင်မလေးဆီ တန်းတန်းမတ်မတ်လျှောက်သွားလိုက်ပြီး…
“ ဟို…မဖြူစင်လား မသိဘူး ။”
“ ရှင်…! သြော်…………ဟုတ်ကဲ့ ။”
ထားသုဝေက
စာဖတ်နေရာကနေ ရုတ်တရက်အမေးခံလိုက်ရတော့ ယောင်တောင်ပေါင်တောင်ဖြစ်သွားပုံရတယ် ။ သြော်…
ဟု အသံရှည်ကြီးဆွဲထားကာ ခဏကြာမှ သတိရသွားပြီး ဟုတ်ကဲ့လို့ ဖြေလိုက်တယ် ။ ကျွန်တော့်မှာလည်း
ထားသုဝေ ဘာ တွေများ တလွဲပြောမိတော့မလဲလို့ ရင်တထိတ်ထိတ် စောင့်ကြည့်နေမိရဲ့ ။ ကျွန်တော်က
ထားသုဝေကို ဖြစ်ရပ်အစုံကို အကျဉ်းချုပ်ပြောပြထားပေမဲ့ အသေးစိတ်ကိုတော့ သူ ဘယ်သိပါ့မလဲ
။ တော်ကြာ ကျွန်တော်တို့ မပြောဖူးတဲ့စကားတွေ ပြောလိုက်လေမလားလို့ စိုးရိမ်နေတာနဲ့ မျောက်မီးခဲကိုင်ထားသလို
ကဏှာမငြိမ်ဖြစ်နေတာပေါ့ ။
အွန်လိုင်းမှာချစ်တဲ့ချစ်သူအများစုက ရုပ်ရည်ထက်
စိတ်နေသဘောထားနဲ့အပြောအဆိုကို စွဲလန်းနှစ်ခြိုက်လို့ ချစ်ကြိုက် သွားကြတာများတော့ တော်ကြာ
ထားသုဝေ၏လှပချောမောတဲ့မျက်နှာလေးကို မကြိုက်ဘဲ ကျွန်တော့်ရဲ့မဟုတ်တမ်းတရား အပြောအဆိုတွေကို
နှစ်သက်မြတ်နိုးနေမှဖြင့် ကျွန်တော့်မှာ ဒုက္ခလှလှကြီးတွေ့သွားရမှာကို စိုးရိမ်လွန်းလို့
သူတို့ နှစ်ဦးသား အဆင်ပြေပါစေလို့ အသံတိတ်ဆုတောင်းနေမိတယ် ။
တစ်နာရီလောက်ကြာပေမဲ့ ကျွန်တော့်အတွက်တော့ တစ်ကမ္ဘာလောက်
ကြာသလိုပဲ ။ ခဏကြာတော့ သူတို့နှစ်ယောက် အပြင်သွားကြဖို့ ထလိုက်ကြတယ် ။ ကျွန်တော့်မှာလည်း
အိနြေ္ဒမရစွာဘဲ သူတို့နှစ်ယောက်ကို အပြူးအပြဲကြည့်ရင်း သွားမှ သွားကြပါ့မလား…ဘာတွေများလွဲကြဦးမလဲ…စိုးရိမ်နေမိပေမဲ့
သူတို့နှစ်ယောက်ကတော့ အခန်းထဲကနေ ပေါ့ပေါ့ပါးပါးနဲ့ထွက် ခွာသွားကြတယ် ။ ကျွန်တော်လည်း
အဲ့ဒီ့အခါမှပဲ ရင်ထဲကအလုံးကြီး ကျသွားတော့တယ် ။ ဒီနှစ်ယောက် မြန်မြန်ညားပါစေ လို့သာ
တွင်တွင်ကြီး ဆုတောင်းပေးလိုက်မိရဲ့ ။
စောစောက ရင်တွေပူနေရလို့ မှာထားတဲ့စတော်ဘယ်ရီဖျော်ရည်ကို
အခုမှပဲ အေးအေးဆေးဆေးသောက်နိုင်တော့ တယ် ။ ဟိုနှစ်ယောက်က အဆင်ပြေပြေထွက်သွားကြပြီလေ
။ ဒီအချိန်မှာပဲ တတီတီနဲ့ ကျွန်တော့်ဖုန်းထဲကို မက်စေ့ရ်ှတစ် စောင် ဝင်လာတယ် ။ ရင်တထိတ်ထိတ်နဲ့
ဖွင့်ကြည့်မိတော့ ပို့လိုက်သူက ထားသုဝေလေ ။
“ ဟိတ်ကောင် နင် ဘာမှမပူနဲ့တော့ ။ သူ့ကို ငါ အသေအချာလှည့်ပစ်လိုက်ပြီ
။ ဖြူစင်ဆိုတာ တကယ်တော့ အကောင့်
နာမည်ပါလို့ ။ နာမည်အရင်းက ထားသုဝေပါလို့ ။ နေရာလိပ်စာတွေကလည်း
ဒီအတိုင်းပဲလို့ပြောတော့ သူက စိတ်မဆိုး
တဲ့အပြင် ရပါတယ်တဲ့လေ ။ ငါနဲ့သူလည်း အဆင်ပြေသွားပြီဟ
။ သူ့ကိုတော့ ငါ နင့်ကိုအားနာလို့ အတည်တွဲပါ့မယ် ။
ရှိုင်းသီဟက အမှန်ပြောရရင် ရုပ်ချော သဘောဖြူ
လူအေးလေးဆိုတော့ ပြည့်စုံပါတယ် ။ နင် တော်တော်အရှာအဖွေ
ကောင်းတာပဲ ။ နောက်ထပ် ငါ့သူငယ်ချင်းတွေကိုလည်း
နင့်ပဲ ရှာခိုင်းရမယ်…”
…တဲ့ ။ ကောင်မစုတ် မက်စေ့ရ်ှပို့တာတောင် ကောင်းကောင်းမပို့ဘူး
။
သူတို့ထွက်သွားမှ
ကျွန်တော့်မှာလည်း နေသာထိုင်သာရှိပြီး အအေးကို ကုန်အောင် သောက်နိုင်တော့တယ် ။ အအေး
သောက်လို့ ရင်အေးသွားမှ စောစောက ကျွန်တော့်ကို စိတ်တည်ငြိမ်သွားစေနိုင်တဲ့မိန်းကလေးကို
တကျော့ပြန်ကြည့်လိုက်မိ တော့ သူက ကျွန်တော့်ကို စူးစူးရဲရဲကြီးစိုက်ကြည့်နေတာကို တွေ့လိုက်ရတယ်
။ သူ့အကြည့်က စုံထောက်က တရားခံကို စိုက်ကြည့်တတ်တဲ့ အကြည့်မျိုး…။
‘ ဟိုက်…ဘာဖြစ်လို့ပါလိမ့် …’
ကျွန်တော်လည်း
သူ့ကို မကြည့်ရဲလို့ ခေါင်းကိုသာ ငုံ့ထားလိုက်မိရဲ့ ။ မုန့်မြန်မြန်စားပြီး ဆိုင်က
လစ်ရင်ကောင်းမယ် ထင် တယ် ။
“ ဘယ်လိုနေရာတွေ ဝေးလို့သွားပါစေ ငါ့ရင်ထဲ မင်းတစ်ယောက်တည်း…¯¯¯”
ဘန်နီဖြိုးရဲ့အလွမ်းပြေအနမ်းသီချင်းလေးနဲ့အတူ
ကျွန်တော့်ဖုန်းလေး တုန်ခါရမ်းနေပါလား ။ ဖုန်းနံပါတ်ကို ကြည့်လိုက်တော့ ကျွန်တော် မသိတဲ့ဖုန်းနံပါတ်
။
“ ဟယ်လို…ဘယ်သူပါလဲ ။”
တစ်ဖက်မှ
ရုတ်တရက်အသံမကြား ။ ကျွန်တော် ဟယ်လို…ဟယ်လိုလုပ်နေတုံးမှာပဲ …
“ ဖြူ…ဟုတ်တယ် ဟုတ် ။ ရှင် ဖြူစင် မဟုတ်လား ။”
“ ခင်ဗျာ…”
ကျွန်တော်
သွေးပျက်မတတ် ရေရွတ်လိုက်မိရင်း ဦးခေါင်းတစ်ခုလုံးလည်း ခါခါလည်သွားမိတယ် ။ တစ်ဖက်က
မိန်းကလေး တစ်ယောက်ရဲ့တိုးတိုးမျှင်မျှင်အသံလေး…ထားသုဝေ တစ်ယောက်ယောက်ကိုများ လျှောက်ပြောထားသေးလား
။ ဒီအချိန်မှာ ပဲ ကျွန်တော့်နဘေးမှာ လူတစ်ယောက်လာရပ်လို့ မော့ကြည့်လိုက်မိတော့ တစ်ဖက်စားပွဲက
မိန်းမချောလေး ဖြစ်နေရဲ့ ။
“ သေပါတော့ ။ ရှိုင်းက ဖြူစင်ဆိုတာကို မိန်းကလေးပဲ
ထင်နေခဲ့မိတာ ။ ရှိုင်း နားလည်အောင် ပြောပြပါဦး ။”
သူမက
ကျွန်တော့်ရှေ့က မျက်နှာချင်းဆိုင်ထိုင်ခုံမှ ၀င်ထိုင်ပြီး ငယ်ပေါင်းကြီးဖော်သူငယ်ချင်းဒီဇိုင်းနဲ့
ကျွန်တော့်ကို မေးလိုက် တယ် ။ သူ့ကိုသူလည်း ရှိုင်း…တဲ့ ။ ကျွန်တော်လည်း ရုတ်တရက် နားမလည်နိုင်ဖြစ်နေရာက
တစ်စုံတစ်ခုကို ဒေါသထွက်ရန် သတိရမိတာကြောင့်…
“ နေပါဦး…ဒါဆို မင်းက မင်းက ကိုရှိုင်းပေါ့ ဟုတ်လား
။ မင်းကရော ဘာဖြစ်လို့ ယောက်ျားလေးလို့ လိမ်ရတာလဲ ။”
ကျွန်တော့်ရဲ့ရန်တွေ့စကားကြောင့်
သူက အပြုံးလွင်လွင်လေး ပြုံးလိုက်ပြီးမှ…
“ ခစ်ခစ်…တော်တော်ရယ်ရတဲ့အဖြစ်အပျက်ပဲ ။ စောစောက
ရှိုင်းရဲ့အကိုလေ ။ သူက သိပ်အရှက်အကြောက်ကြီးတာ ။
ဒါကြောင့် ရှိုင်းက အွန်လိုင်းကနေ သူ့အယောင်ဆောင်ပြီး
သူ့အတွက် ချစ်သူရှာပေးခဲ့တာ ။ ဒါနဲ့ ရှင်ကရော ဘာဖြစ်လို့
ကျွန်မ့ကို လိမ်ရတာလဲ ။ စောစောကတစ်ယောက်ကရော
ဘယ်သူလဲ ။ ကြည့်ရတာ ရှင်ကလည်း ကျွန်မနဲ့ အဖြစ်ချင်း
တူနေတာပဲလား ။”
ကျွန်တော့်မှာလည်း
လိမ်လိုလို့ မဟုတ်ပါဟူ၍ အစချီကာ နောက်ပြောင်ရာမှနေ ဘယ်လိုရှင်းရမှန်းမသိဖြစ်ခဲ့တဲ့အကြောင်းကို
အသေအချာရှင်းပြမိတော့ သူ့မှာ ရယ်လိုက်တာ အမော ။ ဇာတ်ကြောင်းဆုံးသွားတော့ သူက ဖြစ်မှဖြစ်ရလေလို့
ရေရွတ် လိုက်ရင်း…
“ ကဲ…မိတ်ပြန်ဆက်ကြတာပေါ့ ။ ရှိုင်းရဲ့နာမည်အပြည့်အစုံက
ရှိုင်းခတ္တာ ကိုဖြူစင်ရဲ့နာမည်ကရော ။”
“ ဟို…ဖြူစင်ဟိန်းပါခင်ဗျာ့ ။”
“ အာ…အရင်တုန်းကလို ရင်းရင်းနှီးနှီးပဲ ဆက်ဆံပါ
။ ဘာလဲ…ရှိုင်းကို မခင်ချင်ဘူးလား ။ ကိုဖြူစင်က ကောင်လေးတွေကို
ပဲ ခင်ချင်တာလား ။”
“ ဟ…ဘာတွေလျှောက်ပြောနေတာလဲ ။ ကောင်လေးတွေကိုပဲ
ခင်ချင်ရအောင် ကျွန်တော်က အခြောက်လား ။ ဟို…
ကျွန်တော်က မိန်းကလေးတွေရှေ့မှာဆို နည်းနည်းရှက်တတ်လို့…”
“ ကဲ…နောက်တာပါ ။ ဟုတ်ပါပြီ…လာ…ပြန်လည်ခင်မင်မှုအထိမ်းအမှတ်အနေနဲ့
ဆိုင်တစ်ဆိုင်ဆိုင် ဒိုးရအောင် ။ ဒီဆိုင်
မှာက အအေးပဲ ရတာ မဟုတ်လား ။ ရှိုင်း ဗိုက်ဆာနေပြီ
။ ကိုဖြူစင်ကော လိုက်ချင်ရဲ့လား ။”
ကျွန်တော်လည်း
နှစ်ခါခေါ်ရမယ့်အကောင်မှ မဟုတ်တာ ။ ကောက်ကောက်ပါသွားတာပေါ့…ရှိုင်းက ရိုးသားပွင့်လင်းပြီး
ချစ် စရာကောင်းတဲ့မိန်းကလေးတစ်ယောက်ဖြစ်သလို ကျွန်တော်ကလည်း အူတူတူအတတ ငကြောက်ဆိုတော့
အတော်ကို လိုက်ဖက်ညီနေတာပေါ့ဗျာ ။ ထားသုဝေဆိုတဲ့ကျွန်တော့်သူငယ်ချင်းငရှုပ်မလေးလည်း
ကိုရှိုင်းသီဟနဲ့ကျမှပဲ လက်ထပ်တဲ့အ ထိစီစဉ်ဖြစ်သွားတော့တယ် ။ သေချာတာကတော့ သူတို့စုံတွဲပြီးရင်
ကျွန်တော်တို့အလှည့်ပဲ ။ အဲ...တစ်ခုရှိတာက ချစ်ခွင့်ကို ကျွန်တော်က မပန်ရဲဖြစ်နေသေးတော့
ပွင့်လင်းရဲရင့်တဲ့ရှိုင်းခတ္တာလေးက ကျွန်တော် အီလေးဆွဲနေတဲ့အပေါ်မှာ စိတ်မရှည် ဖြစ်ပြီး
သူကပဲ ဇိုးဇိုးဇတ်ဇတ်ဖွင့်ပြောလာပါစေလို့ ကျွန်တော် ဆုတောင်းနေမိတာတော့ အမှန်ပါပဲ…။
(
ချစ်တတ်သူတိုင်းအတွက်! )
စေတနာရှေ့ထားလျက်…
မိနွန်းကို(ကွန်ပျူတာတက္ကသိုလ်)
https://www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
https://www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်သူချင်း နှစ်သက်ရာစာကို မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
