ကွန်ပျူတာထဲကစာရေးဆရာ၏ဝိညာဉ်

ကွန်ပျူတာထဲကစာရေးဆရာ၏ဝိညာဉ်

 ( ၂၀၁၄ ဒီဇင်ဘာလထုတ် ဂမ္ဘီရမဂ္ဂဇင်းတွင် ဖော်ပြခံရသော ဝတ္ထုတိုတစ်ပုဒ်ဖြစ်သည် )

ရေးသူ  -  ဂါဦးနွန်းကို

-----------------------------------------------------------------------------------------------

   လူတွေက တွေးကြတယ်…ဒါမှမဟုတ် ပြောကြတယ် ။ သေရင် ဒီဘဝကကိစ္စတွေ အားလုံးပြီးပြီတဲ့ ။ အလိုမပြည့်မှုတွေ ၊ အာဃာတတရားတွေ ၊ ဒေါသတွေ ၊ မာန်မာနတွေ ၊ အောင်မြင်ကျော်ကြားမှုနဲ့ဝါသနာပါရာအလုပ်…အို…အသက်ရှင်နေတဲ့ ဒီဘဝနဲ့ဆိုင်တဲ့အားလုံး…အားလုံးပေါ့ ။ တချို့လူတွေက ဒါတွေရဲ့စိတ်အနှောင့်အယှက်ဖြစ်မှု ၊ အကြီးအကျယ်စိတ်ဆင်းရဲမှု တို့ကနေ လွတ်မြောက်လိုလွတ်မြောက်ငြား ပေါက်ကွဲထွက်ပြေးရာအဖြစ် ကိုယ့်ကိုယ်ကို အဆုံးစီရင်ပစ်တတ်ကြတယ် ။ သူ တို့တတွေရဲ့အတွေးကတော့ သေသွားရင် ဒီဘဝနဲ့ပတ်သက်တဲ့ စိတ်ထိခိုက်ကြေကွဲမှု ၊ နာကျင်မုန်းတီးမှု ၊ နင့်နင့်သီးသီး ခံစားရမှုတွေကနေ ပြေးလွတ်နိုင်မယ်ပေါ့ ။ ဒါပေမဲ့…အဲဒါကရော တကယ်ဟုတ်ရဲ့လား ။ အဲဒီစိတ်ဆိုတဲ့အရာက ခံစားနေရ တဲ့လူကို တစ်မျိုးတစ်ဖုံပြောင်းလဲသွားအောင် လှည့်စားလိုက်တာရော မဖြစ်နိုင်ဘူးလား ။

- သေသွားရင် အဲဒီအရာတွေရဲ့လောင်းရိပ်အောက်ကနေ အမှန်တကယ်ပဲ လွတ်မြောက်နိုင်ပါ့မလား ။ အမှန်တကယ်ပဲ

လွတ်မြောက်သွားကြသလား ။

- အဲဒီအဖြေကို ဘယ်သူများ သိနိုင်ပါ့မလဲ…

ခင်ဗျားတို့လိုအသက်ရှင်ပျော်ရွှင်နေတဲ့သူတွေတော့ သိနိုင်မယ်မထင်ဘူး ။ သိလည်းမသိချင်ပါနဲ့ ။ နောက်ပြီး သိလည်းမသိ စေချင်ဘူး ။ ဘာဖြစ်လို့လဲဆိုတော့ အဲဒီ“သေလွန်ပြီးအခြားတစ်ဖက်မှာ နောင်တတရားတွေနဲ့အတူ နာကျင်ကြေကွဲနေရတဲ့ sucideသမားတွေရဲ့ဘဝမျိုး”ကို နောက်ထပ် ဘယ်သူ့ကိုမှ မရောက်ရှိစေချင်လို့ပဲ ။ ဘယ်လောက်ပဲ အရှုံးတွေ၊ နစ်နာမှုတွေ၊ စိတ်ထိခိုက်ခံစားရမှုတွေနဲ့ ရင်ဆိုင်တွေ့ကြုံရပါစေ…ထွက်မပြေးဘဲ ရဲရဲဝံ့ဝံ့တိုက်ခိုက်ပစ်လိုက်ပါ ။ ကံကြမ္မာရဲ့ကျွန်ယုံတော် သေမင်းကိုယ်တိုင် ပျင်းပျင်းရိရိလာခေါ်တဲ့အချိန်အထိ အကျိုးရှိရှိနေထိုင်ပစ်လိုက်စမ်းပါ ။ ဒီနေ့ရဲ့ကျရှုံးမှုဟာ မနက်ဖြန်ကျ သင်ခန်းစာဖြစ်သွားမှာပါပဲ ။ နောက်ထပ်ကျရှုံးမှုပေါင်းများစွာကို ရင်ဆိုင်လိုက်ပြီးတဲ့အခါ အဲဒီနေ့ရဲ့အရှုံးဟာ အဆိုးဆုံး မဟုတ်တော့ပါဘူး ။ ဒါ့ကြောင့် ဘာတွေနဲ့ပဲတွေ့တွေ့…ထွက်မပြေးနဲ့ ။ ကိုယ့်ကိုယ်ကို သတ်သေတဲ့နည်းနဲ့ ထွက်ပြေးခဲ့ရင် လည်း အဲဒီလောင်းရိပ်အောက်ကနေ ခင်ဗျား အမှန်တကယ်လွတ်မြောက်မှာမဟုတ်ဘူး ။ ယုံပါ…ခင်ဗျားအတွက် အဲဒါဟာ လွတ်မြောက်ရာအစစ်အမှန်မဟုတ်ဘူး ။ ဒါဟာ လုံးဝသေချာတဲ့အမှန်တရားပဲ ။ ဘာ့ကြောင့်လဲဆိုတော့ ကျုပ်မေးခွန်းရဲ့ အဖြေကို ကျုပ် သိနေလို့ပေါ့ ။

xxxxxxxxxxxxxxxxxx

      ကျွန်မက ကွန်ပျူတာကျောင်းသူပါ ။ ကျောင်းစတက်တဲ့ပထမဆုံးနေ့မှာပဲ ကျွန်မ သိလိုက်ရတာက ကွန်ပျူတာတစ်လုံး ဝယ်မှဖြစ်မယ်ဆိုတာပါပဲ ။ ကျောင်းမှာက စက်ချိန်နည်းတော့ လေ့ကျင့်ချင်သလောက်လေ့ကျင့်ခွင့် မရတဲ့အတွက် အိမ်မှာ ကွန်ပျူတာရှိမှပဲ သင်ခန်းစာတွေကို လက်တွေ့လေ့ကျင့်သဘောပေါက်နိုင်မယ်လေ ။ ဒါ့ကြောင့် ကျွန်မ ဆုံးဖြတ်ချက်တစ်ခု ချလိုက်ပါတယ် ။ ကျွန်မ ကွန်ပျူတာတစ်လုံး ဝယ်မယ် ။

      ကျွန်မအသက် ၁၆နှစ်ရှိပါပြီ ။ ၁၃နှစ်ကတည်းက မိဘပိုက်ဆံကို လက်ဖြန့်မတောင်းတော့ဘဲ အိမ်နားကဈေးဆိုင်မှာ ညပိုင်းအလုပ်ဆင်းပြီး ကျောင်းစရိတ်ရှာခဲ့တဲ့သူပါ ။ ကျောင်းမှာလည်း အမေ အရင်းအနှီးထုတ်ပေးတဲ့ငွေနဲ့ သရေစာအစ ကျောင်းသုံးပစ္စည်းအဆုံး သေးသေးမွှားမွှားမှန်သမျှ ကျွန်မ သယ်သွားပြီး ရောင်းနေကျ ။ သူငယ်ချင်းတွေကလည်း မုန့်ဈေး တန်းမှာ သွားမဝယ်ဘဲ အတန်းဖော်ဖြစ်တဲ့ကျွန်မဆီကပဲ အားပေးကြတော့ တော်တော်ရောင်းရတယ် ။ အခုတော့ တက္က သိုလ်ကျောင်းသူ ဖြစ်နေပြီမို့ သေးသေးနုတ်နုတ် ပိုက်ဆံသိပ်မရတဲ့အလုပ်တွေ မလုပ်တော့ဘဲ တခြားအလုပ်တွေ ပြောင်း လုပ်နေပါပြီ ။ အခုလုပ်နေတာက Guide ။ ဆယ်တန်းကျောင်းသား(၈)ယောက်ကို စာသင်ပြပေးနေတဲ့ကျွန်မက ဘွဲ့ရကုမ္ပ ဏီဝန်ထမ်းတစ်ယောက်ထက်တောင် လစာများပါသေးတယ် ။ ဒါပေမဲ့ ကွန်ပျူတာတစ်လုံးရဲ့ဈေးကလည်း နည်းတာမှ မဟုတ်တာ ။

     သြော်…ကျွန်မနာမည် မိအိမ်မွန်လို့ခေါ်ပါတယ် ။ ရန်ကုန်မြို့ မြောက်ဥက္ကလာမှာ နေပါတယ် ။ အကျိုးမရှိတဲ့အလုပ်ဆို တတ်နိုင်သလောက် ရှောင်တတ်တဲ့ကျွန်မအတွက် ဖေစ်ဘုတ်ဟာလည်း ထိုနည်းလည်းကောင်းပါပဲ ။ နို့ပေမဲ့ အခုတော့ ဖေစ်ဘုတ်ဟာ ကျွန်မအဖို့ အကျိုးထူးစေခဲ့ပါပြီ ။ အသုံးဝင်သွားခဲ့ပါပြီ ။ ဘာဖြစ်လို့လဲဆို…ကျွန်မ အလောတကြီးလိုအပ်နေ တဲ့ ကွန်ပျူတာတစ်လုံးကို အိမ်တိုင်ယာရောက်ပို့ဆောင်ပေးခဲ့လို့ပါ ။

xxxxxxxxxxxxxxxxxx

   “ သမီးရေ…အိမ်ရှေ့မှာ ပါဆယ်ထုပ်ကြီး ရောက်နေတယ် ။”

   “ ရှင်…အမေ …ဟုတ်…လာပြီ ။”

မိခင်ဖြစ်သူ၏အော်ခေါ်သံကြောင့် အိမ်ရှေ့သို့ မိအိမ်မွန် ပြေးထွက်လာလိုက်တော့ တွေ့မြင်လိုက်ရသည်က အိမ်ဝ၌ အထုပ် ကြီးတစ်ထုပ် ။ ပါကင်ပိတ်ထားသောစက္ကူပုံးတစ်ပုံးဟု ဆိုရလိမ့်မည် ။

   “ အမေ ဘာထုပ်ကြီးလဲ ။”

   “ မသိဘူးလေ သမီးရဲ့ ။ ညည်းနာမည်နဲ့ ရောက်လာတာ ။”

   “ ရှင်…! သြော်……သိပြီ ။ အွန်လိုင်းကနေ သမီး ဈေးဝယ်ထားတာ ။ ချက်ချင်းရောက်လာလိမ့်မယ်မထင်သေးလို့ ။”

မိအိမ်မွန်က ရုတ်တရက်ကြောင်သွားခဲ့ပြီးမှ ဖေစ်ဘုတ်(facebook)ရှိ အီလက်ထရောနစ်ပစ္စည်းကလေးများ ပြန်ရောင်းကြ မယ်ဂရု(group)မှတဆင့် မိမိ destopဝယ်ထားမိသည်ကို သတိရသွား၏ ။ အရမ်းလည်း ဝမ်းသာသွားသည် ။ မိအိမ်မွန်က တဆင့်ရောင်းမည့်သူတစ်ဦးထံသို့ ဘဏ်မှနေပိုက်ဆံပေးပို့မည်ဖြစ်ကြောင်း ၊ destopကို ပါဆယ်ဖြင့် ပေးပို့ပေးရန် တောင်း ဆိုကြောင်းပြောကာ မိမိ၏အိမ်လိပ်စာကိုပေးပြီး ထိုသူ၏bank accကို တောင်းထားလိုက်သည် ။

      ထိုသူမှာ တစ်ပတ်ရစ်ပစ္စည်းများကို(အမှိုက်ကောက်ကုလားကဲ့သို့) ခြစ်ခြစ်ချုပ်ချုပ်ရှာဖွေစုဆောင်းကာ မိအိမ်မွန်ကဲ့သို့ မတတ်နိုင်သူများကို တဆင့်ပြန်ရောင်းချသူဖြစ်သည် ။ ငွေလွှဲပြီးမှသာ ကွန်ပျူတာရောက်ရှိလာလိမ့်မည်ဟု ထင်မှတ်ထားခဲ့ ရာ ယခုကဲ့သို့ ငွေမပို့ခင် ရောက်ရှိလာသည့်အတွက် အလွန်ပျော်ရွှင်မိသည် ။ သို့ကြောင့် ချက်ချင်းဖုန်းဆက်ကာ ကျေးဇူး တင်စကားပြောပြီး မနက်ဖြန် ဆက်ဆက်ပိုက်ဆံပေးပို့မည့်အကြောင်းပါ ထပ်လောင်းကတိပေးလိုက်သည် ။

       စက္ကူပုံးမှာ ထုပ်ထားတာကြာပြီဖြစ်ပုံရသည် ။ အနည်းငယ် ဖုန်မှုန့်တို့ ကပ်နေပြီး စက္ကူသားတို့မှာလည်း သစ်လွင်ခြင်း မရှိတော့ ။ အရေးမကြီးပါ ။ အထဲကပစ္စည်း ကောင်းရန်သာလိုသည်မဟုတ်လား ။ နောက်ပြီး အလကားရသည့်နွား သွားဖြဲ မကြည့်သင့်ဘူးလေ။ ဤကွန်ပျူတာကို မိအိမ်မွန် ၅၀၀၀၀(ငါးသောင်း)နှင့် ပေါပေါပဲပဲရခဲ့ခြင်းဖြစ်၏။ ယခုခေတ်တွင် laptop များ ခေတ်စားနေပြီဖြစ်ရာ တော်ရုံလူက destopကို ဘေးဖယ်ကာ laptopပဲဝယ်လိုက်ကြသည် ။ မိအိမ်မွန်ကတော့ laptop လောက်အထိ မတတ်နိုင်သေးသောကြောင့် ဤလေးလေးပင်ပင်destopကွန်ပျူတာကို ဝယ်ယူလိုက်ရခြင်းဖြစ်သည် ။

   “ ဟဲ့…သမီး တစ်ယောက်တည်းနိုင်ရဲ့လား ။”

   “ နိုင်တယ် အမေ ။ ရတယ်…ရတယ်…”

မိအိမ်မွန်က ကိုယ့်အားကိုယ်ကိုးသူပီပီ မည်သူ့ကိုမှ အကူအညီမတောင်းဘဲ ထိုကွန်ပျူတာထည့်ထားသောစက္ကူပုံးကို အိပ် ခန်းထဲသို့ တစ်ယောက်တည်း သယ်လာခဲ့သည် ။ လေးချက်ကကမ်းကုန်…။ အိပ်ခန်းထဲရောက်တော့လည်း မနားနိုင်သေး ။ စက္ကူပုံးထဲမှပစ္စည်းများကိုထုတ်ကာ ကွန်ပျူတာဆင်ရသည် ။ စားပွဲပေါ် monitorတင်၊ motherboardတင်၊ mouseနှင့် keyboardကိုတင်ပြီး ကြိုးများကို သင့်လျော်သလိုသွယ်ရသည် ။ တပ်ရသည် ။ ကွန်ပျူတာအခြေခံပညာသင်တန်း တက်ခဲ့ ဖူးသူမို့ ပြဿနာမကြုံဘဲ ချောချောမွေ့မွေ့ပြီးသွား၏ ။ ဖုန်မှုန့်များ သုတ်သင်လိုက်သည့်အခါ တောက်ပြောင်လှပသော ကွန်ပျူတာလေးတစ်လုံးဘဝသို့ တမဟုတ်ချင်း ကူးပြောင်းသွားတော့သည် ။

   “ ဝှား…အသစ်ကလေးအတိုင်းပါပဲလား ။ ငါတော့…ကော်တာပဲ ။ စက်ကောင်း/မကောင်းလည်း စမ်းကြည့်ရဦးမယ် ။”

ပလပ်တပ်ပြီးဖွင့်လိုက်သည်နှင့် motherboardထဲရှိပန်ကာနီရဲရဲလေးက တဝီဝီလည်၍ တစ်မိနစ်ခန့်အကြာ၌ window on (ပွင့်)လာသည် ။ စက်လေးခြင်း၊ ကြောင်ခြင်းမျိုးမတွေ့ရသဖြင့် စိတ်ကျေနပ်သွားရ၏ ။ အသစ်မဟုတ်သောတပတ်ရစ်လေး ပေမဲ့ ကွန်ပျူတာက အဆင်ပြေလှသည်။ ထိုနေ့က ထိုကွန်ပျူတာနှင့်ပတ်သက်ပြီး ဘာထူးခြားမှုကိုမျှမတွေ့ရသေး၍ မိအိမ် မွန်မှာ ပျော်မဆုံးတပြုံးပြုံးနှင့် ကွန်ပျူတာလေးကို တသသကြည့်ကာ ပီတိဖြစ်နေရ၏ ။

xxx

   “ ဂျောက်…ဂျောက်…ဒေါက်…ဒစ်…”

တဂျိုးတဂျိုးတဂျောက်ဂျောက်တတောက်တောက်အသံများကြောင့် မိအိမ်မွန် လန့်နိုးလာခဲ့သည် ။ ဖျတ်ခနဲလန့်နိုးလာခဲ့ခြင်း ဖြစ်ရာ နိုးနိုးချင်း ဆတ်ခနဲထထိုင်လိုက်ပြီး ပတ်ဝန်းကျင်သို့ ဝေ့ဝဲကြည့်လိုက်မိ၏ ။ ဘာသံတွေပါလိမ့်…။ အခန်းတစ်နေရာမှ ထွက်ပေါ်လာသည့်ပုံစံ ။ သို့သော် ထိုအသံက မိအိမ်မွန် လန့်နိုးလာသည်နှင့်တပြိုင်နက် တိတ်ဆိတ်ပျောက်ကွယ်သွားခဲ့ပြီ ။

    မိအိမ်မွန်၏အိပ်ခန်းက အိမ်အပေါ်ထပ်တွင်ဖြစ်ပြီး တစ်ခန်းတည်းသီးသန့်ဖြစ်၏ ။ မိအိမ်မွန်တို့အိမ်၌လည်း လူကများများ စားစားရှိသည်မဟုတ် ။ မိအိမ်မွန်နှင့်မိခင်ကြီးဒေါ်အိမ်ခန့်တို့နှစ်ယောက်တည်းသာ နေထိုင်ကြခြင်းဖြစ်ရာ ဆူဆူညံညံဆော့ ကစားမည့်သူ မရှိ။ သို့သော် အိမ်အနေအထားက (၁၀)ပေ(၁၅)ပေပတ်လည်ကို နှစ်ထပ်တိုက်ဆောက်ထားခြင်းဖြစ်၍ ဘေး အိမ်နှင့်ကပ်လျက်ရှိရာ တစ်ခါတစ်ရံ တစ်ဖက်အိမ်မှစကားပြောသံများကိုပင် အတိုင်းသားကြားနေရတတ်သည် ။

   “ ဘေးအိမ်ကအသံထင်ပါရဲ့…”

ပတ်ဝန်းကျင်၌ တစ်စုံတစ်ရာထူးခြားမှုမရှိသဖြင့် ထိုသို့သုံးသပ်လိုက်ရင်း မိအိမ်မွန် အိပ်ရာပေါ်သို့ ပြန်လှဲချလိုက်သည် ။ သို့ ပေမဲ့ အိပ်၍မပျော်တော့ ။ နာရီက ၂နာရီထိုးသာရှိသေးသည် ။ မိအိမ်မွန် အိပ်မပျော်သည်နှင့် ပြတင်းပေါက်အပြင်ဘက်သို့ ချောင်းကြည့်လိုက်သည့်အခါ မိုးများ ခပ်ဖွဲဖွဲရွာနေသည်ကို တွေ့မြင်ရ၏ ။ ပတ်ဝန်းကျင်မှာ မှောင်မည်းလျက်ရှိပြီး တစ်ချက် တစ်ချက် လျှပ်စီးလက်လိုက်မှ ချိုင့်ခွက်များထနေသောမိအိမ်မွန်တို့အိမ်ရှေ့လမ်းလေးကို မြင်တွေ့ရသည် ။ လမ်းကလေး က လမ်းမီးမရှိသောအမှောင်ထဲတွင် ခြောက်သွေ့နေလေသည် ။

   “ ဟင်...”

မှန်ပြတင်းကို ငေးကြည့်နေစဉ် အမှောင်ထုပေါ်ဝယ် လျှပ်တပြက်အရိပ်ထင်လာသည်က စူးရှရှအလင်းမျက်နှာပြင်တစ်ခု…။ မိအိမ်မွန်၏အိပ်ခန်းတွင်းရှိ စတုရန်းပုံစံပစ္စည်းတစ်ခုမှ ထွက်ပေါ်နေသည့်ထိုအလင်းရောင်များက မှန်မျက်နှာပြင်ထက်တွင် ပုံရိပ်လာထင်နေသည် ။ ထိုအရာက ဝေးဝေးလံလံမှမဟုတ်ဘဲ ၉ပေပတ်လည်အိပ်ခန်းလေးထဲရှိ မိအိမ်မွန်၏ကုတင်နဘေး စားပွဲပေါ်မှဖြစ်၏ ။ အတိအကျဆိုရသော် မနေ့နေ့လည်က ရောက်ရှိလာခဲ့သောကွန်ပျူတာဆီမှ အလင်းရောင်တို့ဖြာထွက် နေခြင်းဖြစ်သည် ။ ထိုအလင်းဖြာနေသောပုံရိပ်က မှောင်မိုက်နေသောမှန်ပိတ်သားထက်တွင် လာရောက်အရိပ်ထင်နေ၍ မိအိမ်မွန် လန့်သွားခဲ့ရသည် ။ ထိတ်လန့်စိတ်တို့နှင့်အတူ နောက်ဘက်သို့ ဖျတ်ခနဲလှည့်ကြည့်မိတော့ ကွန်ပျူတာက ပွင့်နေ ၏ ။

   “ ဟောဗျာ…ငါလည်း ဒီနေ့ မဖွင့်မိပါဘူး ။”

တအံ့တသြဖြစ်ကာ ကုတင်ပေါ်မှ ဆင်းလာလိုက်ပြီး ကွန်ပျူတာဆီသို့ လျှောက်သွားလိုက်သည် ။ ကွန်ပျူတာဆီမှ ပြာလဲ့လဲ့ အလင်းရောင်က မိအိမ်မွန်၏အခန်းကျဉ်းလေးထဲတွင် ပျံ့နှံ့နေသယောင် ။ Motherboard၏ပန်ကာလေးကလည်း အရောင် ရဲရဲလေးတောက်လျက် တဝီဝီ မြည်နေသည် ။

   “ ဘယ်လိုဖြစ်ရတာလဲ…ကွန်ပျူတာလေးရယ် ။ သုံးတောင်မသုံးရသေးဘူး ။ နင် ကြောင်နေပြီလား ။”

မိအိမ်မွန်က ကွန်ပျူတာကို သက်ရှိသတ္တဝါကဲ့သို့ ရင်းရင်းနှီးနှီးစကားပြောလိုက်ရင်း windowပိတ်ရန် mouseကို လှမ်းကိုင် လိုက်သည် ။ ကိုင်နေကျမဟုတ်သဖြင့် မြား(arrow)လေးက လိုရာသို့ မရောက်ဘဲ ဟိုချော်သည်ချော်ဖြစ်နေ၏ ။ ထိုစဉ်…

   “ ခဏလေး…ရေး စ ရာ ရှိ…လို့………”

ကွန်ပျူတာစကရင်(computer screen)တွင် သူ့အလိုလိုပွင့်နေသောစာမျက်နှာ(Microsoft Word)ထက်၌ ထိုစကားစုက ဖြည်းဖြည်းချင်းပေါ်လာသည် ။ ရုတ်တရက် မိအိမ်မွန် မင်သက်သွားခဲ့ပြီး ထိုစာကြောင်းကို ပြူးကြောင်ဖတ်နေကာ အခြေ အနေအပေါ်တွင် နားမလည်နိုင်ဖြစ်နေခဲ့သည် ။

- ခဏလေး…ရေးစရာရှိလို့ဆိုပါလား ။ ဘယ်လိုပါလိမ့်…ကွန်ပျူတာက ငါ့ကို စကားပြန်ပြောနေတာလား ။

လူအများစုမှာ ထိုဖြစ်ရပ်မျိုးနှင့် တွေ့ကြုံလိုက်ရလျှင် ကြောက်လန့်တကြားအော်ဟစ်ကာ ထွက်ပြေးသွားကြသည်သာ ။ မိ အိမ်မွန်ကတော့ ထိုသို့မဟုတ် ။ ကြောက်စိတ်မဝင်သည့်အပြင် သူ သဘောမပေါက်သည့်ကိစ္စကို ပြတ်ပြတ်သားသားအဖြေ ရှာလိုသူမို့ ထိုင်ခုံတွင်ဝင်ထိုင်ကာ keyboard(စာရိုက်စက်)တွင် ဤသို့စာရေးချလိုက်သည် ။

   “ ဘယ်သူလဲ ။ နင်က ဘာရေးစရာတွေ ရှိနေလို့လဲ ။”

သူမ မကြောက်သည်ကိုလည်း အပြစ်မဆိုသင့် ။ တချို့တွေက မူမမှန်သောကိစ္စတစ်ခုကို တွေ့ကြုံလိုက်သည်နှင့် တခြား အကြောင်းအရာ မတွေးမိဘဲ တစ္ဆေသရဲဟူ၍ တထစ်ချသုံးသပ်ကာ ကြောက်ရွံ့သွားတတ်ကြသည် ။ တချို့တချို့ဆို နှုတ် ပါးစပ်က တစ္ဆေသရဲမယုံကြည်ဟုအော်ဟစ်လှောင်ပြောင်တတ်သော်လည်း အမှန်တကယ် ထူးထူးဆန်းဆန်းအဖြစ်အပျက် နှင့် နဖူးတွေ့ဒူးတွေ့ ကြုံလိုက်ရသည့်အခါ အခြားဖြစ်နိုင်ချေရှိသောကိစ္စများကို မတွေးတော့ဘဲ ဝိညာဉ်သရဲဟူ၍သတ်မှတ် ကာ သွေးပျက်သွားတတ်ကြ၏ ။ မိအိမ်မွန်ကတော့ ထိုသို့မတွေးမိ ။ သူမအတွေးထဲ၌ ဘယ်လိုဖြစ်တာပါလိမ့်ဟူသောမေး ခွန်းမှတပါး ထိုကိစ္စများကို တွေးမရခဲ့…။ တစ္ဆေသရဲကြောင့်ဟူ၍လည်း သူမ မထင် ။ ဝိညာဉ် ပယောဂဟူ၍လည်း သူမ မစဉ်းစား ။ သူမ တွေးလိုက်မိသည်က…

- ကွန်ပျူတာတွင် အသက်ရှိနေတာလား…တဲ့ ။

သူမ၏အတွေးမှာ အူကြောင်ကြောင်နိုင်သလို ရယ်စရာလည်းကောင်းလှသည် ။

   “ ဟယ်လို…ကွန်ပျူတာ …တစ်ခုခု ပြန်ဖြေပါဦး ။”

ငါးမိနစ်ကျော်ကြာသည့်တိုင် စာတစ်ကြောင်းမှ တက်မလာ၍ မိအိမ်မွန်ကပင် နောက်တစ်ကြောင်း ထပ်မေးလိုက်သည် ။ သို့ သော် ဘာမျှမထူးခြားတော့ ။ ကွန်ပျူတာက ပကတိငြိမ်သက်သွားခဲ့ပြီ ။ သို့ကြောင့် မိအိမ်မွန်လည်း စိတ်လျှော့ကာ ကွန်ပျူ တာကို ပလပ်ပါဖြုတ်ပြီး ပြန်အိပ်လိုက်တော့၏ ။ ကွန်ပျူတာက စကားပြန်ပြောသောစာမျက်နှာကို သေချာသိမ်းထားပြီး သူ ငယ်ချင်းများကို ပြဦးမည်ဟုတွေးလိုက်မိပေမဲ့ မည်သူကများ ယုံကြည်ပါ့မလဲ ။ ကိုယ်တိုင်ရေးကာ လျှောက်ပြောသည်ဟူ၍ သာ လှောင်ပြောင်ကြမည်မို့ deleteလုပ်ပစ်ခဲ့၏ ။

xxx

    ကွန်ပျူတာတွင် အသက်ဝင်နေသည်မှာ သေချာပြီ ။ တစ်ပတ်ခန့်ကြာပြီးသည့်နောက် ကွန်ပျူတာ၏ကိုယ်ပိုင်လုပ်ဆောင် မှုများအပေါ် မိအိမ်မွန် သတိထားမိလာသည် ။ မိမိက ည(၉)နာရီခန့်တွင် ကျောင်းသင်ခန်းစာများကို လေ့ကျင့်ပြီး၍ ကွန်ပျူ တာကို အသေအချာ ပလပ်ဖြုတ်ကာ ပိတ်ထားခဲ့သော်လည်း ညည့်(၂)နာရီခန့်တွင် ကွန်ပျူတာက သူ့အလိုလိုပွင့်နေတတ် သည် ။ တစ်ခါတရံလည်း တဂျောက်ဂျောက်တတောက်တောက်မြည်သံတို့ဖြင့် စာရေးနေသည်များလည်းရှိ၏ ။ သို့သော် ထကြည့်လျှင် ဘာရေးနေသလဲဆိုတာ မတွေ့ရ ။ မိမိက မည်မျှပင် စပ်စုမေးမြန်းပါစေ…ကွန်ပျူတာက မိအိမ်မွန်ဆိုသည့် ဤကလေးမကို အဖက်ပင်မလုပ် ။ အရေးပင် မစိုက် ။ မိအိမ်မွန်ကလည်း ကြောက်ရလန့်ရကောင်းမှန်းမသိ ၊ ညည့်သန်း ခေါင် ကွန်ပျူတာပွင့်နေသည်ကို ထ,ထကြည့်ရင်း စကားမပြောသည့်သူငယ်ချင်းတစ်ယောက် ရနေသကဲ့သို့ ခံစားမိသည် ။ သြော် … မိအိမ်မွန်ခမျာလည်း အဖော်မဲ့ရှာသည် မဟုတ်ပါလား ။

   “ ဘာ…အမေ…အမေ့ကို ကားတိုက်လို့ ဟုတ်…ဟုတ်လား အန်တီကျော့ ။”

   “ အေး ဟုတ်တယ် သမီးရေ ။ ကားသမားတွေက မိုက်ရိုင်းချက်ဟယ် ။ တစ်ခါတည်း ထွက်ပြေးကြတာပဲ ။ လမ်းထိပ်တင်

     ဖြစ်တာဆိုတော့ တော်သေးတယ်ဆိုရမယ် ။ အသိတွေက ဆေးရုံပို့လိုက်ကြတယ် ။”

   “ ဘယ်…ဘယ်ဆေးရုံမှာလဲဟင် ။”

   “ မြောက်ဥက္ကလာဆေးရုံမှာကွယ့် ။ သွား…မြန်မြန်လိုက်သွားဦး ။”

ကျောင်းမှပြန်အလာ အိမ်ပေါက်ဝနားရောက်သည့်အခိုက် အိမ်တံခါးကြီး ပိတ်နေသည်ကိုတွေ့ရ၍ စိတ်ပူပန်ကာ အိမ်နီးချင်း ဒေါ်ကျော့မယ်ကို သွားမေးမြန်းမှ အဖြစ်မှန်အားလုံးကို သိလိုက်ရသည် ။

- အမေ ကားတိုက်ခံရလို့…တဲ့ ။

ကြားလိုက်ရသည့်သတင်းကြောင့် မိအိမ်မွန် မျက်ရည်မဆည်နိုင် ။ ဒဏ်ရာ မည်မျှ ပြင်းသလဲ…အသက်အန္တရာယ်စိုးရိမ်ရ သလား…ဒီကြမ္မာဆိုးကြီးက ဘာကြောင့်များ မိမိဆီမှ ခဏခဏအလည်လာနေရတာလဲ…စသဖြင့် တွေးတောရင်း ဝမ်းနည်း အားငယ်စိတ်တို့က ရင်ထဲသို့ တလိမ့်လိမ့်တက်လာသည်။ ချောက်ချားတုန်လှုပ်နေသောကြောင့် ခြေထောက်တို့ပင် မသယ် ချင် ။ သို့သော်လည်း မဖြစ်…။ ယခုအချိန်တွင် အမေ အလိုအပ်ဆုံးက မိအိမ်မွန်,သာ ။ အမေတစ်ခုသမီးတစ်ခုဘဝမို့ နှစ်ဦး စလုံးက တစ်ယောက်ခံစားချက်ကိုတစ်ယောက် နားလည်ပြီးသား…။ အမေ့အနားမှာ မိအိမ်မွန် အားပေးနေရန် လိုသည် ။ အမေအတွက် စိတ်ခွန်အားရော ၊ ခန္ဓာခွန်အားရော ပြည့်ဝလာစေဖို့ မိအိမ်မွန် အားပေးမှဖြစ်မည် ။

- အမေ…ဘာမှအားမငယ်နဲ့နော် ။ ဘာမှလည်း စိတ်မပူနဲ့ ။ အပ်ထည်တွေကို သမီး ချုပ်လိုက်မယ် ။ မစိုးရိမ်နဲ့နော် ။ ပိုက်ဆံ

  အတွက်လည်း မပူပန်နဲ့ ။ သမီးအရွယ်ရောက်ပါပြီ ။ အမေ့ကို ရှာကျွေးနိုင်ပါတယ် ။ အရေးကြီးတာ အမေ နေကောင်းဖို့ ။

- နောက်ပြီး ပြောစရာရှိသေးတယ် ။ အမေတော့ ဝမ်းသာမှာအမှန်ပဲ ။ ရောဂါတစ်ဝက်လောက်တောင် သက်သာသွားဦး

  မယ် ။ ပညာသင်ဆုရတဲ့ဆယ်ယောက်မှာ သမီး…သမီး ပါတယ် ။ ရှေ့နှစ်အတွက် ကုန်စရာမလိုတော့ဘူး ။ အမေ ဘာမှ

  ပူစရာမလိုတော့ဘူးနော် ။ သမီးက ကျူတာဖြစ်အောင်ကြိုးစားပြီး အမေ့ကို လုပ်ကျွေးတော့မှာ ။ ခု…အရေးကြီးတာက

  အမေ မြန်မြန်ပြန်ကျန်းမာလာဖို့ပဲ ။

စသဖြင့်  မိခင်ကြီးကို အားပေးနှစ်သိမ့်ရန်အမျိုးမျိုးတွေးတောရင်း မြောက်ဥက္ကလာဆေးရုံသို့ ပြေးလာခဲ့လိုက်၏ ။ မသိစိတ် ထဲ၌ အကြိမ်ကြိမ်ရေရွတ်ဆုတောင်းနေမိသည်က…မေမေ ဘာမှမဖြစ်ပါစေနဲ့ဟူ၍ ။

xxx

         မိအိမ်မွန် ဆောက်တည်ရာမရဖြစ်နေသည် ။ အိပ်ခန်းထဲတွင် ဟိုမှသည် ခေါက်တုံ့ခေါက်ပြန်လမ်းလျှောက်ရင်း စိတ် တည်ငြိမ်လိုတည်ငြိမ်ငြား ကြိုးစားနေမိသည် ။ သို့သော် မတည်ငြိမ်သည့်အပြင် ပို၍ပို၍ ဆိုးလာသည် ။ ပထမ၌ ဝမ်းနည်း ခြင်း ၊ အားငယ်ခြင်း ၊ အထီးကျန်ခြင်းဝေဒနာတို့ကို ခံစားနေရရာမှ ယူကြုံးမရဖြစ်ခြင်း၊ ချောက်ချားခြင်း ၊ သည်ဘဝအပေါ် ရွံရှာမုန်းတီးခြင်းတို့ စိတ်သန္ဓာန်တွင် ခိုဝင်ကိန်းအောင်းလာကာ ရူးသွပ်ချင်လာသည်။ အော်ဟစ်ပေါက်ကွဲပစ်ချင်လာသည် ။ ဒေါသ၏လှုံ့ဆော်မှုကြောင့် နှလုံးသွေးတို့ဆူပွက်ကာ တစ်စုံတစ်ခုကို မိုက်မိုက်ကန်းကန်းလုပ်ပစ်ချင်စိတ်ပင်ပေါက်လာ၏ ။

   “ အား…ငါ့ဘဝကြီး…ငါ့ဘဝကြီးက ဘာမှအဓိပ္ပါယ်မရှိတော့ဘူး အီးဟီးဟီး…”

တံခါးထောင့်ဝယ် ခြေပစ်လက်ပစ်ထိုင်ချလိုက်ရင်း နံရံကိုတဒုန်းဒုန်းထုကာ အော်ငိုမိသည် ။ ဆံပင်တွေကို လက်နှစ်ဖက်နှင့် ဆုပ်ဆွဲပြီး ကိုယ့်စိတ်ကိုယ် ထိန်းချုပ်ကြည့်ပေမဲ့ မရ…။ မြင်းရိုင်းပမာ စိတ်က ပြေးချင်ရာပြေးနေသည် ။ လူကလည်း စိတ်၏ ဆွဲခေါ်ရာနောက်သို့ တရွတ်တိုက်လူးကာလိမ့်ကာ ။ မိခင်ကြီးအတွက် ဝမ်းနည်းကြေကွဲနေရာမှ ဖခင်ကြီးအကြောင်းက ခေါင်းထဲဝင်လာသည် ။

      မိအိမ်မွန်တို့မိသားစုက မွန်ပြည်နယ် ကျိုက်ထိုဇာတိဖြစ်သော်လည်း ဖခင်ကြီးက “တစ်ရွာမပြောင်း သူကောင်းမဖြစ်” ထုံးကို နှလုံးမူပြီး ရန်ကုန်သို့ ပြောင်းရွှေ့ခဲ့သည် ။ အချက်အချာကျပြီး စည်ကားသောမြောက်ဥက္ကလာတွင် အိမ်တစ်လုံး ငှား ကာ မိသားစုသုံးယောက် ဘဝကို ရုန်းကန်ခဲ့ကြသည် ။ မိခင်ကြီးက စက်ချုပ်၊ ဖခင်ကြီးက လျှပ်စစ်ပစ္စည်းအရောင်းဆိုင်တွင် အရောင်းစာရေးလုပ်သည် ။ ထိုစဉ်က မိအိမ်မွန်၏ဘဝ သာယာစိုပြေခဲ့၏ ။ သီရိဂေဟာလေးဝယ် မကြောင့်မကျ မတောင့် မတ ပျော်ရွှင်ခဲ့ရ၏ ။ သို့သော်လည်း ကံကြမ္မာနတ်ဆိုးနှင့်မိမိမှာ ဘယ်ဘဝက အညှိုးရှိခဲ့လေသလဲ မသိ ။

    တစ်နေ့ … ထိုနေ့ကို မိအိမ်မွန် မမေ့နိုင် ။ ဖေဖေက အလုပ်မသွားခင်တွင် မိမိပုခုံးကို တင်းတင်းကျပ်ကျပ်ဆုပ်ကိုင်ပြီး…

   “ သမီး…မေကြီးကို ဂရုစိုက်နော် ။”

ဟုပြောသွားခဲ့သည် ။ ထိုစကားသည် ဖခင်ကြီးထံမှကြားရသောနောက်ဆုံးစကားဖြစ်၏ ။ မကြာမီတွင် ဖခင်ကြီး သူ့အလုပ် ခွင်တွင် ဓါတ်လိုက်ကာ အသက်ဆုံးသွားကြောင်း ကြားသိလိုက်ရတော့သည် ။ မိအိမ်မွန်အတွက် ရွှေတောင်ကြီး ပြိုသွားခဲ့ ပြီ ။ ဖခင်ကြီး ဆုံးပါးသွားစဉ်က မိအိမ်မွန်မှာ ဒသမတန်းကျောင်းသူအရွယ် ။ ခံစားရမှုနှင့်တာဝန်ဝတ္တရားတွေက ရင်နှင့်မမျှ အောင် ပိကျလာသည် ။ မည်မျှတောင်းပန်တိုးလျှိုးနေပါစေ…အချိန်တန်တော့ သေမင်းက သနားညှာတာစိတ်ကင်းမဲ့စွာဖြင့် ဖခင်ကြီးကို ခေါ်ဆောင်သွားလေပြီ ။

   “ နင့်ကို ငါ မုန်းတယ်…သေမင်းစုတ်…။ ငါ့မိသားစုကို ဖျက်ဆီးတာ နင်ပဲ ။ နင့်ကို မုန်းတယ် ။ ငါ့အမေကိုလည်း အခု…

     နင်…နင် ခေါ်ဦးမှာမဟုတ်လား ။ ငါ့ကိုလည်း တစ်နေ့ နင် ခေါ်ဦးမှာပဲ ။ နင် ခေါ်တာကို ငါ မခံဘူး ။ ငါ့ဘာသာငါပဲ

     သတ်သေပစ်မယ် ။ အား…မသိဘူး…မသိဘူး…မုန်းတယ် မုန်းတယ် ။ ငါ ဘာဖြစ်လို့ ဒီလောက်ကံဆိုးရတာလဲ ။ ငါ

     ဒီဘဝမှာ ဒီလောက်ကောင်းအောင် နေရဲ့သားနဲ့ ။ ဘာကြောင့်လဲ ။ ဘာဖြစ်လို့ လူ့ဘဝကြီးက တရားမျှတမှု မရှိရတာ

     လဲ…အီးဟီးဟီး…”

အခန်းထောင့်မှာ အရူးတစ်ယောက်လို အော်ဟစ်ရင်း မမြင်ရသောတစ်စုံတစ်ယောက်ကို နာကျည်းနေသူက မိအိမ်မွန် ။ နာ ကျင်ထိခိုက်သည့်စိတ်က မိအိမ်မွန်ကို တခဏတာရူးသွပ်သွားစေခဲ့သည်။ သို့သော် ထိုတခဏက တစ်ဘဝလုံးစာနှင့် သက် ဆိုင်သွားသည်အထိ လူတို့၏ဒေါသက ကိုယ့်ကိုယ်ကို ဖျက်ဆီးပစ်တတ်ကြသည့်အတိုင်း မိအိမ်မွန်ဟာလည်း စိတ်ကို ချုပ် ထိန်းခြင်းမပြုတော့ဘဲ စိတ်အလိုလိုက်ကာ ကိုယ့်ကိုယ်ကို သတ်သေရန် ဒေါသအလျောက် ဆုံးဖြတ်လိုက်မိသည် ။

   “ ဟုတ်တယ်…အဓိပ္ပါယ်မရှိတဲ့ဒီဘဝမှာ ငါ မနေတော့ဘူး ။ ငါ သေမှဖြစ်မယ် ။ ငါ သေမှ…ငါ သေမှပဲ ဒီဒုက္ခတွေက ချုပ်

      ငြိမ်းသွားမှာ ။ တမလွန်မှာ ငါ့မိသားစုနဲ့ ငါ ပြန်ဆုံမယ် ။ အဖေရေ…သမီးရဲ့ဒုက္ခတွေကို မြင်နေရဲ့လား ။ အီးဟီးဟီ…

      ငါ သေမှဖြစ်မယ် ။ ဒါမှ ငါ လွတ်မြောက်နိုင်မှာ ။ ဟုတ်တယ်…ဟုတ်တယ်…ငါ့ကိုငါ သတ်သေတာပဲကောင်းတယ် ။”

တစ်ယောက်တည်း စကားတို့ကို တတွတ်တွတ်ဆိုရင်း ထိုင်နေရာမှ ဝုန်းခနဲထရပ်လိုက်ပြီး အခန်းပတ်လည်သို့ ပြူးကြောင် ကြောင်မျက်လုံးတို့ဖြင့် ဝေ့ဝဲကြည့်လိုက်သည် ။ မိအိမ်မွန်၏စိတ်တို့က ပုံမှန်မဟုတ်တော့ ။ ဒေါသကြောင့် စိတ်ဖောက်ပြန် နေပြီ ။ ထိုတခဏတာစိတ်ဖောက်ပြန်မှုကြောင့် တစ်ဘဝလုံး ဆုံးရှုံးရတော့မည်ကို မိအိမ်မွန် မတွေးမိ ၊ တွေးလည်းမတွေး နိုင် ။ ထိုစဉ်က သတ်သေရန်ကလွဲပြီး ဘာကိုမျှမတွေးဘဲ အခန်းပတ်လည်သို့ ဝေ့ဝဲလျှောက်ကြည့်ရင်း သတ်သေရန် နည်း ရှာနေ၏ ။

   “ ဟုတ်တယ်…ဟုတ်တယ်…ဖေကြီးလိုပဲ သေတာကောင်းတယ် ။ ဟုတ်တယ်…အဟင့်ဟင့်…ဓါတ်လိုက်ရင် နာမှာပဲ ။

     အဟင့်…အို…မသေရင် နေရတဲ့ဘဝက ပိုဆိုးတယ် ။ ခဏပဲနာမှာ ။ ပြီးရင်…ပြီးရင် အရာအားလုံးက လွတ်မြောက်

     သွားမှာ…အဟား…ဟား…ဟုတ်တယ်…ဟုတ်တယ် ။”

အရူးတစ်ယောက်လို အော်ဟစ်ရယ်မောရင်း ကွန်ပျူတာနားသို့ တစ်လှမ်းချင်း တိုးကပ်သွားပြီး လက်တစ်ဖက်က ကွန်ပျူ တာပေါ်ရှိ ပလပ်ပေါက်နဘေးမှနှစ်လိမ်ပူးထားသောဝါယာကြိုးဆီသို့ ရည်ရွယ်လျက်ရှိ၏ ။ ဝါယာကြိုးတွင် လျှပ်စစ်စီးလျက် ရှိရာ မိအိမ်မွန်၏အတွေးက ထိုဝါယာကြိုးကို ဆုပ်ကိုင်လိုက်ပါက မိမိကို ဓါတ်လိုက်လိမ့်မည်ဟူ၍ ။ ထိုသို့ဆိုလျှင် မိမိသည် လည်း ဖခင်ကြီးကဲ့သို့ပင် ဓါတ်လိုက်ကာ သေဆုံးရမည်သာ…။ ဝါယာကြိုးနားသို့ ရောက်လာလေ…မိအိမ်မွန်၏လက်တို့က တုန်ရီလာလေ…။ မည်မျှပင် သတ်သေချင်စိတ်ပေါက်နေပါစေ…အမှန်တကယ်လုပ်ဆောင်သည့်အခါကျ စိတ်ချောက်ချား ကြောက်ရွံ့ရသည်မှာ ဓမ္မတာ ။ ပုရွက်ဆိတ်ကလေးပင် သေရမည့်ဘေးကို ကြောက်ရွံ့တတ်သေးတာ…ဥာဏ်ပညာဆင်ခြင် တုံတရားရှိသောလူဆိုလျှင် အထူးပြောစရာမလိုပေ ။ ရူးမိုက်လွန်းသောကြောင့် သို့မဟုတ် ဒေါသတရားလွှမ်းမိုးလွန်းသော ကြောင့်သာ ယခုလို ဇွတ်မှိတ်လုပ်နေခြင်းဖြစ်သည် ။

   “ ဂျီ……………………”

ဝါယာကြိုးဆီသို့ လက်ရောက်ရှိတော့မည့်အခိုက် ရုတ်တရက် ထွက်ပြေးလာသောအသံကျယ်ကြီးကြောင့် မိအိမ်မွန် လန့် ထိတ်သွားကာ အသိစိတ်က အော်တိုမတ်တစ် နောက်သို့ခုန်ဆုတ်စေခဲ့ပြီး သတိဝင်လာသည့်အခါ လူက ကြမ်းပြင်ပေါ်မှာ ငုတ်တုတ် ၊ လက်နှစ်ဖက်က နားအစုံကို အုပ်လို့ ။

   “ အမလေး…ဟူး…လန့်လိုက်တာ ။ ဘာသံကြီးလဲ ။”

စောစောကခံစားနေရသည့် ယူကြုံးမရဖြစ်ခြင်း၊ လူ့ဘဝအပေါ် နာကျည်းမုန်းတီးခြင်းဟူသောစိတ်တို့သည် ခဏတာပျောက် ကွယ်သွားခဲ့ပြီး ကြားလိုက်ရသောငှက်ဆိုးထိုးသံကြီးပေါ်တွင် စိတ်ဝင်စားသွားသည် ။ ငုတ်တုတ်ထိုင်နေရာမှ မိအိမ်မွန် ငိုမဲ့မဲ့ နှင့် ထလာလိုက်စဉ် သတိပြုမိလိုက်သည်က ကွန်ပျူတာ ။ ကွန်ပျူတာက မိမိ မဖွင့်ပါဘဲ Window onနေသည် ။ နောက်ပြီး Microsoft wordစာမျက်နှာတစ်ခုလည်း ပွင့်နေ၏ ။ သတ်သေမည့်ကိစ္စကို မိအိမ်မွန် ခဏမေ့သွားပြီး ကွန်ပျူတာအပေါ် စိတ်အာရုံရောက်သွား၏ ။ ထိုစဉ် Microsoft word(စာမျက်နှာ)ပေါ်ဝယ် စာလုံးတွေ ပေါ်လာသည် ။

   “ သတ်သေလိုက်လို့ အရာအားလုံး ချုပ်ငြိမ်းသွားမယ်လို့ မင်း ထင်နေလား ။ အဲဒါ တကယ်မဟုတ်ဘူး ကလေးမ ။ သတ်

     သေပြီးမှ နောင်တရနေတဲ့sucideသမားတွေ တစ်ဖက်ကမ္ဘာမှာ အများကြီးပဲ ။”

Keyboardဆီမှ တဒေါက်ဒေါက်မြည်သံနှင့်အတူ ဖြည်းဖြည်းချင်းပေါ်လာသောစာတန်း၂ကြောင်းက မိအိမ်မွန်ကို သွေးပျက် သွားစေသည် ။ ထိတ်လန့်သွားစေသည် ။ စောစောက သတ်သေမလိုလုပ်ခဲ့သည့်အဖြစ်အပျက်အပေါ် ပြန်တွေးကာ လက် မောင်းတဝိုက်၌ ကြက်သီးမွေးညင်းလေးများ ဖြတ်ပြေးသွားသည် ။ ထိုစဉ် စာကြောင်းများက တစ်ကြောင်းပြီးတစ်ကြောင်း ပေါ်လာပြန်သည် ။

   “ တခြားလူအကြောင်း မပြောဘဲ ငါ့အကြောင်းငါ ပြောရရင် ငါလည်း တစ်ချိန်က မင်းလို စိတ်အားငယ်လွယ်တဲ့လူတစ်

     ယောက်ပေါ့ ။ ပြဿနာတစ်ခုဖြစ်တာနဲ့ ဒါဟာ အဆိုးရွားဆုံးပဲ ။ ငါဟာ ကမ္ဘာပေါ်မှာ ကံအဆိုးဆုံးပဲ ။ ဒီပြဿနာကြီးကို

     ရင်ဆိုင်မယ့်အစား သတ်သေလိုက်တာပဲကောင်းတယ်လို့ မကြာခဏတွေးခဲ့ဖူးတယ် ။ နောက်ပြီး တကယ်လည်း ကြံ

     စည်ခဲ့ဖူးတယ် ။”

   “ ဟမ်…ဘာ…ကြံစည်ခဲ့ဖူးတယ် ဟုတ်လား ။ ဒါ…ဒါဆို…”

ကွန်ပျူတာနှင့်စကားပြောနေသောမိအိမ်မွန်ကို နဘေးအိမ်များကမြင်လျှင် သတိလစ်နေသောမိခင်ကြီးအတွက် ပူပန်သော ကရောက်ကာ စိတ်ဖောက်ပြန်သွားလေပြီဟုထင်ကောင်းထင်လိမ့်မည် ။ သို့သော် စိတ်ဖောက်ပြားခြင်းမှာ စောစောကသာ ဖြစ်ပြီး ယခုမူ စိတ်ပုံမှန်ရှိနေပြီဖြစ်သလို ကွန်ပျူတာ၌ စာကြောင်းများပေါ်လာခြင်းမှာလည်း စိတ်ထင်ယောင်ထင်မှားဖြစ်ခြင်း မဟုတ် ။ သို့သော်လည်း မတတ်နိုင် ။ မည်သူကပဲ အရူးထင်ထင်…အဖြစ်အပျက်က စိတ်ဝင်စားစရာကောင်းလွန်း၍ စာ ကြောင်းများကို အသေအချာဖတ်ရင်း ထိတ်လန့်တကြားရေရွတ်လိုက်မိပြီး ဆက်ပေါ်လာမည့်စာကြောင်းကို စိတ်လှုပ်ရှား စွာဖြင့် စောင့်ဆိုင်းနေမိ၏ ။

   “ ဟုတ်တယ် ။ ငါ သေသွားခဲ့တယ် ။ မသေခင်မှာလည်း သိပ်နာကျင်ခဲ့ရတာပဲ ။ ကိုယ့်ကိုယ်ကို သတ်သေတဲ့ခံစားချက်

     က ဘာနဲ့တူသလဲ …သိလား ။ ကြီးကောင်ဝင်ခါစသရက်သီးခိုင်ခိုင်တစ်လုံးကို တံချူနဲ့ အတင်းခူးသလိုပဲ ။ သဘာဝ

     ကံတရားအရ သေဆုံးရတာထက် ပိုပြီး ခံရခက်တယ် ။ ပိုပြီးနာကျင်တယ် ။ တွေ့ဖူးတယ်မဟုတ်လား ။ ဟိုချော်ဒီချော်

     နဲ့ရှောင်တိမ်းနေတဲ့သရက်ခိုင်ကို တံချူနဲ့ ဇွတ်အတင်းလိမ်ဖယ်ပြီး ခူးနေတဲ့မြင်ကွင်းကိုလေ ။ ဟုတ်တယ်…သတ်သေ

     တဲ့လူရဲ့ခံစားရတဲ့ဝေဒနာက အဲဒီလိုပဲ ။ အချိန်မကျသေးခင် ဘယ်အရာကိုမှ အတင်းလုပ်မယူသင့်ဘူး ။ ဘာလဲ…စိတ်

     ဆင်းရဲလို့လုပ်တာပဲ ။ သတ်သေမှ ဒီစိတ်ဆင်းရဲမှုက လွတ်မြောက်နိုင်မှာလို့ မင်း ပြောချင်တာလား ။ ဒါဆိုရင်တော့

     မင်း မှားတယ် ။ သတ်သေရင်လည်း အဲဒီစိတ်ဆင်းရဲမှုကနေ မင်း လွတ်မြောက်မှာမဟုတ်ဘူး ။ ငါ့ကိုယ်တွေ့ပဲ ။”

   “ ဘာတွေဖြစ်ခဲ့လို့လဲ ။ ကျွန်မကို ပြောပြပါလား ။”

   “ ငါက နာမည်ကြီးစာရေးဆရာတစ်ယောက် ။ သိပ်လည်း အောင်မြင်ကျော်ကြားခဲ့တယ် ။ ငါမက်မောတဲ့ချမ်းသာကြွယ်ဝ

     ခြင်းတွေကိုလည်း ငါ ပိုင်ဆိုင်ခဲ့ရတယ် ။ ဒါပေမဲ့…ဒါပေမဲ့ တစ်ကြိမ်မှာ အကြီးအကျယ်ရှုံးနိမ့်သွားတယ် ။ ငါ ရေးလိုက်

     တဲ့ကိစ္စတစ်ခုက အကြောင်းကြောင်းကြောင့် ချွတ်ချော်တိမ်းမှားသွားတယ် ။ လူတွေက ဝိုင်းသရော်ကြတယ် ။ သိတဲ့

     အတိုင်းပေါ့ ။ အမြင့်ဆုံးကိုရောက်နေတဲ့သူ ပြုတ်ကျရင် အနာဆုံးပဲဆိုတဲ့စကားအတိုင်း ငါလည်း မျက်နှာမဖော်ရဲအောင်

     ရှက်ခဲ့ရတယ် ။ ပတ်ဝန်းကျင်ရဲ့ပုတ်ခတ်မှုဒဏ် ၊ ငါ့ကလောင်ရဲ့ဂုဏ်သိက္ခာအတွက် ငါ အသက်မရှင်ဝံ့တော့ဘူး ။ အဲဒီ

     အချိန်တုန်းက မြတ်စွာဘုရား ဟောကြားတဲ့ ချီးမွမ်း(၇)ရက်/ကဲ့ရဲ့(၇)ရက်ဆိုတဲ့စကားကို ငါ မေ့နေခဲ့တယ်လေ ။ ငါ့စိတ်

     ထဲမှာ ရှက်တာကလွဲပြီး ဘာမှမရှိတော့ဘူး ။ ဒီတော့…ဒီစိတ်ဆင်းရဲမှုကနေ လွတ်မြောက်ဖို့အတွက် ငါ့ကိုယ်ငါ သတ်

     သေခဲ့တယ် ။ ဒီကွန်ပျူတာရှေ့က ငါ ထိုင်နေကျထိုင်ခုံလေးမှာပဲ အိပ်ဆေးတွေသောက်ပြီး ကိုယ့်ကိုယ်ကို အဆုံးစီရင်

     ခဲ့တာပေါ့ ။”

   “ ရှီး…! အမလေး…”

ကွန်ပျူတာစာမျက်နှာထက်သို့ တစ်ကြောင်းချင်းတက်လာသောစာတန်းများကိုဖတ်ရင်း မိအိမ်မွန် ကြက်သီးမွေးညင်းများ ထောင်ထသွား၍ အမလေးတ,လိုက်မိသည် ။ စာရေးဆရာနေရာတွင် ကိုယ့်ကိုယ်ကို အစားထိုးကြည့်မိကာ ကြက်သီးထ သွားခြင်းဖြစ်၏ ။ ထိုအခါမှ စောစောက ဝါယာကြိုးကို မဆုပ်ကိုင်မိတာ တော်ပါသေးရဲ့ဟု တွေးမိလာသည် ။

   “ ငါ သေသွားပေမဲ့ ငါ့ရဲ့မပျော်ရွှင်မှု၊ဝမ်းနည်းမှုတွေကတော့ သေဆုံးမသွားခဲ့ဘဲ ငါ့နောက်မှာ ကပ်ပါလာတယ် ။ ခန္ဓာ

     ကိုယ်ရဲ့အရိပ်သာ သေဆုံးတဲ့အခါ ကျန်ရစ်ချင်ကျန်ရစ်ခဲ့မယ် ။ စိတ်အရိပ်ဆိုးကတော့ တောက်လျှောက်ကပ်ပါလာ

     တာပဲ ။ သေခါနီးမှ ငါ့မှာ လုပ်စရာအလုပ်တွေ ရှိသေးတာကို သတိရသွားတယ် ။ ငါ့ကိုယ်ငါ မှားသွားပြီဆိုတာ သိလိုက်

     ရပေမဲ့ အချိန်မမီတော့ဘူး ။ ငါ့မှာ ရေးစရာစာတွေ အများကြီးကျန်သေးတယ် ။ ငါ့မှာ လုပ်စရာအလုပ်တွေလည်း

     အများကြီးရှိသေးတယ် … ဒါပေမဲ့ သေပြီးရင် ပြီးဆုံးသွားတာက စိတ်ဆင်းရဲမှု မဟုတ်ဘူး ။ အိပ်မက်နဲ့မျှော်လင့်ချက်

     တွေပဲ ။ ဒီတော့ ကိုယ့်ကိုယ်ကို တန်ဖိုးထားပါ ။ ဒီနေ့ အဆိုးဆုံးလုိ့တွေးထားတဲ့ကိစ္စက မနက်ဖြန်ကျ ပြန်လှည့်ကြည့်

     စရာသင်ခန်းစာဖြစ်သွားလိမ့်မယ် ။ သဘက်ခါကျ မမေ့နိုင်တဲ့အတိတ် ။ တစ်လကြာတဲ့အခါမှာတော့ ပြန်ပြောစရာ

     ဟာသတစ်ပုဒ်……………………………………………………………………………………………………………”

   “ ခဏ…ခဏနေပါဦး ။ သမီး…သမီး ဦးကို ဘာကူညီပေးရမလဲ ။ အမျှအတန်း ဝေပေးရမှာလား ။”

ဟာသတစ်ပုဒ်ဆိုသောနေရာတွင် ရပ်ကာ တော်တော်ကြာသည်အထိ ဘာစာကြောင်းမျှ ပေါ်မလာတော့၍ မိအိမ်မွန် မနေ နိုင်တော့ ။ အကူအညီတစ်ခုခု ပေးနိုင်ကပေးမည်ဟုတွေးကာ မေးလိုက်သည် ။ ဟုတ်တာပဲ ။ မိမိ သတ်သေဖို့လုပ်တုန်းက စပီကာကို အသံသေးအသံကြောင်ပြုကာ မိမိ စိတ်ထွေပြားသွားအောင် ပြုလုပ်ပြီး ကယ်တင်ခဲ့သူ မဟုတ်လား ။ မိအိမ်မွန် က လှမ်းအော်မေးသော်လည်း အဖြေက ပေါ်မလာ ။ သို့ကြောင့် keyboardကို တတောက်တောက်ခေါက်ကာ စာရေး၍ လှမ်းမေးလိုက်သည် ။

   “ သမီးကို ပြန်ဖြေပေးပါဦး ။ ဦးကို သမီး တစ်ခုခု ကူညီချင်လို့ပါ ။ ဘာကူညီပေးရမလဲ ။”

နှစ်မိနစ်ခန့်အကြာတွင် စာတစ်ကြောင်း ခပ်သော့သော့ပေါ်လာသည် ။

   “ သမီး ကူညီချင်တယ်ဆိုရင် တစ်နည်းတော့ ရှိတယ် ။”

   “ ဟုတ်ကဲ့…ပြောပါ ။ ဘာပဲဖြစ်ဖြစ်…သမီး ကူညီပါ့မယ် ။”

မည်မျှပင် ခက်ခဲပါစေ…အသက်သခင်ကျေးဇူးရှင်ဖြစ်သောကွန်ပျူတာထဲမှစာရေးဆရာ၏ဝိညာဉ်ကို ကူညီဖြစ်အောင်ကူညီ မည်ဟု မိအိမ်မွန် ဆုံးဖြတ်ထားခဲ့ပြီးဖြစ်၏ ။

xxx

     နိုင်ငံကျော်စာရေးဆရာကြီးကဝိခေတ်သစ်၏နောက်ဆုံးထွက်ရှိသောစာအုပ်မှာ အရောင်းအသွက်ဆုံးနှင့် နိုင်ငံ၌ ရောင်း အားအကောင်းဆုံးစာအုပ်ဖြစ်ပြီး ပညာရှင်များကပင် တလေးတစားချီးကျူးရသောကျမ်းတစ်စောင်ဖြစ်သည် ။ ထိုစာမူကို တဆင့်လာရောက်ပေးပို့သောကလေးမကိုလည်း(ဆရာကြီးကို ချီးမြှင့်နေကျစာမူခအတိုင်း)စာမူခချီးမြင့်ခဲ့ပြီးဖြစ် ၏ ။ စာအုပ်သည် “sucideသမားတို့၏အခြားကမ္ဘာ”ဟူသောအမည်ဖြင့် ထွက်ရှိလာခဲ့ခြင်းဖြစ်ပြီး ပရလောကသားတို့၏ အကြောင်းနှင့် အဓိကအနေဖြင့် ကိုယ့်ကိုယ်ကို သတ်သေသူများ၏စိတ်ခံစားချက်များကို တိတိကျကျ မြင်သာထင်သာ ရေး သားပုံဖော်ထားသည်မှာ စိတ်ဝင်စားစရာကောင်းလှသလို သံဝေဂရစရာ ဆင်ခြင်အသိဝင်စရာလည်း ကောင်းလှသည် ။

    အထူးသဖြင့် စာဖတ်ပရိသတ်ကို အဆွဲဆောင်နိုင်ဆုံးအပိုင်းမှာ နာမည်ကျော်သရုပ်ဆောင်များ ၊ အဆိုတော်များ ၊ စာပေ ဂီတအနုပညာရှင်များထဲမှ ကိုယ့်ကိုယ်ကို သတ်သေသွားသူများ၏ရင်ဖွင့်ပြောပြချက်များပင် ။ သေဆုံးသူများ၏အမည်နာမ များနှင့် သူတို့၏နောင်တစကားများ၊ လုပ်ဆောင်လိုသောဆန္ဒများကို အသေးစိတ်ရေးသားထားလေရာ ဆရာကြီးကိုယ်တိုင် သွားရောက်မေးမြန်းပြီး ရေးသားထားသလားပင် မှတ်ထင်ရသည် ။ ထိုစာအုပ်နှင့်ပတ်သက်၍ ဝေဖန်ရေးဆရာတို့၏သုံးသပ် ချက်ကတော့…

- ဆရာကြီးသည် ထိုဝတ္ထုအကြောင်း တွေးတောရင်း မုဒ်(mood)ဝင်ကာ ကိုယ့်ကိုယ်ကို သတ်သေသွားခြင်းဖြစ်မည်ဟူ၍

လည်းကောင်း ၊

စာဖတ်ပရိသတ်အများစုကတော့ …

- ဆရာကြီးသည် သေလွန်ပြီးမှ ရေးသားထားသလားထင်ရလောက်အောင် ဆွဲဆောင်အားပြင်းပြီး ယုတ္တိယုတ္တံကျလွန်းလှ

သဖြင့် ဆရာကြီးကို ပြန်ပြောင်းသတိရ နှမြောတသရှိမိပါသည်ဟူ၍လည်းကောင်း ၊

ကြားသိရ၏ ။

ထုတ်ဝေသည့်မဂ္ဂဇင်းတိုက်ကမူ

- ဆရာကြီး သေဆုံးပြီး၃နှစ်ကြာမှ ဘယ်ကမှန်းမသိသောမိန်းကလေးတစ်ယောက် စာမူထုပ်ကြီးကိုင်ကာ ရောက်လာပြီး

ဆရာကြီး၏စာမူဖြစ်ကြောင်းပြော၍ စာမူလာပို့ခဲ့ခြင်းအပေါ် တအံ့တသြဖြစ်လျက်ရှိပြီး အရေးအသားနှင့်လက်မှတ်တို့မှာ

ဆရာကြီး၏လက်ရာမှန်း သေချာနေ၍သာ ယခုကဲ့သို့ ထုတ်ဝေလိုက်ရခြင်းဖြစ်ကြောင်း ၊

ကို စာနယ်ဇင်းရှင်းလင်းပွဲ၌ ဖော်ထုတ်ပြောပြခဲ့သည် ။ ထိုကိစ္စနှင့်ပတ်သက်၍ ပရိသတ်တချို့ကမူ …

- တစ်စုံတစ်ယောက်က ဆရာကြီးကို တုပကာ ရေးသားထားခြင်းဖြစ်နိုင်ကြောင်း ၊

ထင်ကြေးပေးခဲ့ကြသည် ။

    အားလုံးက အုတ်အော်သောင်းနင်းဖြင့် ထိုဖြစ်ရပ်အပေါ် စိတ်ဝင်စားလျက်ရှိသော်လည်း မည်သူတစ်ဦးတစ်ယောက်ကမျှ အဖြေမှန်ကို မစဉ်းစားမတွေးတောနိုင်ကြ ။

- ဤစာအုပ်သည် ဂမ္ဘီရစာရေးဆရာကြီးကဝိခေတ်သစ် သေဆုံးပြီးနောက်မှ ရေးသားသောစာအုပ်လား ၊

- မသေခင်က ဤစာအုပ်ရေးမိ၍ မုဒ်(mood)ဝင်ကာ ကိုယ့်ကိုယ်ကို သတ်သေဖြစ်ခဲ့ခြင်းလား ၊

- စာမူပို့သောမိန်းကလေးက စာရေးဆရာကြီးနှင့် မည်သို့ပတ်သက်နေသလဲ ၊

- ထိုမိန်းကလေးက တုပရေးသားပြီး ဆရာကြီးရေးသည်ဟုဆိုကာ စာပေတိုက်ကို လှည့်ဖျားခဲ့ခြင်းလား ၊

စသဖြင့် သို့လောသို့လောတွေးတောနေခဲ့ကြသည် ။ အဖြေမှန်ကိုမူ ကျပ်သိန်း(၁၀၀)ကိုရင်းနှီးကာ ကုန်စုံဆိုင်ကြီးတစ်ဆိုင် ဖွင့်ထားသော မိအိမ်မွန်တို့သားအမိမှလွဲ၍ ၊ စိတ်အနှောင်အဖွဲ့ကင်းကင်းဖြင့် ကျွတ်လွတ်သွားပြီဖြစ်သော စာရေးဆရာကြီး မှလွဲ၍ အခြား…မည်သူမျှ သိရှိနိုင်လိမ့်မည်မဟုတ်ပါပေ ။

                                                                                                     

                                                              စေတနာရှေ့ထားလျက်

                                                                                                          

                                                                     ဂါဦးနွန်းကို 

https://www.facebook.com/writer.GONKတွင် ဝင်ရောက်လေ့လာရန် ဖိတ်ခေါ်ပါသည် ။ 

- စာချစ်ဆွေတွေအတွက် ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့ စေတနာ ။

- စာချစ်သူချင်း နှစ်သက်ရာစာကို မျှဝေခြင်းဖြင့် ကုသိုလ်ယူပါ ။

- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။