အဖြူရောင်ညတစ်ည
( ၂၀၁၅ ဖေဖော်ဝါရီလထုတ် ဂမ္ဘီရမဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ် ဖြစ်သည် )
ဂါဦးနွန်းကို ........... ရေးဖွဲ့သည် ။
--------------------------------------------------------------------------------------------------
လူတွေက
ဆိုကြရဲ့ ။ ညဆိုတာ နက်ရှိုင်းသတဲ့ ။ မှောင်မိုက်အေးစက်သတဲ့ ။ လျှို့ဝှက်သိပ်သည်းသတဲ့
။ အမည်းရောင် လွင်ပြင်ကျယ်ကြီးတဲ့ ။ အမှောင်ကမ္ပလာ ကော်ဇောဖျာကြီးတဲ့ ။ အနက်ရောင်ညည့်နတ်သမီးတဲ့
။ တင်စားကြတာတော့ အမျိုးမျိုး ပါပဲ ။
ဒီတင်စားချက်တွေအပေါ်
ဝေဝါးသံသယဖြစ်ရင်း အမြဲလိုလို တွေးဆရခက်နေခဲ့တာက ကျွန်မ ။ ညဟာ အမှန်တကယ်ပဲ လျှို့ဝှက်မှောင်မိုက်သလား
။ အမှန်တကယ် အေးစက်နက်နဲသတဲ့လား ။ ဒါဆို ဘာလို့များ ဒီဇင်ဘာညတစ်ညမှာ အဖြူရောင် သံယောဇဉ်လှလှကို
ကျွန်မ တွေ့မြင်ခဲ့ရပါလိမ့်…။ မျက်စိနဲ့ ဒိဋ္ဌမြင်တွေ့ဖို့မဖြစ်နိုင်ပေမဲ့ နှလုံးသားနဲ့တော့
ခံစားသိရှိနိုင်တဲ့ ဖြူလွလွ သံယောဇဉ်ကြိုးတစ်စကို အေးချမ်းလှပတဲ့ဒီဇင်ဘာညတစ်ညမှာ ကျွန်မ-
သီချင်းတွေနဲ့အတူ ရင်ခုန်စွာ တွေ့ကြုံခဲ့ဖူးပါတယ် ။
TTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTTT
“ ဟေး…”
စိတ်လွတ်ကိုယ်လွတ်ဟစ်အော်လိုက်ပြီးမှ
ကျွန်မဘာသာကျွန်မ ရှက်စိတ်ဝင်ကာ ပါးစပ်ကို လက်နှစ်ဖက်နှင့် အလျင်အမြန် ဖိပိတ် လိုက်မိသည်
။
ကျွန်မက ပုံမှန်ဆို
ရှေးအမျိုးသမီးဆန်ဆန် အရှက်အကြောက်ကြီးသူတစ်ယောက် ။ တော်တန်ရုံ အော်ဟယ်ဟစ်ဟယ် ပြောဟယ်ဆိုဟယ်နေတတ်သူမျိုးမဟုတ်
။ သို့ပေမယ့် ယနေ့အဖို့တော့ မူလစိတ်အချို့ ကင်းလွတ်ကာ တစ်ချက်တစ်ချက် သတိ လက်လွတ်ဖြစ်နေခဲ့ရသည်
။ ယခုပင်ကြည့်…သတိမထားမိလိုက်စဉ် ကားလမ်းမကြီးဘေး၌ အော်ရယ်နေမိပြီ ။
“ မိဆောင်း…နင် ဘယ်လိုဖြစ်နေတာလဲ ။”
ပါးစပ်ကို လက်နှင့် အချိန်မီပိတ်လိုက်နိုင်ပေမယ့်
ကျွန်မအော်သံကို နံဘေးမှအစ်မလတ်က ကြားသွားဟန်တူသည် ။ ကြားမှာပေါ့ ။ သူမနှင့် ကျွန်မကြားအကွာအဝေးက
လက်တစ်ကမ်းစာတင် ။ ခပ်လှမ်းလှမ်းမှအစ်မကြီးကတော့ ဘာမျှမပြော ။ အစ်မလတ်က ဆူတော့ ကျွန်မက
ထုံးစံအတိုင်း မျက်လုံးလေးပြူးကာ လျှာတစ်လစ်ထုတ်ပြလိုက်၏ ။
“ နင် စိတ်လှုပ်ရှားနေတာ မဟုတ်လား ။”
“ အင်း…ဟုတ်တယ် ။ သမီးက တစ်ခါမှာမှ ခရီးမသွားဖူးသေးတာ ။ အခု ခရီးထွက်ရမှာဆိုတော့
စိတ်လှုပ်ရှားတာပေါ့လို့ ။”
“ အမလေးဟယ်…ကျိုက်ထီးရိုးက ခရီးဝေးဝေးမဟုတ်တော့ပါဘူး ။ ဒီညကားစီးရင် နောက်နေ့မနက်(၃)နာရီလောက်ဆို
ရောက်နေပြီ ။ ခဏလေးရယ် ။ ဘာစိတ်လှုပ်ရှားစရာလိုလို့လဲ ။”
“ သြော်…မလတ်ကလည်း ။ သမီး ဆိုလိုတာက အပျော်လွန်ပြီး စိတ်တွေလှုပ်ရှားနေတာကို
ပြောတာ ။ ပျော်နေတာ…
ပျော်နေတာ ။ သိပြီလား ။”
“ သြ…ဂလိုကိုး ။ ပျော်ပါတော်…။ နင် ပျော်ဖို့အတွက် ငါ့မှာ ခွင့်ယူပြီးတော့တောင်
လိုက်ပို့ရတာ ။ ဟိုရောက်ရင် ကုသိုလ်ရ
အောင်လည်း
လုပ်ဦး ။ ဓာတ်ပုံချည်း လှိမ့်ရိုက်မနေနဲ့ ။ ကြားလား ။”
“ အမလေး…ကားပေါ်တောင် မရောက်သေးဘူး ။ ဆရာကြီး လုပ်နေလိုက်တာ ။ သိပါတယ်ရှင် ။
သမီးက တစ်ခါတည်း
နတ်ပြည်ရောက်အောင်ကို ဘုရားရှိခိုးပစ်လိုက်မှာ ။”
“ ဟဲ့…အဲဒီလောက်ကြီးလည်း မပြောနဲ့လေ ။ ငါတို့က ကားနဲ့ဘာနဲ့သွားရမှာ ။ အဲဒီလို
မပြောကောင်းဘူးဟဲ့ ။”
“ အဟိ…သိဘူးလေ ။ ဟို…သမီး ဆိုလိုတဲ့သဘောက ဒီတစ်ခေါက်သွားတဲ့-ကုသိုလ်နဲ့တင် နတ်ပြည်ရောက်နိုင်တယ်လို့
ပြောတာ ။
အခု တစ်ခါတည်း နတ်ပြည်သွားမှာကို ပြောတာ ဟုတ်ဝူး ။”
ကျွန်မက ကျွန်မပီသစွာပင် စကားကို ကနွဲ့ကလျနှင့်
မပီကလာပီကလာပြောလိုက်သည် ။
အိမ်တွင် ကျွန်မက
အငယ်ဆုံးသမီးဖြစ်၍ ကျွန်မအထက်တွင် အစ်မနှစ်ယောက် ရှိကြပြီး မိဘများက အသက်အရွယ်ကွာ လှသော
ညီအစ်မသုံးယောက်တွင် ကျွန်မကို ကလေးတစ်ယောက်လို သဘောထားကြသောကြောင့် ကျွန်မမှာ အသက်(၁၈)နှစ်
ရောက်သည့်တိုင် အမူအရာနှင့်အပြောအဆိုတို့က ကလေးဆန်ဆန် ။ သို့ပေမယ့် ကျွန်မက အမှန်စင်စစ်မှာ
ကလေးတစ်ယောက် မှ မဟုတ်တော့ဘဲ ။ အသက်(၁၈)နှစ်ဆိုတာ ဆံနွယ်လေးတွေကြားကို လေပြည်လေးများ
တိုးဝှေ့သွားလျှင်တောင် စိတ်လှုပ်ရှား တတ်သည့်-အရွယ် မဟုတ်လား ။ ကျွန်မဟာလည်း အချစ်နှင့်ပတ်သက်လျှင်တော့
ရင်ခုန်တတ်နေပါပြီ ။
ကျွန်မတို့ညီအစ်မနှစ်ယောက်
စကားနိုင်လုနေကြစဉ်တွင် ကျွန်မတို့အနားကို ခရီးသွားexpress carကြီးတစ်စီး ဆိုက် ရောက်လာခဲ့သည်
။ ထိုကားက ကျွန်မတို့ လက်မှတ်ဖြတ်ထားသည့် “ဦး……နှင့်ရောင်းရင်းများ”ဘုရားဖူးခရီးသွားကားပင်
။
“ ဟဲ့…ဟဲ့…ဟိုမှာ လာနေပြီ ။”
အစ်မကြီးက အရင်မြင်၍ ကျွန်မတို့နှစ်ယောက်ကို
သတိပေးလိုက်ပြီး သူ့အထုပ်သူ ဆွဲကာ ကားရပ်သည်နှင့် တက်သွား၏ ။
“ မိဆောင်း…မြန်မြန်လာ ။ နင့်အထုပ် နင်ဆွဲ ။ မမေ့ခဲ့နဲ့ဦး ။”
“ ဟွန်း…သိပါတယ်ဆို ။”
အစ်မလတ်က သူ့ဝသီအတိုင်း ဆရာကြီးလုပ်ကာ
ပြောနေသေးသဖြင့် ကျွန်မမှာ နှုတ်ခမ်းစူရသေးသည် ။ သူကတော့ ကျွန်မ နှုတ်ခမ်း စူတာကို
မမြင်တော့ပါ ။ ကားပေါ်သို့ သုတ်သုတ်,သုတ်သုတ်နှင့် တက်သွားလေပြီ ။
ကားပေါ်သို့ ရောက်သည့်အခါ
မျှော်လင့်ချက်ရောင်ခြည်မျှင်များ မှေးမှိန်သွားခဲ့ရသူက ကျွန်မ ။ ခပ်လန်းလန်းအမိုက်စား
တစ်ဖွဲ့လောက်များ ကားပေါ်၌ ပါလာလေမလားဟု စိတ်ကူးယဉ်ထားမိပေမယ့် တကယ်တမ်းကျ သက်ကြီးဝါကြီးအဘိုးအဘွား
အရွယ်များ ၊ နောက်ပြီး ကလေးအမေများ ။ ကျွန်မနှင့် သက်တူရွယ်တူဆို၍ ယောက်ျားလေးမပြောနှင့်…မိန်းကလေးပင်
မပါ ။ ထို့ကြောင့် နည်းနည်းတော့ စိတ်ပျက်သွားခဲ့၏ ။ သို့သော်လည်း …
“ သြော်…ဘုရားဖူးသွားတာပဲ
။ လူငယ် ဘယ်ပါ,ပါ့မလဲ ။ ကောင်းပါတယ် ။ ကုသိုလ်ရေး သွားလုပ်တာပဲလေ ။ စိတ်တည်ငြိမ်
တော့ ကောင်းတာပေါ့ ။”
…စသဖြင့် အကောင်းအမြင်နှင့် နှလုံးသွင်းလိုက်ရသည်
။
ကျွန်မတို့သုံးယောက်
ကားပေါ်ရောက်သည်နှင့် ကားကြီးက မှတ်တိုင်မှနေ တလှုပ်လှုပ် ထွက်ခွာလာခဲ့ပြီ ။ ကျွန်မတို့က
တော့ နေရာအထိုင်မကျသေး ။ ထိုင်ခုံလက်မှတ်ကို သွားခါနီးမှ ကပ်ဖြတ်သောကြောင့် ထိုင်ခုံနေရာက
မကောင်းလှ ။ နောက်ဆုံး တန်း(၅)ယောက်ခုံ၏ရှေ့တွင်သာ ရသဖြင့် အဆင်ပြေပြေအိပ်စက်ဖို့ရန်
မလွယ် ။ နောက်ဘက်ခြမ်းက ကားဆောင့်တတ်သည်ပဲ မဟုတ်လား ။
“ ကဲ…မိဆောင်း…မကြီးတို့နဲ့ ထိုင်မလား ။ တစိမ်းနဲ့ ထိုင်မလား ။”
အစ်မကြီးက ကျွန်မကို မေးပြီ ။ ဟိုတွေးသည်တွေးနှင့်
သူတို့အနားကို အူလည်လည်ရောက်သွားသည့်-ကျွန်မက သူတို့အမေး အပေါ် နားမလည်သေးဘဲ…
“ ဟင်…ဘယ်မှာတုံး တစိမ်း…။”
ဟု ကြောင်တောင်တောင်ပြန်မေးမိသည် ။ ဟုတ်လည်းဟုတ်တာပဲ
။ ကျွန်မ ကြည့်လိုက်တော့ နောက်ဆုံးတန်း၏ရှေ့က ထိုင်ခုံ(၄)ခုံစလုံးတွင် လူတစ်ယောက်မျှ
မတွေ့ရ ။
“ သြော်…ငါတို့ဝယ်ထားတာက ၃၇,၃၈,၃၉ ။ ဒီတော့ ၃၉မှာ ထိုင်မယ်ဆိုရင် တစိမ်းနဲ့ထိုင်ရမှာပေါ့
။ ဒါလေးတောင် မသိဘူး
လား ။”
“ အဲဒီတစိမ်းက ဘယ်သွားလဲ ။”
“ ဟဲ့…အဲဒါ နင့်အပူလား ။ လမ်းရောက်မှ
တက်မှာနေမှာပေါ့ ။ အရစ်မရှည်စမ်းပါနဲ့ မိဆောင်းရယ် ။ ဒီဘက်မှာ ထိုင်မယ်
ဆိုရင်လည်း ဝင်…အထဲကို …”
အစ်မလတ်က ဘုကလန့်ဝင်ပြောသည် ။ ကျွန်မက
အစ်မလတ်ကို မျက်စောင်းထိုးကြည့်လိုက်ရင်း စဉ်းစားခန်းဝင်နေမိ၏ ။
ခရီးလေး ခဏထွက်ရတုန်း
လွတ်လွတ်လပ်လပ်နေလိုသည်မှာ ဆယ်ကျော်သက်တို့၏စရိုက်ပင် မဟုတ်လား ။ ကျွန်မ လည်း ထိုနည်းအတိုင်းပဲ
သူတို့နှစ်ယောက်နှင့်တော့ မထိုင်လိုပေ ။ သူတို့တတွေနှင့်ထိုင်လျှင် ကျွန်မ ဘာလုပ်လုပ်
အပြောခံ အဆူခံနေရဦးမည် ။ မိဘများကလည်း ကျွန်မကို ထိန်းသိမ်းစောင့်ရှောက်ရန် မှာကြားလိုက်သောကြောင့်
သူတို့က ထိုအာဏာကို အပြည့်အဝအသုံးချကြမည်သာ ။ သို့ဖြစ်၍ ကိုယ့်ဘာသာကိုယ် သီးသန့်ထိုင်ကာ
သီချင်းနားထောင်နေသည်က ပိုကောင်းဦးမည် ။
“ မဝင်ပေါင် ။ ဒီမှာပဲ ထိုင်မှာ ။”
“ နေပါဦး မိဆောင်းရယ် ။ တော်ကြာ…ယောက်ျားကြီး ဖြစ်နေဦးမယ် ။”
“ ဟင်…ယောက်ျားကြီးဖြစ်တော့ ဘာဖြစ်တုံး ။ လိုင်းကားပေါ်မှာဆို ရွေးလို့ရတာကျလို့
။ ယောက်ျားလည်း အတူထိုင်ရတာ
ပဲလေ ။ ခုက ကျယ်ကျယ်ဝန်းဝန်းနဲ့ဆိုတော့ ယောက်ျားဖြစ်ဖြစ်/မိန်းမဖြစ်ဖြစ်
ပူစရာမရှိပါဘူး ။”
အစ်မကြီး၏စိုးရိမ်စကားကို ကျွန်မက ခပ်ပေါ့ပေါ့ချေပလိုက်ပြီး
(၃၉)တွင် ဖျတ်ခနဲ ဝင်ထိုင်လိုက်သည် ။ ၃၉က မှန်တံခါးဘက်၍ဖြစ်နေ၍ ကျွန်မ အကြိုက်ပင် ။
အစ်မများကလည်း ‘ပြောမနိုင်ဆိုမရ’ညီမလေးအပေါ် လက်မြှောက်သွားကြလေသလား မပြောတတ် ။ တစ်ဖက်
ထိုင်ခုံတွင်ထိုင်ကာ ငြိမ်သက်သွားကြ၏ ။ ကျွန်မလည်း လွယ်အိတ်ထဲက ဟန်းဖုန်းနှင့်အီးယားဖုန်း(နားကြပ်)ကိုထုတ်ကာ
ခေါင်းတလှုပ် လှုပ်ဖြင့် သီချင်းနားထောင်နေလိုက်သည် ။
ဆံတော်ရှင်ကျိုက်ထီးရိုးစေတီတော်သည်
ကျိုက်ထိုမြို့နယ်ထဲတွင် တည်ရှိပြီး မြန်မာနိုင်ငံ၏တန်ခိုးကြီးမားသော စေတီ တော်များ
အနက်တစ်ဆူဖြစ်သည် ။ ကျိုက်ထီးရိုးစေတီတော်ကို အစွဲပြုကာ စေတီတည်ရာတောင်ကို ကျိုက်ထီးရိုးတောင်ဟု
ခေါ် ခြင်းဖြစ်ပြီး ပင်လယ်ရေမျက်နှာပြင်အထက် (၃၆၀၀)ခန့်အမြင့်တွင် တည်ရှိ၏ ။ စေတီတည်နေပုံမှာ
ဆန်းပြားထူးခြားလှပြီး ဆံတော် ကိန်းဝပ်နေသောကျောက်တုံးသည် လူတစ်ယောက် တွန်းရုံမျှဖြင့်
လှုပ်ရွေ့နိုင်သည်…စ၍ ကျိုက်ထီးရိုးဘုရားနှင့်ပတ်သက်ပြီး ဟိုဟို
သည်သည်လေ့လာဖတ်ရှုဖူးခဲ့သော်လည်း ကိုယ်တိုင်ကိုယ်ကျတော့ တစ်ခေါက်မျှပင် သွားရောက်မဖူးမြော်ဖူးသေးပေ
။
မိဘတွေက သူတို့ကိုယ်တိုင်လည်း
မအားကြသဖြင့် ကျွန်မကို လိုက်ပို့နိုင်ခြင်းမရှိသလို သူငယ်ချင်းများ ခရီးစုသွားကြ သည့်အခါတွင်လည်း
ကျွန်မကို စိတ်မချဟုဆိုကာ မထည့်ပေးလိုက်ကြ၍ ကျွန်မမှာ ဘယ်ကိုမှ မရောက်ရှိခဲ့ဖူးချေ
။ ယခုနှစ် သူငယ်ချင်းများ ကျိုက်ထီးရိုးသွားသည်ဟုသိရစဉ်တွင် ကျွန်မလည်း ကျိုက်ထီးရိုးဘုရားသို့
မရ/ရအောင်သွားမည်ဟု စိတ်ပိုင်းဖြတ် ကာ မိဘများကို ဇွတ်အတင်းပူဆာသောကြောင့် ယခုကဲ့သို့
ခရီးထွက်ခွင့်ရခဲ့ခြင်းဖြစ်၏ ။
အသည်းကျော်လေးက တောင်းဆိုတော့လည်း
မိဘတွေက ဘယ်နေနိုင်တော့မလဲ ။ (Veto)ဗီတိုအာဏာကို ကျင့်သုံးပြီး အစ်မနှစ်ယောက်ကို လိုက်ပို့စေခဲ့သည်
။ အလုပ်ကိစ္စနှင့် ခရီးမကြာခဏ ထွက်ခွင့်ရသော-အစ်မနှစ်ယောက်ကတော့ ကျွန်မကို သိပ်မကြည်ကြ
။ မည်သို့ပင်ဖြစ်စေ…ကျွန်မ၏ ပထမဦးဆုံးခရီးစဉ်လေးတွင် စိတ်လှုပ်ရှားစရာ ၊ ရင်ခုန်စရာ
၊ ပျော်ရွှင်ကြည်နူးစရာ အမှတ်တရတို့ဖြင့် ပြည့်နှက်နေစေချင်သည် ။ အတွေးဝဲကယက်ထဲတွင်
လက်ပစ်ကူးခတ်ရင်း ရောက်တတ်ရာရာတွေးတောနေမိ ရာမှ ဦးနှောက်က သူ့ကိုယ်သူ အနားပေးလိုက်ဟန်တူ၏
။ ရန်ကုန်မြို့အထွက်လောက်၌ ကျွန်မ- မှေးခနဲအိပ်ပျော်သွားခဲ့သည် ။
TTTT
“ မိဆောင်းရေ…ထတော့ ။ ကားရပ်နေပြီ ။ အောက်ဆင်းရတော့မယ် ။”
“ အင်…! ဟုတ်…ဟုတ်…ဝါး…! ”
မည်မျှကြာအောင် အိပ်ပျော်သွားလေသည် မသိ
။ အစ်မလတ်၏လှမ်းအော်နှိုးသံကြားမှ အိပ်မှုံစုတ်ဖွားနှင့် ခေါင်းထောင်လာခဲ့၏ ။ ဝါးခနဲတစ်ချက်သမ်းဝေလိုက်ပြီး
မျက်စိနှစ်လုံးဖွင့်ကာ ပတ်ဝန်းကျင်သို့ စောင်းငဲ့ကြည့်လိုက်ချိန်တွင် ကားပေါ်၌ မည်သူမျှ
မရှိတော့ ချေ ။ အစ်မ နှစ်ယောက်ပင် ကားတံခါးဝနားရောက်နေပြီ ။
“ တော်တော်ချစ်စရာကောင်းတဲ့အစ်မတွေ…ငါ့တောင် မစောင့်ဘူး ။”
ခပ်တိုးတိုးအပြစ်တင်ရေရွတ်ရင်း ထိုင်ခုံမှ
ထွက်လာလိုက်စဉ်…
“ ဂျွတ်…ဂလွတ်…”
“ အမလေး…”
နောက်ကျောဆီမှ ကြားလိုက်ရသည့်အသံကြောင့်
ကျွန်မ ကယောင်ကတမ်းထအော်ကာ တစ်ကိုယ်လုံးလည်း ဆတ်ခနဲတုန်သွား ခဲ့ရသည် ။ ဘာသံလဲ ။ ဘယ်သူမှ
မရှိတော့တဲ့ကားပေါ်မှာ အသံထွက်လာစေတဲ့အရာက ဘာများဖြစ်မလဲ…။
-
ဘုရား…ဘုရား…ငါ့ကို တစ္ဆေများ ခြောက်ပြီလား …
အသံက နောက်ဘက်မှလာသောအသံဖြစ်၍ ရှေ့သို့
စွတ်ရွတ်ထွက်ပြေးပြီး အစ်မတွေကို သွားပြောပြရကောင်းမလား-စဉ်းစားမိ ပေမယ့် မဖြစ်သေးပါ
။ ထိုအတွေးမှာ အူကြောင်ကြောင်အတွေး ။ အစ်မနှစ်ယောက်က မယုံသည့်အပြင် လှောင်ပင်လှောင်ပြောင်
ကြဦးမည် ။ ဤသို့ဆိုလျှင် ကိုယ့်ဘာသာကိုယ် သေချာအောင်ကြည့်ပြီးမှ သွားပြောရကောင်းမလား
။ အဲ…တော်ကြာ ကြောက် မက်ဖွယ်မျက်နှာကြီးကို တွေ့လိုက်ရမှဖြင့်….။
ထိုသို့ စက္ကန့်ပိုင်းမျှ
ဟိုဟိုသည်သည်တွေးတောလိုက်ပြီးနောက် စိတ်ကို ပြတ်ပြတ်သားသား ဆုံးဖြတ်လိုက်နိုင်သည် ။
ဘာကြီးပဲ ဖြစ်နေပါစေ…သေသေချာချာစူးစမ်းရမည် ။ ထိုသို့ တွေးကာ ကြောက်နေသည်မှန်သော်လည်း
စိတ်ကိုထိန်းချုပ်ပြီး နောက်သို့ ဖြည်းဖြည်းချင်း လှည့်လာလိုက်သည် ။ ကြောက်စိတ်ဖြင့်
နောက်ကျောဆီသို့ မဝံ့မရဲလှည့်ကြည့်လိုက်သည့်အခါ တွေ့ မြင်လိုက်ရသည်က (၅)ယောက်ခုံပေါ်ဝယ်
ဆောင့်ကြောင့်ထိုင်နေသူတစ်ယောက် ။
သူ့ပုံစံက ကုန်းကုန်းကွကွ
။ သူက ခပ်လှမ်းလှမ်းမှဂစ်တာကို လှမ်းဆွဲယူနေပုံရသည် ။ ဂစ်တာက သူ့လက်ထဲသို့ပင် မရောက်သေးဘဲ
ကားမှန်ပြတင်းဝယ် ထောင်လျက်သား ။ သူက ကျွန်မအော်သံကြောင့် လှမ်းယူနေရာမှ ရပ်ကာ ကျွန်မဘက်သို့
မျက်လုံးအဝိုင်းသားဖြင့် တအံ့တသြလှည့်ကြည့်နေသည် ။ သူကိုယ်တိုင်လည်း ကျွန်၏အော်သံကြောင့်
ထိတ်လန့်သွားခဲ့သည့်ပုံ ။
အသားဖြူဖြူ လူပုံသွယ်သွယ်နှင့်
ချစ်စဖွယ်ရုပ်ရည်ရှိသော ကောင်လေးတစ်ယောက်ဖြစ်နေသဖြင့် ကျွန်မ ရှက်စိတ်ဝင် သွားမိ၏ ။
မည်မျှပင် အချစ်ကို မျှော်လင့်တောင့်တနေမိပါစေ … အတွေ့အကြုံမရှိသေးသူ အသည်းရိုင်းနုနုမို့
ကောင်လေးတစ် ယောက်နှင့် ရုတ်တရက် ရင်ဆိုင်လိုက်ရသည့်အခိုက် ရင်တလှိုက်လှိုက်ဖိုကာ ထွက်ပင်ပြေးချင်သွားသည်
။ နောက်ပြီး သူ့အရွယ် ကလည်း ကျွန်မနှင့် မတိမ်းမယိမ်း…လွန်ရောကျွံရောမှ (၁၉)/(၂၀) ။
“ သြော်…လန့်လိုက်တာ ။ သရဲခြောက်တာ မှတ်လို့ ။”
သူကိုမြင်လိုက်ရချိန်တွင် တစ္ဆေသရဲမဟုတ်မှန်းသိလိုက်ရသဖြင့်
ကျွန်မ စိတ်သက်သာရာရကာ ထိုသို့ရေရွတ်မိလိုက်သည် ။
ကျွန်မ စကားကြောင့်
သူ့မျက်နှာ ပြုံးစိစိဖြစ်သွားပြီးမှ ကျွန်မကို မျက်ခုံးနှစ်ဖက်ကျုံ့၍ အပြုံးမျက်နှာဖြင့်
ဦးညွှတ်ပြ၏ ။ သဘောမှာ “ထိတ်လန့်အောင်လုပ်မိတဲ့အတွက် စောရီးနော်…”ဟူသောအဓိပ္ပါယ် ။ များသောအားဖြင့်
စမတ်ကျပြီး အထာနပ် သောကောင်လေးတွေ သုံးတတ်သည့်စတိုင် ။ ကျွန်မကလည်း ဆယ်ကျော်သက်လေးပီပီ
နားလည်လွယ်သည်ပေါ့ ။ ပခုံးလေး နှစ်ဖက်တွန့်ကာ ပြုံးပြခဲ့သည် ။ “ရပါတယ်”ဟူသော အသံတိတ်ဘာသာစကား
။ ထိုအဓိပ္ပါယ်များကို လွတ်လပ်သောလူငယ်နှစ်ဦး သာ နားလည်လွယ်လေမလား မပြောတတ်ပါ ။
ကားပေါ်ရှိမီးရောင်မှိန်ပြပြအောက်၌
သူက အမှောင်ရိပ်ထဲသို့ ရောက်ရှိနေသဖြင့် သူ့မျက်နှာကို ကျွန်မ လင်းလင်းချင်း ချင်း
မမြင်ရပေမယ့် ကိုခန့်ချောတစ်ယောက်ဖြစ်မှန်းတော့ ကျွန်မ သိသည် ။ သူက အေးချမ်းသောဆောင်းညကို
အံတုနိုင်စေဖို့ အပြာနုရောင်ဂျင်းဂျာကင်တစ်ထည်ကို စတိုင်ကျကျဝတ်ဆင်ထား၏ ။ ကျွန်မတို့နှစ်ယောက်
စက္ကန့်ပိုင်းမျှ အကြည့်ချင်းဆုံနေခဲ့ကြ ပြီးနောက် သူက ယောက်ျားလေးပီပီ ရှေ့ဆက်မည်မတွေးဘဲ
ဂစ်တာကို လှမ်းယူကာ ကြိုးညှိနေသဖြင့် ကျွန်မလည်း ကားပေါ်မှာ ဆက်နေရန် အဆင်မပြေတော့၍
အောက်ဆင်းလာခဲ့လိုက်၏ ။
ကားအောက်မှာတော့ ကျွန်မအစ်မနှစ်ယောက်…။
အစ်မလတ်က ဆောင်းဒေဝါကို မထီမဲ့မြင်ပြုကာ အနွေးထည်ခပ်ပါးပါး ကိုသာ ဝတ်ဆင်လာခဲ့၍ ယခုတော့
ချမ်းလွန်းသဖြင့် ခုန်ဆွခုန်ဆွဖြစ်နေပြီ ။
“ တော်သေးတာပေါ့ ။ ငါက နင် ကားပေါ်မှာ နောက်တစ်ရေး ရနေပြီမှတ်လို့ ခုပဲ တက်ခေါ်တော့မလို့
။”
“ မဟုတ်ပါဘူး မလတ်ကလည်း ။ ဒီမှာက မိန်းကလေးလေ ။ ပြင်ရဆင်ရသေးတာပေါ့ ။”
“ အမလေး…မပြောလိုက်ချင်ဘူး ။ ငါ နင့်အရွယ်တုန်းက အဲသလောက် ပဲမများဘူး ။”
“ သိပါတယ် … သိပါတယ် ။ အဲဒါကြောင့် အခုအရွယ်ထိ အပျိုကြီး ဖြစ်နေတာပေါ့ ။”
“ အောင်မာ…အပျိုကြီးလို့ပြောရအောင် နင်နဲ့ငါနဲ့ ဘယ်လောက်ကွာလို့လဲ ။ ငါက အခုမှ
အသက်အစိတ်ပဲ ရှိသေးတယ်ဟဲ့ ။”
“ သူများတွေ အသက်အစိတ်မှာ ပုခက်ချိတ်နေကြပြီ ။ မလတ်ကတော့ ခုထက်ထိ ဂေါ်မစွံ အပျိုကြီး
။”
“ ကောင်မစုတ်လေး…နင်တော့ ။ လိုက်ပို့တဲ့ကျေးဇူးမှမထောက် အစ်မတွေကို စော်ကားနေလိုက်တာ
။ ငရဲကြီးပါစေတော် ။”
“ ဟီးဟီး…စတာပါ မလတ်ရယ် ။ အခု ဘယ်ရောက်နေပြီလဲ ။ ကားက ဘာဖြစ်လို့ ရပ်တာလဲ ။”
“ ခဏနားဖို့ ရပ်တာလေ ။ အခု အာမထိလျှာမထိမြို့ကို ရောက်နေပြီ ။ ဟိုစားသောက်ဆိုင်မှာ
တစ်ခုခု စားကြတာပေါ့ ။”
“ နေပါဦး…နေပါဦး…ဘာရယ် ဘာရယ်…အာမထိလျှာမထိမြို့
ဟုတ်လား ။ တစ်ခါမှ မကြားဖူးပါဘူး ။”
“ ဟားဟားဟား…ပဟေဠိဖွက်လိုက်တာလေ ။ ဘာမြို့လဲ သိလား ။”
“ အမလေး…မိဆောင်းကိုများ ငတုံး မှတ်လို့ ။ သိပါ့…ဝေါမြို့ကို ပြောတာမို့လား ။”
“ ဟဲဟဲ… ငါ့ညီမလေးက ဒီလိုကျတော့လည်း ဘယ်ဆိုးလို့တုံး ။ ဘယ်မှမရောက်ဖူးပေမယ့်
ဗဟုသုတတော့ ရှိသား ။”
“ အမယ်…လူကိုများ ။ ဘယ်မှမရောက်ဖူးပေမယ့် တစ်ကမ္ဘာလုံးအကြောင်း သိတယ် ။ ဖင်လန်နိုင်ငံရဲ့အကျယ်အဝန်းကို
မလတ် သိလို့လား ။”
“ ဟင်…ဖင်လန်နိုင်ငံဆိုတာ ကလေးတွေ ပြောင်ပြီးပြောတဲ့နိုင်ငံ မဟုတ်ဘူးလား ။ တကယ်ရှိတာလား
။”
“ ဟာ…တကယ်ရှိတဲ့နိုင်ငံပေါ့ ။”
“ ဖင်လန်နိုင်ငံတဲ့ ။ စိတ်ကုန်ပါ့…ပေးစရာနာမည် ဒီလောက်ရှားသလား ။ မသိဘူးဟာ ။
ဖင်လန်နိုင်ငံဆိုမှတော့ သေးသေး
လေးပဲ နေမှာပေါ့ဟယ် ။ အကျယ်အဝန်း ဘယ်လောက်ရှိသလဲဆိုတာ ငါ ဘယ်သိပါ့မလဲ ။”
“ မှတ်ထား ။ စတုရန်းမိုင်ပေါင်း၁၃၀,၁၁၉ရှိတယ်
။ ဒီထက်ပိုပြီးသိချင်ရင် ကမ္ဘာ့နိုင်ငံများအကြောင်း
သိကောင်းစရာ-ဆိုတဲ့
စာအုပ်ထဲမှာ ရှာဖတ်ကြည့် ။ ဟွန်း…”
ကျွန်မ၏နှပ်ပစ်မှုကိုခံလိုက်ရသဖြင့် အစ်မလတ်
ငိုင်ဆင်းသွားလေသည် ။ ဘယ်ရလိမ့်မလဲ…မိဆောင်းပဲလေ ။ တစ်နေ့,တစ်နေ့ အိမ်မှာ အား,အားမနေဘဲ
ဖေဖေ စုဆောင်းထားသမျှစာအုပ်များကို ထိုင်ဖတ်နေသောကြောင့် ယခုကဲ့သို့ ဘာမေးမေးသိနေရခြင်း
ဖြစ်သည် ။ စာအုပ်စာပေမှန်သမျှ လူတို့၏မိတ်ဆွေများပင် မဟုတ်ပါလား ။
“ ကဲ…ကဲ…နင်တို့နှစ်ယောက် စကားနိုင်လုတာ တော်ကြတော့ ။ ဟိုမှာ သူများတွေကဖြင့်
စားလို့သောက်လို့ပြီးတော့မယ် ။
လာ…မိဆောင်း … နင်က တစ်ခုခုစားရင် ကြာပါဘိနဲ့ ။ တော်ကြာ…ကားမစောင့်ဘဲနေဦးမယ်
။”
အစ်မကြီးက ပွဲဝင်ထိန်းလိုက်ပြီး နှစ်ယောက်လုံးကို
ပွဲစဉ်မှထုတ်ကာ ဝေါမြို့၏စားသောက်ဆိုင်လေးဆီသို့ ဦးဆောင်ခေါ်ငင်သွား ခဲ့သည် ။
ဆိုင်က သပ်သပ်ရပ်ရပ်ရယ်…။
ဆိုင်တွင်းရှိစားပွဲခုံများတွင် ခရီးသည်များ ပြည့်နှက်လျက်ရှိ၍ ကျွန်မတို့လည်း နီးစပ်ရာခုံ
တစ်ခုံစီတွင် အဆင်ပြေသလို ဝင်ထိုင်လိုက်ကြပြီး ကျွန်မက ညလယ်စာအဖြစ် ကြာဆံဟင်းခါးကို
မှာယူသုံးဆောင်ခဲ့သလို အစ်မ နှစ်ယောက်ကလည်း မုန့်ဟင်းခါးနှင့်ကော်ဖီကို တစ်ယောက်တစ်မျိုးစီ
မှာစားကြသည် ။ ည(၁၂)နာရီတိတိတွင် တစ်ခါမျှ အစာ မစားဖူးသော-ကျွန်မအတွက် ဒါဟာလည်း အတွေ့အကြုံသစ်ပဲ
ဖြစ်နေ၏ ။
လက်နှင့်ပါးစပ်က ကြာဆံဟင်းခါး
စားသောက်ခြင်းအမှုကို လုပ်ဆောင်လျက်ရှိသလို မျက်လုံးကလည်း ဆိုင်အတွင်းသို့ ဝေ့ဝဲလျှောက်ကြည့်ကာ
စောစောက-ဂစ်တာရှင်လေးကို ဖွေရှာနေမိသည် ။ သို့ပေမယ့် ကိုယ်ယောင်ပဲ ပျောက်နေလေသလား…
သို့မဟုတ် ကားပေါ်ကပဲ ဆင်းမလာတာလား မသိ ။ မတွေ့မိ ။
“ ကဲ…မပြောဘူးလား ။ မြန်မြန်သောက် မိဆောင်းရယ် ။ ဟိုမှာ ကားက လှမ်းခေါ်နေပြီ
။ တို့ကို စောင့်နေရတယ် ။”
သိကြသည့်အတိုင်း ကျွန်မက သွားနှေးနှေး
၊ စားနှေးနှေး ။ ယခုလည်း ခရီးသည်အားလုံး ကားပေါ်တက်သွားကြသည့်တိုင် ကျွန်မ စားသောက်၍မပြီးသေး
။ အစ်မကြီးက ကားပေါ်မှခရီးသည်များကို အားနာကာ ဇွတ်အတင်းခေါ်နေ၍ ကျွန်မလည်း စားလက်စ, ကြာဆံဟင်းခါးကို
လက်စသတ်လိုက်ပြီး ဆိုင်ထဲမှ ထွက်လာခဲ့ရသည် ။ ကြာဆံဟင်းခါးက ပူလွန်းလှသဖြင့် ဖြည်းဖြည်းချင်း
သောက်နေရသောကြောင့် တစ်ဝက်နီးပါးခန့် ကျန်နေသေးသည်မို့ နှမြောမိ၏ ။ သို့သော် အစ်မကြီးကိုတော့
ကျွန်မ မလွန်ဆန်ဝံ့ ။
ဟုတ်တော့လည်းဟုတ်သည်
။ အစ်မကြီး အားနာလျှင်လည်း အားနာစရာပါပဲ ။ ကားက ကျွန်မတို့ကို စောင့်နေရခြင်း ဖြစ်၏
။ ကျွန်မတို့သုံးယောက် ကားပေါ်ရောက်သည်နှင့်တပြိုင်နက် ကားဘီးစ,လှိမ့်လေပြီ ။
“ တွေ့လား…ကားက ငါတို့ကို စောင့်နေရတာ ။ ကားပေါ်မှာက လူစုံနေပြီ ။ ခရီးသည်တွေကို
ဘယ်လောက် အားနာစရာ
ကောင်းသလဲ ။”
အစ်မကြီးက ရှေ့မှာသွားရင်း ဗျစ်တောက်,ဗျစ်တောက်ဆူနေသေးသည်
။ နံဘေးတစ်ဖက်ဆီမှခရီးသည်များက အစ်မကြီး၏ စကားသံကြောင့် ကျွန်မကိုကြည့်ကာ မြုံစိစိပြုံးသွားကြ၏
။ သူတို့ ရယ်မည်ဆိုလည်း ရယ်ချင်စရာပေါ့ ။ အစ်မကြီးက ရှေ့မှသွား ရင်း ဆူလိုက်တိုင်း
ကျွန်မကလည်း နောက်ကနေ လျှာတစ်လစ်ထုတ်ကာ ပြောင်ပြနေသောကြောင့်ဖြစ်သည် ။ ကျွန်မတို့ ထိုင်ခုံသို့
ရောက်သည့်အခါ ကားက (ကား)ပါကင်မှနေ (ဖင်ဆုတ်)နောက်ဆုတ်နေလေပြီ ။
“ ဟင်…ကားထွက်နေပြီလား ။ လူမစုံသေးပါဘူး ။”
ကျွန်မက (၅)ယောက်ခုံဆီသို့ မသိမသာစောင်းငဲ့ကြည့်ရင်း
စိတ်ထဲက ရေရွတ်လိုက်မိ၏ ။ ဟုတ်သည်… ကားပေါ်တွင် သူ မရောက်သေး ။ ကားပေါ်မှဆင်းစဉ်က ကျွန်မတို့ထက်ပင်
သူက ပိုနောက်ကျသေးသည် မဟုတ်လား ။ ယခုမှ စားတုန်းသောက် တုန်းများလား ။ ကားထွက်မည်ကို
သူ သိမှသိပါစ ။ ထိုသို့သောအတွေးများဖြင့် စိတ်ထဲ၌ သူ့အတွက် စိုးရိမ်သွားခဲ့ပြီးမှ
…
‘ အို…ငါနဲ့ဘာဆိုင်လို့လဲ ။ သူ့ဘာသာသူ ကျန်ခဲ့ကျန်ခဲ့…ငါ ပူစရာမလိုပါဘူး ။’
ဟုတွေးပြီး ထိုင်ခုံတွင် ဝင်ထိုင်နေလိုက်သည်
။ သို့ပေမယ့် ချက်ချင်းပင် ခရီးသည်အချင်းချင်း ရိုင်းပင်ကူညီသင့်တာပေါ့-ဟူသော အတွေး
ဝင်လာကာ မှန်ပြတင်းပေါက်မှနေ စားသောက်ဆိုင်ဆီသို့ လှမ်းချောင်းကြည့်မိသည် ။
ဆိုင်ထဲတွင် လူသုံး/လေးယောက်
ရှိနေသေး၏ ။ ထိုလူအုပ်ထဲတွင် သူ ရှိနေလေမလား…ဒါမှမဟုတ် အိမ်သာကို ရောက် နေလို့များလား…အိမ်သာက
ဆိုင်နောက်ဘက်သို့ အတန်ငယ်ဝင်သွားရ၍ ဆိုင်ရှေ့ကခေါ်သောအသံကို ကြားရရန် မလွယ်ကူပေ ။ ကျွန်မကသာ
ခရီးသည်တစ်ယောက်အတွက် ပူပန်သောကရောက် နေရပေမယ့် ကားကဖြင့် လမ်းမပေါ်သို့ပင် ချိုးကွေ့နေပြီ
။
- ခရီးသည်တစ်ယောက် ကျန်နေတယ်လို့ ငါ အော်ပြောလိုက်ရကောင်းမလား…
ထိုအတွေးသည် အူကြောင်ကြောင်နိုင်နေသလား
ကျွန်မ မသိပါ ။ ဤခရီးစဉ်သည် ကျွန်မအတွက် ပထမဆုံးဖြစ်နေ၍ ခရီးသွား ခြင်းနှင့် ပတ်သက်ပြီး
ကျွန်မတွင် အတွေ့အကြုံမရှိ ။ မိမိဘေးမှခရီးသည်ကျန်ခဲ့လျှင်
ဧည့်လမ်းညွှန် သို့မဟုတ် တာဝန်ခံဆီသို့ အကြောင်းကြားရမည်ဟူသော ခရီးသည်တစ်ဦး၏တာဝန်ကို
ကျွန်မ ကြားသိမထားခဲ့သဖြင့် ယခုကဲ့သို့ တွန့်ဆုတ်နေမိခြင်းဖြစ် သည် ။
- ဟာ…ကားက ထွက်တောင်နေပြီ ။ မဖြစ်ပါဘူး ။ သူများတွေ
ရယ်ချင်ရယ်ပါလေ့စေ ။ လူတစ်ယောက်ကို ကူညီတာပဲ ။
ကူညီကောင်းပါတယ် ။
နောက်ဆုံး ကျွန်မ စိတ်ဆုံးဖြတ်လိုက်ပြီး
ခရီးသည်တစ်ဦး ကျန်ရစ်ခဲ့သည့်အကြောင်း လှမ်းအော်ပြောရန် ခေါင်းထောင်လိုက်သည့် အခိုက်
ကျွန်မမျက်နှာပြင်ထက်သို့ သက်ဆင်းလာသောမှောင်ရိပ်တစ်ခုကြောင့် ကျွန်မ မင်သက်သွားခဲ့ရပြီ
။ အရိပ်ပိုင်ရှင်က သူ ။ သူက အလောတကြီးလျှောက်ဝင်လာပုံရပြီး ကျွန်မ ထိုင်နေသောနှစ်ယောက်ခုံ၏ဘေးတွင်
မားမားကြီးရပ်တန့်နေသည် ။
“ စောရီးနော် ။ ကျွန်တော် နောက်ကျသွားတယ် ။”
စောစောက သူ့အပြုံးမျက်နှာကိုသာ မထင်မရှားမြင်တွေ့လိုက်ရရာ
ယခုမှပင် သူ့အသံကို ကျွန်မ ကြားသိလိုက်ရ၏ ။ သူ့အသံက တေးသံရှင်ဇော်ပိုင်၏အသံကဲ့သို့
ချိုလွင်နုညံလှသည် ။ သူက အသံချိုချိုနှင့် တောင်းပန်လိုက်ပြီး တဆက်တည်းပင် ကျွန်မနံဘေး
က ထိုင်ခုံတွင် ဝင်ထိုင်လိုက်သဖြင့် ကျွန်မ ပို၍အံ့သြသွားခဲ့ရသည် ။
-
သြော်…လက်စသတ်တော့ ကျွန်မ အိပ်ပျော်နေတုန်းက မသိလိုက်ရတဲ့ နံဘေးထိုင်ခုံပိုင်ရှင်က
သူ ဖြစ်နေတာကိုး …
အံ့သြမှုတွေနှင့်အတူ ရင်ခုန်သံများကလည်း
တဒိန်းဒိန်း…။ သို့ပေမယ့် ကိုယ့်ကိုယ်ကို ထိန်းကာ ဣနြေ္ဒဆည်လိုက်ရင်း…
“ ရပါတယ်…”
ဟု ခပ်တိုးတိုးပြောလိုက်သည် ။
အမှန်ဆို …
“ အမလေး…ရှင် ကျန်ခဲ့ပြီထင်လို့ စိတ်ပူလိုက်ရတာရှင် ။ ဘာဖြစ်လို့ ဒီလောက်နောက်ကျနေရတာလဲ
။”
ဟူ၍ စိတ်ထဲရှိသည့်အတိုင်း ဖွင့်ပြောပစ်လိုက်ချင်ပေမယ့်
ပုရိသတို့နှင့်ပတ်သက်လာလျှင် (၁၉)ရာစုနှစ်မိန်းမပျိုတို့၏ စရိုက်မျိုးရှိ သော-ကျွန်မက
သည်လောက်ထိ မပွင့်လင်းရဲသေး ။
ယခုခေတ်လို အနောက်တိုင်းယဉ်ကျေးမှု
လွှမ်းမိုးခံထိသော-မိန်းကလေးများကဲ့သို့ “နင့်ကို ငါ ချစ်တယ်…ငါ့ကို နင် ချစ် မလား
”ဟု ဖွင့်မေးရဲဖို့နေနေသာသာ စကားပင် ပွင့်ပွင့်မဆိုရဲသည်က ကျွန်မအကျင့် ။ သို့သော်
ကျွန်မ၏မခို့တရို့ပုံစံလေးကိုက သူ့အတွက် စွဲဆောင်အားပြင်းခဲ့လေသလား မပြောတတ် ။ မကြာ,မကြာ
ကျွန်မဘက်သို့ စောင်းငဲ့ကြည့်ကာ စကားစ, ရှာနေလေ တော့၏ ။ ကျွန်မ၏ပထမဆုံးခရီးစဉ်လေးတွင်
မျှော်လင့်ထားမိသည့်အတိုင်း စိတ်ကြည်နူးစရာအမှတ်တရဖြစ်ရပ်လေးတစ်ခုကို ကျွန်မ ပိုင်ဆိုင်ခွင့်ရတော့မည်ထင်သည်
။
“ ရန်ကုန်ကပဲလား ။”
“ အင်း…”
“ ကျောင်းသူထင်တယ် ။”
“ အင်း…”
“ ကျွန်တော်က ကျောက်ဝိုင်းမှာနေဖူးတယ် ။ လိပ်စာတော့ မပြောပြတော့ဘူး ။ လိုက်လည်မှာစိုးလို့
။ အဟား…နောက်တာပါ ။
အခု ကျွန်တော်က ကျိုက်ထိုမှာ ရောက်နေလို့လေ ။ ဒါနဲ့ ညီမက ဘုရားဖူးသက်သက်ပဲလား
။”
“ အင်း…”
“ ကျွန်တော်လည်း ဘုရားဖူးသက်သက်ပဲ ။ ဘုရားလည်း ဖူး ၊ လိပ်ဥလည်း တူးပေါ့ ဟဲဟဲ
။ တစ်မျိုးမထင်နဲ့နော် ။ ဒေသန္တရ
ဗဟုသုတတွေ ရှာမှီးတာကို ပြောတာ ။ ညီမလည်း ဒီလိုပဲထင်ရဲ့
။”
“ အင်း…”
“ ဟောဗျာ…စကားလည်း မပြောတတ်ပါလား ။ တအင်းတည်း အင်းနေတော့တာပဲ ။”
“ ဒါဆို ဘာပြောရမှာလဲ ။”
“ နာမည်တို့ ၊ အသက်တို့ ၊ နေရပ်လိပ်စာတို့ ၊ ဖုန်းနံပါတ်တို့ ၊ facebook
addressတို့…”
“ မပြောပေါင်…”
“ ဟားဟား…ကျွန်တော်ကတော့ ပြောမှာပဲ ။ ကျွန်တော့်နာမည်က ဘုန်းနေလင်း ။ လောလောဆယ်တော့
ကျိုက်ထိုမှာပဲ
နေတယ် ။ အသက်ကတော့ ၁၉နှစ်က မတက်ဘူး ဟဲဟဲ ။ ဂီတကို
ဝါသနာပါတယ် ။ အီလက်ထရောနစ်ပစ္စည်းတွေကို
မသုံးလို့ ဖုန်းနံပါတ်တို့ ၊ ဖေစ်ဘုတ်လိပ်စာတို့တော့
မရှိဘူး … ယုံတယ်မဟုတ်လား ။”
“ ရှိလည်း စိတ်မဝင်စားပါဘူးနော် ။”
“ အဟား…ကျွန်တော်ကတော့ စိတ်ဝင်စားတယ် ။ ဟို…ညီမရဲ့biographyကိုပြောတာလေ ။”
“ ဟိုဘက်မှာ အိပ်ပျော်နေတာက ကျွန်မရဲ့အစ်မနှစ်ယောက်ပဲ ။ သူတို့ကို မေးကြည့်…”
“ အမလေးလေး…မလုပ်ပါနဲ့ဗျာ ။ ပုံစံတွေကြည့်ရတာ ဒေါသကြီးမယ့်ပုံပဲ ။ ကျွန်တော့်ကို
ထ,ရိုက်နေမှဖြင့်… ။”
“ ဟုတ်ပါ့ ။ မလတ်က စိတ်ကြီးမှကြီး ။ လက်သံလည်းပြောင်မှပြောင် ။ မကြီးကတော့ အေးတိအေးစက်နဲ့
ဆော်မယ့်သူ ။”
“ လုပ်ကြံရက်လိုက်တာဗျာ ။ ဒီက ခင်လို့မေးမိတာကို ။”
“ မဟုတ်တာတွေမမေးဘဲ စိတ်ဝင်စားစရာကောင်းတာလေးတွေ မေးပေါ့ ။ ဥပမာ…ကျွန်မ တစ်ခုမေးပြမယ်
။ နော်ရူးနိုင်ငံရဲ့
မြို့တော်က ဘာလဲ သိလား ။”
“ ကျွန်တော်က တောသားဆိုတော့ မသိဘူးပဲထားဗျာ ။ ဘာများလဲ ။”
“ ဒီလောက်လွယ်တာကို ။ နော်ရူးနိုင်ငံရဲ့မြို့တော်က
နော်ရူးပဲပေါ့ ။ ဟွန်း…တောမှနေနေ မြို့မှာနေနေ စာဖတ်ရင် သိနိုင်ပါတယ်
နော် ။ စာအုပ်များများဖတ်ပေါ့ ။”
“ သြော်…သြ…ဟုတ်ပါပြီ ။ ဒါဆို ကျိုက်ထီးရိုးတောင်ပတ်ဝန်းကျင်မှာ ဥစ္စာစောင့်သိုက်ပေါင်း
ဘယ်နှခုရှိသလဲ သိလား ။”
“ ဘာကြီး…! ဥစ္စာစောင့်သိုက်…ဟုတ်လား ။ ပေါက်တီးပေါက်ရှာ…ဥစ္စာစောင့်ဆိုတာ တကယ်ရှိတာကျလို့
။”
“ ရော်…တကယ်ရှိတာပေါ့ဗျ ။ မရှိဘဲနဲ့ လူတွေက ပြောကြမလား ။”
“ မသိဘူးတော် ။ ယုံလည်းယုံဝူး ။”
“ အဟဟ…မင်းက ကလေးလေးကျနေတာပဲ ။ ကိုယ် ပြောပြမယ် ။ ကျိုက်ထီးရိုးတောင် ပတ်ဝန်းကျင်မှာချည်းပဲ သိုက်ပေါင်း
၂၀၀ကျော် ရှိတယ် သိလား
။”
“ အမယ်…ဘယ်လိုလုပ်သိတုံး ။ ရမ်းတုတ်တာနေမှာပေါ့ ။”
“ မဟုတ်ရပါဘူးဗျာ ။ ကိုယ်လည်း မနောမယဂမ္ဘီရဂျာနယ်မှာ ဖတ်ဖူးလို့သိတာ ။ စာစုံအောင်ဖတ်ပေါ့
။”
“ အမလေးနော်…စာစုံအောင်ပဲ ဖတ်ရဦးမယ် ။ ဥစ္စာစောင့်ဆိုတာကို မြင်လည်းမမြင်ဖူးဘူး
။ ယုံလည်းမယုံဘူး ကိုကြီးရဲ့ ။”
“ အဟားဟား…ဟုတ်ပါပြီ ညီမလေးရယ် ။ ကိုကြီး မှားပါတယ် ။ ကိုကြီးကို နာမည်လေးတော့
ပြောပြဦးလေ ။”
“ ဆောင်းသိင်္ဂီတဲ့ ။ ဆောင်းရာသီမှာ ရွှေတွေဈေးတက်တုန်း မိဆောင်းကို မွေးခဲ့လို့ထင်ပါတယ်
ဟိ…”
“ ညီမလေးနာမည်က ချစ်စရာလေးပဲ ။ လူလေးအတိုင်းပေါ့ ။”
“ အဟင်း…ကျေးဇူး…”
အရိုးကွဲမတတ် အေးစက်လှသည့်ဒီဇင်ဘာဆောင်းညလေးဟာ
အခုတော့ သိပ်ကိုစိုပြေနွေးထွေးသွားခဲ့သလိုပင် ။
သူက အသက်လေးနှင့်မှမလိုက်အောင်
ဖောတတ်ရောတတ်သူတစ်ယောက်ဟု ကျွန်မ ကောက်ချက်ချမိသည် ။ ဟုတ် လည်းဟုတ်၏ ။ သူနှင့်တွေ့ဆုံရသည့်-အချိန်ခဏလေးအတွင်းမှာပဲ
သူ့ကို ကျွန်မ ခင်မင်သွားမိသည် ။ အခြားပုရိသများနှင့် စကားပြောလျှင် ရှက်ကိုးရှက်ကန်းနိုင်တတ်သူ-ကျွန်မဟာ
သူနှင့်ကျတော့ ပေါ့ပေါ့ပါးပါးဖြစ်နေ၏ ။ သူက ကျွန်မတစ်သက်တာ အတွက် မေ့မရနိုင်သူများထဲတွင်
စာရင်းဝင်သွားနိုင်လောက်အောင် အပြောကောင်း ၊ အရောကောင်းသူတစ်ယောက် ။ မြှောက် သည်၊ နောက်သည်၊
ဟာသများ/စိတ်ဝင်စားစရာအကြောင်းအရာများ ပြောသည် ။
သူ့အပြောများကြား
လူးကာလိမ့်ကာမြောပါရင်း ပတ်ဝန်းကျင်ကိုပင် မေ့လျော့နေခဲ့လိုက်တာ ချောက်ချားဖွယ်အသံကြီး
တစ်သံကို ရုတ်တရက်ကြားလိုက်ရမှ ကျွန်မ သတိဝင်လာပြီး ထိတ်လန့်သွားခဲ့ရ၏ ။
“ ဖောင်း…”
“ အမေ့…! ဘာ…ဘာဖြစ်တာလဲ ။”
ကျွန်မက အထိတ်ထိတ်အလန့်လန့်မေးရင်း မှန်ပြတင်းမှနေ
အပြင်သို့ ပြူးပြဲကာချောင်းကြည့်လိုက်တော့ မှောင်နှင့်မည်းမည်း ။ သစ်ပင်တောကြီးကို
မသဲမကွဲတွေ့နေရသည် ။ ကားက ဘရိတ်အုပ်သံကျွီခနဲနှင့်အတူ လမ်းဘေးသို့ထိုးရပ်သွားသည် ။
“ ဘာမှမကြောက်ပါနဲ့ ။ ကားဘီးပေါက်သွားတာထင်တယ် ။ တော်သေးတာပေါ့ ။ လမ်းကွေ့မှာဆိုတော့
အရှိန်လျှော့ထားပေ
လို့ ။”
သူက အေးဆေးစွာရှင်းပြသည် ။ ပတ်ဝန်းကျင်မှလူများလည်း
ထိုအခါမှ အိပ်ပျော်ရာက လန့်နိုးလာကြပုံရသည် ။ တစ်ကားလုံး စကားသံများဖြင့် ဆူညံသွား၏
။ စောစောက တိုးတိတ်ငြိမ်သက်နေသော-ဆောင်းညအောက်မှာ နှစ်ယောက်တည်း စကားဖောင် ဖွဲ့ခဲ့ရချိန်လေးကို
ကျွန်မ နှမြောတသစွာ သတိရလိုက်မိသည် ။
“ မိဆောင်း…ကားဘီးပေါက်တာ-တဲ့ ။ နင် ကြောက်သွားသေးလား ။”
တစ်ချိန်လုံး အိပ်ပျော်နေခဲ့သည့်အစ်မလတ်က
အခုမှ လန့်နိုးလာကာ ကျွန်မကို လှမ်းအားပေးရှာသည် ။ သူကတော့ ကျွန်မကို တစ်ယောက်တည်း
အထီးကျန်လျက် ကြောက်လန့်သွားလိမ့်မည်ဟု တွေးထင်ထားပုံရသည် ။ အမျိုးသားများနှင့် ခပ်ကင်းကင်းနေ
တတ်သောသူမက ကျွန်မကိုလည်း နံဘေးမှကိုလူချောနှင့် အပေါင်းအဖော် လုပ်လိမ့်မည်မဟုတ်ဟု
ယူဆထားပုံရ၏ ။ သို့သော် လည်း သူမ မသိသည်က ကျွန်မနှင့်ကိုလူချောတို့ ခင်မင်ရင်းနှီးနေကြပြီလေ
။
“ မကြောက်ပါဘူး ။ သမီး သိပါတယ် ။ နောက်ပြီး ကျိုက်ထီးရိုးလမ်းကွေ့ထဲ ရောက်နေပြီဆိုတော့
ရောက်တော့မှာ မဟုတ်
လား ။”
“ အမယ်…ငါ့ညီမလေးက မဆိုးပါဘူး ။ အေး…အေး…ကားဘီးလဲမှာဆိုတော့ နည်းနည်းတော့ ကြာဦးမှာပေါ့
။ အိပ်နေတာ
အကျိုးအရှိဆုံးပဲဟေ့ ။”
အစ်မလတ်က ပြောလည်းပြော ၊ သူ့စကားကိုသူကိုယ်တိုင်လည်း
လိုက်နာသည် ။ ကျွန်မကို လက်ထောင်ပြကာ ထိုင်ခုံကို နောက်သို့ဆွဲလှန်ပြီး လှဲချလိုက်လေ၏
။ သဘောမှာ ကင်ပွန်းစခန်းရောက်မှ သူ့ကို နှိုးတော့ဟူ၍…။
အစ်မလတ်၏စကားအတိုင်းပင်
ကားဘီးလဲခြင်း အမှုမှာ အနည်းငယ်ကြာမြင့်ဦးမည့်ပုံရှိ၍ ခရီးသည်အများစုသည် အကျိုးရှိရှိ
ဆက်လက်အိပ်စက်လျက်ရှိကြသလို အမျိုးသားတစ်ချို့တလေကလည်း ကားအောက်သို့ဆင်းကာ ဟိုဟိုသည်သည်
စပ်စုလေ့လာကြသည် ။
“ စောစောကတစ်ယောက်က အစ်မအလတ်လား ။”
“ အင်း…ဟိုဘက်ကတစ်ယောက်က အစ်မကြီးလေ ။ သူကတော့ စကားနည်းတယ် ။”
“ စကားအများဆုံးကတော့ မင်းလေးပေါ့…ဟုတ်တယ်ဟုတ်…”
“ ဟွန်း…တစ်လမ်းလုံး စကားအများဆုံးပြောလာတာ ဘယ်သူတုံး ။”
“ ဟားဟား…ဟုတ်ကဲ့ပါခင်ဗျာ ။ စကားအများဆုံးက ကျွန်တော်မျိုးကြီးပါ ။ ဟူး…ကားဘီးလဲဦးမှာဆိုတော့
နည်းနည်းတော့
ကြာမှာပဲ ။ ဒီတော့ … အောက်ဆင်းပြီး ဟဲလိုက်ဦးမယ်
။ ညီမလေးကတော့ ကားပေါ်ကပဲ နားဆင်ပေါ့ ။ ကဲ… နောက်က
ဘော်ဘော်တို့ ဒိုးကြစို့ ။”
သူက ရော်ဘတ်ပက်တီဆင်န်၏အမူအရာမျိုးဖြင့်
အေးတိအေးစက်ရယ်ပြပြီး ထိုင်ရာမှထကာ (၅)ယောက်ခုံဆီသို့ လက်လှမ်းပုတ် လိုက်သည် ။ ထိုအခါမှ
ကျွန်မ အံ့အားသင့်ကာ နောက်ခုံဆီသို့ လှည့်ကြည့်မိသည့်အခါ မြင်တွေ့လိုက်ရသော‘အရာ’များကြောင့်
မင်သက်သွားခဲ့ရ၏ ။ (၅)ယောက်ခုံတန်းတွင် ကောင်လေးငါးယောက်က အတုံးအရုန်းအိပ်လို့…။ နောက်ခုံတွင်
လူပါလာမှန်း ကျွန်မ လုံးဝ သတိမပြုမိခဲ့ ။ သူက ထိုကောင်လေးများကို ခပ်ဆတ်ဆတ်ပုတ်နှိုးလိုက်ပြီး…
“ ဟိတ်ကောင်တွေ…ဟိုမှာ ကားဘီးပေါက်သံ မကြားဘူးလား ။ ကားက ကြာဦးမှာ ။ လာပါကွာ…အောက်ဆင်းပြီး
သီချင်းလေး
ဟဲကြတာပေါ့ ။ နားဆင်မယ့်သူတွေ ရှိလို့ပါကွာ
…လာပါ ။”
သူက ကျွန်မဘက်သို့ မသိမသာစောင်းငဲ့ကြည့်ကာ
ဆိုလိုက်သည် ။ သူ့အကြည့်ကြောင့်လား သူ့အပြောကြောင့်လား…ဒါမှမဟုတ် နုငယ်သေးသော ကျွန်မ၏အသည်းရိုင်းလေးကပဲ
ရင်ခုန်လွယ်လွန်း၍လား မပြောတတ်…။ ရင်ထဲက ဖိုခနဲခံစားလိုက်ရသဖြင့် ခေါင်းငုံ့ကာ အလိုလိုပြုံးမိသည်
။ သူကတော့ နံဘေးမှာ မရှိတော့ပါ ။ သူငယ်ချင်းငါးယောက် ၊ ဂစ်တာတစ်လက်နှင့်အတူ ကားအောက်သို့
ဆင်းသွားလေပြီ ။
“ ဒီဇင်ဘာည…အဖြူရောင်မြူနှင်းကြားမှာ…¯¯¯”
ဂစ်တာသံချိုမြမြနှင့် သူတို့အဖွဲ့၏အသံစူးရှရှတို့ပေါင်းစပ်ကာ
ပေါ်ထွက်လာသော လင်းနစ်၏ဒီဇင်ဘာည-သီချင်းသည်
ကျွန်မ အတွက် မမေ့နိုင်စရာအမှတ်တရလေးတစ်ခုပါပဲ…။ အသံသြသြများကြား၌ သူ့အသံချိုချိုလေးက
ထင်ထင်ရှားရှားကွဲထွက်နေ ၏ ။
“ ငါ…ငိုနေဆဲ…ယုံပါ ကောင်မလေးရယ်…ပြန်ဆုံနိုင်မယ့်ကံကို
ငါတမ်းတတယ်…¯¯¯”
သူက ကောင်မလေးရယ်-ဆိုသောနေရာရောက်တိုင်း သိသိသာသာဖိဆိုနေ၍ ကျွန်မ စိတ်လှုပ်ရှားသထက်လှုပ်ရှားလာခဲ့ရသည်
။ သူ ဆိုလိုသောကောင်မလေးက ကျွန်မကိုများလား…။
အသက်(၁၈)နှစ်ရောက်သည့်တိုင်
အချစ်ဆိုသောအရာနှင့် တည့်တည့်ဆိုင်ဆိုင်မကြုံတွေ့ဖူးသေးသဖြင့် အကြီးအကျယ် ရင်ခုန်နေမိတာမှန်သလို
တစ်ဖက်ကလည်း လူလိမ်လူညာများ ဖြစ်လေမလား…ခဏလေးပဲ တွေ့ရသေးတာ ။ သူ့အကြောင်း လည်း ငါ ဘာမှသိသေးတာမှမဟုတ်ဘဲ…စသောအတွေးများကြောင့်
သူ့အပေါ် ဇွတ်မှိတ်ပြီး မချစ်ဝံ့သေးပေ ။ သို့သော်လည်း သူ့ သီချင်းသံလေးများကြားမှာ ကြည်နူးသာယာနေမိတာတော့
အမှန် ။ ဟိုအတွေးသည်အတွေးများဖြင့် သူတို့ ဆိုနေသည့်သီချင်း လေးကို နားဆင်ရင်း ကျွန်မ
မှေးခနဲ…။
TTTTTTTTTTTTTTTTTTTTTTTTTTTTTTTTT
“ မိဆောင်း…ကင်ပွန်းစခန်း နီးပြီ ။ ထတော့…”
“ အင်…! သြော်… ဟုတ်…ဟုတ်…”
မှေးခနဲအိပ်ပျော်သွားခဲ့ခြင်းဖြစ်သော်လည်း
တစ်ရေးထပ်ရခဲ့ပြီ ။ အစ်မလတ် လှမ်းပုတ်နှိုးလိုက်မှပဲ ကျွန်မ အိပ်ပျော်နေရာမှ လန့်နိုး
လာခဲ့သည် ။ ထိုအချိန်တွင် ကားကြီးက တရွေ့ရွေ့ခရီးဆက်နေပြီ ။
အိပ်ချင်မူးတူးဖြင့်
ဝေဝါးနေသောမျက်လုံးများကို လက်နှစ်ဖက်နှင့် ခပ်ကြမ်းကြမ်းပွတ်သပ်လိုက်ရင်း ဦးနှောက်က
တစ်စုံ တစ်ခုကို သတိရသွားသည် ။ သို့သော် အိပ်ချင်မူးတူးအသိကြောင့် ဘာကိုသတိရ၍ရမှန်းမသိ…။
-
ငါ ဘာကို သတိတရတွေးနေတာပါလိမ့်…
ခေါင်းကို နှစ်ချက်ခန့် (ခပ်ဖွဖွ)ထုရိုက်လိုက်ပြီး
ပတ်ဝန်းကျင်သို့ ဝေ့ဝဲကြည့်လိုက်သည့်အခါမှ သတိရနေမိသည့်တစ်စုံတစ်ရာက ဘာ,ဆိုတာကို စဉ်းစားမိသွားတော့သည်
။ ရှင်းရှင်းပြောရလျှင် တစ်စုံတစ်ရာ မဟုတ် ။ တစ်စုံတစ်ယောက် ။ မိမိကို တစ်လမ်းလုံး
ကြူနေသည့် ကိုဘုန်းနေလင်းဆိုသူ…။
“ ဟင်…ဘယ်…ဘယ်ရောက်သွားတာလဲ ။”
စဉ်းစားမိသည်နှင့်တပြိုင်နက် နံဘေးသို့လှည့်ကြည့်မိတော့
သူ့ကို မတွေ့ရ ။ စိုးရိမ်တကြီးဖြင့် (၅)ယောက်ခုံဆီသို့ နောက်လှည့် ကြည့်မိတော့လည်း
မည်သူမျှ မရှိချေ ။ မိမိ အိပ်ပျော်သွားသည့်အခိုက် သူတို့အုပ်စု ကျန်ရစ်ခဲ့ကြသလား…။
သူတို့တတွေ တစ်နေရာရာသွားနေတုန်း ကားထွက်လာတာများလား…။ သူတို့တစ်ဖွဲ့လုံး အထူးသဖြင့်
‘သူ့အတွက်’ ကျွန်မ စိုးရိမ်သွားမိသည် ။ သူတော့ အခုလောက်ဆို သစ်ပင်တစ်ပင်အောက်မှာ ကားတစ်စီးစီးကို
ချမ်းချမ်းစီးစီးဖြင့် တားစီးနေရလောက်ပြီ ။
“ အစ်မလတ်…ကား ဘယ်တုန်းက ထွက်လာတာလဲ ။ အခု ဘယ်ရောက်ပြီလဲ ။”
“ ကားထွက်လာတာ မိနစ်၂၀လောက်ရှိပြီတဲ့ ။ မကြီး ပြောတာပဲ ။ ငါလည်း ခုနကမှ နိုးတာ
။ အခု ဘယ်ရောက်ပြီလဲဆိုတော့…
သြော်…ကင်ပွန်းစခန်းရောက်ဖို့ နည်းနည်းပဲလိုတော့တယ် ။”
အစ်မလတ်က ခပ်အေးအေးဖြေရင်း စောစောက သူခြုံထားသောစောင်ကို
ခေါက်နေလေ၏ ။ အေးပေါ့…အပူအပင်မရှာတတ် သည့်-သူ့အတွက် အရာရာဟာ အေးဆေးနေမှာပေါ့ ။ ကျွန်မမှာတော့
မဆီမဆိုင် ပူပန်နေရပြီ မဟုတ်လား ။
“ ဒါဆို…ပြန်လှည့်ခိုင်းရကောင်းမလား မသိဘူး ။ ကားရပ်တဲ့နေရာမှာ အဖွဲ့တစ်ဖွဲ့
ကျန်ခဲ့လို့ ။”
ကျွန်မက စိုးရိမ်ပူပန်သည့်လေသံဖြင့် ထိုသို့
ခပ်တိုးတိုးတိုင်ပင်လိုက်သည် ။ ကျွန်မစကားကြောင့် အစ်မလတ်၏မျက်ခုံးနှစ်ဖက် အပေါ်သို့
မြောက်တက်သွားပြီး ချက်ချင်းပင် ကျွန်မဘက်သို့ ပြူးတူးပြဲတဲလှည့်ကြည့်ကာ သံသယမျက်လုံးများဖြင့်
အကဲခတ်နေ ၏ ။ ကျွန်မအပေါ် ဘယ်တော့မှ မယုံကြည်တတ်သည့်-သူ့အဖို့ သံသယဆိုသောအရာက မကြာမကြာ
အလည်ရောက်လာစမြဲပဲ လေ ။
“ ဟုတ်မှလည်း လုပ်ပါ မိဆောင်းရယ် ။ နင်က အခုမှ နိုးတာလေ ။ လူတစ်ဖွဲ့ ကျန်ခဲ့တယ်ဆိုတာကို
နင် ဘယ်လိုလုပ်သိ
သလဲ ။”
“ သြော်…မလတ်ရယ် ။ အဲဒါပဲ ။ ပတ်ဝန်းကျင် လေ့လာမှု အားနည်းတယ်လို့ပြောရင် စိတ်ဆိုးဦးမယ်
။ ညီမလေးကိုတော့
အမြဲတမ်း သံသယဝင်နေပြီး ကိုယ့်ကိုယ်ကိုတော့
ဘာဖြစ်လို့ သံသယမဝင်ရတာလဲ ။ ညီမလေး ပြောတဲ့လူတစ်ဖွဲ့ဆိုတာ
တခြားကတောင် မဟုတ်ဘူး ။ ဟောဒီနောက်ခုံက (၅)ယောက်ရယ်
ဟောဒီညီမလေးဘေး ထိုင်ခုံကတစ်ယောက်ရယ်…
စုစုပေါင်း လူ(၆)ယောက်တိတိ စောစောက ကားရပ်တဲ့နေရာမှာ
ခဏဆင်းပြီး ကျန်နေခဲ့ကြတာ ။ ဆင်းနေခဲ့တာများလား ။
အာ…မဖြစ်နိုင်ပါဘူး ။ သူက ဘုရားဖူးဖို့ လာတာလို့ပြောတယ်
။ ကျန်ခဲ့တာပဲနေမယ် ။”
“ ဘာရယ်…နေပါဦး…။ နေပါဦး ။ ငါ မရှင်းလို့ပါ ။ လူ(၆)ယောက် ဟုတ်လား ။ ဘယ်နားက
လူ(၆)ယောက်လဲ...”
“ ကျွတ်…! မလတ်ကလည်း အချိန်ကုန်အောင်လုပ်နေပြီ ။ တော်ကြာ…သူတို့တွေ ဒုက္ခရောက်နေဦးမယ်
။”
“ ဘယ်သူတွေကို ပြောနေတာလဲ ။”
“ ဟာ…ဒီဘေးကအကိုကြီးတို့အဖွဲ့ပါဆိုနေ ။ ကားဆရာကို ပြောပေးလေ…မလတ်ရယ် ။”
ကျွန်မစကားက အံ့သြစရာမဟုတ်သလို မူမမှန်သောစကားများလည်း
မဟုတ်…။ သို့ပေမယ့် ကျွန်မ၏စကားကြောင့် အစ်မလတ် သာမက အစ်မကြီးပါ မျက်လုံးပြူးသွားပြီး…
“ ဟဲ့…မိဆောင်း နင် ဘာတွေပြောနေတာလဲ ။ စောစောက အိပ်မက်မက်တာကို တကယ်ထင်နေတာလား
။”
ဟု ဝင်မေးလေသည် ။ အစ်မလတ်ကလည်း…
“ အရူးမလေး…နင် ဘာတွေစိတ်ကူးယဉ်ပြီး လျှောက်ပြောနေတာလဲ ။”
ဟူ၍ ဘုတောပြော၏ ။ သူတို့တတွေက ကျွန်မစကားကို
မယုံကြည်ကြရုံမက လှောင်ပြောင်နေကြသောကြောင့် ကျွန်မ ဒေါသ ထွက်သွားမိသည် ။ ကိုကြီးတို့အဖွဲ့
ကျန်ရစ်ခဲ့သည့်အတွက် စိုးရိမ်စိတ်ဖြစ်နေသောအရှိန်ကြောင့်လည်း ယခုကဲ့သို့ ပို၍ရှူးရှူးရှဲရှဲ
ဖြစ်သွားရခြင်းဖြစ်မည် ။
“ မကြီးတို့နော်…သမီး စိတ်တိုလာပြီ ။ ဘာဖြစ်နေကြတာလဲ ။ သမီး ပြောတာကို ဘာဖြစ်လို့
မယုံကြတာလဲ ။ ဒီမှာ သမီး
ဘေးကလူ မပါလာတာ မတွေ့ဘူးလား ။ လူတစ်ယောက်လုံး ပျောက်နေတာတောင် မကြီးတို့နှစ်ယောက်က
သမီးကို
သံသယဝင်နေကြတုန်းပဲလား ။”
ကျွန်မအမေးကြောင့် သူတို့နှစ်ယောက်၏မျက်လုံး
ပြူးသထက်ပြူးသွားကြသည် ။ ခရီးသွားကားကြီးက ကင်ပွန်းစခန်းဂိတ်တွင် ခဏရပ်ကာ ဂိတ်ကြေးပေးနေပြီ
။
“ မကြီးက သံသယဝင်ချင်လို့ဝင်တာမှမဟုတ်ဘဲ မိဆောင်းရယ် ။ စောစောကတည်းက အဲဒီ(၂)ယောက်ထိုင်ခုံတစ်ခုံလုံးမှာ
နင်
တစ်ယောက်တည်းလေ ။”
“ ဘာ…”
“ အေးလေ…မိဆောင်းရဲ့ ။ ငါကတောင် နင်တစ်ယောက်တည်း ပျင်းနေမှာစိုးလို့ လှမ်းမေးသေးသားပဲ
။ နင်က တစ်ယောက်
တည်း ခေါင်းတညိတ်ညိတ်ဖြစ်လိုက် ၊ ပါးစပ်လှုပ်လိုက်-ဆိုတော့
ငါက နင် သီချင်းနားထောင်နေတယ်ဆိုပြီး စကားမပြော
တော့တာ ။ ဘယ်က နင့်ဘေးမှာ လူရှိရမှာလဲ ။”
“ ဘယ်လို…! မ…မဖြစ်နိုင်တာ ။ သမီးဘေးမှာ လူတစ်ယောက် လာထိုင်တယ်လေ ။ အသားဖြူဖြူ
ရုပ်ချောချောနဲ့ ကိုကြီး
တစ်ယောက် ။ သူ့နာမည်သူတောင် မိတ်ဆက်သွားသေးတယ် ။ ဘုန်းနေလင်းတဲ့
။ နောက်ပြီး သူနဲ့အတူ ဘော်ဒါတွေ
လည်း ပါသေးတယ် ။ (၅)ယောက်တောင် ။ သူတို့က နောက်ခုံမှာ
ထိုင်နေကြတာလေ ။ မကြီးတို့ မမြင်မိတာများလား ။”
“ တော်ပါတော့ မိဆောင်းရယ် ။ နင် အိပ်မက်မက်နေတာပဲဖြစ်မယ် ။ နောက်ခုံမှာ ဘယ်သူမှ
ပါမလာဘူး ။”
“ ဟာ…မကြီးတို့က တစ်ချိန်လုံး အိပ်နေကြတာကိုး ။ ဒါ့ကြောင့် မမြင်မိတာပဲနေမယ်
။ သမီးနဲ့တစ်ချိန်လုံး စကားပြောလာတဲ့
လူတစ်ယောက်ကို မရှိဘူးလို့တော့ အတင်းလာမငြင်းနဲ့
။ မရဘူး ။ သမီး ခုပဲ ဧည့်လမ်းညွှန်ကို သွားမေးကြည့်မယ် ။”
“ ဟဲ့…အိပ်တာက အလတ်မပါဟယ် ။ ငါ မအိပ်ပါဘူး ။ မိဆောင်းနှယ်…ဘာတွေလျှောက်ပြောနေပြန်လဲမသိ
။”
“ အာ…မသိဘူး ။ မသိဘူး ။ မကြီးတို့ကို မယုံဘူး ။ ဂိုက်(guide)ကိုပဲ မေးမယ် ။
ခု မေးမယ် ။”
“ အေး…အေးပါ မိဆောင်းရယ် ။ ခဏနေစမ်းပါဦး ။ ဟိုမှာ…ကင်ပွန်းစခန်းဝင်းထဲကို ကားဝင်နေပြီ
။ ကားရပ်မှပဲ မေးတော့ ။”
အစ်မကြီးက ကျွန်မစကားကို မယုံသော်လည်း
ဝူးဝူးဝါးဝါးဒေါသထွက်နေသည့်ကျွန်မကို လေပြည်လေးဖြင့်နှစ်သိမ့်လိုက်၍ ကျွန်မ လည်း စိတ်ကိုထိန်းကာ
ခဏထိုင်နေလိုက်သည် ။ ယခုမှ ကျယ်ကျယ်လောင်လောင်သွားပြောနေလည်း ပိုထူးလာတော့မည် မဟုတ်
။ ကားက ကင်ပွန်းစခန်းသို့ပင် ရောက်နေပြီမို့ သူတို့တတွေလည်း သူတို့ဘာသာသူတို့ အဆင်ပြေသလို
လာကြလိမ့်မည် ဟူ၍သာ ကိုယ့်ကိုယ်ကို နှစ်သိမ့်လိုက်ရသည် ။
သို့သော် ကျွန်မနံဘေးတွင် လူတစ်ယောက်လုံး
ရှိနေခဲ့လျက်သားနှင့် လူမရှိဟု ငြင်းချက်ထုတ်နေကြသော-အစ်မနှစ် ယောက်ကို ကျွန်မ လုံးဝစိတ်မကြည်
။ ဤကိစ္စကို သေချာအောင် ရှင်းရမည် ။ ဧည့်လမ်းညွှန်ကို သက်သေခေါ်ကာ သူတို့နှစ်ဦး အိပ်ပုပ်ကြီးခဲ့သဖြင့်
လူတစ်ဖွဲ့လုံးကို မမြင်မိသည့်အကြောင်း ဝန်ခံခိုင်းရမည် ။ ကျွန်မဟာ လူဆိုးမလေးမဟုတ်ပေမယ့်
မဟုတ်မခံ စိတ်ရှိသူပီပီ မှန်သည်ထင်လျှင် ဇွတ်လုပ်ရမှကျေနပ်တတ်သူတစ်ယောက်မို့ ထိုကိစ္စလေးကို
သည်အတိုင်း ကျော်မသွားနိုင်ခဲ့သော ကြောင့် မကြာမီတွင် ကျွန်မ၏တစ်သက်တာလုံး အမှတ်ရစရာအဖြစ်အပျက်ကြီးတစ်ခုကို
ပြတ်ပြတ်သားသားသိရှိလိုက်ရတော့ မည်ဆိုတာကို ထိုစဉ်က ကျွန်မ လုံးဝ ကြိုတင် မတွေးဆမိခဲ့…
။
“ ဗျာ…လူတစ်ဖွဲ့ ကျန်ခဲ့တယ် ဟုတ်လား ။ အစ်မလေးရယ်…ပြဿနာ မရှာပါနဲ့ဗျာ ။ လမ်းမှာ
ဘယ်သူမှ မကျန်ခဲ့ပါဘူး ။
အဲဒီလို မကျီစယ်ပါနဲ့နော် ။”
“ ရှင့်ကို မိဆောင်းက ကျီစယ်စရာလား ။ အရေးထဲမှ လာနွဲ့နေသေး ။ ရှင် အပြစ်ဖြစ်မှာကြောက်ပြီး
ကူလီကူမာတော့ မလုပ်နဲ့ ။
မှန်မှန်ပြော ။ လမ်းမှာ အမျိုးသားတစ်ဖွဲ့ ဂစ်တာတီးရင်း
ကျန်ခဲ့ကြတယ်ဟုတ် ။”
“ မဟုတ်ရပါဘူး အစ်မလေးရယ် ။ ဘယ်သူမှ ဂစ်တာမတီးအားပါဘူး ။ ဘယ်သူမှလည်း မကျန်ခဲ့ပါဘူး
။ ကျန်ခဲ့ရင် ကျွန်တော်
ပြဿနာတက်မှာပေါ့ ။ ဒါ့ကြောင့် သေချာစစ်ဆေးပြီးမှ
ကားထွက်လာတာပါ ။ အစ်မလေး အမှတ်မှားတာပဲ ဖြစ်ပါလိမ့်မယ် ။”
“ သြော်…ဒုက္ခပါပဲ ရှင်ကပါ လူတစ်ဖွဲ့လုံး ပါလာတာကို မပါဘူး ပြောနေတယ် ။ မိဆောင်း
ဘာမှအမှတ်မမှားဘူး ။ ဝေးဝေး
နေရာကဆို မပြောပါဘူး ။ ခုဟာက မိဆောင်းရဲ့ဘေးတင်
။ မိဆောင်းဘေးကလူနဲ့နောက်ဆုံးခုံက လူ(၅)ယောက်…စုစုပေါင်း
လူ(၆)ယောက် ဂစ်တာတီးမယ်ဆိုပြီး အောက်ဆင်းသွားကြတာ
။ မိဆောင်းလည်း သူတို့သီချင်းသံနားထောင်ရင်း အိပ်ပျော်
သွားရော ။ အခု နိုးလာတော့ သူတို့ ပါမလာကြဘူး
။ ကဲ…အဲဒါ မိဆောင်း အမှတ်မှားတာ ဖြစ်မလား ။ ရှင် ဗြောင်လိမ်တာပဲ
ဖြစ်မှာပေါ့ ။”
ကျွန်မက ဧည့်လမ်းညွှန်ကို အတင်းပြဿနာရှာသည်
။ ဧည့်လမ်းညွှန်ခမျာလည်း ဘာပြော၍ပြောရမှန်း မသိ… ခေါင်းကိုသာ တဂျိဂျိနှင့် တွင်တွင်ကုတ်နေ၏
။
“ မိဆောင်းရယ်…တော်ပါတော့ ။ နင် မရစ်စမ်းပါနဲ့ ။ နင် ကြိုက်တာမှန်သမျှ ငါ ဝယ်ပေးပါ့မယ်
။ ခုလိုတော့ ပြဿနာမရှာစမ်း
ပါနဲ့ ။”
“ အေးလေ မိဆောင်းရာ ။ မကြီးဆို တစ်လမ်းလုံး မအိပ်ပါဘူး ။ ဒါပေမယ့် မိဆောင်းပြောတဲ့လူကို
မကြီး လုံးဝမမြင်မိဘူး ။
မိဆောင်း စိတ်ကူးယဉ်လွန်သွားတာပဲဖြစ်မှာပါ ။”
“ အို…သမီး ရစ်နေတာ မဟုတ်ဘူး ။ ဘာမှလည်း စိတ်ကူးမယဉ်ဘူး ။ သူ လူလည်ကျတာကို သည်းမခံနိုင်လို့
ပြဿနာရှာ
နေရတာ ။ ဘယ့်နှယ့်…လူတစ်ဖွဲ့လုံးပါတာကို မပါလာဘူး
- တဲ့ ။ ရှင် မေ့ခဲ့လို့ ခုလို ဗြောင်လိမ်နေတာ မဟုတ်လား ။
ရှင့်ကို မန်နေဂျာနဲ့ တိုင်ရမယ် ။”
“ ဟာ…မလုပ်ပါနဲ့ အစ်မလေးရယ် ။ ဒါ ကျွန်တော်ရဲ့ထမင်းအိုးအလုပ်ပါ ။ အဲဒီလိုသာအတိုင်ခံရရင်
ကျွန်တော် သွားပြီ ။
အလုပ်ပြုတ်မှာဗျာ့ ။ မလုပ်ပါနဲ့ ။ ဒီ…ဒီမှာ ကြည့်ပါ ။ အစ်မလေးတို့သုံးယောက်က
နောက်ဆုံးခရီးသည်ပဲ ။ အစ်မလေးတို့
နောက်မှာ ဘယ်သူမှ ထပ်မဝယ်ထားဘူး ။ ကြည့်ပါဗျာ ။ ဒါ မူရင်းစာရွက်ပါ ။ ကျွန်တော်
မလိမ်ပါဘူး ။”
ကျွန်မ၏ခြိမ်းခြောက်စကားက ပိန်ပိန်သေးသေးနှင့်ဧည့်လမ်းညွှန်လေးကို
ချောက်ချားသွားစေပုံရသည် ။ အထပ်ထပ်အခါခါ တောင်းပန်ပြီး လက်ထဲမှစာရွက်ကို ကျွန်မတို့ဆီသို့
ထိုးပေးကာ ပြသည် ။ သူ ပြောတာလည်း မမှား…။ ခုံနံပါတ်စာရွက်၌ ကျွန်မတို့ (၃)ယောက်က နောက်ဆုံးခရီးသည်များ…။
“ မ…မဖြစ်နိုင်တာ ။ ဘယ်…ဘယ်လိုဖြစ်ရတာလဲ ။”
သည်တစ်ခါ သွေးပျက်ထိတ်လန့်သွားခဲ့ရသူက
ကျွန်မ…။ စာရွက်ကို ဆုတ်ကိုင်ထားသည့်လက်နှစ်ဖက်ကလည်း ချောက်ချားမှု ကြောင့် တဆတ်ဆတ်တုန်ရီလို့
။ ဤကိစ္စကိုတော့ သူ လိမ်၍ရမည်မထင် ။ ကားက နာမည်ရဘုရားဖူးခရီးသွားကားဖြစ်သဖြင့် လမ်း၌
လက်မှတ်မပါသောခရီးသည်ကို (ဂိုက်၏သဘောဖြင့်) ခေါ်တင်၍မရပါချေ ။ ဤသို့ဆိုလျှင် …
-
ဘယ်လိုဖြစ်ရတာလဲ…။ မိဆောင်း အိပ်မက်မက်ခဲ့တာလား…။ ဒါမှမဟုတ် စိတ်ထင်ယောင်ထင်မှားဖြစ်ခဲ့တာများလား…။
မျက်ဝါးထင်ထင်သာမက စကားတို့ပါ ဖောင်ဖွဲ့ခဲ့ရသူတစ်ယောက်ကို
အမှန်မရှိဟု လက်ခံလိုက်ရတော့မှာလား ။
ထိုစဉ်…
“ ဟိတ်ကောင်လေး…ဘာတွေဖြစ်နေကြတာလဲ ။ ခရီးသည်တွေက ဟိုမှာစောင့်နေကြပြီ ။ နေရာချပေးလိုက်ဦးလေ
။”
အသက်(၅၀)ကျော်အရွယ် ဘကြီးတစ်ယောက် ကျွန်မတို့အနားသို့
လျှောက်လာကာ ဧည့်လမ်းညွှန်ကို ထိုသို့ပြောလိုက်သည် ။ ထိုအခါမှ ဧည့်လမ်းညွှန်လည်း “ပင်လယ်ပြင်ဝယ်
ကူကယ်ရာမဲ့နေခိုက် မဏိမေခလာနတ်သမီးကို ဘွားခနဲတွေ့မြင်လိုက်ရသော လူယောက်ျားကဲ့သို့”
ပြုံးရွှင်သွားခဲ့ပြီး…
“ ဟာ…ဦ်းတိုးမောင်…ကျေးဇူးတင်လိုက်တာဗျာ ။ လုပ်…လုပ်ပါဦး ။ ဒီမှာ ရှင်းပေးပါဦး
။ ကျွန်တော် ရှင်းမနိုင်တော့လို့ ။”
“ ဘာတွေဖြစ်နေလို့လဲ ။”
“ ဒီကအစ်မတို့…ဒီဦးလေးကြီးက ကျွန်တော်တို့ရဲ့ကားဆရာပါ ။ နောက်ပြီး ကျွန်တော်တို့အားလုံးရဲ့သင်ဆရာဆိုလည်း
မမှားပါဘူး ။ သူက ကားအကြောင်းတင်မကဘူး ။ အခြားခရီးသွားအတွေ့အကြုံတွေလည်း
အများကြီးရှိတဲ့သူမို့ သူ့ကိုပဲ
မေးကြည့်လိုက်ကြပါနော် ။ ကျွန်တော် ဟိုမှာ သွားရှင်းလိုက်ဦးမယ်
။ ခွင့်ပြုပါဦး ။”
ဧည့်လမ်းညွှန်က ကားဆရာကြီးကို ထိုးအပ်ကာ
တစ်ဖက်သို့ ပြေးထွက်သွားလေတော့သည် ။
“ သမီးတို့ ဘာဖြစ်လို့လဲ ။ ဘာအခက်အခဲများ ရှိလို့လဲ ။”
“ ဘာမှမဟုတ်ပါဘူး ဦးလေးရယ် ။ ဒီမှာ…ကျွန်မတို့ညီမလေး ဂျီကျနေတာပါ ။”
“ သမီး ဂျီကျနေတာ မဟုတ်ဘူး မလတ် ။ အစ်မတို့မယုံမှန်း သိပေမယ့် …သမီး…သမီး တကယ်တွေ့ခဲ့ရတာ
။ ဘာဖြစ်လို့
သမီးကို မယုံကြရတာလဲ အီးဟီးဟီး…”
“ ဟဲ့…မငိုနဲ့လေ ကောင်မစုတ်လေး ။ ဟိုမှာ လူတွေ ရှိနေတယ် ။ နင် မရှက်ဘူးလား ။”
“ မရှက်ဘူး ။ မကြီးတို့က သမီးကိုမှ မယုံကြဘဲ ။ သမီးဘေးမှာ လူတစ်ယောက် တကယ်ရှိနေခဲ့တာ
။ သမီးနဲ့သူ စကားတွေ
တောင် ပြောနေကြသေးတယ် ။ သူ့နာမည်က ဘုန်းနေလင်းတဲ့…။ သူက ကျိုက်ထိုမှာ နေတာတဲ့
။ နောက်ပြီး သူ့မှာ
သူငယ်ချင်း(၅)ယောက်တောင် ပါသေးတယ် ။ ဒီလောက် သေချာနေတဲ့ကိစ္စကို တကယ်မရှိခဲ့ဘူးလို့
သမီး ဘယ်လိုလုပ်
ယုံနိုင်မှာလဲ အဟင့်…ဟင့်…”
“ နေ..နေပါဦး တူမကြီးရဲ့ ။ ဘာ…ဘုန်းနေလင်း ဟုတ်လား ။”
“ ရှင်…! ဟုတ်…ဟုတ်တယ် ဘကြီး ။ ဘာ…ဘာဖြစ်လို့လဲ ။ ဘကြီး သိလို့လား ။”
“ သြော်…ဘုန်းနေလင်း…ကိုး ။ အင်း…သိတယ်ဆိုပါတော့ တူမကြီးရယ် ။”
ကားဆရာဘကြီး၏လေးလေးကန်ကန်ဖြေဆိုသံကြောင့်
ကျွန်မ အငိုတိတ်ကာ နားစွင့်လိုက်ရင်း စိတ်ဝင်စားသွားခဲ့သည် ။ နောက် ပြီး ကျွန်မစကားကို
ယုံကြည်သူတစ်ဦး ရှိနေသဖြင့် အားတက်သွားမိသည် ။
အစ်မနှစ်ယောက်ကတော့
တစ်ချိန်လုံး သူတို့မတွေ့မြင်ခဲ့ရသည့်လူတစ်ယောက်က အမှန်တကယ် ရှိနေခဲ့သည်ဟု သိလိုက်ရ၍
အလွန်အမင်းအံ့အားသင့်သွားကြပုံဖြင့် ပါးစပ်အဟောင်းသား ။ ကားဆရာကြီးက သက်ပြင်းတစ်ချက်ကို
လေးလေး ပင်ပင်ချလိုက်ကာ ကွမ်းတံတွေးကို ဗျစ်ခနဲထွေးလိုက်ပြီး စကားဆက်လေ၏ ။
“ ဟုတ်တယ် ။ တူမကြီး မြင်ခဲ့တယ်ဆိုတာ အိပ်မက်လည်းမဟုတ်ဘူး ။ စိတ်ကူးလည်းမဟုတ်ဘူး
။ အဲဒါ တကယ်ပဲ ။
ဘုန်းနေလင်းဆိုတာ တကယ်ရှိတဲ့ပုဂ္ဂိုလ် ။ ဒါပေမယ့် လူတော့မဟုတ်ဘူးကွယ့် ။”
“ ဟယ်…”
“ ဘာရယ်…လူမဟုတ်ဘူး ဟုတ်လား ။”
“ ဟင်…လူမဟုတ်ဘူးဆိုတော့…”
“ ဟုတ်တယ်…။ သူက ပရလောကသားတစ်ဦးပဲ ။ တစ်နည်းပြောရရင် ဥစ္စာစောင့်ပေါ့ ။ သူက
အဲဒီလိုပဲ နေရာလွတ်တဲ့
ကားတွေပေါ်မှာ လိုက်ပါလာတတ်ပြီး သူ နှစ်သက်တဲ့လူနဲ့
ဝင်ရောပြီး စကားပြောတတ်တယ် ။ သူ ပါလာတဲ့ကားတိုင်းက
အဲဒီလိုပဲ ။ ကျိုက်ထီးရိုး လမ်းကွေ့နားမှာ ဘီးပေါက်တတ်တယ်
။ အန္တရာယ်ဖြစ်လောက်တဲ့အထိတော့ သူ မလုပ်ပါဘူး ။
သဘာဝကျကျ သူ ဆင်းသွားလို့ရအောင် ဖန်တီးတဲ့သဘောလောက်ပါပဲ
။ ဘကြီးက ဒီလမ်းကြောကို ကားမောင်းလာတာ
အခေါက်ပေါင်း မရေမတွက်နိုင်လောက်အောင် များတော့
ဒီနယ်တကြောက ထူးထူးဆန်းဆန်းကိစ္စတွေနဲ့လည်း အတော်
အတန်ရင်းနှီးနေပြီပေါ့ ။ အင်း…ဘကြီး မောင်းတဲ့ကားကို
သူ ခုလိုစီးတာ ဒါနဲ့ဆို ဆယ့်ငါးခေါက်လောက်ရှိပြီ ။ သူ ခိုးစီးတိုင်း
ဘကြီးမှာ ပြဿနာရှင်းရစမြဲပဲ ။ များသောအားဖြင့်
သူက ဘုန်းနေလင်း ၊ ဝေမိုးသွင် ၊ ကျော်ဇောလူဆိုတဲ့နာမည်တွေနဲ့
ကောင်မလေးတွေကို ဝင်ရောတာများတယ် ။ စ,မောင်းတုန်းကတော့
ဘကြီးလည်း ဘယ်သိမလဲ ။ နောက်တော့ ကိုယ့်
ထက်ဝါကြီးတဲ့ကားဆရာကြီးတွေ ပြောပြမှ ဒီလမ်းမှာ
ဥစ္စာစောင့်တွေ ခုလို ကားခိုးစီးတတ်မှန်း သိတော့တာပေါ့ ။ ဘာမှ
မကြောက်နဲ့ သမီး ။ သူက ချစ်လို့ခင်လို့ နောက်ရုံပြောင်ရုံလောက်ပါ
။ အသက်အန္တရာယ်ရှိအောင်တော့ ဘယ်တော့မှ
မလုပ်ပါဘူး ။ ကဲ…ကဲ…စိတ်တည်ငြိမ်သွားအောင် ဟိုးတောင်ပေါ်မှာရှိတဲ့
ဆံတော်ရှင်ကျိုက်ထီးရိုးစေတီတော်ကြီးကို
စိတ်မှန်းပြီး ပူဇော်ကန်တော့လိုက် ။ အေးချမ်းသွားလိမ့်မယ်
။”
“ ဟုတ်…ဟုတ်ကဲ့ ။”
ဘကြီး၏ဖြေရှင်းပြောပြချက်များအပေါ် တအံ့တသြနားဆင်နေမိသည့်-ကျွန်မလည်း
ထိုအခါမှပဲ ပတ်ဝန်းကျင်ကို သတိရကာ ကျိုက်ထီးရိုးတောင်ဆီသို့ မျက်နှာမူလိုက်ပြီး ကျိုက်ထီးရိုးစေတီတော်မြတ်ကို
စိတ်၌ ရည်စူး၍ လက်အုပ်မိုးကာ ရှိခိုးဦးခိုက်လိုက် သည် ။
အမှန်ပါပဲ ။ စောစောက
တုန်လှုပ်ချောက်ချားနေသောစိတ်များသည် ချက်ချင်းဆိုသလို လွင့်ပြယ်သွားခဲ့ရပြီး စိတ်တည်
ငြိမ်အေးချမ်းသွားခဲ့ရ၏ ။ ဘကြီးကတော့ ကျွန်မတို့အနားမှာ ရှိမနေတော့ပါ ။ ခပ်လှမ်းလှမ်းတွင်ထိုင်ကာ
ကွမ်းတမြုံ့မြုံ့ဝါးရင်း အဝေးသို့ ငေးကြည့်နေသည် ။ သူ့ ခေါင်းထဲတွင်လည်း ဘုန်းနေလင်းတစ်ဖြစ်လဲ
နာမည်သုံးလုံးနှင့်ဥစ္စာစောင့်ကိုကြီးအကြောင်းကို လေးလေးနက်နက်တွေးတောနေလေမလား ။
“ မယုံနိုင်စရာပဲနော် ။ တခြားလူတွေသာ လာပြောကြည့်…ငါကတော့ မယုံပါဘူးလို့ ပြန်ပြောမိမှာ
သေချာတယ် ။ ခုဟာက
မိဆောင်းကိုယ်တိုင် ကြုံခဲ့ရတာဆိုတော့ ယုံရခက်ခက်ဟယ် ။”
“ ဟုတ်ပါ့ မကြီးရယ် ။ ဒီလူကြီး ကြည့်ရတာလည်း တည်တည်တံ့တံ့ရယ်ပါ ။ မဟုတ်တာကို
အဟုတ်လုပ်ပြောမယ့်ပုံ မရပါဘူး ။
အံ့ပါရဲ့ ။ ဥစ္စာစောင့်ဆိုတာ တကယ်ရှိတာပေါ့နော်
။”
အစ်မနှစ်ယောက်၏တအံ့တသြရေရွတ်ညည်းတွားသံများကို
ကျွန်မ နားမစွင့်လိုတော့ ။
-
သြော်…ကျီစားခဲ့တာတဲ့လား ။ မိဆောင်းရဲ့နှလုံးသားမှာ စွဲမြဲတွယ်တာသွားမှာကိုတော့ ကိုကြီး
ထည့်မစဉ်းစားခဲ့ဘူးနော် …
သက်မ,တစ်ချက်ကို နက်နက်ရှိုင်းရှိုင်းပင့်သက်ရှိုက်ရင်း
စိတ်သက်သာလိုသက်သာငြား ကျွန်မ ပတ်ဝန်းကျင်သို့ ဝေ့ဝဲကြည့်လိုက် မိ၏ ။
အချိန်က ညည့်(၃)နာရီခွဲခန့်သာရှိသေးသည်မို့
အရာရာတိတ်ဆိတ်မှောင်မိုက်နေဆဲ ။ ညသည် လမင်း၏ချော့မြူနှစ်သိမ့် မှုအောက်ဝယ် အေးချမ်းစွာအိပ်စက်နေဆဲဖြစ်သည်
။ ပတ်ဝန်းကျင်သို့ လှည့်ပတ်ကြည့်ရင်း ကျွန်မ တွေးလိုက်မိသည်က လူတို့ ပြောတတ်/ရေးတတ်/ဖွဲ့နွဲ့တတ်ကြသည့်
ည၏သင်္ကေတအချို့ ။
-
ညဆိုတာ နက်ရှိုင်းသတဲ့ ။ မှောင်မိုက်အေးစက်သတဲ့ ။ လျှို့ဝှက်သိပ်သည်းသတဲ့ ။ အမည်းရောင်လွင်ပြင်ကျယ်ကြီးတဲ့
။
အမှောင် ကမ္ပလာ ကော်ဇောဖျာကြီးတဲ့ ။ အနက်ရောင်ညည့်နတ်သမီးတဲ့
။
-
ညဟာ အမှန်တကယ်ပဲ လျှို့ဝှက်မှောင်မိုက်သလား ။ အမှန်တကယ် အေးစက်နက်နဲသတဲ့လား ။ ဒါဆို
ဘာလို့များ ဒီဇင်ဘာ
ညတစ်ညမှာ အဖြူရောင်သံယောဇဉ်လှလှကို ကျွန်မ တွေ့မြင်ခဲ့ရပါလိမ့်
။
မျက်စိနှင့် ဒိဋ္ဌမြင်တွေ့ရန် မဖြစ်နိုင်ပေမယ့်
နှလုံးသားနှင့်တော့ ခံစားသိရှိနိုင်မည့် ဖြူလွလွသံယောဇဉ်ကြိုးတစ်စကို အေးချမ်း လှပသော
ဒီဇင်ဘာဆောင်းညတစ်ညမှာ ကျွန်မ သီချင်းတွေနှင့်အတူ ရင်ခုန်စွာ တွေ့ကြုံခဲ့ဖူးပါသည် ။
စေတနာရှေ့ထားလျက်…
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
