လူတစ်ယောက်နှင့်နွားတစ်ကောင်
( ၂၀၁၄ ဧပြီလထုတ် ဂမ္ဘီရလောကမဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ်ဖြစ်သည် )
ရေးသူ - ဂါဦးနွန်းကို
--------------------------------------------------------------------------------
“ မောင်သောင်းရေ…အရက်တစ်ပုလင်း မြန်မြန်ချကွာ…မြန်မြန်
မြန်မြန်…”
“ ကိုစံမြကြီးကတော့ ညနေစောင်းလူကျချိန်ဆို လုပ်ပြီ
။ တစ်နေကုန်သောက်လည်း ၀,မ၀နိုင်ဘူးတော် ။ ခဏပဲ
စောင့်…။ မောင်သောင်း …ကိုစံမြကြီးကို အရင်ချပေးလိုက်
။”
“ မယ်တုတ် နင် မသိပါဘူး ။ အသာနေစမ်းပါ…။ မောင်သောင်း…မင်း
အားတဲ့အချိန်ကျရင် လာခဲ့စမ်းပါဦးကွာ ။
ငါ ပြောစရာရှိလို့ပါ
။ ငါ…ပြော…ပြောမှဖြစ်မယ် ။ နို့မဟုတ်ရင် ငါ ကြောက်လို့သေလိမ့်မယ် ။”
“ ကဲ…ကဲ…ကိုစံမြ ကျွန်တော် အားတယ် ။ ပြော…ပြော…ဘာပြောမလို့လဲ
။”
“ ခဏ…ခဏ…ငါ နည်းနည်းမော့လိုက်ဦးမယ် ။…အေ့…။ အမလေး…အခုမှပဲ
နည်းနည်းအကြောက်ပြေတော့
တယ် ။ ငါ…ငါ ပြောတဲ့အကြောင်းကို မင်း ယုံမှာတော့
မဟုတ်ဘူး ။ ဒါပေမဲ့…ငါက ကိုယ်တိုင်ကြုံခဲ့ရတဲ့သူဆို
တော့ ငါ အမြင်မှားတာမဟုတ်မှန်း ငါသိတယ် ။ ငါ
နည်းနည်းမူးနေတယ်ထားဦးတော့ ။ ဒီလောက်ကြီး အမြင်
မှားစရာအကြောင်း မရှိဘူး ။ လူတစ်ယောက်နဲ့နွားတစ်ကောင်လုံး……အိုကွာ
! ငါ အမြင်မမှားသေးဘူး ကိုယ့်
လူ ။ ခုတော့ကွာ…အမလေး… ကြည့်စမ်းပါဦး ။ ပြန်တွေးတာနဲ့တင်
ငါ့လက်နှစ်ဖက်လုံး ကြက်သီးတွေ တဖြန်း
ဖြန်းထနေပြီ ။”
“ ကဲ…ဟုတ်ပါပြီ ကိုစံမြရယ် ။ ကျွန်တော် ကိုစံမြကို
ယုံပါတယ် ။ ကိုစံမြ ဘာဖြစ်ခဲ့သလဲသာ ခပ်မြန်မြန် ပြော
စမ်းပါ ။ ကျွန်တော်လည်း ပြီးရင် အလုပ်လုပ်ရဦးမှာ
။”
“ အေးကွာ…မင်း ယုံယုံ မယုံယုံ ငါတော့ ပြောမှာပဲ
။ ဒီလိုကွ…သရဲခြောက်တယ်လို့ ရွာထဲမှာ သတင်းကြီးနေ
တဲ့ နှစ်ချို့မန်ကျည်းပင်ကြီးလေကွာ ။ အဲ့ဒီ့မန်ကျည်းပင်ကြီးမှာ
သရဲခြောက်တယ် ပြောကြလွန်းလို့ ငါ မယုံ
တာနဲ့ စမ်းကြည့်မယ်လို့ တွေးပြီး စောစောကတင်
ဒီအရက်ဆိုင်ကနေ အဲ့ဒီ့မန်ကျည်းပင်ကြီးဆီကို ငါ တစ်
ယောက်တည်း ထွက်သွားခဲ့တာပဲ မောင်သောင်းရာ ။”
ÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙ
အရက်ဆိုင်မှ ထွက်လာသော ကိုစံမြ၏ဒယိမ်းဒယိုင်ခြေလှမ်းတွေက
ရွာထိပ်မှ နှစ်ချို့မန်ကျည်းပင်ကြီး
ဆီသို့
ဦးတည်လာခဲ့သည် ။ အရက်ဆိုင်ကလည်း ရွာအစွန်ကျသည်မို့ ထိုမန်ကျည်းပင်ကြီးနှင့် သိပ်မဝေးလှ…။
ခပ်သုတ်သုတ်လျှောက်မည်ဆိုလျှင်
ဆယ့်ငါးမိနစ်လောက်ရယ်သာ ။ ကိုစံမြ၏ခြေလှမ်းတွေကတော့ ခပ်သုတ်
သုတ်
မဟုတ် ၊ ခပ်လှုပ်လှုပ်မျှသာဖြစ်၍ နာရီဝက်နည်းပါးမျှအကြာတွင် မန်ကျည်းပင်ကြီးအား ထင်ထင်ရှားရှား
မြင်ရသည့်နေရာသို့
ကိုစံမြ ရောက်ရှိလာတော့၏ ။
ကိုစံမြ မန်ကျည်းပင်ကြီးကို လှောင်တေ့တေ့မျက်နှာပေးနှင့်
လှမ်းကြည့်ရင်း ခါးကြားက အရက်ပုလင်းကို
ထုတ်ကာ
တစ်ချက်မော့လိုက်သည် ။ ရဲဆေးတင်သောသဘောမျိုး မဟုတ်…။ အရက်သမားသဘာဝ အရက်မော့
သောက်ရုံမျှသာ
။ ရဲဆေးတင်ရလောက်အောင် ထိုမန်ကျည်းပင်ကြီးနှင့် ပတ်သက်သောသတင်းမှန်သမျှ ကိုစံမြ
မယုံကြည်…။
အချို့ရွာသားများက ပြောကြရဲ့…။ ထိုမန်ကျည်းပင်ကြီးသည် ဤရွာ မတည်ခင် နှစ်ပေါင်းတစ်ရာ
ကျော်ကတည်းက
ရှင်သန်တည်ရှိနေခဲ့ခြင်းဖြစ်၍ ဒုတိယကမ္ဘာစစ်အတွင်း သေဆုံးခဲ့သည့်မကျွတ်လွတ်သေးသော
လူများ
ကပ်ညှိနေထိုင်နေကြသည်ဟု ဆိုကြ၏ ။ ကိုစံမြကတော့ ထိုစကားတွေကို နည်းနည်းမျှ မယုံ…။
အရက်ဝင်သွား၍ ကိုစံမြ၏မျက်နှာ နီမြန်းရဲတက်လာသလို
လေတွေလည်း ပျို့အန်ထွက်လာသည် ။ လေ
တအေ့အေ့တက်ရင်း
မန်ကျည်းပင်ကြီးအနီးသို့ ကိုစံမြ ချည်းကပ်လာလိုက်၏ ။ မန်ကျည်းပင်ကြီးသည် ညနေ
လိမ္မော်နုရောင်ခြည်အောက်တွင်
ခန့်ထည်ရင့်ကျက်စွာ တည်ရှိလျက် ရှိသည် ။ ဖားဖားဝေညွှတ်ကျဖြာဆင်းနေ
သော
သစ်ကိုင်းသစ်ရွက်များအောက်တွင် ပင်စည်သည် ယောက်ျားနှစ်ယောက်ဖက်စာခန့် ကြီးထွားမြင့်မားနေ
သလို
အရိပ်ရပုံမှာလည်း အပင်အောက်ဝင်သွားလျှင် နေပြောက်ပင် မထိုးတော့…။
အပင်ခြေအောက်သို့ ကိုစံမြရောက်တော့ နည်းနည်းမျှ
ကြောက်ရွံ့တုန်လှုပ်စိတ် မရှိ…။ ရွာသားတွေကတော့
ဤမန်ကျည်းပင်
သရဲခြောက်ပုံကို ပုံစံအမျိုးမျိုး ပြောတတ်ကြ၏ ။ ညနေနေစောင်းချိန် လယ်ကွင်းမှ ပြန်တက်လာ
ခိုက်
ဤမန်ကျည်းပင်ကြီးကို လှမ်းကြည့်မိရာ မန်ကျည်းပင်ခြေရင်းတွင် အမွေးမည်းမည်းနှင့် ၀က်ဝံလိုလို
မျောက်
ဝံလိုလိုအကောင်ကြီးတစ်ကောင်
ရပ်နေသည်ကို မထင်မရှားတွေ့ရကြောင်း ၊ အသေအချာကြည့်လျှင် ပျောက်
သွားကြောင်း
၊ တစ်ခါတစ်ရံ နံနက်စောစော လယ်ကွင်းဆင်းသောသူများမှာ ထိုမန်ကျည်းပင်အောက်တွင် လမ်း
လျှောက်နေသောအဘိုးအိုတစ်ဦးကို
တွေ့ကြောင်း ၊ နောက်တစ်ကြိမ် လှည့်ကြည့်လျှင် မရှိတော့ကြောင်း …အို…
ပြောကြသည်မှာတော့
စုံလို့…စုံလို့…။
ကိုစံမြ ခါးကြားမှ အရက်ပုလင်းကို ဆွဲထုတ်ကာ
အပင်ခြေရင်းကို ပက်ဖြန်းလောင်းရန် ဟန်ပြင်လိုက်ပြီးမှ
လက်ကို
ပြန်ရုတ်လိုက်မိ၏ ။ မဖြစ်…သရဲက တကယ်ရှိမှန်းမရှိမှန်း မသိ…။ ရှိစေဦးတော့…အရက်သမားသရဲဆို
လျှင်
အပင်ကို အရက်နှင့် ပက်ဖြန်းပါက ကျေးဇူးပင် တင်နေဦးမည် ။ ကိုယ်က အရက်လည်း ဆုံး ၊ အကျိုးလည်း
မရှိ
ဖြစ်နေချေမည်ဟု ကိုစံမြ တွက်ဆမိ၍ အရက်ပုလင်းကို ခါးကြားပြန်ထိုးထည့်လိုက်ပြီး တစ်ခုခုလုပ်ရန်
စဉ်းစား
လိုက်၏
။
“ ဟားဟား…အကြံရပြီ ။”
ကိုစံမြ
အသံထွက်အောင် အော်ရယ်လိုက်ရင်း ပုဆိုးကို အသာမ,လိုက်သည် ။ ထို့နောက် သစ်ပင်ခြေရင်းတွင်
ဆီး
သွားပစ်လိုက်သည်
။ လူကြမ်းလျှင် နတ်ကြမ်းပင် မခံနိုင်…တဲ့ ။ ကဲ…ဒီသရဲဘာခံနိုင်သေးလဲ…ဟု ကိုစံမြ၏အတွေး
ထဲ၌
ကြုံးဝါးပစ်လိုက်သည် ။
သစ်ပင်ရင်းကို ဆီးသွားပြီးနောက် ကိုစံမြ အရက်တစ်ပုလင်းကုန်သည်အထိ
စောင့်ကြည့်နေသော်လည်း
ရွာသားများပြောသော
မည်းမည်းအကောင်ကြီးတွေ ၀တ်ဖြူစင်ကြယ်အဘိုးအိုတွေ တစ်ယောက်မျှ ပေါ်မလာချေ ။
ပျင်းလွန်းလို့
ကိုစံမြရဲ့မျက်လုံးတွေ လေးလံထိုင်းမှိုင်းလာပြီ ။ ကြာတော့ ကိုစံမြ စိတ်မရှည်နိုင်…။
အရက်ကလည်း
လက်ထဲ၌
ကုန်သွားပြီ မဟုတ်လား ။
“ အလကား…သောက်အရူးတွေ ။ အေ့…ဘာသရဲခြောက်တယ်လဲ…။
အရက်သမားတောင် ဘာမှ မမြင်ဘူး ။
ဒင်းတို့တွေပဲ ကြောက်ချေးပါပြီး တောင်မြင်မြောက်မြင်
ဖြစ်နေကြတာ နေမှာ ။”
ကိုစံမြ
မကျေမချမ်းနှင့် အယုတ္တအနတ္တတွေ ဆဲဆိုတိုင်းထွာလို့ အားရကာမှ နှစ်ချို့မန်ကျည်းပင်ရင်းမှ
အရက်ဆိုင်
ဆီသို့
လေးကန်ကန်ခြေလှမ်းတွေနှင့် ထွက်ခွာလာလိုက်၏ ။
ပင်ခြေရင်းမှ ထွက်လာတော့ ဘာကြောင့်မှန်းမသိ…ခြေထောက်တွေ
လေးလံကာ လက်နှစ်ဖက်တွင် ကြက်
သီးမွေးညင်းများ
ထလာသည် ။
“ ဟ…ငါ ဘာဖြစ်နေတာလဲဟ…။ အေ့…”
လေချဉ်တက်နေပေမဲ့
လူက ဘာရယ်ကြောင့်မှန်း မသိ…သိပ်မမူးတော့ ။ အမူးပြေသလိုလို ရှိလာ၏ ။ နောက်ပြီး
လက်နှစ်ဖက်တွင်လည်း
ကိုစံမြ၏ကိုယ်၌ မြင်တွေ့ရခဲသည့် ကြက်သီးဟုခေါ်ကြသော မွေးညင်းအောက်မှ အရည်
ပြားအိတ်လေးတွေက
ထောင်ကြွလို့…။
ကိုစံမြ မန်ကျည်းပင်နှင့် ဆယ့်လေးငါးပေလောက်အရောက်တွင်
နောက်သို့ ပြန်လှည့်ကြည့်ချင်လာ၍ တွေ့ချင်
ရာတွေ့ဟု
သဘောပိုက်ကာ နောက်သို့လှည့်ကြည့်လိုက်မိသည် ။ ဘာမျှ မထူးခြား…မန်ကျည်းပင်ကြီးသည်
ညနေနေ၀င်ရီတရောအောက်တွင်
အသက်ဝိညာဉ်ကင်းမဲ့စွာ ငြိမ်သက်လျက်ရှိ၏ ။
“ ဟား…ဟား…အေ့…အလကားနေ ကျောမလုံ ဖြစ်ချင်နေသေးတယ်
ငါ့နှယ် ။”
ကိုစံမြ
ကိုယ့်ကိုကိုယ် လှောင်ရယ်ရယ်လိုက်ရင်း ဆက်လျှောက်လာလိုက်သည် ။ ဟော…ဖြစ်ပြန်ပြီ ။ ဒီလက်…။
မထစဖူး
ထလိုက်သည့် ကြက်သီး…။ တဖြန်းဖြန်းနှင့် ဘာဖြစ်နေသည် မသိ…။ ကိုစံမြ အနောက်သို့ နောက်ထပ်
တစ်ကြိမ်
လှည့်ကြည့်မိပြန်သည် ။
“ ဟင်…လူတစ်ယောက်…။”
မန်ကျည်းပင်က
ကိုက်တစ်ရာခန့်တွင် ကျန်ရစ်ခဲ့ချိန်တွင် ကိုစံမြ လူတစ်ယောက်ကို မန်ကျည်းပင်နှင့် ခပ်လှမ်း
လှမ်း
လှည်းလမ်းမပေါ်၌ တွေ့မြင်လိုက်ရ၏ ။ ထိုလူက ရွာသားတစ်ယောက်ပေပဲလား မပြောတတ်…။ နွားတစ်
ကောင်ကို
ဆွဲလျက် လှည်းလမ်းအတိုင်း တက်လာသည် ။ အမှန်တော့ သည်အချိန်တွင် လှည်းလမ်း၌ လူ တွေ့ရ
ခြင်းမှာ
အဆန်းမဟုတ် ။ လယ်ကွင်းမှ ပြန်တက်လာသူ တစ်ယောက်ယောက်သာ ဖြစ်ပေလိမ့်မည် ။ မန်းကျည်းပင်
ကြီးက
လှည်းလမ်းနဘေး မလှမ်းမကမ်းတွင် ခန့်ထည်စွာ ရပ်ရင်း ကိုစံမြကို သရော်နေလေသည်ဟု ကိုစံမြ
ခံစား
လိုက်မိ၏
။
“ တောက်…ငါ ဘာတွေဖြစ်နေတာလဲ ။ လှည်းလမ်းပေါ်မှာ
လူတွေ့တာ ဆန်းလား ။ အေ့…အလကားနေရင်း
သွေးကြောင်နေရတယ်လို့ကွာ…”
ကိုစံမြ
ကြက်သီးမွေးညင်းများ ထောင်ထနေသောလက်နှစ်ဖက်ကို ခပ်ဆတ်ဆတ်ရိုက်ပုတ်လိုက်ပြီး အရက်ဆိုင်
သို့
သွားလမ်းအတိုင်း ဆက်လျှောက်လာလိုက်သည် ။ သို့ပေမဲ့ ဘယ်လောက်မျှ မလှမ်းလိုက်ရ…ကြက်သီးတွေက
တဖြန်းဖြန်း
ထောင်ထလာပြီး ဤတစ်ကြိမ်တွင် ခေါင်းနပန်းတွေပါ လေးလံကြီးမားလာသည် ။ အသိအာရုံက တစ်
ခုခုကို
ကြိုတင်သိနေသလား မပြောတတ် ။ နောက်သို့ လှည့်မကြည့်ရန် တားမြစ်နေသော်လည်း ကိုစံမြ ဘယ်လို
မျှ
နေမရ…။ အားတင်းကာ နောက်သို့ လှည့်ကြည့်လိုက်မိသည့်အခိုက်…
“ အမလေးဗျာ့…”
မြင်လိုက်ရသည့်မြင်ကွင်းကြောင့် ကိုစံမြ ကြက်သေသေသွားမိသည်
။ မိမိအသက် လေးဆယ်ပြည့်ပြီးချိန်အထိ
ထိုမြင်ကွင်းမျိုးကို
တစ်ကြိမ်တစ်ခါမျှ မမြင်တွေ့ခဲ့ရဖူးချေ ။ ကိုက်တစ်ရာကျော်အကွာမှ မြင်တွေ့ရခြင်းဖြစ်၍သာ
တော်ပေတော့၏
။ အနီးကပ်သာ တွေ့မြင်ရလျှင် ထိတ်လန့်ခြောက်ခြားစရာကောင်းလွန်းလို့ အသက်ပါသွားမလား
မပြောတတ်
။ ကြောင်ငေးကြည့်နေရင်းမှ ရုတ်တရက်သတိဝင်လာပြီး သွေးပျက်ခြောက်ခြားစွာ အော်ဟစ်ရင်း
ရွာ
တွင်းသို့
သုတ်ခြေတင်ပြေးသွားမိတော့သည် ။
ÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙÙ
“ ကိုစံမြ အရက်ချည်း နင်းကန်စွတ်သောက်မနေနဲ့ဦး
။ ကျွန်တော် မေးတာလည်း ဖြေပါဦးဗျာ့ ။ ကိုစံမြ ဘာ
တွေ့လိုက်လို့လဲ ။”
မောင်သောင်း၏အမေးကို
ကိုစံမြ ချက်ချင်းပြန်မဖြေသေးဘဲ အရက်ကို တစ်ခွက်ကုန်လုအောင် သောက်ပြီးမှ…
“ ငါ ပြောရင် မင်း ယုံနိုင်မှာ မဟုတ်ဘူး မောင်သောင်းရာ
။ အေ့…ဒါပေမဲ့ ငါ မပြောဘဲ မနေနိုင်လို့ ငါ ပြောပါရ
စေကွာ ။ မင်း မယုံရင်လည်း နေပါ ။ အိုကွာ…ငါ့တစ်သက်မှာ
ဒီလိုမျိုးကို တစ်ခါမှ မတွေ့ဖူးပါဘူးကွာ ။ အေ့…
ငါ နောက်တစ်ခေါက်လှည့်ကြည့်လိုက်တော့ စောစောက
ငါလှည့်ကြည့်တုန်းက နွားတစ်ကောင်ဆွဲပြီး လှည်း
လမ်းအတိုင်း လျှောက်လာတဲ့လူက မန်ကျည်းပင်ကြီးနားလည်း
ရောက်ရော နွားကြီးဆွဲပြီး မန်ကျည်းပင်
ပေါ်ကို တက်သွားတော့တာပဲကွာ ။ အေ့...ပြန်တွေးတိုင်း
ကြက်သီးထတုန်း ကိုယ့်လူရယ် ။”
“ ဘယ်လို…ကိုစံမြ ။ စောစောကလူက နွားကြီးဆွဲပြီး
သစ်ပင်ပေါ် တက်သွားတယ် ဟုတ်လား ။”
“ ဟုတ်ပါ့ကွာ ။ တက်တာမှ လူတွေ မြေကြီးမှာ လမ်းလျှောက်သလိုမျိုး
မတ်တတ်ကြီးကို လျှောက်ပြီးတက်
သွားတာ ။ အေ့…နွားကြီးလည်း အဲ့အတိုင်း ဆွဲသွားတာပဲ
။ ငါ့မှာ အဲ့ဒါကြီးလည်း မြင်ရော ကြောင်ပြီး ငေး
ကြည့်နေမိသေးတယ်
။ သတိရမှ ရွာထဲကို တစ်ခါတည်း အော်ပြီး ပြေးလာမိတော့တာပဲ ။ အေ့…”
စကားဆုံးတော့
ကိုစံမြ မောင်သောင်းမျက်နှာကို ကြည့်လိုက်၏ ။ မောင်သောင်းကတော့ ကိုစံမြကို မကြည့်ဘဲ
စားပွဲခုံကိုသာ
စိုက်ကြည့်နေလေသည် ။ ခဏကြာမှ…
“ အင်း…ကိုစံမြပြောတာကို ကျွန်တော် ယုံပါတယ် ။
အဲ့ဒီ့မန်ကျည်းပင်ကြီးက သတင်းကြီးသားရယ် ။ နောက်ပြီး
တစ္ဆေသရဲဆိုတာကလည်း ကံနိမ့်သူတွေမှ မြင်နိုင်တာ
မဟုတ်လား ။ ဒါ့ကြောင့် ကိုစံမြလည်း ဘုရားတရား
လည်း လုပ်ဦး ။ ကျွန်တော်က အရက်ဆိုင်ဖွင့်ပြီး
တရားပြနေရတာ သိပ်တော့ ဟန်မကျဘူး ။ ဒါပေမဲ့ ကိုစံမြ
ကို အကိုကြီးတစ်ယောက်လို ခင်လို့ ပြောရတာပါ
။”
“ အေးပါကွာ…အေ့…ငါ ကြိုးစားပါ့မယ် ။ လောလောဆယ်တော့
အကြောက်ပြေအောင် သောက်လိုက်ဦးမယ်
ကွာ…အေ့…”
ကိုစံမြက
အမှန်ပင် ထိတ်လန့်နေဟန်ဖြင့် အရက်တစ်ခွက်ပြီးတစ်ခွက် ဆင့်သောက်နေ၍ မောင်သောင်း ထိုသူအ
နီးမှ
ထွက်ခွာလာလိုက်သည် ။ ကိုစံမြတစ်ယောက် မူးမူးဖြင့် မြင်ချင်ရာ မြင်တွေ့ခြင်းပေလား…နို့မဟုတ်
မူးမူးနှင့်
သွားစမ်းသပ်ရင်း
အမှန်ကြုံတွေ့ခဲ့ရခြင်းလား…မောင်သောင်း မယူဆတတ် ။
သို့ပေမဲ့ ထိုနှစ်ချို့မန်ကျည်းပင်ကြီးအကြောင်းကတော့
ရွာထဲ၌ အမှန်ပင် သတင်းကြီးနေသည် မဟုတ်လား ။
မောင်သောင်းတို့က
တစ်ခါတစ်ရံ တစ်ဖက်ရွာတွင် ဘုရားပွဲတွေဘာတွေရှိလျှင် ညည့်နက်သန်းခေါင်မှ ပြန်လာကြရ
သည်
ရှိ၏ ။ ထိုသို့ ပြန်လာစဉ်တိုင်း ထိုမန်ကျည်းပင်အနီးမှ ဖြတ်သန်းသွားလာရသည်ချည်း…။ သို့ကြောင့်လည်း
“ကံနိမ့်လျှင်
တစ္ဆေခြောက်ခံရတတ်သည်”…ဟူသော ရှေးလူကြီးတို့၏ပြောစကားကြောင့် မောင်သောင်းကတော့
ဘုရားတရားမှန်မှန်
ဆည်းကပ်အားထုတ်သည် ။ သို့ကြောင့်လည်း တစ်ကြိမ်တစ်ခါမျှတော့ တစ္ဆေအခြောက်မခံရ
ဖူးသေး…။
လူတစ်ယောက်က နွားတစ်ကောင်ကို ဆွဲလျက် ဘာမှမဖြစ်သလိုမျိုးမျက်နှာနှင့်
သစ်ပင်ပေါ်သို့ မတ်တတ်
ကြီး
လျှောက်လျက်တက်သွားသောမြင်ကွင်းကို မောင်သောင်း မြင်ယောင်ကြည့်ရင်းဖြင့် ကြက်သီးမွေးညင်းတွေ
တောင်
ထောင်ထသွားရသည် ။ ကိုစံမြ အမှန်တကယ်သာ ကြုံတွေ့ခဲ့သည်ဆိုလျှင် အတော် ထိတ်လန့်ချောက်
ချားသွားပေလိမ့်မည်
။
“ ဟဲ့…မောင်သောင်း ဟိုမှာ အရက်ချပေးလိုက်ဦးလေ
။ ဘာငိုင်နေတာလဲ ။”
အစ်မဖြစ်သူမယ်တုတ်၏အော်ကျယ်ကျယ်အသံကြောင့်
မောင်သောင်းအတွေးများေ၀၀ါးပျောက်ကွယ်သွားရ
သည်
။ ဤအလုပ်ကို မလုပ်ချင်သော်လည်း လက်လှုပ်မှ ပါးစပ်လှုပ်ရမည့်ဘ၀မျိုးမို့ မောင်သောင်း
မလုပ်လို့ မရ ။
အိုမင်းမစွမ်းသောမိဘနှစ်ပါးကို
ရှာဖွေကျွေးမွေးရန် ပညာမတတ်သောမောင်သောင်းတို့မောင်နှမနှစ်ယောက် တတ်
မြောက်သည်မှာ
မိဘတွေသင်ပေးသော ထန်းရည်ချက်အရက်ချက်ပညာသာရှိ၍ အစ်မဖြစ်သူ မယ်တုတ် ခိုင်းသမျှ
အလုပ်တွေကို
မောင်သောင်း ဇယ်ဆက်သလို လုပ်ကိုင်လိုက်ပါတော့သည် ။
စေတနာရှေ့ထားလျက်…
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
