ဆွမ်းတော်ဗျို့…
( ၂၀၁၅ စက်တင်ဘာလထုတ် ကလျာမဂ္ဂဇင်းတွင် ဖော်ပြခံရသော ဝတ္ထုတိုဖြစ်သည် )
ရေးသူ - ဂါဦးနွန်းကို
----------------------------------------------------------------------------------------------------------------
ဝုန်းခနဲထထိုင်လိုက်မိမှ အိပ်မက်ဖြစ်နေမှန်း
သိလိုက်ရသည် ။ သေမှသေချာရဲ့လားဆိုတဲ့အတွေးနဲ့ မျက်လုံးကို အသည်းအသန်ဖွင့်ရင်း နဘေးဝန်းကျင်ကို
လျှောက်ကြည့်မိတော့ ကျွန်မ ရောက်ရှိနေတာ အိပ်ခန်းတစ်ခုတွင်သာ ။ ထပ်သေ ချာအောင် မျက်နှာကို
စမ်းကြည့်သည် ။ အိပ်ရာထစမျက်နှာသည် စေးထန်းထန်းဖြစ်နေ၏ ။ မျက်နှာကို စမ်းရုံမျှဖြင့်
အားမရ သေး…။ နောက်ကျောဆီမှ မဖီးမသင်ရသေးသော ဆံပင်ကို လက်နောက်ပြန်ဖြင့် စမ်းလိုက်မိသည်
။ ဆံပင်မှာ မနေ့ညကအ တိုင်း ရှည်လျားရှုပ်ထွေးနေဆဲ…။ အရာအားလုံးသည် မနေ့ကအတိုင်း…။ ပြောင်းလဲသွားသည်မှာ
ကျွန်မ့စိတ်သာ ဖြစ်သည် ။
ခြင်ထောင်တွင်းမှ တိုးထွက်လိုက်ပြီး ကုတင်ပေါ်မှ
ခြေချထိုင်ရင်း ကျွန်မ ငိုင်နေမိသည် ။ အိပ်မက်ဆိုပေမဲ့ ကျွန်မ မေ့ဖျောက်လို့ မရ…။ အာရုံတွင်
စွဲထင်နေသည် ။ စိတ်မျက်လုံးတွင် ပုံပေါ်နေသည် ။ ဒါပါ အိပ်မက်တစ်ခုပဲ…ဟု ကိုယ့်ကိုယ်
ကို သတိပေးရင်း ဖျောက်ဖျက်ကြည့်သော်လည်း မရ…။ မက်သမျှအကြောင်းအရာတွေက တကယ့်အဖြစ်အပျက်လို
ထင် ကျန်မြင်ယောင်နေရဆဲ…။
“ တီ…တီ…တီ…တီ…”
ညက
နှိုးစက်ပေးထားမိ၍ သူ့ဝတ္တရားရှိသည့်အတိုင်း အသံပြုနေခြင်းဖြစ်သည် ။ နှိုးစက်မြည်ပြီဆိုတော့
၈နာရီခွဲ။ ကျွန်မ အိပ် မက်ကို ကုတင်ထက်မှာပဲ မေ့မေ့ဖျောက်ဖျောက်ထားရစ်ပစ်ခဲ့ကာ အခန်းပြင်သို့
ထွက်လာတော့ အလုပ်သွားမည့်ကျွန်မ့အစ်မ က အတော်ပင်ပြင်လို့ဆင်လို့ပြီးနေပြီ ။ ယူနီဖောင်း
လဲပြီးသွားပြီ…။ မိတ်ကပ် လိမ်းပြီးသွားပြီ ။ ကျွန်မ့ကိုမြင်တော့ မေးနေကျ မေးခွန်းတစ်ခုကို
မေးလိုက်သည် ။
“ ညက ဘယ်အချိန် အိပ်လို့လဲ ။”
“ သုံးနာရီ…”
ကျွန်မ
ပြန်ဖြေလိုက်တော့ အစ်မက နောက်ထပ် ဘာမှထပ်မပြောတော့ ။ မီးဖိုချောင်သို့သွားကာ ထမင်းချိုင့်ထည့်ဖို့
ပြင်နေ သည် ။
“ မမ သမီး အိပ်မက်မက်တယ် ။”
အစ်မက
မျက်လုံးအ၀ိုင်းသားနှင့် တစ်ချက်လှည့်ကြည့်ကာ ဆက်ပြောဟူသောအဓိပ္ပါယ်ဖြင့် မေးငေါ့ပြသည်
။
“ အိပ်မက်က ကြောက်စရာကြီး ။ အိပ်မက်ထဲမှာ သမီးက
ဆုံးလို့တဲ့ ။ မမတို့အမေတို့ ငိုလိုက်ယိုလိုက်ကြတာ ပွက်ပွက်ညံ
လို့ ။ အဲ့ဒါတွေအကုန်လုံးကို သမီးက ဘေးကနေထိုင်ကြည့်နေသလိုမျိုး
မြင်နေရတာ ။ သမီးလေ…တကယ့်အဖြစ်မှန်လို့
ထင်ပြီး တသိမ့်သိမ့်ငိုနေရာကနေ မခံစားနိုင်တော့လို့
ကြုံးအော်လိုက်မိမှပဲ လန့်နိုးလာတာ ။ သိပ်ကြောက်ဖို့ကောင်းတာ
ပဲ ။ နိုးလာတော့ သမီး သေရမှာကို အရမ်းကြောက်နေမိတယ်
။”
ကျွန်မ့စကားဆုံးတော့
အစ်မက ခေါင်းတခါခါနှင့်…
“ နင် ညက အိပ်ခါနီး ဘာအကြောင်းရေးနေတာလဲ ။”
ဟုဆိုသည်
။
“ ဟို…သူငယ်ချင်းတွေနဲ့ ချောင်းသာသွားရင်း ရေနစ်သေသွားတဲ့ကောင်လေးက
ကိုယ့်ကိုယ်ကို သေမှန်းမသိသေးဘဲ ဟို
ဟိုဒီဒီကို
ဝိညာဉ်ဘ၀နဲ့ လျှောက်သွားနေမိတဲ့အကြောင်းလေး ရေးနေတာ ။”
“ အဲ့ဒါပေါ့ဟဲ့ ။ နင်ကလည်း…စိတ်စွဲတာပါ ။ ဘာဆိုင်လို့
နင်က သေရမှာလဲ ။ အလတ်ကြီး ရှိသေးတယ် ။ လျှောက်တွေး
မနေနဲ့ ။”
အစ်မက
မသေနိုင်ပါဘူးဟုဆိုနေပေမဲ့ လူတစ်ယောက် သေသွားပြီးတဲ့နောက် ဘာမှမတတ်နိုင်တဲ့ခံစားချက်ကို
ကျွန်မ အိပ် မက်ကနေတဆင့် ခံစားဖူးသွားပြီ ။ အမှန်တော့ အိပ်မက်ဆိုသည်မှာ မိမိ၏မသိစိတ်
အတွေးတစ်ခုသာဖြစ်၍ ထိုခံစားချက် သည် မိမိအတွေးတွင်ရှိသော စိတ်ကူးယဉ်ပုံဖော်မှုတစ်ခုမှနေ
ပေါက်ဖွားလာရခြင်းဖြစ်သည် ။ အမှန်တကယ် သေဆုံးပြီးသွား လျှင် ထိုထက်မက ချောက်ချားစရာ
ကောင်းလေမလား…ကျွန်မ တွေးကာတွေးကာ ကြောက်နေမိသည် ။
အစ်မက ဖြေရှင်းချက်ပေးပြီးသွားပြီဖြစ်၍
အေးအေးလူလူပင် ထမင်းချိုင့် ထည့်နေသည် ။ ထမင်းချိုင့်ဟု သိမ်းကြုံးဆို လိုက်သော်လည်း
သူ တကယ်တမ်းထည့်နေသည်မှာ ဟင်းချိုင့်ဖြစ်သည် ။ သူ ညကတည်းက ချက်ထားတဲ့ ငါးဖယ်နှင့်ခရမ်း
ချဉ်သီးချက်ဆီကျန်ရေကျန်ဟင်းကို ပန်းကန်တစ်လုံးထဲသို့ ခပ်ထည့်နေ၏ ။ သူ့လက်ရာက ထူးခြားသည်ဟုဆိုရမည်
။ ဆီကို သေသေချာချာမသတ်ဘဲ ခပ်မြန်မြန်ချက်ထားသော နံနံပင်မအုပ်တဲ့ ဆီကျန်ရေကျန်ဟင်းတစ်ခွက်ဖြစ်တာကြောင့်
အရသာ က တစ်မျိုးလေးဖြစ်နေတတ်သည် ။ မချဉ်လွန်းမမွှေးလွန်းဘဲ ချဉ်စပ်စပ်အရသာမျိုးလေးကို
ကျွန်မရော ကျွန်မ့အစ်မပါ နှစ် သက်ကြတာကြောင့် သူ ချက်သမျှဟင်းတော်တော်များများ အဲ့ဒီ့အတိုင်းသာဖြစ်သည်
။
သူက ပန်းကန်ထဲရှိ ရွှေဒင်္ဂါးပြားအရွယ် ပြားပြားချပ်ချပ်ငါးဖယ်ဆယ်လုံးကို
ခရမ်းချဉ်သီးအရည်အနှစ်တွေနှင့်အတူ အလယ်မှနေ တစ်ဝက်စီ ခွဲလိုက်ကာ ကျွန်မ့အတွက် ဝေစုကို
နဘေးသို့ အသေအချာတွန်းပို့လိုက်ပြီးမှ ငါးဖယ်ငါးလုံးကိုကြည့် ရင်း လောက်မလောက်ချိန်ဆနေပုံ
ရသည် ။
“ ဟဲ့…နင် လောက်တယ် မဟုတ်လား ။”
ဟူ၍လည်း
သေချာအောင် မေးလိုက်သေးသည် ။ ကျွန်မ့ဆီမှ လောက်ပါတယ်ဟူသောအသံကြားမှသာ သူ့အတွက် ခွဲယူ
ထားသည့်ငါးဖယ်ငါးလုံးကို ဟင်းချိုင့်ထဲသို့ ထည့်ကာ အလုပ်သို့ ထမင်းချိုင့်ကိုဆွဲလျက်
ထွက်ခွာသွားသည် ။ ဒီလိုနဲ့ ကျွန်မ အိမ်မှာ တစ်ယောက်တည်း ကျန်ခဲ့ရပြန်ပြီ…။
အိမ်မှာ တစ်ယောက်တည်း ကျန်ခဲ့နေကျဖြစ်တာကြောင့်
ကျွန်မ့အတွက်က အဆန်းတကြယ် မဟုတ်တော့ ။ အိမ်တစ်အိမ် လုံး ကိုယ်တစ်ယောက်တည်းဖြစ်၍ စာရေးလျှင်လည်း
ရေးသည် ။ စာဖတ်လျှင်လည်း ဖတ်သည် ။ ကိုယ် လုပ်ချင်တာကိုသာ လွတ်လွတ်လပ်လပ် အနှောင်အဖွဲ့ကင်းကင်း
လုပ်နေရတဲ့ဘ၀ကို ကျွန်မ ခုံမင်တတ်လာပြီ ။ ဒါပေမဲ့လည်း တစ်ခါတစ်ရံ စာ အရေးအဖတ်များလို့
ဇတ်ကြောတွေ တက်လာလျှင် မေမေ့ရဲ့ “ ဟယ်…ဒီကောင်မလေး စာတွေချည်း ဖတ်နေတာပဲ ။ လာ… အမေနဲ့အတူ
မှို့လာသွပ်ဦး ။ ပြီးရင် ဒီဖုံ(ကူရှင်)လေးတစ်ခု သမီး ယူပေါ့ ။”…ဟူသောကရုဏာဒေါသောခိုင်းသံလေးကိုလည်း
ကောင်း ၊ “ လာပါဦး သမီးရယ် ။ စာချည်း ရေးမနေပါနဲ့ ။ ကြိုးစားတာလည်း ကြိုးစားပေါ့ ။
ကျန်းမာရေးနဲ့ ညီညွတ်အောင် လည်း နေရမယ်လေ ။ လာ…ခြံထဲမှာ အမေနဲ့ ပန်းပင်စိုက်ရအောင်
။”…ဟူသော စကားသံလေးများကိုလည်းကောင်း ကျွန်မ မကြာမကြာ ကြားယောင်နေမိသည် ။ ဘာပဲပြောပြော
ကျွန်မ့အရွယ်က မိခင်ရင်ခွင်ရိပ်မှာပဲ ချွေးသိပ်ချင်သေးသည့် နားခိုချင် သေးသည့်အရွယ်
မဟုတ်လား ။
ညက အိပ်မက်ကြောင့်လား
မပြောတတ်…။ ကျွန်မ မနက်စာ ဘာတစ်ခုမျှ မစားချင်သေး၍ အိမ်ရှေ့ဒန်းတွင် ထွက်ထိုင် ကာ ပန်းပင်တွေကို
ငေးကြည့်နေမိသည် ။ ကျွန်မ့သာ မဟုတ်…ပန်းပင်တွေလည်း မေမေ့ကို သတိရနေလေမလား မပြော တတ်
။ မေမေ အိမ်တွင် ရှိနေစဉ်က နေ့စဉ်လိုလို ပန်းပင်လေးတွေကို ဆင်းကြည့်ကာ ဘယ်ဟာလေးကဖြင့်
အဖူးဖူးနေပြီ ။ ဘယ်ဟာလေးကဖြင့် ပန်းပွင့်နေပြီ…ဟူ၍ ၀မ်းသာအားရကြွေးကြော်တတ်သည် ။ ပန်းကလေးတွေခမျာလည်း
သူတို့ကို ချီး ကျူးမည့်သူ ရှိ၍ထင့်…နေ့တိုင်းနေ့တိုင်း ပွင့်လိုက်ဖူးလိုက်ကြတာများ
အလွန်အကျွံ ။ ယခုများတော့ ပန်းပင်လေးတွေအားလုံး အပွင့်အဖူး ကင်းမဲ့ကာ ညိုးရော်သွေ့ခြောက်နေသလို…။
မေမေနှင့်ဖေဖေ နယ်ကို ပြောင်းသွားရတာ နှစ်နှစ်ပြည့်တော့မည်
။ အိမ်ထောင်စုတစ်ခု ခန့်ထည်လုံလောက်စွာ စား သောက်နိုင်ဖို့အတွက် မိသားစုတွေ ခဏတာ ခွဲနေရပေမဲ့
ပထမတစ်နှစ်ကတော့ ကျွန်မ အားငယ်စိတ် သိမ်ငယ်စိတ် သတိရ လွမ်းဆွတ်စိတ်တွေနဲ့ စိတ်ဆင်းရဲကိုယ်ဆင်းရဲဖြစ်ခဲ့ရသည်
။ မိဘတွေနှင့် မကြာခဏ ဖုန်းပြောရပေမဲ့ အာသာမပြေ…။ မေမေ့ ရင်ခွင်မှာ ခေါင်းလေးတိုးပြီး
ဟိုအရင်တုန်းကလို နွဲ့ဆိုးဆိုးချင်မိ၏ ။ နို့ပေမဲ့ ကျွန်မ ထိုသို့ဖြစ်နေသည်ကိုသာ မေမေတို့သိကြ
လျှင် ပိုလို့ပင် စိတ်မကောင်းဖြစ်ကြရမည် ။ ကျွန်မ့ကို သနားတာကြောင့် အလုပ်တာဝန်တွေ
ပစ်ပြီး မေမေ ကျွန်မ့ဆီ ပြန်လာ လိမ့်မည် ။ ကျွန်မတို့အတွက် ကြိုးစားလုပ်နေတဲ့မေမေဖေဖေတို့ရဲ့အလုပ်တွေကို
ကျွန်မ့ကြောင့် မလစ်ဟင်းစေချင် ။ မပျက် စီးစေချင်…။ ဆယ့်ရှစ်နှစ်ပြည့်ပြီးသောကျွန်မ့သည်လည်း
မေမေ့ကို အတုယူလျက် ရင့်ကျက်တည်ငြိမ်သော မိန်းမတစ် ယောက်ဖြစ်အောင် ကြိုးစားရမည် ။
ထိုင်နေရာမှ ဆတ်ခနဲ ထလိုက်စဉ် ခေါင်းထဲမှ
မူးခနဲမိုက်ခနဲဖြစ်ကာ ရုတ်တရက်ဘာဖြစ်သွားမှန်း မသိ ကြယ်တွေလ တွေ မြင်သွားရ၍ ပြန်ထိုင်ချလိုက်ရသည်
။ ဘာဖြစ်သွားတာပါလိမ့်…အမြင်အာရုံတွေ ပြန်လည်ကြည်လင်လာတော့ ကျွန်မ ပထမဆုံး ခံစားမိလိုက်သည်မှာ
ဂျို(ချို)စောင်းမှ ပူရှိန်းရှိန်းခံစားမှုကိုဖြစ်သည်။ ပူနွေးရာမှ တဖြည်းဖြည်းနာကျင်လာသည်
။ ထိုအခါမှ ဂျိုစောင်းကို လက်ဖြင့်ပွတ်ရင်း အနောက်ဘက်သို့လှည့်ကြည့်မိတော့ ဖွင့်ထားသောပြတင်းပေါက်နှင့်
ဒန်းအပေါ် တည့်တည့်တွင်ရောက်ရှိနေသော တံခါးဘောင်ကို တွေ့လိုက်ရ၍ စောစောက ကျွန်မ ဘာဖြစ်သွားသလဲဆိုတာကို
သိလိုက် ရ၏ ။ ဖြတ်ခနဲ အိပ်မက်ကို သတိရသွားပြန်သည် ။
အိပ်မက်ထဲတွင် ကျွန်မသည် ကတုံးမအဖြစ်နှင့်
ကွပ်ပျစ်တစ်ခုပေါ်တွင် လှဲနေရပြီး ဘေးပတ်ဝန်းကျင်တွင် အိမ်သူအိမ် သားများ ဆွေမျိုးညာတိများ
ရပ်ဆွေရပ်မျိုးများ စုံလင်စွာ ရောက်ရှိလို့နေကြသည် ။ အားလုံးက မဆုံတာကြာလှပြီဖြစ်၍
ပြန် လည်တွေ့ဆုံပွဲကြီးလို စကားထိုင်ပြောနေကြသည် ။ ငိုဟယ်ယိုဟယ် သိပ်မရှိလှ…။ ငိုတဲ့သူမှာလည်း
ခဏသာဖြစ်သည် ။ ယခုအခါ ကျွန်မ့ကို ချစ်လှပါချည်ရဲ့…ကြိုက်လှပါချည်ရဲ့ဟုဆိုလျက် အနောက်က
တကောက်ကောက်လိုက်နေတတ်သော ပုရိသအချို့မှာ ကျွန်မ့ကို စေ့စေ့မကြည့်ရဲသည့်အလား ရုပ်အလောင်းနှင့်
ခပ်လှမ်းလှမ်းတွင် ၀ိုင်းစုထိုင်ကာ လက်ဖက်သုပ်ကို တွင်တွင်စားနေကြသည် ။
ကျွန်မ့ရုပ်အလောင်းက
ကွပ်ပျစ်ပေါ်တွင် လဲနေသော်လည်း ကျွန်မက အားလုံးကို မြင်နေရ၏ ။ အသံအားလုံးကိုလည်း ကျွန်မ
ကြားနေရ၏ ။ တချို့က ရပ်ရေးရွာရေး တိုင်ပင်နေကြ၏ ။ တချို့က ဆွေရေးမျိုးရေး သားရေးသမီးရေးတွေ
ပြောဆိုနေ ကြ၏ ။ တချို့က စီးပွားရေး လူမှုရေးတွေ ဖလှယ်နေကြ၏ ။ တချို့က ကျန်းမာရေး ဘာသာရေးအကြောင်း
ဆွေးနွေးနေကြ ၏ ။ ကျွန်မ့အသုဘမှာ လူစည်ကားပေမဲ့
ကျွန်မ့အကြောင်းပြောနေသူမှာ မရှိသလောက်ကို ရှားနေသည် ။ တစ်ချက်တစ်ချက် အင့်ခနဲအင့်ခနဲ
ရှိုက်လိုက်တဲ့ ရှိုက်သံရှည်ကြီးကို ကြားလိုက်ရ၍ ကျွန်မအတွက် ငိုကြွေးနေသူကို ရှာဖွေမိတော့
ထိုသူမှာ မေမေ ဖြစ်နေသည် ။
မေမေ
ငိုနေသည် ။ မေမေ ငိုရလွန်းလို့ မျက်ဝန်းတွေ မို့အစ်နေပြီ ။ ပါးပြင်နှင့်နှုတ်ခမ်းတစ်ဝှိုက်
နီရဲတွက်နေပြီ ။ အသက် ရှူသံတွေ မြန်နေပြီ ။ မျက်ခုံးကြောတွေ တွန့်ခေါက်နေပြီ ။ အသံတွေ
ကွဲအက်နေပြီ ။ ဒါပေမဲ့ သမီးလေး သမီးလေး…ဟူ၍ ရေရွတ်ရင်း မေမေ ငိုနေဆဲ…။ ကျွန်မ မေမေ့ကိုကြည့်ရင်း
ဝမ်းနည်းလာမိသည် ။ မျက်ရည်တွေ ရစ်ဝဲလာမိသည် ။ စောစော ကလူတွေကြောင့် ကျွန်မ လူ့ဘ၀ကြီးကို
စိတ်ကုန်မိပေမဲ့ ကျွန်မ မသေချင်တော့ ။ မေမေ့ကို စိတ်ချမ်းသာစေချင်သည် ။ ယူ ကြုံးမရတဲ့ကြေကွဲမှုတွေနဲ့
ကျွန်မ ငိုကြွေးနေရာက ကြုံးအော်လိုက်မိမှ အိပ်မက်က လန့်နိုးလာခဲ့သည် ။
“ ဆွမ်းတော်ဗျို့……”
“ ဒူ…ဝေ…ဝေ…”
အော်လံဖြင့်အော်လိုက်သော
ကိုယ်ရင်လေးတစ်ပါး၏အော်သံနှင့်အတူ ကြေးစည်သံဒူဝေေ၀ကိုလည်း တစ်ဆက်တည်း ကြား လိုက်ရသည်
။ ကျွန်မ့အတွေးစတွေ လွင့်ပြယ်သွားကာ အသံလာရာကို နားစွင့်နေမိ၏ ။ ယခင်နေ့များက အမှုမဲ့အမှတ်မဲ့နေခဲ့
မိ၍ ဆွမ်းတန်းကြွလာပေမဲ့ အသံမကြားမိ…။ ကြားမိလျှင်လည်း ကိုယ်နှင့် မဆိုင်သကဲ့သို့ ထွက်၍ပင်
မကြည့်…။ ယခုများ တော့ ဆွမ်းတော်ဗျို့ဟူသောအသံနှင့်ကြေးစည်သံဒူဝေေ၀က ကျွန်မ့အတွက် နားဝင်ချိုမြိန်နေသည်
။ နားထောင်၍လည်း ကောင်းနေသည် ။ စည်းချက်ကျနသည်ဟူ၍လည်း ခံစားမိသည် ။
ဆွမ်းတန်းက ညာဘက်လမ်းအတိုင်း ကြွလာမည်မှန်းတော့
ကျွန်မ သိသည် ။ မေမေ ရှိတုန်းက နေ့စဉ် ဆွမ်းဟင်း ထွက် လောင်းတာကြောင့် ကျွန်မ ထိုသို့
သိနေရခြင်းဖြစ်သည် ။ နိဗ္ဗာန်ဆော်သံသာကို ကြားလိုက်ရ၍ ကျွန်မ့စိတ်တွေ ကြည်နူးသွား မိတာတော့
အမှန် ။ အော်လံနှင့်အော်နေသောကိုရင်လေး ကျွန်မတို့ဘေးအိမ်ရှေ့သို့ ရောက်ရှိလာပြီ ။
နောက်တွင် ကြေး စည်ကို တဒူဒူထုရင်း လိုက်ပါလာသောကျောင်းသားလေးကိုလည်း မြင်နေရပြီ။ သံဃာတော်တွေလည်း
ကြွချီလာတော့မည် ။
နံနက်ခင်းနေရောင်ခြည်အောက်တွင် သင်္ကန်းညိုဆင်မြန်းလျက်
သွယ်တန်းကြွချီလာကြသော သံဃာတော်များကို ငေး ကြည့်ကာ ကျွန်မ ကြည်နူးလေးမြတ်စွာနှင့်
လက်အုပ်ချီမိုး ပူဇော်ကန်တော့မိ၏ ။ နဘေးအိမ်မှအန်တီကြီးက ဆွမ်းဟင်းပန်း ကန်လုံးလေးကို
လက်နှစ်ဖက်ဖြင့်ကိုင်ကာ ကျောင်းသားလေးတွေကို ရပ်စောင့်ရင်း သံဃာတော်တွေကို ကြည်ညိုစွာ
ငေး ကြည့်နေလေသည် ။ ရုတ်တရက် ကျွန်မ တစ်ခုခုကို သတိရသွားမိကာ အိမ်ထဲသို့ ပြေးဝင်သွားလိုက်သည်
။ ကြွချီလာသော သံဃာတော်တွေက ကျွန်မ အိမ်ရှေ့ကိုပင် ရောက်ရှိလာတော့မည် ။
ကျွန်မ စားပွဲအုပ်ဆောင်းကို အမြန်လှပ်လိုက်သည်
။ အုပ်ဆောင်းအောက်တွင် ကျွန်မနှစ်သက်သော ငါးဖယ်ဆီကျန်ဟင်း လေးက သူ့ကို စားတော့မလားဟု
မျက်စပစ်ပြနေသလိုပင်…။ ကျွန်မ မတွေဝေပါ…လျင်မြန်စွာ ဆုံးဖြတ်လိုက်ပြီး ဆွမ်းဟင်း ကိုကိုင်လျက်
ခြံထဲသို့ အပြေးဆင်းလာမိသည် ။ သံဃာတန်းကြီးက ကျွန်မ့အိမ်ရှေ့မှ ကျော်လွန်သွားပြီ…။
“ ကျောင်းသား…ကျောင်းသား…”
ကျွန်မ
မတိုးမကျယ်အော်ခေါ်လိုက်တော့ တံခါးဝကို ကျော်သွားပြီဖြစ်သောဆွမ်းချိုင့်ဆွဲကျောင်းသားလေးက
အနောက်သို့ ပြန်လှည့်ကြည့်သည် ။ ဆွမ်းဟင်းခွက်ကို ကိုင်လျက် လှမ်းကြည့်နေတဲ့ကျွန်မ့ကိုမြင်တော့
ပြန်လှည့်လာကာ အုတ်ခုံပေါ်ဆွမ်း ချိုင့်တင်ပြီး ချိုင့်ခွက်အလွတ်တစ်ခုကို ဖွင့်ပေးသည်
။ ကျွန်မ နိဗ္ဗာန္နပစ္စေယော ဟောတုဟု ရည်စူးကာ ဆွမ်းဟင်းတွေကို ချိုင့် ခွက်ထဲသို့ ကုန်အောင်
လောင်းထည့်လိုက်မိ၏ ။
ကိုရင်လေး၏ဆွမ်းတော်ဗျို့ဟူသောအော်လံသံကိုလည်း
ခပ်တိုးတိုးသာ ကြားရတော့သည် ။ သံဃာတော်တွေလည်း တစ်ဖက်လမ်းထဲသို့ ကြွသွားကြပြီ ။ ကျောင်းသားလေးလည်း
အိမ်ရှေ့က ထွက်ခွာသွားပါပြီ ။ ရင်ထဲတွင် စွဲထင်ကျန်နေသော ပီတိအတွေးတွေကြောင့် ကျွန်မ
အားပြည့်နေသလို ခံစားမိ၏ ။ ကျွန်မ သေမှာကို တွေးမကြောက်တော့ပါ ။
စေတနာရှေ့ထားလျက် ...
ဂါဦးနွန်းကို
https://www.facebook.com/writer.GONKတွင် ဝင်ရောက်လေ့လာနိုင်ပါသည် ။
- စာချစ်ဆွေတွေအတွက်
ဆရာမဂါဦးနွန်းကိုရဲ့စာပေမှတ်တိုင်တွေကို တစ်နေရာတည်းမှာ စုစည်းဖော်ပြပေးလိုတဲ့
စေတနာ ။
- စာချစ်သူချင်း နှစ်သက်ရာစာကို
မျှဝေခြင်းဖြင့် ကုသိုလ်ယူပါ ။
- စာပေကို ချစ်မြတ်နိုးပေးတဲ့အတွက် ကျေးဇူးတင်ပါတယ် ။
