အပြာရောင်သော့ကိုယ်စီ
( နိုဝင်ဘာ(၈) ဒိုင်ယာရီ - ကလောင်စုံ )
ရေးသူ - ဂါဦးနွန်းကို
---------------------------------------------------------------------------------------------
တံဆိပ်တုံး ကိုင်သည့်လက် တဆတ်ဆတ်တုန်နေခဲ့သည်ဟုဆိုပါက
အပိုတွေ မထင်ပါနှင့် ။ အမှန်တကယ် တုန်ယင်နေခဲ့ပါ သည် ။
မဲရုံထဲသို့ ဝင်ကတည်းက အနည်းငယ် စိတ်လှုပ်ရှားနေခဲ့ရာ တံဆိပ်တုံး ကိုင်သည့်အခါ
သတ်မှတ်ထားသည့်အကွက်ထဲ တည့် တည့်မဝင်ဘဲ ဘောင်ကျော်၍ထုမိမည်ကို စိုးရိမ်သည်ကတစ်ကြောင်း
၊ မဲပေးလိုသည့်ပါတီ လွဲမှားသွားမည်ကို စိုးထိတ်သည်က တစ်ကြောင်း ၊ မဲစာရွက်၌ အစွန်းအထင်း/အမှတ်အသား
ပါ/မပါ ၊ မဲရုံမှူးလက်မှတ် ပါ/မပါ စစ်ဆေးနေရသည်ကတစ်ကြောင်း… ကြောင့် အလွန်စိတ်လှုပ်ရှားလာရသဖြင့်
ကျွန်မ၏လက်တို့ တုန်ရီလာခဲ့သည့်ကိစ္စမှာ လွန်လှသည်တော့ မဟုတ်ပါ ။
ဒါ ကျွန်မအတွက် ပထမဦးဆုံး ဆန္ဒမဲပေးဖူးခြင်းဖြစ်သည် ။ မည်သို့ဖြစ်စေ အသက်(၂၀)ဝန်းကျင်အရွယ်သာ
ရှိသေးသော-ကျွန်မအဖို့ ဒီအရွယ်မှာ မဲပေးဖူးတာပဲ တော်လှပြီဟု ဆိုချင်လျှင် ဆိုနိုင်ပါသည်
။ တချို့ဆို (၆၀)ကျော်(၇၀)ကျော်အရွယ်တွေ ။ ပထမဆုံးမဲပေးဖူးခြင်း-တဲ့
။ စိတ်လှုပ်ရှား၍ ခြေဖျားလက်ဖျားတို့ တုန်ယင်အေးစက်ခြင်းမဟုတ်ဘဲ အသက်အရွယ်အရ တုန်ချိချိ
အနေအထားဖြင့် လာရောက်မဲပေးကြသည်ကို တွေ့မြင်ရသည့်အခါ ကျွန်မရင်ထဲ ကြေကွဲသလိုလို ကြည်နူးသလိုလို
ဘာရယ်မှန်း မသိသည့်-ဝေဒနာအချို့ကို ခံစားလိုက်ရပါ၏ ။
နိုဝင်ဘာ(၈)ရက်နေ့-မနက်(၆)နာရီကနေ ညနေ(၄)နာရီအထိ
မဲပေးနိုင်သည်-ဟူသော သတင်းကြားစဉ်က အချိန် လောက်ငှပါ့ မလား ။ ရပ်ကွက်ထဲမှာ
လူတွေက နည်းတာ မဟုတ်ဘူး ၊ (၁၀)နာရီအတွင်း ပြီးစီးနိုင်ပါ့မလား-စသဖြင့် တွေးတောရင်း
ပူပန်နေခဲ့ မိသည် ။ မဲပေးရမည့်နေ့ရောက်တော့ စိတ်လှုပ်ရှားနေသည့်အရှိန်ကြောင့် ကောင်းကောင်း
အိပ်မပျော် ။ အစောကြီးနိုးနေလေရာ (၆)နာရီဒေါင်ဒေါင်မထိုးခင်မှာပဲ ကျွန်မတို့မိသားစု၏ခြေလှမ်းများက
မဲရုံဆီသို့ ဦးတည်လာခဲ့ပါပြီ ။
မဲရုံတံခါးဝရောက်တော့ ကျွန်မစိတ်တွေ
လှုပ်ရှားစပြုနေပြီ ။ လူအုပ်ကြီးကို မြင်ကတည်းက စိတ်ထဲမှာ ပျော်သလိုလိုမြူးသလို ။ တစ်နှစ်လုံး စောင့်မျှော်ခဲ့ရတဲ့ရက်ကို ရောက်ပြီ
၊ မဲပေးရတော့မယ်-ဆိုသည့်အတွေးက ဦးနှောက်ထဲမှာ ပျော်ပွဲရွှင်ပွဲ ကျင်းပနေ သကဲ့သို့ရှိရာ
လူမှာလည်း မြောက်ကြွမြောက်ကြွ ။ ဟိုကြည့်သည်ကြည့် ၊ ဟိုတွေးသည်တွေး ၊ ဟိုငေးသည်ငေးနှင့်
မဲစာရွက် ထုတ်ပေးမည့်နေရာသို့ ရောက်ခဲ့၏ ။
သက်သေခံကဒ်ပြားတောင်းသဖြင့် ပေးလိုက်တော့ လက်မှတ်ထိုးခိုင်းကာ မဲစာရွက် ထုတ်ပေးပါသည်
။ လက်မှတ်ထိုးစဉ်ကပင် လက်တုန်ချင်နေပြီ ။ ကျွန်မသာ မဟုတ် ။ ကျွန်မနောက်က လူငယ်တစ်ယောက်လည်း
စိတ်လှုပ်ရှားဟန်ဖြင့် ကိုယ်ခန္ဓာကို ရှေ့ နောက်ယိမ်းနေသည် ။ အတွေ့အကြုံအသစ်စက်စက်နှင့်ဆုံလျှင်
ဖြစ်တတ်သော-လူငယ်သဘာဝအတိုင်း အူမြူးသလိုလို ထိတ် လန့်သလိုလိုဖြစ်နေ၍ အယောင်ယောင်အမှားမှားမပြုမိအောင်
၊ တလွဲတချော်မလုပ်မိအောင် ကိုယ့်ကိုယ်ကို ထိန်းထားရသည် ။
အရေးထဲ ကျွန်မက မိသားစုနှင့် ကွဲသွားသည်
။ ရှေ့ကအန်တီကြီးတစ်ယောက်ကလည်း တံဆိပ်တုံး မထုတတ်၍ မေးမြန်းနေ သဖြင့် ကူညီပြောပြမိရာ
အာရုံတို့ ရှုပ်ထွေးသွားခဲ့ရသည် ။ သို့ကြောင့်ပင် မဲစာရွက်ကို ယေဘူယျမျှသာ စစ်ဆေးပြီးနောက်
မဲပေးခဲ့ လိုက်သည် ။
“ ဟယ်…ဒီမှာလည်း အမျိုးသားလွှတ်တော်ပဲ ။ စောစောက
ထည့်ခဲ့ရတာလည်း အမျိုးသားလွှတ်တော်ပဲ ။”
တစ်ယောက်ကျော်က ကျွန်မအစ်မထံမှ စကားသံ ထွက်ကျလာ၍
ဘာများလဲသိရအောင် လှမ်းကြည့်လိုက်မိတော့…
-
ဟုတ်ပါရဲ့ ။ စောစောကလည်း ဒီအမတ်နာမည်ပဲ ။ ဘယ်လိုဖြစ်တာပါလိမ့်…
မဲစာရွက် လွဲမှားထုတ်ပေးလိမ့်မည်မထင်သဖြင့်
ပြည်သူ့လွှတ်တော်မဲစာရွက်လား ၊ အမျိုးသားလွှတ်တော်မဲစာရွက်လားဟူ၍ ခွဲခြား မကြည့်ဖြစ်ခဲ့သည်မှာ
ကျွန်မတို့အမှားပဲလား ။ လွဲလိမ့်မည်ဟု လုံးဝမတွေးခဲ့မိ၍ ထုတ်ပေးသည့်-မဲစာရွက်ကို ယူကာ
တံဆိပ်တုံး ထုခဲ့မိသည် ။ ယခု ဒုတိယမြောက်မဲပေးရမည့်နေရာသို့ရောက်မှပဲ စောစောကမဲစာရွက်
လွဲနေကြောင်း သိလိုက်ရ၏ ။
ပြည်သူ့လွှတ်တော်မဲစာရွက် ထည့်ရမည့်ပုံးမှာ
တာဝန်ခံများက မဲစာရွက် လွဲမှားထုတ်ပေးလိုက်သဖြင့် အမျိုးသားလွှတ်တော် မဲစာရွက်ကို နှစ်ခါထည့်သလို
ဖြစ်တော့မည် ။ ပြည်သူ့လွှတ်တော်မဲပုံးထဲသို့ ရောက်ရှိသွားခဲ့သော အမျိုးသားလွှတ်တော်မဲစာရွက်
ခမျာ အလိုလိုနေရင်း ပယ်မဲဘဝသို့ သက်ဆင်းရတော့မည် ။ တစ်စောင်လည်းမဟုတ် ၊ နှစ်စောင်လည်းမဟုတ်
။ ကျွန်မ၏အစ်မ သာ သတိမထားမိခဲ့လျှင် လှုပ်ရှားနေသည့်စိတ်အဟုန်ကြောင့် ကျွန်မပင် သိလိုက်မည်မထင်ပါ
။ မည်သူမျှလည်း သတိပြုမိပုံမရ ။ မတော်တဆအမှားပဲ ဖြစ်စေဦးတော့…တစ်စုံတစ်ယောက် သို့မဟုတ်
အသင်းအဖွဲ့တစ်ခုကို အကြီးအကျယ် ထိခိုက်နစ်နာသွားစေ နိုင်သည့်ကိစ္စပင် ။
ဆန္ဒမဲတစ်မဲ၏တန်ဖိုး ကြီးမားကြောင်းကို ဘယ်နိုင်ငံသားမဆို
သိနိုင်မည်ဖြစ်သော်လည်း ထိုမဲတစ်ပြား ထည့်ခွင့်ရအောင် အဆင့်ဆင့် ဘယ်လောက်ကြိုးပမ်းခဲ့ရသလဲဆိုတာကိုတော့
ကြုံဖူးသူသာလျှင် သိလိမ့်မည် ။ မဲစာရင်းမှာ နာမည်ပါ/မပါ နှစ်ခါမက သွားကြည့်ခဲ့ရရုံသာမက
မပါလျှင် လျှောက်ရသေးသည် ။ သက်သေခံကဒ်ပြားလည်း သွားထုတ်ရသေးသည် ။ သို့ပေမဲ့ ကျွန်မတို့
အပါအဝင် ပြည်သူတွေ မငြိုငြင်ခဲ့ပါ ။ လွတ်လပ်စွာ မဲပေးလိုသည့်ဆန္ဒကြောင့် အလုပ်အကိုင်
အပျက်ခံကာ မဲပေးခွင့်ရအောင် ကြိုးပမ်းခဲ့ကြသည် ။ မဲပြားတိုင်း တန်ဖိုးကြီးလှပါသည် ။
ယခုတော့…တန်ဖိုးကြီးသောမဲတစ်မဲခမျာ တာဝန်ရှိသူတချို့၏ချွတ်ချော်မှု ကြောင့် ပယ်မဲဘဝသို့
သက်ဆင်းသွားရတော့မည် ။
သည်းထိတ်ရင်ဖိုပါပဲ
။ ကျွန်မ၏အဖေက သိလျှင်သိချင်း မဲရုံမှူးထံသို့ သွားရောက်ပြောဆိုခဲ့ရာ (၅)မိနစ်မျှ အခြေအတင်စကား
ပြောဆိုပြီးနောက် တာဝန်ခံများ၏လွဲမှားမှုဖြစ်နေ၍ ကျွန်မတို့အားလုံး ပြန်လည်မဲထည့်ခွင့်
ကြုံခဲ့ပါသည် ။ မဲစာအုပ် အသစ်လဲစဉ် ပြည်သူ့လွှတ်တော်မဲစာအုပ်နှင့် အမျိုးသားလွှတ်တော်မဲစာအုပ်
မှားယွင်းသွားခဲ့ခြင်းဖြစ်ကြောင်း ရှင်းပြပါ၏ ။ ကျွန်မတို့သာမက ကျွန်မတို့ရှေ့က-လူတချို့လည်း
လွဲမှားသွားကြောင်း သိရသည့်အခါ စိုးရိမ်သွားခဲ့ရသည် ။
မဲစာရွက် လွဲမှားနေသည့်အကြောင်းကို ယခုတိုင် မည်သူမှ သတိပြုမိကြပုံမရသလို မဲရုံမှူးအပါအဝင်
တာဝန်ရှိသူများကလည်း အလုပ်များနေ၍လားမပြောတတ်ပါ ၊ အော်ဟစ်သတိပေးခြင်းမျိုး မပြုလုပ်သေး၍
(ကျွန်မတို့မိသားစုကပဲ) အနီးအပါးမှလူများကို လိုက်လံပြောဆိုခြင်းဖြင့် ပယ်မဲဘဝသို့
အလိုလိုသက်ဆင်းသွားခဲ့ရသော မဲတော်တော်များများကို ကယ်ဆယ်ခွင့်ရခဲ့သည် ။ ပီတိ ဖြစ်ခဲ့ရသည့်
နေ့တစ်နေ့ပါပဲ ။
“ ခင်ဗျားတို့ သတိထားသင့်တယ် ။ ကျုပ် ဒီနေ့မနက်
ဈေးမထွက်ဘဲ လာခဲ့ရတာ ။ တစ်နေ့လုပ်မှ တစ်နေ့စားရတဲ့ဘဝမျိုးဖြစ်ပေမဲ့
ကျုပ်က ထမင်းငတ်ခံပြီး မဲလာထည့်တယ် ။ ဒီမဲတစ်မဲဟာ
ဘယ်လောက်တန်ဖိုးကြီးသလဲဆိုတာ ကျုပ်အသိဆုံး ။ နိုင်ငံအတွက်
တန်ဖိုးကြီးရုံတင်မကဘူး ၊ ကျုပ်အတွက်လည်း တစ်နေတာရဲ့ဝမ်းတစ်ထွာနဲ့
နှီးရင်းထားရတာမို့ တန်ဖိုးကြီးတာပဲ ။ ဒီတန်ဖိုးကြီး
မဲတစ်မဲက ခင်ဗျားတို့ရဲ့ညံ့ဖျင်းမှုကြောင့် ပယ်မဲဖြစ်သွားခဲ့ရင်
ကျုပ်အတွက်ရော ၊ နိုင်ငံအတွက်ရော နစ်နာတယ် ။ ဒီနောင်ကြီး
သာ လာမခေါ်ရင် ကျုပ် မဲတစ်ပြားက အလကားဖြစ်ရတော့မှာ
။ ခင်ဗျားတို့ သတိထားရမှာပေါ့ ။ ဒီလောက် အရေးကြီးနေချိန်မှာ
ဒီလိုအမှားမျိုး မမှားသင့်ဘူး ။”
မဲစာရွက် မှားမှန်း သိသိချင်း အပြေးအလွှားမဲပြန်ထည့်သော
ဦးလေးကြီးတစ်ယောက်၏စကား ။ ကျွန်မပင် ကြက်သီးမွေးညင်း ထ သွားမိသည် ။
ထိုဦးလေးကြီးက သာမန်ဈေးသည်ကြီးပါ ။ နိုင်ငံရေးသမား ၊ ပါတီဝင်ဘာဘာညာညာ ဖြစ်ဖို့နေနေသာသာ
သတင်းစာပင် မှန် မှန်မဖတ်အား၊ ဖေစ်ဘုတ်တို့/မီဒီယာတို့ မကြည့်အားသည့် တကယ့်လက်လုပ်လက်စားသမားကြီး
။ သို့သော်…သူသည်ပင် မဲတစ် ပြားကို တန်ဖိုးထားသည် ။ နိုင်ငံ၏အနာဂတ်လမ်းသစ်ကို ဖွင့်လှစ်နိုင်မည့် အပြာရောင်သော့တစ်ချောင်းကို ယနေ့၌
နိုင်ငံသားတိုင်း ကိုယ်စီ ပိုင်ဆိုင်ရန် အခွင့်အရေးရှိသည်-ဆိုသောအချက်ကို ဘဝပေးအခြေအနေအရ
ပြည်သူအားလုံးနည်းပါး နားလည်ထားကြ ဟန်တူပါသည် ။
မဲရုံအပြင်သို့ထွက်တော့ နံနက်ခင်းနေခြည် ထွန်းတောက်နေလေပြီ
။ လက်သန်းထိပ်က မှင်အရောင်နှင့် တိုက်တိုက်ဆိုင်ဆိုင် လာတူနေသည့် အပြာရောင်ခြယ်ကောင်းကင်ယံဝယ်
ငှက်ကလေးများ လွတ်လပ်စွာပျံသန်းနေပုံကို ငေးကြည့်ရင်း ဆန့်ကျင်ဘက် အကြောင်းအရာတစ်ခုကို
ကျွန်မ စဉ်းစားလိုက်မိသည် ။
အတောင်ပံပါလျက်သားနှင့် ပိတ်လှောင်ခြင်းခံခဲ့ရသည့်-ကျွန်မတို့၏နိုင်ငံ…တစ်ချိန်က
အများတကာထက် မြင့်မြင့်ပိုပျံနိုင်ခဲ့ပေမဲ့ ယခုချိန်မှာတော့ လေဟုန်စီးရသောအရသာနှင့်
ဝေးကွာနေခဲ့တာကြာပြီဖြစ်သည့်-ကျွန်မတို့၏နိုင်ငံ ။ သည်နေ့ - အပြာရောင်သော့ ကိုယ်စီဖြင့်
လှောင်ချိုင့်မှ လွတ်အောင် ကျွန်မတို့ပြည်သူတွေ တတ်စွမ်းသလောက် ကြိုးစားဖွင့်ခဲ့ကြပြီ
။ များမကြာမီ အရှိန်အဟုန် ပြင်းပြင်းနှင့် ပျံသန်းခွင့်ရလိမ့်မည်ဟု မျှော်လင့်မိပါသည်
။ ။
( နိုဝင်ဘာ ၈ရက် ၂၀၁၅ ညနေငါးနာရီ၃၂မိနစ် )
စေတနာရှေ့ထားလျက်…
ဂါဦးနွန်းကို
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
