လူသတ်သမားက ဘယ်သူလဲ ?
( ၂၀၁၅ ဇန်နဝါရီလထုတ် သည်းထိတ်ရင်ဖိုမဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ်ဖြစ်သည် )
ရေးသူ - ဂါဦးနွန်းကို
----------------------------------------------------------------------------------
ရွာလူကြီးဦးမြသန်း၏မျက်လုံးများသည်
မီးပွင့်မတတ်ပြူးကျယ်စူးရဲနေပြီး နှုတ်ခမ်းတို့မှာလည်း တင်းမာဖိပိတ်လျက် စိတ်အလိုမကျမှု
၊ ဒေါသထွက်မှုတို့ကို ဖော်ပြလျက်ရှိ၏ ။ ထိုသို့ဖြစ်နေသည်မှာ ဦးမြသန်းတစ်ယောက်သာ မဟုတ်ဘဲ
ရွာမှ လူငယ်များဖြစ်သောမောင်တိုးကြွယ်တို့အုပ်စုနှင့်အခြားရွာသူရွာသားများ ။ အားလုံး၏ဒေါသတကြီးမျက်လုံးများက
အရက် သမားဖိုးပြည့်ဆီတွင်သာ ။ ဖိုးပြည့်ကတော့ အားလုံးနှင့်မတူ တမူခြားထွက်နေပြီး သူ့တစ်ကိုယ်လုံးလည်း
ကတုန်ကရီ ။ သို့ ပေမဲ့ သူ တုန်ရီနေရခြင်းက အရက်မသောက်ရ၍ မဟုတ် ။
“ အဖြေက ဘွင်းဘွင်းကြီးပေါ်နေတဲ့ဥစ္စာ ။ မင်း ငြင်းမနေနဲ့
။ ဟိတ်ကောင်တွေ…ဒီကောင့်ကို ရဲစခန်းပို့မှဖြစ်မယ် ။”
ဦးမြသန်း၏လေသံက
မာထန်နေရုံမက အမိန့်ပေးသံလည်း ဆန်သည် ။ ဦးမြသန်းက ရဲစခန်းပို့မည်ဟုဆိုလိုက်၍ ဖိုးပြည့်၏
ကိုယ်လုံး ဆတ်ခနဲတုန်သွားပြီး …
“ မဟုတ်ဘူး…မဟုတ်ဘူး သူကြီး ။ ကလေးကို…ကလေးကို
ကျွန်တော် သတ်တာမဟုတ်ဘူး ။”
ဟု
ပလုံးပထွေးအော်လေ၏ ။ လက်နှစ်ဖက်ကိုလည်း ရှေ့သို့မြှောက်ကာ ခါယမ်းပြနေသေးရာ သူ့အကြောင်း
မသိသူသာ ဆို သနားစိတ်ဝင်မိမည်မှာ အမှန် ။ သို့သော် ရွာလူကြီးအပါအဝင် တစ်ရွာလုံးက သူ့အကြောင်းကို
ကောင်းကောင်းကြီးသိ နေတာကြောင့် သူ့စကားမှာ အရာမထင် ။
“ ဟ…မင်း မသတ်လို့ ဘယ်သူသတ်မတုံး ။ မင်းက ဘယ်သူ့ကို
လွှဲချချင်သေးတာလဲ ။ သတ်သေခံပစ္စည်းတွေနဲ့
လက်ပူးလက်ကြပ်မိနေတာတောင်မှ မင်းက ငြင်းချင်သေးတယ်
။”
“ မဟုတ်ဘူး သူကြီး ။ ဘယ်သူသတ်လဲတော့ ကျွန်တော်လည်း
ဘယ်သိပါ့မလဲ ။ ဒါပေမဲ့…ဒါပေမဲ့ ကလေးကို ကျွန်တော်
မသတ်ဘူး ။”
“ ကျွတ်…ဒီကောင်တော့ နာချင်နေပြီ ။ မင်းကို တစ်ရွာလုံးဝိုင်းမရိုက်အောင်
တားထားမိတာတောင် မှားပြီလားမသိဘူး ။”
“ ဟုတ်တယ် …သူကြီး ။ ဒီကောင့်ကြောင့် ကျွန်တော်တို့ရွာ
နာတယ် သူကြီး ။ ဒီကောင့်ကို ကျွန်တော်တို့ ဝိုင်းဆော်
လိုက်တော့မယ်ဗျာ ။ သူကြီး မတားနဲ့တော့ ။”
“ အယ်…ဘယ်ဖြစ်မလဲ မောင်တိုးကြွယ်တို့ရဲ့ ။ ဥပဒေဆိုတာ
ရှိသေးတယ်လေ ။ မင်းတို့ လုပ်ချင်တိုင်းလုပ်လို့ ရမလား
ကွ ။ တိတ်တိတ်နေကြစမ်းပါကွာ…။”
“ ဟုတ်…ဟုတ်ကဲ့ပါ သူကြီး ။”
သူကြီးက
မာန်မဲလိုက်မှ သွေးတကြွကြွဖြစ်နေသော မောင်တိုးကြွယ်တို့လူငယ်တစ်စုလည်း နောက်သို့ ခပ်ရို့ရို့ဖြစ်သွားကြ
၏ ။ သို့ပေမဲ့ မျက်လုံးများကတော့ အရက်သမားဖိုးပြည့်ကို မကျေမချမ်းစိုက်ကြည့်နေကြဆဲ
။ ပြောရလျှင် မောင်တိုးကြွယ် တို့အုပ်စုက လူငယ်များဖြစ်သော်လည်း ကလေကချေ လူ့ပေါက်ပန်းများ
မဟုတ်ဘဲ ရွာ၏သာရေးနာရေးမှန်သမျှကို တက် ညီလက်ညီ ကူညီလုပ်ကိုင်ပေးနေသော အဖိုးတန်သားကောင်းလေးများဖြစ်ကြသည်
။
ပုံမှန်အချိန်ဆို လူကြီးသူမများ၏စကားဝိုင်းသို့ဝင်ကာ
နိဗ္ဗာန်ရောက်ကြောင်းတရားတော်များအကြောင်း ဝင်ရောက်နား ဆင်လေ့ရှိသလို ဂျာနယ်စာစောင်များ
၊ အင်တာနက်စာမျက်နှာများမှတဆင့် သူတို့ သိရှိထားသော ဒီမိုကရေစီ၏သဘော သဘာဝ၊ လွှတ်တော်နှင့်ရွေးကောက်ပွဲများ…အစရှိသောခေတ်စနစ်အကြောင်းများကို
ပြန်ပြောင်းပြောပြလေ့ရှိသည်ကြောင့် ရွာ၏လူတော်လေးများဆိုလည်း မမှား ။ ယခုတော့ ထိုလူတော်လူငယ်လေးများပင်
သွေးတကြွကြွဖြစ်ကာ လူသတ်ချင်စိတ် ပေါက်နေကြရပြီ ။ ထိုပြဿနာအားလုံး၏တရားခံမှာ အရက်သမားဖိုးပြည့်ပင်
။
“ ဒီလောက် ရွံစရာကောင်းတဲ့ပြစ်မှုကို ကျူးလွန်ထားတာတောင်မှ
မင်းက ဝန်မခံချင်ဘူးပေါ့လေ ဟုတ်လား ။ မင်း…မင်း
ကွာ… ယောက်ျားဖြစ်ပြီး ။ တောက်…အောက်တန်းကျလိုက်တဲ့စိတ်
။ ဟိတ်ကောင်တွေ…သူ့ကို ကားပေါ်တင်လိုက်
စမ်းကွာ ။ ထွက်မပြေးအောင် လက်တွေခြေတွေလည်း ချုပ်ထားကြဦး
။”
“ ဟုတ်ကဲ့…သူကြီး ။”
ဆယ်အိမ်ခေါင်းဦးရှမ်းအပါအဝင်
မောင်တိုးကြွယ်တို့လူငယ်တစ်သိုက်က ဝမ်းသာအားရပင် ဖိုးပြည့်ကို ဝိုင်းချုပ်ကာ ကား ပေါ်သို့
တင်ကြသည် ။ ဖိုးပြည့်က ရုန်းကန်နေသေးသည် ။ ပါးစပ်ကလည်း…
“ ကျွန်တော် မသတ်ဘူး ။ ကျွန်တော် သတ်တာ မဟုတ်ဘူး
။”
ဟု
အော်ဟစ်ရေရွတ်နေသေးသည် ။ ရွာသူရွှာသားအားလုံးက ရုန်းကန် အော်ဟစ်နေသောဖိုးပြည့်ကို ရွံမုန်းအော့နှလုံးနာ
သောမျက်လုံးစိမ်းကြီးများဖြင့် ဝိုင်းအုံစိုက်ကြည့်နေကြ၏ ။ သူကြီးသာ ဝင်မတားလိုက်လျှင်
ရွာဓလေ့၏သွေးဆူမှုအတိုင်း ထိုနေရာတွင် ဖိုးပြည့် မသာပေါ်သွားနိုင်သည် ။ ပွဲချင်းပြီးသွားနိုင်သည်
။ ယောက်ျားများကသာ လက်ပါချင်ခြင်း မဟုတ် ။ အမျိုးသမီးများကလည်း တုတ်တပြင်ပြင် ငရုတ်ကျည်ပွေ့တပြင်ပြင်နှင့်
ဖိုးပြည့်ကို ဝိုင်းဆော်ချင်နေကြသည် ။
ဖိုးပြည့်ကလည်း ဖိုးပြည့်ပါပဲ ။ တစ်ရွာလုံး၏
အော့ကျောလန် ချဉ်ဖတ် ။ မိုးလင်းကနေမိုးချုပ် အရက်ကလေး တမြမြနှင့် အမျိုးသမီးငယ်လေးများကိုလည်း
‘ရိ’ချင်သေး‘ကြောင်’ချင်သေးသည် ။ မူးလာသည့်အခါတွင်လည်း ငြိမ်ငြိမ်မနေဘဲ တစ်ရွာ လုံးကို
ပတ်ဆဲချင်ဆဲသည် ။ လူတကာကို ရန်လုပ်ချင်လုပ်သည် ။
သူ့မိန်းမမယ်နှစ်ခမျာမှာလည်း ကလေးနှစ်ယောက်အမေ
မုဆိုးမလေးမို့ အားကိုးရှာသည့်အနေဖြင့် ဖိုးပြည့်ကို ယူခဲ့မိ, ထင် ။ ယခုများကျ အားမကိုးရသည့်အပြင်
ဖိုးပြည့်၏အရက်ဖိုးကိုပင် ဈေးရောင်းရသည့်အမြတ်ငွေထဲက ခွဲခွဲပေးနေရသေး ၏ ။ ကဲ…သည်လောက်ဆို
ဖိုးပြည့်ကို တစ်ရွာလုံး မုန်းနေရခြင်းအကြောင်းရင်းကို သိလောက်ရောပေါ့ ။
သို့ကြောင့်လည်း အခွင့်အရေးရသည်နှင့် ဖိုးပြည့်ကို
ဝိုင်းသမ,ချင်ကြခြင်းဖြစ်၏ ။ နောက်ပြီး ဖိုးပြည့်၏လုပ်ရပ်ကလည်း ပြင်မရသည့်အမှား။ အမိုက်ရိုင်းဆုံး/အယုတ်ညံ့ဆုံးအမှား
။ ခွင့်မလွှတ်သင့်အောင် ဆိုးရွားလွန်းလှသည့်လူသတ်မှု ။ နောက်ပြီး…မဒိန်းမှု…။
ဖိုးပြည့်နှင့် သက်သေခံပစ္စည်းများကို တင်ဆောင်သွားသောဂျစ်ကားလေးသည်
ရွာလမ်းအတိုင်း မြို့ဆီသို့ ဦးတည်လျက် မောင်းနှင်သွားလေပြီ ။ ရွာတွင်ကျန်ရစ်ခဲ့သောရွာသူရွာသားများကလည်း
ဂျစ်ကားထွက်ခွာသွားမှပဲ လူစုခွဲကာ သက်ဆိုင် ရာအသီးသီးသို့ ထွက်ခွာသွားကြ၏ ။ နောက်ဆုံး၌
ထိုနေရာတွင် လူတစ်ယောက်သာ ကျန်ရစ်ခဲ့သည် ။ ထိုသူမှာ ဖုံတလုံး လုံးထနေသောရွာလမ်းတလျှောက်ကို
လှမ်းမျှော်ကြည့်ရင်း မဲ့ပြုံးတစ်ချက်ပြုံးလိုက်လေသည် ။
စိန်ပန်းသာရွာကလေးသည်
မုံရွာမြို့နယ်၏အရှေ့ဘက် ခပ်လှမ်းလှမ်းအကွာတွင် တည်ရှိသောရွာကလေးဖြစ်သည် ။ ရေခံမြေခံကောင်း၏
။ စိုက်ပျိုးရေးဖြစ်ထွန်းအောင်မြင်၏ ။ သို့ကြောင့် အိမ်ကြီးအိမ်ကောင်းတို့ ပေါများလှသည်
။ ချမ်းသာ ကြွယ်ဝသူတုိ့ များပြားသည် ။ သို့ပေမဲ့လည်း လက်တစ်ဖက်တောင် အတိုအရှည် မညီသေးတာပဲ
။ လူတွင်လည်း လူတန်း စားအမျိုးမျိုးရှိစမြဲမို့ စိန်ပန်းသာရွာကလေးတွင်လည်း ချမ်းသာကြွယ်ဝသူပေါသလောက်
ဆင်းရဲနွမ်းပါးသူများမှာလည်း ဒုနှင့် ဒေး ။
မယ်နှစ်က ရွာ၏ကွမ်းတောင်ကိုင် ။ မိဘများကလည်း
မရှိမရှားအတန်းစားဖြစ်၍ အတန်အသင့်ပြည့်စုံသူဟု ဆိုရပေလိမ့် မည် ။ နောက်ပြီး ရွာ၏ကွမ်းတောင်ကိုင်ဖြစ်သည်မို့
လယ်ရှင်ယာရှင်တို့၏သားတော်မောင်များက မျက်စိကျလျက်ရှိသည် ကြောင့် ခဏချင်း သူဌေးဖြစ်နိုင်သည့်အခြေအနေတွင်
မယ်နှစ်က အချစ်အတွက် မိုက်ခဲ့လေသည် ။ ရွာသို့ အလည်လာ သော ကျောင်းဆရာလေးကိုမှ ချစ်ကျွမ်းဝင်ခဲ့ပြီး
မိဘများ သဘောမတူသည့်ကြားက ခိုးရာလိုက်သွား၏ ။
အချစ်စစ်တို့မည်သည် မဖြောင့်ဖြူးတတ်ပါချေ ။ ကျောင်းဆရာလေးနှင့်
မုံရွာသို့ လိုက်ပါသွားပြီး ချစ်ရည်လူးကာ ပေါင်း ဖက်ခဲ့ကြသည်မှာ ကာလအားဖြင့် ငါးနှစ်ခန့်သာရှိသေးသည်
။ ချစ်သူနှင့် သေကွဲကွဲရပြီ ။ ဆိုင်ကယ်မှောက်ကာ ဆရာလေး ဆုံးပါးသွားခဲ့၍ဖြစ်၏ ။ အသက်ကလေး(၂၅)ကျော်သာရှိသေးသော
ကလေးနှစ်ယောက်၏အမေ မယ်နှစ်ခမျာလည်း မုဆိုးမ ဖြစ်ခဲ့ရပြီ ။ မယ်နှစ် ဘာတတ်နိုင်ပါ့မလဲ
။ အသိအကျွမ်းလည်း မရှိ ၊ ဘာလုပ်ရမှန်းလည်း မသိ၍ ငိုကာယိုကာဖြင့် မယ်နှစ် ရွာပြန်လာခဲ့သည်
။
ကံဆိုးမ,သွားရာ မိုးလိုက်လို့ရွာဟုပင်ဆိုရမလား
… မယ်နှစ် ရွာသို့ရောက်သည့်အခါ မိဘများ မရှိကြတော့ပေ ။ တစ်ဦး တည်းသောသမီးမိုက်၏လုပ်ရပ်ကြောင့်
ရှက်စိတ်ဝင် ၊ လွမ်းစိတ်ဝင်ကာ ရင်ကွဲနာကျသွားသည်ဟုပင် ဆိုရမည်ထင်…ထို စိတ်နှင့် ရှေ့ဆင့်နောက်ဆင့်
ဆုံးပါးသွားခဲ့ကြပြီ ။ မယ်နှစ်တွင် အားကိုးမရှိတော့ ။ ရွာလူကြီး၏ကျေးဇူးကြောင့် မိဘများ
ပိုင်ဆိုင်သောအိမ်ငယ်လေးကို ပြန်ရ၍သာ တော်ပေတော့၏ ။ ကျန်ရှိသောပစ္စည်းလေးများကို ထုခွဲရောင်းချကာ
မယ်နှစ် အိမ်ဆိုင်လေး ဖွင့်ခဲ့သည် ။ ရွာကိုပစ်ကာ အချစ်အတွက် တစ်ကြိမ်တစ်ခါ မိုက်ခဲ့ဖူးသောမယ်နှစ်ကို
ရွာသူရွာသားများက မမုန်းရက်ကြပါ ။ မုဆိုးမလေးကို သနားချစ်,ချစ်၍ လာရောက်အားပေးသောကြောင့်
မယ်နှစ် အဆင်ပြေနေခဲ့သည် ။ ရရှိ သည့်အမြတ်ငွေလေးနှင့် ချောင်ချောင်လည်လည်ရှိနေခဲ့သည်
။
•••
“ မယ်နှစ်က သိပ်လှတာပဲ ။ ကျက်သရေရှိတယ်လို့ခေါ်ရမလား
၊ ဖြူစင်တင့်တယ်တယ်လို့ပဲပြောရမလား ။ သနပ်ခါးရည်
ကျဲလေး
လိမ်းထားတဲ့အလှက ကျုပ်ဖြင့် စာများရေးတတ်ရင် ကဗျာတောင် စပ်မိမယ်ထင်ရဲ့ ။”
ဟူ၍တစ်မျိုး…။
“ ဘာဆေးတွေ သုံးနေလို့လဲ မယ်နှစ်ရယ် ။ တစ်နေ့တခြား
ပို,ပိုပြီး လှ,လှလာတယ် ။ အဲဒါကြောင့်လည်း ကျုပ် စိတ်ပျက်
တာ ။ ရွာက ကွမ်းတောင်ကိုင်ကလေးမ မိစံပယ်ကိုပေါ့
။ ဒီကလေးမက ကွမ်းတောင်ကိုင်သာ ဆိုရဲ့ ။ အသားက မည်း
သေး ၊ ဆံပင်ကိုလည်း တောမကျမြို့မကျ ဖြောင့်ပြီး
ဖားလျားချထားသေးတယ် ။ ဒါလား…ကွမ်းတောင်ကိုင် ။ မယ်နှစ်
တို့ ကွမ်းတောင်ကိုင်တုန်းကပုံစံကို ဒီဟာမ ခေါ်ပြချင်တယ်
။ ဒါပေမဲ့ အဲဒီတုန်းက နုပျိုလတ်ဆတ်တဲ့အလှ ။ အခုက
တည်ငြိမ်ရင့်ကျက်တဲ့အလှ ။ တစ်သားမွေး တစ်သွေးလှ
။ နှစ်သားမွေးတော့ နှစ်သွေးလှပေါ့ဗျာ ဟဲဟဲ ။”
ဟူ၍တစ်သွယ်…။
မယ်နှစ်
ဆိုင်ဖွင့်ပြီး သုံး/လေးလသာ ရှိဦးမည် ။ ဖိုးပြည့်ဆိုသောရွာအော့ကျောလန်က မယ်နှစ်ဆိုင်သို့
ချောင်းပေါက်မတတ် လာလေသည် ။ တိုလီမိုလီလေး ဝယ်ကာ တစ်နာရီလောက် စကားပြောသည် ။ မယ်နှစ်၏ကလေးများကို
မြှောက်ခါချီခါ လုပ်ပြီး ကလေးချစ်တတ်သယောင် ဆောင်သည် ။ အထူးသဖြင့် မယ်နှစ်ကို သာယာစေသည်က
ဖိုးပြည့်၏ပလွတ်ရွှတ်တ အပြောလေးများ ။ ဟုတ်တာ/မဟုတ်တာ အပထား ။ အရက်သမားပီပီ အာဝဇ္ဇန်းတော့
ရွှင်သည် ။ သူ့အပြောများကြားတွင် မယ်နှစ် သာယာသွားမည်ကို ရွာသူများက စိုးရိမ်လျက်ရှိသလို
မယ်နှစ်အပေါ် မကြည်ဖြူသောရွာသူတချို့ကလည်း ဇွတ် ဝိုင်းလှော်ကြသည် ။ ဖိုးပြည့်ကို မြှောက်ပေးကြသည်
။ မကြာပါ…ဖိုးပြည့်နှင့်မယ်နှစ်တို့ ယူလိုက်ကြ၍ မယ်နှစ်၏အိမ်ပေါ်သို့ ဖိုးပြည့် ရောက်လာခဲ့၏
။ သည်မှာပဲ ဇာတ်လမ်းက စ,တော့သည် ။
မယ်နှစ်တွင် ကလေးနှစ်ယောက်ရှိရာ နှစ်ယောက်လုံး
သမီးမိန်းကလေးများ ဖြစ်ကြသည် ။ တစ်ယောက်က ငါးနှစ်ရှိ ပြီဖြစ်ပြီး ကျန်အငယ်လေးမှာ နှစ်နှစ်သာ
ရှိသေးသည် ။ ဖိုးပြည့်နှင့် လက်မထပ်ခင်အချိန်ထိ သားအမိသုံးယောက် ပျော် ပျော်ရွှင်ရွှင်ရှိခဲ့ကြသည်
။ အကြီးမမယ်သုံက လိမ္မာရေးခြားရှိပြီး သိတတ်သလို အငယ်မလေးမယ်ချစ်ကလည်း နာမည်နှင့် လိုက်အောင်
ချစ်စဖွယ်ကောင်းသော ကလေးမလေးဖြစ်၏ ။ အကယ်၍ မယ်နှစ်သာ အရက်သမားဖိုးပြည့်နှင့် လက်မထပ်
ဖြစ်ခဲ့လျှင် ၊ တစ်ကိုယ်တည်း မုဆိုးမဘဝနှင့် သမီးနှစ်ယောက်ကို ပြုစုပျိုးထောင်မည်ဆိုလျှင်
ယခုကဲ့သို့ ရင်နင့်ဖွယ်ကိစ္စမျိုး ကို ကြုံတွေ့ရလိမ့်မည် မဟုတ် ။ ယခုတော့ မြွေပါလည်းဆုံး၊
သားလည်းဆုံးဆိုသလို သမီးလည်းဆုံး ၊ လင်ဖြစ်သူကိုလည်း လူသတ်မှုနှင့် ရဲစခန်းသို့ ခေါ်သွားခဲ့လေပြီ
။ အားလုံးက ဖိုးပြည့် သတ်သည်ဟုပင် တရားသေစွပ်စွဲနေကြသည် ။ ထိုသို့ စွပ်စွဲ၍ရအောင်လည်း
ဖိုးပြည့်၏လုပ်ရပ်များက သက်သေခံနေခဲ့ပြီ မဟုတ်ပါလား ။
•••
“ အသက်မက ချစ်ပါတယ် ။ ဒါပေမဲ့လေ…ရွာရဲ့အလှပကေးလေးမို့
မမှန်းဝံ့ပါဘူး ။”
------
“ အတူနေချင်လို့ ခိုင်းဖက်လိုပဲသဘောထားချင်ထားပါ…မယ်နှစ်အနားမှာ
နေခွင့်ရရင် ကိုယ် ကျေနပ်ပါတယ် ။”
------
“ လက်ထပ်တာတော့ ဟုတ်ပါရဲ့ ။ ကိုယ်က လူမွဲဆိုတော့
မျက်နှာငယ်တာပေါ့ ။”
------
“ လက်ထပ်ပြီးရင် မိန်းမစကား တစ်ခွန်းဆိုတစ်ခွန်းပဲ
။ အရက်ဆို အနံ့တောင် မခံတော့ဘူး ။”
------
“ ယူပြီးလို့ကတော့ မောင့်မိန်းမချောချောလှလှလေးကို
ဘယ်ဈေးရောင်းခိုင်းတော့မလဲ ။ တစ်အိမ်လုံး မောင့်တာဝန်လို့
သာ မှတ်လိုက်တော့ ။ မောင့်မိန်းမကို ခြေမွေးမီးမလောင်
လက်မွေးမီးမလောင်ထားမှာ ။”
------
“ ရွာထဲကဟာမတွေက သူတို့ နောက်လင်မရတာနဲ့ ပြောချင်ရာပြောတာပါကွာ
။ မောင်က သမီးတွေကို မောင့်သမီး
အရင်းလေးတွေလိုချစ်တာ ။ ဘာလဲ…မယ်နှစ်က မယုံဘူးလား
။”
စသဖြင့်
လျှာတွင် အရိုးမရှိတိုင်း ၊ ခေါက်၍ပင့်၍ရတိုင်း ပြောချင်ရာပြောထားခဲ့သမျှ ယူပြီးသည့်နောက်
လေထဲ၌ ပျောက် သွားခဲ့သည် ။ အရက်ကို အနံ့ပင် မခံဟု ဆိုခဲ့ဖူးသောဖိုးပြည့်သည် အမှန်ပင်
အနံ့မခံပါ ။ တကျိုက်တည်း မော့ချပစ်သည် ချည်း ။ မယ်နှစ်ကိုလည်း ခြေမွေးမီးမလောင်/လက်မွေးမီးမလောင်စေရန်အတွက်
မီးသွေးဖိုးမရှိလောက်အောင် အရက် သောက်ပစ်သည် ။ သည်ကြားထဲ ကြုံလျှင်ကြုံသလို လောင်းကစားက
လုပ်သေး ။ မယ်နှစ်ကို တစ်ရွာလုံးက ကရုဏာဒေါ သောနှင့်ပြောကြသည်က…
“ မယ်နှစ်…မယ်နှစ်…နှစ်ခါမိုက်တဲ့ဟာမ ။ အခုတော့
နစ်သထက်နစ်အောင် ဖိုးပြည့်လိုကောင်ကိုမှ ယူရသလား ။”
ဟူ၍
။
ယခုရက်ပိုင်း ဖိုးပြည့် အချိုးတစ်မျိုးပြောင်းနေသည်ကို
မယ်နှစ် သတိထားမိသည် ။ အရက်ကို ဆိုင်တွင် သွားမသောက် ဘဲ အကြီးမကို အရက်သွားဝယ်ခိုင်းကာ
အိမ်တွင် သောက်သည် ။ သောက်တော့လည်း တစ်ယောက်တည်း မဟုတ်ဘဲ ရွာ ထဲက ငပေငတေတစ်စုကို အိမ်သို့ပင့်ကာ
တပျော်တပါးကြီးသောက်ကြသည် ။ သူတို့ ပျော်တာပါးတာ အရေးမကြီး ။ အိမ် မှာက မိန်းမသားချည်းပဲမို့
သမီးတွေအတွက် မယ်နှစ် စိုးရိမ်သည် ။ အရက်သမား အမှားတစ်ရာ မဟုတ်လား ။ ထိုအထဲ၌ ဦးနက်၏သားမောင်နီက
အဆိုးဆုံး ။
မောင်နီကလည်း ဖိုးပြည့်နှင့် ယှဉ်ရသော် ခေလှသည်တော့
မဟုတ် ။ သူ့မှာလည်း သူ့ဇနှင့်သူ ။ မောင်နီ၏ဝါသနာက ‘မိန်းမ’ဖြစ်သည် ။ အရက်ကလေးထွေလာသည်နှင့်
သူ ပွေခဲ့ရှုပ်ခဲ့သည်များကို မစားရဝခမန်း တစ်တစ်ခွခွပြောတတ်သည် ။ အားလုံးကလည်း အရက်သမားတွေချည်းဖြစ်၍
သဘောခွေကာ တဟီးဟီးတဟားဟားနှင့် ။ မယ်နှစ်မှာလည်း ကိုယ့်အပြစ် နှင့်ကိုယ်မို့ မောင်းလည်းမထုတ်ရဲ
၊ မဆူရဲမအော်ရဲဘဲ သမီးငယ်နှစ်ယောက်ကိုခေါ်ကာ အိမ်ရှေ့တွင်သာ ဈေးရောင်းနေရ သည် ။ တစ်ခါတရံ
ညသန်းခေါင်ယံတိုင် သူတို့ မပြန်ကြသေး ။ မယ်နှစ်လည်း သမီးနှစ်ယောက်ကို ဖက်ပြီး အိမ်ရှေ့ဆိုင်
ခန်းကျဉ်းလေးထဲတွင် ငုတ်တုတ်ငိုက်ရလေသည် ။
“ သမီးလေးက ချစ်စရာလေးပဲ ။ သမီး…ဦးဦးကို ချစ်လား
။”
သည်ရက်ပိုင်း
မောင်နီ အလာစိပ်နေသည်ကို မယ်နှစ် သတိပြုမိ၏ ။ ရံဖန်ရံခါ ဖိုးပြည့် မရှိလျှင်ပင် သူတစ်ယောက်တည်း
လာကာ မယ်နှစ်ကို စကားရှာသည် ။ အကြီးမမယ်သုံကို ဝင်ရောသည် ။ မယ်နှစ်မှာ မောင်နီ့ကို
ရန်မလုပ်ရဲပါ ။ မငေါက်ရဲ ၊ မောင်းမထုတ်ရဲပါ ။ ပထမလာစ,က ခပ်ရင့်ရင့်အော်ငေါက်မိသည်ကို
ဖိုးပြည့် သိသွားတော့…
“ မင်း…ရိုင်းလှချည်လား ။ ငါ့သူငယ်ချင်းကို ဘယ်လိုဆက်ဆံတာလဲ
။ သူက ငါ့ကို လာရှာတာနေမှာပေါ့ ။ ကောင်း
ကောင်းပြောတော့ ပါးစပ်ရွဲ့မှာမို့လို့လား ။”
ဟု
လာရစ်သည် ။
“ အို…ရှင် ဘာသိလို့လဲ ။ ရှင့်သူငယ်ချင်းမောင်နီက
မိန်းမ ပွေတဲ့သူရှင့် ။ ကျွန်မကိုလည်း ကာမပိုင်ရှိလျက်သားနဲ့ ပတ်
သက်ချင်နေတာ ။”
“ အမလေးလေး…မယ်မင်းကြီးမ …မင်းကိုယ်မင်း လွန်ခဲ့တဲ့ခြောက်နှစ်က
ကွမ်းတောင်ကိုင်အပျိုမလို့များ မှတ်နေသလား။
မင်းလို ကလေးနှစ်ယောက်အမေကို ငါလိုနွားကပဲ မျက်ကန်းလို့ယူတာ
။ မောင်နီသာ လိုချင်တယ်ဆို ပြန်အမ်းလိုက်ချင်
သေး ဟေးဟေး…”
“ တောက်…မိုက်ရိုင်းလိုက်တာ ။ ရှင်ပဲ ကျွန်မကို
မရရင် သေပါတော့မယ်ဆိုလို့ ကျွန်မက သနားပြီး ယူခဲ့မိတာ ။ အခု
တော့ ပြန်အမ်းမယ် ဟုတ်လား ။ ရှင့်စိတ်ထဲမှာ
ကျွန်မကို မိန်းမလို့တောင် မှတ်သေးရဲ့လား ။ တစ်နေ့ ရွှေဥတစ်လုံး
ဥပေးနေတဲ့ ဘဲငန်းမကြီးလို့များ မြင်နေသလား…ဟင်…”
ထိုသို့
မယ်နှစ် ရင်နာနာနှင့် ရန်တွေ့ပစ်လိုက်ချင်ပေမဲ့ မယ်နှစ် မပြောရဲပါ ။ ဖိုးပြည့်က စိတ်မထင်လျှင်
မထင်သလို လက် သံပြောင်သည်မို့ မယ်နှစ် ကြောက်ရသည် ။ မိတ်ဆွေများက မယူဖို့တားသည့်ကြားမှ
ကိုယ့်ဘာသာကိုယ် ထပ်မိုက်ခဲ့မိ၍ ကံကြမ္မာကိုသာ ယိုးမယ်ဖွဲ့ရင်း မယ်နှစ် ခါးစည်းခံခဲ့သည်
။ ဖိုးပြည့်ကိုလည်း သည်းခံရသည် ။ ဖိုးပြည့်၏အရက်သောက် ဖော်သောက်ဖက်များကိုလည်း သည်းခံရသည်
။ ထိုအထဲတွင် အထက်တွင်ဆိုခဲ့သော မောင်နီ့ကို သည်းသည်းခံရသည်မှာ အဆိုးဆုံးဖြစ်၏ ။
•••
“ ကဲဟာ…ကဲဟာ…အဲဒီသေနာကို စကားပြောဦး ။ အဲဒီသေနာ
ပေးတဲ့မုန့်ကို စားဦး ။ ကဲဟာ…”
“ ဖုန်း…ဖုန်း…ဖုန်း…”
“ အမလေး…မလုပ်တော့ပါဘူး အမေရဲ့ ။ ကြောက်ပါပြီ…။
အမလေး…အမေရဲ့ ။”
တဖုန်းဖုန်းတဖြန်းဖြန်းအသံများက
မယ်နှစ်၏ဈေးဆိုင်ထဲတွင် ညံညံစီလျက် ထွက်ပေါ်နေသည်ကို အိမ်နီးချင်းများက နား မချမ်းသာဖွယ်
ကြားနေရ၏ ။ မယ်နှစ်က ကုလားမနိုင် ရခိုင်မဲပြီ ။ ကြွက်မနိုင် ကျီမီးနှင့်ရှို့နေပြီ
။ မောင်နီ့ကို မပြောဝံ့သည် နှင့် အကြီးမမယ်သုံကို မဲပြီးရိုက်နေပြီမှန်း အိမ်နီးချင်းများ
သဘောပေါက်လိုက်၍ အိမ်ချင်းကပ်လျက်မှဒေါ်ကြီးပုက မနေ သာတော့ဘဲ…
“ ဟဲ့…မယ်နှစ် … ကလေးကို ရိုက်လှချည်လား ။ မယ်သုံက
ဘာများလုပ်မိလို့တုံး ။”
ဟူ၍
ဝင်ပါရလေ၏ ။ ဒေါ်ကြီးပုက မိဘများလက်ထက်ကတည်းက ခင်မင်ရင်းနှီးစွဲရှိသောကြောင့် မယ်နှစ်
အနည်းငယ်လန့် သွားရသည် ။ ဒေါ်ကြီးပုက မယ်နှစ်ကို ငယ်စဉ်က ထိန်းကျောင်းလာခဲ့သူတစ်ဦးလည်းဖြစ်ရာ
မယ်နှစ်အတွက် ကြီးဒေါ်လိုမျိုး ဖြစ်နေ၍လည်း လန့်သွားရခြင်းဖြစ်သည် ။
“ ဟို…ဟို…အိုတော်…ကလေးပဲ ။ ဆိုးလို့ ရိုက်တာပေါ့
အကြီးပုရယ် ။”
“ သြော်…ညည်းကလည်းအေ ။ ဆိုးလည်း တော်ရုံရိုက်ပေါ့
။ ခုကျ ကလေးမခမျာ ကျိုးပဲ့ကုန်ပါဦးမယ် ။”
“ အမလေး…မပူပါနဲ့ ကြီးပုရယ် ။ ဒီဟာမက အကြောမာပါတယ်
။ ဒီကိစ္စကို မလုပ်ဖို့တားတာ နှစ်ခါရှိပြီ ။ ခုထိ မမှတ်
သေးလို့ ရိုက်နေရတာ ။”
“ ဘာကိစ္စမို့လို့လဲအေ ။”
“ ဟို…ဟို…ကြီးပုရယ် မသိချင်ပါနဲ့တော် ။”
“ ကဲ…ကဲ…ငါလည်း မမေးတော့ဘူး ။ ညည်းလည်း မရိုက်နဲ့တော့
။ လာ…လာ…ငါ့မြေး ဘွားအိမ်မှာ မုန့်လိုက်စား
ဦး…လာ…”
အကြီးပု
ဝင်ခေါ်လိုက်၍သာ သက်သာသည်မှတ် ။ မဟုတ်လျှင် မယ်သုံတစ်ယောက် ဖင်ပုပ်လောက်အောင်ကို အရိုက်ခံရ
ဦးမည် ။
ဟိုတစ်ခေါက်ကလည်း ဦးမောင်နီ ကျွေးသော ကွတ်ကီးမုန့်ကိုစားမိ၍
မိခင်ဖြစ်သူမယ်နှစ်က စားရကောင်းလားဟုဆူကာ ဖင်ပုပ်အောင် ရိုက်ခဲ့ဖူးသည် ။ သုံးရက်လောက်
ဆေးလိမ်းယူရသည် ။ သို့ပေမဲ့ မယ်သုံ မမှတ်နိုင်ပါ ။ ကွတ်ကီးမုန့်ကို မယ်သုံ ကြိုက်၍ဖြစ်သည်
။ ဦးမောင်နီ ကွတ်ကီးမုန့် လာကျွေးလျှင် မယ်သုံ မငြင်းဆန်နိုင် ။ အရိုက်ခံရမည်ကိုမေ့ပြီး
ယူစား လိုက်မိသည်ချည်း ။ နောက်ပြီး …
-
ကိုယ့်အတွက် ဝယ်လာတဲ့မုန့်ကိုမှ မစားရင် ကိုယ် ညံ့ရာကျမှာပေါ့ ။
ဟု
မယ်သုံ တွေးမိသည် ။
ကလေးပီပီ ထိုသို့ရိုးရိုးရှင်းရှင်းသာတွေးမိသောမယ်သုံ့ကိုလည်း
အပြစ်မတင်သင့် ။ သူ့ခမျာမှာလည်း မိခင်မယ်နှစ် နောက်အိမ်ထောင်ပြုပြီးကတည်းက သားသမီးကဏ္ဍ
ပျောက်ဆုံးနေခဲ့တာကြာပြီ ။ မယ်ချစ်ကလည်း သုံးနှစ်နားကပ်လာပြီမို့ တီတီတာတာစကားတတ်ကာ
မအေအနား အမြဲကပ်နေတတ်၍ မယ်သုံ့မှာ အကြီးပီပီ ခပ်ခွာခွာနေနေရသည် ။ သည်ကြား ထဲ ပထွေးဖြစ်သူဖိုးပြည့်က
ဟိုခိုင်းသည်ခိုင်းနှင့် ။ မယ်သုံက မလုပ်လျှင် ဆူဆဲရိုက်ပုတ်သေးသည် ။ နောက်ပြီး မူးလာသည့်
အခါမျိုးတွင် မယ်သုံတို့နှစ်ယောက်ကို ငါတို့လင်မယားကြား ဝင်ရှုပ်နေတဲ့ဟာလေးတွေဟုဆိုကာ
သတ်ပစ်မည်ဟုလည်း ခြိမ်းခြောက်တတ်သေးသည် ။ မယ်သုံမှာ ပထွေးဖိုးပြည့်ကို ရွံလည်းရွံ ၊
မုန်းလည်းမုန်းသည် ။ သို့သော် မအေကိုယ်တိုင်က ပထွေးဖြစ်သူကို ကြောက်လန့်နေသည်ကြောင့်
မယ်သုံ့အတွက် လွတ်မြောက်ရာလမ်းမှာ ဝေးလွန်းလှသည် ။
•••
မောင်တိုးကြွယ်က ရပ်ရေးရွာရေးဆောင်ပိုးနေသောလူငယ်လေးဖြစ်၍
လိမ္မာရေးခြားရှိသော်လည်း လူမိုက်များကိုမူ မျက်ပြင်းကပ်နေသူဖြစ်၏ ။ အများအကျိုးရော
ကိုယ်ကျိုးပါ သယ်ပိုးဆောင်ရွက်ခြင်းမရှိသည့်အပြင် တာဝန်ပင် မကျေသော ဆန်ကုန်မြေလေးများကို
မျက်စိစပါးမွေးစူးကာ တွေ့လျှင် တွေ့သည့်နေရာ၌ပင် ဆွဲထိုးချင်စိတ် ပေါက်မိ၍ ဖိုးပြည့်တို့မောင်
နီတို့နှင့် မဆုံအောင် တတ်နိုင်သလောက်ကြိုးစားသည် ။ ခပ်ဝေးဝေးမှ လှမ်းတွေ့လျှင်လည်း
ကွေ့ကွင်းရှောင်ဖယ်သွားလေ့ ရှိ၏ ။ လူမိုက်ဆိုလျှင်
ရှောင်သွေလွှဲလို့ မမှီဝဲနဲ့ ကင်းအောင်နေဆိုသည့်အတိုင်း ဝေးဝေးကတည်းက ရှောင်လွှဲသွားတတ်
သည်မှာ မောင်တိုးကြွယ်၏အကျင့် ။
ထိုနေ့က သူငယ်ချင်းမောင်စိန်ဒင်နှင့်အတူ အလှူခံထွက်ကြခြင်းဖြစ်သည်
။ ကိစ္စက ရွာဦးဘုန်းကြီးကျောင်းတွင် ဝါဆိုသင်္ကန်းကပ်လှူရန်အတွက် အလှူခံထွက်ခြင်း ။ တစ်အိမ်တက်တစ်အိမ်ဆင်း
အလှူခံကြရင်း မယ်နှစ်တို့ဆိုင်ရှေ့သို့ ရောက်လာခဲ့သည် ။
“ မမယ်နှစ်ရေ…အလှူခံဗျို့ ။ သဒ္ဒါသလောက် နည်းများမဆို
ကုသိုလ် ပါဝင်ပါဦး ။”
မောင်စိန်ဒင်က
ပြဇာတ်ရူးပီသစွာ သံနေသံထားပါပါနှင့် လော်မလိုသည့်အသံဝါကြီးဖြင့် ဆော်သြလိုက်၍ ဆိုင်ထဲတွင်
မြေပဲ လှော်ထုပ်နေသောမယ်နှစ်လည်း ငွေတစ်ရာကို ဖလားထဲသို့ လှမ်းထည့်လိုက်သည် ။ အလှူဒါနတွင်
မယ်နှစ်တို့က လက် မနှေးချေ ။
“ သာဓု သာဓု သာဓုပါဗျာ ။ အခုလို ငွေတစ်ရာ လှူဒါန်းရသောအကျိုးကြောင့်
မမယ်နှစ်တစ်ယောက် သိန်းဆုကြီးများ
ပေါက်…ပေါက်…”
“ ဘာ…တစ်ရာ…တစ်ရာကြီးများတောင် ဟုတ်လား မယ်နှစ်
။ နင်က နင့်လင်ငယ်တွေကို တော်တော်သဒ္ဒါနေတယ်ပေါ့
လေ ။”
အိမ်ခန်းထဲတွင်
ဘယ်အချိန်ကတည်းက နားစွင့်နေသလဲမသိသောဖိုးပြည့်က ဝုန်းခနဲပြေးထွက်လာပြီး လူရှေ့မရှောင်သူ
ရှေ့မရှောင် မယ်နှစ်၏ဆံထုံးကို ဖမ်းဆွဲကာ ကြိမ်းမောင်းလေသည် ။ အပြောအဆိုကလည်း ရင့်သီးလွန်း၍
မောင်တိုးကြွယ် ဒေါသထောင်းခနဲထွက်သွားမိတာကြောင့် ရှေ့သို့ခြေတစ်လှမ်းတိုးကာ ပြောမိတော့ဆဲဆဲ
မောင်စိန်ဒင်က တားမြစ်လိုက်၍ ကိုယ်ရှိန်သတ်လိုက်ရ၏ ။
“ ငါ့ကိုတော့ အရက်ဖိုးမပေးချင်ဘူး ။ နင့်လင်တွေတောင်းတော့
ရော့ဆိုပြီး တစ်ရာတောင် ပေးလိုက်တယ် ။ နင်တို့
သားအမိတွေ မရှိမှအေးမယ် ။”
“ အား…အမလေး…မလုပ်ပါနဲ့ ကိုဖိုးပြည့်ရဲ့ ။”
“ တိတ်စမ်း…မသာမ…ဖုန်း…ဖုန်း…”
“ အီး…မေကြီး…မေကြီး…”
“ ခွေးမလေး ပါးစပ်ပိတ်စမ်း ။ နားညည်းတယ် ။ သေချင်နေလား
။”
မကြားဝံ့မနာသာများကို
ပြောဆိုမာန်မဲနေသောဖိုးပြည့်ကို စိတ်ရှိလက်ရှိပြေးထိုးပစ်လိုက်ချင်ပေမဲ့ ရုံးရောက်ဂတ်ရောက်ဖြစ်
မည်စိုး၍ ဒေါသကိုမြိုသိပ်ကာ မောင်တိုးကြွယ် လှည့်ထွက်လာသည် ။ စိတ်ထဲ၌တော့… တစ်ကွေ့မဟုတ်တစ်ကွေ့
တွေ့ ကြဦးမှာပေါ့…ဖိုးပြည့်ရာဟူ၍ ကြုံးဝါးထားလိုက်၏ ။
•••
မယ်ချစ်ကလေးတစ်ယောက် အသေဆိုးနှင့် သေဆုံးသွားရသည့်သတင်းက
စိန်ပန်းသာရွာကလေးကို တောမီးထက် မြန်သောအဟုန်ဖြင့် နှံ့ပျံ့သွားခဲ့သည် ။ သေသည်မှ သွေးရိုးသားရိုးမဟုတ်ဘဲ
ပိုးစိုးပက်စက်သူများသတ်တာခံရခြင်းဖြစ်ရာ တစ်ရွာလုံး စိတ်မကောင်းဖြစ်ကြရသည် ။ မယ်နှစ်ခမျာလည်း
အရူးမီးဝိုင်း…။ ငိုချည်းပဲနေ၍ မကြာမကြာ တက်,တက်သွား သောကြောင့် ရွာသူများက ဝိုင်းကာဝန်းကာ
ခြေမ ချိုးသူကချိုး ၊ နှာခေါင်းဝသို့ နှာရှူဘူးတေ့သူကတေ့နှင့် အလုပ်များလျက် ရှိကြ၏
။ တိုက်ဆိုင်စွာပင် မယ်ချစ်ကလေး၏အလောင်းကို တွေ့သည့်မနက်က ဖိုးပြည့်တစ်ယောက် ပျောက်နေသည်
။ ပုံမှန်ဆို သည်အချိန် ရွာထိပ်ကအရက်ဆိုင်တွင် အရက်သောက်နေကျဖြစ်သောဖိုးပြည့်က ထိုနေ့ကျမှ
ဘယ်အချိန်က ထ ထွက်သွားမှန်းမသိ၊ ဘယ်သွား၍ဘယ်လာမှန်း မသိအောင် အစအနပျောက်နေသဖြင့် အားလုံးက
ဖိုးပြည့် သတ်သည်ဟု ချည်း ထင်ကြသည် ။ နောက်ပြီး ဖိုးပြည့်ကိုယ်တိုင်က တစ်ချိန်လုံး
သတ်မည်တကဲကဲ ပြောဆိုကြိမ်းမောင်းနေခဲ့သည်ကိုး ။
နေမြင့်တော့ အရက်ကလေးတထွေထွေနှင့် ဖိုးပြည့်
ရောက်လာသည် ။ ရွာသားများက ဝိုင်းရိုက်ကြမည်လုပ်၍ သူကြီး
ကပင်
ဥပဒေဖြင့် အရေးယူရမည်ဟုအမိန့်ပေးကာ ဝိုင်းဖမ်းခိုင်းကြသည် ။ နဂိုကတည်းက တစ်ရွာလုံး
မုန်းနေသူဖြစ်သော ကြောင့် မောင်တိုးကြွယ်တို့လူငယ်တစ်စုမှာ ဝမ်းသာအားရဖမ်းချုပ်ခေါ်ကာ
ဂျစ်ကားပေါ်တင်ပြီး ရဲစခန်းသို့ ပို့လိုက်လေ သည် ။
“ ဟဲ့…ဟဲ့…ဟိုမှာ ရဲသားကြီးတွေ လာကြတယ် ။ အလောင်းကို
စစ်ဆေးမလို့တဲ့ ။”
“ အလိုတော်…သတ်တဲ့လူတောင် ဖမ်းပို့နေပြီပဲဥစ္စာ
။ အလောင်းကို ဘာလို့စစ်နေဦးမှာတုံး ။”
“ သူတို့က အထင်နဲ့ရမ်းပြောလို့ မရဘူး ။ သက်သေခံပစ္စည်းတွေကလည်း
သိပ်အရာမဝင်လို့ ဖွဲလွန်စဆိုလား ကြိုးလွန်စ
ဆိုလားမသိဘူး ။ အဲဒါ လာရှာတယ်ဆိုပဲ ။”
“ သဲလွန်စလုပ်စမ်းပါအေ ။ ဒါလေးတောင် မသိဘူးလား
။ အံ့ပါ့ ။”
“ အေးအေး…အဲဒါကို လာရှာတယ်ပြောရဲ့ ။”
“ သြော်…ဒါ့ကြောင့် တို့သူကြီးက ကလေးအလောင်းကို
မထိကြနဲ့ဦး ။ မမယ်နှစ်နဲ့မယ်သုံတို့ကိုလည်း ကြီးပုတို့အိမ်မှာ
ခဏနေ ။ လူသေတဲ့အိမ်ကို သေချာပိတ်ဆို့ထား-လို့
ပြောတာကိုး ။ တယ်အမျှော်အမြင်ရှိတဲ့ တို့ရဲ့သူကြီးပဲဟဲ့ ။”
“ ရော်…ဒါကတော့ သူလည်း နိုင်ငံခြားကားတွေကြည့်ပြီး
သိနေတာနေမှာပေါ့အေ ။ ကဲပါ…ပြီးရင် ကျုပ်တို့လည်း သွား
စပ်စုကြတာပေါ့ ။”
ရေငင်နေကြသောအပျိုမတစ်စုက
တီးတိုး,တီးတိုးသဖန်းပိုးလုပ်ကာ ရွာ၏အထင်ကရသတင်းကို ဖောက်သည်ချနေကြခြင်း ဖြစ်သည် ။
အားလုံးကလည်း ရွာထဲသို့ ကားစိမ်းကြီးတစ်စီး ဝင်လာပြီးကတည်းက လုပ်စရာအလုပ်ကို ဖြောင့်အောင်မလုပ်
နိုင်ဘဲ ထိုကားကြီးပေါ်မှ ဆင်းလာသောယူနီဖောင်းအစိမ်းနှင့်လူကြီးနှစ်ယောက်ကို စိတ်ဝင်စားလျက်ရှိကြသည်
။ တစ်ဦးက အသက်(၃၅)နှစ်အရွယ် ညိုညိုထောင်ထောင်မောင်းမောင်းနှင့် ပြတ်သားတင်းမာသောရုပ်ရည်ပိုင်ရှင်ဖြစ်ပြီး
ကျန်တစ်ဦးက တော့ အသက်အစိတ်(၃၀)ခန့်ရှိပြီး ဖြူဖြူသွယ်သွယ်နှင့် သဘောမနှောကောင်းမည့်ပုံဖြစ်၏
။ နှစ်ယောက်လုံးက သူကြီး၏ အိမ်သို့ဝင်သွားကြပြီး သူကြီးနှင့် စကားပြောဆိုနေကြသည် ။
“ သူကြီး…မောင်နီ ရောက်လာပါပြီ ။ အိမ်ပေါ် လွှတ်လိုက်ရမလား
။”
“ ဆရာတို့ရဲ့သဘောကို ပြောပါခင်ဗျာ့ ။”
“ လွှတ်လိုက်ပါ ။ အဲ…တခြားမဆိုင်တဲ့သူတွေတော့ မလာစေချင်ဘူး
။”
အသားညိုညိုနှင့်လူက
ခပ်တည်တည်ဆိုလိုက်၏ ။
“ ကဲ…ဦးရှမ်း …မင်း ကြားတဲ့အတိုင်းပဲ ။ သူ့ချည်း
လွှတ်လိုက်နော် ။ ဟို…မစပ်စုမတွေ တက်မလာစေနဲ့ ။”
“ ဟုတ်ကဲ့ သူကြီး ။”
ဆယ်အိမ်ခေါင်းဦးရှမ်းက
အိမ်ပေါ်မှဆင်းသွားပြီးမကြာ အသားဖြူဖြူလူပုံနွဲ့နွဲ့နှင့် ရုပ်ဖြောင့်ဖြောင့်လူငယ်တစ်ယောက်
အိမ် ပေါ်သို့ တက်လာသည် ။ လူငယ်၏မျက်နှာက အကြောက်လွန်နေဟန်ရှိပြီး သူကြီးကိုပင် ရဲရဲမကြည့်ဘဲ
မျက်တောင် တဖျတ်ဖျတ်ခတ်လျက် ဂဏှာမငြိမ်ဖြစ်နေ၏ ။
“ သူ…သူကြီး ခေါ်တယ်ဆိုလို့ ။”
“ အေး…ဝင်ခဲ့ မောင်နီ ။ လာ…ဒီမှာ…လာထိုင်ဦး …။
မင်းကို ဒီကရဲအရာရှိကြီးတို့က မေးစရာရှိလို့တဲ့ ။”
“ ဗျာ…”
မေးစရာရှိသည်ဟူသောအသံကြားသည်နှင့်
မောင်နီ့တစ်ကိုယ်လုံး ဆတ်ခနဲတုန်သွားပြီး နောက်သို့ လှည့်ပြေးမည့်ပုံရှိ၍ သူကြီးဦးမြသန်းက…
“ ဟိတ်ကောင် ပြေးဖို့မကြံနဲ့နော် ။ ပြေးလည်း အောက်ကရွာသားတွေက
မင်းကို ဝိုင်းဖမ်းမှာပဲ ။ ပြေးရင် ပိုဆိုးမယ် ။”
ဟုကြိမ်းမောင်းလိုက်မှ
မောင်နီ၏နောက်လှည့်ပြေးမလိုရှိနေသည့်ခြေလှမ်းများ တုံ့ဆိုင်းရပ်တန့်သွားပြီး ရဲအရာရှိကြီးဆို
သော လူနှစ်ယောက်ကို မဝံ့မရဲလှမ်းကြည့်ကာ အသံတုန်တုန်ဖြင့်…
“ ကျုပ်…ကျုပ် မသတ်ပါဘူးဗျာ ။ တကယ်သတ်တာက တိုး…တိုးကြွယ်ပါ
။”
ဟု
ပြောချလိုက်၏ ။ မောင်နီ့အဖြေကြောင့် သူကြီးဦးမြသန်း မျက်လုံးပြူးသွားရတော့သည် ။
•••
“ ဟိတ်ကောင်…မင်း မူးနေလား ။ ဘာတွေလျှောက်ပြောနေတာလဲ
။ တိုးကြွယ်က ကလေးကို ဘာဖြစ်လို့သတ်မှာလဲ ။”
“ အဲ…အဲဒါတော့ မသိဘူး ။ ယုံပါ သူကြီးရယ် ။ ကျုပ်…ကျုပ်
မသတ်ပါဘူးဗျာ ။ ကျုပ် လူမသတ်ရဲပါဘူး ။”
“ တော်စမ်းကွာ ။ လာထိုင်စမ်း ။ ငါလည်း ခေါင်းတွေ
ရှုပ်ကုန်ပြီ ။ မင်းက ဘာဖြစ်လို့ တိုးကြွယ်ကို စွပ်စွဲရတာလဲ ။ တိုး
ကြွယ်ဆိုတာ လူရိုးလူကောင်းမှန်း တို့တစ်ရွာလုံး
အသိပဲကို ။”
သူကြီးက
ငေါက်ငမ်းခေါ်လိုက်၍ မောင်နီလည်း လှည့်မပြေးဝံ့တော့ဘဲ သူကြီးတို့ထိုင်နေရာဆီသို့ ခပ်ရွံ့ရွံ့လျှောက်လာပြီး
ဆက်တီတစ်လုံးတွင် ဝင်ထိုင်လိုက်သည် ။ သူကြီးဦးမြသန်းမှာ အမှန်လည်း စိတ်ရှုပ်သွားပုံရသည်
။ ပြောင်တင်းနေသော သူ့ငယ်ထိပ်ကို လက်ဝါးကြီးနှင့် ပွတ်သပ်ရင်း စဉ်းစားခန်းဝင်နေ၏ ။
နဘေးကရဲအရာရှိနှစ်ဦးကိုပင် ခဏမေ့သွားပုံရသည် ။
“ မောင်တိုးကြွယ်ဆိုတာက ဘယ်သူလဲ သူကြီး ။”
ဖြူဖြူသန့်သန့်နှင့်
ဒုရဲအုပ်လေးက မေးလိုက်ခြင်းဖြစ်သည် ။
“ စောစောကအရက်သမားဖိုးပြည့်ကို လာပို့တဲ့အထဲမှာ
ပါတယ်လေ ဆရာ ။ အသားညိုညို အရပ်ရှည်ရှည်နဲ့တစ်ယောက်
လေ ။”
“ သြော်…အင်္ကျီအဖြူကွက်နဲ့တစ်ယောက် ထင်တယ် ။”
“ ဟုတ်ပါတယ်…။”
“ နေပါဦး ။ မောင်နီက ဘာဖြစ်လို့ မောင်တိုးကြွယ်ကို
လူသတ်သမားလို့ ထင်ရတာလဲ ။”
ဒုရဲအုပ်က
ခေါင်းတညိတ်ညိတ်နှင့် စဉ်းစားနေရာမှ မောင်နီဘက်သို့လှည့်ပြီး မေးခွန်းထုတ်လိုက်သည်
။ မောင်နီက ဒုရဲအုပ် ထက်မြက်၏မေးမြန်းသံကိုကြားရုံဖြင့် ထခုန်မတတ်တုန်သွားကာ ဒုရဲအုပ်၏မျက်နှာကို
မျက်လုံးပြူးကြီးဖြင့်စိုက်ကြည့်ရင်း ဆွံ့အနေသည် ။ သူကြီးလည်း မနေသာဘဲ ဝင်ပါရပြန်သည်
။
“ ဟဲ့…မောင်နီ ဒီလောက်လည်း ကြောက်မနေစမ်းနဲ့ ။
မင်း မလုပ်တာ သေချာတယ် မဟုတ်လား ။ ဟင်…ပြောလေ ။”
“ သေ…သေချာပါတယ် သူကြီး ။ ကျုပ်…ကျုပ် မယ်ချစ်လေးကို
မသတ်ရဲပါဘူးဗျာ ။ သတ်လည်း မသတ်ရက်ပါဘူး ။”
“ ကဲ…ဒါဆိုလည်း ဖြစ်ကြောင်းကုန်စင်ကို မင်း သိတဲ့အတိုင်း
ရဲအရာရှိကြီးတွေကို ပြောပြမှပေါ့ ။”
“ ဟုတ်…ဟုတ်ကဲ့ ။ ဒီလိုပါ ။ မနက် ဝေလီဝေလင်းတုန်းက
ကျုပ် …ကျုပ် ဖိုးပြည့်တို့အိမ်ကို သွားခဲ့ပါတယ် ။ ဒါကလည်း
ဟိုဘက်ရွာမှာ ထန်းရည်ချိုတွေကို အရက်နဲ့ရောသောက်တာ
ကောင်းတယ်ကြားလို့ သွားသောက်ဖို့ အဖော်လာညှိတာ
ပါ ။ ဖိုးပြည့်ကိုဝင်ခေါ်ပြီး ထန်းရည်ချိုအရက်
သွားသောက်ကြမယ်ပေါ့ ။ အဲဒါ…ဖိုးပြည့်တို့အိမ်နားအရောက် တိုးကြွယ်
ကို ဖိုးပြည့်တို့ခြံထဲက ထွက်လာတာကို တွေ့လိုက်ရတယ်
သူကြီး ။ ပုံစံက ခိုးကြောင်ခိုးဝှက်နဲ့ ။ ဒါနဲ့ ကျုပ်လည်း အပင်
နားမှာကွယ်ပြီး သူ ကျော်သွားတဲ့အထိပုန်းနေမိတယ်
။ ဘာမှန်းညာမှန်းမသိတော့ အမှုပတ်မှာကြောက်လို့ပါ ။ တခြား
ဘာသဘောမှ မပါ,ပါဘူးဗျာ ။ တကယ်ပါ ။ အမယ်…တိုးကြွယ်က
အားရပါးရကြုံးဝါးသွားသေးတယ် ။ ကျုပ် နားနဲ့ဆတ်
ဆတ်ကြားလိုက်ရတာပါ ။ ဘာတဲ့…ကဲ…ငပြည့်…မင်း အခုတော့
မှတ်ပြီမဟုတ်လား ။ ပြန်လာမှ အမလေးတ,ပြီး ငိုကြီး
ချက်မဖြစ်မှာ မြင်ယောင်သေး ။ အင်း…ဖိုးပြည့်ကို
အမြင်ကပ်လွန်းလို့သာ လုပ်ရတာ ။ အပြစ်မရှိတဲ့သူကို ဒုက္ခပေးရတဲ့
အတွက် စိတ်မကောင်းတော့ဖြစ်မိတယ်…တဲ့ ဆရာ ။ အဖြေက
ရှင်းနေပါပြီ ။ ကျုပ် တိုးကြွယ်ကို စွပ်စွဲတာမဟုတ်ရပါ
ဘူး ။ ဖိုးပြည့်ကို ဒုက္ခပေးချင်တာနဲ့ မယ်ချစ်လေးကို
တိုးကြွယ် သတ်လိုက်တာနေမှာပေါ့ဗျာ ။”
မောင်နီက
ထိုနေရာတွင် စကားကို အဆုံးသတ်လိုက်ပေမဲ့ ဒုရဲအုပ်ထက်မြက်၏အကြည့်စူးစူးတို့ကတော့ မောင်နီ၏မျက်နှာ
တဝိုက်၌ ရစ်သီစူးစိုက်နေဆဲ ။ မောင်နီ့အမူအရာ၊ မျက်နှာအနေအထားတို့ကို အကဲခတ်ကာ လိမ်ညာလှည့်ဖြားနေသလား
၊ အမှန်အတိုင်း ဝန်ချနေသလားဆိုတာကို ဆုံးဖြတ်နေဟန်တူသည် ။
မောင်နီက မြာပွေသောကောင်ဆိုပေမဲ့ သူ့တွင် (၈)နှစ်(၉)နှစ်ငယ်သောညီမလေးများရှိ၍
ကလေးများအပေါ်တော့ ကြင် နာတတ်သည် ။ မိဘများက ပိုက်ဆံရှိလူတန်းစားဖြစ်သောကြောင့် ကြက်သတ်/ဝက်သတ်ပင်
လုပ်ဖူးသူ မဟုတ် ။ နောက် ပြီး လူပုံက ခပ်နွဲ့နွဲ့ဖြစ်ပြီး အရက်မူးလျှင်လည်း ပေါတောတောနိုင်ရုံကလွဲ၍
သွေးမဆိုးတတ်သဖြင့် လူသတ်ဝံ့လောက် သည့်သတ္တိမျိုး မရှိနိုင်ဟု သူကြီး တွေးမိသည် ။ သည်အတိုင်းဆို
ဖိုးပြည့်အပေါ် ပညာပေးချင်သောစိတ်ကြောင့် မောင်တိုး ကြွယ်တစ်ယောက် မကြံကောင်းမစည်ရာတွေကိုများ
ပြုလုပ်မိခဲ့လေသလား ။
•••
တိုးကြွယ်က အသက်(၁၈)နှစ်အရွယ် ဖျတ်လတ်တက်ကြွသည့်လူငယ်တစ်ယောက်
။ မွေးချင်းညီအစ်ကိုသုံးယောက် တွင် အငယ်ဆုံးဖြစ်ပြီး အတန်းပညာကိုလည်း ဆယ်တန်းအောင်သည်အထိ
ကောင်းစွာသင်ကြားဖူးသူ ။ မိသားစုလုပ်ငန်း ကလည်း တိရစ္ဆာန်မွေးမြူခြင်းဖြစ်ရာ ကြက်/ဝက်သတ်ရာတွင်
လက်ယဉ်နေလေပြီ ။ နောက်ပြီး သည်ကောင်လေးက ပြင်ပ ဗဟုသုတပေါကြွယ်သူလည်းဖြစ်၍ ပြစ်မှုရေးရာနှင့်
လက်တစ်လုံးခြားလိမ်လည်မှုများကို အတော်အသင့်သဘောပေါက် နားလည်မည့်သူ ။
“ ကျွန်တော်တို့ မောင်တိုးကြွယ်ကိုလည်း ခေါ်စစ်ကြည့်ရင်
အရှုံးမရှိပါဘူး ။ ဖြစ်မလား…သူကြီး ။”
ကိုယ့်အတွေးနှင့်ကိုယ်
ငိုင်စင်းစင်းဖြစ်နေသည့်သူကြီးက ဒုရဲအုပ်လေး၏အမေးကို ကောင်းစွာမကြားလိုက်သဖြင့်…“ခင်ဗျာ”
ဟူ၍ ထပ်ခါမေးလိုက်ရသည် ။
“ ကျွန်တော်တို့ မောင်တိုးကြွယ်ကိုလည်း မောင်နီ
ပြောတဲ့ကိစ္စနဲ့ပတ်သက်ပြီး ခေါ်မေးကြည့်ချင်တယ် ။ အဲဒါ…သူကြီး
အနေနဲ့…”
“ သြော်…ရပါတယ် ။ ရပါတယ် ။ ကျုပ်ရဲ့ရွာသားတွေပဲ
။ ကျုပ် ခေါ်လိုက်ပါ့မယ် ။”
သူကြီးက
မောင်နီ့ကိုပြန်လွှတ်လိုက်ကာ အိမ်အောက်တွင်သာရှိနေသောမောင်တိုးကြွယ်ကို ခေါ်ခိုင်းလိုက်၏
။ ရဲအရာရှိကြီး များက မောင်တိုးကြွယ်ကို မေးမြန်းလိုသည်ဟုကြားသိရ၍ ရွာသူရွာသားအားလုံး
အံ့သြဘနန်းဖြစ်ကြရသည် ။ တစ်ဦးနှင့် တစ်ဦး တတောင်နှင့်တွတ်ကာ သို့လောသို့လောဖြစ်နေကြသည်
။
“ အေးကွ ။ ဟိုတစ်နေ့ကတော့ တိုးကြွယ်တစ်ယောက် ဖိုးပြည့်ကို
ပညာပေးဦးမယ်ဆိုပြီး ကြုံးဝါးနေတာတော့ကြားရဲ့ ။
ဒီကောင် ဒီလောက်မမိုက်လောက်ပါဘူးကွာ ။”
“ ပြောမရဘူးလေကွာ ။ သူက ဖိုးပြည့်တို့မောင်နီတို့ကို
အသေမုန်းနေတာ ။ သူတို့ကို ချောက်ချဖို့အတွက် မယ်ချစ်
ကလေးကို သတ်လိုက်သလားမှ မသိဘဲ ။”
စသဖြင့်
မောင်တိုးကြွယ်၏သူငယ်ချင်းတချို့ကလည်း သိသလောက်မှတ်သလောက်နှင့် တွေးတောစုံထောက်နေကြသည်
။ တိုးကြွယ်ကတော့ သူခိုး လူမိဟန်ဖြင့် အနည်းငယ်မူပျက်နေ၏ ။
“ သူကြီး ကျွန်တော့်ကို ခေါ်တယ်ဆို ။ ဘာခိုင်းမလို့လဲခင်ဗျာ့
။”
“ ငါ ခေါ်တာ
မဟုတ်ဘူးကွ ။ ဒီက ဆရာကြီးတွေ ခေါ်တာ ။ လာကွာ…။ ထိုင် ။”
“ ဟုတ်ကဲ့ ။”
မောင်တိုးကြွယ်က
ဆက်တီခုံတစ်လုံးတွင် ရိုရိုကျိုးကျိုးဝင်ထိုင်ပြီး ခေါင်းငုံ့နေသည်။ သူ့ပုံစံက ပြုလုပ်ခဲ့မိသောပြစ်မှုအတွက်
စိတ်မသက်မသာဖြစ်နေဟန်အပြည့်…။
“ မောင်တိုးကြွယ်က လူတော်လူကောင်းလေး ၊ ရွာက အားကိုးရတဲ့လူငယ်လေးလို့
သူကြီးက ပြောတယ် ။ ဟုတ်ရဲ့လား
ကွ ။”
“ ဒါကတော့ လူတွေရဲ့အမြင်ပါ ။ ကျွန်တော်လည်း မပြောတတ်ပါဘူး
။”
“ လူမိုက်က ဆိုးရင် မြင်သာတယ် ။ လူလိမ္မာ ဆိုးရင်တော့
ပညာပါတယ်ကွ ။ အခု…ရွာသားအားလုံးက မင်းအပေါ်မှာ
အကောင်းမြင်နေကြမှာပဲ ။ ဒီဟာကို အခွင့်ကောင်းယူပြီး
သူများအပေါ် ချောက်ချချင်တဲ့စိတ်နဲ့ မင်း ပြစ်မှု ကျူးလွန်ခဲ့
ရင်တော့ ကံတရားက မင်းကို ကြည့်နေမှာမဟုတ်ဘူး ။ ဥပဒေရဲ့ရှေ့မှောက်ကို
ရောက်အောင်ပို့ပြီး ဒဏ်ခတ်ခိုင်းမှာ
ပဲ ။”
“ ဟို…ဆရာတို့ပြောတာ ကျွန်တော် နားမလည်…”
မောင်တိုးကြွယ်ကို
စကားဆုံးအောင်ပင်ပြောခွင့်မပေးတော့ဘဲ ရဲအုပ်ကိုဘလှိုင်က တင်းမာခက်ထန်သည့်မျက်နှာထားနှင့်
လိုက်ဖက်ညီလှသော ပြတ်ပြတ်သားသားလေသံဖြင့် …
“ ဘာမှ နားမလည်ချင်ယောင် ဆောင်မနေနဲ့ ။ ကလေးကို
မင်း သတ်ခဲ့တာလို့ မောင်နီက သက်သေခံသွားပြီးပြီ ။”
ဟု
ခိုင်ခိုင်မာမာပြောချလိုက်ရာ မောင်တိုးကြွယ်ခမျာ ပါးစပ်အဟောင်းသားနှင့် ဆက်တီခုံနောက်မှီပေါ်သို့
ပက်လက်လန် သွားပြီး…
“ ဟာ…မဟုတ်…မဟုတ်ရပါဘူးဗျာ ။ မဟုတ်ရပါဘူး ။ ကျွန်တော်…ကျွန်တော်
ကလေးကို မသတ်ပါဘူး ။ ဘာဖြစ်လို့
သတ်ရမှာလဲ
။ ဟာ…မောင်နီ ဘာတွေပြောသွားတာပါလိမ့် ။ သူကြီးရယ်…ပြောပေးပါဦး ။ ကျွန်တော်က အဲဒီလိုလူမျိုး
မဟုတ်ဘူးဆိုတာ သူကြီးအသိဆုံးပါ ။”
“ အင်း…အဲဒါတော့ ဟုတ်တယ် ဆရာကြီးတို့ ။ မောင်တိုးကြွယ်က
ဒီလောက်မိုက်လိမ့်မယ်လို့ ကျုပ်တော့ မထင်ဘူး ။
မောင်နီများ သပ်သပ်လွှဲချသလား မသိ ။”
သူကြီး၏စကားကို
ဒုရဲအုပ်ထက်မြက်က ခပ်ပြုံးပြုံးမျက်နှာနှင့် ခေါင်းခါငြင်းလိုက်ပြီး…
“ မောင်နီ မလိမ်ဘူး သူကြီး ။ ကျွန်တော်က မျက်နှာတွေကို
ကောင်းကောင်းဖတ်တတ်ပါတယ် ။ သူ့ပုံစံက အမှန်အတိုင်း
ဖွင့်ပြောသွားတာ သေချာပါတယ် ။ အဲ…ကိုတိုးကြွယ်ရဲ့မျက်နှာမှာတော့
အဖြစ်မှန်တစ်ခုကို ဖုံးကွယ်ထားတဲ့အရိပ်အ
ယောင်တွေ တွေ့နေရတယ် ။ ဟုတ်တယ် မဟုတ်လား ကိုတိုးကြွယ်
။”
“ ဟို…ဟို…ဘယ်လိုပဲဖြစ်ဖြစ်ဗျာ ။ ယုံပါ…ကျွန်တော်
ကလေးကို မသတ်ပါဘူး ။ သတ်စရာလည်း အကြောင်းမရှိပါဘူး ။”
“ မင်းက ဖိုးပြည့်တို့အုပ်စုကို မျက်မုန်းကျိုးနေတယ်ဆို
။”
“ အဲဒါတော့ ဟုတ်ပါတယ် ။ သူတို့က လောကကို အကျိုးမပြုတဲ့ဆန်ကုန်မြေလေးတွေမို့
ကြည့်မရတဲ့သဘောပါ ။ ဒီ
လောက်ပါပဲဗျာ ။”
“ လွန်ခဲ့တဲ့နှစ်ရက်ကလည်း ဖိုးပြည့်တို့အိမ်ကို
အလှူခံထွက်ရင်း ဖိုးပြည့်နဲ့ရန်ဖြစ်မလို ဖြစ်ခဲ့သေးတယ်လို့ ရွာသားတစ်
ယောက်က ပြောတယ် ။ အဲဒါကော ဟုတ်သလား ။”
“ ဖိုးပြည့်က မိုက်ရိုင်းလွန်းလို့ပါဗျာ ။ သူ့မယားမယ်နှစ်က
အလှူငွေတစ်ရာထည့်တာကို အလိုမကျလို့ ဆူဆဲရိုက်ပုတ်ပြီး
ကျွန်တော်တို့နဲ့လည်း ပေးစားသေးတယ် ။ အဝီစိ ချိုးကပ်မယ့်ကောင်ဗျ
။”
“ ဟုတ်ပါပြီ ။ လူသတ်မှုဖြစ်တဲ့မနက်စောစောက မင်း
ဘယ်မှာရှိနေလဲ ။ ဘာတွေလုပ်သေးလဲ ။”
ရဲအုပ်ဦးဘလှိုင်က
ကွေ့ဝိုက်မနေဘဲ တဲ့တိုးမေးချလိုက်သည် ။ ရဲအုပ်ကြီး၏အမေးစကားကြောင့် မောင်တိုးကြွယ်၏မျက်နှာ
အောက်သို့ငုံ့သွားပြီး …
“ အိမ်…အိမ်မှာပဲ ။ အိပ်နေတာပါ ။”
ဟု
အသံပြတ်တောင်းတောင်းဖြင့် ဖြေသည် ။ အမူအရာကလည်း မူမပျက်အောင် အတင်းထိန်းထားမှန်း ပေါ်လွင်လှသည်။
“ ဟုတ်လား ။ ဒါဆို…မောင်နီက မင်းကို ဖိုးပြည့်တို့အိမ်နားမှာ
တွေ့တယ်လို့ ဘာဖြစ်လို့ ပြောရတာလဲ ။”
“ ဗျာ…”
အာမေဋိတ်သံတစ်လုံးရေရွတ်ကာ
ရဲအုပ်ကြီး၏မျက်နှာကို ကြောက်လန့်တကြားမော့ကြည့်ရင်း မောင်တိုးကြွယ် ဆွံ့အသွား သည်
။ သူ့လုပ်ရပ်ကို မည်သူမျှ မြင်တွေ့မည်မဟုတ်ဟု တရားသေယုံကြည်ထားခဲ့ပုံရသည် ။
“ ဖြေလေ ။ လူသတ်မှုဖြစ်တဲ့နေ့မနက်က မင်း အဲဒီနားကို
သွားခဲ့လား ။”
“ ဟို…မသွား…မသွားပါဘူး ။ ကျွန်တော်…အိမ်မှာ…အိမ်မှာပဲ
အိပ်နေတာ ။ မယုံ…အမေ့မေးကြည့် ။”
“ သြော်…မင်းကသာ မသွားဘူးပြောနေတာ ။ မောင်နီကဖြင့်
မင်း ဖိုးပြည့်ခြံနောက်က ခိုးကြောင်ခိုးဝှက်ထွက်လာတဲ့ပုံကို
ဟန်းဖုန်းနဲ့ ဓါတ်ပုံတောင် ရိုက်ထားသေးတယ် ။
အဲဒီကိစ္စကို မင်း ဘယ်လိုရှင်းမလဲ ။”
“ ဟာ…ဒီကောင်…ဒီကောင် ဘယ်လိုလုပ်ပြီး အဲဒီနားမှာ
ရှိနေတာလဲ ။ အဲဒီအချိန်ကြီး ဘယ်လိုလုပ်ပြီး…”
အမှန်တော့
ရဲအုပ်ကိုဘလှိုင်က လီဆယ်၍ပြောလိုက်ခြင်းသာဖြစ်သည် ။ သို့ပေမဲ့ အတွေ့အကြုံနုနယ်ပြီး
သဘောရိုးစင်း သောမောင်တိုးကြွယ်ခမျာတော့ ရဲအုပ်၏စကားကြောင့် ဆောက်တည်ရာမရဖြစ်သွားကာ
ရင်ထဲမှစကားများ ပွင့်အံကျလာ ၍ တဖြည်းဖြည်းပေါ်လာသည် ။
“ ဟော…ဒါဆို မင်း အဲဒီကို ရောက်ခဲ့တယ်ဆိုတဲ့သဘောပေါ့
။ မင်း ဘာဖြစ်လို့ ခြံနောက်က ခိုးကြောင်ခိုးဝှက် ထွက်လာ
ရတာလဲ ။ ကလေးကို မင်း ဘာဖြစ်လို့ သတ်ခဲ့တာလဲ
။”
“ ဟာ…မဟုတ်…မဟုတ်ရပါဘူးဗျာ ။ ဘုရားပေးပေး ကျမ်းပေးပေးပါ
။ ကျွန်တော် ကလေးကို မသတ်ရပါဘူး ။ ကျွန်…
ကျွန်တော် သတ်တာ…တခြားသူကိုပါ ။”
မောင်တိုးကြွယ်၏ဝန်ခံစကားက
ရဲအရာရှိများကို မျက်လုံးပြူးသွားစေသည် ။ အမှုအခင်းဖြစ်ပွားရာအိမ်သို့ သွားရောက် ကြည့်ရှုပြီးဖြစ်သော်လည်း
ကလေးငယ် အသတ်ခံရသည့်ကိစ္စနှင့်ပတ်သက်သော သက်သေခံပစ္စည်းများကိုသာ တွေ့ရှိခဲ့ ရသည် ။ တခြားလူတစ်ယောက်
အသတ်ခံရသည်နှင့်ပတ်သက်၍ တစ်စွန်းတစ်စပင် မသိရှိထားခဲ့ ။ ယုန်ထောင် ကြောင်မိ လေပြီလား
။
“ မင်း…မင်း ဘယ်သူ့ကို သတ်ထားတာလဲ ။ ပြောစမ်း…မောင်တိုးကြွယ်
။”
သူကြီး၏အသံက
အလောသုံးဆယ် ။ သူ့အုပ်ချုပ်နေသည့်ရွာ၌ တစ်နေ့တည်း လူသတ်မှုနှစ်ခု ဖြစ်ပွားသွားခဲ့သည့်အပေါ်
ယူကြုံးမရဖြစ်နေဟန်တူသည် ။ မောင်တိုးကြွယ်က မျက်လုံးကလေး ကလယ်ကလယ်ဖြင့် သူကြီးကို မော့ကြည့်ပြီး…
“ ဟို…ဟို…ဖိုးပြည့်ရဲ့ကြက်ကိုပါ သူကြီး ။”
“ ဘယ်လို…”
သည်တစ်ကြိမ်မှာတော့
တအံ့တသြရေရွတ်လိုက်သူက သူကြီးဦးမြသန်း ။ ယုန်ထောင် ကြောင်မိမဟုတ် ။ ယုန်ထောင် ကြွက်မိ
။
“ ဟုတ်ပါတယ် သူကြီးရယ် ။ ကျုပ် အဲဒီလောက်မမိုက်ပါဘူး
။ ဖိုးပြည့်ကို အမြင်ကပ်တာနဲ့ အပြစ်မရှိတဲ့ကလေးကို ကျုပ်
မသတ်ဝံ့ပါဘူး ။ ခု…ကျုပ် သတ်လိုက်မိတာက သူ့တိုက်ကြက်ကြီး
ခွန်အားကိုပါ ။ မယုံရင် ဓါတ်ပုံထဲကို သေချာပြန်
ကြည့်ပါဗျာ ။ ကျုပ် လက်ထဲမှာ ကြက်တစ်ကောင် ပါလာပါတယ်
။ ဖိုးပြည့်က သူ့ကြက်ကြီးကို သိပ်ချစ်မှန်းသိလို့ သူ
စိတ်ဆင်းရဲအောင် လူလစ်တုန်း ကြက်ခိုးပြီး ချက်စားတာပါ
။ မယုံရင် စိန်ဒင်တို့လည်း မေးကြည့်ပါ ။ သူတို့လည်း
ကြံရာပါတွေပါပဲ ။”
အလောင်းကို သွားရောက်စစ်ဆေးပြီးကတည်းက ဒုရဲအုပ်ထက်မြက်၏စိတ်ထဲတွင်
သံသယဝင်နေသောအရာတစ်ခု ရှိသည် ။ ထိုအရာမှာ အလောင်းနဘေး ခပ်လှမ်းလှမ်းခုံအောက်ထဲတွင်
တွေ့မြင်ခဲ့ရသောကွတ်ကီးမုန့်ခွံလေးဖြစ်သည် ။ ကွတ်ကီးဆိုသောမုန့်မျိုးက မြို့၌သာပေါများပြီး
ဇနပုဒ်ကျေးရွာများတွင် ရှားပါးသောစားစရာတစ်ခုဖြစ်၏ ။ သို့ကြောင့် ကွတ် ကီးမုန့်ခွံသည်
အရေးပါသောသက်သေခံပစ္စည်းတစ်ခု ဖြစ်လိမ့်မည်ဟု ဒုရဲအုပ် တွေးမိသည် ။ သို့ပေမဲ့ ထိုကိစ္စကို
သူကြီးထံ မမေးမြန်းသေးဘဲ သံသယရှိဖွယ်ရှိသောတရားခံများကို ဦးစွာစစ်ဆေးမေးမြန်းနေခြင်းဖြစ်၏
။ ယခုဆို အားလုံးကုန်သွားပြီ ။ ထိုအထဲက တစ်ယောက်မှ လူသတ်သမား မဟုတ်မှန်း ဝါရင့်နေသောရဲအုပ်ကြီးမဆိုထားနှင့်…ဝါနုသေးသောမိမိပင်
သိရှိနေ တာကြောင့် လူသတ်မှုနှင့်ပတ်သက်ပြီး ဒုရဲအုပ် ခေါင်းစားသွားရလေပြီ ။
ဤအမှုမှာ မိမိ ရာထူးတိုးပြီးနောက် ပထမဆုံး
လိုက်လံစုံစမ်းရသောလူသတ်မှုဖြစ်၍ အမှုမှန်ပေါ်အောင် စေ့စေ့စပ်စပ် လေ့လာစဉ်းစားရမည်ဖြစ်ကြောင်း
ဒုရဲအုပ်ထက်မြက် သိနေသည် ။ သို့မှသာ လူကြီးရှေ့၌ မျက်နှာကောင်းရနိုင်လိမ့်မည်မို့ သက်သေခံပစ္စည်းများကိုကြည့်ကာ
ဖြစ်နိုင်ချေရှိသည်များကို စဉ်းစားကြည့်သည် ။
သက်သေခံပစ္စည်းကလည်း များများစားစား မရှိ ။ အလောင်းအနားတွင်
ကျနေသောလက်ကိုင်ပုဝါတစ်ထည်နှင့် ခပ် လှမ်းလှမ်းမှ(ဒုရဲအုပ် သတိပြုမိ၍ ကောက်ယူလာသော)
ကွတ်ကီးမုန့်ခွံ ။ မမယ်နှစ်၏အပြောအရ လက်ကိုင်ပုဝါမှာ ဖိုးပြည့် ၏ပစ္စည်းဖြစ်ကြောင်း
သိရသည် ။ တစ်ခုတည်းသော သက်သေခံပစ္စည်းက ဖိုးပြည့်ကိုသာ ညွှန်ပြနေ၍ ရွာသူရွာသားများက ဖိုးပြည့်ကို
လူသတ်သမားဟု ယိုးစွပ်ကြသည်မှာလည်း မဆန်း ။
သို့ပေမဲ့ တစ်ဖက်ရွာသို့ သွားရောက်စုံစမ်းကြည့်သည့်အခါ
မနက်ဝေလီဝေလင်းကနေ တစ်မနက်လုံး ထိုအရက်ဆိုင်တွင် ဖိုးပြည့်ရှိနေကြောင်းကို ဆိုင်ပိုင်ရှင်အပါအဝင်
ရွာသားတချို့က သက်သေခံပေးသောကြောင့် (အလီဘိုင်ပြနိုင်၍) ဖိုးပြည့် လွတ်သွားသည် ။ နောက်ပြီး
ဒုရဲအုပ်ကိုယ်တိုင်ကလည်း ဖိုးပြည့်ကို လူသတ်သမားဟု ခံစားမိခြင်းမရှိ ။ ဖိုးပြည့် သတ်တာ
သာဆိုလျှင် မယ်နှစ်က ချက်ချင်းသိရမည်သာ ။ နောက်ပြီး မဒိန်းကျင့်ခံထားရသကဲ့သို့ အင်္ကျ
ီဘောင်းဘီများ ကျွတ်နေပေမဲ့ ဆေးစစ်ချက်အရ ထိုကဲ့သို့ မဖြစ်ပွားခဲ့ကြောင်းသိရှိရ၍ သံသယဝင်စရာတစ်ခုဖြစ်လာသည်
။ လူသတ်သမားကို ယောက်ျား ဟုထင်အောင် လှည့်စားထားသည့်သဘော ။ အလောင်းကို ပထမဆုံးရှာတွေ့သူမှာ
မယ်နှစ်ဖြစ်ပြီး မနက်မိုးလင်းချိန်ခန့်က ဖြစ်သည်ဟုဆို၍ ထိုနေရာ၌လည်း ဟာကွက်တစ်ခုရှိနေသလို
ထက်မြက် ခံစားလိုက်ရသည် ။
တစ်ဖက်ရွာသို့ ဖိုးပြည့် ထွက်သွားချိန်က မနက်ဝေလီဝေလင်းကဖြစ်ပြီး
မသွားမီကပင် မယ်နှစ် ထနေပြီဖြစ်သည် ။ (မယ် နှစ်က မနက်လေးနာရီထိုးတိုင်း ဆွမ်းဟင်း ထချက်ကြောင်းကို
အိမ်နီးနားချင်းများက ပြော၍ သိရှိထားသည် ။) ထိုသို့ဆို လျှင် ကလေးကို ဖိုးပြည့် သတ်ရိုးမှန်ပါက
မယ်နှစ် သေချာပေါက်သိရှိမည် ။ မယ်နှစ်ကို မေးမြန်းစဉ်ကလည်း ဝမ်းနည်းပက် လက်ငိုယိုနေသည်မှန်ပေမဲ့
တစ်စုံတစ်ခုကို ဖုံးကွယ်ထားသည်ဟန် ။ မျက်ရည်များကြားမှ ကွယ်ဝှက်မှုများက မျက်နှာအကဲ
ခတ်တော်သော ဒုရဲအုပ်ထက်မြက်ကို လိမ်ညာ၍ မရ ။ သို့ကြောင့် (သံသယဖြစ်စရာမဟုတ်မှန်းသိပေမဲ့)
ဒုရဲအုပ်ထက်မြက် ၏စိတ်ထဲ၌ မယ်နှစ်ကို သံသယဖြစ်နေမိသည် ။
•••
“ ဟာ…မင်းဟာက
ဟုတ်ရဲ့လားကွာ ။ ကလေးကို…”
“ ဒီလိုလုပ်ရင်
အမှုမှန်ကို ဖော်ထုတ်ရတာ လွယ်ကူသွားမှာပါ ဆရာ ။”
ဦးဘလှိုင်က စူးရဲသောအကြည့်တို့ဖြင့် ထက်မြက်ကို နှစ်မိနစ်ခန့်
စိုက်ကြည့်နေပြီးမှ ယုံကြည်မှုပြည့်ဝနေဟန်ရှိသောထက် မြက်၏ဟန်ပန်ကြောင့်…
“ အေးလေ ။ မင်းကိုယ်မင်း
ယုံတယ်ဆိုလည်း လုပ်ပေါ့ ။ ပြဿနာတက်လာရင်တော့ ငါ ခေါင်းမခံချင်ဘူးနော် ။”
“ စိတ်ချပါ ဆရာ
။”
အထက်လူကြီးထံမှ ခွင့်ပြုချက်ရလိုက်သည်နှင့် ထက်မြက် လုပ်စရာရှိသည်များကို
ဇယ်ဆက်သလိုလုပ်ဆောင်တော့သည်။ ပထမဆုံး ရွာသို့သွားကာ သူကြီးနှင့်မယ်နှစ်တုိ့သားအမိကို
…
“ တရားခံကို ဖမ်းမိဖို့အတွက် ဝိုင်းဝန်းကူညီတဲ့အနေနဲ့
ဌာနကို ခဏလိုက်ခဲ့ပေးကြပါ ။”
ဟု တောင်းဆိုခဲ့သည် ။ ထင်ထားသည့်အတိုင်း မယ်နှစ်က ဆိုင်အလုပ်ကို
အကြောင်းပြကာ ငြင်းဆန်၏ ။ နောက်ပြီး တရား ခံက ဖိုးပြည့်သာဖြစ်ကြောင်း ဇွတ်အတင်းပြောသည်
။ ရွာသူရွာသားများကလည်း သူမ၏စကားကိုသာ ထောက်ခံလျက်ရှိ ကြပြီး ဒုရဲအုပ်ထက်မြက်ကိုပင်
အပြစ်တင်လျက်ရှိကြသည် ။
“ အလကားရဲတွေပါကွာ
။ ဒီလောက်…သက်သေခံပစ္စည်းနဲ့တရားခံကို ပို့ပေးလိုက်တာတောင် အရစ်ရှည်နေကြသေး
တယ် ။”
“ ဟုတ်ပါ့ ။
ငါတောင် တွေးတတ်တယ် ။ မူးမူးရူးရူးနဲ့ ကလေးကို မဒိန်းကျင့်ပြီး လက်ကိုင်ပုဝါနဲ့ နှာခေါင်းပိတ်သတ်
။
နောက်တော့
ကြောက်အားလန့်အားနဲ့ ထွက်ပြေး ။ ဒါပဲနေမှာ ။”
“ ပိုက်ဆံလိုချင်လို့နေမှာပေါ့ကွာ
။ money makes everythingsလေ ။”
“ သူတို့သဘာကို
ပြချင်လို့ ပေရှည်နေတာလေကွာ ။ နောက်တော့လည်း ဖိုးပြည့်ကိုပဲ သူတို့ ဖမ်းမိသလိုမျိုး
စတိုင်ထုတ်
ကြဦးမှာ
။”
စသဖြင့် အမျိုးမျိုး ပြောဆိုလျက်ရှိကြပေမဲ့ အသေးအဖွဲကို
အလေးမထားတတ်သည့်ထက်မြက်က နားမလည်သူများကို ပေ လေယကံသဘောထားကာ သူကြီးနှင့်မယ်နှစ်တို့သားအမိကိုသာ
ဌာနသို့လိုက်လာရန် တောင်းဆိုသည် ။ သူကြီးကတော့ နှစ်ခါမခေါ်ရ…။
“ ကဲပါ…မယ်နှစ်ရယ်
။ နင့်ဆိုင်ကို ကြီးပုဆီ ခဏအပ်ခဲ့လိုက်ပါ ။ ဟိုမှာ…နင့်သမီးရဲ့အလောင်းကိုလည်း တွေ့ရတာပေါ့
ဟယ် ။ ဆရာကြီးက
သဘောကောင်းတဲ့သူမို့ တောင်းဆိုနေတာ ။ အမိန့်နဲ့သာဆို ငါတို့က မလိုက်မဖြစ်လိုက်ရမှာပဲ။”
နောက်တစ်ကြိမ်၌ သူကြီးက မလိုက်မဖြစ်သဘောမျိုး ပြောလိုက်တော့မှ
မယ်နှစ် မျက်နှာညှိုးညှိုးနှင့် လိုက်လာသည် ။ ဒုရဲ အုပ်၏စိတ်ထဲ မိမိ သံသယဝင်မိသည်မှာ
မှားလေပြီလားဟုပင် တွေးလိုက်မိသေးသည် ။
စီစဉ်ထားသည့်အတိုင်း
ကွက်တိဖြစ်ခဲ့ပြီ ။ ကလေး၏အလောင်းကို စားပွဲပေါ်တွင် လှလှပပပြင်ဆင်ထားပြီး မယ်သုံကို
အလောင်းနားသို့ ခေါ်လာခဲ့သည် ။ မယ်ချစ်၏အလောင်းကိုမြင်သည့်အခါ မယ်သုံ၏မျက်လုံးများ၌
မျက်ရည်ကြည်တို့ ရစ်ဝဲ သီလာ၏ ။
“ သမီးမယ်သုံ…ညီမလေးကို
နှုတ်ဆက်ချင်သေးလား ။”
ဒုရဲအုပ်ထက်မြက်က ကြင်ကြင်နာနာမေးလိုက်တော့ မယ်သုံက ဦးခေါင်းကို
ခပ်လေးလေးညိတ်ပြ၏ ။ မယ်ချစ်ကလေး အသတ်ခံရသည့်နေမှစ၍ ယနေ့ချိန်ထိ ဤကလေး- စကားတစ်ခွန်းမျှမဆိုသေးသည်ကို
ထက်မြက် သတိထားမိသလို ရွာ လူကြီးကလည်း ကရုဏာသက်စွာဖြင့် ထုတ်ဖော်ပြောဖူးသည် ။ ကြောက်မက်ဖွယ်ရာအဖြစ်အပျက်တစ်ခုခုကို
မျက်ဝါးထင် ထင်တွေ့မြင်ခဲ့၍ဖြစ်မည်ဟု ထက်မြက် ယူဆမိသည် ။
“ ကဲ…ဒါဆို ဦးဦး
အပြင်မှာ စောင့်နေမယ်နော် ။ မကြောက်ဘူး မဟုတ်လား ။”
မကြောက်ကြောင်း ခေါင်းခါပြ၏ ။
“ ဒါဆို…ညီမလေးကို
ကောင်းကောင်းနှုတ်ဆက်လိုက်ပါ ။ နောင်ဆို…ညီမလေးနဲ့ ဘယ်တော့မှတွေ့ခွင့်ရတော့မှာ
မဟုတ်ဘူးလေ
။”
ထက်မြက်က စကားကို နက်နက်နဲနဲဆိုရင်း မယ်သုံ၏မျက်နှာကို
စိုက်ကြည့်လိုက်သည် ။ ခေါင်းငုံ့ထားသောမယ်သုံလေး၏ မျက်နှာကလေးမှာ မဲ့ရှုံ့သွားကာ ပါးပေါ်သို့
မျက်ရည်စတို့ တရဟောလိမ့်ဆင်းလာ၏ ။ မိမိ ထွက်သွားဖို့အချိန် ရောက်ပြီဟု ထက်မြက် သဘောပေါက်လိုက်၍
အခန်းပြင်သို့ ထွက်သွားလိုက်သည် ။
•••
မယ်ချစ်လေး၏အလောင်းနားသို့
ဖြည်းဖြည်းချင်းတိုးကပ်လာသောမယ်သုံ့၏ခြေလှမ်းများမှာ လေးကန်အားဖျော့နေ၏ ။ ထုံထိုင်းတွန့်ဆုတ်နေ၏
။ သို့သော်လည်း ရပ်တန့်ခြင်း ၊ နောက်ဆုတ်ခြင်းမရှိဘဲ တဖြည်းဖြည်းချင်း ရှေ့သို့တိုးလာသည်
။ နာကျင်ဝမ်းနည်းစိတ်တို့ကြောင့် ပါးပြင်ပေါ်တွင်လည်း မျက်ရည်စတို့က တလိမ့်လိမ့်…။
မယ်ချစ်ကလေးမှာ
ပကတိအိပ်နေသကဲ့သို့ ရှိသည် ။ သွေးဆုတ်သွားပြီဖြစ်၍ တစ်ကိုယ်လုံး ဖြူဆုတ်နေသည်ကလွဲလျှင်
အိပ်ရာထဲမှ မယ်ချစ်ကလေးနှင့် မခြားနားသေး ။ လဲလျောင်းငြိမ်သက်နေသောမယ်ချစ်ကလေးကို ငေးစိုက်ကြည့်ရင်း
မယ် သုံ၏နှုတ်ခမ်းတို့ တဆတ်ဆတ်တုန်ရီလာသည် ။ တစ်စုံတစ်ခုကို ဖွင့်ပြောရေရွတ်ပစ်လိုက်ချင်ပေမဲ့
မယ်သုံ့၏စိတ်ထဲ တွန့် ဆုတ်နေမိသည် ။
- ငါ ပြောလို့ဖြစ်ပါ့မလား ။ မေမေက ဘယ်သူမှ မသိစေနဲ့လို့
မှာထားတယ်လေ ။ သူများ ကြားသွားရင် ဘယ်လိုလုပ်မလဲ ။
အသက်(၆)နှစ်ခန့်သာရှိသေးသော်လည်း မယ်သုံက ရင့်ကျက်နေသူပီပီ
အရိပ်သုံးပါး နားလည်သည် ။ သို့ကြောင့် မိမိ ပြော လိုသည်ကို သတိလက်လွတ်မပြောသေးဘဲ ပတ်ဝန်းကျင်သို့
ဝေ့ဝဲကြည့်လိုက်၏ ။ အနီးအနားတွင် လူ တစ်ဦးတစ်ယောက် မျှ မရှိ ။ အခန်းမှာ အလုံပိတ်နေ၏
။
“ ညီမလေး…”
မယ်သုံက အလောင်းနားသို့ကပ်ကာ တိုးတိုးလေး ရေရွတ်လိုက်သည်
။ မျက်လုံးများက မယ်ချစ်၏မျက်နှာကို မဝံ့မရဲကြည့် နေသည် ။
“ မမကို ခွင့်လွှတ်ပါနော် ။ မေမေ့ကိုလည်း အပြစ်မတင်ပါနဲ့
။ မေမေက ညီမလေးကို အချစ်ဆုံးဆိုတာ ညီမလေး သိမှာ
ပါ ။”
ထိုနေရာတွင် စကားကိုခဏရပ်ကာ တအင့်အင့်ရှိုက်ငိုနေ၍ တစ်ဖက်ခန်းမှ
နားစွင့်နေသူထက်မြက်လည်း လည်တဆန့်ဆန့် ဖြစ်သွားရသည် ။ အမှန်တော့ ထိုအခန်းတွင် အသံဖမ်းစက်
တပ်ဆင်ထားပြီး နံရံတွင်လည်း လျှို့ဝှက်ကင်မရာ ထားရှိထား သောကြောင့် မယ်သုံကလေး ပြောသမျှကို
တာဝန်ရှိသူများက ကြားသိနေရသည် ။ အထူးသဖြင့် စိတ်လှုပ်ရှားနေသူက ဒုရဲ အုပ်လေးထက်မြက်
။ ကလေးမက စကားရှေ့မဆက်ဘဲ တအင့်အင့်ရှိုက်ငိုနေလေရာ ထိုမျှဖြင့် စကားရပ်လိုက်ပါက စုံစမ်း
ရခက်သွားပေတော့မည် ။ သို့ပေမဲ့ ထက်မြက် ကံဇာတာတက်နေသည်ဟုဆိုရမည် ။ မယ်သုံက မျက်နှာကို
လက်ဖဝါးဖြင့် ပွတ်သုတ်လိုက်ကာ စကားကိုဆက်သည် ။
“ မမ မရည်ရွယ်ပါဘူး
။ မမ တောင်းပန်ပါတယ် ။ မေမေ ဆူမှာစိုးလို့ ညီမလေးကို … ညီမလေးကို အင့်…အင့်…ပါးစပ်
ပိတ်ရုံပိတ်လိုက်တာပါ
။ မမ မုန့်စားနေတာကို မေမေ သိသွားမှာစိုးလို့ ပါးစပ်ပိတ်ရုံပိတ်လိုက်တာပါ ညီမလေးရယ်
။
အီး…အင့်…အင့်…”
မယ်သုံလေး၏စကားကြောင့် ထက်မြက်- ပါးစပ်အဟောင်းသားဖြစ်ကာ
မင်သက်သွားခဲ့ရသည် ။ ကြားသိထားသော အကြောင်းအရာများနှင့် ဆက်စပ်တွေးကြည့်ပြီး ဒုရဲအုပ်ထက်မြက်
သဘောပေါက်သွားခဲ့ပြီ ။
ဒုရဲအုပ်
တွေးထင်ထားသည်က တရားခံမှာ မိခင်ဖြစ်သူ မမယ်နှစ်ဖြစ်လိမ့်မည်ဟူ၍ ။ မမယ်နှစ်က လင်ယောက်ျားကို
အလွန်ကြောက်ရွံ့ရသောကြောင့် ထိုယောက်ျားအပေါ် မုန်းတီးသည့်စိတ်ဖြင့် စိတ်ဖောက်ပြန်ကာ
မိမိရင်သွေးကို ကိုယ်တိုင် သတ်ပြီး ယောက်ျားအပေါ် အပြစ်လွှဲချခြင်းဖြစ်မည် ၊ ထိုအဖြစ်အပျက်ကို
မယ်သုံက တွေ့မြင်သွားခဲ့၍ ယခုလို ဆွံ့အနှုတ် ပိတ်သွားခဲ့ရခြင်းဖြစ်မည်ဟု ထက်မြက် တွေးထင်ခဲ့မိသည်
။ သို့ကြောင့်လည်း ယခုကဲ့သို့ planချကာ မယ်သုံ့ကို မယ်ချစ် လေးရှေ့သို့ အရောက်ပို့ပေးပြီး
တစ်ယောက်တည်း ထားရစ်ခဲ့ခြင်းဖြစ်၏ ။ တစ်ယောက်တည်းဖြစ်မှ သူမ၏ခံစားချက်များကို ရင်ဖွင့်ပြောပြဖြစ်မည်မဟုတ်ပါလား
။
သို့သော်
ဒုရဲအုပ်ထက်မြက် သီသီလေးအတွေးလွဲသွားသည်က သက်သေခံပစ္စည်းတစ်ခုဖြစ်သော ကွတ်ကီးမုန့်ခွံကို
ဘာသိဘာသာသဘောထားခဲ့ခြင်းပင် ။ အမှန်တော့ ထိုကွတ်ကီးအိတ်ခွံသည် အဓိကသက်သေခံဖြစ်နေသည်
။ ထိုအိတ်ခွံ ကြောင့်သာ လူသတ်မှုဖြစ်ပွားခဲ့ရခြင်းဖြစ်သည် ။ ဇာတ်ရည်လည်အောင်ပြောရသော်…မယ်သုံက
မောင်နီဆီမှ ကွတ်ကီးမုန့် တစ်ခု လက်ဆောင်ရထား၍ မိခင် မသိအောင် ခိုးစားနေသည့်အခိုက်
မယ်ချစ်က ရောက်လာပြီး ကလေးသဘာဝ တိုင်မည် တောမည်ပြောဆိုသောကြောင့် ကြောက်အားလန့်အားနှင့်
ပါးစပ်ထားလိုက်သည် ။ ကြောက်စိတ်ဖြင့် ပြုမူလိုက်မိခြင်းဖြစ်၍ ပါးစပ်နှင့်နှာခေါင်း
ရောပိတ်ထားမိခြင်းကို မယ်သုံလေး သိခဲ့ပုံမရ ။ သိလိုက်သောအခါတွင် အချိန်လွန်သွားခဲ့ပြီ
။
ကြောက်လန့်ချောက်ချားကာ
မယ်သုံ ဆောက်တည်ရာမရဖြစ်သွားမည် ။ နေရာတွင် ရှိုက်ကြီးတငင် ထိုင်ငိုနေမည် ။ ထိုအခိုက်
မိခင်ဖြစ်သူမယ်နှစ် ရောက်လာကာ အဖြစ်မှန်အားလုံးကို သဘောပေါက်သွားလိမ့်မည် ။ သမီးတစ်ယောက်
ဆုံး ရှုံးလိုက်ရသဖြင့် ယူကြုံးမရ သောကပွေနေရပေမဲ့ နောက်သမီးတစ်ယောက်ကိုပါ အဆုံးရှုံးမခံနိုင်သဖြင့်
ဖိုးပြည့်၏လက် ကိုင်ပုဝါကို ပစ်ချကာ ဖိုးပြည့် သတ်သကဲ့သို့ ပြုလုပ်ခဲ့ခြင်းဖြစ်မည်
။ သတ်မိသူကို ယောက်ျားဟုပို၍သက်ရောက်စေရန်အ တွက် အဝတ်အစားများကို ချွတ်ထားလိုက်ခြင်းဖြစ်မည်
။
အမှုမှန်ကို
နှစ်ရက်အတွင်း ဖြေရှင်းခဲ့နိုင်ပြီး လူသတ်တရားခံအစစ်ကို ဖော်ထုတ်ပေးနိုင်ခဲ့၍ ဒုရဲအုပ်ထက်မြက်ကို
ရဲမှူး ကြီးက ချီးကျူးဂုဏ်ယူရုံမက ရှေ့၌ တက်လမ်းများစွာရှိကြောင်း ဖွင့်ပြောခဲ့သော်လည်း
ထက်မြက် မပျော်နိုင် ။ ထက်မြက်၏ မျက်စိထဲ၌ ညီမဖြစ်သူကို သတ်မိသည့်အတွက် မျက်ရည်အဝိုင်းသားနှင့်
နာကျင်ကြေကွဲနေသော တရားခံမယ်သုံလေး၏ မျက်နှာကိုသာ မြင်ယောင်နေမိသည် ။
- တစ်ခါတလေလည်း အမှန်တရားက ဆေးခါးကြီးတစ်ခွက်လိုပါပဲလား
။
စေတနာရှေ့ထားလျက်…
www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။
